#صرخات_غير_مسموعه

#بقلم ام غايب

#البارت_الاخير

رجعت  بعد كعدتنه اني والبنات ....وشقه وضحك وتونست وياهن حيل
اول مصعدت سيارة محمد ...سألني ها شكالت

محمد  ليش احس مو صديقك

شلون يعني

يعني انت ....الي تريد تعرف حماسك واستعجالك

شووف هاي غير الرلد اريد ارجعله جواب

....متريد تتزوج هيه اصلاً

وخطيبهه بايسهه شي

لا طبعاً

رأساً ابتسم .....هااا خوش خوما حسستسهه احد يريد يخطبهه ....من طرفي ....يعني خاف جاوبت هيج لان حستج اني دازج

باوعت علي وضحكت .....والله ماادري شكلك
الدنيا تمشي بالمكلوبي ....جانت كاتله  روحهه علي وهو قافل فجأه تغير 

رجعنه للبيت رحت الغرفتي .....نومت جنات وتمددت واني افكر ب عمر شلون طلع راح اتخبل مااستوعب ابد
وصوته ابد معجبني .....والله تعبت ياربي هسه شفايتلي اذا صدك طلع شريد من الدنيا بعد

شوكت يجي اليوم الي انام على مخدتي مرتاحه وماكو خوف بكلبي ياريت لو تسافر حبيبي وتعيش حياتك

نمت كوه .....فزيت على محمد شايل جنات ويبوس بيهه

حبيبة خالو ... منو وياهه

فزيت ....شبيهه جنات

صار ساعه تبجي  وانتي ولا يمج  عيونهه مورمه كارصتهه دوده يمكن

ماادري والله غافيه محسيت عليهه  كمت شفته صدك عينهه مورمه وتكول عيني اووووا

اخذهه محمد نظف عينهه بمي دافي .....وشربهه شراب مال اللتهابات .....وراهه اخذهه اشترالهه ومن رجع كال كرار اخذهه

بقيت كاعده .....وحدي ....انوب عمه خوله من تزوجت احس البيت صار مينجرع بدونهه جانت مونستنه

باوعت امي طلعت كالت رايحه ببيت عمج ابو قيصر اشوف شهد

باوعت موبايلهه جان عل قنفه ....نسته وطلعت
وماكو احد بالبيت كيفت رحت قفلت الباب ورجعت اتصلت على اثير

هاااااا شتريدين

جان صوته مو طبيعي حيل

شبي صوتك اثير

عمرر .......يتبع(هنا جانت قفلة ام غايب )

اثير/عمر تعباااان راح يموووت .
شنووووو  مو علساس انهزم

يمعوده يا انهزم ....يا انهزم   عمر كوووه طلعنا من الغضب السجن للمستشفى  .....راح يروح من ايدنه

انت شدتحجي حجيتهه ودموعي تصب

لتجذب عليه اثير الله يخليك

شجذب عليج يا شيرين .....عمر منتهي

شلون يعني

كليلتاته

اثيرررر مو كلي. راح اسافر

يلعن يووووومه وهو بالموت يفكر بيج خاف حضرتج من يموت تحسين بتأنيب الضمير

كمت ابجي بصوت عالي .....انهاريت بالبجي حتى كلمه مااكدر احجي

اثير/ادعيله شيرين اذا تحبي ادعليه يعدي منهه
يلله اني لازم اسده وسده رأساً
حسيت هنا انتهى كلشي ....هالخبر اخذ حيلي .....شسوي ....شسوي ياربي ....
ابجي وروحي محتركه وشيفيد عمر راح يموت يعني
كلشي صار بينه رجعلي بلمحة بصر .....

مقيده بقيود مجتمعي روحي تريد تروحله تكابله وتكعد والزم ايده بس مااكدر  ......احس نفسي اختنكت ....اريد حل ....اريد اطمئن علي

كمت اصرخ واكطع بشعري واصيح تعبت ياربي
اريد ارتاح موتني ....تعبت واني اكو روح بسببي متأذيه
اصعب شعور هو الضمير ....مستحيل تكدر تعيش طبيعي او ترتاح والاصعب من يأنبك ضميرك على حبيبك يعني بسببك هلاكه 

اندك الجرس......مال باب مسحت دمعتي وطلعت اكيد لو ماما لو محمد

فتحت الباب ....انصدمت ب كرار

انطاني جنات

شبيج شيرين

باوعت علي رأساً دموعي نزلت .....لا ارادياً روحي محتركه

شبيج شيرين فهميني شصاير

مابيه شي

دخل وطبك الباب ....جذابه احجيلي  مو طبيعي وضعج
مابيه شي كرار 

متأكده

اي والله بس مختنكه

ليش مختنكه

باوعت علي .......جانت عيونه تسألني بقلق .....اخذت جنات من ايده .....

مابيه شي

بكيفج .....اني رايح محتاجه شي

سلامتك

دخلت جوه وجنات تلعب يمي وكل شويه تجي تبوسني لان كاعد ابجي .....وتكلي ماما اووا بيج
قصص وروايات عراقية كرار صلاح
اي حبيبتي بيه اووا جبيره ....محد يكدر يداويهه

كمت توضيت وصليت وتوجهت الرب العالمين ادعي يشافي
يارب انت تعرف نية هذا الانسان شنو البشر ظالم وميعرفهه انت موصي بالشرف وهو دافع عن الشرف ...وانظلم ساعده ياربي وخفف وجعه يارب اخذ وجعه وخلي بيه ....اني الي استاهل ....يارب ساعده انت ارحم الرحمين ارحمه وخفف وجعه وشافي

جنت اصلي اندكت الباب ....اجتي امي .....شافتني ابجي

شبيج خوما بيج شي 

بيه هواي يا يمه .

خير يا ستار

حتى اذا احجي شراح يتغير

غير تحجي شبيج يمعوده قلقتيني

اول مدخلت الباب زادت بجيتي

يااااا ولج احجي مو كلبي وكف

عمر راح يمووت

ياااااا هبطتي كلبي  والله عبالي مدري شصاير

هنا انهاريت .....عمرررر ....عمرررر الي راح يموووت عمررر انتي شنووو يمه فهميني .....عمر هذااا روحي الاخذتوهه مني .....وحرمتوني منهه

شتريديني شسوووي اني شبيدي علي

كلشي مااريد منج بس لتحجين علي وكانما هو انسان نكره اني احبه هذا الانسان احبه هذا الانسان بسببي بالسجن وهسه بالمستشفى بين الحياة والموت

شبي

بحزن  وصوت شخص منهار ومأيس من الدنيا .....كلياته مأذياته

شبيهن يعني

ماادري بس كلي بين الحياة والموت ....ماما عمر راح يموت

الله يشافي ....وبعدين انتي منين عرفتي

من اثير

وشلون اتصلتي بأثير من موبايلي مووو ......امداااج تبقين مو كد الثقه مااعرف شوكت تصيرين انسانه طبيعيه
وتخلينه نوثق بيج

تحجون عل ثقه وابنج لعب بمستقبل انسان وثق بي قشمره واستخدمني اني اداة قشمر علي بيه

لتحجين على اخوج ولج انتي شنووو من يا طينه مخلوقه ....ولج ناكرة الجميل لو مااخوج جان هسه اناي مذبوحه

ياريت لو مذبوحه وخلصانه من كل هالحياة

وين موبايلي

ماانطي

انطيني الموبايل بسرعه

ماانطي اريد اطمئن على عمررر ....عمرر راح يموت واني كاعده هنا لا حول ولا قوه عل اقل اطمئن علي واعرف اخباره

كامت تصيح امي وتدور عل موبايل ...

وهيه تصيح واني اصيح ماانطي الحد مأجه محمد
على اصواتنه دخل مخروع
شكووو شصاير

رحاب/مصاير شي اختك متنرد من احجي وياهه

يمه بشرفج وهيج اصواتجن

جنت ابجي بحركه ومنهاره ....بس كلي محمد شبيج شكووو ليش هالبجي

من وراك ....من وراك كلشي صار ....

امي عضت اصبعهه وضربتني على جتفي وكالتلي الصم

خليني احجي مو محترك كلبي

محمد/على شنووو تحجين شبيج انتي بابا

من وراك راح يموووت عمررر

هم رجعت الهاي السيره

غدرته بيه انت وخليته بالسجن مريض وهنا محد يباوع الحاله الحد متأزم وضعه لتكلي علمود تعيشين اي عيشه هاي واني سبب بدمار انسان اي صمير يقبلهه

اجه عليه هجم

انتي وحده متستحين وساقطه وممتربايه احنه ممربيج والدليل واكفه بوجهي وتحجين علي ولا  تخافين ولا تستحين حرني من ايدي وامي تحاول توخره مني واني مستسلمه بس دموعي تنزل عمر وراح يموت متهمني الحياة كلهه

جرني من ايدي وصعدني للغرفه ....
بروح ابويه يا شيرين اذا مربيتج من جديد اني مااطلع محمد
قصص وروايات عراقية كرار صلاح
الله ينتقم منك يا محمد وكل الي يصير ب عمر بركبتك وان شاء الله متتهنه

حجيتهه من حركة كلبي على عمر ..

ضربني راشدي وجر شعري ....اددددبسز طايحة الحظ اني هيج تحجين وياي

اي انت

امي تحاول تبعده مني واني احجي بانهيار ....اكو حركه بكلبي هيه تتحكم بيه وتخليني احجي تعبت وهمه يحجون على عمر كانما شخص مجرم من الهوا ولا عبالك هو مجرم علمود شرفهم الي مكدرو همه يسوون الي سوا
ضربني .....

حجيت وطلعت الي بكلبي كتله انت مدافعت عني ومدورت على الي ركب صوري ....ولا سألت عني من جان حسن يعتدي عليه ومن سلمني الصديقه ....

احس جسمي كام كله يرجف مثل الصرع صار بيه من كتلت محمد ومن حركتي على عمر  كمت اصيح مووووتني ....خلصني

وامي تدك على راسهه ماادري منين طلع كرار ....ووخر محمد مني  ودفعه

شسوووت يمعود

كلشي مسوت اختي وكاعد أأدبهه انت شنوووو

طلع كرار محمد وامي كامت تلطم وتكلي ارتاحيتي هاي انفضحنه

انفضحتوو انفضحتووو بس تفكرون خاف تنفضحون وعمر الي راح يموت

ضربتني امي وجرت شعري .....اذا اسمع حسج اخلي اخوج يذبحج ويخلصنه منج يا طايحة الحظ
طلعت وقفلت الباب عليه بقيت كاعده وململه رجلي ومخليه راسي بين رجليه وابجي

ياربي ساعد عمر

ياربي مااتحمل يموت

يارب شافي

اخخخ يا عمر ششفت بحياتك حتى تموت
والله مااتحمل اسمع خبر موتك ياريت تطلع روحي قبل روحك

بقيت لليل اني مقفول عليه الباب .....وابجي
كلبي محترك اريد بس خبر يطمني
تعبت واني اتخايل خبر موته
بأي ذنب يموت عمر

بليل فتح الباب محمد ......دخل كعد عل جربايه يمي

ارتاحيتي هسه اله كتلتج يالله ارتاحيتي

سكتت  ودموعي كامن يصبن

اني من سلمته علمودج ابد مفكرت بعقل جان كل غايتي انتي متنحرمين من بنتج وجدي اعرفه ميعوفج
وعمر مفكرت بي وبأهله .....امه ماتت وره مدخل للسجن

اني  بقيت بموقف صعب جانت كل غايتي احميج
اني ابد ماانكر وحجيتهه الابويه قبل وكتله والنعم منه وطلع حقنه

بجيت ....لعد ليش غدرته فهمني

سكت محجه وشويه وكال

انتي شتريدين شيرين

اني مكاعد ارتاح بحياتي محمد
عمر بسببي بالسجن عوفك من حبي اله مااريده والله بس اريده يطلع من السجن مكاعد اكدر اعيش حياتي طبيعيه وعوفك من السجن عمر راح يموت

زين انتي شلون تخابرين على واحد غريب فهميني
مو نفسه الي شهد بسببج رادت تطلك من رجلهه
قصص وروايات عراقية كرار صلاح
دنكت وجهي  اني بمتاهه مااعرف شسوي مو بيدي كلشي اسوي حياتي مخربطه بيدي خربطتهه من حبيت اعرف الله عاقبني بس اني مو بيدي والله هو انسان اول مرادني رادني بالحلال بس جدو مقبل وابويه استسلم ال جدو ومحجه شي وعمر حبه مو طبيعي معافني ياريت لو عايفني

ليش دزيتيله صور

بقيت مدنكه خجلانه من نفسي اصعب شي من احد يكلك باغلاطك الي غلطتهه بحقهم

هواي اسئله دوم اريد اسألج بس اكول مشي الامور
انتي خنتي ثقتنه ....اني واحد من الناس الي وكفت بوجه جدي علمود تدرسين وابويه شكد تعرض المشاكل وكلام من جدي علمودج .....انتي شسويتي جازيتينه بالخذلان

مااكدر احجي كلمه وكل كلامه احجيهه مالي حق بيهه

انطيني رقم الولد الي  تخابري

انصدمت  باوعت رأساً  ممستوعبه  

رديته اله لان حفظته باخر فتره

٠٧٧........

باوع عليه وحافضته هم

خجلت ودنكت

الوو. السلام عليكم

اثير

اهلاً وسهلاً اني محمد  وكام

كمت ورا بسرعه وهو يحجي ويمشي واني ورا
قصص وروايات عراقية كرار صلاح
بأي مستشفى يعني تعرف اني دكتور خاف تحتاجوني وعندي معارف دكاتره

اني يحجي ويه اثير وكلبي يرجف والله ممستوعبه معجزه صارت اتفق ويا يروحلهم للمستشفى اني الابتسامه ملت وجهي قبل حتى لا اطمئن على عمر

اول مسده  كلي.....وضعه احسن كال

عليك الله

باوعلي صفح وراح

راح تروح للمستشفى

مجاوبني وطلع رأساً

فرحت فرحه متنوصف ....الحمدلله ياربي كون كلامه صحيح بقيت انتظر محمد بليل كلش يالله اجه واني كاعد انتظره

اول منفتح الباب اني واكفه وعيوني تتوسل بي قبل لساني ليحجي

بعدج كاعده

باوعت وجه محمد مضروب  شويه كمزت

محمد شبي وجهك

مابي شي

رحت للمستشفى شصار عليك الله

دخل ومحجه شي واني امشي ورا كعد عل قنفه

احجيلي محمد لتسوي بيه هيج الله يخليك مو سمعتك كتله هسه اجي

يابه اني جنت هناك هسه يمه

والله

والله شبيج

عليك الله شلونه

زين

عليك الله محمد انت سويت فضل هسه عليه وممتوقعه منك هذا الشي ....احجيلي الصدك

يابه شبيج  كتلج زين لتلحين ولتسأليني بعد ......من تسأليني احس نفسي مكرن بس اني رحتله لان بيوم من الايام هذا الانسان دافع عن شرفي الهذا السبب رحت ولان بسببي وضعه

ماشي ماشي والله مااسأل بس انت كلي هو عايش لو لا

عايش واخر شي هسه قبل لا اعوفه جان يسولف ومابي شي
قصص وروايات عراقية كرار صلاح
احس داخلي ارتاح....جان كاعد محمد شبكته حيل وكمت ابجي .....شكررراً محمد ....الله يخليك الي ....

دروحي كافي

صعدت واني فرحانه امسح بدموعي مااريد ابجي رغم دموعي نزلن من الفرح بس مااريد ابجي وافاوله

كمت صليت وشكرت رب العالمين  على هداية محمد ....وعلى صحة عمر الي كال محمد احسن

بقيت اصلي واقره قرآن للفجر صليت الفجر وحسيت نفسي احسن حمل خف وانزاح بعد ماجان خانكني

ثاني يوم كعدت....امي بدت بالموضوع مع العلم توقعتهه متحجي وياي بعد الموقف الي صار بس حجت وحجت بروحة محمد للمستشفى

حجالج محمد

اي واخو هاجم على

بكر

فوكاهه انوب فوك مرايحلهم

يمه انتي ليش تنسين محمد بلغ علي

مو قصة انسا بس هو راحلهم علمود يساعدهم
المهم الله يشافي للولد وانتي بطلي سوالفج

والله ابطلهه يمه والله مرايده شي كلشي مااريد بس احد يكلي عمر عايش حتى من عمر مااريد شي بس الله يحفظه

والله يا شيرين ماادري شكلج ....

ماما عليج الله محمد صدك يحجي عمر مابي شي بروح بابا بس كليلي خاف يجذب عليه

وروح ابوج كال جان وضعه من راح تعبان بس بليل كعد وكام يحجي ويضحك

ومن شاف محمد

كلشي محجه  بس يكولون مكلبشي بالجربايه

يعني رابطين ايده

اي طبعاً لعد كوتره اصلاً مطلعو من السجن اله من اشتكه اخو ودفع فلوس يالله طلعو

محمد ميكلي هاي التفاصيل وكانما متقصصد يحجي ال امي تفاصيل حتى تكولهه الي قصص وروايات عراقية كرار صلاح
شريد من الدنيا اني هو اني الي اريده اسمع اخبار عمر
مر اسبوع واني اسمع اخبار عمر من امي ومحمد يوميه يروحله واصلا موصي اطباء علي .....كالولي تحسن حالته حيل

جان محمد نايم الظهر  وكلبي مطكك على عمر رغم مااسمع اخباره ...من ماما ....

نزلت جوه واخذت موبايل ماما ....

اتصلت على اثير .....رأساً جاوبني

الووو

عمررررر

شتكولين انتي

عمررر وبجيت

ليش تبجين

ممصدكه انت تحجي وياي هسه وكاعد اسمع صوتك
شلونك عمر

زين

عليك الله

والله شبيج ....واخوج هم مقصر

عمر اني احبك والله متتخيل شصار بيه شلون تكلي راح اسافر وانت تريد تموت

عوفج مني مااكدر احجي وياج اثير مدخل موبايل صغير يمي وهو ممنوع....شيرين يمكن هاي الايام راح ارجع للسجن ...

مابيهه مجال تجين

بودي اجي بس مااكدر
عمر سامحتني لو لا

سامحتج شيرين بس ماعندي ثقه بيج
قصص وروايات عراقية كرار صلاح
والله ياعمر كل اختيار انجبرت علي لان جدو جان عايش

اخذ نفس بصوت مسموع

شيرين تدرين اني احبج واشتاقلج انتي دخلتي بهذا الكلب والله ومكدرت اطلعج منه اعرف اني هم أذيتج بس صدكي كلشي سويته علمودج

لان معتبرتج مجرد حبيبه جنتي بالنسبه الي شرفي وعرضي مادامج داخله بكلبي

اووف يا عمر كلبي راح يوكف والنبي .....ممصدكه انت تحجي وياي واني جنت منتظره حتى اذا رساله منك

كتبتلج رسائل وانطيتهن ال اثير كتله اذا متت انطيهن ال شيرين ....يتبع