#البارت الثالث

رواية..رحمة عاطف...

نورا ناصر...نور سمو العراق

💔💔💔💔💔💔

فهمت مُؤخراً بأن كُلما كتم المرء أحزانه وراكمها، كُلما تحولت تدريجياً إلى ألم جسدي، تخيلوا مدى هشاشة المرء حينما يظن أن الكتمان إنتصار بينما هو بالحقيقة أكبر هزيمة قد يرتكبها بحق نفسه

...............................

ظليت انزف دم من خشمي وعيوني كوة مسيطرة عليهن افتحهن واسدهن بدون توقف...
اجت سهير بصونده وظلت تضرب بيهن وبعدتهن عني واني حالتي يرثئ الها...

سحبتني هي ومسؤؤله ثانيه ونومتني علئ السرير سحبت البرگع من على وجهي وشمرته

عافتني ممددة ع السرير وراحت تلغي هيه والثانية ويوصلني صوتهم بعيد ..

سهير ؛ عيني ام احمد لازم نستدعي الطبيب هاي راح تموت علينه ..

جاوبتها ؛ يمعودة تموتج ومتموت ...

اسمعهن واني حاسة نفسي دا احتضر فعلا وعزرائيل يحوم حواليه يريد يقبض روحي ..
احس اطرافي مشلولة ومااكدر اتحرك بس نفسي مضطرب واحس حتى جر الهوا يوجعني مثل سكاكين وتنبت بنص رياتي ..

........................عاطف .. كعدت الصبح بدلت وحضرت جنطتي الطبيه طلعت من غرفتي استقبلتني امي صبحت عليه وكالت روح تريك ويه الحجيه..« بيبتهم »

رحت لكيتهم كاعدين كلهم بنت عمي واختي وابن عمي وزوجة عمي

كتلهم...صباح الخير

الكل..صباح النور

الحجيه...تعال بيبي تريك

كعدت علئ الكرسي المخصص الي

بيبي ؛ ها عاطف خو ما بعدك تعبان بالشغل ماتعودت شوية ؟

عاطف...والله حجيه شلونه بنص المرضئ اكيييد متعب وملل وبعدني لحد هسه مدارس حالات المرضئ

حمييد ابن عمي ..عندكم هواي مرضئ

عاطف...اي هوواي اجتنه قبل يومين حاله متصدك المريضه مراهقه تتعجب ليش وحده بعمرها مصابه بالجنون..
حميد بغرور..شغله تافهه بصراحه ومااعرف شعجبك منها

عاطف..الطب النفسي من اجمل المجالات بالطب لان تدرس حالات عجيبه ويحيي عندك جانب الانسانيه الي بااغلب الاوقات يكون غافي..

الحجيه...الله يشافيهم ويعافيهم كلامك صحيح

كامت من مكانها وهي تجر ثياب الحسره والقهر وجرت حسسسسره قوويه مزقت انياط قلبها

وبما انو اني طبيب نفسي اعرف شنو يدور براسها بس معرفت شنو الي مزعل الحجيه

حميد بخبث..اشووفك انت راح تتعالج بهذا المستشفئ بعدين وطكهه ضحكة ..

جاوبته ؛ ....مو قبل مااعالجك

حميد بجمود...قصدك اني مخبل

عاطف...لا لا حشئ المخبل

حميييد بحقد...عااااطف احترررم نف...

ماكمل كلامه ودك موبايلي ..

جاوبتهم اتصال من المستشفى ؛
_ الوووو  هلوو سهييير ..
_ الحك دكتور المريضات هجمن على المريضة الجديدة رحمة وضربنها وهيه هيه تعبانة كلش ياريت تجي فدوة ..

كمت من مكاني مصدوم ؛ شنوو؟؟ لا اله الا الله لجج انتي غبييييه اني مو كتلج ابعديها عنهن كاافي كااافي يالله جاااي..

سديته منها واخذت مفاتيح السياره والجنطه واللوكر وطلعت ركبت السياره بسرعه سهير الغبيه عايفه البنيه ويه اصعب حالات الجنون وضارباتها...

البنيه ناعمه وصغيره وطريه والمريضات اكبار وقويات ومن العلاج صارن ملاكمات يصارعن وقوه بيهن مو طبيعيه اكيد وصلنها للموت هسه ..

ومسافه الطريق مو طوويله وصلت للمستشفئ نزلت من السياره ودخلت بين الممرات الكئيبه والضيقه للمستشفئ

وصلت الغرفة المرضئ شفت سهيير كاعده

دخلت كالت دكتور الحك البنيه گوه تتنفس اضاهر كاطعات نفسها

صرخت بوجهها بعصبيه...وييين جنتي عنها اني مو وصيتج بيها
سهير بكذب...دكتور مااعرف شلون غفلت عنها وهي راحت

باوعت عليها خشمها مكسور وشفايفها تنزف وصدرها يصعد وينزل وتنفسها كلش عاالي ...

البنيه محتاجه عنايه اخذتها للغرفه الخاصه بالعنايه اخذت ديتول وقطن عالجت شفتها المجروحه وانفها وجرح قريب من عينها

شديت الها اوكسجين شوويه حسيت دقات گلبها انتظمت

تركتها بالغرفه وطلعت لازم احاسب المسؤؤلات شنو هل التسيب وعدم المسؤؤليه
..........

سفانا...

كعدت الصبح تقريبا بالسته سبحت وصليت لبست بنطرون ثلجي وقميص بهاري قصير حييل...

كلت خلي اكعد بيبي واكولها تشوف لبسي حتئ اذا حجه حسن اكوله بيبي اخذ رأيها وقبلت

وطبعا بيبي متشوف اذا متلبس مناضرها جعب الاستكان...
لكيتها نايمه بغرفتها وجدو وحسن بالاستقبال طفيت الضوه وكعدتها كلتلها...بيبي بيبي اكعدي شوفي لبسي محتشم...

رفعت راسها ودورت نضارتها جوه مخدتها ملكتها رجعت راسها بنعاس ونامت واني طكيتها ركضه

واذا سال حسن الداعشي البصراوي اكوله بيبي قبلت

مشيت بهدوء وحذر وكنت مثل الي سارق متمرس ويريد ينهزم  وصلت للباب الحوش حسيت تحررت محد شافني...

فتحت باب الشارع وطلعت واشوف حسن بوجهي خابت امالي وتنهدت

باوع عليه بعصبيه كال...هااااي شنو؟؟  شهل لبس رايحه للملهئ لتراودين المرضئ عن نفسهم امشي ولي بدلي

جاوبته بغضب...شبي لبسي ترئ عادي وبعدين احنه ببغداد يعني عادي

حسن...امشي لج مكيفه ببغداد ..لو بستوكهولم جان شسويتي امشي ولي بدلي جنج فزاعه

رحت متعصبه دخلت جوه وماخليت غلطه بقاموس الوطن العربي ما غلطتهه عليه يستاهل
نزعت القميص ولبست تشيرت وفواكه جاكيت طوويل وطلعت لكيته واكف...

كال...امشي اوصلج طبعا الج الشرف تصعدين بسيارتي ...

رفعت حاجبي بغرور وهو ضحك كال...اتشاقه وياج شبيج...

صعدت بالسياره وهو يلغي فوك راسي ويسولف بطولاته الخارقه...

قطعت كلامه

وكتله اجتنه مريضه تجنن وهو مدري شبي حمه

حسن...اوووف اطرب علئ الحلوات وخاصه اذا مجنونات تحسين بمتعة الحياة وياهن من تكعدلج باليل الكفشه واكفه وتخنكگ وانته تصارعه وبعدها تاخذ المقسوم منها ههههههههههه شكد حلوو هيج

كتله بنظره غضب...ترئ حتئ المخابيل متقبل بيك فلا تفررح

حسن بخبث...وج غير انتن من جمالي كاضيتها تفترن يم السحاره اني اروح اسكر حتئ انساجن وانتن تسون اسحوره حتئ ارجعلجن والشيطان نعاله تكطع وهو رايح جاي من البار للسحاره
سفانا...اوووي رب الثقه هو كلك املح اجلح وعندك كرش

حسن...له له سيفووونه منيلي الكرش اما اذا املح فهاي من ملحوة وحر البصره عود تعالي يمنه والله تصيرين صوماليه معطبه

سفانا...ابو كرش واملح وشايف روحك ورحمه هواي عليك

حسن... عيرتني بالكرش وهو وقار ليتها عيرتني بما هو عار ههههاي هسه سويلنه موعد اريد اسوي بحث عنهم اوك سيفونتي

سفانا بقرف...اوووك اسويلك موعد...

كتله حسن يعني من كل عقلك تحب مجنونه

ضحك...كال من كل عقلج شبيج بابا اشاقه وياج

ابتسمت وصلت للمصح ونزلت من السياره ودخلت للمصح احس بخنقه تسري بجسمي من المستشفئ ياريت اتعين بغير مكان نذرت نذر بس اخلص من هل تعيين....

.......

باوعت شفت سفانا جاية و تفر بجنطتها دقتني
عطت بيها بعصبيه سفااانة ... جمدت بمكانها

جاوبتني بخووف ؛ ...هااا دكتورر

صيحي المسؤؤلات وبسرعه للمكتب

سفانة...حاضر دكتور ثواني ..

رحت المكتبي واني اغلي من العصبيه شنو هل حقاره والتسيب

دقايق وصطفن صف واحد بيهن 16 وحده باوعتلهن بعتب

_ ليييييش هذا الاهمال والتسيب مريضه جديده تنضرب اني كم مره عدت وكلت لاتخلون المرضئ الجدد ويه المرضئ الحالتهم مستعصيه ..

سهير...دكتور هي راحت

عاطف...هذا مو حجي شنو هي راحت انتن وينجن عنه ليش متحللن رواتبجن وتشتغلن عدل هذي اخر مره تنعاد والله مره ثانيه افصل شكوو وحده تستهتر بقوانين المستشفئ

وهسه يالله اطلعوو بره وسفانة روحي الرحمه بالعنايه الطبيه

سفانا...تآمر دكتور
بسرعه رحت للعنايه لرحمه واني خايفه ومتوتره يمه الدكتور اعصابه تلفانه وشلون جاد بكلامه

رحت عند غرفه رحمه دخلت شفتها خطيه حالتها حاله وجهه ازرك ومتورم وحاطيلها تنفس اصطناعي كعدت يمها مسحت علئ شعرها برقه انقهرت عليها حييل امها وين عنها ليش جابتها هنا صح المستشفئ مكتوب للراحه النفسيه بس والله ماكوو راحه

جريت نفس اني ماما وبابا سافرو للعمره واني كوولش مقهوره عليهم واحس بوحده واحس محد الي غيرهم الله يعين كل يتيم ومضلوم...

انتبهت من سرحاني علئ صووت رحمه الي سحبت البخاخ من انفها وصرخت

لزمتها بحنان..كتلها هااا رحمه شبييج شنوة اليوجعج؟

كالت بصوت مبحوح وتعبان..ايدي توجعني ورجلي وكوولشي

كتلها انتظري حخابر الدكتور

صدوك خابرته وهو كال هسه اجي

.......

.......
جنت كاعد بالمكتب بديت باول حاله نفسيه رحاب فتحت ملفها...واستدعيتها

كعدت مقابيلي

كتلها شنو سبب حالتج النفسيه ليش اجيتي للمصح

كالت بحزن ضاهر علئ ملامحها التعبانه...اااه جنت صغيره ارعي الغنم واحش الحشيش امي جانت تحبني بس اخواني وابوي يكرهوني جان عمري 16 سنه من اعترفت امي الي وكالت انتي مو بنتنه واحنه ربيناج واهلج يمكن علئ قيد الحياة تخبلت بوكتها وماصدك وره فتره ماتت امي وسائت معامله اهلي اليه ابويه اتزوج وزوجته اعترفت اليه ان اني مو بنتهم جنت اكل لابوي وإخواني اني مو بنتكم اريد اهلي بس جانوا يجاوبوني بالضرب والغلط منا لمن تعبت نفسيتي وكل ما اريد اكلهم اريد اهلي يضربوني بعدها هدئت الامور واني سكتت لان اريد أهرب منهم..صدك كدرت اهرب منهم بس للاسف جيرانه حضه بيه ورجعني الهم وهمه ضربوني وجابوني هنا...

باوعتلها بجمود بسرعه شخصت حالتها...هذا الهذيان البارونوايا..جنون الشك والارتياب احتمال هي ابنه حقيقيه لهذي العائله بس هي تفسر كلامهم وهذيانهم حسب مايميله الها عقلها

جانن واكفات ثنين ممرضات واحده منهن طلبت تاخذها اخذتها وراحت
والثانيه..كالت اقتنعت بكلامها دكتور

جاوبتها بنفي...لاااا

كالت..اي دكتور هي تشك ذول اهلها اجت امها وكالت اني ماميته وحتئ الولاده الجيبتني بيها موجوده بس هي عقلها متمحور بهذا الشئ

جاوبتها واني مركز بملفها...هاي مريضه بمرض الشك والارتياب بس هيهات تقتنع لان هي مقتنعة بااشياء ما الها اساس من الصحه وتفسر كل ماتتعرض اله بطريقه تخدم افكارها..وبهذا الشئ هي قدمت روايه واقعيه مبنيه على اسس غير حقيقيه تحسيها حقيقيه لكن للاسف هي مبنيه علئ الشك وعدم صحتها
الله يشفيها

الممرضه...امييين

بعد كم دقيقه اتصل موبايلي شفته رقم سفانا فتحت خط وخبرتني أن رحمه كعدت

رحت بسرعه الها مااعرف ليش حاب اكتشف هذي البنيه احسها ضامه سر لا مو سر هي بئر من الاسرار وعقلي،وجوارحي وتفكيري يگولون هي مو مجنونه هي تدعي الجنون لان لو مجنونه كان رضت بالعيشه هنا... بس هي غرييبه
دخلت شفتها كاعده ولازمه ايدها وتبجي من اجت لهنا وهي بس تبجي حتئ وهي تاكل تبجي وهي نايمه تبجي حالتها غرريبه

تنهدت محتار شسوي وياها تريد اهلها قررت اروح الاهله اخليهم ياخذوها تموت هنا مثل الطفل الي يريد امه

الحمدلله علئ كل حااال

كعدت يمها تقربت منها اكثر هي نزلت راسها اكثر حرامات طفله طفله تنشمر بالمصح

كتلها يوجعج شئ

كالت...اي ايدي ورجلي

سحبت ايدها رفعت كم البالطوو انتبهت علئ ايدها مزركه ومورمه احتمال فطر او رض بس مو كسر هي سحبت ايدها بقسوه

وباوعتلي مثل لبووه المجروحه

كتلها هسه انقلج المستشفئ الكسور وان شاء اللة يعالجوج

كالت ببراءه...ورجلي

سحبت رجلها وهي صرخت وبعصبيه برزت شرايين رقبتها...هييي عووفني لا تتقرب مني ماتستحي عيب عليك...
لا بصراحه صدك مجنونه

كتلها كوومي اخذج للكسور وكفت وهي تعرج ساعدتها سفانا

خابرت على الإسعاف واجت اخذتها هي وسفانا وصلنه للمستشفئ ودخلنه للكسور

اخذولها اشعه رجلها من ناحية مشط الاصابع بيها فطر ولازم تتجبر وكذالك ايدها من ناحيه الساعد بس رض

دخلت الغرفه التجبير جبرو ايدها ورجلها طلعت تعرج وحجابها مخربط زيها مخزي بجامه عتيگه وبالطو اجرب وتشيرت ابيض املح

ركبنه بالسياره ورجعنه

هي لزمتني كالت عفييه دكتور وديني الاهلي مااريد اضل هنا

كتلها ميخالف اخذج اليووم عندي موضوع اخلصه وارجعلج وان شاء اللة باجر عند اهلج اوك

كالت بحزن...اي ميخالف

كتلها بغموض...وراج سر ماعرفته انتي شبيج

كالت بغموض...اني مااصلح اعيش ويه البشر اني من الملائكه
صدمتني بردها...ليش تعتبر نفسها ملكه ليش هيج حاقده علئ البشر

كتلها منو مئذييج؟

كالت بااستهزاء...البشرر

كتلها...حددي

كالت...كلهم تحديد وياريت لو اسويلهم نسخ ولصقهم بجهنم لو اسويلهم قص واحذفهم من الحياة

عاطف...هههههه الهلدرجه

رحمه...اي

عاطف...شاك بيج اني

رحمه بااستغراب...شنوو قصدك:؟

عاطف..بعدين تعرفين وهسه روحي ارتاحي ونامي وان شاء اللة باجر انتي بحظن ابووج

دمعت عيونها باسئ وبحنين...اريد ارتاح ابوي يمكن مايدري بنهاد جابتني هنا اي اي باجر وديني الهم هو مايعرف
بيها

كتلها...ان شاء لله
تقربت منها خطووه وهي رجعت خطوات كبيره وهي مرعووبه شككتني ان هي متعرضه لحاله مستعصية

تقربت منها اكثر وهي رجعت وممسيطره علئ نفسها كالت بتهكم...لا عبالك اني الوحدي وضعيفه وصغيره وانت ضخم وعملاق ترئ والله كوولشي اسوي

كتلها بااستهزاء...اني ممسوي شئ

كالت ...اي مااثق بأي شخص وخاصة الدكاتره لان مو مريحين

كتلها...لااااا جرحتي مشاعري

فتحت حجابها ورجعت لفته نامت علئ السرير وحجت بأمر طفي الضوه واطلع بره اريد انام ان شاء اللة هاي اخر ليله وياكم لان باجر تاخذني الاهلي

ضحكت بقهر من كلامها وفعلا طفيت الضوء وطلعت قررت اساعدها واتوصل ابوها هي املها بيهم وتريد تروح الهم مكانها غلط هنا

خلص دوامي يووم متعب ويقهر وصيت عليها وركبت سيارتي وطلعت لكن شعور بداخلي يتمنئ يخلص هذي البنيه من المصح لو اكدر اخذها جان اخذتها بس لا الشرع يقبل ولا الاهل يقبلون هي محرمه وكذالك مو من الائق اجيبها البيتي وبصفة شنوو ومع كل هذا اني خاطب واحب خطيبتي...
...........................

هذا
صباح مؤلم..

استيقظتُ فيه على صفير رياح الحنين
إليكم

كعدت الصبح ماطلعت من الغرفه اخاف التقي بالمجنونات صاحتني سهير الغرفه الفطور بس اني مرات ولحد الان المجنونه بشرئ تريد تنتقم مني  لان تتوهم اني اخذت زوجها منها  اخاف منها ما اطلع....

اجت سفانا ببتسامه فتحت باب الغرفه...صباح الخير

رحمه...صباح النور

سفانا...شنووو اشوو محضره نفسج وين جاي ترحين

رحمه...اي الدكتور كال اليوم اطلعج

سفانا بفرحه....ياااي يعني مبرووك

ضلت كاعده تنتظر الدكتور لكن للاسف مااجه اتاخر صارت الساعه ب12 ونص

سفانا بضحكه...اجه الدكتور

باوعتله بحزن...هااا دكتور تاخذني لاهلي
ضحكت بقهر من كلامها وفعلا طفيت الضوء وطلعت قررت اساعدها واتوصل ابوها هي املها بيهم وتريد تروح الهم مكانها غلط هنا

خلص دوامي يووم متعب ويقهر وصيت عليها وركبت سيارتي وطلعت لكن شعور بداخلي يتمنئ يخلص هذي البنيه من المصح لو اكدر اخذها جان اخذتها بس لا الشرع يقبل ولا الاهل يقبلون هي محرمه وكذالك مو من الائق اجيبها البيتي وبصفة شنوو ومع كل هذا اني خاطب واحب خطيبتي...

...........................

هذا
صباح مؤلم..

استيقظتُ فيه على صفير رياح الحنين
إليكم

كعدت الصبح ماطلعت من الغرفه اخاف التقي بالمجنونات صاحتني سهير الغرفه الفطور بس اني مرات ولحد الان المجنونه بشرئ تريد تنتقم مني  لان تتوهم اني اخذت زوجها منها  اخاف منها ما اطلع....

اجت سفانا ببتسامه فتحت باب الغرفه...صباح الخير

رحمه...صباح النور

سفانا...شنووو اشوو محضره نفسج وين جاي ترحين
رحمه...اي الدكتور كال اليوم اطلعج

سفانا بفرحه....ياااي يعني مبرووك

ضلت كاعده تنتظر الدكتور لكن للاسف مااجه اتاخر صارت الساعه ب12 ونص

سفانا بضحكه...اجه الدكتور

باوعتله بحزن...هااا دكتور تاخذني لاهلي

كال...وين مكانهم بالضبط

رفعت عيوني ليفوك اريد اذكر همه وين بس للاسف اني مااعرف مكانهم اعرف المنطقه بس ما اندل جاوبته...مااندل بس اعرف اسم المنطقه اكولك عليه وانت أخذني

هز راسه بأي وبعدها تركني وراح لغرفته...

ضليت افتر بالغرفه ياربي ليش ما يطلعوني مو كال اخذج...

شوويه واجت ممرضه كالت ...رحمه لدكتور طالبج

رحت بسرعه ملهووفه من فتحت الباب شفت بابا كاعد يم الدكتور ضحكت بفرح ركضت عليه
هو هم حضني وباسني كال...اني مااعرف ناهده جابتج هنا كتلتها زوركت عيونها ودكتور اتصل بيه واجيت اخذج

لزمته حييل واني اتنفس بصعوبه وفرحانه اتذكرت هم طلبو رقم بابا كالو اخاف كولشي يصير نتصل بي والدكتور مخابر بابا واجه ياخذني...

جنت لازمه بملابس بابا حيييل اخاف يروح ويخليني باوع بوجهي كال بااستغراب ...منو ضربج

بلعت ريكي...هاي وحده مجنونه دكول اخذتي زوجي

عقد حواجبه وجر نفس وزفره تشكر من الدكتور وطلعنه جنت حيل فرحاااانه حسيت مثل الي انحكم اعدام وافرجو عنه باخر لحضات حياته...

اشرقت الشمس ونورت الدنيا طلعت من المصح ركبنه سيارة ورحنه للبيت...

نزلنه ببيت جديد اول مدخلت شفت ضحئ من شفتها بلعت ريكي وصرت وره بابا..

ضاجت حيل من شافتني وبابا ضل محتار بينه دخلت للغرفه وركعت الباب حيل...

أخذني لغرفه فوك كعدت بيها احتاريت شلون اعيش ويه ضحيوه اكرهه الكلبه...

كون تموت واخلص منها اذا ما ماتت اقتلها وادفنها بيدي صايره عندي حالة انتقام غريبه وسوداوينه مرعبه...
ضليت يومين عدهم واسمع مشاكل ضحئ ويه بابا وهي تتذمر من وجودي وهو يحاول يرضيها بكل صوره...

صار دنيا العصر ونزلت جوه دخلت للمطبخ شفت بابا حاضن ضحئ من خصرها ويبوس بيها وهي تدفع بي دكوله...رووح روحح انت ما تحبني...

لحضات مرت عليه اتذكرت الماضي انعادت عليه مشاهد صرخت برعب همه كمزو من مكانهم

ركضت علئ المجر مالت الكاونتر واخذت اكبر سكين وهجمت علئ ضحئ وبابا لزمني بابا واني اصرخ ...اطلع كلب حقيير ...حقييره عووفوها

ضحئ صرخت وطلعت تركض واني بابا حاول يهديني بس جنت منهاره حيل ضربني راشدي ونكعني بالمي

وكعت علئ الارض وارجف ودموعي تجري...

وضحئ تصيح والله مااضل ولا دقيقه ويه الخبله مالتك خسرت شبابي علئ مودك وانت ممهتم بيه والله اروح لاهلي ولا اضل دقيقه...

بابا طلع وهو يتوسل بيها طلعت اباوع عليها لابسه صايتها ولازمه جنطتها تريد تطلع وبابا مقبل

كلها ادخلي ومايصير خاطرج اله طيب
دفعته وراحت لغرفتها وهو راح وراها...

رجعت صعدت الغرفتي واني منهارة وابجي وانحب..

..............................

ثاني يوم ....

رحمة وبيوم دخل عليه بابا تقرب مني وطبك شفايفه على بعضهم ويفرك ايديه بحيرة يباوعلي وينصي ..
كال ؛ كومي بنيتي رحمة امشي وياي ..
كمت على حيلي والخوف تملكني ...
حاجيته بنبرة رجاء ؛ بابا عفية وين توديني ؟
لزمني من عكسي وظل يعت بيه ويحاول يطلعني من الغرفة الي اني بيها ويحجي ..
_ امشي بنيتي امشي اروح اجيبلج دوة من المستشفى ميصير تبقين بلا علاج ..
_ عفية بابا لاتاخذني لهناك حباب
عليت نبرة صوتي وصرت ابجي لكن لا مجيب لبكائي وتوسلاتي .. حاولت اتملص من قبضة ايد بابا على ساعد ايدي لكن بكل مرة يشدد على قبضته اكثر ..
ويكتفي بالقول بتلعثم
_ بس اجيبلج علاج وارجعج بنيتي لتخافين ما اعوفج ..

كلماته مجرد مخدر الي ماجاب نتيجة ، اخذني وخلاني بسيارته وقفل الباب عليه مكدرت افتحه وانهزم ..
اجه صعد وظل يفرك بوجهه بتوتر ويزفر نفسه بضيق ويردد لا حول ولاقوة الا بالله ويذب حسرة وياهه ..
عرفته مجبور يوديني لهناك وميكدر ميرفض طلب لضحى بنفس الوقت ..
طول الطريق ابجي بهستيريا واتمتم واتوسل ...
وصلنا للمصح ، ما ان لمحت السياج الخارجي للمشفى وعرفته وعرفت اني راجعة للجحيم ، زدت بالبجي والنحيب وصرت اضرب على زجاج السيارة وارفض اطلع منها ..
اجه ابويه وفتح الباب الي يمي وصار يسحب بيه ..
ضعفي وهواني وهزالة جسمي مقابل قوته الرجولية وضخامته كدر يسحبني ويطلعني من السيارة نزلني جوة وكعت بالكاع وهو يرفع بيه من ايدي واني اصرخ وابجي واتوسل ..
استقبلتنه سهير وام احمد واجن يركضن لم شافتنا جايين
اجن يردن ياخذني واني احاول اختل ورة بابا اصير بظهره واحتمي بي وادري بي مو سندي هو ولا راح يحميني لكن تصرفي بلا وعي ولا ارادي ...
هرجت المستشفى بصوتي ، لمحت الدكتور طلع من غرفته واجه باتجاهنه ..
عاطف ؛ خير شكو هاي شنو ؟ رحمة هم رجعتها؟
شنو من اب انتَ مو داكول حالته متتطلب مستشفى البيت أمن الها اكثر اخذهه رجعها لا تخليها خطيه....

ابو رحمة ؛ وانتوا شنو شغلكم هنانه مو مستشفى مجانين والبنية مخبلة ولازم تعالجوها وهاي مسؤؤلياتكم انتوا مو جاي تاخذون فلوس ..

رحمة ؛ صرخت واني اسمع كلامهم سحبني ابوية من ايدي اله بقوة ، خله ايده على كتفي وضغطها
صار يهمس بأذني ..
_ عيب بابا ادخلي جوة واني لازم احجي ويا الدكتور وارجع اخذج بس خلي يكتب الج علاج حتى ناخذه ويانه ..

رفعت راسي اباوعله ودموعي تحجب عني الرؤية
حاجيته بتوسل ؛ لتعوفني بابا عفية ..
هز راسه بقبول يطمأني ، اخذتني الممرضة ودخلت بي جووة واني نظراتي عليه الى ان انسدت الباب وبعد ماشفته ...

بقيت جوة متوترة وكلي امل اطلع واشوف ابويه ويرجع ياخذني ويا ، كعدت هوايه حسيت تأخر الوقت وبابا ما اجه اخذني ..

توجهت لباب الغرفة فتحتها وطليت بالممر شبه فارغ ..
طلعت من الغرفة ادور ابويه ماكو صرت اركض بالمشفى بدون توقف وادور ابويه مشفته صرت اصرخ بعلوو صوتي ..
باباااااا ....
التموا الممرضات واجوا لزموني انفتحت باب غرفة الدكتور وطلع منها ..
باوعلي بهدوء وهمس...ما الج مكان بينهم

عقدت حواجبي بفزع واستغراب وهمست..انت شدكوول وين بابا؟

عاطف باسئ...مكانج هنا يامضلومه مالج احد غيري

ارتفع تنفسي وخوفي سيطر عليه صرخت بعصبيه...لاااااا الي الي اهلييي ارررريد اهلي اررريد اهلي رجعني

عاطف لزمني من اديه المكسوره وهمس...اشششش هنا مكانج هذا حياتج ومماتج

صرخت مرعووبه متأسفه علئ حالي ضربته بايدي المكسوره وزادت بوجعها عليه وضربت رجلي علئ الارض بقوووه كسرتها حست بالمها لكن الم قلبي اكبر

وكعت علئ الارض واني ابجي وتستنجد بااحبابي لكن ما من مجيب

تقرب منها وهو يلف البالطوو الاسود عليه همس ضلي هنا ان شاء للة الج مخرج

ضربته بقسوة بيدي الملفوفه وشديت علئ شفايفي صررخت بووجه حيييل...اكرههههههههههك طلعني مارررريد اضل هنا
ضربته بقسوة بيدي الملفوفه وشديت علئ شفايفي صررخت بووجه حيييل...اكرههههههههههك طلعني مارررريد اضل هنا

نهااايه البارت

كونوا هنا كونوا بخير...انحبكم😘

نور تربيع 😍

وقفه...النشر حيكون بين يوم ويوم هسه دكولون كاتبتين ويوم ويوم ههههه بس شنسوي هذا مقدرتنه وترتيبنه للبارتات واكيد مشاغل الحياة اكيد تفهمون...😘