بارت12
#صرخات_غير_مسموعه
#بقلم ام غايب
#البارت12
بنات اعذروني والله حيل مريضه كوه هسه كتبتلكم وبس اتحسن اكمللكم البارت اليوم ....كوه جبرت روحي اكتب هسه صخونه فول ولثتي مورمه
🌹🌹صرخات غير مسموعه🌹🌹
🌱🌱بقلمي ام غايب🌱🌱
غزل/فارس شسويت اليوم رحت للجامعه
اني هيه حجت هيج وباوعت على فارس ....أنوب تتماوع والله هسه اسحلج من كفشتج الشكره
اي والله رحت وحجيت وياهم وانطيتهم قرص ومااعرف بعد
اني خابرت صديقتي ....وهيه خابرت ابوهه ووصته
تسلمين تعبتج
ولوووو ...
ولووو بعينج متحملت جنت كاعده يم فارس كرصته بالقدم مال رجله حيل
حرك رجله بصدمه وباوع عليه
واني باوعت علي بعصبيه من الموقف
احس معدتي كامت تحركني حرك
شلنه السفره واني عيني عليهه
مريم/سوي جاي انتي
لا انتي سوي اريد اكعدلهه ركبه ونص
منيه
يعني منيه .....اكو غيرهه هاي الحيه الشكره السايحه .....
تره البنيه فقيره حيل ....ليش خليتيهه ببالج
فقيرتيش اني اتخبل من البنيه الي تتماوع
تره انتي عندج خلل بالهرمونات الانثويه وله البنات لازم رقيقات يصيرن
ضربتهه على علباتهه ......مريم دير بالج مني سمعت فارس طلع من الحمام .......رحت علي .....جان يغسل .....الحمام جان بزاويه لان قبله ممر طولاني
ولج ......شلون تكرصيني
واعضك هم اذا تحجي وياهه بعد
وهو يغسل تك ايده
قرب وجهه عليه....وغمز ...ويه الغمزه ليش تغارين عليه
عضيته من خده .....لا .....اي ....ماادري بس هيه مو مريحه
شهد ......انتي متوثقين بيه
باوعت علي .....ماادري
اريدج توثقين بيه مثل مااني اوثق بيج ثقه عمياء
هالكلمه وجعت كلبي ......للأسف ثقتك بيه مو بمحلهه وارتكبت خطأ بحقك
ليش صفنتي حبيبتي....هواي دتصفنين
مابيه
شمابيج......وبعدين شنو عاجبج الحديث يم الحمام
شهد/خل نصعد فوك لعد
هز راسه....شنسووي
ضربته على صدره عزززززه
راح اروح هسه بشغله .....من ارجع حضري روحج
فتحت عيني ....شو انت
شو انت كبل راح بالج ..........اوووف من نيتج صايره مو صافيه
قصدي نروح ناكل موطه
صعد يبدل وصعدت ورا حضرتله ملابسه باسني بؤسه سريعه وطلع مثل الحسيته مستعجل
بعد مطلع جنت اريد أفوت للحمام اسبح علمود ابدل وامكيج يعني شويه أغير من شكلي
وغرفة قيصر قريبه عَل حمام من مريت اجه اسم شهد ترس بأذني.......الفضول قاتل .....مااحس اله اخلي اذني عل بابا بدون تردد
ازل/ولج ميحبهه والله شبيج ....خطيه انجبر عليهه
غزل/اوووي .....عفيه احنه بأي زمن ....وبعدين هاي شدتحس من ولد انجبر يتزوجهه
هو جدهم المكروه متسلط جبرهم وفنج شهد شسوت بــ فارس ....شككت برجولته
عززززززه هاي وحده كح.........وفارس مطلكهه
ميكدر يطلكهه لان اهلهه ينفضحون لان هيه بت عمه وعرضه فتورط
غزل/لا بس هاي شهد صلفه ومتستاهل فارس.....قابل مثل حظي .....بس هو فارس شنووو من شخصيه والله أذوب من اشوفه
ردت افتح الباب واهجم عليهه .....كوه لزمت روحي .....لان نزلت دمعتي.....من بديت افصل بين الوهم ولتحقيقه بحبي الـ فارس كلشي تغير صرت اخاف وأغار علي بجنون
مااتحمل فكرة انو هو يمثل عليه الحب علمود يمشي حياته
...وشعوري مينوصف جنت عصبيه على روحي معصوره على وجع بكلبي .....ازل تعرف كل تفاصيل حياتنا ....معناهه قيصر كلشي مسولفلهه
ويجوز قيصر مسولفلهه عن مشاعر فارس تجاهي
غزل/وفوكاهه فارس دكتور وهيه كلشي ممكمله اااخخخ راح ابجي والله ....ولج هاي شهد ترهم ال رسول رجلي يتوالمون
من سمعت هيج متحملت ......محسيت نفسي اله افتح الباب وادخل
ازل وغزل انصدمن......معرفن شيحجن
صدك متستحين انتي هم نزل وهم يدبج
ازل/هاي على منو على غزل .....لعد انتي شكد وحده طايحة حظ
احترمي نفسج لا هسه اسحلج سحل انتي واختج الحيه
ازل/امشي طلع بره غرفتي ......مااريد أتناقش ويه وحده مثلج
شهد/لا والله متريد تتناقش وانتي منو كلج اريد اتناقش.....اني واح احجي كلمتين واطلع باعيلي انتي الحيه الشكره .......باجر تولين من بيتنه ورجلي خط احمر فهمتي
مااحس اله ازل دفعتني ......امشي ولي هم عايزتهه انتي تقررين ....وشنو هالكلام هذا متستحين
غزل/وحده صلفه مو بيدهه
شهد انتي سكتي لا اكطع شعرج
غزل/تعالي ....يلله كطعي ....مااستغربهه من وحده مثلج
اني هم مقصرت جريتهه من شعرهه فرحت كلبي بس الكلبه خرمشتني تخرمش هيه وأزل الحقيره
صعدن مريم وعمه وصارت بنصنه
باجر تولين من بيتنه
ام قيصر /ولج شهد كااااافي عيب
لا مو عيب ....تحجي عليه وخاله عينهه على رجلي
ام فيصر/شهدددد كافي
غزل كامت تبجي.....وتكلي انتي مريضه
ازل/جذذذابه متعرفين اله تتبلين عَل ناس ....
شهد/مااتبله سمعتجنً بذني
كلمه مني وكلمه من الحيه الشكره على ازل كبت العيطه
مااحس اله عاط قيصر .....شكو هاي ....يمعودين
ازل/شهد تتبله على اختي ومو بس هيج تطردهه
شهد/مااتبله سمعتهن يحجن هواي كلام عني وعن فارس
ازل/قيصر اذا مترجع حقي وحق اختي اعوفلك البيت والله
ام قيصر/على كيفج يمه
رجعنه اني احجي وعمه وأزل مااحس اله عاط قيصر
كاااااافي شو انتن متحترمن وجودي.....شهد روحي الغرفتج
ازل/يعني طردت اختي وتكلهه روحي الغرفتج
قيصر/الصمي.....انتي ....لتحجين
ازل/ماشي قيصر .....تحلم تشوفني بعد والله .....أمشي غزل نروح
قيصر/احترمي نفسج واكعدي لا حقج اطيحه
شهد/جان صوتهم عالي من طلعت اجتني مريم
مريم/هاي شسويتي عوبه......مو عيب
العيب من تكعد بيتنه وتحجي علينه .....لج عينك عينك وفوكاهه عينهه على فارس
هاي عيونج خلتج تتوهمين
مااحس اله دخلت عمه عصبيه
شهددد مو عيب بحقنه .....بنيه خطار عدنه
هيه تجاوزت
ام قيصر/وانتي تتجاوزين وتطرديهه.....اختي بسببج بعد متدخل بيتي وهسه اخت ازل هم مخلصت منج
عمه اختج ....حجت على اختي ومحجيت شي وياهه
ام قيصر/كل الناس تتبله على شهد وشهد فقيره
....ومااسمحلج بعد تطردين احد من بيتي
صدك حيل قهرتني .....بكلامهه....بهاي اللحظهدخل فارس للغرفه
شكووو شو الدنيا مكلوبه
ام قيصر/من وره مرتك.... وطلعت عيه ومريم قبل ليحجي فارس
فارس/يمه شنو القصه .....شصاير .....ورجع باوعلي.....-"شكوو شصاير شهد ...شو ازل وقيصر صوتهم طالع وانتي الكه امي يمج.....شكو
حجيتله الي صار بالضبط......كام يخزر بيه .....من احجي
انتي شلووون بيج اني
اني ....أنوب....
هي تحجي عليه
وانت متعرفين تعبرين .....لازم تتعاركين.....وبعدين من اول مأجيتي خليتي البنيه ببالج وكمتي
وانت متعرفين تعبرين .....لازم تتعاركين.....وبعدين من اول مأجيتي خليتي البنيه ببالج وكمتي
شهد/يعني انت مصدكهه وممصدكني .....كتلك تحجي عليه
عوفيهه ....تحجي....هيه خطار ورايحه بعد كم يوم عيب الي سويتي
لا مو عيب
عيب
مو عيب
بصيحه........ عيب كتلج .....لتعانديني .....شهدددد وبعدين وياج .....هسه البيت كلبتي......محد يخلص منج حتى الخطار
كول انت هم معجب بيهه وكلامهه صحيح هيه وغزل
اي كلام ولج .....اي كلام
انت متحبني ومجبور تبقه متزوجني
انتي مخبله والله ......وطلع من الغرفه وركع الباب
............................................................................
لااااااا ...........والله بريئه اني .........والله بريئه ......الله يخليكم لتذبحوني
صرخت بصووووت عالي .......وفزيت من الحلم على نفس الصرخه
/شبيج........خرعتيني ......طاح حضج.......توني غفيت ودفعني .....بيده
باوعت علي بحقد ........وقرف .......شكد اكرهه......شكد تشمئز روحي منه
لتباوعين هيج.....لتباوعين .....وكام جاب الحزام ويضرب بيه
ساقطه........كلبه ......انعل ابوج يا بو الخلفج
لتغلط على بابا
زاد بضربي.......بالحزام ........يضربني بكل قوته ومن اصرخ يزيد بالضرب
رجع جرني من شعري وسحلني ........وخلاني جوه رجليه
ووكعد عَل كرسي .....يلله
جان يطلب مني ابوسه من رجله لليفوك واشياء صعبه .....بالبدايه ارفظ هذا الشي .....بس عنده استعداد يبقه يضرب بيه الحد مااستسلم ......وصل مرحله حتى يحمي السجينه ويجوي جسمه كله
بعد ما كمل حاجته ......كام وعافني.........بقيت متمدده بالكاع ......ابجي وأتذكر كلشي صار ويايه ...
.....................قبل ٤شهور
بيوم الي عرفت بالفيديو أيست من الحياة جنت اعرف شهد راح تلكه دفتري ....كتبتلهه واعتذرت منهه وآخر شي مااعرف ليش ....
كتبت عمر وكملتهه ب ـ هو وانفتح الباب
هو الحلم الي صعب يتحقق بعد
فتحن الباب شهد ومريم ....طبكت الدفتر وخليت الكتاب فوكا
مريم/شيرين دنطيني موبايلج عليج الله
شيرين/انجبي ولج منتظره عمر يتصل وانتي من تلزمين الموبايل تنسين نفسج
والله بسرعه شبيج ٥دقايق
هاج بس استعجلي
شهد/والله تلعبن اثنيناتجن
شيرين/مريم وين موليه مو كلتي خمس دقايق
مريم/هسه شبيج وطبكت الباب حيل وطلعت
شهد/شيرين شبيج شو احسج مو طبيعيه
شيرين/مابيه شي ....جان مبين عليه الخوف .....توني كاعد احجليهه مااحس اله دخل بابا
أيا بت الكلب على هاي السالفه .....وجرني من شعري ......والله اليوم اله ادفنج بيدي
والله مو اني
سحلني من الدرج اباوع امي تعيط وعمه وابويه نزلني جوه مااحس اله جدو كام وكام يضرب بيه بعوجيته
ولد عمي داير مدايري حسن وقيصر وفارس محاوطيني وبابا يضرب بيه
اتوسل بيهم يصدكون اني بريئه محد يصدك اباوع على امي تبجي اكلهه يمه بريئه والله اني يسكتني جدو
الجد/اليوم هاي تنكتل ويتغيب عارنه
ستر/اليوم اني اكتلج بيدي يا ساقطه
حاولت صرخت حجيت محد يسمعني ....انحكمت بالإعدام امي كامت تصرخ وتتوسل وبابا جرني يريد ياخذني
بابا ...ماما والله اني بريئه اخر شي شفت شهد تركض وتصرخ صعدوني بالسياره ودوني المكتن مهجور من دخلت للبيت عرفت هاي قطعانه ال بابا ديبنيهه جايبنه هنا قبل تشوفهه
بقه بابا يضرب بيه .......وقيصر جان يمه بس ميمنعه
جانت بابا روحه محتركه .......يضرب بيه ويبجي
ليش هيج سويتي بيه ....ليش ....ويزيد بضربي
والله مو اني هايه ......والله بريئه اني .....سولفتله قصتي ويه عمر وهو يضرب بيه وكتله ضاع موبايله
اخر شي بابا تعب من الضرب كعد على صفحه أنتجه عل حايط مااحس اله طلع مسدس
لا .....بابا .....والله مو اني هايه .....والقران اني بريئه
قيصر/عمو ....لتسويهه ......عمووو باوعلي
شيرين/قيصر والله مو اني هاي
عله صوت قيصر ودخلو حسن وفارس وبابا جان موجه المسدس عليه ويبجي ماانسى دموعه ابد وكسرة خاطره وحيرته جان حاير يكتبني لو لا مبينه عيونه
فارس/عمو .... الحد الان منعرف هيه لو موهيه بلله كتلتهه بيدك وطلعت بريئه شتسوي بذاك الوكت
حاولو يحجون وَيَا ماكو بقه موجه المسدس عليه اخر شي ضرب الطلقه بس اني غمضت عبالي بيه رأساً تخربطت
فتحت عيني شويه بابا واكف ويحجي ويه الولد جسمي يوجعني خشمي يطكً دم وشفتي من كثر الضرب وممصدكه اني عايشه الطلقه مااندلهه بأي مكان بجسمي عبالي اني مضروبه طلعت بابا ضاربه بالحايط من حركة كلبه نكدر يضربني ضربهه بالحايط
واسمع بابا يحجي وياهم
الصوره راح اشوفهه الجدكم......مبينه شيرين ميته ....بيهه
الي صار هنا ميطلع نهائياً شيرين شنووو ....شيرين ماتت
انت حسن بالذات والله اذا طلعت حجايه منك أذبحك واشرب من دمك اي واحد يسألك تكول جنه واكفين اني وفارس وعمو جوه يضرب بيهه هو وقيصر سمعنه طلقه انضربت دخلنه لكينه شيرين مضروبه شلناهه اني وفارس دفناهه
ماشي عمو
حسن .....اطمئن من ناحيتك لو لا
عمو اطمئن
فارس حاول تدمر قميصك بالدم الي ديطلع من حلكهه ....اريد جدك يصدك هيه ماتت
اجه بالفعل دمر روحه فارس
بابا جان يباوع عليه ويخزر بيه
شيرين لا عبالج خلصتي .....اذا جان الفديو الج والله اذبحج
والله مو اني .....صوري بالموبايل موجودات نفسهم بالحجاب والله
راد يطلع
بابا والله عمر ماله علاقه .....الله يخليك لتسويله شي
رجع عليه وضربني من جديد ......طلع وكال ال قيصر يبقه يمي
قيصر الله يخليك لتكتلو والله مو هو
اششششش الصمي شيرين ....الصمي......شلون تسوين هيج .....مااعرف
والله مو اني الي بالفيديو
شلون تدزين صورج الواحد .....-شلون فهميني ....انتي شمدريج مو هو الي مسوي هذا الفديو
لا هو يحبني وخطبني اكثر من مره
حاولت افهم قيصر عمر ماله دخل ....وأتوسل بي ميسووله شي
وره شويهخابر بابا على قيصر .....كله اطلع من المكان اكو كم بيت بالمنطقه ساكنين بيهه ناس خاف يخابرون الشرطه
عمي احنه بالعراق منو بحال طلقه
كلشي يصير روح عوف المكان
أخذني قيصر وبقينه بالسياره الى ان صار الصبح وقيصر يتجول بالسياره
خابره بابا كله أجرت بيت ودزله العنوان .....جان البيت فارغ وتعبان حيل ووضخ .....دخلت بابا ميباوع عليه وكلي أكوم انظف البيت
زين لكيت هذا البيت بسرعه
صار فتره اشوفه معروض للإيجار من اجي للدوام
مرت ٢٠يوم فارس يجي وقيصر وبابا ومرات حسن يتناوبون يبقون يمي واني مااعرف اي شي عن البره ..... وعن عمر ومن اسأل الولد محد بيهم يجاوبني
والموبايل مختفي مالتي الي بي برائتي ......وكم مره انضربت من بابا علمود الموبايل .......يكولون انتي خفيتي لا يفضحج انتي مو بريئه
ومره من المرات لزم السجينه عليه .....كلي انتي جذابه ....احجي وين الموبايل لو هسه اذبحج والله
والله مااعرف وين موبايلي شوفو لو يم شهد لو يم مريم جانن يمي
ومره اجاني فارس.....وكلي اعترافها بالحقيقه حتى اذا الي الفديو هو يساعدني كمت ابجي واحلفله مو الي والله
فارس/لعد وين
كتلكم يم البنات خاف
مريم تحلف مو يمهه وشهد تنكر
شيرين/يم شهد لعد .... اكيد
كللهه اختج تموت اذا متحجين
انتي خبله ....همه يدرون بيج ميته
حتى ماما
لا بس امج تدري بيج عايشه
الموبايل متوقفة علي حياتي وراهه عرفت تزوجت شهد من فارس وفارس بطل يجي بليل هنا لا هو ولا قيصر لان شهد تلاحظ واصلا همه جانو من يجون يجون بليل كلش بوقت متأخر
فصار حسن اكثر شي يجي
احس نظرات حسن مو طبيعيه .....طبعاً بابا ميجي هواي قليل لان يخاف جدو يشك
بيومهه اجه فارس وكال لكيت الموبايل عد شهد وقارنت الصور وكلامج صحيح ورزلني بيومهه وعرفت دره ب مريم هم
طبعاً همه محد يحجي ويايه منهم نهائيا
......بيومهه نسيت اقفل الباب .....بابا موصيتج اقفل بابا الغرفه عليه والولد بالهول الي موجود ينام
مااحس اله واحد فوكايه ......فتحت عيني .....كبل سد حلكي .....يتبع
.............................
شهد/دخلت للحمام فتحت الدوش ودموعي حالهن حال قطرات الدوش حرت بشنو افكر بكلام هاي الحيه على فارس لو بكلام ازل انو فارس مجبور مبقيني
بقيت وقت طويل بالحمام ......محسيت على نفسي ابد ....طولت
مااحس اله اندك الباب .....
فارس/شنو قصتج شهد يلله طلعي
هسه اجيت
لبست البرنص.......مالتي وطلعت ..... عيوني حمر
اول مدخلت فارس جان كاعد عَل جربايه كام
وخررر فارس
شنو وخر شبيج .....ا
اني كتلك .....كتلك مااريدك ترجعني علمود ابويه لان احبك ....مااتحمل الي احبه ميحبني
اني مااحبج .....ولج هو شمطيح حظي غير حبي الج
لا ....ادري بيك علمود بابا والسمعه مال عشيره مدري العائله مبقيني
مااحس اله مريم عاطت.......يتبع
ت
Bạn đang đọc truyện trên: Truyen247.Pro