🌹🌹صرخات غير مسموعه🌹🌹
🌱🌱بقلمي ام غايب🌱🌱

#البارت 16

قصدي واضح .....اني هسه واكف كبال بيتهه بالضبط لو.........

لتكمل فنك اذا تقربتلهه شوفني نفسك بلله .....وينك ....اني هسه واكف كبال بيتهه

عمر لتلعب ويايه

انت دير بالك تلعب ويايه
ماشي براحتك بس اني كتلك

بكر ....بكر تسمعني......ديربالك تقرب عليهه أو تلمس شعره منهه والله العب بعرضك اني هم

بكر/ههههههههههه قويه هاي  تريد اجيبلك اختي الحد الباب

لك انت سااااااااقط والله ......والله سافل

سديت الخط بوجهه  ماكو غير اثير اتصل بي عنده اخو من الي يتفيكون بالسلاح

توني ضغطت على الاتصال باوعت بكر وجماعته متوجهين للبيت ذبيت الموبايل ونزلت اركض

لك انت شدتسوي

اسوي الكتلك علي

دفعته ولزموني جماعته

بكر/عوفو

عمر/بكر مشكلتك مو يمهه مشكلتك وياي

بكر/لا سامح الله .....الله يبعدنه من المشاكل هيه عمليه وحده وكلشي مااريد منك

بكرررررر

امشي خل افهمك عليهه

الحد الان اني مقبلت على شنو نتفاهم

لعد وخر لتعطلنه على الحلوه

لزمته من ياخة ملابسه ابن الكلب لتجيب سيرتهه على اللسانك

شوف أصير واضح وياك هيه شغله وحده تدخل بيهه ويانه وبس وانت بطريق واني بطريق

شنيه الشغله احجي وخلصني بسرررعه

تريد يجون يقبضون علينه ان شاء الله ....امشي بالسياره افهمك

شيرررين تبعد عنهه فهمت بكرر

نفذ الي اكلك علي ومالنه دخل بيهه

عفته وصعدت بالسياره ......لحكني  وصعد

بيت مسؤل..................عنده مليار ببيته

وانت شمدريك

شعليك انت .....البارحه دخلن الفلوس بيته

شمدريك بهاي المعلومات

ابن .......خل اكمل

واني شنو ....كلشي ماافهم انتو ماشاء الله عليكم كلشي تعرفون شتسوين بواحد مثلي

الي أريده منك الحارس البره تضربه طلقه براسه وبس .....

وبسسس انت تخبلت

والك حصه لتخاف

انت تخبلت تريدني اكتل روح

اختار شيرين لو الحارس

ولااا واحد منهم .....انت مخبل وبعدين عندك ٣وياك شتسوي بيه

ماشي انت ادخل ويانه لعد جوه

شنسوي جوه

نكرز حب ونأكل فاكهه

بكرررر  مو وقت تفاهه جاوب شنسوي جوه من هسه اكلك مااسوي شي

ابن النعال لعد شسوي ماخذك

اكلك ماافيدك متقتنع

داخل البيت الموجودين.....بنيه عمرهه ٩سنوات وولد ٧سنوات والرجال ومرته .....اختار تجتف منو منهم

والحارس راح تكتله يعني

لا ......ننتظره يبلغ علينه

خدره شوف شنوو بس مو تكتله

مالك دخل انت بالحارس

لتكتل الحاررس

منعرف شكد راح نبقه بالبيت وبعدين طبه مرض اكو احد كله ينخلق بالعراق

اتفقت وَيَا أشارك بهاي العمليه بس ادري بي مو ثقه وراح يستغل  ضعفي تجاه شيرين .....لازم ألكه حل الهذا الشي

مأمنت ارجع للبيت بكر مو نظيف بقيت انتظر وخال سيارتي برأس الفرع اشوف بيتهم من بعيد اتخايل شيرين بحظنه.....بجيت متحملت

دك موبايلي واكع يم رجلي ....اثير ....

انت بعقلك شنوووووو ....باع كم مره دكيت تتصل ومتجاوب وارجع اتصل بيك ماكو

ماادري جنت بالحمام

يا حمام هذا ....انت وين

بيتنه

لتجذب .....توني اتصلت بأخوك بكر كال بايت  يم واحد من جماعتك

اكله منو

يكول ماادري ....ممكن اعرف شدتمسلت

اثير مالي خلك.....سديت الخط بوجهه وغلقت موبايلي بقيت اباوع عَل سما. مختنك حيل ........

.....................................

شيرين/وخر حسن

اشششش الصمي ......وصار فوكايه

ريحة الشرب تلعب النفس واني بعده يوكع عليه دم ....وماعندي طاقه اي شي اسوي

حاولت ادفعه مااكدر كل ثكله عليه .....بده يبوس بيه من شفتي واني اوخر ويجرنا من شعري

وخررررر .....مااكدركاافي

ضربني راشدي ومثل كل مره كمل وكام  نام

طلعت للهول كعدت تجيت نفسي عَل حايط وابجي .....تعبت حيل .....كرهت الساعه الي حبيت بيهه عمر

أكرهك واكره الساعه الحبيتك بيهه دمرتني بسببك كلشي كاعد أعيشه هسه

تعبت ياربي تعبت والله .........سديت حلكي بيدي وكمت ابجي مااريد هذا الحقير يسمعني تعبت حيل

...................،..،،،،..،،............

شهد/بقيت ابجي بالغرفه وبالي يم الجوه كل شويه عبالي اجه فارس.....كلبي يوجعني حيل

مختنكه.......حيل تغير فارس .....الله ياخذج غزل هاي يمكن هيه وَيَا بالكليه هيه

جنت مغطيه روحي بالبطانيه سمعت الباب انفتح رأساً وخرتهه

محمد/خبله

رجعت غطيت راسي

محمد/شوكت تعقلين ....فهميني

وخرت الغطه.....اني مو مخبله ......لان أغار علي يعني مخبله .....يعني لازم أشوفه يتراسل واسكت تريدني

ومرت قيصر شعليهه

هيه سوسة البله والله ....الله ينتقم منهه ....ان شاء الله

شهد...لا جديات....انتي راح تضيعين فارس من ايدج وفارس خوش ولد

غطيت راسي رجعت وكعدت ابجي بصوت ناصي ......مااعرف شسوي هسه

بقيت بالغرفه نايمه مطلعت منهه ابد حتى بابا مشفته ولا نزلت ابد

وماادري بروحي شوكت غفيت كعدت عيوني مورمه من البجي جان بابا يتريك

دنكت علي وبسته

هلو بابا

محجه بابا بس باستي

بست جدو هم ......وكلي هله بأم المشاكل

كعدت بالكاع بصف عمه خوله 

خوله/كومي جيبيلج كوب

مااريد .....اباوع بابا يخزر بيه .....ويخلي لكمه بحلكه اني دنكت

وراهه كمت صاحني بابا كلي تعالي للغرفه ....صعدت ورا  طبكت الباب

شهد شوووكت تعلقين

بابا هو يخوني

بت الكلب ......ميت مره كتلج لتصيرين حقج اذا جان عندج حق .....على اي أساس تمدين ايدج على مرت ابن عمج

بابا

وووجع لتحجين .....لج انتي شنوووو فهميني....انتي متخافين من احد

بابا هيه الي تشجع اختهه

اششش لتلغين.....ولا وحده بيجن رفعة راسي ....الله وأكبر عليجن ولج انتي شنو

بابا انت ليش متفهمني الله يخليك هو فارس يوميه يبقه يحجي وياهه الليل كله بعدني ممكمله ضربني

انجبي واسكتي ....حسج مااسمعه بعد ...منا وهيج اربيج من جديد .....يلله ولي متريد اشوف خلقتج ....وحسج عينج اسمع صوتج .....طايحة الحظ

طلعت ابجي من الغرفه .......رحت حبست روحي بغرفة محمد وره شويه اجتي امي  جايبتلي ريوك

كومي آكلي

مااريد ماما

حبيبتي اعقلي والله تعبنه اني وابوج

رأساً بجيت .....ماما انتو ليش متفهموني اكلج اخت غزل هيج تكولولي هيج وحتى ميبررلي

اي يا حبيبتي مو هيج تسوين وتضيعين حقج بيدج هسه من وره اللسانج الطويل حتى اذا انتي ممسويه شي الكل يصدك انتي الغلطانه وانتي فعلا غلطانه من مديني ايدج عليهه

لاااان حقيررره

دكومي تريكي .....اني راح اروح البيت خالتج الكربلاء

انتي ومنو

ابوج راح يصعدني سياره وأروح وابن خالتج يستقبلني

بوستهه وراحت مكدرت اكل لعبانه نفسي احس الدنيا بلا طعم بدون فارس احس روحي تايهه مشتاقه الكلشي بي اتمنى اسمع صوته اتمنى يبررلي ويكلي ماعندي شي اتمنى فعلاً هو ماعنده شي ...

.................................................
شيرين///فزيت على دفرات حسن على ظهري ......غفيت بالهول اخر شي

شكو نايمه هنا بت الكلب......شنو مواعده واحد

كمت جنت عركانه مسحت وجهي وخرت شعري من وجهي اجتني دفره ثانيه بظهري واني كاعده

كاااافي حسن كااافي

ووجع طايحة الحظ جر ني من شعري

كافي عليك الله كافي تعبت والله جرني للغرفه وطلع الحزام وضربني بي وراهه سبح وبدل وطلع بقيت اني متمدده عَل جربايه كل مكان بجسمي يوجعني حتى كلبي تعبت هالكلمه قليله وتعجز عن وصف الي كاعد اعيشه ياريت لو اكدر ارجع الزمن مستحيل احب واسوي علاقه ويه شخص لشوكت راح ادفع هالثمن مااعرف وره نص ساعه تقريباً اندكت الباب الاول مره يندك هذا الباب

سحلت روحي وباوعت من البرده .......

عمر/بقيت كاعد وعيوني طفت لل٧ونص لمحت زوجهه يطلع

باوعت الولد الي اتفقت وَيَا طلع من بيتهم نزلت اله

هله والله

الولد/همزين شفتك

شكو

راح أسألك سؤال ....انت تشتغل بالمكافحه

عمر/شمدريك

ذاك اليوم هجمو عَل بيت الكبالنه والبارحه نفسكم بس انت جنت ملابس شي على وجهك

عدكم كامرا

اي

منو شاف التسجيلات غيرك

الي ملثمين ابويه شافهن بس البارحه اني شفتهن

تكدر تحذفهن

اي اكدر ....بس فهمني شنو قصة هذا البيت وليش تراقبو احنه هم ممرتاحين الاصحاب البيت

مالك دخل لتدخل روحك بهاي المسائل تره تتورط أريدك بس تغير اتجاه الكامرا شويه

هو ابو هذا البيت سكير ويبلع حبوب مبين
شلون عرفت

مبين من احجي وَيَا مرات مو طبيعي

اااخ يا شيرين شروطج ويه هذا الساقط ....اكيد اهلج جبروج ....سيسدي عليج يا حبيبتي ....لو مااخاف عليج والله اخذج هسه وانهزم بيج

رجعت للسياره صعدت ورحت صار نهار والنهار مو مثل الليل ....الليل سهل البكر والجماعته

فتحت جهازي اجتني إشعارات من أثير يغلط عليه وبكر اخويه هم متصل عليه وولد وياي بالكليه علاقتي سطحيه وَيَا اسمه مؤيد

وره دقايق رجع اتصل مؤيد

الووو

اهلا اخي ....اعذرني جهازي جان طافي

اي يطلعلي مغلق .....وهسه اجاني اشعار اكدر اتصل بيك

خيرك اخي

والله بس ردت اشوف شسويت

بشنو

طلع موبايلك لو لا

انت على شنو دتحجي بالضبط مفهمت

مو كلت الـ اثير وكال اني اكله لتكله انت

بخصوص شنو بالضبط

موبايلك الي انباك

من كلي هيج مثل الروح الي رجعتلي ......انت دتتشاقه لو تحجي صدك

طبعاً احجي صدك مو كتله  ال اثير شفت عد احمد نفس نوعية جهازك بالضبط الي شوفتنيا بالصوره من ضاع وبعد ماادري يجوز مشتري نفس نوعيته ولونه

والله اذا طلع صدك موبايلي شتريد انطيك ....رحمه الله والديك

محسيت نفسي غير ارجع ال شيرين ....مااعرف اريد ابشرهه مااعرف بس اريد حجه اسمع صوتهه

دكيت الباب عليهه هواي مجاوبت

عمر/ادري بيج تسمعيني شيرين .....شيرين تقريباً راح أوصل للي نشر صورج وركبهن على صور ثانيه .....وداعة عيونج اله اذبحه بيدي

شيرين/انت بس اطلع من حياتي اني أعيش بخير ....كاااافي عوفني الله لا ينطيك ان شاء الله ....أكرهك ....واكره الساعه العرفتك بيهه ....روح من حياتي .....اني احب زوجي وزوجي يحبني ومرتاحه وَيَا ....ومااريد منك لا تأخذ حقي ولا حقوق بس عوفني تريد توكعني بمشكله ثانيه بلله رجع زوجي هسه ....روح منا عمر ....روح عفيه كافي

فوك هذا طلعت مجرم ....اذا مو انت الي سويت هيج ونشرت صوري 

والله .....هيج تضنين بيه
روووح عمر روح مجرد مااحجي وياك هيه خيانه الزوجي

هذا هو شيرين براحتج اني هووو الي نشر صورج وفضحج لتنسين هذا الشي ابد

شيرين/باوعت علي من الشباك مبين تأذه ....من كلامي .....جنت بهاي اللحظه حاقده علي ......وكلشي صار ألي احمله هو مسؤليته بسبب إهماله للموبايل صار بيه هذا الشي بس من راح كلبي وجعني علي ......متغير
حيل .....ضعفان وعيونه ووجهه ذبلان مشفت بي عمر القديم ابد

عمر/خابرت على بكر .....وراهه

صدمتني شيرين بكلامهه وأذتني هواي هذا هو يا شيرين بس اكمل وعدي واكتل هذا الكلب اروح منا
بكر اريد سلاح

باجر العمليه شبيك مستعجل

اريد سلاح كتلك وتعال محتاجك وياي

وين

تعال وراهه تفهم

وين الكاك

انطيته عنوان كشك بالشارع كتله راح اتريك بين متجي
جان راسي يوجعني حيل

اجاني بكر وراهه طلعنه للكليه بقيت واكف الحد مطلع احمد

بكر/شني هاي ....جنت تداوم هنا يم الصاكات بوريه قنابل ذني مو نسوان

باوعت علي وهزيت راسي وأخذت نفس

هذا .... طلع

هو هذا الي فضح مرت اخونه

باوعت علي.....

اني لو منك غير اطلكهه من هذا المخنث واتزوجهه اذا احبهه غير

هو الحجي سهل .....يا بكر .....لو بيدي من باجر اخذهه بس مو بسهوله عدهه اهل اذا الله ستر ومذبحوهه هسه يذبحوهه مره ثانيه وهم بسببي

طلع احمد وطلعت ورا بالسياره بدون ميحس

بكر ....اوكف هنا ولَك مو هاي منطقه شويه مهجوره مابيهه ناس تفيدنه

ولَك عَل شارع

يمعود محد يقره ويكتب ميوكفون يخافون

شلووون لك هذا شارع عام

لثم روحك واسكت وخليهه عليه  بس اطبك كدامه تدبرهه لو لا

ادبرهه ....لقمت روحي ......اجذب اذا اكول مخفت الاول مره هيج اسوي ماادري شسويت بحيث دخل احمد بالتراب نزل بكر بسرعه  وراح على احمد ووجه المسدس براسه وخلا يرفع ايده

احمد/والله ممسوي شي منو انت

عمر/انجب ساقط .....هسه تعرف اني منو

صعدنا بالسياره وبكر بقه كاعد بصفه وخرت الوصله الي مخليهه بوجهي هو صاح

عمر ....هاي انت

اي اني يا ساقط اصبرلي اليوم اشوفك نجوم الظهر والله

باوع مو اني سويت الصور والله العظيم هذا صادق

درت علي ....كبل خرطهن حتى بعدني ممسويله شي
يا صادق هذا

الي بالأقسام داخليه يبقه ماعولت أوصل لمكان بكر وجماعته نزلت وسحلته جان بيتهم بمنطقه مهجورة بيت كامل من كلشي سحلته من السياره

فتحت ايده .....تعال يا جبان واجهني .....ليش سويتووو هيج

والله مو اني

لتبجي ....لتبجي مثل النسوان يا جبان ....ليش سويت بيهه هيج

لان هيه وحده ساقطه تستشرف براسنه

متحملت هجمت علي ولزمت راسه بالحايط كام ضربني. راد يتدخل بكر بعدته .....عرووفه اريد اشوف سباعيته الخنيثه

احمد/انت متعرفهه لك هاي وحده ساقطه ....اسأل
صديقتهه المقربه وشوف شتكلك عليهه حتى تطلع بفلوس
لك لتحجي عليهه عااااار

بابا تدري كم ولد نايمه وَيَا بالكليه وبس يمي استشرفت

اني هو حجه هيج واني متحملت جريت المسدس من بكر مااحس اله ضربته  اجتي الطلقه بصدره رجعت ضربته طلقه بكلبه وكلامه يتكرر بأذني  .....رجعت ضربته طلقه ثالثه مثل الي ردت اطلع الوحش الي بداخلي .....هنا حسّيت كلبي مات .....وحسيت بالوحش الي طلع مني .......باوعت البكر

سوالي 👍🏻👍🏻👍🏻وغمزلي

احسنت ....احسنت

باوعت خزرته .....

خابر بكر على جماعته حتى يتصرفون بجثة احمد اجذب

ساعات احس بالجريمه الي سويتهه واستصعب السالفه  بداخلي بس من اتذكر الي سوا بـ شيرين وحجا عليهه أقوى واكول مرتكبت غلط جان يستحق

طلعت من جيبه موبايلات اثنين واحد موبايلي والثاني موبايله السافل جان مخلي بجيبه بكل صلافه .....ابد مأنبني ضميري من كتلته

بكر /ها مفتح

لا مكاعد اعرف الرمز مبدله الساقط

منو كلك موبايلك

موبايلي نفس الضربه  الي جانت بي

عثمان اخويه يعرف ....بس شيجيبه بالأنبار هوه هسه

سكتت محجيت وَيَا

بس عجبتني .....مسوي روحك شريف وتكدر تكتل روح

لك هاي تختلف ....لك هذا ساقط وبلا شرف ....واعراض الناس عنده لعبه ......لك هذا  بسببهه حبيبتي خسرت شرفهه

عوف صادق مدري نعمان هسه ....اذا كتلته هسه  تصير علامة استفهام قويه عليك ....ولو هسه صارت

ميهمني خل تصير .....

تنسجن غبي ....هاي اذا مستجوبوك هسه باوع خاف يلزموك المكافحه ....لتعترف ....راح يعذبوك... كلشي يسوون بيك لتجيب اسمنه تعرف شيصير اذا جبت أسمنه......اما انت اذا اعترفت على روحك إعدام لو مؤبد هيه موزوجتك لو عرضك حتى تتخفف العقوبة

..........................................

شيرين /بعد مراح عمر تمددت عَل قنفه الي يم الشباك
بقيت صافنه على زماني وبعدين شنو حياتي هيج راح تكمل ويه حسن .....

قررت احاول أغيره .....اسايره بلكي يتغير .....اهم شي عمر يطلع من حياتي ماعندي حل غير اكسب حسن .....

غفيت وفزيت على دكة باب  عبالي عمر مره ثانيه كمت بعصبيه فتحت البرده اباوع امي هي وابويه  ......كبل نزلت دمعتي اول مره اشوفهه بعد الي صار كلبي وجسمي كله كام يرجف

بابا ماعندي المفتاح

ستار/موجود المفتاح ......فوك الكنتور كال حسن

ممصدكه روحي ....راح اشوف امي .....ركضت اريد الوح الفوك الكنتور من الفرحه مااعرف شلون أوصل لفرح الكنتور عقلي .....كام ميجمع وايدي ترجف

جبت كرسي وسحبت ميز المرايه بصف الكنتور هنه قديمات مدري منين جايبيهن وصعدت ادور فوك الكنتور كوه وصلتله

بدلت الدشداشه بسرعه ولبست ردن طويله مااريد أأذيهم بهمي ...فوك الأذيه الي أذيتهه الهم ورحت اركض للباب ممصدكه وكانما انفتاحي باب الجنه جنت طايره

اول مفتحته دخلت امي شبكتهه وكمت ابجي وهي تبجي

كمت ابوس بيهه بوجهه وايدهه .....يمه مشتاقتلج والله

اووف يبنيتي ....يمه حبيبتي .....والله روحي وبالي يمج ....بس شسوي حكم القوي علضغيف 

مااعرف شصار بيه من الفرحه كبل تخربطت ....مدري فقدت حسّيت على امي تمسح بوجهي بمي

ضحكت وبجيت .....والله ممصدكه اشوفج يا يمه ....لتكولين اني بحلم

اني امج يا روح امج ....كومي لتخويفنه عليج .....اليوم راح آبات يمج

كمت سلمت على بابا ....بابا بعده على نفس موقفه حتى مباسني

وكال اني رايح باجر الصبح اجي اخذج ال ماما .....اول مطلع رجعت شبكت ماما .....جانت كاعده عَل قنفه

اخخخخ يا يمه شكد محتاجه الج احجيلي شهد شخبارهه

شهد ام اللسان .....ملتهيه تضيع حقهه بلسانهه البارحه اجتي زعلانه

اووف والله حسّيت من اجه فارس مو طبيعي

تكول يخونهه

فارس

اي لعد شنو ....اني مصدكتهه بس خوما اوكف وياهه واكلهه انتي صح ....ابوج كال هم يشك بـ فارس ....حتى من يكعد يم ابوج شولته بالموبايل ويتبسم
فااارس

شخبصتيني يعني واذا فارس  وفنج منيه تكول شهد

منيه

اخت ازل مرت ابن عمج قيصر

هيه مو عدهه بس اخت متزوجه شنو عدهه يعد غير المتزوجة

لا نفسهه غزل المتزوجه زعلانه وزعلت يم بيت عمج وخبلت شهد

ياااا....عود صدوك

بس مااتوقع فارس هيج ....لا مستحيل شخصية فارس تتقبل انو يسوي علاقه ويه وحده متزوجه

والله بعد مندري ....شهد متخبلله ...تكول حتى مبررلي

بقينه اني وامي سوالف وضحك وكل شويه اشبكهه وأنام على صدرهه شكد انطاني طاقه وراحه نفسيه واطمئنان نسيت كلشي وهيه يمي
....................................

شهد /بقيت بالغرفه الحد الليل .....متت جوع ومحد ذكرني وامي ماكو ومحمد طالع مشفته بس عمه خوله وكل ويه تدخل ترزلني وتطلع واني ساكته مالي خلكهه ...فارس موكلهه محاميه بالنيابه عنه

نزلت جوه تفاجئت صوت فارس بالاستقبال ابتسمت لا ارادياً ووكفت اتسمع

فارس/اني تعبت منهه ....تصرفاتها تصرفات زعاطيط

كبل راحت الابتسامه .....والله يا ربي أنوب هو

ستار/فارس انت تتحجج على بتي ....هد هيه هيه من يومهه من كلك جدك تتزوجهه ليش كبل قبلت بيهه وهيه تعرفهه شنو ولتكول مااعرفهه

عمي يعني تنطي ال...شهد المبرر بلي سوته

شسوت .....ضربت ازل .....ليش ازل واختهه الي سوته بيهه قليل اي مره بالعالم كله تغار على زوجهه وهنه يستفدن بيهه وهاي الي انت هسه مسوي علاقه وياهه  حجت كلام بحق بنتي جبير هيه مسؤليه آلامهه وعمتك خوله
خوله/اي فارس اني أصلا مرتاحيت ال غزل من اول مشفتهه والله

اني جنت واكفه بالباب كمت اركض من الفرح الله يعني فاهميني لعد ليش كل شويه يرزلون بيه

فارس/ماعندي اي علاقه ب غزل ولا غير غزل ....عمو شنو القصه اني صغير وجاي تستجوبني

خليت ايدي على يدة الباب .

....................................

عمر/جنت كاعد اتصل عليه اثيرمجاوبته

بقه يدك ساعه هو وساعه بكر اخويه وامي واني اباوع عَل موبايل

بكر/لو تجاوب لو تغلقه دخنه  شبيك .....اكو خرف بداخلك مو

باوعت علي بدون مااحجي

عادي اول مره اني هم هيج صار بيه .....هسه تتعود بعدين
كالت منو اول واحد

زوج امي ......لكيته يعتدي على اختي

باوعت ....دتتشاقه

ليش اتشاقه .....انت متدري بالدنيا شديصير بيهه بابا

وبعدين

أخذوني للأحداث

يعني صغير من كتلته

اي جان عمري ١٦سنه

ابوك وين

ابويه ميت .....وامي تزوجت واحد عار

وليش استمريت

كلبي مات مجرد تكتل روح وحده بعد كلشي سهل يصير وراهه من طلعت فلوس ماكو

بس هذا مو مبرر

شعب خربان وألبي كلهم خربانين ليش اكعد افكر بيهم وخاصه الشيعه اكرههم حيل  من اكتل شيعي احس الدنيا تضحكلي ...

انت تحجي صدك

وليش اتشاقه الشيعه كفرا

انت مو طبيعي .....منو زارع هذا الشي بعقلك

نفس كلام عثمان اخويه

يعني اخوك مو نفسك

لا .....لان مشايف شي من الشيعه تدري  بالأحداث هذا الشيعي الظابط شسوه بيه ....

بس مو كلهم هيج مثل ماانت هسه كلب ابن كلب وتكتل بالشيعة هو هم كلب ابن كلب
ضحك بكر

مقبوله منك يالسافل

بكر/مكتلي منو ثاني واحد كتلته

عمر/الضابط

لا ابن الضابط اعتديت علي اول مثل ما ابو جان يعتدي عليه واغتصبته

باوعت علي فتحت عيني .....لعبت نفسي .....انت شدتحجي كااافي مااريد اسمع كاعد تتباهه بجرائمك

مصيرك مثل مصيري وأتذكر كلامي

انت غلطان لو اعرف ارمي روحي ولا أوصل لهاي المرحله .....اني مو مجرم ....اني كتلت شخص لعب بعرض بنيه والبنيه جان مفروض تصير مرتي يعني عرضي لو ما جدهه الله يسامحه هو السبب بلي صار النه

هاي سالفه تقنع روحك بيهه ....انت مجرم حالك من حالي وكتلت روح وتكدر هسه تكتل روح ثانيه اذا  مجرد استفزك تكدر ترميني
انجب بكرر وعفته ورحت

صعدت بالسياره مختنك حيل تجيت راسي وخليت ايدي على ركبتي مختنك حيل .....مستحيل أصير مثله .....انت تعرف يارب ليش كتلته الهذا الحقير

مستحيل حرام عليه وهو لعب بعرض بنيه

تعبت من اتصالات اثير جاوبته هااااا شتريد

وينك انت  فهمني

انت شعليك ....شعليك فهمني

أمك...........يتبع

..........................................

شهد/خليت ايدي على اليده مال باب ردت أتسرع وافتحهه من سمعته كال ماعندي علاقه ردت اكله والرساله الي شفته تراجعت وصعدت  فوك توني دخلت رأساً فارس فتح الباب وعصبي
كلشي يخص حياتنا ناقلته الاهلج .....شنو رأيج هسه أصير مثلج واكلهم بتكم واحد دازلهه رساله 

باوعت بصدمه

رغم يا شهد الرساله الي قريتهه صدكت كلامج الي حجيتي  لان عندي ثقه بيج مستحيل تخونيني

بس انتي ماعندج ثقه بيه نهائياً واني تعبت من هذا الشي

خلال ساعه وحده اذا مرجعتي للبيت مثل مطلعني منه .....بعد تحرمين عليه

........يتبع

شتتوقعون شهد ترجع للبيت برجلهه مثل مطلعت لو ........