مساء الخير ❤

#سلاسل_العاشقين

#بقلم رفل الكناني ✍✍✍

#البارت 26والاخيررررر

حبيبـــــــــتي اتركـــــــــــي عينيكِـــــــــي تحتضــــــن عيونـــــــــــي ودعينــــــــــــــــي اعشقكِ بصمتـــــــــي وجنونـــــي دعينا نعشــــــــــــــــــــق بكل اللغات دعي عيــــــــــــــوننا تتحدث بالنظــــــــــــرات دعي الايادي تتعانـــــــــــــق باللمــــــــــسات دعيها بدفئها وحنانها تنسينـــــــــــــــــــــي كل ما فات

،،،،،،،،،،،،،،

قريت الرساله مصدومه الكلام البيه استحي حتى احجي اخذت نفس عميق اهدي روحي لتشعوطت من الداشوفه تحسبت رب العالمين بكلبي هوه ليأخذ حقي ونصيت اكمل شغلاتي بس ايدي تتحرك فكري شارد جنت متاااكده مليون بلميه هاي دعاء ماكو غيره منو عندي يسوي هاي السوايه بس نجوم السما اقربله مستحيل اقهر روحي واني اعرفه هيه شنو ماانكر داخلي مشتعل من كلامه وبنفس الوقت ماريد انطيه مبتغاه قصص وروايات عراقية كرار صلاح
حنين فاتت تبلغني يمان وصلت سحبت الجنط وهيه تساعدني خليتهم بلطرمه نزل من السياره وبدأ يصعد بيهم وعيونه عليه الضاهر واضح عل شكلي اكو شي رغم جنت احاول اكون طبيعيه بس مو بيدي الرساله والكلام البيه ينطق حتى الحجر اني مو حجاره ماعده إحساس متنقهر وتتاثر امي اجتي ويانه صعدت وعيون يمان بلمريه عليه وصلنه البيت ونزلنه فتح الغرفه خليت الغراض فتحت الكناتير حتى اصفط كام يروح ويجي يشرلي بعيونه تعاي قررت اكله وماضم عليه شي ماريد ايدي حياتي وياه خش ودس عل شنو يجوز باجر تسوي الأكبر

خليت امي بلغرفه ترتب وطلعت يمه بلهول وكف يباوعلي بشك عيونه تترقب شراح يطلع مني بقيت ساكته كال
شنو السالفه صاير شي
ليش شكو
مادري احسج مو عل بعضج
نصيت الفون بيدي فتت عل رسايل فتحته ونطيته اله رفع حاجبه مستغرب
شنو
اقراه وشوف 
دنك مركز عيونه يكرمشن وينفتحن أكثر دمارات كصته برزن غمض ونزل الفون من ايده قابض الايد الثانيه صاك عل سنونه
من شوكت هاي الرساله
قبل متجي بدقايق
هز رأسه متوعد طلع فونه من جيبه وقرب فوني عليه ماعرف شسوره عل اغلب اخذ الرقم ونطانيه كال
يله كملو بسرعه دنرجع
نصيت مشيت خطوه ولتفتت اله بعده يباوع بفونه عاض اسفل شفته قوي همست
يمان منو تتوقع يدز هاي الرساله
باوعلي بطرف عينه اخذ نفس هز رأسه متوعد
دخل اعرفه وساعته اعرف شسوي
ندار وطلع الفون عل أذنه رجعت يم امي اشتغل بدون واهس وامي بصفي
يمه اخلي هذا هنا
يمه عود اخاف دورين هاي الحاجه هنا خليته
يمه ذوله مكانهم بلحمام
واني بس اهز براسي لو اكله يمه كيفج
تالي ذبت البيده تقربت يمي
يسر صاير شي
نصيت راسي
كعدت كبالي رفعت رأسه عليه .. يمه اذا صاير شي احجي لاتتعلمين تضمين مثل قبل هيج حتى موزين عليج تكبدين بكلبج انتي بديتي حياه جديده خليه صفحه بيضه لاتضمين وتخبين وتشيلين الهم وحدج اني امج موجوده اشيل وياج ورجلج يحبج يفديج بروحه بعد عليمين يابتني هذا القهر لبوجهج
كعدت بصفه العبره خانكتني ولازمه روحي كوه حجيتله كلشي لزمت ايدي تطبطب عليه
انتي عندج ثقه بنفسج
سكتت
احجي لاتسكتين اليسكت يموت بحسرته جاوبيني عندج ثقه بنفسج
اي الحمدالله
ويمان يحبج يعني هوه عندج بدينه كلها
اكيد
لعد خلص اني امج شايفه وعايفه أشكال منا وهيج ومدام عندج ضره راح تشوفين أشكال خوما كل سالفه والثانيه تكعدين نوح وبجي وتعكرين حياه الرجال اصلا هذا التريده هيه لهذا خليج قويه ولايهزج كلام نحجه عنج تعرفينه مموجود بيج اليصير وياج كولي لرجلج حتى شيصير هوه يدري احجي بي وسدي الموضوع وكن شياء لم يكن

والقهره لبكلبي شون
ليش انقهر اوكل الله هوه حسبي هوه يدافع عني وياخذ حقي مدامني مضلومه ربج ميعوف احد مضلوم خوما اخلص حياتي شكال عني فلان وشحجه عني علان مدام اعرف روحي اني شنو ليش اتاثر هوه البي خير وعنده حجايه يجي يكوله بوجهي من يحجيه بضهري هوه والحجه ويه روحه سوه لاتنكدين عل روحج عيشي هذني اليومين وعوضي الضيم الشفتي قبل وخلي اليتربصلج يموت بقهره

بتسمت كلام امي مرهم لكل جرح عبالك شالت الهم من كلبي ذبيت كلشي وره ضهري وكلمته ترن بذني خلي ثقتج بنفسج ومدام تعرفين روحج انتي شنو شعليج من اليحجون طاقه طاقه وترست روحي كمت اشتغل بكل حماس اعدل وراتب واتخيل روحي اني ويمان بهذا البيت وحدنه بدون هم بدون قلق بدون مشاكل

كملنه كلشي وطلعت للطرمه اشوفه جان يخابر وجهه محتقن تقربت بصفه لزمت ايده ردت انطي من الطاقه لخلته امي بروحي لتفتلي بتسم بتصنع سده ودنك مثل الحسبه باله ميلت راسي عل جتفه شديت عل ايده حيل
حبيبي
عيونه
لاتضوج ولاتكدر نفسك اني وانت نعرف هاي منو عليمين نكبره
تنفس رفع رأسه للسما
كتلج مراح تجوز محتعوفنه
خليه شعلينه منه
راح تتعود وتوجع راسنه
مراح تضرنه اني اعرفك وانت تعرفني
بس خلكي زغير وروحي هل كده
واني يمكم واحد يهون عل ثاني
إلى متى
إلى أن تئيس
اخاف بيوم تخذليني واني تعبت والله تعبت حتى احصلج
ابد لاتخلي هل فكره براسك اني نخلقت الك وانت نخلقت اي
لف ايده عل جتفي دارني لصدره باس راسي
يله داوصلكم
رفعت عيني بعينه .. فكه عاد
مارتاح اله اتوبه
لخاطري تعوفه منريد مشاكل واحنا تونه دنفرح
لج مشايف هيج فنون يعني نبشت هسه نبش حتى اثر للرقم ملكيت قصص وروايات عراقية كرار صلاح
ولا راح تلكه لاتعب نفسك شفتلك واحد سوه جريمه خله اثر وره دعاء نفس الشي
تنهد بحسره.. احبج واحب عقلك
بتسمت وبتعدت حتى اصيح امي وصلت للباب فتت ومديت بس راسي ميل ركبته يباوعلي همست
واني اموت عليك
ضحك وكنما تلاشه كلشي من لحضته ادركت ان المشكله كبره تكبر زغره ميبقى اله إثر
رجعنا للبيت وصلني وطلع ويه فوتته علا طلعت شايله جنطته بدون كلام تعدته وطبكت الباب اني وامي وحده تباوع لثانيه حنين صفكت اديه غمته كتله
هاي شبيه
ختولي يمعوده نهزمت من العرس خاف تتسخر لو تحط اديه بشي يبووووو ولكم الحكو علا راحت بعد العرس ميرهم مراح يصير ولكم هدوني الزمه اجلب بيه ابوسه اتوسله والله العرس موحلوه بدونه
كعدت ميته ضحك عل سوالفه شون تقلد وتسوي حركات بوجه حتى امي بردت بعد مجانت تكرض بروحه من طلعت علا

يومين مرن مثل سرعه البرق بين تجهيز وصالون وهاي الامور جنت طايره احضر واجهز وكنما اول مره ازوج اول مره البس بدله اول مره اجرب الطرحه ختاريت بدله الحنه تركوازي واني بيضه من قسته عل روحي وفريت روحي بيه مثل الطفله رجعت ماعرف كم سنه ليوره حسيت روحي فارغه ولامر عليه يوم قهر عبالك رب العالمين ومسح عل كلبي

خوات يمان جوي قبل يوم نجمعو يمي كل وحده تهوس من صفحه يمكن فرحانات أكثر مني وفات علينه علي يصيح
كاااافي سطرتنه متعبتن لو ما ثاني مره تزوجنه
وجان تعترف خاله بشرى لاول مره وهيه منصيه عيونه مدمعه سكتت الكل
لا والله هاي اول مره يتزوج الزواجه الاوله اني كسرت ركبته بيه وهسه وليدي راح يحس روحه متزوج

حضنه علاوي يدغدغ بيه يمنع نزول ادموعه لتعلن ندمه لتمينه كلنه بصفه واني بحضنه تبوس بيه
سامحيني حلليني وهبيني يجوز نص الصارلج بسببي واني سبب تعاست ابني بس والله باجر من تصيرن ام وتشوفين ضناج شكد عزيز راح تعذريني من خيرته بيني وبين رضاي عليه وبينج
بسته وحضنته حيل... خاله مسامحتج ومابكلبي عليج انتي امي الثانيه ويمان من رضاج الله راح يرضه عليه والصار بيه مالج ذنب بي هاي قسمتي والله كاتبلي هيج يجوز ديمتحني واني مومنه بقضائه وقدره
صاحت حنين
ولكم كافي كلبتوه مناحه غيرن الموجه يله هوسن
يوم الك علاوي يوم الك علاوي
نطلقن ومصدكا وعلاوي يهز مسحت دموعه خاله بشرى وكابلته وفات يمان يهز بيده جان واكف بلباب مرتجي يودي بيده يمنه يسرى لتفتو عليه
هااا شكو
ضحك يكلهم ... ولكم الوضع صاير فيطي وامي تركص والله لصورج واودي لابويه
خاله سمعت هيج وزادت حتى شاله ذبته

لحضات ماكدر اوصف بيه فرحتي حتى خالتي لجنت متخوفه منه الله هداه عليه
دعاء متحركت من البيت ولاتزحزحت هيج قدره عجيبه وطاقه شايله مشايفه كذبته طلعت كل يوم يكولون راح تولد ومولدت هيه الثامن ممكلته من شافتهم كلهم يمنه وتسمع صوت هوساتهم وضحكم سوتله مسرحيه طفرتهم كامت تصيح بطني وبطني نخبصو وركضو بيه وبلتالي طلع لا طلك ولا ولاده مفايته بشهره اصلا

يمان جان وياه من اخذوه وخاله هم سويت كلشي طبيعي ولا حسسته اني ضايجه لان اعرف جانت مسرحية منه صوته وبجيه كله جان وضح تمثيل راح واجه خابرني طنشت الموضوع كله ولا جبتله طاري رغم داخلي جان منغوز وفرحتي طفت من شفته خربت كعدتنه وفرحته لاكن قويت روحي حتى بلجايات استعد لهيج مكيده وبنفس الوقت اعذره ليمان تبقى مرته وماكدر امنعه منه قابل يركضون اهله بيه وهوه يتفرج هيج حتى تصير عيبه بحقه واني الانسان الحبني وضحه بكلشي الاجلي مستحيل اخلي احد يقلل من قيمته حتى وإن كانو اهله

ماانكر الغيره تحرك بيه ومشتعله عل نار هاديه لاكن ليرد الحلو يصبر عل مره جنت ادوس وادوس عل نفسي في سبيل مااوصل ويه يمان لمرحله المشاكل من وره ابسط الأشياء واقنع روحي اني أكبر من هاي الأشياء اني قبلت بي بهذا وضعه واني قنعته يرجع زوجته لازم اتحمل نتيجه قراري ونتيجه اختياري
اليوم الثاني جان يوم الحنه كعدت عل صوت الفون يرن بااسمه رفعته
صباح الخير يلخير كله
صباح النور حبيبي
نايمه
امم
يابه كومي كاعد من الفجر متأني بس هذا اليوم يخلص حتى يجي باجر وتفوتين مملكتي
لهل درجه
وأكثر منتضر باجر عل احر من الجمر
شتسوي
تسئليني
مممم
والله لسوي سوايات يعجز السانج يوصفه لطلع حب ولهفه وشوك وعشق عشته من أيام الابتدائيه من جنت امشي واتامل ملامحج خدوج الترفه الي من دخلت الاعدايه ومرحله المراهقه وكمت اشوف أشكال والوان البنات اول شي جان يجي عل بالي خدوج الترفه حمارهم ونعومتهم وشامتج ااااخ الله هاي بحث آخر كون باجر الله يمحيه وماشوفه كبالي لان اذا المسه ماضمنلج روحي شنو ممكن اسوي ومادري بروحي
تره خوفتني
ابد ابد لتخافين اني امانج واني يمانج
تمام يله راح اسده حتى اسبح واروح للصالون
يسر
عيونه
اليوم سوي اليعجبج واليحلالج بس باجر اريدج غير شكل
شون بله
باجر ماريد احد يلمح ضلج حتى تسريحتج مكياجج خلي شي بسيط اني احبج انتي يسر ذيج الزغيره لخذت كلبي واريد جمالج الرباني ونعومه وجهج عل طبيعه ماريد شي يكون حاجز بيني وبينج
تمام ادلل
احبج
واني هم
حياتي كم ساعه ضلت
يمممان تونه الصبح
شراح يصبرني
مضل شي راح الهواي ومضل اله القليل
ان شالله اصبر امري ال الله

سديته وشمرت الفون حضنت المخده غمضت كلامه يعيد نفسه بعقلي تمطيت وصورته كبالي خلفيه بفوني اتامل ملامحه ممصدكه باجر اصير بحضنه خايفه خايفه مو منه خايفه من نفسي خاف يوكف كلبي من الفرحه خاف يفرح خاف يرتاح واني كلبي ممتعلم عل فرح ربي لاتخذلني لاتتركني انت سندي وانت اماني تمم فرحتي عل خير
نفتحت الباب فاتت امي
ياااا هاي انتي لهسه نايمه
كمت يمه كمت
دكومي ياعيني مضل وكت يله الريوك صاير
يمه مااشتهي
مو بكيفج النهار طويل والكعده راح تكسرج لاتاخذج الفرحه وتنسين روحج مبينه حيل توكعين يا امي انتي عروس اكلي تقوي حتى تحلوين وخدودج توردت
كمت لزمت وجهه بيدي

بس كليلي انتي شنو من ام ياربي شسويلج اشيلج عل ضهري وافتر بيج واصيح يا ناس يا عالم ماكو مثل امي انتي منين مخلوقه بشنو معجونه كلج كلج عل بعضج طيبه وحنيه وطاقه ايجابيه تترس أكبر روح موته القهر والخذلان بشنو اجازيج شون اوفي حقج يرهم ادير من عمري عل عمرج اني لو ما انتي ماصير ماكون مااقوه كلشي تعلمت منج صبرج صلاتج قرانج ستغفراج كلهن نجني وسوني يسر ثانيه يسر جديده شون راح اعوفج شون اكعد اصبح ماشوفج ولااشوف مده السجاده الفجر وطولج من واكف عليه تكبيرج وايدج من ترفع تدعينه كل ذني يملن روحي امل ويخلني اشتاق يجي باجر حتى ارفع راسي من جوه البطانية واشوفج بنفس المنضر قصص وروايات عراقية كرار صلاح
رتميت بحضنه تدعيلي كل دعوه ترفرف روحي واتطيرني لسابع سما بتعدت حتى لاانزل دموعه وهم جنان اجتي تخرط
انتي نايمه
لهسه مسابحه
راح الوكت
لج امشي اجي اخنكج
يمعوده بعد وكت
ولج النهار ركض ركض واليوم خميس العرايس كومه
غير تسكت ولج انتي شمتريكه
هوه رجلج يخلي واحد يتريك سحلني من البيت يله ويله
وينه بله
شمدريني بس لاتردين اجيبه وتكعدون ساعه دك وسوالف ومغازل
والله ياريت
دمشي لج امشي باجر نوصلكم للبيت ونقفل البيت ونشمر مفتاحه بس انريد نخلص منكم لوعتونه صار كم سنه شكالت يسر وشكال يمان
الحمدالله ربي هاي ممتريكه وهيج لو متريكه شون
اسمعي اكلج منا وهيج اني حماتج مو جنان لتكفخين بيه احترميني لا اوز اخويه عليج واشتغلج دور الحمايه
بسته بلهوه
شعندي غيرج لج لاجنان ولا حماتي انتي اختي

فتت للحمام وهيه تعدل بروحه متباهيه وحنين دكله يولي تصبغ بيج
سبحت وطلعت اكلت لكمه عل سريع وبدلت وصلنه كمال للصالون ساعات مرن اله وصلني السره فعلا جان زخم لبست بدلتي وكعدت سشورت شعري وبلشت بلمكياج كل شويه افتح واغمض اشوف جنان بنعكاس المرايه تخابر عل صفحه بصوت ناصي متريد تلفت انتباهي كلبي لعب ترخصت من العامله صحت عل جنان شكو اشرتلي اصبري قلقت لابيه ارجع بيد البنيه ولابيه اصبر وكل شويه دكلي يله عفيه عدنه شغل
عفيه بس شويه
سكتت
اجتي جنان
ها شكو
ماكو شي كملي شكو وكفتي
جنان عفيه كولي مابيه حيل لاتخليني عل عمه وجهي
شكو يعني غير دعاء وطلايبه
شسوت انوب
كالبه البيت عياط وصياح ومسويه الغدا عليهم سم لحد مايمان سامعه ومتعاركين مخابره اهله دكلهم كتلني وهوه مالايحه لان صايره وره امي وكمال لحد ممطوخين بلحجي ومتلازمين همه ويمان
وتالي
ماكو شي فاككوهم واخذوه وراحو
جنان الله عليج خوما اكو شي بعد
والله ماكو كلشي بس كملي خل نرجع هسه خابرني معصب يكول فضنه خل نخلص
رجعت كعدت اهدي بروحي استغفر ايدي عل كلبي ادعي وادعي ميصير شي ولا دعاء تصدمي بفد عمله نسيت شكلي ولاباوعتله وكملنه اجانه كمال ولفلفتني جنان وطلعنه ركض ركض طول الطريق كمال يحجي بلعركه والصار يكول مشايف هيج صلافه ابويه واكف ورجله واني وهيه بينه دكمز وتغلط وتتحيل
جنت بس اسمع وريكي نأشف لحد موصلنه ونزلت اول مفتت بعدت الكب من راسي كتلهم بس مي شربت وجريت النفس امي تصلي عل نبي وحنين شغلت الديجي جنان نزعت الجبه تصفك وكل شويه دكلي
فكيه ضحكي تره ماكو شي فضت راحت ولت لهله حتى يمان برد ونسدت السالفه هسه سئلت عليه رايح للحلاق
سترخيت وبديت اندمج إلى أن بدت الحفله ولتمو المعازيم والجوارين بعدين اجوي خاله بشرى والبنات شفت كشختهم والهوسات وضحكهم طمئنيت ماكو كلشي

فاتو صديقاتي ودخلت بجو الحفله ركصت ركص من كل كلبي والفرحه غمرتني لحد التعب وصوت امي
كافي كعدي فتحتي عين العالم.
شوفي شون يباعولج
قل أعوذ برب الفلق
كعدي ليخرب مكياجج
كعدت اعدل بدلتي والماسكه بيدي تعالت اصوات الهلاهل تعلن دخول يمان ماعرف شصار بيه رتباك عل خجل بدلتي كلش فاضحه زنودي وصدي حرت شون اغطيهم حتى من كعد بصفي منتبهت جنت ادور بلوجوه جنان حنين اي وحده بس ينطوني شال غطه بس محد بحالي وهوه لامس ايدي يهمس بذني
صبرك ربي لج هاي شمسويه بروحج
دنكت ايدي عل صدري ارفع بلبدله وهوه يكلي
اي عفيه ارحميني تره داحترك

قدمو ميز الحنه كصينه الكيكه وحناني جان كله مدنك ميباوع بوجه احد واذا لتقت عيونه اشوف عيونه مليانه لهفه كل شويه ينصي يمسح وجه لو يلهي روحه يعدل قاطه دقايق وطلع دزلي رساله
اعذريني متحملت ابقه كاعد أكثر خفت اشيلج للبيت واخلي الناس كله وره ضهري قصص وروايات عراقية كرار صلاح
بتسمت وسديت الفون لساعات ونتهت الحفله سبحت ونمت مخابرته ولاهوه خابر تفقنه نبقى متشوقين الباجر
يوم العرس جان يوم مشحون بمشاعر مخربطه عين عل امي الي تفوت وتطلع تباوعلي وتختفي اعرفه تتهرب لحد ما كمت اني وبدلتي شايلته وامشي للمطبخ لكيته تبجي حضنه وثنينه بجيننه وهيه تعدل طرحتي وتدعيلي وعين عل علاوي الاخ الماشفت بحنيته ورجولته وعين عل حنين الي ماعرف شون حفاركه واترك ضحكاته لو صادق الي يباوعلي وينصي كنما يحس بتقصير تجاهي كل ذوله روحي تفرفر بينهم من غير خوفي من خلوتي ويا حب حياتي طفولتي ومراهقتي ماعرف شون إلقاء حيكون ولا اريد أفكر حتى لا ارتبك أكثر

ميل الساعه يتسابق ويه دكات كلبي وينه نضره عيني لجانت عل باب تترقب دخوله عليه بهيبته وطوله رزانته وثكله ومشيته قاطه الأسود ولحيته لمحدده حتى بتسامته بوجه امي واخواني ممنونيه جانت تنحفر وتنخزن بذاكرتي اريد احفضه واخلد هذا اليوم ماريد انسى ولا اريد انسى لزمه ايده وشفافه لنطبعت عل كصتي وعيونه لدور عل بدلتي وصوته وهوه يصيح عبايه يابه عبايه
يمان عبايه شنو
حبيبتي لازم ماكدر اخليج هيج تطلعين من عيوني اخاف عليج مو بس من الناس يا عيوني انتي
أهمس وارجف وهوه كبالي
والله الكاب مسدود ومستر فدوه خاف تطلع بلتصوير محلوه
ميهم التصوير انتي بعيوني حلوه الباقي كله هيج
سكتت وجابو العبايه خلاه عل جتفي لازم ايدي وامي بصفه توصي بي وهوه يكله بعيوني والله تسالم ويه صادق وعلي وتقدمو بوسوني وهوه يلف بلعبايه مخبوص بيه وصوت ابو بذني
ابني ماكو احد ليش خانكه
يابه الله يخليك خلوني اني هيج اريد

صعدني بلسياره وصعد رفع ايده سلم عليهم ومشى لتفت لازفه ولا احد ورانه
يمان وينهم
حبيبتي شسوين بيهم احنا رايحين كبل البيتنه واني طلبت محد يجي
سكتت أيدي بيده وصوت المسجل حاتم يغيني
مارايد من الدنيه كلشي
بس اخذك يحبيبي وامشي
فضلتك عل الناس كله
ميهمني الدنيه واهله
مدام اضمك بين رمشي
مدام اضمك بين رمشي
ارد اخذك
وين اخذك
كون اخذك
يحبيبي وامشي

جان منطرب والفرحه واضحه بعيونه فاجئني بنزولنه لمحل التصوير وسوينه جلسه كامله بااجمل القطات بعده رحنه للبيت ونزل فتح الباب ودخل السياره وندار نزلني وكف طلع المفتاح من جيبه وفتح الباب دخلت منصيه رافعه البدله وهوه شايل طرفه يخلصه حتى يسد الباب وكفت ونصى ينزع حذاء خله المفتاح والسويج عل طبله جنه مجهزين الصاله بشي بسيط تخم والطبلات والبلازمه مخليته بلغرفه خليته بلهول
ذب سترته ورخه الرباط خليت الماسكه عل طبله تقدمت خطواته كبالي اخذ ايدي باسه وخله كفي عل خده مثل لتوسد عليه وعينه بعيني صرت جمر من الخجل قرب شفته لكصتي باسه وشمه حيل همس
الف مبروك
الله يبارك بيك
رديت متقطع بتعد كم خطوه يباوعلي وكف مجتف ايده ميل راسه مبتسم حرت وين اودي عيوني ونضراته ماعرف شفسره مجان عندي مهرب ولا مكان اوجه نضري عليه غير الكاع حسبت حتى كم خط بكل كاشيه

تنفس براحه جسمه من الاعلى رتفع ونصى شبكت ايد بيد تمشى اليمي اخذ ايدي يحجي ويمشي
حبيبتي لاتخجلين البيت بيتج ولاتستغربين من بعض تصرفاتي تره حقي والله حقي حب سنين وحلم سنين تحقق هسه ياريت تعذرين حتى تصرافاتي الممحسوبه
بتسمت وفتح باب الغرفه آخر لماست بيه مشفته جنان تولته الفرشه الورد الزينه العليه ريحه الياس وبخور العود تارسه الغرفه الاضاء الخافته ونثيث المكيف المنصه مسوي اجواء أشبه بجواء السكون والراحه
كعدت افل بلطرحه وهوه يشغل بلاضويه نزع القميص واني اصفط الماشات بيدي احاول ماخلي بالي يم حركاته التربكني فتح الكنتور طلع تراك لبسه ولتفتلي
حبي بدلي لاتتقيدين
هزيت راسي اي وطلع دقايق واجه ينزل بردان السويتر وجه كله مي مسحه بيده مد السجاده بدا يصلي غمضت وشي بداخلي برد منضره هذا حتى عيني ريحه الهفه الجانت بعيونه متوقعته من نفوت البيت يكون بهذا الهدواء كمل وكفت نحل شعري طبك السجاده صار ورايه
حبيبتي تبدلين
اي عمري
اساعدج افتح ااسحاب
ياريت
دارني بيده فتحه وتقرب شفته لامست ضهري قشعر جسمي رفعت اكتافي بتعد متنهد ندار كبالي
بدلي وتعاي نتعشه قصص وروايات عراقية كرار صلاح
طلع كعدت حيلي مهدود وكنما بعده شفته عل ضهري الحمدالله من يمان هيج هادى جان يمكن تخربطت من لمساته الدافيه اذا جتني مفاجاه
لزمت بدلتي شلته فتحت الكنتور طلعت سيتي القطعه الاوله ميتباوع عليه كلش فاضحه بس الروب مرتب مستر مزغرف بكيبورت مخرم جواه مثل ااشبك بسرعه لبست وعلكت البدله رتبت شعري وطلعت لكيته بلمطبخ كاعد عل ميز والاكل كباله اجيت كعدت كباله كام من مكانه كعد بصفي وبدأ يقرب بلاكل محسسني بخوف ولاحسسني هوه منتضر مني شي شي واحد حسيته اني الان يم يمان مال قبل يمان الجان يضملي لفته يضملي حصته من الحلا يمان الجان يعبرني الشارع ويوكف مكاني بسره الحانوت يمان ليخاف عليه أكثر من اهلي هسه واني كاعده كباله يخاف عليه اضعاف عن قبل خاف ارتبك لو اتوتر جان جدا طبيعي وجهه مبتسم يسوي لكمه لكمه ويخلي بيدي يرفع العصير يشربني وعيونه تتوسل بس
بس هاي
بس شويه
لحد مكتله والله كتفيت وشبعت واني فعلا اكلت من كل خاطري

كملت وكفت اغسل ورجعت داشيل الاكل لزم ايدي رفعت عيني حاجاني همس
عوفي كلشي
ذبيت من ايدي غطاه واخذني للغرفه طبك الباب ومشاني كدام المرايه صرت اباوعله ويباوعلي بيه باسني من ركبتي لجتفي وايده تنزل روبي غمضت ومكدرت افتح واني ادري بروحي صرت بطرك القطعه الاوله للسيت جتفت ايدي لزم خصري مشاني للجربايه مستمر يبوس بهدواء نطرحت واحواله نكلبت فل السويتر تراجعت الم بنفسي
يمان فدوه طفي الضوه
حبيبتي هل يوم انتضره من سنين اطفي الضوه شون
سكتت منصيه ايدي عل جسمي نزع كلشي وتقرب لمني بحضنه يبوس بيه لدرجه فصلت وايده تمشي عل جسمي تعصر بي وجهه يمشي عل وجهي من يوصل شفتي ومكان الشامه تحديدا يتوقف ومااسمع بس نفسه اليرجف ودفو شفته المتركزه عليه
سافرت روحي وبقى بس الجسد بين اديه ستسلمت لهمسه وقبلاته وستحل كلشي بيه بضرف دقايق روحي صارت اسريره لمساته ونفسه الحار جان مسكن لكل اللم ممكن يسببه الي ضعت وتبعثرت وتطشر كلشي بيه من كلامه
يسر اذا قسيت سامحيني
اذا تالمتي كليلي
اخاف اني اخاف من نفسي عليج
حضنتيي
تلمسي وجهي
وعيني خاف أنهار
سمعيني صوتج ذكريني انتي طفلتي زغيرتي لخاف عليه من نضره شاب من عبره شارع من اهلج من اخوتج من اقرب ناسج اني اخاف عليج يسر انتي مالتي
مالتي والله مالتي
بحه صوته رجفه جسمه بلزمتي الوجه كل تفاصيل هاي ليلتنه اااكدتلي حب يمان شي يفوق الوصف مينكت ويتعبر عنه بقصه ولاينفهم بلكلام ستسلامي ولهفتي تبرهلنه حبي اله اضعاف حبه لتقه حبنه واجسادنه تلاكت جوارحنه احاسينه تعانقت بقبلات حاره كحراره جمره جانت مشتعله بفراكنه وهاي اليله طفته وطفت لهيب الشوك المشتعل بينه من سنين

جانت ليليه مليانه حب مليانه غزل مليانه حنان ماتصور عشت ولا راح اعيش مثله نمت بحضنه حضن دافي يشبه ام منيمه طفله ابن اليوم واحد محاوطته وعينه عليه خاف يبرد لو يحتر خاف يفز لو يتذى هيج اني جنت بحضن يمان واللان اني هيج ومازال يمان يردد

اني يمانج واني امانج

لهنا إعلن نهايه قصتي اسفه اذا اذيتكم لو سببت لشخص منكم قهره أو حركان اعصاب بس هذا المريت حبيت اطرحه حتى بلكت يتعض البعض من اخطانه واني اول الخطائين جنت اشوف يمان انسان بارد ماعدنه شخصيه تخله عني بس بمرو الايام ادركت غلطي وعرفت يمان ليس عديم شخصيه انما انسان طيب قلب هادى يجوز البعض يشوفه مدافع مقاتل من اخذني محسن بس الصحيح هوه حكم عقله قبل قلبه لان بقانون العشاير وأصحاب العقول البسيطه النهوه دم وموت والموت يجر موت وكفا لهذا الدم وخوفا من الله بوالده والدته استسلم للامر الواقع

محسن راح لدار حقه واني مسامحته علا ودعاء ثنينهم ولدو وثنينهم نفس الطبع نفس الصنف صادق مل وجزع من علا وبطل يهتم وصار يعبر وعايش حياه عاديه دعاء للان عل ذمه يمان وبعد فتره من زواجنه وبسبب مشاكله المستمره وكلام الناس عليه بان اني مانعته عنه رضخت للامر الواقع وصار يمان يعدل بينه يوم يمه يوم يمي بس حتى تفك مبطلت مشاكل طلايب مكايد وحده اضرب من الثانيه واني ويمان نعرفه منهتم واحبنه يزيد اضعاف وثقته بيه بعد كل مكيده تصير اقوه قصص وروايات عراقية كرار صلاح
علاوي ليهسه ممزوج وشايل هاي الفكره من رأسه فدنوب
حنين تزوجت من رجال دين يحبه ويخاف الله هواي عايشه مرتاحه وسعيده وياه
بسمه للان وياه عل تواصل بلفون فقط سلام لأكثر
هاشم تزوج والطلقه لنضرب بيه من اخوه بطنه فيما بعد عرفو طالعه ضهره وهذا الشي سببله عقم مرتين تزوج كم شهر ويعوفنه من يعرفن عقيم

خاله بشرى للان هيه وعمو عايشن ودعاء والجهال وياهم شكد تسوي مصايب وتزعل اشهر وايام ترد ترجع وهمه ميكدرون بستغنون عن الجهال بيوم اليمي يمان نعيش كنما وحدنه بهذا العالم وبيوم اليمه اروح يم اهلي واكضي اليل كله بجي لااكدر امنعه اخاف الله ولااكدر اطفي نار الغيره وشكد ماكدر احاول اتقلم

هاي قصتي وهاي حياتي شفتوه بحلوه ومره ونشرته لغرض واحد وهوه حتى تدعولي بلذريه صار خمس سنوات من تزوجنه وماعندي طفل مخليت دكتور ولامستشفى مراجعت ولايمان مقصر كل فلس بيده يركض بيه للدكاتره حتى سفر راد يسفرني والدكتوره دكلي اكعدي واسكتي انتي نضيفه لاتلعبين بنفسج كل شهر اعيش نفس المعاناه اتمرض وابجي ويمان لامني بحضنه وهمسه بذني
انتي تسوين عندي الف جهال
وصلت بي الدرجه يتوسلني نسوي طفل انابيب واني ارفض منتضره كرم رب العالمين وعطفه عليه آخر علاج سويته بعد مائيست اخذت علاكه العلاج بلي بيه وشمرته فوك ضريح الإمام علي(عليه السلام )
وفوضت امري لله وماريد غير بس تدعولي

النهايه

اما اني الكاتبه رفل الكناني نشرت هاي القصه الي قد تكون بعض الشي مختلفه عن بقيه قصصي لاكن حتى اكون مطرقه للحياه بكل مجالاته وصفت يمان بشخصيه الضعيفه حتى تعرفون في مجتمعنه هذا شون يوصفون الشخصيه المثل يمان واكبر دليل التعليقات السلبيه ضده  حتى بس تعرفون انو لاتحكمون عل بشر قبل متعرفون ما وراه وردت اثبتلكم العكس ميحتاج احجي شفتو
الوفاه
والعقل
وطيبه القلب مو أحمد بي لاكن هذا للتمسته بشخصيته مجان نبي بلقصه حتى يكون معصوم من الخطاء لاكن عترف بغلطه رجع الحبه ومعاف زوجته حتى خوفه من الله عدل بينهم وهذا الشي لاعيب ولا حرام هوه الشرع محلله ماكلكم حياتهم ورديه وخاليه من المشاكل اكيد متخله ودعاء بيه لاكن اني ختصرته ومسردته حتى متكون قصه روتينه معتاده ويوميه مشكله والشي النهاني عن سرد المشاكل حب يسر ويمان لان بنهايه كل مشكله واحد يحب الثاني اضعاف عن قبل عنوان القصه نوعا ما قد  يكون محير وختررته لكون محسن جان طوق مسلسل يسر ويمان جان العشق الكاسر لهاي السلسه فقط ادعولهم بلذريه وربي يرزق كل محروم 
اتمنى كنت خفيفه الضل عليكم واسفه اذا قصرت او سهيت بيوم عنكم اترككم في امان لله وحفضه ودمتم سالمين

احبكم اختكم رفل الكناني ❤❤❤

هلو بنات طلب عنوني ممكن تابعوني ع تيك توك hajarkasim3@ متقصرن💋