السلام عليكم

صلووا علنبي بلبدايه ...

وهسه ..
شوونكم ان شاء الله بخير ♥️

بارت اليووم حيكوون عن بعض الامراض الي ممكن تصيبنه لا سامح الله اوو تصيب شخص قريب علينه و حيكوون مشترك ويه عده اشخاص الي همه :-

١-صفا حيكوون عن خمس امراض غريبه  Psycologist243
٢-مرتضى حيكوون عن ضغط الدم  __BLACK__HEART__
٣-مريم حيكوون عن امراض القلب Mariam__5
٤- دنيا حيكون عن الزهايمر DoctorDonia
٥- واني الي حيكوون عن السرطان

ملاحضه بلبدايه كل الي كاتبته بلبارت موثق من مصادر و دكاتره معروفين مجايبه اني اي شي من عندي و خالته بالبارت  ...
وهمين اذا اكوو كلمه محرجه لتوكفوون عليهه لان ماكوو عيب بلعلم ...

وهسه بسم الله
اول شي لازم نعرف انو جسمنه احنه مثل المصنع للخلايه ينتج و يجدد ملايين من الخلايه
وكل خليه تنقسم و تكوون خلايه بعد
وبدال كل خليه تمووت تجي خليه جديده ونُسخ اخرى بعد

بسس اكوو بعض الخلايه معاجبهه العجب كامت انقسمت بطريقه غلط و عوجه من انقسمت غلط حتأثر على الجسم وهيه الي حتكون الخلايا السرطانيه

وربما احيانا يكوون بسبب الحمض النووي DNA
اوو العوامل البيئيه والمواد الكيميائيه
اوو حتى احيانا بسبب الوراثه

الجسم بطبيعته يحارب هيج خلايا غريبه بس اكو بعض منهه ميكدر الجسم يقضي عليهه و تسويلنه بلوه 🙂💔

اوو حتى احياناً تسويلنه بلووك من الحياه و اون لاين من القبر 🙂💔😂

المهم تكووم تنقسم اكثر و تسبب خلل بالاعضاء و بطريقه عملهه و همين احتمال تنتقل الى مكان اخر اوو عضوو اخر لربما عن طريق الدم ...
البيت بيتهه يابه حقهه تريد تتمشه ترووح لغير مكان 😂

السرطان اله هوواي انوواع يمكن اكثر من ١٠٠ نووع بسس اكوو اكثرهه انتشار والي هيه :-

عند الذكور :-
١- سرطان الرئه .
٢- سرطان القولون .
٣- سرطان البروستات .
٤- سرطان المعده .

عند الاناث :-
١-سرطان الثدي .
٢- سرطان عنق الرحم .
٣- سرطان الجلد .
٤- سرطان المبيض .

عند الاطفال :-
سرطان الدم اللمفاوي .

وهمين اكوو سرطان الكبد بسس معرفت وين اخلي ويه الذكورلوو ويه الانات فخليته هيج متأرجح وحده 😂😂

واسباب السرطان احياناً يكوون :-
١- المواد الكيميائيه المسرطنه مثل الوان الاكل لوو دخان السيارات ...
ماكو داعي تتفننون بل اكل وتسوون بي الوان ترا حلو بلونه العادي😔😂

٢- المواد المشعه اوو التعرض الشديد لاشعه الشمس ...
عمي الله يساعد شبابنه بلشمس علموود الشغل (مدري شدخل )😔😂

٣-اوو سوء التغذيه مثل تكثروون من الاكل الي بي دهوون و متاكلون اكل بي الياف و فيتامينات و متاكلون خضره ...
يابويه انتوا اذا الي ياكل خضره تكولون عليه طلي 😔😂😂

٤- اكوو انواع جراثيم تسبب نسبه ١٥٪‏ من السرطانات ...
غسلوا ايديكم زين موو بس هسه علموود الكورونا عرفتوا تغسلون😔😂

والسوال الي يدور براس كوومه منكم هسه السرطان معدي ؟
الجواب هووه لا
السرطان موو معدي ابدا والي يفكر انوو معدي الله يسامحك بس 😂

مرات الشخص يصير بي بسس يهمل نفسه اوو ميعرف الاعراض ماته  وهذا شي كلش خطا لان لازم بسس تحسوون بتغير بلجسم اوو شي خطا ترحوون تسوون فحوصات لتستهانوون ابدد  ...

لتكولون انام واكعد اصير زين 😂 لاءء هذا شي خطر وموو لعبه حته اذا جنت شاك موو متأكد رووح راجع دكتور ...

فمثلا هسه سرطان الرئه اعراضه : سد الشعب الهوائيه وهذا يسبب سعال و التهاب رئوي ومرات يسبب سعال دموي ...
(يعني موو كل شخص يسعل دم هذا بي سل لا السرطان همم يسعل دم)

سرطان المريء : ضيق في المريء ويخلي البلع مؤلم ...
(هسه عرفنه ليش تركف اللكمه 😂)

سرطان القولون : ضيق او انسداد بالامعاء وهذا الشي ينتج كتل ملحوضه في منطقه الثدي و الخصيتين اوو نزيف المستقيم ...
(البعض يكوون ماخذ ادوويه فيكوول هذا تأثيرهه بسس انتبهوا )

سرطان المثانه : الدم في البول ...
(يمكن ادشخص يخربط ويكوول بسبب الكليه والحصوه الي بيهه)

سرطان بطانه الرحم او عنق الرحم : نزيف مهبلي غير طبيعي ...
(ممكن الانات يضنون انهه طمث بسس انبهووا رحمه لمدري منو 😂)

سرطان الثدي : تصلب في الانسجه و وجود عقده او تثخن في الثدي وتغير واضح في حجم احدا الثديين ...
(وهمين هنا البعض تكوول لا شي طبيتي لو طمث بسس لاءء )

هسه كلهه تحس بل اعراض 😂😂😂
لتصيروون وهواسيين حبابين واذا اكوو شي بوجهكم للدكتور 😂♥️

والي يجي ميفهم ويكول شنوو طمث ابلكه وابلك نفسي ويا 😂😂😂

طبعا الخلايه السرطاني تتقسم الى احزاء والي هيه :-
١- ورم حميد .
٢- ورم خبيث .
٣- ورم غازي .
٤- ورم غازي .

اويلي اذكرت صديق ابويه جان اسمه غازي مدري شفكروا من سمووه هيج وهمين اسمه مال تنمر 😔😂
المهم معلينه بل تنمر ننتقل للوقايه منه 😂😂♥️

وطرق الوقايه منه هيه :-
اولاً
الابتعاد التام عن التذخين .
الابتعاد عن الكحول .
الابتعاد عن المخدرات .

هسه يجيني مدمن هاي السوالف ويكوول لا عادي ايي تمام عادي بسس حترووح صحتك عزيزي ومحد حينضر غيرك
وهمين حتصرف فلوسك عله العلاجات وعله الدكاتره والمستشفيات

خووب بدال هاي الهووسه كلهه حاول تكطع شويه شويه
صحيح بليدايه حيكوون صعب بس بعدين تتعود
و دائماً تذكروا انو ماكوو شي مستحيل و حتكدر تترك هل اشياء

وبعدين الكحول وله المخدرات بشنو فادت ؟
من تكون مخمور تضل تمسلت و تخرط الاكو و الماكو بعدين تنام خووب نام من البدايه و فضهه 😂💔

ثانياً
ممارسه الرياضه بشكل مستمر و منتضم
يعني شحيصير لوو تسوون رياضه ترره والله حلوو ؟ 😂😂

و ترره الرياضه همم بيهه فوائد يعني حتنشط الدوره الدمويه
وحتزيد مناعه الجسم و تحافض على الوزن بشكل حلوو
وتسبب سعاده همين ... شتردوون بعد ليش متسوون رياضه؟😔😂

يعني فووك ما تسببلكم السعادع مترحوون تسووهه؟😂

وثالثاً
واهم شي هووه الفحص من تحسوون بأعراض مرضيه
موو تصيروون مثل امي شاكين بيهه وهيه تكلي لا لا ماكوو شي انتِ مضخمه السالفه زيادع عن اللزوم ... ادري يحضي شمضخمه هيه لعبه خووما لعبه ؟☹️😂😂

بسس الحمددلله جان غير شي وعدت سلامات ...

ونجي هسه للعلاج
طبعاً اكوو اربع طرق للعلاج والي هيه :-

١- الجراحه واستأصال السرطان بأكمله والي هيه يشيلوون بس الخلايه السرطانيه ...
(الخلايا المعاجبهه العجب 😂😂)

٢- الاشعاعي الموجه لمنطقه محدده لتقليل تشاط الخلايه السرطانيه وهذا ميأثر عله الخلايه العاديه بسس يقلل الخلايه اللسرطانيه ...
(مجرد تقليل يعني احتمال ترجع وازيد )
موو اكوللكم البيت بيتهه دعوفوها 😂😂

٣- العلاج الكيميائي يقتل الخلايه و يقلل نمووها بسس يأثر على الانواع الاخرى من الخلايه السليمه والي سببه يكوون تساقط الشعر والباقي من الاعراض ...
(هنانه بلوه لان حيقضي عله النوعين من الخلايه )
بسس تذكروا الاصلع ملك الساحه😂♥️

٤- العلاج الموجه للخلايه هذا يقتل بسس الخلايه السرطانيه و ميأثر عله الخلايه السليمه ....
(هنانه ينفيهه يعني حنطردهه من بيتهه😂😂)

هذا جان ملخض مرض السرطان ...
الله يبعدنه عنه و يشافي الي صاير بيهم ♥️

ان شاء الله ممليتوا من طريقه طرحي للموضوع
ويكوون بارت خفيق وبسرعه نقره

وهمين اذا لكيتوا خطا املائي او سحكه كلشي تردووا انطيكم لان لابسه النضاره هلمره واباوع عله كلمه كلمه حته ما اسحك 😂😂

وهاهيه عساكم دائماً تكونون بصحه حلووه و بخير ♥️
انتبهوا على نفسكم ..

بحفظ الله و رعايته ♥️