#صرخات_غير_مسموعه

#بقلم ام غايب

#البارت 18

ولا كانما احجي رأساً بعدني احجي مااحس اله ضربه طلقه فيت براسه ......انصدمت فتحت عيني ولزمته من وكع ذب ثكله عليه

هاااي شسوويت

صادق ......صادق ......لك مات ......لك مااااااات .

كعدت وصار راسه على رجلي ويجري دم ......كمت ابجي بصوت عالي ......كوووم صادق ......لتموت .....اني مالي دخل والله

جان عندي سلاح وخرت راس صادق وكمت الـ بكر ووجهته على راْسه وجماعته يحبو عليه أقسام وموجهين اسلحتهم عليه وهو يحجي ببرود

لك حقيرررررر شسويت انت
لك حقيرررررر شسويت انت

هو وله احمد شيفرقون ليش تأثرت

صادق بريئ

بكر/بالحالتين هذا روح وذاك روح .....هاي سالفه تقنع روحك بيهه

يلله شو متضربني ....يا جبان شمنتظر

يجي يوم يا بكر وروحك اني اخذهه بيدي

حلو......حلوو 👏🏻👏🏻👏🏻👏🏻هسه انت بديت تصير فول

رجعت على صادق ......روحي راحت .....شسويت اني....شسويت .....اني مو مشك

اتصل بيه اثير بهاللحظه مكدرت اجاوبه.....روحي تريد تطلع من مكانهه من اباوع على صادق كلبي يوجعني حيل ......شنفرق عن بكر انت يا عمر شتفرق هسه
دخلت للحمام ......تقيئت من راسي من اتذكر المنظر من كتلت احمد مو هيج تأذيت .....او متأذي وحيل بس أكابر واكول هو ظالم ......ممستوعب عقلي اني وين وصلت

طلعت من الحمام بس بدون صوت مسمعوني ومجنت متقصد اطلع هيج بس اني تعبان احس كلشي بجسمي راخي الصدفه خلتني اسمعهم

- [ ] - [ ] - [ ] - [ ] عدنان/انت ليش متكتله وتخلصنه منه

لك انت اكو مطي براسك غير منتظر خبر ....من يحتاجون جسمه نذبحه ونخلص منه

يعني راح تبدي. تتاجر بالاعضاء

اششش غبي ....راح تفضحنه

بس هاي السالفه مو سهله

نفس الشي غبي ..

هنا عرفت اني بكر مخليني استخدام بين ميجي الاتصال واني اكول شيسوي بيه وليش مجلب بيه .....واني ماافيده .....منصدمت.....لان الي شفته من بكر ميخليني انصدم بأي شي يفكر بي .......والأقوى انو بكر منظم الخليه يعني مو بس هو
يعني اي شخص يقربلي هسه هو مهدد

رجعت الباب الحمام طبكته حيل وطلعت

بكر/ها شنو وضعك هسه

هزيت راسي ....زين ....بس نظراتي جانت مو طبيعيه مااكدر اتحكم بيهن

....ردت اطلع ....كال وين

شعليك انت .....مو الهنا وخلصنه هذا اتفاقنه

الله وياك

طلعت من يمه لو مسامعه جان صدكت ال الله وياك

دخلت بالسياره تجيت راسي وغمضت عيني ......منين مااجيبهه ماكو مخرج

كمت افتر بالسياره حسّيت روحي اختنكت حيل بعد مااكدر أتنفس منظر صادق ميروح من عقلي ابد
مخايف على نفسي ابداً بس خايف عَل داير مدايري
وجهت السياره على بيت اهل شيرين

رجع اتصل اثير ....عليه

وينك عمر وينك راح تخيلته صارلي يومين حتى بيتي مشايفه من وراك

اني شكتلك اثير ....مو كتلك اطلع منهه

ياريت لو اكدر اخذ بكلامك واكول طبه مرض بس للأسف مكدرت .....عمر .....الحد الان ملاكين جثة احمد ....وهذا الشي الصالحك....الكل يعرف احمد مخطوف ....سافر وخلصنه الله يخليك

اخوك بكر ديدور عليك هم كافي تعبتنا ولي سافر وخلصنه

مااكدر

ليش

مااريدك ....مااريدك انت أمك شيعيه واني حاقد عَل شيعه مااريدك صديق الي افهم هذا الشي يا بشرر افهم .....مااريد صحبتك
مجنت لاكي حجه غير هاي بلكت يبعد عني ......مااريد بكر يستخدمه ورقه رابحه كافي شيرين

انجب بابا وبطل سوالفك ....ادري بيك دتحجي هيج حتى تبعدني.....لازم تورطت هواي ويه بكر .....مو صحيح

عوفني اثير .....عمر انتهى

شكتلك يا عمر ....شكتلك

كتلي هواي وكلبي جان رايد هواي .....واني مشيت وره كلبي ..

انت نشرت الفديو مال شيرين ....شفت انحذف بسرعه

اهلهه متخلفين وجبناء .....براءة بتهم بهذا الفديو

لك مطي انت ميت مره كتلك انت متفهم بالعادات مطي .....مطي والله مطي هاك هسه انت ضيعت روحك شيرين عايشه يم زوجهه واهلهه كاعدين بس انت ....انت شنو من بشر ماادري ماعندك رجمه على امكً.....لو شايفهه مثل الطفل عيونهه تدور الباب كل شويه عبالهه انت اجيت
سديته بوجه اثير وغلقت موبايلي

بقيت اباوع على بيت اهلهه ....هو اني ضايع ضايع ....كوّن هسه تلزمك يا مجيد واركعك طلقه براسك

ضحكت بصوت عالي .......والله شكلك صرت مجرم فول يا عمر ...على كولة بكر

.....................................

شيرين/جنت اسوي عشه مااحس اله سمعته

هسه انطيك هاااا شكلت

خليت ايدي على كلبي .....راد يطلع من مكانه واني انتظر جواب حسن

طبعاً لا ابن الكلب شلووون تحجيهه انت ...امشي اطلع بره وكام يدفع بي باوعت علي وطبك الباب حيل

احس النفس رجعلي الحمدلله
هاي جنتي ماده.راسج حيوانه واجه عليه

لا ....لا والله من. طلع

دفعني حيل عَل حايط وبقه يلوب .....يروح منا ويجي منا ويكفر ويكسر بالأغراض وساعه يجي يدفرني لو يتفل عليه

كووومي من كبالي

عفته ورحت للغرفه جنت أصلا اريد أكوم بس اخاف منه كبل نمت بفراشي

..........................

عمر /ظليت افتر بالشوارع ماعندي مكان اروح بي مااريد ارجع البيتنه جان مفروض اليوم اسافر على اتفاقنه اني وبكر اخويه فتت من يم بيت شيرين رجعت طلعت

رجعت اتصلت على اثير

تعبان حيل يا اثير ....ومحموم من كلشي موجود بهاي الدنيا
تعال

لا مااريد....

اثير.....مجنت رايد شي من الدنيا .....جنت اريد أعيش حالي حال كل بشر .....حبيتهه وردت اتزوجهه بشنو غلطت ....فهمني .....ليش الدنيا عكست هيج وياي

شنو الحب حرام

انت حبك مو طبيعي مقبلو اهلهه هذا هو جان مفروض تعوفهه

اكلك احبهه .....حبيتهه من كل كلبي ....كعدت ابني أحلام وحتى بيتنا بأحلامنا رتبنا .....ليش اعوفهه ...ليش مو همه الي مفروض يقتنعون

عموري ....صار الي صار بعد بس انت ضيعت روحك ماكو احد يموت وره احد بس انت موتت روحك وانت عايش

اطلع من بكر بعدك بالبدايه لتغرك وَيَا بعد اكثر ....

تعال عمر ....تعال يمي هسه خل نسولف
ماشي جايك

رحت الأثير بيومهه وصعدت يمه بغرفته .....محجه وياي حاول يهدئني ....حسيته يعاملني مو كانما صديق كانما ابويه شبكني .وكام يبجي

بقيت واكف بمكاني وهو يبجي

لك ليش يا عمر ضيعت روحك .....لك اني ميت ....والله ميت من يوم ما انت ضعت جان مفروض اني اضربك طلقه اعوقك ومااخليك تدخل هذا الدرب

ردت اروح بدون مااحجي .....جرني تعال.....راح اسكت ....تعال نام يمعود ....باوع شكلك صاير يخوف

جابلي حبايه منوم من امه .....ضربتهه بقيت اتكلب

عمر/شوكت تخلص التطلع ....اشتاقيتلج حيل
اووف من مجيد شوكت يقتنع

شيرين/اووف يا جدو ....

عمر/راح اخابر اخويه وخلينه نجرب حظنه بكر صاحب اللسان حلو بلكت الله يقتنع جدج ....بس والله اني الي كاتلني ابوج ....يعني انتي مو تكولين ابويه ميمانع ومو طائفي
عمر جدو مو طائفي

جدج مو طائفي لعد هسه من مقابل بيه لان سني شنو معناهه ....اخخخ يا شيرين شكو بيهه لو هسه انتي يمي وهسه حالياً نريد نسافر لان عطله نتونس كم يوم يم اهلي ونرجع من يباس الدوام ويوميه نروح سوه

اوووف هذا حلم

لا مو حلم ....لتكولين حلم ...لان يتحقق غصباً عن شوارب جدج

شمدريك عنده شوارب

شفته ...

عزززه وين شفته

هو كبالي واكف كاعد اشوفه واكف بالباب ديتفلسف برأس الشباب

عزززه عمر
ماالله يهديج وذاك الشباك من فوك تخليني اشوفج

روح عمر ....روح عزززه والله العظيم راح تصير بيه جلطه لو تموت مااطلع ....اذا تحبني روح

اني احبج وأموت عليج اختاري لعد لو تدريبي صوره لو تطلعين

لا اطلع ولا ادز صوره

ضربت الحايط حيل خرررررره بيه

اثير/شبيك عمر

كلشي صار من ورايه ......لحيت عليهه تدزلي صور لو مماخذ صورهه جان مصار الي صار ابداً

عمر .....شي صار والندم مراح يغير شي .....صار بعد شتسوي

تعبان ....تعبان يا اثير تعبان .....شيرين مااعرف شديصير بحياتهه
مو كلت تزوجت

اي ....ممرتاح الزوجهه ....هذا الولد كلي يكبسل ويشرب ....ماادري مرتاحه وَيَا لو لا

كافي عوفهه ....شوف روحك شلون ضعت ....انت مو طبيعي ..

تدري شوكت ارتاح اني صح ضعت

هااا عمر ...جنت تكول ارتاح من اكتل الي سوه بشيرين هيج ....هسه شنوووو رحمه الدينك كافي

ارتاح من أتأكد شيرين مرتاحه ....وراهه عادي خل انسجن انعدم

حبك مو طبيعي مااكو هيج حب

احبهه اثير....احبهه ....عوفك من الحب من اتذكر الي صار بيهه بسببي اموت ....يعني اني بدال مااحميهه اني دمرتهه
وهاي حوراء الساقطه .....طلعت هيه سوست البله

بس لا هم مقرر تنتقم من بنيه

لا....هاي راح اعوفهه هيه وربهه لان بنيه مااكدر العب بعرضهه للأسف

زين انت مجرم حباب على كولة اخت شيرين الخبله

شكد جنت ضايج شكد ماهاي الكلمه خلتني ابتسم

اثير/بس تره هاي خبله اخت شيرين اللسانهه طويل وفوك هذا جبانه

انت شبيك شو قفلت عليهه

لا يمعود لا قفلت ولا شي .....الله يبعدني ....مااريد أصير اربعه ارهاب من وراهن حفيدات شسمه

عمر/مجيد

الله يبعدنه عن مجيد
شويه بديت انعس بس عيوني متاخذ نوم مدري شلون غفت عيني

فزيت ....بكر اخويه وأثير وواحد ثالث وياهم مااعرفه اسمعهم يسولفون فتحت عيني لكيت الثالث لابس بدله عسكريه فزيت

بكر/اهلا استاذ عمر .....تعبت حضرة الضابط وهو ينتظرك

فزيت كمت من فراشي ....شديصير ماادري خزرت اثير

الضابط/اهلا استاذ عمر .....ليش هيج شالع كلب اخوك

شديصير مااعرف

سمعت من اخوك .....ارتكبت جريمة قتل ......وجريمة القتل عليهه اعدام اذا متعرف بهذا الشي

بقيت صافن بوجهه هم جنت نايم وهم اكعد على هذا الكلام ومااعرف شنو الوضع يعني بكر اخويه بلغ عليه

عمر/يعني المطلوب مني هسه اني اكلبش ايدي لو انت تكلبشهه مفهمت
لا المطلوب منك تتعاون ويانه حتى نقبض على بكر
اذا جنت تريد تنقذ نفسك

شتريد انطيك عنوانه مثلا

حسين/لا ....شنسوي بعنوانه واحنه ماعدنه شي ضده

عمر."/واني المطلوب مني شنو بهاي الحاله

تطلع وَيَا بالعمليات وتتقرب منه

مااكدر ....بكر بأي لحظه يطيرني.....منتظر اتصال يريد يتاجر بأعضائي

حسين/اعرف......كل هاي المعلومات عرفتهن من اول مكلي اخوك بكر .....تطقست علي .....وهاي مو اول مره .....انت دخلت بمنظمه كلش جبيره ومو سهله مثل متتوقع وبعد متكدر تطلع

انت اختار لو من طرفنه لو من طرفهم

بكر/حسين احنه متفقنه هيج ....هيج اني اودي اخويه للموت من حجيتلك علمود تشوفني مخرج
حسين/بكر انت اخويه وأخوك بعيوني اخلي .....بس هذا الواقع ....اخوك تورط وبالحالتين بالخطر حياته بس هو يحدد بأي جانب ينقذ وطنه لو يفلش وطنه

كعدت عَل جربايه ودنكت راسي

اثير/خل يسافر ....بكر انت مو كلت يسافر

حسين/لو يروح للمريخ يوصلوله بكل مكان الهم أعضاء انتو تدرون احنه صارلنه شكد

بكر/حسين لتخليني اتندم لان كتلك

حسين/كتلي لو مكتلي اخوك بخطر

بكر/مااعرف اني كتلك حتى تساعده انت صعبتهه يعني شنو لو بالخطر لو الخطر نفس الشي ....عوفهه اطلع منهه اني احمي اخويه

حسين/بكر .....اني كاعد احاول أساعده

اثير/شتساعده وهو بكر الخايس يتاجر بالاعضاء يعني بأي لحظه ينهوو

اني كاعد واسمع الهم وساكت مااحس اله بكر اجه عليه ونام على خوانيكي
لك شسويت ....شسوويت فهمني ....لك وين دخلت روحك ودخلتنه

عمر/اني موافق ....بس بشرط

شنو الشرط

اكيد كلك بكر على شيرين .....اريد تحميهه

مااحس اله بكر ضربني وكوه وخرو مني الضابط وأثير

لك رااااح تموتني والله ....لكم كلولي هذا طبيعي ....لك كلشي صار بيك من وره شيرين

لا هيه صار بيهه من ورايه انت غلطان اني اخذت صورهه واني محافظت على صورهه انعدمت من الحياة بسببي عايشه بس بالاسم

لك بس باوع الروحك وين وصلت وبيش كاعدين نتناقش ....لك بفضلك كاعد نسولف بالمجرمين

ردت اطلع .....صاح بكر
وين موولي

الجهنم
ان شاء الله واخلص منك يا سافل

سويلي طريق اثير

حسين/اوكف عمر لازم نتفاهم

عمر/انتظرك جوه

........................................

شيرين/النهار كله افكر بلي صار البارحه وحسن وضعه مو طبيعي فكرت بس اشوف محمد اسولفله على حسن .....بلكت يشوف حل

البارحه هو منام وحاير يروح منا ويجي منا ووجهه يتعرق وراهه طلع ولل٨ بليل يالله اجه

جنت كاعده بالهول اول مفتح الباب فزيت لا ارادياً

شبيج فزيتي

ها ...مفزيت
لا فزيتي ......واجه عليه سريع شو كومي

شنووو بخوف

شضامه جواج

ماعندي شي والله صامته ....كام يدور ودفعني.....وجه الفكر ....ساقطه

وكعد عَل قنفه

تعالي نزعيني الحذاء بت الحذاء

رحت نزعته حذائه مااحس اله دفرني برجله

كااافي

ووجع انتي هذا مستواج وهواي عليج كومي وخري مااريد اشوف خلقتج

كمت رحت للغرفه .....طفيت الكلوب وتمددت عَل جربايه وغطيت روحي وكمت ابجي تعبت من الذل .....ابويه ذبني هنا وحتى ميسألني عن حالي ويه حسن .....عمر عايش حياته وهو سبب دماري كلشي صار بيه بسببه واني الوحيدة الي دفعت الثمن

ظليت متمدده الى ان غفيت

جنت نايمه على بطني.....فزيت على واحد يتلمس بجسمي ......بقيت مثل الصنم .....بس دموعي تنزل .....ريحته تعط من الشرب .........

شنو هذا الجسم

من سمعت الصوت فزيت ...... .....مو صوت حسن .....جمدت بمكاني احاول اوهم روحي لان نايمه

حسن

لا

رأساً بجيت واني بمكاني متحركت مااعرف شسوي لو شنو ديصير

منو انت

محجه وبس يتلمس بجسمي استوعبت هذا مو حسن ولا متوهمه عطت بصوت عالي .....حسن
وحاولت أكوم جان ثكيل حيل واني على بطني

وخررررر.....عوووفني

كمت اصرخ سد حلكي

كمت اصرخ وابجي وأصيح حسن الحكلي

اشششش لتحجين حسن هسه مو بحالج بغير عالم ديتسلطن

حقيرررررر وخر .....سافل الله يأخذكم ان شاء الله

بده يضرب بيه وأحاول اقاومه .......مكدر كلبني على بطني وكام يضرب بيه ويسد حلكي .....كمت ارفس برجلي

وابجي خله عليه مخده كمت مااكدر أتنفس وخرهه ورجع ضربني واني ارفس برجلي شكك ملابس

وآخر شي كمل وأخذ الي يريده وكام
صوتي انبح ..... وغمضت عيوني واني غلطانه وتعبانه الله ياخذكم .....يا.....يارب وبجيت .....يارب .....ياربي
اخذ عمري واني انهث

كمت رأساً عَل سريع للكنتور لبست دشداشه وكفت يم الباب

الرجال/وهاي حبايه ثانيه مثل موعدتك

يعني جااان موجود

باوعت طلع هذاك رحت للمطبخ بسرعه وهو لحكني واني احجي يعني مووووجود ....يعني موووجود وفتحت المجر وأخذت السجينه واني وابجي

جنت موووجود يا سافل.....بعتني يا عديم الشرف

لزم ايدي مع العلم مجانت عنده قوى بس اني مجانت عندي القدره بسبب رجفة ايدي لزم ايدي وأخذ السجينه

سااافل .....والله ماعندك ذرة رجوله
مالي خلكج هسه ودفعني

كمت اللطم على وجهي ....يارب موووتني ....موووتني
اله أفضحك يا حسن اله أكلهم هذا العار باع شرفه وشرفكم علمود حبايه

آش انجبي ساقطه ....هو انتي شنو هوانتي هيج جربي تحجين شي تفتحين باب على نفسج

أكلهم اجيت لكيت واحد يمهه ومن كشفتهه تتبله عليه

سااافل تسويهه ....تسويهه والله

دفعني طلعني من المطبخ .....سحلني للغرفه

هسه اخابر اهلج يا ساقطه .....اووكفيلي

جنت منهاره حيل .....خابرررر .....خابررررررر خل يجون يذبحوني واخلص .....احسن مااكمل يم عار مثلك
اششش الصمي.....هسه اكول الابوج وأخلي يموت بمكانه يا ساقطه

كله .....كله ......كله يا عاااار كله وكمت اللطم

حبيتي بالغرفه وطلع للهول كعدت عَل حايط انتجيت بقيت صافنه ودموعي تجررري

باوعت عَل ساعه ب٤ .....الفجر بقيت اباوع عَل ساعه كل ثانيه وكل دقيقه تمر

صارت الساعه خمسه الصبح ضبط واني دموعي تصب صحت وكمت املخ بشعري تعبت.....تعبت .....تعبت يا ربي تعبت

دخل حسن عصبي حيل

الصمي

كمت .....سافل حقير عااار اللله ياخذك ان شاء الله
دفعني عَل حايط

حاولت اهجم علي مكدرت لوه ايدي حيل ولزمني من راسي وكام يركع براسي بالحايط

مااحس اله لزم الموبايل

شتكولين اتصل ب عمي

لو شتكولين نتصل بجدو

ولو نتصل ب ابويه واكله الحكلي يابه عمي دبسني ببنته الساقطه وجبرني اتزوجهه وفوك هذا كله قبلت تالي ادخل الكاهه هيه وحبيبهه السني بغرفة النوم وهو بعد يتصرف ويه ابوج

باوعت علي ....انت مو بشررر والله ....والله مو بشر

ها شكلتي

سكتت كعدت بالكاع...... وانتجيت عَل حايط مره ثانيه

كعد بصفي وأنتجه .....سبحتي لو لا

باوعت علي .....بحقد

متتكرر .....اعرف الي صار غلط ....بس انتي بسببج ....كتلج دبريلي فلوس من ابوج .....انتي متحسين شجان يصير بيه لو تعرفين جان عذرتيني

سكتت ماكو جواب اجاوبه الهيج حثاله

شيرين المشكله ذني الحبوب غاليه حيل واني تعود جسمي عليهن ان شاء الله متتكرر هاي الحاله ....وكام يبجي

اني اسف ......والله اسف .....متندم ....بس جنت متأذي الموت اشوفه بعيني
كومي ....كومي
جرني كرمني ودخلني للحمام .....كام يذب عليه مي

مااعرف شديحس من ديسوي هيج

غمضت عيني واني ابجي وهو يذب مي عليه .....

طلعني من الحمام وهو ينشف بشعري بالخاولي واني مثل الصنم

شنو تحس بتأنيب الضمير لو مرتاح لان مأخذ حبايه

لتحجين هيج حبيبتي ....جنت مو بوعيي ابداً ....شلون تتوقعين اني بعقلي وهيج اسوي ....شيرين منا وهيج راح اتغير وتشوفين حسن ثاني

حرت بهاي اللحظه اضحك على سوالفه لو ابجي عَل صار ويايه مديستوعب عقلي الي صار

كمت من يمه
شيرررين كافي كتلج متندم ومو بوعيي شتتوقعين سهل الي صار انتي مرتي

لك انت شنووو فهمني مشفت بشاعه مثل بشاعتك ابداً

رحت للغرفه ....وبكلبي لازم اخذ روحك اليوم مثل مااخذت شرفي مرتين يا حسن .....لازم ....والله اليوم اله أذبحك بيدي يا نكس

......................................

فارس/ جانت نايمه شهد اباوع عليهه حتى وهي نايمه عاقجه حواجبهه عصبيه ......ابتسمت ..... ادري بيج مراح تسامحيني واحتمال تعوفيني بس الي سويته بسببج من شككتي برجولتي .....ووراهه مكدرت أتراجع ....صار الي صار

شهد/فتحت عيني لكيت فارس صافن بوجهي ......

فارس

عيون فارس

ابتسمت ....ليش هيج تباوعلي
سحبني علي وباسني من راسي

شهوده

ها حبيبي

الاسبوع اليجي لازم اسافر .....سويلي دعوه بجامعه ولازم اروح

شنو يعني دعوه

يعني شي يفيدني بمجالي ان شاء الله بس انتي ادعيلي

اكيد ادعيلك ....بكل صلاتي  ....اكولك فارس

كولي حبيبتي

راح اكلك على شغله

باوع عليه ورفع حاجبه .....الله أليستر من شغلتج

هيه يعني ...شي عادي وبسيط كلش
شنو  حسيتج دتحجين حزوره

اريد موبايل ....يعني اني مو متزوجه ...شنو نتوثق بيه انت

لزمني من راسي يقيس حرارتي

انت مصخنه حبيبتي لو حلمانه ....اكو واحد هستوه كاعد من النوم  كبل يحجي بالمواضيع

فااااارس ....يعني كلي اني شنو فرقي عن البنات ....يعني ازل عدهه موبايل وكلهه عدهه شمعنا اني ....حتى من تطلع وتتأخر ....اريد اسمع صوتك اسشتاقلك  واستحب كل شويه اخذ موبايل عمه ......وعمه خوله من ازعل منك وأريد اصالحك تذلني وأزل تتفيك بموبايلهه

يايابه .....فلا كطعتي

عليك الله فارس والله اخليك خلفيتي
ابتسم فارس

يعني راح تجيبلي

الله اكبر اني كلت اجيبلج تره اني ابتسمت

اي الابتسامه يعني موافقه

هاي منو كال

اني .....وابتسمت  فارس الله يخليك حباب انت والله جيبلي موبايل حتى من تسافر كل شويه اخابرك

همزين كلتيلي حتى مااشتريلج

ليش بلله متريد تسمع صوتي مووو

لا يعني اذا كل شويه تخابرني معناهه كلشي ماافتهم من شغلي

فارس يعني تجيبلي
عوفيني افكر بالموضوع ....المشكله يا شهد الي سويتي مو سهل

والله مو قصدي فارس ....شنو راح نرجع النفس الموضوع

واحنه كاعدين دك موبايله ماسنجر

كبل اخذ الموبايل بارتباك ولغه المكالمة

شبيك فارس ليش ارتبكت

اني ارتبكت ....شو انتي ماادري شلونج

لا ارتبكت

اهووووووو هم رجعت لعناده وسوالفج .....كتلج مرتبكا شو انتي تتبلين عليه ....اني مليت .....كام بعصبيه وطلع من الغرفه

رحت ورا .يعني اني مو طبيعيه لو انت  والله راح  تخبلني

..............................
عمر/بعد متفقت ويه الضابط حسين وعلى اتفاقنه رحت البيت بكر .....كلي حاول تتقربله  ومن يريد منك شي ارفض مثل العاده وبعدين اقبل واطلع وَيَا

وفهمني على هواي اشياء جنت نايم عَل جربايه اجه بكر كعد عَل جربايه ودفع رجلي

عمر/شبيك سكط

بكر/مثل هيج يوم اختي ماتت  وارتكبت اول جريمه بحياتي

ليش انت اختك ميته

اي .....من ذاك النذل أعتده عليهه .....كتلت روحهه بنفس اللحظه

شلون

عثمان اخويه عنده سلاح

ليش اخوك عثمان شيشتغل هم مجرم مثلك
عثمان .....انت متعرف اني وَيَا نقيضين مختلفين

يعني تريد تقنعني اخوك ميدري بيك انت مجرم

طبعاً لا ....أصلا هو متبري مني

متبري منك

اي ....إبره مني من سويت بأبن الضابط

هم ممقتنع

بكر/ابن الأوادم هسه انت مو مجرم وأخوك بكر صاحب مبادئ اشمعنه اخويه لو اخويه ابن البطله السوده وأخوك ابن البطه  الشكره

ضحكت

شوف شلون كلبك مات يا سكط حتى منقهرت على اختي  المهم .....ردت اكلك بشغله بس أريدك تتصرف بعقل وحكمه

تفضل بكر حكمه أطربني باللشغله
راح اعترفلك بشغله

شنو هاي الشغله

اني بعدني أراقب بيت حبيبتك

ردت اهجم علي ....اياااا ابن الكلب

اووكف لتهجم افتهم بابا

شفتهم

عدنان البارحه سمعتهه تصرخ

شيررررين

اي اوكف افهم ابن النعال .....اذا تريد تفهم مني ...اسكت

احجيلي بسرعه شبيهه شيرين

من سمع صوتهه تقرب للبيت وسمعهه تصرخ وتحجي على مااظن رجلهه هذا يكبسل باع شرف زوجته وخله واحد ............يتبع