(هذا البارت كاتبته من زمان واريد انزله بس صارت عندي ضروف ومنزلته..)
هلوو يكماعه شلونكم ان شااء الله بخير.!

اليوم راح احجيلكم موقفين مألمين هما اجوي بوقت واحد فيعتبر موقف واحد المهم ...
2018/8/4
بهذا اليوم صار شي متوقعته ابدد..
نرجع اربعة ايام قبل هذا اليوم ....
يوقتها خالتي ...هيه مو خالتي هيه بيبتي بس لان هيه صغيره انصيحلها هيج ..
جان بيها سرطان بالنخاع جانت من تاخذ الجرع تموت تنتهي واحنا مابيدنا شي غير الدعاء ونهون عليها
فالدكتور مالتها كللها روحي لتركيا احسن تتعالجين
فاراحت لتركيا هيه واخوها الي هوا هم جدي يصير...
شهرين هناك هيه تتعالج وكع شعرها ضعفت مناعتها قلة
كامت ماتشتهي الاكل ...
ظلت تتدهور احوالهم يوم بعد يوم كانو جاي تودع
فاوديناها لامستشفى مابيها بعد مجال واحنا كاعدين على نارر انريد احد يطمنا بيتنا ناس تروح وناس تطلع كلشي مامفتهمه بس سو جاي غده وهاي هيه وانه منا جانت كلياتي صرت صفره من الوجع مالتهم...
قررت امي وبيبتي الي هيه اختها يرحون راحو جانت حالتها زينه والحمدلله ...
بعد كلها طشت لبيوتها بقت بس خالتي اخت ماما...
فابهذا اليوم كعدت متأخر وجنت تعبانه حيييل اجيت اكول لماما توديني للمستشفى لان وجع ماتحملته ..المهم
كمت من فراشي رحت غسلت اجت اكل بس شفت نفسي ماستهي عفته ماكلت كضيت تلفوني وكعدت اكلب بي
وهناك واسمع صريخ شنو شصاير ونوب الصريخ جاي من حديقت بيتنا انه واختي رأستن طفرنا شفنا بيبي كاعده تبجي وتصرخ وتكول (راحت اختنا راحت..)
وامي تبحي وياها وخالتي هم وانه وخواتي وحده صافنه بوجه الثانيه والدمع بعينا
شبسرعه راحت معقوله ماتت لالا هسه ترجع والله انه متأكده كاعده يكذبون ...
رغم وجعي رحت لبست حجابي ورحت لبيتهم لان جان بصفنا كلش حايط على حايط ....
وهم اسمع اصريخ ياربي مادري شسوي اريد اصرخ مثلهم ماكو صوتي راح ...
رحت شفت اهل البيت كلها تبحي وخواتي اجن وراي
حان اكو ٣بنات
وحده من عدهم جانت صديقتي ...كعدت اهديها ورحت اصبر اخواتها وها اتناوب انه وخواتي انصبرهم رغم احنا هم نريد احد يصبرنا ....
الناس بدت تجي لان سمعت الخبر يارب شلون انه اكيد كاعده احلم مستحيل تروح بسرعه انه متاكده الدكتور كال صارت زينه ....وحت البيتنا شفت بابا حاي من شغله عمامي متجمعين اولاد عمامي تقريبا بيتنا صار بس للزلم انه رحت لبست اسود ورجعت لبيتهم ...
وهناك وجابو الجنازه....جنت كاضه بيدي سراحية الماي جانت اكزاز وكعت من ايدي ماسيطرت عليها اريد انتبه اريد استوعب الي يصير ماكو اختي اجتلي دكلي شبيج
انه اكللها وصافنه عوفيني مبيه شي
اختي:روحي لبتنا بسرعه يردون جاي اهناك
رحت بدون تردد ..
عفت الكزاز اختي تلمه ...،
اخذت وياي اختهم الجبيره لان جانت كلشششش تعبانه ورادت تذب روحها فاخذتها وياي حطيتها بالغرفه وشغلت قرآن الها علمود تعدء رحت نضفت بيتنا وعدلته وسويت جاي هاي كلها وجع الكليات صار يصل عليه اريد بس احد يجي ...
على وكفه وحده كلشي صار بسرعه بسرعه اريد بس استوعب لان جنت ابجي شوي وبعدين اصفن مدري شنو صارلي بعدين شفت البنيه الي اخذتها وياي صاحتلي(ماراح اذكر اسماء افضل...)
كتلها ها كول..
البنيه: امشي نرحع لبيتنا صرت زينه ،
لايمعوده شنو ترحين ابقي اهنا
بعد هيه دكة رجل اله تروح كتلها انتضرين خليت الحاي بالدله وطلعنا وانه كاضتها اخاف عليها...
اشوف اخوان بيبي يبجون وبابا هم وياهم يعني الي راحت من عدنه شي مو هين ،.دخلنا للبيت كلها تبجي وتصرخ انه جنت اريد اصرخ ماكو صوتي راح كعدت يمي صديقتي اهديها اصبرها وانه داخلي نار وغير وجعي ...بعدها سوينا الفاتحه بحسينيه جان احسن اختيار
مرت ايام الفاتحه بطلعان الروح جنت ابجي بدون اي صوت ...صارت الاربعين مالتها رحنا بوقتها صارت مضاهرات بالبصره وهذا الي يخطف وهذا الي يصك جان رعب بالبصره....
خلصت فاتحتها وعبرت الاربعين وانه واهلي مامصدكين احس كاعدين بحلم ...
مشت الايام وعبرت وفاتها زرنا قبرها رغم كلت لاهلي خلوني بالسياره وروحو زوروها انه اخاف كامو يجرجون بيه وكفنا عد قبرها بيبي كامت تنعي وتحجي وياها وانه ابجي وكاظع ايدي واشرمخ بيها ليش مادري
..................
مرت اربع اشهر وخالو الي يصير اخو بيبتي واخو بيبتي الي توفت
اتمرض جان عنده جيبوب انفيه...(هنا جان دوام جنت بصف الثاني متوسط..)
فامن رايح للدوام صار عنده انسداد بالأنف الدكتور جان منطي قطره كله ها اتحطها بس مو دائماً ومو تكثر منها..
فا خالو حاط اكثر من مره انغمى عليه المدرسين الي ويا ماخذي للمستشفى لان هوا جان معلم ..
احنا بوقتها ماكلنا لبيبتي لان خفنا عليها كلنا بس يطلع من المستشفى نوديها ونكللها ...عبر يوم يومين بيبتي درت من كللها اختها الكاعده يمنا ...
هيه كالت اريد اروح ازوره بابا كللها تدللين بس موزين عليج تروحين هسه عاندت وكلتله اله اروح
وداها هيه وماما واخوي راح وياهم
بقيت بس انه واختي الجبيره والوسطانيه...
كاعدين قلقين نتظرهم رحعو بيبتي تبجي كلنالهم ها شصاير اخوي كلنا سكتو احنه سكتنا دخلت بيبتي ترتاح ورحنا لاخوي كلنا صاير عنده خثره دم بالدماغ افترت بيتا الدنيا وحده تباوع بالثانيه كلت بكلبي ياربي لاتفجعنا بي...
مشت الايام وبابا جان يروحله وهم جان صديقه دكتور فاجان ياخذ اخبار خالو اول باول
مر عشر تيام قررنا نودي لايران الدكتور عارض وكال ممنوع يموت اذا شلتو الاجهزه عنه...
عبر تقريباً شهر الا شوي
قبلها بيوم خالتي جايتنا وعماتي يعني جنه متجمعين
رحت احضر ملابسي مال الدوام ...
كلها نامت انه حضرت كتبي وملابس وكعدت اسولف ويا امي وابوي شوي ورحت نمت
فزت الساعه خمسه الا ربع اريد اروح للحمام اجلكم الله
مريت من غرفت امي اسمعها تبجي دخيلك ياربي شصار
تقربت يم الغرفه اسمع بابا يكول لماما خالي مات
حطيت ايدي على كلبي كام يدك بسرعه امي فتحت الباب
صارت بوجهي كتلها خالو مات هيه بجتت كالت اي انه غمضت عيني كلت هسه شيصبر بيبتي جنت حييل خايفه عليها ماريد اخسرها ...كلتلي روحي نامي انتي بعد وكت مو هسه دوامج كتلها يادوام يادوام يمهه
رحت على المغسله اغسل وجهي واذب ماي على وجهي استواا ماتت خالتي شبسرعه مات وراها اعنا كلش شخطت رحت رجعت لفراشي ضليت اتكلب انتضر اروح لدوامي لان صدك احس بعد ماكدر اتحمله شي فوك شي ماكدر صارت ساعه سته اندك الجرس
انه طفرت كلت هسه واحد من الرلد حيكللولها شفت بيبي جانت تصلي انه اريد الحكها ماريدها تعرف حتى انلوت رجلي باب المطبخ بس ملحكت عليها وعرفت رحت شفت منو بالباب طلع ابن اختها كايللها كتله ليش ليش كتلها
احى بابا كومها كللها ذكري الله هذا قضاء وقدر وانه واكفه صافنه الي جاي يصير دخيلك ربي الطف بيناً
رحنا لبيتها سوينا الفاتحه بس هلمره انه جد مصدوه حتى دوام مداومت صرت مابجي بس اصفن
جانت ليام صعبه عليه بالكوه تحملتها اصبر بنات اصبر بيبي لومنو اصبر ....

هاي الموقفين مانساهم ايام عمري كلها .....
اطول بارت صار لان كلشي كتبته حقيقي .....

بحفظ الرحمان..♥️🕊