#بارت 19

رواية..رحمة عاطف

نورا ناصر...نور سمو العراق

💔💔💔💔💔💔💔💔

رحمة :.... اجه حميد وصعدت وياه بالسيارة كعدت يمه كدام ، بينما دا اكعد هو جان يباوع عليه وصافن بيه ..
باوعتله وسديت الباب وهم رجعت باوعت اله شفته مركز بيه بعده ..

كال ؛- بنية انت لو حلقوم شدعوة هلكد حلوو ة؟؟
ابتسمت نصف ابتسامة وحضنت جنطتي وعيني ع الطريق ، حرك السيارة ومشت بينا ..

كال ؛- رحمة بلغي ابوج الليلة نجي الكم ونتفق ع الخطبة نكطع مهر حاضر وغايب وهاي السوالف ماشي .

باوعتله شبه مصدومة بعدها ظليت افكر وهو يسولف اني اريدج وعاجبتني وراح اسعدج ومن هالحجي  .
واني غركانة بتفكيري بين موافقة وبين لا ..

ليش ما اوافق على الاقل حميد ابن خالي اخذ الغريب خاف يفضحني وعاطف خلاص تزوج الي يحبها مستحيل يفكر بيه بعد ..

اوافق هسه ومن ننخطب امهد الموضوع واحجي لحميد عن حادث  اغتصابي ..

وعيت على حميد يكولي ها رحمة شكلتي اشو طاكتهه صفنة؟ وين راح بالج ؟

باوعتله ببرود وجاوبته بنبرة ابرد ؛- اي تمام راح ابلغ ابويه وانتوا تعالو هلا بيكم .

وصلني لبيت ابويه ، نزلت وتوجهت للبيت صاحني من مكانه بالسيارة ..
كال ؛- رحمة ياحلقوم ..
التفتت عليه وجريت نفس شكد ثقيل دم ..
كال ؛- على اتفاقنه الليلة ماشي .. وانطاني بوسه بالهوا يغمز ومبتسم ..

هزيت راسي بقبول ورحت للبيت دكيت الباب وهو حرك السيارة وراح ..

طلعت ضحى فتحت الي الباب وتطلطل وتمد راسها بالشارع
_ منو جابج ويامن جيتي ها؟

خليت اطراف اصابعي على كتفها ودفعتها بعصبية ..
_ هي هي شبيج انت شبيج جيت ويا عاطف أأأ اقصد حميد ..

رجعت مدت راسها وتطل من باب الشارع ..
_ حميد حميد ، وينه هو اشو ماكو غير ينول اسلم عليه اشوفه ..

_ وانت شعندج ويا تشوفي وتسلمين عليه ها ؟ كعدي وسكتي متشبعين؟
دخلت جوة وهي جتي ورايه ، خليت اغراضي بالكاع والتفتت عليها وايديه على خصري ..
حاجيتها بنبرة أمر ؛- نضفتيلي الغرفة لو ضلت على وصاختها ؟

تقربت مني ودفعتني وحجت ؛- اشو انتِ صايرة كلش عيني لاصداد ولارداد شنو نسيتي نفسج ؟

_ اسمعي ضحى ترة اني مو رحمة القديمة الي لعبتي عليها واذيتيها افتهمتي لا حبيبي رحمة القديمة بح اني تغيرت وفضيحتج وخياناتج لابويه على طرف لساني جري عدل احسنلج .

ضحكت باستهزاء ؛- لا عيني انت الي فضيحتج يمي شنو ناسية انت شنو ؟

_ لا مناسية بس هسه مو مثل اول ، دور اول تحول وعندي من يسندني اوديج ورة الشمس بكلمة مني والله احسن الج طيعيني خليني ساكتة عن سوالفج .

رفعت تك حاجب بريبة وشك ولوت شفتها ، دارت الي ظهرها وراحت من كدامي ، حسيت بنشوة الانتصار عليها ، اخذت جنطتي من الكاع وتوجهت للغرفة ، فتحتها وفتت جوة ..

غيرت ملابسي وتمددت ع السرير ، انقهرت وصبت دموعي ، نار تحرك گلبي حرك ، تمنيت ما اشوف نيكول وعاطف سوى ، غير اموت اذا شفتهم ..
تكلبت وغفيت للمغرب سمعت صوت ابويه بالبيت ..

كمت من مكاني وطلعت شفته سلمت عليه من ورة خشمي ..
رد عليه ؛- هلا بنتي رحمة كعدي اشوفج اسولف وياج منو جابج؟
كعدت ويه كعدتي جريت نفس بضيق ..
كتله حميد جابني ..
_ والنعم منه خوش ولد وابو وكفات ..
_ اي بابا بالمناسبة راح يجي بالليل هو وبيبي وخالو يتفقون وياك عمود الخطبة ..
_ اي اي خابرني قبل شوية والله فرحت من كلي خوش ولد هذا ما امنج عند واحد غيره اله هو ..

طبت ضحى بهاللحظة وحجت وهي مصدومة ..
_ شنو شنووو حميد يخطب رحمة من شوكت هاي اشو ماعندي علم ..

جاوبها ابويه ؛- يتبنت الحلال اهدي افهمي السالفة ...

جاوبته بصياح ؛- ما اهدأ من شوكت تضم عليه ومتكولي ..

كمت على حيلي وبخطوة وحدة صرت يمها وظري على ابويه ، رفعت تك حاجبي واباوع الها باتهام ..
_ وانت شكو سواء عرفتي السالفة او لا ؟ لا راح تقدمين ولا راح تأخرين حطي لسانج بحلكي وانلصمي احسلج لا تعرفين شسوي ..
حجيت كلماتي الاخيرة واسناني مطابكة وبصوت حرصت ابويه ميسمعه ..

هيه خلت وراحت معصبة وتنفخ كعدت يم ابويه وهو ظل يسولف ويحجي واني بالي بغير مكان ..

لليل وبعد العشا رحت طلعتلي فستان ميدي بنفسجي وستريج لحمي ، رفعت شعري ليفوك سويته كفشة وخليت الشال عليه ، خليت مكياج وتعطرت وطلعت من الغرفة ، شفت ضحى صارت كدامي ، طالعة عروسة ، ادري بنت الكلب انت الي معرسة لو اني اله تريد تعرس ويا عرسي ..

خزرتها وتخصرت ؛- هاي شنو شعدج معرسة اليوم لو شنو؟

كالت ؛- شكو مايصير اتعدل ..

لا مو مايصير بس هيه غيرة ولو ما الغيرة ماجابت الخنزيرة ..

لا يا خنزيرة اصلا اني حلوة ومعدلة وانيقة من يوم يومي انتي الي طالعة نشاز وتخرعيين لان مامتعودين نشوفج هيج ..

دارتلي ظهرها وراحت ، غميتها وكعدت ع التخم بالصالة انتظر بيبي ووخالو وحميد ..

صارت ساعة ٩:٣٠ اندكت الباب وطلع بابا استقبلهم
فاتوا للاستقبال ، فتت للمطبخ اروح اقدم الهم عصير ، شفت ضحى كتلها ها وين العصير ماصبيتي بعدج ؟

عصبت ورفعت صوتها كالت سم ان شاءالله اني شنو الميري مالة الخلفوج، شمرت القبق مالة بطل العصير عليه وطلعت ..

غميتها وكلت خخ تفو عليج ، موصوجج صوجي اني متحملتج وما افضحج ..
صبيت العصير واخذت الصينية وتوجهت للاستقبال
شفتها كاعدة ومخلية رجل على رجل تعمدت افوت من يمها وادوس على رجلها بكعبي حييل ، توجعت ونزلت رجلها وتباوعلي متألمة وتعض على شفايفها ، فشلتنه شكد عيب لابسه  حصر وكدام خالو وهو خجلان وداير وجهه عنها ، كلها من ابويه ولا يجر اذنها بكرصة يأدبها شوية راكبه فوك راسه فد نوب ..

سلمت عليهم وقدمت الهم العصير تقربت من بيبي وكعدت يمها بوستها وحضنتها ..

بلش خالو يحجي لبابا ..
_ ابو رحمة احنه جايين نطلب رحمة منك نريدها تصير زوجة لابني حميد وان شاءالله يكون عند حسن ضنك
...

بابا التفتت عليه وكال ؛- ها بابا رحومة شتكولين موافقة لو لا هاي كدام خالج اسألج حتى لا احد يكول مجبورة او شي ..

دنكت راسي واحس قلبي نغزني قوي كوة طلعتها للكلمة وكلت اي موافقة ..

كالوا على بركة الله نقرا الفاتحة ، قروا الفاتحة وكعدا حددوا الحاضر والغايب وهاي الامور واتفقوا ع الجمعة يسوون حفلة العقد ..
وطلعوا ..

رحت لغرفتي ضايجة كلش وحسيت نفسي متورطة والافكار غزت عقلي من كل جانب وخايفة كلش شلون اذا انعرفت قصة اغتصابي شراح يصير الي !!
الله لايوفقج ضحى ياحقيرة امنيتي اشوف بيج يوم اسود ، الله ينتقم منج ، دمرتي حياتي ..

رن تليفوني رحت اخذته شفته رقم غفران بسرعة جاوبتها وكعدت ع السرير ..
بعد السلام كالت ها شنو الاخبار؟
كتلها ؛- خطبوني لحميد وانطيتهم موافقتي قرينه الفاتحة والجمعة الحفلة ..

كالت ؛- لا ياغبية ولج عاطف طلق نيكول ورجع هنا لبغداد وبعد ميروح على اوكرانيا ..

من صدمتي كمت بسرعة من على السرير ووكفت كتلها شنووو تحجين صدك لو مقلب لو شنوو بالضبط؟

كالت ؛- لا والله ...
وبعدهه مككملة واجاني صوت عاطف ..
نبرة صوته واسمي بلسانه يثير مشاعر ويتلاعب بيها
وعيت على حجم المشكلة الي وكعت بيها
اني شنو سويت هسه وافقت على حميد ياالله شسويت بعمري ..

كال ؛- رحمة ليش هيج سويتي ليش تسرعتي انتِ مو تحبيني ليش وافقتي على حميد ..

جاوبته باستغراب؛- عاطف .... احبك؟؟ انت منو كلك هالحجي غفران مو؟؟

كال بسرعة ؛- معلينه بهالحجي هسه روحي خربي الخطبة وكولي لابوج انو انتِ مموافقة يلا رحمة ..

سديته بسرعة منه طلعت من الغرفة صارت ضحى بوجهي الحقيرة دتتصنت ، دفعتها ووخرتها من كدامي وركضت لابويه الهث واحجي ..
_ بابا اني ماريد حميد خابر بيبي وخالو وكول الهم هالحجي ..

كام من مكانه معصب واجه يمي ..
_ ولج بنت الكلب كلساع برأي شجاج مصخمة الوجه ..

تقربت ضحى منه وكالت ..
_ شعجب ليش ترفضين ، اكيد احد لعب بعقلج سمعتج تخابرين ولج خاف تحبين غير واحد وغيرتي رأيج ..

صرخت بوجهه اسكتي انتِ محد طلب رأيج ..

رجع ابويه صيح عليه ؛- اسمعي ولج رحمة تقبلين بحميد ورجليج على ركبتج يعني غصبا عليج افتهمتي لو اعيد ..

_ ما اريده يابه مااريده ..

صيح ؛- اصص سكتي مااسمعلج نفس تقبلين وتنجبين يلله ولي ولييييي ..

عفته ورحت اركض للغرفة جريت التليفون وطلبت رقم غفران جاوبتني كتلها انطيني عاطف .
دقايق بينما ودت التليفون اله ..
حجيت ويا واني ابجي ؛- عاطف ابويه ماقبل وظل يصيح ..

جاوبني ممتعض ؛- اووو اموته والله رحمة احبج متصيرين لحميد يأذيج والله ..

_ عاطف اسمع اجتي فكرة اني راح اوافق بس راح اماطل بالموضوع واخربها لتهتم لان اني اصلا شاكة بي ما اريده والي غاية بس اني اكرهه مستحيل اقبل بي ..

.............................
سفانا...

صار هوايه من حسن ترك البيت وأجر قريب علئ جامعته جدو خابره مقبل يرجع...

خابرته اني كم مره مفتح خط ضليت ابجي وانحب حاسه بتأنيب الضمير...

قررت اروح اله للجامعه واحجي وياه...

خليت وبدلت لبست تنورة زيتونيه بينصل وقميص كريمي حطيت شويه مكياج ولبست شال زيتوني...

ركبت سياره كلتلهم رايحه للدوام ..ومناك رحت للجامعه..

وصلت للجامعه واني اشوف اشكال واجمل البنات وبستايلات غريبه وحلوه

ردت ادخل مقبلوا يدخلوني كالو اله باج هو اتصل عليه ميجاوب مااعرف شبي...

طلبت من المفتشه بس تروح للقسم تشوف حسن وتجي انطيتها الاسم الكامل...هي راحت شويه واجت كالت سألت راسة القسم كالو هنا قاعته رحت سألت عنه ممداوم صار كم يوم صديقه كلي...

كلتلها...بلا زحمه ولو تعبتج بس ممكن تصيحين صديقه..

خطيه هي راحت صاحته واجت اجه ولد ضخم صاحب عضلات بس شويه معانيه محلوه

استحيت منه حيل بس تجرأت شويه كتله...بلا زحمه انت صديق حسن من البصره...

كال..اي صديقي وكاعد ويايه بالشقه اذا تردين اتصل بي الج...

جاوبته...اي فدوه اتصل بي كله بنت عمك سفانا اجت للجامعه تشوفك...

هو خطيه الولد اتصل وشويه وضل يحجي ويه حسن وبعدين انطاني لموبايل..

اني ابتعدت شوويه وكلت الوو وهو اجاني صوته مو يحجي لا يهلهل ...

كال بغضب عارم...لج حيوانه سافله جايه لجامعتي ما بطلتي خسه ونذاله انتي شنو التردينه..

جريتنفس مكتوم وجاوبته...حسن احترم نفسك شبيك تخبلت عساس،انت معصوم متغلط شبيك اريد اشوفك وافهمك وبعدها كلمن يروح بحال سبيله...

هو ضل يحجي مقبل وبعدها كال..خلي حيدر يجيبج للشقه

قفلت الخط ورحت حجيت ويه حيدر كال..اي تفضلي بس اجيب سيارتي من الكراج...

ركبت ورحنه للشقه ماكو فرق بس شارع عن الجامعه...

جان الولد كولش ثكيل وحباب وهادئ...

وصلنه للشقه نزلت بس مااعرف ليش شويه خفت هذا الشاب رغم مؤدب وعاقل بس عضلاته وجسمه يخلي لوحده تنرعب بس ما تغر العضلات عاقل ومؤدب..

هو فتح الباب ودخلت وهو دخل ورايه

شفته كاعد علئ التخم لابس فانيلة التعلاكه ويدخن بشراهه وعاكد الحواجب يبووو يمكن يطوحولي بوكسات هو وصديقه ابو عضلات..

حيدر كال...اني اترخص اخذو راحتكم...

طلع الولد وحسن يدخن ومركز بنظراته عليه كال من بين اسنانه...شتردين جاايه..

جاوبته..شبيك حسن اهدئ شويه خلينه نتفاهم..

حسن...انتي صدك ما تستحين جايه للكليه مناك لهنا ليكون تردين تنصبين علئ واحد ثاني انتي تعلمتي وانكشفت لعبتج وهسه تردين تطيحين واحد ثاني موو...

عضيت شفايفي بحزن وقهر جريت نفس واني امسح دمعتي...حسن رجاءا ثمن كلامك اني اجيت اعتذر منك وخلاص شكو بعد تغلط...

حسن...اكلج انتي ليش تخليني اطلع من طوري ضحكتي عليه يطبني سطعش مرض...بس شلون تلعبين بعرض العالم ودازتلي صورة بنية ما تعرف بدنيا طشت رشت...

شلون ترسلين صورة كرايب الدكتور ودكولين هاي ياسمين ماخفتي من ربج هاي وانتي دارسه وعاقله

جريت نفس حزين وهمست بعذاب...انت مو تريد تخطبها هذا هو اخطبها وهي قابله ان شاء لله بالرفاة والبنين...

بس حجيتها بألم شديد...

هو دار وجهه وكطف جكارته وداسها كال...لج ثوله اني حبيتج ما حبيت غفران حبيت اسلوبج كلامج رومانسيتج حبيت الجوهر...ورسلتي صورة غفران كلت هذا هو هم شكل وهم اسلوب ...بالبداية حبيت اسلوبج..

انتي اخذتي كم شخصية وعرضتيها عليه هسه اني دايخ احب منو انتي ...ياسمين..غفران...انتي لعبتي عليه واستغفلتيني...

روحي سفانا لا وحق الله اجرم بيج وانعل سلفه سلفاج

كعدت علئ القنفه واحس الالم يعصر بصدري حضنت وجهي بكفوف اديه وبجيت بصوت مسموع...والله حسن اعتذر اني اسفه ونبي مو قصدي ونبي...

جر نفس وكعد يمي كال...لا تعتذرين مني اعتذري من البنيه الي رسلتي صورتها لان تخيلتها هووايه..

سفانا ببكاء...ميخالف اعتذر منها بس انت سامحني حسن اني متعودت هيج تقسه ويايه...

حسن..اني مو قاسي يا سفانا بس السويتي مو قليل انتي ضحكتي علئ نفسج قبل لا تضحكين عليه لج وحق الله استحي اباوع لوجهج يعني معقوله جنت اتماده وتغزل واصل درجه وتطلعين بنت عمي ..

لا وكل هذا انتي فرحانه تحسسيني تحبيني...

نزلت راسي بخجل وهمست...عندي مشاعر تجاهك...

ضحك كال..واني عندي مشاعر تجاه الكل تجاهج واتجاه ياسمين واتجاة غفران...هسه اريد اعرف احب منو لان بصراحه طبكت عندي...

ابتسمت بالم وجاوبته...حسن ..انت براحتك منو الي تشوف نفسك وياها اكثر ..تقدم الها وثق بالله النتيجه راح تكون مرضيه بالنسبه اليه مهما تكون...

جر نفس كال..احس غفران انضلمت بينه ..

باوعت عليه وعيوني تدمع...بس فعلا حسن اني مجنت ناويه ارسل صور غفران هي نطت من يمها ورسلت صورها يعني دا اباوع علئ الصور وفاتحه المحادثه كمزت ورسلتهن ونبي...

كال..اوك اعتذري من غفران وان شاء لله يصير خير...

هزيت راسي بالموافقه ...بس استصعبت اكول لغفران لصار واني كبيره وغفران صغيره حسيت شكد اني زعطوطه وبدون عقل لان هيج سويت شكد غبيه يا ربي...

انتبهت عليه وهو يلبس قميصه كال...كومي يالفلك الاسود خلي اوصلج للبيت وهاي اخر مره تطلعين من كيفج مره ثانيه رجلج اكسرها مفهوم...

ابتسمت كتله...اي اي مفهوم...

طلعت وركبنا بسيارته وهو وصلني للبيت توسلت بي يرجع يدخل كال...لا والله البيت الي انطردت منه ماادخل ..

سحبت نفس عميق ونزلت بعد ما سلمت عليه حسيت براحه بعد ما صفيت حسابي ويه حسن وضلت غفران

محتاره شلون اواجها...

.............     .....................

عاطف...

تخبلت من كالو رحمه تحددت خطبتها لعد اني شنوو مو حجيت وياها وكلتلها اخطبج ليش رجعت قبلت..

لا فعلا هاي خبله مو صاحيه اني لو مخليها بالمصح مو احسن...

منين الكاها من نيكول من رحمه حضي لا بالعراق كعد ولا اوكرانيا...

اتصلت بيها متفتح خط توترت حيل وتعصبيت..

كتبت الها رساله...لج انتي شلون بيج احنه نلعب مثلا ساعه موافقه ساعه لا شو هسه بيبي دكول موافقه علئ حميد انتي...

شويه وكتبت...اي موافقه لان بابا هددني وضحئ هددتني يعني مجبوره عاطف شسوي ونبي تعبت...

كتب الها...افتحي خط خلي افهم لانعل ابوج لابو ضحئ

كالت..مااكدر افتح خط ضحئ دكول لبابا انوب تفضحني...

كتبت...انتي الي متئ تضلين فاهيه لح بابا افتحي خط لا تخافين...

رجعت اتصلت فتحت خط اجاني صوته الناعم الاعشقه كالت...عاطف تعبت ونبي هسه انتحر...

جاوبتها...وسسم شنو تنتحرين اسكتي لح لا تغضبين ربج..

ضحكت بحزنكالت..اشو صاير تغلط انت جنت باوكرانيا لو وين...

جريت نفس...شكد ما احاول اكون محترم تطلعون واحد من طوره ليش ولج وافقتي بهذا النذل...

ردت عليه ببكاء...بابا وافق عليه وضحئ كالت وافقي لا افضحج...

عاطف..دخلي تولي عندي دليل ضدها ورسائلها وكل مكالمتها عندي وهي تحجي عن ابوج وحتئ صورها...

رحمه...عاطف لا تتهور اسمع زين بابا لو يشوفها ويه واحد ميصدك اكيد يخلي الصوج بيك...

عاطف..ادري ابوج شبي مدمغ...

ضحكت كالت..شمدريني شوف عاطف اني كلتلهم موافقه وراح اماطل بالخطوبه لان اني شاكه بموضوع ودا تساعدني غفوره

عاطف...اي شنو هو الموضوع

قفلت الخط بسرعه كلت الوو الوو ماكوو رد...

دزتلي رساله كتبت...عاطف اني مسويه روحي نايمه دخل بابا للغرفه يالله باي بعدين افهمك ..

كتبت الها كولي...احبك

كتبت...تصبح علئ خير ما احبك وراسله سمايل خجلان

ضحكت علئ خبالها فديت المخابيل اذا مثلها مااعرف سر تعلقي بيها حاس روحي مخبل مو ذاك عاطف العاقل بحيث حميد اذا اشوفه اشرب دمه...

اجت غفران جنها وحده من السنافر كالت...هلا بقيس ليلئ راح تتزوج وانت كاعد يمي تاليها تتزوجني ويطيح الفاس بالراس...

عاطف...استقري غفران استقري...

غفران...هههههه لك عاطف انت متخبل من اجيت من اوكرانيا لحد هسه المنمشه شسوت الك...

عاطف..خانتني ويه جارها الاشقر..

غفران..ورحمه خانتك ويه حميد الاملح...

والله كاسر خاطري يعاطف يوميه مضروب بوري شكد تتحمل صدمات اني منك انتحر شسالفه المن عايش حتئ بس تاكل خيانات شهل عيشه...

عاطف..اخاف اخطبج يا غفران وتخونيني هههه

غفران..اي اخونك ويه ابن عم سفانا العقيد ابو شهاب...

اشوف صح انت انخنت هوايه بس خيانه عن خيانة تختلف ولا تنسئ اني خاينتك ويه العكيد يعني تسوه مو مثل رحمة ونيكول ويه حميد والجار والاشقر..

عاطف...ههههه عمي بس انتي تفتهمين محلله خيانتج وياي...

غفران...لعد شعبالك اعجبك اسوه 6 ولد مثل حميد

عاطف..اي علئ طاري حميد شعنده ويه ضحئ رحمه كالت اكو موضوع تريد تكشفينه انتي وهي...

غفران ضربت ايد علئ ايد وكالت...هي هاي الخبله متعرف تضم سالفه...

كلتلها...اي شنو كولي..

كالت..هذا سر حكولك عليه حميد عنده علاقه بضحئ زوجة ابو رحمه بس جديده مو قديمه وذاك اليوم ماخذها الشقه عاد اني كشفته ونريد نلزمه بالجرم المشهود...

استغربت كلتلها انطيني اي شئ يخصهم

كالت..ماعندي اي دليل لا اني ولا رحمه ...

كلتلها بتذمر...طيح الله حضج انتي ورحمه عم كونان افهم منجن...

عفتها ورحت اريد بس دليل ماكوو حميد نذل ما يحلي شئ وراه

وضحئ متلونه اكيد تفر السالفه علينه...

مر يومين وتحددت موعد الخطبه الجمعه واحنه ثلاثاء ابوها ابد ما يطيقني لان تعاركت وياه اكثر من مره...

اليوم ثلاثاء يعني بعد يومين للخطبه ..مااعرف شصار بيه مااكدر اتخيل رحمه ويه حميد..

قررت اذا تمت الخطبه وما تفركشت اخذ رحمه وانهزم لاوكرانيا وخلي العار ليكون اغسل شرفي

اله اخلي النعال بحلكه..كلهم عارات وصايرين زلم براسي...

باليل اجت رحمه كالو باجر اربعاء ولازم تاجر فبيبيتها كلتلهم أأجر الها علئ حسابي

شفته انعصر كلبي عليها مبينه جانت تبجي حاولت اختلي بيها..مكدرت الكل محاوطها...

كتبت الها رساله...لا تخافين رحمه والله اذا تطلب الامر انهزم بيج...

ردت عليه...يمممممه لك شبيك تخبلت تعلمت من نيكول وجاي اتطبق احكامها عليه لا لا مستحيل اسوي هيج...

كلتلها..لعد شسوي اكتل حميد وابوج واخلص...

حميد جان كاعد ونظراته ياكل بيهن رحمه اكل جنت اتمنئ اصير مثل الشوكه وافكس عيونه هل الحمار هذا...

شويه واجاه اتصال جان الوقت متاخر تقريبا ب11-ونص باليل

هو بسرعه طلع وضل يتصل وبعدها سمعنه صوت سيارته يدل على خروجه...

ضليت اباوع الرحمه وهي تباوعلي بخجل رباني لايك علئ ملامحها...ابتسمت وخلت وراحت...

تقريبا صارت الساعه ب 12 واني محتار شنوو اسوي حتئ ارجع رحمه اليه...

شوويه وما اسمع اله صريخ ام حميد هز الكوون هز..

التفتت عليها وشفتها تركض وتصرخ وابو حميد وراها

نهاية البارت...يتبع

كونوا انتم كونوا بخير...انحبكم💔

نورا ناصر ...نور سمو العراق