12:00–
- : بنيتـي انتِ قوية هـاي الضروف مجرد فتره
وتروح تمام انتِ كلش قوية
مـريم: الضروف جاي تتقوى عليه وكأنو تستغل كلمة قوارير وتكسرها وتحطمها..
-: لابابا انتِ كسري قاعدة الضروف وصيري انتِ الكاسرتها
هاي الدنيا اذا ما تقوين عليها وتصيرين حادة وجريئه
راح تضل تكسرج وتمشي وهي دنيا تمشي ماتلتفت لاحد
انه يمج مستحيل اتركج انه ملجئ الج وكت كلشي ينسد
مريم بابا لاتتصورين بهذا العمر الجبير عبالج مافتهم
وعبالج انو انتِ مراهقه ومافهمج
انتِ مو مراهقه ابد انتِ شخص واعي يگدر كلشي يسوي
مرايم بنيتي الدموع الي تنزل من عينج كأنما تحرگ روحي
و تدرين شگد اعزج مثل اختي كلش تشبهيها لو حانت عايشه
راح اگول عنكم توأم..

مريم: خلص وعد مني بعد ما ابجي وراح اسوي كلشي حتى تفتخر بيه
كل تعبك ماراح يروح على الفاضي
وهم تلگاني يوم زواجك يمك..
-: ان شاء الله مريمه ان شاء الله اندعي يقبلون
انه خايف هي ترفضني لان غير ديانه..

مريم : ليش المسيحي ربه وحد!!!
لاتكول هيج شكد بالدنيا واحد تزوج الخ ولا وكف بينهم لادين ولاشي بالعكس خلو فكرة حلوة المسلم والمسيحي واحد
صدك راح تحبك هي وين تلگه واحد ثلاثيني جاد يخبل 😂😔

-: يمةة منج مريمه والرب انتِ الوحيده الي تضحكيني

مره شهر ...
-: نشر ستوري على السناب.. المضمون
منو يتوسطلي يم الي احبها ضايجة وماگدر احجي انه

مريم: انطيني حسابها انه احاجيها
-: صدك !!
مريم : قابل اجذب يله اطيني الحساب
-: هذا هوا حاجيها فدوه شوفيها اليوم بالكليه يگولون تعبانه ومتأذيه
مريم : ادلل من عيوني....

بعد حديث ويا البنيه..
مريم: تعال يباه ...
-: ها بنيتي كالت شبيها.!
مريم: لاتخاف مابيها شي بس تعبانه من الدراسه تعرف كليه وطب يرادله تعب وسحبتلك ححي منها
وعرفت انو هي ماتحب هاي فرصه تروح تعترف...
-: صدك مريمه بويه صدك تحجين ،!!
مريم : ورح الحسين هذا حجيها
-: يابه ميت امام انخاه لاجلها ♥️
مريم :- وماراح يردوك♥️

بعد اسبوع ..
-: مريومه بابا تعاي..
مريم :ها يباه احجي شبيك قلقتني!!
-: اول شي اريدج تكونين قويه وتعرفين هل الشي اله دوه
تمام وماريد يأثر عليج..
اكتشفو الاطباء عندي ورم بالراس..
مريم: شنو شنو ورم
حميد خبيث!!
فدوة ماريدك تروح
-: يمج بنيتي يمج يروح ابوج لاتخافين كلشي اله علاجه
بس اكلج شغله
مريم : وهي🥺!
-: احس ماراح اكدر اتزوج******
لان طلعلي هل الورم وموبعيده مارتضى بيه بعد ماتعرف
مريم: لاتحجي هيج بويه لاتحجي ان قبلت ياهنيالها وان رفضت فه هي الخسرانه وين تلگه واحد يحبها لحد عمر ٣٥ سنههه
لاتفكر هيج انتَ راح تتزوجها بس لاتفكر انو ماتقبل بيك
وانه ماقبلت تجيك اغاتها تمام يباه!
-: احيييه يمريمه اكو يگول انتَ اخو من رحم الدنيا
انتِ بتي الي الله عوضني بيها من بعد موت اختي اسم الله عليج
مريم: انه اختك انه اخوك سندك قوتك تجايتك ضهرك
انه كلشي تريدني صدگني ماعوفك وراح اخليك توصل للي تحبها
-: ان شاء الله بنيتي♥️

البارحه...٧:٠٠
-: مريمي راح اروح اليوم للمستشفى اجيك وضعي تمام
لاتخلين بالج تمام ارجع واحاجيج
مريم: تمام بويه مو تخلص بس دز رساله طمني
-: ادللي باباتي ♥️
الساعه ١٢:٠٠
انتقل الى رحمة الله الشاب دانيال
اثر انفجار قرب مستشفى الجمهوري

راح كـلشي
راح سند راح قوة راح بدون ذنب
راح وماتزوح الي يحبها
راح وكسر كل قطع گلبي
جان ينتظر يتزوجها جان حاس
انو ماراح يتزوجها
جان يكول العمر راح يخلص وهي ماحلت عيوني بطلتها...

الرحمة لروحك💔😔

(عسى الايام ترجعك..💔)

القصه حقيقه صارت وياي البارحه بالانفجار...

الله وياكم♥️