بارت10
🌹🌹صرخات غير مسموعه🌹🌹
🌱🌱بقلمي ام غايب🌱🌱
#بارت 10
ملاحظه//موعد النشر يومي وذكرته ببداية القصه
بخصوص التوقيت اني بكل القصص اخلي موعد وموعد صرخات غير مسموعة الساعه العاشره مساءً لكن اذا كملت البارت قبل هذا الموعد انشر وإذا اجتي العشره واني مناشره معناهه عندي ظرف
مااحظه٢/الاحداث الي تشوفوهه ممله مااكدر احذفهن لان حدث مربوط بحدث
مااحس اله انفتح الباب فارس
رأساً من مكاني كمت ....فارس
جنت مطفيه الكلوب ......شغله وتقرب عليه بدون ميحجي ولا كلمه
تقرب عليه واني وكفت مصطكه
خفت حتى مااعرف شحجي
.
شهد/هووو شكووو
فارس/شكوووو يعني متعرفين شكو
ويخزر بيه
سكتت ....ليش تباوعلي هيج جانت نظراته حيل تخوف مثل اول جيه اله من حجيت علي
ليش اباوعلج هيج .....اني شكتلج
شكتلي ....ماادري
متدرين .....شكتلج اني اذا طلعتي شسويلج
تطلكني
وبعد
وبعد شنو
تذكري
صفنت .....مااتذكر
لا ....تذكري ...صفني .....ماعندي شي انتظرج تتذكرين
شهد ...اذا طلعتي من البيت قبل لا اجي اكسر رجلج من ارجع
تذكرت بعقلي كلامه ....رأساً كتله
شلون تكسر رجلي وأيدك مكسوره
باوعلي بدون ميحجي ولا كلمه ولا يبتسم ....خوفني بالزايد
مااحس اله لزمني من شعري .....انتي ليش هلكد صلفه
وخر أيدك ....جرني قوي من شعري
اخخخ وخر ....فوك مخايني أنوب
مووو كتلج متطلعين من البيت اني بعصبيه وجرني من شعري قوي
اشششش ديري بالج تطلعين صوت
وخرررررر أيدك مااحس اله عاف شعري لان هو تك أيد وضربني راشدي سطرني ورجع لزم شعري
وخررررر أنوب فوكاهه....انت تضرب
الله يحبج ايدي مكسوره شهد ....الله يحبج
اني هنا عطت وخرررررر شكد أكرهك
لطشني بالحايط تأذيت حيل عطت ...اجه على عيطتي محمد
شكووو فارس شبيك
محمد لتدخل مرتي واني حر شسوي اسوي
فارس مو هيج ....
محمد لتدخل
اني ابجي .....وهو لازم شعري ميقبل يعوفه الى ان اجه محمد وخره مني
فارررس مو هيج
لتدخل
شهد/طلكني فاااارس
محمد/الصمي شهد لتحجين
امي وعمه خوله اجني يركضن
فارس/شنو ميت عليج اني ...طبج مرض مو واحد بحالج اني .
شهد/اي طلكني لعد
انتي طالك شهد
امي دكت على صدرهه وعمه خوله خلت ايدهه على حلكهه من الصدمه
محمد عاط بـ فارس.....انت تخبلت
فارس/لا تخبلت ولا شي ....اني هم بعد مااريدهه ...ساعة السوده الي تزوجتهه بيهه ....خل يفيدهه اللسانهه عن نفسي بعد مااطيقهه
وطلع فارس بعصبيه
محمد/طاح حضج شهد اي والله
هو شفته شلون هجم عليه
انجبي حسج مااسمعه ....وطلع محمد من الغرفه هم عصبي وامي استلمتني رزاله وغمتني
امدددداج ....ارتاحيتي هسه ...
هو شنووو ....مشفتي شسوه اجه مناكً هاد عليه ولا عبالك طلعت لان يخوني
خوله/كلج الولد مخاينج واخوج حلفلج بس زميله
عوفوني ...الله يخليكم ....أصلاً اني هم مااريده
رحاب/انجبي ...انجبي يا عرمه ....شوكت الله يأخذني وارتاح منج يا شهد
طلعو وعافوني ....كعدت بالكاع تخايلت الي صار واحجي ويه نفسي
ليش كلشي اسوي اني غلط.....والله هو يخوني اني اعرف وهمه يجذبون وعيوني الي جانت تشوفه يتبسم والبدي الوردي وهسه همه سوه ومن ميسأل عليه هاي كلهن ويريدون اصدك ماعنده شي ....أصلا يتحجج عليه لو يحبني جان بررلي عَل اقل
وراهه سمعت صار صياح جوه .......صوت بابا ....جنت ابجي متمدده مااحس اله بابا فتح الباب عصبي
اني خفت كمت كبل رجعت الي وره
شهد انتي ليش متفكرين بيه
بابا والله ممسويه شي
لا ....مسويه ....من تجاوبين وتمدين اللسانج ويكولون بتك ممتربايه مسويه ومسويه هواي
بابا
ااااش لتحجين ....اني تعبت حيل ذاك اليوم سويتيلج عمله اكبر من راسج وخليتيني أدنك راسي من وراج
هو خاني
هو طبه مرض ....انتي ليش تجااااوبين ....عندج حق .....اني اطلعه الج ....
دنكت
حسج بعد مااسمعه ....سويتي الي تريدي هسه... اتطلكتي ....ارتاحي .....مراح اجبرج ترجعيله ....بس اكلج بشغله ....اني اشكرج بنتي انتي واختج .....تعبي غزر بيجن ورفعتن راسي بين الناس ،.....وحده بين الناس معروفه بـ...........والثانيه تذب تهمه على رجلهه وتزامط وتريد تتطلك وهيه مصار الهه اكثر من ٣شهور
بابا
اشششش لتحجين ...لتحجين وكام جان يريد يطلع مااحس اله كام يركع براااسه......ويصيح بعلو صوته تعبت يارررررربي .....تعبت ......تعبت يا ناااااااس ويدك براسه واني كمت ركضت علي اجره وهو يدك براسه
اجه محمد يركض
محمد/يابه فدووه اروحلك بس اهدء
لك محمد ....لك مااكدر ارفع رااااسي ....لك ابوك صار عَل كل اللسان .......
اجتي امي تركض علي ...شبكته من ظهره وتبجي ....
اباوع محمد يبجي على بجية بابا وامي وعمه عخوله وجدو من جوه يصيح
لعد شعبالك هنه ذني بناتكً.....رمن احجي تلومني
محمد/رحمه الدينج خل يسكت مو وكتنه ورحيله عمه خوله
كعد بالكاع بابا ....ولج تعبت رحااااب ....ولججججج تعبت ....ولكم كاعد اموووووووووًت يوميه ويدك على صدره بوكسيات
اكاااابر واكول قوي روحك ،....ومااكدر
ميتتت اني ميت والله ميت
جنت واكفه عَل صفحه وابجي .....تمنيت اموووت ولا مخليه بابا بهيج موقف
لك محمد ابوك راحت هيبته .....وراح صيته من وره خواتك
محمد/يابه انت طول عمرك هيبه وصيتك عالي وتبقه هيج ....انعل ابوهم الناس .....انت الفخر النه..... وكام يبوس بيده
مااكدر أتقرب منه ....واني بسببي ابويه انهار وكام يبجي اااوف يا حبيبي وصل مرحله حتى يبجي لعد شكد منهار من الداخل
كومو ماما ومحمد وطلعو سوده عليه ........ كعدت اكطع بشعري وابجي من طلع
اخخخخ يا حبيبي ااااخ شسويت بيك اني ...الله ياخذني
شكد كرهت روحي وانانيتي.....مفكرت غير بس بنفسي وراحتي .....مفكرت انو الي صار ويه شيرين مدمره ومدمر سمعته وبكل سهوله زودت علي الحمل
رجع دخل محمد وطبك الباب حيل
ليش هيج شهد ....ليش
اني اسفه
اني شكو تتأسفين مني .....عجبج بس خميني مينكسر خاطرج علي .....ولج هذا ابونا الي دومه هيبه والناس بس يحجي كلمه تسكت ....يكععد هسه مكسور من وراجن ....شهد جري عدل احسن الج
انطيني خل اخابر فارس اخلي يجيني
لا والله هيج فارس ماعنده كرامه يجي يركض الج
اني مكاعد اللومج لان مرجعتي الـ فارس بس انتي كدامي تراددي لابقيتي احترام اله ولا ألي ولا للرباج وتعب عليج تريدين الصدك لو اني منه ماابقيج من اول شغله سويتيهه بي
بس هو خاني ....انت ليش بس تذب الصوجًبيه
خانج ....ماشي .....عندج دليل
يحجي بالموبايل ويتبسم
امدااااج ....لج بالا كبري ....كبري وبعدين من خانج ....بسببج ...فارس ان يحبج....بس انتي ضيعتي من ايدج
طلع وطبك الباب حيل ...........
..........................................................................................
منو هذا .........؟
اخوهه.......اسمه محمد ......جان يدرس بره
مو اكول .......اول مره اشوفه ......
حركت السياره بعد ماشفت محمد طلع باتجاه الشارع .......ونزلت اثير
يبقه يراقب الوضع الي هنا
اخذ تكسي وطلعت ورا ........
.............................................................................
شهد/طلعت صور شيرين وكعدت ابجي واعاتبهه
تعالي شوفي ......شيرين شسوينه بــ بابا ......نزلنه دموعه الغاليه ......هنايلج ميته ومشفتي من مكسور ....هنيالج
طلعت برا....اشوف الوضع سمعتهم يودعون حسن لان راح يسافر لجوء مدري وين دخلت وقفلت الباب عليه
ورجعت طلعت دفتر شيرين
...............................مذكرات شيرين
مااحس اله دخلت مريم
مريم/ها ولجن شكاعد تسون شيرين شبيج ولج
شهد/اهووووو نبص روحه شلش
مريم/انجبي انتي وطلعي واجتي كعدت يمي وخلت ايدهه على جتفي واني جنت مختنكه حيل عبالك من تظره احد يشكيني ......كبل بجيت
سوده عليه .....راح تبجيني غير تحجين شبيج
حجيتلهه سالفتي اني وعمر ورفض جدو وبيومهه هيه هم اعترفت
مريم/اني هم احب
شهد .....دكت على صدرهه .....عزه العزاني وعزاجن يا يابه ....يا بويه
لاعبات لعب انتن
مريم/يا ربي هذا الكائن شكد مزعج صوته
اكلج ....مريم ......لتخليني اخليج بالدائرة ويه حسن .... اكثر اثنين غثه بالعشيره انتي وَيَا
شهد وماادراك من شهد اللسانهه اطول منهه من تستلم واحد
..................................
شهد/بلله هسه شيرين منين اجيبج اني محروك دمي عليج وانتي جايبه دفترج شكالت شهد وشحجت شهد وشكلت شهد .....فين قصة حبكم
.................................
شيرين/ثاني يوم رحت للكليه ........ملكيت عمر .....بقيت أراقب شوكت يجي وادور علي ماكو ........
شخبارج .......يكولون صرتي حامل من خطيبج ........وضحك
العفو خطيبج الجذابي
سكتت ولا كأنما شايفته
تعرفين اني شنو اكثر شي يغثني .....بالسالفه كلهه ......انو انتي مسويه روحج شريفه
نفخت بحلكي .....لا تعليق
صدك........
عفته ورحت .......شكد اكرهه واكره الساعه الي دخلت بيهه بهاي الكليه.....
رحت الغير مكان ....لحكني
شتريد احمد
كايلج قبل شريد ....مره وحده واعوفج
شوف هذا .....روح منا لا الم الطلاب كلهه عليك
لميهم .....عادي .....ومن يسألون أكلهم مجرد اختلاف عَلـ سعر
انت صدوك واحد نذل .....الي يشوفك يحوفك ......من جانن يحجن البنات ....ويكولن مو زين ....أكلهم مستحيل ......-"شكلك خداع
مثلج بالضبط .......جنت عبالي شريفه وتختلفين ......عن كل البنات ......ثاريج طلعتي بس گفر
عفته وكمت امشي .........مااعرف اللوم نفسي لو عمر لو جدي عَل ديصير بيه ......هو كل الحب هيج نقمه ينكلب لو اني ماعندي حظ
ماعولت يجي وقت الطلعه ويجي ابو الخط ......توني كاعد اطلع مااحس اله اجه عمر ......منين طلع ماادري بس اجاني مرعوص
شتسوين ويه احمددد
عمر
اي .....عمر .....مصدكتي لازم تخلصين مني
شدتحجي يمعود
طلعتي على حقيقتج شيرين .....مااااشي
انت شدتحجي ......هو من وره منو اجاني احمد.....من وراك .....منو خرب سمعتي غيرك
هااااا .....هيج صارت ......يعني هسه اني الي مخرب سمعتج
اي انت .....جنت بنيه جافيه خيري شري .......وانت خليتني احبك
واني من خليتج تحبيني .....ضحكت عليج لو استغليتج ......شو مبقيت شغله علمود اخطبج من اهلج .....لو انتن البنات تحبن الي يضحك عليجن ويبجيجن
انت شدتحجي عمر .....روح الله يخليك
عفته ورحت ....صعدت بالخط بسرعه تعبت حيل وكرهت الحب وآلياته الي حبيت بيهه بهاللحظه
مرت الايام وتصالحنا اني وعمر وأيست من امي .....ومكدرت اعوفه ولا هو كدر يعوفني أصلاً زاد حبنه .....صدوك لو كالو كل ممنوع مرغوب وعمر جان الممنوع .....وكل مااأيس من موافقة اهلي كل ما يزيد حبي الـ عمر
خلصت السنه وبدينه بمرحله جديده واحنه مستمرين بعلاقتنا .....
شيرين..اذا اجتنه بنيه نسميهه أنتصار
ياااااااا ......صدك تحجي منين جبت هذا الاسم الي مدري من يا زمن
حبي لازم نسمي هيج لان حبنا راح ينتصر على جدج الطائفي ان شاء الله
ووف مااعول انسه هذا الموضوع
اكلج هو جدج مو طول بالحياة .....هواي ....شوكت يروح ميكيلي
يمه اسم الله علي .....حبيبي ......اموت ورا والله ... مااتخايل حياتي بدون جدو
مو شلع كلب كلبي جدج
أخذله صفنه عمر .....مااحس اله
راح ادز اهلي كافي بعد مااتحمل
ميقبلون والله
ليش لان سني شنو هالتخلف مال جدج مو متت من هاي السالفه
مو بكيفهم اذا اضطر الأمر اخلي ابويه يدخل ناس ويرحون الجدج
ابوك مو ميت
عمي اقصد مثل ابويه .....لان اني اصيحله يابه
هاااا .....اكول ياربي
شيرين والله تعبت حيل .....من هذا الموضوع المشكله انتي دخلتي بكلبي وبنيتي الف سياج بكلبي وقفلتيهن بقفل ممطروق بحيث محد يكدر يفتحه
والله اني هم مثلك ...بس شسوي المشكله من يشوفون اللحاحك يعرفون اني عندي علاقه بيك
وميعرفون شنو المشكله .........بلكت من يعرفون واحد يحب الثاني يقبلون ويفكون ياخه من عدنه
شيرين حضري روحج بس ارجع من السفر اجي اخطبج
والله ماادري
هذا هو انتهى خل يعرفون والله العب لعب .....حتى اخطفج اذا اضطر الأمر
هههههه .....انت متأثر بالأفلام الهنديه
علمودج اكلب هندي وصومالي اذا اضطر الأمر
ضحكت على كلامه
اخخخخ يا كلبي لو تشوفين شيصير بي من يشوفج تضحكين
شيصير
يصير .....كلشي بي .....شيرين .....والله انتي اول حب حقيقي بحياتي ابد ممتوقع احب هيج حب
يابه اذا قبل جدج تدرين شسوي
شتسوي
اذبح ذبيحه
ليش انتو هم تنذرون وهيج سوالف
لعد وحد .....اكلج يعني شنو السني جاي من كوكب ثاني .....شو انتو مدري شلونكم ......
والله عرفت الطائفي من حبيتج ومن تعرفت على بكر
منو هذا
ولد سني قبل فتره تعرفت علي ......مو تعارف قوي بس بأربيل جنت ونسه رايح وهناك عرفته هم طائفي
احنه مو طائفيين
لا ابد بس جدج رافظني لان سني
بس جدو
سكتي يمعوده
شوكت تسافر
بعد يومين
خلصت اليومين وحجز عمر كال أسبوعين ويرجع لان امه مريضه وعلى أساس طيارته اليوم بليل
اتصل علي مغلق من الصبح لان بيومهه مأجه للدوام ولا اني رحت
اتصل عليه رقم غريب جاوبته بس مصحت الو .....بس اتسمع ....سمعته صوت عمر
شيرين /بعد وكت
عمر/شيرين موبايلي مكاعد الكا
شيرين/يااا...وين راح حبيبي واني احجي عليك
عمر/موبايلي انباك مدري ضاع ....ماادري وين وله
شيرين/فدووه حبيبي ...هو موبايل
عمر/ولج غير كله صورج ...طبه مرض الموبايل هو غير متروس صورج شيرين ماادري يم منو الموبايل بيد أمينه أو لا
يعني شلون عمر شيسوون بصوري
ماادري شيرين والله ماادري من البارحه لليوم منايم ابد مبقيت مكان مدورته بي
عزززه بعيني عمر شلون هسه
موبايلج لتغلقي ابد .....ماادري خل اشوف
وين اخر شي جنت
المشكله اليوم رحت اكثر من مكان
بس اخر شي الي أتذكره جنت بالمطعم كاعد يم جماعتي وراهه طلعنه من ردت اتصل بـ اثير ملكيته
جان رجعت للمطعم
رجعت ماكو سألتهم ودورت ماكو
زين مابي كامرات
لا .....ديلله هسه روحي ومثل موصيتج حبيبتي موبايلج يمج ..
ظليت الوقت كله اللوب وكل شويه اتصل علي .....وأحاول الين نفسي طبيعيه حتى ويشكون اهلي اكو شي
وراهه اتصل بيه عمر
شيرين اسف مـــكدرت اسوي شي
جان يحجي وصوته مبحوح
شيرين/شلون يعني عمر
وكبل نزلت دمعتي
يعني الي اخذ الموبايل نشرفديو الج شيرين
جان يحجي ويبجي
دكيت على صدري .......عمر انت شدتحجي
انت شدتحجي .....عمر شدتكول فهمني ....... انت تعرف شنو معنا هذا الشي .....يعني اهلي يذبحوني شنو الفديو فهمني
شيرين حبيبتي .....لتخافين .....اني راح اجي هسه واكلهم بسببي كلشي صار
يكتلوك عمر .....انت شدتحجي .....متعرف جدي شنو
طبني مرض شيرين.....شيرين حبيبتي لتخافين
شلون مااخاف
بلغت الشرطه .....بلكت اليوم لو باجر يلكو
لتجي عمر الاهلي عليك الله
شلون مااجي اكيد راح يشوفون الفديو
الفديو شنو عمر
احجي عمر
مااسمع صوتج شيرين حبيبتي .......انتظريني ربع ساعه .
عمر ....لتجي دير بالك الله يخليك ....عمر تسمعني
احس الدنيا دارت بيه توني سديته من عمر مااحس اله سمر دزتلي الفديو
وكاتبه....طاح حضج ضيعتي روحج مفكرتي بأهلج للأسف بيوم جنتي صديقتي
فتحت الفديو وانصدمت جانن صوري متركبات على غير جسم وبحركات متنحجي واكو صور يم واحد مطالع وجهه ....لطمت على وجهي
اتصلت ب عمر ميجاوب وكلشي بجسمي يرجف
لتجي عمر يكتلوك والله
شهد جان مشروع هذا الدفتر اكتب الاطفالي قصة حبي ويه ابوهم اكيد انتي راح تشوفين هذا الدفتر ....... انتهت أحلامي كلهه .....يمكن هذا اخر سطر اكتبه بهذا الدفتر منتظره آجلي
راح تشوفين الفديو اكيد.....بس والله مو اني .....اختج بريئه اني كل ذنبي هو حبيت عمر ....وعمر حبني حب شريف
اني احبج لتزعلين مني من احجي عليج انتي روحي
احبج وأحب بابا وأحب ماما وأسفه لان سويت بيكم هيج والله مو قصدي
سديت دفتر مذكراتهه .....بعد ما كملته ......سوده عليه الحب اخذ منج روحج حسبي الله عليك يا عمر .....والله ليقره هذا الدفتر يكول هالانسان شكد يحبهه عشتو وهو دمرهه الغبي
رحت نمت على جربايتي وغطيت وجهي كامت عيوني توجعني من البجي ومن القرايه حسّيت روحي دخت حيل
.................................................................................
اثير شنو الوضع يمك
اثير/محد لا طلع ولا اجه وانت
اني ......اكو تطور تقريباً
اي ياالله
محمد اجه نفس العنوان الي ذاك اليوم ابو اجه بي
اكلك شوكت نخلص من هاي السالفه مو شليت حالي .....احس نفسي مخبر بفلم مصري قديم
هانت ......بس اخذ موبايلهه
مو كافي الهنا .......يمعود عوف السالفه .....اله تسويلك مصيبه وتخليهم يكتلوك
مااعوفهه ابد صارلي ٤شهور عيني مشايفه النوم .......انت شدتحجي
جان اهلهه سوو هاي الخطوه اذا تفيدهم بشي
ميهمني اهلهه كل اليهمني اظهر براءة شيرين واسوي فديو بصورهه الحقيقيه وانزلهه ويه الفديو الفوتوشوب حتى كل الناس تعرف انو هيه انذبحت ظلم
مااعرف شكلك والله .....بس انت تلعب
سديت الخط منه ورجعت ذاكرتي بيوم ذبح شيرين صورة انطبعت بعقلي وعيني متروح ابد وآخر كلماتهه ترن بأذني
عمر ....لتجي دير بالك الله يخليك ....عمر تسمعني
شكد متندم لان من اتصلت بيه اخر شي مجاوبتهه وراهه دزتلي رسلله
لتجي عمر يذبحوك اهلي
جنت بالطريق رايح الهه ومآخذ ويايه اثير وعلي اصدقائي ......لان الفديو انشر وخايف عليهه من اهلهه
بوصولي لباب بيتهم طلعت سياره بيهه ٤زلم وبنصهم شبرين
ردت انزل لزمني علي
انت مخبل وين نازل
شنو وين نازل ....لك ماادري وين ماخذيهه
طلعت السياره الي بيهه شيرين ......اطلع اثير وراهم بسرعه .......
عطت بكل علو صوتي......اطلع وراهم بسرررررعه
جنت وراهم اخر شي وكفؤ بمكان مهجور أو بمنطقه سكنيه جديده قليله البيوت بيهه ينعدم عَل أصابع
اثير/انت شمدريك مو هيه صدك هيج
اااااسكت اثير
ردت انزل بسرعه
حررني اثنينهم جنت ماعد بالصدر يم اثير وعلي ورايه
وخررررو
لك انت شدتسوي مخبل
لك راح يذبحوهه انت شدتحجي
ويذبحوك اذا نزلت
ميخالف .....لك بسببي راح يذبحوهه
انت شعليك
شنوووو شعليه أمنتني على صورهه وتكلي شعليك
جريت نفسي منهم ونزلت مااحس اله فجأه انضربت براسي
فتحت عيني .......لكيت نفسي ببيتي .....راسي يوجعني حيل وملفوف وعلي وأثير كاعدين كل واحد لازم موبايله
تذكرت شيرين .....صحت شيرين وكمت على حيلي
شيرين شصار بيهه
علي/مندري بـ شيرين
هجمت علي ......ليش مخليتوني اروحلهم ......ليش كمت اضرب بي وركعت كلشي بالبيت وطلعت
اثير/وين رايح
رايح ال...شيرين
متلحك الهه ......كتلوهه اهلهه
شنووووووووو .....لا ....لاااااااا عطت بكل علو صوتي ورجعت الأثيرمن ياخته جريته
ليش مخليتوني اروحلهم
لو عايفك جان مصيرك مثل مصيرهه كااافي اعقل ....انت مالك ذنب قابل انت سويت الفديو
حسّيت نفسي انهاريت الدنيا صارت صغيره بعيني فلشت البيت كله قضيت علي وبجيت...... ثاني مره ابجي اول مره من شفت الفديو.......وهسه من عرفت شيرين ماتت
ايدي صارت عباره عن دم متنشاف لاحايط مضربته ولا كزاز مكسرته شيرين حبيبتي ماتت ومو اي موته ماتتهه وبسببي فوك كل هذا
انتهت حياتي بيوم الي انكتلت شيرين بي .......رجعت بيومهه للعنوان نفسه وللبيت الهيكل الي عرفت بعدين تابع الجدهه
ماسحين كل الاثار
.................................................................................
شهد /كعدت ثاني يوم الصبح .....اول مفتحت عيني بجيت .....شلون بوضعي هسه ......ردته بس يريحني ويكلي مخاينج ويخليني اصدك
نزلت كلت صباح الخير
محد جاوبني بس جدوه
الجد/لا هله ولا مرحبا بيج
درت وجهي عنهم ورحت الغرفة بابا .....طالع هم .....مموجود شفت موبايل ماما عَل ميز
اخذته دورت على فارس واتصلت بي عَل ماسنجر
جاوب .....بس صوته مال واحد نايم
الووو
فارس اني شهد
شكو شهد
فارس.....وبجيت رأساً
بسببك كلهم ميحجون ويايه
ولي شهد ......لتحجين
انت الغلطان بحقي
هسه شتريدين
ليش بينت للكل اني الغلطانه ....
لان انتي غلطانه
وانت خنتني
خنتج .....عفوا ليش انتي شنو موقعج بالإعراب ....حتى تكولين خنتني
زوجتك
شهد جنت احبج واحبج هواي هم ....بس من ذاك اليوم الهذا اليوم بعد مااكدر اتقبلج وربج جنت مسافر وبعيد عنج ولا جان طلكتج من البدايه
يعني جنت تخوني
باعي البنيه الي جانت ويايه زميلتي ....مجرد صديقه ومو بس صديقتي ....صديقة محمد هم وانتي مصدكتي مشكلتج ....
المهم ....يا بت عمي انتي بطريق واني بطريق ....لان اني مناقصني شلعان كلب وانتي شلعان كلب .....
يلله مع السلامه
الله وياج
سديت الخط وشمرت موبايل امي عَل جربايه وكمت ابجي بصوت.......مثل الطفله .......
دخلتلي عمه خوله
خبااااال ......خبااااالل .....خباااال ...عليمن تبجين خاتون
كااافي عمه ....كااافي وعفتهه وطلعت
مر اسبوع واني عازله روحي بالغرفه مااكل ابد ومحد بالبيت يحاجيني غير محمد ومحمد ممتواجد بالبيت
كمت من أكوم اتخربط .....امي تجيني يوميه تكلي اكلي.....بس بطريقه متنراد
كومي ....كومي آكلي ....تره مابينه حيل تتخربطين
يمه مو كافي تره اني مسويت جريمه
انتي كلشي تسوي .....سهل عندج
مااحجي ....مااحجي ....لان لو شحجي هم تبقون نفس فكركم
كومي آكلي وجهج اصفر
مااريد
وراهه اجتني امي العصر.....جنت كلش متخربط وبابا ومحمد طالعين .....اجرت تكسي واخذتني للدكتور ......شكلي مغذي وكال صاير عندي فقر دم
من طلعت لمحت سياره اخترعت بيهه المجرم الحقير عمر واحد وَيَا جنت واكفه منتظره امي طلعت من الصيدلية وراحت تشوف الدكتور الدوه
دخلت كبل ....خفت
...................................................................................
اثير/شافتنه
عمر/اي مبين ......هاي الوحيدة الي تكدر تجيب الموبايل
اثير/ضحكت عليه الحقيره .....بس هيه يمكن زعلانه ....لان مرجعت الزوجهه
عمر/زعلانه مزعلانه شعليه اهم شي تجيب الموبايل .....بس شلون احجي وياهه .....المشكله هيه الوحيدة الي تكدر تساعدني وبنفس الوكت سباعيه
هاااي .....شبيك يمعود هيه غير ماكو أجبن منهه بذاك اليوم ماادري شلون ومضحكت ....يمكن لان جنت مرتبك ....احلى شي من تكلي مجرم حباب وادعيلك بصلاتي
عمر/شيرين هواي تشبه امهه ......من دتمشي هسه احس شيرين كبالي
اثير/والله يا عمر ماادري شكلك....مااعرف شوكت تصحه من الي كاعد تسوي
عمر/اثير ....انت مدتحس بالنار الي بكلبي ابدد لان ممجرب ولا شي من الي عشته .....تخيل بس الانسانه الي تحلم تعيش وياهه وتخلف منهه ....تصير صورهه على مواقع التواصل ومو بس هيج بصور خلاعيه
ووراهه تنكتل
صعبه اكيد بس شتسوي...صار الي صار تموت روحك
هو اني ميت ...كتلك متت بذلك اليوم وأحيا من جديد من الزم هذا الساقط الي سوه هيج وأنهي حياته بيدي
...................................................................................
شهد/خفت خوفه بس الله اليعلم بيهه دخلت الامي ردت اكللهه بس خفت عليهه جبانه تروح بيهه استعجلتهه نروح بسرعه
وامي من النوع القنقينه توكف ساعه بالمكان الي تروحله اخر شي شافت محل بي بالله كلش جبير
هذا عنده خوش جراجف
يمه مابيه حيل
بس ذاك الجرجف حلو
راحت دخلت جنهه زيبك داادخل جان يجيني الولد الثاني الي ويه عمر الناقص بس اول مركزت عَل شامه هذا عنده شامه إذن هذا عمر وذاك المجرم يمكن اخو ....الجذاب يكول مختفي
انطاني ورقه
لتذبيهه اقريهه وانتي كلشي تفهمين وعافني
ضميت الورقة ودخلت الـ ماما الي شلعت كلبي وأخذت جراجف الدنيا كلهه
يمه موكلتي ماعدنه فلوس .....لعد ذني شنوووو
لازم تحجين انتي
يلله يمه راح اتخربط والله
رجعت البيت .....لكيت فارس موجود ......كلت السلام عليكم وصعدت فوك بدون مااباوعله
وأول ما دخلت للغرفه طلعت الورقة
شهد تعرفين اختج ماتت مظلومه واني ماارتاح اله اظهر برائتهه لكل العالم ......لازم تساعديني حتى نرجع حق شهد الي ضاع .....الموبايل لازم تجيبي الي حتى انزل فديو بالصورمالتهه الحقيقيه الي ركبوهن بغير صور
هذا رقمي..................077
وبعد شغله ثانيه ابوج ومحمد.........
جان يندم الباب كبل لفيت الورقة وذبيتهه جوه الجربايه ورحت للباب انصدمت فارس
فارس
شلون صرتي
زينه
شنو متخليني ادخل غرفتج
لا عادي ......تفضل يا ابن عمي
رفع حاجبه ..............
جذب لعد .....غيرانت ابن عمي
فارس/............يتبع
شسويلكم اني نهاية البارت هم صارت يم فارس تجاوز البارت عن الحد المطلوب .......تره من تكصون بيه اكرص بطني وتنوجعون 🤭🤭🤭
ألي تريدون بارت مفاجئ تره متشجعون المشاهدة اكثر من التصويت ليش هيج
Bạn đang đọc truyện trên: Truyen247.Pro