بارت11
#صرخات_غير_مسموعه
#بقلم ام غايب
#البارت الحادي عشر
اكو واحد طلع حچاي وجهين
اكتشفتة وحيل ندمان على عشگة
بعد لو يحلف بستين معصوم
ويجيني ويعتذر هم ما اصدگة
مريم /جدو مات
شهد/شنووو جدوووو كمت ابجي واعيط لا اراديااً شكد ماجان قاسي شكد مااني متحملت الخبر .....
يا ربي ليش هيج ....البارحه جان مابي شي ويسولف .....شكد ماكان البشر قاسي وتتوقع كلبك جافل من ناحيته بس من تسمع خبر وفاته تتأذه علي وتنسه كل القسوه الي شفتهه منه
كالت عمه روحو بدلو بسرعه خل نروح ....
فارس وين لعد
كلهم بالمستشفى .....من العصر جدج متخربط وهسه قيصر جاب عمتج خوله وخابر كلي اروح هناك .....لبسنه ورحنه مشي للبيت من راس الفرع وصوت الصريخ مسموع
دخلت لكيت عمه خوله تكسر باب الكلب .....منهاره وامي هم نفس الحاله وشيرين تبجي
خوله/ولكم توووفني راح ابويه راح شمعة بيتنا يممممه وينج اخذتي يمج واني شبقيتيلي هوو بس ابويه باقيلي بالدنيا
تحجي وتخرمش بروحهه وبصوت مبحوح
امي شابكتهه وتبجي ....بجيت بيومهه هواي كلبي ورم ممصدكه بعد ماكو جدو
بدت الناس تجي وبحذود ال١٢جابو جدو مثل مجابو بابا ذبينه روحنه على تابوته
اول مره اعرف بنفسي اني احبك جدو.....تعال ارجع جذب والله مااريدك اموت جنت دائماً احجيهه بس هسه احس روحي تريد تطلع .....احس شي انطفه بهذا البيت
اول شي بابا راح وهسه انت راح تروح
صح انت تضوجنه بس احنه نحبك والله
بقيت خاله راسي عل تابوت وابجي واحجي ويا بكلبي
صورته محاوطه عيوني
شهد/من سمعت صرخة عمه من دخلت من باب الطرمه
احس شي انخمط من روحي.....بقيت الطم وادك على صدري مات جدو وتوهه رجعت علاقتي بي طبيعيه
الحد مجابو التابوت واني ممستوعبه جدو راح
كلهه جيتت عل تابوت وكلهه تعيط بعلوو صوتهه حتى ناس غريبه مشايفتهم فوك التابوت ويصرخون كل واحد شايل هم عبالك يطلعهن بهاي الصرخات كل صرخه تحجي هم
صرخت وطلعت كل وجعي مثلهم
وخليت راسي على كبره
مااعرف شكلك يا جدو ....انت جنت تعرف اني بريئه وحكمت عليه بالموت صح ممتت بس جنت يوميه اموت الف موته والحد الان
مااعرف منو بينه يحتاج يسامح الثاني
اني بالنسبه الي مسامحتك
وانت هم سامحني
.........................
عمر/تعبان يا شيرين الايام بدت تمشي سريع .....راح تصير المحكمه وانحكم اعرف حكمي اعدام
مااريد اموت بدون شوفة امي.......شلون راح اموت اني هم الله مراضي عليه وهم امي ....مشتاقلهه بكد رحمة الله
تدرين مااعرف ليش اليوم اشتهيت اكل سمج شوي وحامض تدرين كاعد احجيلج واللساني يمطك عبالك كاعد اكل صدك
ههههههه اليوم اني جوعي شووو عبالك كاعد اكتب فقرة الاكل وتدرين بعد شمشتهي .....مشتهي اكعد ويه جماعتي بالكهوه ....ونتشاقه
ومشتهي انام بفراشي القديم ....واحجي وياج بالموبايل
واخذ دوش واخلي عطر
شوفي ذني شكد اشياء بسيطه خووب بس اني مفتقدهه وحسره عليه
يلله شسوي
خل انام احسن ماابقه اتخايل نفسي اسوي ذني الاشياء
تدرين من اريد ادخل للحمام هنا اكره الساعه الي انحصر بيهه
مو سجن تكول زريبه
اضحكج على شي ....كايلج عليهه قبل اني بس هسه خطرت ببالي
من اول مره دخلت للسجن وجنت اتصور السجن مثل المسلسلات
اتذكر جنت اكول يم امي عمي اذا هيج السجن اريد انسجن
امي تشهك وتكول اسم الله يمه غير اموت وراك
شتكولين امي من سمعت هذا الخير شصار بيهه تدرين مشبعت منهه ولا من حضنهه محتاجهه حيل
اكو واحد سجين وياي اسمه عدنان رجال جبير تعرفت علي سألني كلي شكلك مهموم
كتله شايفلك سجين مرتاح وفرحان
كلي كلهم طبيعيين بس انته حيل مبين عليك الهم
كتله غدروني
كلي اشم بالغدر بنيه
سكتت واخذت حسره حتى الميت يسمعهه بكبره
سكت ووره سكوته طرح عليه سؤال
كلي اذا عندك طلقه وحده منو تضرب بيهه
كتله اضرب روحي بكلبي
ضحك هو وكلي عرفت هالجواب قبل لتحجي
اووف يا شيرين لوتدرين كلبي شكد مورم
مكتلج ليش كتله كلبي
تدرين ليش لان كلبي هو الغدرني .....من دخلج وقفل بيبانه
**وين الكه اليحبني وكلبه مو جذاب
من وراج كمت ادور عل اشعار مال خيانه بطلت ادور عن الحب والاستياق
شسولف والاريده طلع جذاب..
مايسووه العتب راح ونسانه
انه بكلبي جرح بس ربي يعلم بيه..
من ايدي اشبعت روحي مهانه..
الف وسفه بغدر جازونه الاحباب..
هسه الكلب ارتاح من فاركانه
ههه مو عبالج ذني اشعري لا وداعتج هذا سجين وياي شفته كل شويه وطاكني بشعر كتله متنطيني شعر عن الخيانه
**ملاحظه/تم استبدال الشعر الحقيقي بشعر ثاني من الانترنت
............................
قبل اربع شهور .......
بعد ما رجعت لمى .......كرار اسبوع كامل مأجه بقه بس يتصل لو يجيب مسواك ويروح .....جنت محتاجه يبعد بلكت من يبعد اكدر اعرف بنفسي شريد .....
وره مخلص الاسبوع .....تقريباً الساعه ب١٢بليل حسيت الباب انفتحت ....... بقيت نايمه على نومتي متحركت .....كلت يجوز متعارك ويه زوجته
حسيت بباب الغرفه انفتح كمت كعدت رأساً
كرار/نايمه
شيرين/لا توني ردت اغفه
شنو محسيتي بالباب من انفتح
حسيت
لعد ليش مكمتي بلله حرامي
والكامرات والباب مقفول شلون يدخل
تقرب عل جربايه كعد يمي .....شخبارج
زينه
شيرين اني تعبت
من شنو
من هذا الوضع وصلت مرحله احس نفسي مااعرف شريد كلشي بعقلي يفكر يريدج مو كااافي
انت متعارك ويه لمى
لا
شعجب اجيت لعد
لان حسيت نفسي مشتاقلج طول الوقت افكر بيج ....يمكن لان احسج حلالي الممنوع
المطلوب مني شنووو كرار ....تره اني تعبانه اكثر منك
تقرب عليه وكام يبوس بيه ......اني متحركت من مكاني .....كلمات السيد تتردد بمسمعي ....يمكن ذيج الايام حسيت روحي ترغبه بس من اجت لمى وراح حسيته جان يريد يسد نقص وجودهه بيه وبروحته خلاني بس افكر ب عمر وصعب عليه الامور اكثر
غمضت عيني ......وبادلته الشعور .....بس بدون رغبه بس لان هو زوجي ....ولازم ابعد عمر من عقلي مثل مكال السيد .....يمكن من يتقربلي ....تقوه علاقتنا
واشيل عمر من عقلي
بعد ماتقربلي نام بصفي وباسني من راسي ......شويه وكام يباوع عل ساعه بموبايله
دار جسمه عليه
احبج شيرين
بقيت اباوع علي ......كتله راح تروح لو تبقه
كتلج اني احبج جنت منتظر غير رد
راح تروح لو لا
اي
ليش
دار وجهه ونام على ظهره ...
شيرين مااريد لمى تعرف .....مو خوفاً منهه علمود حياتنا تمر طبيعي بدون مشاكل اني تعبت فكري بيه مره وحده .... مجنت متوقع راح احبج لذلك بكل مره ارجع لمى اكلهه اني وانتي زواجنا اسمي وبس
اليوم يالله اكتمل هذا الزواج ومصار هواي من رجعت لمى ....جهالي مدارس .....ويوميه بسبب لمى فايتتهم دروس ...لمى حقهه واني حقي وانتي حقج
حياتنا معقده ....انطيني فرصه ارتب كلشي
بقيت اباوع علي بحزن .... مو لان حجه هيج لان حياتي لو شكد مااسوي متتغير من التعقيد
باسني بعيني
اني احس ب كرار .....لان الي كاعد اعيش بي بمشاعري هو كاعد يعيشه متأكده هسه من تقربلي هم حس بتأنيب الضمير والندم .....
استمرت حياتنا هيج لمدة شهر ....تقريباً .....مكدرت اتخلص من التفكير بتأنيب الضمير تجاه عمر وكرار بنفس الوقت لذلك صرت انسانه منغلقه على نفسي
الدرجة حتى بخطوبة مريم كل الناس فرحانه واني ماخذه ركن بعيد
مريم اقتنعت بعد مااأيست من محمد من حجو بالموضوع كدامه
كال مريم انتي متعافيه الولد خوش ولد
بهاي أيست واقتنعت ....بيومهه كلبي افطر عليهه بس من تعرفت عل ولد حسيت رجعت الحيويه الوجهه
كلشي ماشي طبيعي جان ومستقره ببيتي
اجه كرار مثل كل مره الظهر .....ضايج
شبيك كرار
شيرين شفتي بلله عليج الرجال يريد بيته
يبووو وشلون هسه بس لا راح ارجع هناك
لا شنو القصه ....اكيد لا هو اني بدون ماانتي هناك واربعه وعشرين ساعه مشاكل وطافره روحي
Advertisement
المشكله اكو بيت بس بعد فرعين عن بيتنا واني ماارتاح
واصلا هذا البيت عاجبني لان لا بي سطح وقريب على بيت عمو يعني انام مطمئن
بقه دايخ كرار يومين وراهه اجه كال لكيت بيت .....البيت جديد ....بس يحتاجله تنضيف عادي بس ايجاره اكثر مبين جان عباره عن استقبال وحولي هو هول وهو مطبخ وغرفة نوم وطابق ثاني سطح بس مابي طرمه كبل باب بس كرار سوه الرصيف بجينكو وسوه طرمه صغيره ....اسبوع واستقريت بهذا البيت طبعاً عمه خوله وامي ومريم ساعدني بالتحويله كله
اول ايام امي باتت يمي علمود مااخاف ووره مراحت امي اجه كرار هم بات يمي .....من لمى راحت البيت اهلهه ....حياتي صارت طبيعيه مثل اي انسانه متزوجه عدهه بيتهه وحياتهه بس انسانه اكو غصه بكلبهه وضمير يأنب بيهه طول الوقت يعني ماكو راحة البال
افتقدلهه وكرار ابد ممقصر وياي بأي شغله
بس اتفقنه اني ويا استعمل زومانع كال حيدر وطيبه وجنات كافين اتعب عليهم جدو راد يوادرسهم احسن مدارساحسن مااكومهم انسان واعي ومثقف بشكل مو طبيعي
يمكن لو من زمان قبل لا التقي ب عمر متزوجه كرار جان هسه اني اسعد انسانه بالدنيا .....جان معانيت ولا اي معاناة ولا جان عمر هذا حاله ..
خابرني كرار مثل يوميه قبل لينام
ها حبيبتي شلونج
الحمدلله وانت
والله اني زين ومشتاقلج هواي شنو رأيج اجي هسه
ولمى
تعرفين من احجي وياج وهيج كبل تكولين لمى شكد يأنبني ضميري عليهه هسه انتي غلسي
ابتسمت ...شكد تحبهه
شعليج انتي ....اسألج سؤال
جواب
متغارين عليه
مرات اي ومرات لا
واحنه دنسولف بعدنه سمعت ويا صوت بجية يمكن واحد من الجهال تعور ....كلي يلله باي بعدين اخابرج وسده
نعست حيل ......ونمت
فزيت على جسم ثكيل فوكايه ......وداير ايدي على ظهري فتحت عينيبس مو بوضوح لان جنت مندمجه بالنومه اباوع سلاح موجه على راس جنات
فزيت مخترعه ردت ارفع راسي .....
لتتحركين وديري بالج تطلعين صوت ....اذا تريدين بنتج تموت طلعي صوت
منو انت
لتحجين ولا كلمه اذا تريدين بنتج ميصير بيهه شي تنفذين الي اكلج علي
اثير انت
ايي اشششش الصمي
جفلت بمكاني .....حتى دموع مكدت اطلع ممستوعبه بس احس الدنيا بارده وحيل مع العلم الغرفه دافيه
كعدني عل جربايه وايدي مربوطه
همام طلع جنات واطلع
شراح تسوي اثير
اشششش لتحجين ابد ولتطلعين صوت
راح تاخذون جنات موووو
اششش الصمي هسه تعرفين
مااعرف شسوي الخوف ساكن كلبي وكل قطرة دم مبقت بيه
قبل فتره اذا سمعتي خطفت اختج
انصدمت .....شهدد
ليش عندج غير اخت انتي ....بس انقهرت عليهه كلت ....هيه شنو ذنبهه ....تدفع اغلاط اختهه واخوهه
ضميري اشتغل من ناحيتهه بس من ناحيتج أيسي
مثل ما حياة عمر انعدمت انتي هم حياتج تنعدم
راح اصورج هسه ورددي هاي الكلمات وزين دشداشتج بيهه سحاب من يم الصدر نزليهه
انت شدتسووي
رددي هاي الكلمات .....واني اصورج
اصلا انتي جان مفروض ابوج يذبحج من البدايه
يلله هسه تنذبحين عادي مو مشكله
عادي اذبحني هو بالحالتين اذا سويت الي تحجي انت اني انذبح عل اقل انذبح بشرف وغدر
تفرق هواي مثلا هسه اذبح بنتج كدامج تتحملين هذا المنظر
جنت تحجي على عمر وهسه انت شنو
اني حلفت ادمر شرفكم شيرين وانتي وحده هواي عليج الحياة جبتي العار الاهلج قبل ودخلتي
انت شد تحجي لووو تموت والله
بكيفج لعد جنات هسه تنذبح
اثيررر عليك الله لتسوي هيج ....جنات شنو ذنبهه
كمت ابجي اثير توتر حيل
بسرعه يلله ماعندي وقت .....
عندك خوات .....الله يطلعهه بيك والله
بسرعه كتلج لتحجين لتخافين اخوج عار ميذبحج مجرد اهدده بهذا الفديو يطلع عمر مثل مدخله
مااكدر
انتي كلشي تكدرين تسووين انتي اثلاً نقمه مو جوده عل ارض
سمعت صوت بجية جنات عطت وياهه سد حلكي بيده
شديسوووي البتي هذااا الي وياك
اشششش كتلج حسج
اثير ممصدكه والله انت هيج صاير
شيرين منا للخمسه يأما تحجين يأما اذبح بنتج
وانشر صور اختج
صورتهه ال شهدد اللله ياخذك ان شاء الله انت مجرم والله من جهه جنات جانت تبجي اختفه صوتهه بجيت من كل كلبي وتوسل بي وهو ماكو ولا يسمع الي كبالي مستحيل اثير ....يختلف ....جذرياً
ماشي اصور بس تحلف بداعة امك وشرف خواتك متسوي اي شي ال شهد بصورهه واشوف جنات يالله
جاب جنات شايلهه ساكته هذاك الي ويا مطلعلهه نستله من الثلاجه مدري هو جايبهه
فتح ايدي وسويت مثل مكال نزلت دشداشتي صارت دلعه .....هو اني عمري ضاع وراح ومن زمان خربت سمعتي عل اقل بس اني مو شهد
احجي وابجي ....بس اني مااكدر اكول هاي الكلمات
تكوليهن عادي ....انتي بالذات مااصدك بيج بعد
.......جانن كلمات صعبه تنحجي
مااكدر اللفظهن بيني وبينه
بعدني مناطقه اول كلمه شمر الموبايل بالحايط
عدلي روحج
شكد اكرهج مكاااااعد افلح بأي شي
عمرررر راح ياكل اعدام واني ممتحرك الحد الان
بكر خسر كل الفلوس علمود بس يتخفف الحكم
رجعو دبسوووو بجريمة صادق وحسن الي هو ممرتكبهن
مااتحمل اشوفه ينعدم بودي هسه الزم اخوووج واموته بيدي انتي ويا من نفس الطينه
شال موبايله المفلش ...راح اخذ جنات ....اذا جبتي اسمي او اسم عمر والله متشوفيهه بعد طول حياتج
لتخافين مااسويلهه شي بس اطلب فلوس من اهلج
علمود يتخفف الحكم على عمر
عليك الله لتاخذهه امووت والله ....اثير ابوس ايدك والله مالهه دخل بتي
لتخافين كتلج بين مينطون الفلوس اذا منطينه فلوس عمر ياكل اعدام شيرين وانتو دخلتو للسجن لتنسين هذاالي مخبلني مااعرف شلون الشي
وقبل ليطلع سد حلكي خاف اصرخ وبقه ايدي على نفس الشده
اتوسل بي وميقبل مااكدر اسوي بشرفج شي مااكدر لتخافين عليهه تذكري عمر ينعدم اذا مو فلوس
اخذ جنات وطلع كمت اصرخ بس صوت ميطلعلي بس ونين .....
كمت بعد ماراح واني ايدي مربوطه باوعت ماخذهه صدك ادت بجيتي ياربي شسوي هسه اني
كمت افتح بيدي كووه كدرت افتحهه
وخرت الشال الي ساد حلكي بي واتصلت على كرار
مجاوب رجعت مره ثانيه جاوبتني لمى ومبين من صوتهه نايمه
الووو
كرررار الحك
لمى/شبيج شيرين
اخذذذو بتي لمى لحكووًلي بتي راحت
ماكو شويه وسمعت صوت شخطة السياره
دك الباب فارس انوب ايدي ترجف اريد افتح الباب مقفول عرفت انو همه داخلين من السطح
فتحته كرار مخروع
شكوووو شيرين
بعده يسألني دخل محمد وورا سيارة قيصر شخطت بالباب دخلو هو وفارس مخروعين
شبكني محمد
ردت اكول اثير اخذ جنات تذكرت كال يمي صور ال شهد وجنات بيده
اثنين دخلو اخذو جنات اريددد بتي كرار
خله ايده على راسه كرار ودخل جوه يركض عل غرفه رجع صعد فوك
الاول مره اشوف دمعة كرار .....وكام يدك عل حايط بيده ويصيح
فارس وقيصر صعدو فوك
فارس/ذولي من المنطقه اكيد
Advertisement
حسيت واحد يجتف بيه من فتحت عيني لكيت السلاح على جنات
تقرب عليه خوما سووو بيج شي
هزيت راسي بمعنى لابس انهيار بداخلي وتفكير يكلي كوليله
بقت جنات بعيده عليه لمدة ١٠يوم بس ابجي وخايفه
لان اثير انطاهم مده ١٠يوم يدبلوم المبلغ
ومن ذاك اليوم كرار رجعني البيتهم .....اصعب شي عليه جان من اشوف لوبة كرار من خابرو المكافحه بيومهه ملكو اي بصمات لان جانو لابسين جفوف وماكو اي دليل يكشفهم
اني انهاريت .....مااعرف شسوي دوم موقفي صعب وماعندي اختيارات
اذا مأخذ اثير الفلوس عمر ينعدم واذا اخذهن عل اقل اكو امل ومن جهه كلبي مطكك على جنات
جنت نايمه وبعقلي اكول هذا هو راح اكول ال كرار ويروحون يقبضون عليهم
فتح الباب كرار واجه كعد يمي
ولزم ايدي
اليوم تخلص هاي السالفه وداعتج
كرار اني ....اعرف منو
باوع عليه بصدمه ....شلوون يعني
........يتبع
بي تكمله بس مااكدر عندي اثنين اطفال مدرسه وواجبات كومه اعذروني واذا اكدر انزل بليل متأخر كلش
Bạn đang đọc truyện trên: Truyen247.Pro