مساء الخير ❤

#سلاسل_العاشقين

رفل الكناني

#البارت_الثالث

وبيني وبينك..
حديث بلا صوت..
بيني وبينك..
قلب ينبض لك وحدك..
بيني وبينك..
روح تحوم حولك..
فهل تشعر...؟
،،،،،،،،،،،،،،،،،،،،،،،،،،،

تقدم يمان مكشر ومحسن كالب وجهه تسالمو محسن جان يجاوب من وره خشمه فتت وعفتهم ثواني وفاتت امي وراهه يمان الحيره بوجهه علكت عباته كعدت صافنه يمان كعد بصفه يباوع لوجهه

هلو يمان

هلو يسر

يمه شبيج

رفعت رأسه عليه .. محسن جان يمنه ؟

عوذه يا محسن هذا لبلباب

اي لعد اكو غيره

عابتله شكد حقنه هذا منين طلعنه

هذا الحايره بي سنين ممعترفين بينه اليوم شذكره واجه

لاوانوب يتعيقل شلون معرفته هوه اني وين شايفته

الله ليستر عمامج مو راحه لازم جاي وراه مصيبه

هسه وينه

نط يمان ... سئلني عل شغل ابو يسر ودليته

ندارت امي منزعجه .. خاله ليش دليته ذوله مأوراهم غير الهم

هوه سئلني واني جاوبته ... كاله منصي رفعت حاجبي بكلبي كلت غبي من يوم يومك عفته ورحت كعدت بغرفه بيبي جانت تسبح كعدت بصفه صافنه بمحسن عود صدك عندي ابن عم بهذا العمر ولهذا عمري مشايفته بس شوفته تسمم شكد حلو وانيق بس وجهه يذب سم وعيونه وصخه
بيج قصص عراقيه حقيقيه من واقعنا.روعه الطائي
ايد بيبي نحطت عل رجلي لتفتت هيه نضره ضعيف وسمعه موهلكد خلصانه .. هااا بيبي

وين صافنه يا بعد شيبي

بدون تفكير كلت  .. بيبي احنا هم عدنه عمام لو بس بلااسم

هااا

عمام عمام اكلج عدنه عمام شو منشوفهم

خنكته العبره مسحت دمعته بطرف شيلته ... اكو الله يمه شلنه بيهم

هم صدك

دنكت تسبح وتردد .. كل جرف كدامه شط

مفهمت المعنى ولاردت اسئله شكله مقهوره حيل من ذكرتهم سكتت ومر اليوم اجه ابويه لتمو يتعشون اني عل صفحه فتحت امي موضوع محسن منطه ردت فعل مدنك ياكل كال

مصلحجيه اهلي واعرفهم مميت عليه  سامع بلورشه لشتغل ببها واجه يدور شغل

ام يسر .. وتالي

ولانطيته وجه دار وجهه وراح

اي احسن هسه عرفوك

لا وبذات هذا فد واحد شراني ميتقارش

على اخوك عيني على خوك كلهم هيج

نسدت السالفه وذاك يوم وهذا يوم مشفنه عمامي بعد ولا شي من اثرهم ضوجه والملل قاتل جمره المدرسه بكلبي ليهسه ماطفت لازعلي على ابويه قدم ولااخر تدريجيا رجعت وياهم طبيعيه من لا جاره بس ماكعدت كمت الهي روحي واذبه وين مجان اساعد امي وماكعد تعلمت اخبز وشكو شغله تسويها امي احط روحي بيها

بهاي الفتره يمان هواي كام يتردد علينه واني من شوفته اتذكر المدرسه مااطلع ولا اسلم عقلي مكاعد اليل كله أفكر اني موهيج حلمت ولا اريد هاي الحياه اريد انجز اريد اسوي فدشي حكمت امي بمكينه خياط اشهر واني ازن عليها إلى أن جابته مخليت وصله ولاثوب صاحي اشكك وفصل واذب وامي ترزل وتحجي مااسمع اله لحد مصرت خياطه توب

خليت المكينه بلحوش وكل يوم العصريات اكعد افصل واخيط اليوم داخيط نرفعت البرده فات يمان وكعد عل قنفه لكبالي امي جابت الجاي وكعدت يسولفون واني اخيط وعيني على هدومه مال هسه انزعهم من عليه اخصر هل قميص البرشوت(العريض)واكف هذا البنطلون يجوز مترهم بس يطلعون اهون

خطفت امي من يمي شايله الجاي البيبي ضحك يمان سنونه بينت وعيت عل روحي صافنه عليه كام كعد عل قنفه لبصفي

ليش هيج تباعين

دنكت اخلي القماش بلمكينه... لا وين مباوعه متوهم

تنفس باوع لسكف صده الحصره خترق أذني همس .. يسر شنو اسوي حتى تطلبين تباوعلي هيج

لتفتت متفاجاه... شنوو

أشر عل روحه بصبعه .. اني اني شنو بيه حتى هيج تباوعيلي نضرات

وانت ليش مهتم

تره فطير وطيب قلب مو مثل تصورج فاهي وماعندي احساس

ومنو كال عليك هذا الكلام

تصرفاتج هيج دكول

متوهم

لا ابد لو مره وحده يجوز اتوهم بس صار سنين ونضرتج هاي متغيرت

وليش تريده تتغير

لنج شي راجعلي قبل من جنتي بلمدرسه من تباوعيلي بهاي النضره اكول اني مخربط وتستنكف مني بس هسه ماكو بعد مدرسه ليش نضرتج هيه هيه

لنك فعلا مخربط ...

كلته بدون ما فكر خاف ينجرح لو يتذى خزرني لااول مره عيونه عبالك طلعن اباوع جف ايده مقبوض طلعت امي غمض هم ديكوم وعيوني وره تترقب راح يحجي لو منتضره رده خله وطلع

ام يسر ... يمان يمان تعال دادز طرشي لمك

ملتفت تل البرده وطلع

يااااا هذا شبي حتى مسلم

شغلت المكينه جرخت القماشه دكت امي عل ميز

موياج يمان شبي

مادري

ولج احاجي ميجاوب

جوز ما سمع

نزول شنو مسمع أطرش خوما أطرش

يجوز

يسوره عليه احجي شدهربتي من كلام عليه خليتي يطلع مايندل دربه

طفيت المكينه باوعت لامي ... سئلني شبيه وجاوبته مخربط مجذبه؟
صفكت ايده ثنين وغمتني.. اهمداج يارعنه والله ماغيرج لمخربطه ابن اختي طيب كلب ياريت كل الناس مثله

يمه الطيبه شعليها بلترتيب حجيتله الصدك بلكت يتغير

يجوز كلامي صحيح بس داخلي نار وشتعلت تندمت ليش كتله واني شعليه لاكن والله مكدرت سالفه بكلبي من سنين واجه وكتها شلون اسكت امي نفتحت ضلت تحجي وتعيلني سكتت اخيط ماانكر احساسي بلذنب بس شسوي صارت بعد

ختفه يمان مثل كل مره وغط اشهر ماله عدد ماعدت اشوفه حتى من نروح عليهم ولا بيت جدي صرت خياطه بشهاده الكل مو محتاجه بس لهوه من غير الكيك الكبب المعجنات اكتل النهار بهاي السوالف

بنات خالتي ام يمان تزوجن وحده وره الثانيه وامي بعرسهم تتباهه بيه كدام النسوان ومنين مافوت النسوان يصحولي ام شامه اشتعل شعل مااحب هذا اللقب كل روحه اروح وكل مناسبه تصير اسئل عن يمان والجواب واحد ديدرس الكليه تريد مجهود

اصفن وفكري يتوقف يم شكله ياتره يداوم كليه بنفس النمط؟
ليش بطل يجي ليش بطلت اشوفه زعل لو اني غلطانه بلكلته يامه عيبت عليه وخلصت عمري اشمز منه تالي صار ودخل كليه والله يعلم وراه شنو راح يصيرر واني ماحققت كلشي من الحلمت بي

عوضت هذا الشي ويه اختي حنين وكلت بلكت تطلع احسن مني كمت اقريها هيه وعلي وكل وقتي صار الهم حتى رسم وعمال فنيه للمدرسه اسوي ولا سديت فراغي رجعت عل نفسي اصبغ اكص كذل اوصي زيوت لشعري وداري صار شطوله اسود فحم جم مره نسوان خوالي يكلولي مربربه صارتلي عقده شديت وياه نفسي برجيم قاسي يضحكون عليه واين سمنج نحتت جسمي نحت الملابس اخيطهم بيدي الدلعه مسبعه والردان ربع العصريات اشيل شعري عالي وكذلتي ارفعه برهاوه أتلمس وجهي كبرت وصرت غير وحده كلشي بيه يجذب لو ماالشامه

شلون اشيلهه اي الدنيه طورت حتى إثر ميخلولها

اااحم السلام عليكم

فتحت عيوني عل مرايه يمان ورايه شفته بنعكاسه ندرت مبتسمه ... لك هلو هاي وين انت خرب صار كومه مشايفتك

ضحك ونصه رفع رأسه ذب الشفقه يعدل بشعره .. موجود موجود بهل دنيه

وين يالله والله عبالي هاجرت

وين اهاجر شكلي مال واحد يهاجر

رخت ملامحي كنما تذكرت سوايتي وياه جتفت اديه صارت عل زنودي طالعات تذكرت روحي مفرعه تلمست شعري يباوعلي وينصي ركضت للغرفه سحبت الشال امي دكلي شكو

يمه يمان بره

ياا وينه هذا البذات خل يفوت تعال يمان

هلا خالتي شونج

هلا هلا تعال تعال جلب العضك كتلناه

ضحك دنك يبوسه وكفت عل صفحه نزلت شالي على اديه هوه هوه ممتغير لاكليه مغيرته ولامئثره عليه صاحت امي سوي جاي رحت للمطبخ شي بداخلي رتاح والله بعد مالي شغله بي كل إنسان حر بنفسه ليش اجرحه وتندم مدام اجه خلص طلعت من خطيته امي تحبه من شافته طارت بي واني بتصرفاتي جنت مطفشته

فأر الجاي طفيته صبيت واخذته لكيت امي تصلي عل نبي ... يمه خير

يمان جاي يعزمنه على عرس ارشد وكمال

يااااي راح يصير عرس يعني

اي بلخير عليكم يمه بس لومتزوج وياهم جان عرس واحد

هههههه خاله تحجين صدك ويني وين الزواج اني اريد اكمل دراسه

وشكو منه تزوج ودرس

لامترهم اهم شي نفض عرس ذوله الثنائي

بلخير بلخير يوم الك ان شالله

تسلمين خاله اترخص

وين اشرب جايك

الف عافيه اشربو بعد ورايه داعزم خوالي

طلع واني بديت اخطط شلبس وششتري ثاني يوم طلعنه للسوك شتريت فستان بسيط مااحب الهوسه رجعنه جهزت نفسي ملابسي واكسسوارتي بجنطه وحد ضليت كاعده عل نار منتضره يوم الحنه ومن الصبح كعدتهم اركض الملم بلبيت تريكنه وطلعنه لبيتهم الهوسه فول كلها ملتمه جنان مبوزه ليهسه ممشتريه دكول ملكيت اليعجبني شوفته فستاني تخبلت منين اخذتي وصفتله حلفتني نروح نجيب اله واحد ماعندي مشكله بس منو ياخذنه فترت عليهم واحد واحد محد عبره بلحديقه يغسلون بلجدوره ضلت تفتر وتتوسل تالي يمان كله امشي ستذنت امي ورحت وياهم

المكان جان مجمع جبير اول مفتنه جنان ضاعت بين الملابس تدور مخبوصه يمان يمشي بصفي فتنه من ملكان رجالي لابس تشيرت اسود وبنطلون كوباي وكفت كباله وكف يمان لوكفتي كشر

تره المحل رجالي

اعرف .. همست انت شتريت

تلفت ايده بجيوبه هز رأسه لا

ليش

عليمن راح ننخبص بلطبخ والمعازيم

واذا اسمه عرس

ميهم

مشى واني اعصر بصبعي غبيه موعساس بعد معليج بي اي والله معليه بس نقهرت ادري حتى بلعرس يبقى مرعبل ضجت عفته ورحت يم جنان لكيته مختاره احلى من العندي دفعنه لحساب ومشت اخذت كم حاجه وياه طول هاي الفره مباوعت ليمان رغم اشوفه بمرايات المجمع عينه تريد تاكلني

طلعنه وتوقف كبال لمليكان برتباك كال

جنان اشتري شنو رايج بهذا

جنان ... الله يمان تحجي صدك لو تشاقه غير يجنن يطلع عليك هههههه اخاف تنصب علينه انت وين تلبس هيج

نزع الشفقه صفط شعره بيده يباوع للملابس ولروحه ضحكت جنان بصوت عالي

ههههه يمان البسه الله عليك خزيتنه هاي شعرك كم سنه ممشطه

انجبي .. كاله وفات للمحل ضلينه وحده تباوع لثانيه فتنه وره المحل بي كم ولد  رجعنه طلعنه شويه وطلع وياه ولد نزع الملابس من الملكان خلاهم بعلاكه

جنان .. شنو شتريتهم

اي 

لتفت اباوع عل ملكان معقوله هذا قياسه همه مخلين احلى شي طويل ضخم خرب بس لاراح يطلعن أكبر يطلع شلونه بله

رجعنه تغدينه وبدينه نحضر نفسنه الناس بدت تجي شتغل الدي جي وبدأ المراسيم للمغرب كالو نروح لبيت العروس لميت شعري شلت شالي رحت للحولي عل مرايه وكفت الفه ايدي تبنجت يمان ورايه نازل من الدرج

لا وين هذا مو يمان هذا كمال همه يتشابهون شافني وتأكدت هوه من ضحكته وكشره سنونه الدبوس بلحكي وكع مثل وكعت كلبي ندرت صار كبالي فصلت من كل الهوسه والناس لدتفوت حك طرف شعره

شلوني.. كاله مرتبك

يمان معقوله

هههههه اي

مستحيل بنطرون وتشيرت هيج كلبو شكلك

مسد عل لحيته

هههه ولحيه محدده وزيان اووويلي الشفقه وين انطيني احركه

هههه ليش

شنو ليش و الله عبالي كمال

يعني هسه عجبتج ... كاله بفهاوه

من كل كلبي كلت اي

صاحو اطلعو يله طلع قبلي راح وختفى وضلت صورته بالي مو يمان غير انسان كم شغله بسيطه كلبنه كلب يمكن صار يمان الشغل الشاغل بكل العرس كله تحجي بي وبتغيره حتى خالتي متعجبه خواته امي خالاتي مي بارد ونزل على كلبي هم ونزاح ياربي يبقى هيج طول العمر مو وره العرس يرجع للخلاكين اني كون الزم خالتي واكله احركي هدومه وخل يشتري جدد

بكل العشيره مجان عدنه احد ملفت للنضر مثل يمان كله تستخطي وتحبه عل بساطته فمن غير كله لاحضت أيام وره العرس وصادق يضحك ويسولف بي يكول جماعتنه ميعرفو وهوه يضوج ويريد يرجع مثل قبل واحنا لازمي نحجي براسه هسه احلى

وتغير يمان من كلشي لبسه كصه شعره صارت عل موده حتى نضراته اليه صارت أكثر من قبل وعرفته نضره حب بس بعده ممعترف بيها ولا اتوقع يجي يوم ويعترف شكد نكعد بيتنه بيتهم بيت جدو ضحك سوالف شقه تبقى بس نضراته مفضوحه ولسانه ساكت شي بيه يتحرك واني اتخيله بهاي الهيئة يمشي بلكليه واني كاعده بلبيت ويشوف أشكال والوان البنات

المشكله المشاعر لبداخلي مدافسره كل الافكر بي يمان من زغره تحت ايدي ومن كبر اني سويته واني سبب تغيره عيونه بيهه كومه سوالف ليش ساكت مادري سويتله شكل اسويله لسان شلون

تخذت وياه غير سلوب صرت من يجي اطلع كدامه بااجمل شكل يضل يباوعلي ويبلع ريك يلعب دومنه وياه صادق ينغسل ميدري بروحه ونضراته تفتر ورايه

يسر .. يمه هذا ثوب ام صالح ودي وجيبي الدين كومه اطلبه

اني ماعليه استحي هيه جيبهم

يمه والله ولا تجيبهم مخيطه اله وجناينه وبناته وفلس احمر مشايفه تره هاي مو حاله ابطل شلون

هيه جيبهم دصبري

تعرفيني ماعندي صبر يمه خلي جيبهم

صادق .. كافي كاعد جلبتي حتى خسرتيني

واني شعليه كول يمان غسلني

ضحك يمان وصادق خزرني صديت عل امي يمه عليج الله تروحين عليهم بفلوسهم تكمل الجمعه العندي اريد اروح دكتور تجميل

سكتوو الكل صار هدوء امي كالت ... ياساتر دكتور شنو 

يمه اريد اشيل الشامه اشيله اشيله لو مدري شيصير

صادق يهز ايده بطرانه انتي يمان صافن وجهه باهت امي تخرط متخافين الله تلعبين بنفسج الناس تتمناهه ليروح يخرب وجهج عفتهم ورجعت للحوش كعدت علبيج قصص عراقيه حقيقيه من واقعنا.روعه الطائي
مكينه اكمل خياط شويه وطلع يمان فات للحمام ورد طلع غسل بلمغسله ينشف ويباوعلي تقدم وكف كدام الميز رفعت راسي عيونه هيج وهيج تدرو بس العدسه تتحرك وجهي يكله شكو مشى خطوتين ورجع باوع لنحاء البيت وعليه رجع لمكانه كبالي برتباك كال

ليش ليش تلعبين بنفسج

نترت .. ماحبه مضوجتني

همس وكصته عرك مدري مي من غسل ... اني احبه

فتحت عيني بلعت ريكي دنكت نتر

يسر اني ااا ااااحبه

صديت اجاوبه فات للغرفه اسمعه يكلهم تصبحون عل خير رايح اني اباوع ليدي ترجف طلع للباب كمت وراه عثر بلفيته لقيس بيهه لقماش جانت مخربصه جوايه تكت عل ميز صار صوت لتفت شاف رجلي بنص هل خبصه متوجيه بيدي هم ليمي

يسر شبيج

انت شبيك

فرك وجهه نتر .. شبيه شششبيه اااحبج حسي عاد

رفعت عيوني بعيونه شفتي يبست عيوني تغمض وتفتح ماسكت كمل
اي احبج مو اليوم ولا البارحه من احنا زغار من تزعلين وتزمخين وتعيبين عليه من جنت البنكالي مالج اشيل جنطتج واضملج لفتي مو اعيرج بس تعبت حسي بيه تدرين احبج من جنتي تستعرين مني من دنكين جوه كشنات الخط حتى محد بلمدرسه يعرفني راجع الج

غبي اني وفاهي وجنت اسكت واضم بكلبي بس احبج موبيدي واليوم مكدرت انتي كلج مالتي كلشي بيج راجعلي من تردين تشيلين قطعه منج معناه تكصين من روحي

تغيرت لجلج ومستعد بعد اتغير اني اني فرحان لان هاي الفتره نضرتج الي تغيرت يسر كولي انتي تحبيني مثل مااحبج احجي احجي كولي
بيج قصص عراقيه حقيقيه من واقعنا.روعه الطائي
يحجي بهدوء همس واني كلشي بي يرجف اني داحلم يمان وين يعرف هيج حجي كعدت عل قنفه تلفت قفص طير الحب معلك بلحايط وكف كباله الطاسه مال دخن( اكل الطير) بصفه شال بيده خلاله عبالك يتهرب من ردت فعلي طلع صادق عقج وجهه

هاي انت هنا عبالي رحت

لا بعدني داذب اكل للطير

لك عوفه هذا ميجوع ويسر وراه

باوعلي آخر نضره .. اي صح

طلع وصادق وره نزلت نفسي ألم الهوسه الجوايه بعدت كلشي عفت القماشه بلمكينه بس طفيته رحت للغرفه دخلت بلفراش غطيت راسي كلامه يرن بذني حجه و اخيرا حجه طلع لبكلبه احساسي بمحله يحبني لاوانوب كل ذيج السنين يعرف بكل الجنت اسوي شكد فشله

بقيت اليل كله أفكر بكلامه مره ابتسم مره اكول معقوله اصبح طلع واني كاعده  حور اجتني سولفته طك بصبعهه نطق ابو الهول وتغني قولي احبك مشاعر متضاربة ماكدر اوصفه اقارن يمان قبل ويمان هسه احسب تصرفاتي قبل وهسه اجمعها بكل الاحوال اني اهم احبه

فطاريته بروده كله على بعضه روحي صارت بي بين فتره وفتره يجي صارت عيونه بدون خوف ولاتردد تحجي بلحب واني ليهسه محاجيته صرنه نعشق بعض بدون كلام 

وين جنت يومين مجاي

عندي لود بدراسه

باوعتله بغضب اشو صاير حيل مهتم بروحك

ضحك رجع شعره ليوره.. مو هذا الجنتي تردي

بس موهيج هاي هيج بلكليه

شلون لعد

بوزت

ارجع مثل قبل

لا دخيلك كلشي ولاترجع

تحببني

سكتت

يسر كوليها ريحي كلبي

اااا اريد اروح لدكتور

وتالي وياج مو كلنه الشامه مالتي

لا ابد ماريده

موبكيفج ام شامه

فتحت عيني رافعه حاجبي .. هاي انت هم لعد والله لشيلهه

فتر داير مدايري ينطيج كلبج

يمااااان

فاتت خالتي وجنان كعد خالتي تباعله دكله هليام مقيم هنا سكت فاتو للهول واني رحت للمطبخ اجتي جنان يمي تغمز دكول تره مبين الحب شلون كناري بس على كيفج وياه اخويه انتي نار وشرار وهوه رجل دجاجه ميحل

كفخته اخذتني من ايدي رحنه كعدنه يمهم يوم بعد يوم كله صارت تعرف يسر ليمان امي خالتي اربعه وعشرين ساعه يمنه الشامه وموضوعه نسيته من كد ميتغزل بيهه حتى كمت احبه تطورت العلاقه صارت تليفونات وسهره للصبح غير كل نضره ماخذته عنه كلامه غزله مو يمان غير انسان حتى فطاريته كمت احبه رغم هواي تغير امي وخالتي متفقين على كلشي  صار ثاني مرحله كليه مقررين بس يكمل هل سنه نخطب وبعده شوكت منريد نزوج

عده مرات اكعد ويه نفسي اردد سبحان مغير الأحوال سبحان لخلاني هيج احبه سحبان لغيره وين جنت وين كنت مرات اني واخيط يكعد كبالي اكوم اخيط بلمكلوب كمت من يجي حتى شغل ايدي متاخذ هادى وكلامه وياي رغم غزله بارد اعصب يصير خلاف اني اخرط هوه يسكت بعدين اتندم بضحكه منه انسه كلشي

يابه يسر وينج

هلا يابه الله يساعدك

ويساعدج حبيبتي وين امج

بلمطبخ

دشيلي المسواكه وصيحيها خل تجيبلي شويه بانزين داغسل ايدي

صار يابه

شلت العلاليك فتت للمطبخ امي دسوي بلعشه كتله ابويه اجه عافت البيده وطلعت بديت ارتب المسواك بسلاست همه كبالي ابويه الدهن الأسود ودهن السيارات ميطلع من ايده اذا ميغسله بلبانزين وبعدين يفوت يسبح امي تصبله بانزين وهوه يغسل فات للحمام طفت الكهرباء

يابه جيبلولي اللاله(مصباح ضوئي)

شالته امي وفاتت للحمام ثواني وماشوف غير الحمام مشتعل ركضت صحت هاي شنو طلع صادق وعلي حنين جمدت بمكانه نفتحت الباب ابويه وامي النار شابه بيهم والأكثر ابويه يدفع باامي بره وامي مشتعله من فوم ليجوه وابويه ميبين من النار الشابه على

طوله

.
.
.
.
.
.
.يتبببع

لاتنسو التصويت والتعليق

احبكم اختكم رفل الكناني
❤❤❤