#حكمة__ذئب

#بارت٧
ﻣﺴﺎﺀ ﺍﻟﻮﺭﺩ ﺣﺒﺎﻳﺐ ❤ ﺭﻏﻢ ﺍﻟﺮﻭﺍﻳﺔ ﺑﺎﻟﺒﺪﺍﻳﺔ ﻭﺍﻟﺘﻔﺎﻋﻞ ﻗﻠﻴﻞ ﻟﻜﻦ ﺣﺼﻠﺖ ﻋﻠﻰ ﺍﻟﻤﺮﺗﺒﺔ ﺍﻻﻭﻟﻰ ﺑﺎﻟﻮﺍﺗﺒﺎﺩ . ﻻﺗﻨﺴﻮﻥ ﺍﻟﺘﺼﻮﻳﺖ ..
‏( 7 ‏)
#ﺣﻜﻤـﺔ_ﺫﺋﺐ
ﺑﻘﻠﻢ _ ﺷﻤﺲ _ ﺍﻟﺴﻌﺪﻱ

ﺍﻟﻤﺮﺃﺓ ﻛـﺎﻟﻘﻬﻮﺓ ﺍﻟﺴﺎﺧﻨـﺔ ﻓﻲ ﻳﻮﻡ ﺑﺎﺭﺩ ﻣﻤﻄﺮ .. ﺗﺸﻌﺮﻙ ﺑﺎﻟﺪﻓﺊ ﻭﺍﻟﻄﻤﺄﻧﻴﻨﺔ ﻭﺍﻟﺮﺍﺣﺔ .. ﻟﻜﻦ ﺍﻥ ﺃﻫﻤﻠﺘﻬﺎ ﺃﺻﺒﺤﺖ ﺑﺎﺭﺩﺓ .. ﺣﺘﻰ ﻓﻲ ﻣﺸﺎﻋﺮﻫﺎ ..
ﻃﺒﻴﻌﺔ ﺍﻟﻤﺮﺃﺓ ﻣﻨﺬ ﻭﻻﺩﺗﻬﺎ ﺗﻤﺮ ﺑﻤﺮﺍﺣﻞ ﻣﺘﻌﺪﺩﺓ ..
ﺍﻟﻤﺮﺣﻠﺔ ﺍﻻﻭﻟﻰ .. ﺍﻟﻄﻔﻮﻟﺔ ﻭﺍﻟﻠﻌﺐ ﻭﺍﻟﺒﺤﺚ ﻋﻦ ﺣﻀﻦ ﺩﺍﻓﺊ ..
ﺍﻟﻤﺮﺣﻠﺔ ﺍﻟﺜﺎﻧﻴﺔ .. ﻫﻮ ﺍﻟﺪﻻﻝ ﻭﺍﻟﺪﻟﻊ ﻟﻠﻜﺴﺐ ﺍﻟﻘﻠﻮﺏ ..
ﺍﻣﺎ ﺍﻟﻤﺮﺣﻠﺔ ﺍﻻﺧﻴﺮﺓ ﻓﻬﻲ ﺍﻟﻨﻀﺞ ﻭﺍﻟﺒﺤﺚ ﻋﻦ ﺍﻟﺤﻨﺎﻥ ﻭﺍﻟﻌﺸﻖ ﻓﻲ ﻗﻠﺐ ﺍﺣﺪﻫﻢ .. ﻭﺍﻻﻧﺘﻘﺎﻝ ﻣﻦ ﺑﻴﺖ ﻭﺍﻟﺪﻳﻬﺎ ﺍﻟﻰ ﺑﻴﺖ ﻣﻌﺸﻮﻗﻬﺎ ﻭﺷﺮﻳﻚ ﺣﻴﺎﺗﻬﺎ ..
ﺍﻻ ﺭﺿﺎﺀ .. ﻛﺎﻧﺖ ﺗﺤﺲ ﻧﻔﺴﻬﺎ ﻭﺍﻗﻔﺔ ﻭﺗﺮﻭﺍﺡ ﺑﺎﻟﻤﺮﺣﻠﺔ ﺍﻻﻭﻟﻰ .. ﺍﻱ ﻣﺮﺣﻠﺔ ﺍﻟﻄﻔﻮﻟﺔ .. ﻭﻣﺮﺍﺕ ﺗﺤﺲ ﻧﻔﺴﻬﺎ ﺍﻧﺘﻘﻠﺖ ﻟﻤﺮﺣﻠﺔ ﻣﺨﺘﻠﻔﺔ ﻋﻦ ﻣﺎﺫﻛﺮ .. ﻻﺣﺴﺖ ﺑﺪﻻﻝ ﻭﻻﻋﺸﻖ ﻭﻛﺄﻧﻬﺎ ﻭﺣﻴﺪﺓ ﺑﻬﺬﺍ ﺍﻟﻌﺎﻟﻢ ﺭﻏﻢ ﻭﺟﻮﺩ ﺟﺪﻫﺎ ﻭﻋﻤﺘﻬﺎ ..
ﻣﺜﻞ ﺯﻫﺮﺓ ﺍﻻﻭﺭﻛﻴﺪﺍ ﺍﻟﻲ ﺗﻌﺘﺒﺮ ﻣﻦ ﺍﻛﺜﺮ ﺍﻻﺯﻫﺎﺭ ﺟﻤﺎﻝ ﻭﺍﻏﻠﻰ ﺛﻤﻦ .. ﺗﺘﻤﻴﺰ ﺑﺄﻟﻮﺍﻧﻬﺎ ﺍﻟﺠﻤﻴﻠﺔ ﻭﺍﻟﺘﻲ ﺗﺘﺴﻢ ﺑﺎﻟﻐﺮﺍﺑﺔ
ﻛـ ﺃﻟﻮﺍﻥ ﻗﻮﺱ ﻗﺰﺡ .. ﻭﻫﺬﺍ ﺍﻟﻲ ﻳﺨﻠﻴﻬﺎ ﺗﺘﺼﻒ ﺑﺎﻟﺠﺎﺫﺑﻴﺔ ﻭﺑﺴﺤﺮ ﺍﻻﻧﻈﺎﺭ .. ﺍﻻ ﺍﻧﻬﺎ ﺗﻨﻤﻮ ﺑﺎﻟﻤﻨﺎﻃﻖ ﺍﻟﺼﺤﺮﺍﻭﻳﺔ ﻭﺍﻻﺳﺘﻮﺍﺋﻴﺔ .. ﻣﺜﻞ ﺭﺿﺎﺀ ﺍﻟﻲ ﺗﺤﺲ ﻧﻔﺴﻬﺎ ﺯﻫﺮﺓ ﺑﻮﺳﻂ ﺍﺷﻮﺍﻙ .. ﻛﻞ ﺍﻟﺼﻔﺎﺕ ﺍﻟﺤﻠﻮﺓ ﺑﻴﻬﺎ ﺍﻻ ﺍﻧﻬﺎ ﺗﺤﺲ ﺑﻘﻠﺔ ﺣﻆ ﻭﺣﺮﻣﺎﻥ ﻭﺧﺬﻻﻥ ﻣﻦ ﺍﻟﺠﻤﻴﻊ ..
ﺟﺎﻧﺖ ﻋﻴﻨﻲ ﺑﻌﻴﻨﺔ ﻭﺍﺷﻮﻑ ﻧﻈﺮﺍﺗﺔ ﺍﻟﻲ ﻣﺎﮔﺪﺭﺕ ﺍﻓﺴﺮﻫﺎ .. ﻻﻭﻝ ﻣﺮﺓ ﺍﺑﻘﻲ ﻋﻴﻨﻲ ﺑﻌﻴﻨﻪ ﻭﻳﻤﻜﻦ ﻻﻥ ﺟﺎﻧﺖ ﺍﻳﺪﻩ ﺧﺎﻧﮕﺘﻨﻲ ﻭﺭﺩﺕ ﻳﺤﺲ ﺑﻮﺟﻌﻲ ﻭﻳﻌﻮﻓﻨﻲ ..
ﮔﺎﻡ ﻳﺒﻠﻊ ﺑﺮﻳﮕﻪ ﻭﺯﺍﺩ ﺗﻨﻔﺴﻪ .. ﻫﺪﻧﻲ ﻭﻃﻠﻊ ﻣﻦ ﻏﻴﺮ ﻣﺎﻳﺤﺠﻲ .. ﺭﻛﻀﺖ ﺍﻟﺤﻜﻤﺖ ﺭﻏﻢ ﻧﻔﺴﻲ ﺍﻧﮕﻄﻊ ﻭﺣﺴﻴﺖ ﻋﻴﻮﻧﻲ ﻏﻮﺷﻦ ..
ﺟﺎﻥ ﻣﺎﻳﺒﺠﻲ ﻭﻫﻮ ﻳﻄﻤﻦ ﻋﻠﻴﻪ ﺑﺪﻝ ﻣﺎﺍﻃﻤﻦ ﻋﻠﻴﻪ ..
ﺟﻨﺖ ﺍﺗﻔﺤﺺ ﺑﺠﺴﻤﻪ ﻭﺍﺷﻮﻑ ﺍﺫﺍ ﺷﻲ ﻳﻮﺟﻌﻪ ..
ﺣﻀﻨﻲ ﻭﻫﻮ ﻳﻤﺴﺢ ﻋﻠﻰ ﻇﻬﺮﻱ .. ﻳﻤﺔ ﻣﺎﺑﻴﻪ ﺷﻲ ﻻﺗﺒﺠﻴﻦ ﺧﻮ ﻣﺎﻳﻮﺟﻌﺞ ﺑﻠﻌﻮﻣﺞ .. ﮔﻤﺘﻲ ﺗﮕﺤﻴﻦ ..
ﻋﺼﺮﺗﻪ ﺣﻴﻞ ﺍﻟﮕﻠﺒﻲ ﻭﻏﻤﻀﺖ ﻋﻴﻨﻲ ..
ﻻﻳﻤﺔ ﻣﺎﺑﻴﻪ ﺷﻲ ..
ﺳﺤﺐ ﻧﻔﺴﻪ ﻣﻨﻲ .. ﺍﺑﻮﻱ ﺿﺎﺝ ﻣﻨﻲ ﻭﻣﻨﺞ ﻻﻥ ﻓﺘﻨﺖ ﻣﻮﻭﻭ . ﻭﺍﻟﻠﻪ ﺑﻌﺪ ﻣﺎﺍﻓﺘﻦ ﺑﺲ ﻣﺎﺍﺭﻳﺪ ﻭﺍﺣﺪ ﻳﺄﺫﻳﺞ ﻭﻳﻀﺮﺑﺞ .. ﻋﻤﺔ ﺑﺘﻮﻝ ﻟﻴﺶ ﺗﻜﺮﻫﻨﺎ ..
- ﺍﺷﺸﺶ ﻛﺎﻓﻲ ﻳﻤﺔ ﻻﺗﻠﻮﻡ ﺭﻭﺣﻚ .. ﺗﻌﺎﻝ ﺧﻠﻴﻨﺎ ﻧﻨﺎﻡ ..
ﻧﻤﻨﺎ ﻭﻋﻴﻨﻲ ﻉ ﺍﻟﺒﺎﺏ ﺧﺎﻑ ﻳﺮﺟﻊ ﻣﺮﺓ ﺛﺎﻧﻴﺔ ..
ﺑﺲ ﻣﺎﺍﺟﻪ ﺑﻌﺪ .. ﻳﻤﻜﻦ ﻫﻴﺞ ﺍﺭﻳﺢ .. ﻻﻥ ﻋﻴﻮﻥ ﺑﺘﻮﻝ ﻋﻠﻴﻨﺎ ..
ﺭﻣﻀﺎﻥ ﮔﺮﺏ ﺑﻌﺪ ﻳﻮﻣﻴﻦ ﻭﻳﺼﺎﺩﻑ ﻳﻮﻡ ﺟﻤﻌﺔ ﺑﺸﻬﺮ ﺍﻟﺨﺎﻣﺲ ﺑﺴﻨﺔ 86 ﻭﺍﻟﺤﺮﺏ ﺍﻛﻠﺖ ﻣﻨﺎ ﺩﻫﺮ ..
ﺑﺪﻳﻨﺎ ﻧﺤﻈﺮ ﺍﻟﻜﺒﺐ ﻭﺍﻟﺒﻘﻮﻟﻴﺎﺕ ﻭﻛﻠﺸﻲ ﺣﺘﻰ ﻣﺎﻧﺤﺘﺎﺭ ﻭﻣﺎﻧﻄﻠﻊ .. ﺍﻟﻜﻞ ﺟﺎﻥ ﻣﻠﺘﻬﻲ ﺍﻻ ﻋﻤﺘﻲ ﺣﻤﺪﻳﺔ ﻛﻠﻤﺎ ﻳﺠﻲ ﺭﻣﻀﺎﻥ ﺗﺒﻘﻰ ﻋﻴﻨﻬﺎ ﻋﻠﻰ ﺍﻟﺒﺎﺏ ..
ﺣﻤﺪﻳﺔ ﻣﻦ ﻟﻤﺎ ﺭﺍﺡ ﻓﺎﺭﺱ ﺍﺧﺮ ﻣﺮﺓ ﻭﻟﺤﺪ ﻫﺎﻱ ﺍﻟﺴﻨﺔ .. ﺟﺎﻧﺖ ﻋﻴﻨﻬﺎ ﻉ ﺍﻟﺒﺎﺏ ﺗﻨﺘﻈﺮ ﻓﺎﺭﺱ ﻳﺠﻲ ﻭﻳﻬﻞ ﻫﻼﻟﻬﺎ ﺑﺠﻴﺘﻪ ..
ﻛﻞ ﺳﻨﻪ ﻣﻦ ﻳﻮﻡ ﺍﻟﻲ ﺗﺰﻭﺟﻮﺍ ﻣﺎﻳﻔﻮﺕ ﺭﻣﻀﺎﻥ ﺍﺫﺍ ﻣﻮ ﺳﻮﺓ .. ﺩﻭﺍﻣﺔ ﺍﺳﺒﻮﻉ ﺑﺄﺳﺒﻮﻉ .. ﺑﺎﻻﺳﺒﻮﻉ ﺍﻟﻴﺠﻲ ﺗﺤﻴﺮ ﺷﺘﺴﻮﻱ ﺣﻤﺪﻳﻪ ﺍﻟﻪ ..
ﺟﺎﻥ ﻧﻬﺎﺭﻫﻢ ﺻﻮﻡ ﻭﻋﺒﺎﺩﺓ ﻭﻟﻴﻠﻬﻢ ﻏﺰﻝ ﻭﺍﺷﺘﻴﺎﻕ ..
ﻓﺎﺭﺱ ﺍﻧﺴﺎﻥ ﻣﺘﺪﻳﻦ ﻭﺭﺍﺿﻲ ﺑﺤﻜﻢ ﺍﻟﻠﻪ ﻭﺍﻟﻬﻴﺞ ﻣﺎﺟﺎﻥ ﻳﻠﺢ ﻋﻠﻴﻬﺎ ﺑﺴﺎﻟﻔﺔ ﺍﻟﻄﻔﻞ .. ﺑﻌﻜﺲ ﺍﺧﻮﺗﻪ ﻭﺍﻫﻠﻪ ﺍﻟﻲ ﺟﺎﻧﻮﺍ ﻳﻠﺤﻮﻥ ﻋﻠﻴﻪ ﻳﺘﺰﻭﺝ ﻭﻳﻜﻮﻥ ﻋﺎﺋﻠﻪ ﻣﺮﺗﻪ ﻛﻢ ﺳﻨﻪ ﻣﺘﺰﻭﺟﻴﻦ ﻭﻣﺎﺣﺒﻠﺖ .. ﺑﺲ ﻫﻮ ﻣﺎﻳﺨﻠﻴﻬﺎ ﺗﻀﻮﺝ ﻣﻦ ﺣﺠﻲ ﺍﻫﻠﻪ ﻭﻳﺤﺎﻭﻝ ﻳﺴﻮﻱ ﻛﻠﺸﻲ ﺣﺘﻰ ﻳﺠﺒﺮ ﺑﺨﺎﻃﺮﻫﺎ
ﻭﻫﻲ ﺑﺎﻟﻤﻘﺎﺑﻞ ﻣﻮﻓﺮﺗﻠﻪ ﻭﺳﺎﺋﻞ ﺍﻟﺮﺍﺣﺔ ﻛﻠﻬﺎ ..
ﻻﺗﺸﺘﻜﻲ ﻭﻻﺗﺤﺠﻲ ﻋﻠﻰ ﺍﻫﻠﻪ ﻭﺍﻟﻲ ﻳﺼﻴﺮ ﻣﻦ ﻳﺮﻭﺡ ﻟﻠﺠﻴﺶ .. ﺩﻭﻡ ﺍﻟﻀﺤﻜﺔ ﻣﺮﺳﻮﻣﺔ ﻋﻠﻰ ﻭﺟﻬﻬﺎ ..
ﻭﻣﻦ ﻳﻤﺸﻲ ﺍﻟﺪﻭﺍﻣﺔ .. ﺗﺴﻮﻱ ﻛﻠﻴﺠﺔ ﻭﻛﻴﻚ ﻭﺗﻄﺒﺨﻠﻪ ﻭﻳﺎﺧﺬ ﺣﺘﻰ ﺟﻤﺎﻋﺘﻪ ﺣﺎﺳﺪﻳﻪ ﻋﻠﻴﻬﺎ ..
ﻛﻠﺸﻲ ﻣﺮﺗﺐ ﻭﻣﻜﻮﻱ ﺑﺠﻨﻄﺘﻪ ﺣﺘﻰ ﺍﻟﺠﺮﺟﻒ ﺍﻟﻲ ﻳﺎﺧﺬﺓ ﻭﻳﺠﻴﺒﻪ ﻭﻳﺎﻩ ﺗﻐﺴﻠﻪ ﻭﺗﻜﻮﻳﻪ ﻭﻳﺎﺧﺬﻩ ﻭﻳﺎﻩ ..
ﺻﻌﺐ ﻫﺎﻟﺤﺐ ﻳﻨﺴﻰ ﻭﻳﻨﮕﻄﻊ ﺍﻻﻣﻞ .. ﻛﻠﻤﺎ ﺯﺍﺩﺕ ﻣﺪﺓ ﺍﻟﺤﺮﺏ ﺯﺍﺩ ﺍﻣﻠﻬﺎ ﻭﺛﻘﺘﻬﺎ ﺍﻧﻪ ﺑﻴﻮﻡ ﻳﺮﺟﻊ ﺍﻟﻬﺎ ﺑﻌﺪ ﺍﻧﺘﻬﺎﺀ ﺍﻟﺤﺮﺏ ..
ﺭﺿﺎﺀ .. ﺍﺗﻘﺮﺑﺖ ﺍﻟﻌﻤﺘﻲ ﺍﻟﻲ ﺟﺎﻧﺖ ﺻﺎﻓﻨﺔ ﻭﺗﻌﺎﻳﻦ ﻉ ﺍﻟﺒﺎﺏ ﻭﺗﺴﺘﺮﺟﻊ ﺫﻛﺮﻳﺎﺗﻬﺎ ..
ﻋﻤﺔ ﺑﻌﺪﺝ ﻋﻠﻰ ﻧﻔﺲ ﺫﻛﺮﻳﺎﺗﺞ ..
ﺭﺩﺕ ﻋﻠﻴﻬﺎ ﻣﺒﺘﺴﻤﺔ ﻭﺍﻟﺪﻣﻮﻉ ﻣﺎﻟﻴﻪ ﻋﻴﻨﻬﺎ ..
ﻟﻴﺶ ﻫﻮ ﺍﻧﻲ ﻧﺴﻴﺘﻬﺎ ﺣﺘﻰ ﺍﺫﻛﺮﻫﺎ .. ﺳﻮﺩﺓ ﻋﻠﻴﻪ ﺑﺮﻣﻀﺎﻥ ﻳﺤﺐ ﺷﻮﺭﺑﺔ ﺍﻟﻤﺎﺵ ﻋﻠﻰ ﺍﻟﻔﻄﻮﺭ .. ﻭﺳﺤﻮﺭﻩ ﺗﻤﻦ ﻣﺎﺵ ﻭﺭﻭﺑﺔ . ﻫﺴﺎ ﻣﻨﻮ ﻳﺴﻮﻳﻠﻪ .. ﻳﺼﻮﻡ ﻻ .. ﺟﻮﻋﺎﻥ ﺷﺒﻌﺎﻥ
ﻭﻟﺞ ﺭﺿﻮﺓ ﺍﻟﻤﺎﺵ ﻣﺎﻃﺐ ﺣﻠﮕﻲ ﻣﻦ ﻳﻮﻡ ﺍﻟﺮﺍﺡ .
ﺻﺢ ﺍﻃﺒﺨﺔ ﺍﻟﻜﻢ ﻭﺍﺗﺬﻛﺮﻩ .. ﺑﺲ ﻣﺎﺍﺧﻠﻴﻪ ﻳﻄﺐ ﺯﺭﺩﻭﻣﻲ ﻭﻻﺍﺿﻮﮔﻪ ..
- ﺍﺩﺭﻱ ﻋﻤﺔ ﺣﺎﺳﺔ ﻋﻠﻴﺞ ﻳﻮﻡ ﺍﻟﻲ ﺗﻄﺒﺨﻴﻪ ﺗﺴﻮﻳﻦ ﻭﻳﺎﻩ ﺗﺸﺮﻳﺐ ﻭﺗﺎﻛﻠﻴﻦ ﺑﺤﺠﺔ ﺟﺪﻱ ﻳﺤﺐ ﺍﻟﺘﺸﺮﻳﺐ ﻭﻳﺎﻩ ..
ﻣﺴﺤﺖ ﺩﻣﻮﻋﻬﺎ ﺍﻟﻲ ﻭﮔﻌﻦ ﻋﻠﻰ ﺧﺪﻫﺎ ﻭﮔﺎﻣﺖ ..
ﻳﻠﺔ ﺧﻠﻴﻨﺎ ﻧﻜﻤﻞ ﺷﻐﻞ ﻻﺗﺘﺤﺠﺞ ﻟﻤﻴﻌﺔ ﻭﺗﻄﻠﻌﻠﻨﺎ ﺳﺎﻟﻔﺔ
ﻭﻫﺎﺍﺍ ﺻﺪﮒ ﻧﺴﻴﺖ .. ﻻﺯﻡ ﺍﺧﺎﺑﺮ ﺍﻟﻤﻠﺔ ﻧﺴﻮﻱ ﻭﺣﺸﺔ ﻋﻤﺘﺞ ﺑﺜﻴﻨﺔ ﺑﺄﻭﻝ ﻳﻮﻡ ﺭﻣﻀﺎﻥ ..
- ﻣﺜﻞ ﺍﻟﻮﺣﺸﺔ ﺍﻟﺴﻮﻳﺘﻮﻫﺎ ﺍﻻﺑﻮﻱ ﻭﺣﺴﻦ ..
- ﺍﻱ ﻣﺜﻠﻬﺎ .. ﺍﻟﻤﻴﺖ ﺑﺄﻭﻝ ﺭﻣﻀﺎﻥ ﻳﻐﻴﺐ ﻋﻨﺎ ﻻﺯﻡ ﻧﺬﻛﺮﻩ ﻭﻧﺴﻮﻳﻠﻪ ﻭﺣﺸﺔ ﻭﺛﻮﺍﺏ ﺍﻟﺮﻭﺣﺔ ..
- ﺍﻟﻠﻪ ﻳﺮﺣﻤﻬﺎ . ﺍﺗﺬﻛﺮ ﺟﺎﻧﺖ ﺗﺼﻮﻡ ﺛﻼﺙ ﺍﺷﻬﺮ ..
- ﺍﻱ ﺭﺟﺐ ﻭﺷﻌﺒﺎﻥ ﻭﺭﻣﻀﺎﻥ .. ﻭﻋﻤﺞ ﻳﻈﻞ ﻳﺤﺠﻲ ﻋﻠﻴﻬﺎ ﻭﻳﮕﻠﻬﺎ ﻣﺴﻮﻳﻪ ﺣﺼﺎﺭ ﻋﻠﻴﻪ ﺛﻼﺙ ﺍﺷﻬﺮ ﻫﻬﻬﻪ ..
ﺿﺤﻜﺖ .. ﻫﺴﺎ ﻫﻮ ﻳﻤﻜﻦ ﻳﺘﻤﻨﻰ ﺗﺴﻮﻱ ﻋﻠﻴﻪ ﺣﺼﺎﺭ ﺑﺲ ﺗﺮﺟﻊ ..
ﻫﻤﺴﺘﻠﻲ ﻋﻤﺘﻲ .. ﺳﻤﻌﺖ ﺻﺎﻟﺢ ﻳﻠﺢ ﻋﻠﻴﻪ ﻳﺘﺰﻭﺝ ﻭﻋﻤﺞ ﻫﺎﺩﻱ ﻣﺎﺭﺍﺿﻲ ..
- ﺍﻱ ﻣﺎﺻﺎﺭﻟﻬﺎ ﻛﻢ ﺷﻬﺮ ﺣﺘﻰ ﺳﻨﺘﻬﺎ ﻣﺎﻃﺎﻟﻌﺔ ﻭﻳﺘﺰﻭﺝ ﻭﺑﻌﺪﻳﻦ ﺍﻟﺘﻮﺍﻡ ﻳﺘﺤﺴﺴﻮﻥ ﻣﺎﺗﺸﻮﻓﻴﻦ ﻣﻦ ﻣﺎﺗﺖ ﺭﺍﺣﻮﺍ ﺍﻻﺟﺪﺍﺩﻫﻢ ﻟﻠﻨﺎﺻﺮﻳﺔ ﻣﺎﺍﺗﺤﻤﻠﻮﺍ ﻳﺒﻘﻮﻥ ﻫﻨﺎ ﻭﻫﻲ ﻣﻮﺵ ﺑﺎﻟﺤﻮﺵ ﺣﺘﻰ ﺍﻣﺘﺤﺎﻧﺎﺗﻬﻢ ﻋﺎﻓﻮﻫﺎ ..بيج قصص عراقيه حقيقيه من واقعنا.روعه الطائي
ﻛﻤﻠﻨﺎ ﻟﻒ ﺍﻟﻜﺒﺔ ﻛﻬﺮﺑﺎﺀ ﺟﺎﻧﺖ ﻣﺎﻛﻮ ﻣﺎﺳﻮﻳﻨﺎ ﻫﻮﺍﻱ ﺧﺎﻑ ﺗﺨﺮﺏ .. ﻭﺍﺣﻨﺔ ﺑﺎﻟﻤﻄﺒﺦ ﺳﻤﻌﺖ ﻋﻤﺘﻲ ﻟﻤﻴﻌﺔ ﺗﺤﺠﻲ ﻭﻱ ﻋﻤﺘﻲ ﺣﻤﺪﻳﺔ ..
- ﺧﺎﺑﺮﺗﻨﻲ ﺍﻟﻌﻠﻮﻳﺔ ﻣﺮﺕ ﺳﻴﺪ ﻫﺎﺷﻢ ..
- ﺍﻱ
- ﮔﺎﻟﺖ ﺍﺩﺭﻱ ﺑﻴﻜﻢ ﺣﺰﺍﻧﺔ ﺑﺲ ﻋﻠﻰ ﺍﻟﺒﺮﻛﺔ ﺍﺭﻳﺪ ﺍﻋﻘﺪﻟﻬﻢ ﺑﻠﻴﻠﺔ ﺍﻟﻲ ﻳﻬﻞ ﺍﻟﻬﻼﻝ .. ﺷﺘﮕﻮﻟﻴﻦ ﺍﻧﺘﻲ ؟؟
ﺭﺩﺕ ﻋﻤﺘﻲ .. ﻭﺍﻟﻠﻪ ﺷﺄﮔﻠﺞ ﺷﻮﻓﻲ ﺍﺑﻮﻱ ﺷﻴﻜﻮﻝ .. ﻭﺍﺫﺍ ﺳﻜﺘﺔ ﺷﻜﻮ ﺑﻴﻬﺎ .. ﺑﺲ ﺍﺗﻔﻘﺘﻦ ﻋﻠﻰ ﺍﻟﻨﻴﺸﺎﻥ ..
- ﺍﻱ ﻃﺒﻌﺎ ﺟﺎ ﺍﺑﻴﻊ ﺑﻨﺘﻲ .. ﺍﺻﻼ ﺷﺄﻃﻠﺐ ﺗﮕﻠﻲ ﺗﺘﺪﻟﻠﻮﻥ ﻟﻴﺶ ﻭﻳﻦ ﺗﻠﮕﻲ ﻣﺮﺓ ﺍﻻﺑﻨﻬﺎ ﺍﻻﻋﻮﺭ ..
ﻋﻤﺘﻲ ﺿﺎﺟﺖ ﻣﻦ ﺣﺠﻴﻬﺎ .. ﻟﻴﺶ ﻫﻮ ﻣﻨﻮ ﺍﻟﻲ ﻣﮕﻠﺐ ﺑﻨﺘﺞ ﻟﻮ ﻣﺎﻫﻮ . ﻟﻮ ﻳﺪﺭﻱ ﺍﺑﻮﻱ ﺟﺎﻥ ﮔﻠﺐ ﺍﻟﺪﻧﻴﺎ .. ﻛﺎﻓﻲ ﻧﺴﺒﻬﻢ ..
- ﻭﺷﺴﻮﻱ ﺑﻨﺴﺒﻬﻢ ﺧﺎﻳﺒﻪ .. ﺍﺭﻳﺪ ﺿﻤﺎﻥ ﺍﻟﺒﻨﺘﻲ ..
- ﻭﻫﻮ ﺭﺍﺡ ﻳﻤﻮﺕ .. ﺍﻟﺘﻔﺘﺖ ﻋﻤﺘﻲ ﺍﻟﻮﺩﺍﺩ ﺍﻟﻲ ﺟﺎﻧﺖ ﺿﺎﻳﺠﺔ ﻭﻣﺎﻋﺎﺟﺒﻬﺎ ﺍﻟﺤﺠﻲ ..
- ﺍﺳﻤﻌﻲ ﻭﻟﺞ ﻻﺗﻤﺸﻴﻦ ﻭﺭﻯ ﺍﻣﺞ .. ﺍﻛﺴﺒﻲ ﻭﻻﺗﺤﺴﺴﻴﻪ ﺑﻌﻴﻨﻪ .. ﺧﻠﻴﻪ ﻳﺸﻮﻑ ﺭﻭﺣﻪ ﺍﺣﻠﻰ ﻭﺍﺣﺪ ﺑﻨﻈﺮﺝ ﻭﺷﻮﻓﻲ ﺷﻠﻮﻥ ﻳﺪﻟﻠﺞ .. ﺍﻟﺮﺟﺎﻝ ﺍﺫﺍ ﻳﺤﺲ ﺭﻭﺣﺔ ﺑﻲ ﻋﻴﺐ ﺭﺍﺡ ﻳﺘﺤﺴﺲ ﻭﻳﺘﻨﺤﺲ ﻣﻦ ﻣﺮﺗﻪ ..
ﺑﺲ ﺍﺫﺍ ﻣﺮﺗﻪ ﺗﺨﻠﻴﻪ ﻳﺤﺲ ﺍﻥ ﻫﻮ ﺍﺣﻠﻰ ﻭﺍﺣﺪ ﺑﻌﻴﻨﻬﺎ .. ﻳﻌﻴﺸﻬﺎ ﺑﺠﻨﺔ ﻭﻧﻌﻴﻢ ..
ﺿﺤﻜﺖ ﻋﻤﺘﻲ ﻟﻤﻴﻌﺔ .. ﻻﺯﻡ ﻓﺎﺭﺱ ﻣﻌﻴﻮﺏ ﻭﻣﺎﻣﺤﺴﺴﺘﻪ ﺑﻌﻴﺒﻪ ﻫﺎﻟﻤﺪﻟﻠﺞ ﺟﺎﻥ ..
ﺧﺰﺭﺗﻬﺎ ﻋﻤﺘﻲ .. ﻫﻮ ﻣﻮ ﺻﻮﺟﺞ ﺻﻮﺝ ﺍﻟﻲ ﺗﺴﻮﻟﻒ ﻭﻳﺎﺟﻦ .. ﻟﻮ ﻣﺎﺷﺎﻳﻔﺔ ﺭﻭﺣﺞ ﺟﺎﻥ ﻣﺎﺣﺠﻴﺘﻲ ..
- ﻭﺍﻧﻲ ﺷﻨﻲ ﺍﻧﺘﻲ ﺍﻟﺤﺠﻴﺘﻲ ﻭﺍﻧﻲ ﺳﺄﻟﺖ ..
ﺳﻜﺘﺖ ﻋﻨﻬﺎ ﻋﻤﺘﻲ ﺑﺲ ﻣﺒﻴﻦ ﻋﻠﻴﻬﺎ ﺿﺎﺟﺖ .. ﻛﻤﻠﻨﺎ ﺷﻐﻞ
ﺍﻟﻰ ﺍﻥ ﺻﺎﺭ ﺍﻟﻤﻐﺮﺏ ..
ﮔﺎﻋﺪ ﺍﺧﻴﻂ ﺑﺎﻟﻐﺮﻓﺔ .. ﺩﮒ ﺍﻟﺒﺎﺏ ﺣﻜﻤﺖ ﻭﺩﺧﻞ .
ﻋﻔﺖ ﻛﻠﺸﻲ ﺑﻴﺪﻱ ﻭﺣﻀﻨﺘﻪ .. ﺟﺎﻧﺖ ﺑﻴﺪﻩ ﻭﺭﺩﺓ .
ﻫﺎﻱ ﺷﻠﻌﺘﻬﺎ ﺍﻟﺞ . ﺟﺪﻱ ﻣﺎﻗﺒﻞ ﻭﮔﺎﻝ ﺍﺣﻨﻪ ﻧﺰﺭﻉ ﺑﺲ ﻣﺎﻳﺼﻴﺮ ﻧﮕﻄﻊ ﻟﻮ ﮔﻄﻌﻨﺎﻫﺎ ﺗﻤﻮﺕ ﺻﺪﮒ ﻳﻤﺔ ؟؟
- ﺍﻱ ﺻﺪﮒ ﺑﺲ ﺍﺣﻨﻪ ﻫﺴﺎ ﻣﺨﻠﻴﻬﺎ ﺑﺎﻟﻤﺎﻱ ﻭﻣﺎﺗﻤﻮﺕ .. ﺍﻭﮔﻒ ﻫﻨﺎ ﻫﺴﺎ ﺗﺠﻴﻚ .. ﺭﺣﺖ ﻟﻠﻤﻄﺒﺦ ﺟﺒﺖ ﺍﺳﺘﻜﺎﻥ ﻣﺎﻱ ﻭﺭﺟﻌﺖ .. ﺷﻤﻴﺖ ﺍﻟﻮﺭﺩﻩ ﻭﺧﻠﻴﺘﻬﺎ ﺑﺎﻻﺳﺘﻜﺎﻥ ..
ﺧﻠﻴﺘﻬﺎ ﻋﻠﻰ ﺍﻟﻤﻴﺰ ﺿﺤﻚ ..
- ﻳﻌﻨﻲ ﻣﺎ ﺗﻤﻮﺕ ﺑﻌﺪ ..
- ﻻ ﻣﺎﻣﺘﻤﻮﺕ ﻣﺎﺩﺍﻡ ﺗﻌﺘﻨﻲ ﺑﻴﻬﺎ ﻭﺗﺮﺍﻋﻴﻬﺎ ﻣﺎﺗﻤﻮﺕ ..
- ﺣﺠﻴﺞ ﻣﺜﻞ ﺟﺪﻱ ..
- ﻟﻴﺶ ﺷﮕﺎﻟﻚ ﺟﺪﻙ ؟؟
- ﻣﻮ ﺍﻧﻲ ﺳﺄﻟﺘﻪ ﻋﻠﻴﺞ ﻟﻴﻦ ﺗﺒﺠﻴﻦ ﺩﻭﻡ .. ﻭﻫﻮ ﮔﺎﻟﻲ ﺍﻧﺖ ﺭﺍﻋﻴﻬﺎ ﻭﺣﺒﻬﺎ ﻭﻓﺮﺣﻬﺎ ﻭﻫﻲ ﻣﺎﺗﺒﺠﻲ .. ﻭﮔﺎﻟﻲ ﺍﻟﻤﺮﺍﺓ ﻣﺜﻞ ﺍﻟﻮﺭﺩﺓ ﺑﺎﻟﺤﺪﻳﻘﺔ ﻟﻮ ﺭﺍﻋﻴﻨﺎﻫﺎ ﺗﺒﻘﻰ ﻣﻔﺘﺤﺔ ﺑﺲ ﻟﻮ ﻫﻤﻠﺘﻬﺎ ﻭﻣﺎﺭﻭﻳﺘﻬﺎ ﺗﺬﺑﻞ ﻭﺗﻤﻮﺕ ..
ﻳﻤﺔ ﺍﻧﻲ ﺍﺣﺒﺞ ﻻﺗﻤﻮﺗﻴﻦ ..
ﺍﺑﺘﺴﻤﺖ ﻭﺣﻀﻨﺘﻪ .. ﺍﻧﻲ ﺍﺩﻋﻲ ﻋﻤﺮﻱ ﻳﻜﻮﻥ ﻃﻮﻳﻞ ﺍﻻﺟﻠﻚ ﻭﻣﺎﻣﻮﺕ ﺍﻻ ﻟﻤﻦ ﺍﺷﻮﻑ ﻭﻟﺪ ﻭﻟﺪﻙ ..
- ﻭﻳﻦ ﺗﺸﻮﻓﻴﻬﻢ ؟؟
- ﻫﻬﻬﻬﻬﻪ ﻗﺼﺪﻱ ﻣﻦ ﺗﺘﺰﻭﺝ ﻭﻳﺼﻴﺮ ﻋﻨﺪﻙ ﺟﻬﺎﻝ ..
- ﻻﻣﺎﺍﺭﻳﺪ .. ﺍﻧﻲ ﺍﺭﻳﺪ ﻧﺒﻘﻰ ﺑﺲ ﺍﻧﻲ ﻭﻳﺎﺝ ﻭﻣﺎﺗﺤﺒﻴﻦ ﻏﻴﺮﻱ ..
- ﻭﺍﻧﻲ ﮔﻠﺒﻲ ﻣﺎﺑﻲ ﺑﺲ ﺍﻧﺖ ﻭﻣﺎﻳﺤﺐ ﻏﻴﺮﻙ ﺍﺑﺪ .. ﻳﻠﻪ ﻋﻮﻓﻨﺎ ﻣﻦ ﺍﻟﺴﻮﺍﻟﻒ ﮔﻮﻡ ﺑﺪﻝ ﻭﻏﺴﻞ ﻭﺭﻭﺡ ﻳﻢ ﺟﺪﻙ .
ﻭﺍﻧﻲ ﺍﮔﻮﻡ ﺍﺻﻠﻲ ﻭﺍﺭﻭﺡ ﻟﻠﻤﻄﺒﺦ ﺍﺳﺎﻋﺪﻫﻢ ..
ﻛﻤﻠﺖ ﺻﻼﻩ ﻭﺭﺣﺖ ﻟﻠﻤﻄﺒﺦ .. ﺟﺎﻧﺖ ﻋﻤﺘﻲ ﻟﻤﻴﻌﺔ ﺩﺍﻳﺨﺔ ﻭﻻﻓﺔ ﺭﺍﺳﻬﺎ ﻭﮔﺎﻋﺪﺓ ﺑﺎﻟﮕﺎﻉ ..
ﻭﻭﺩﺍﺩ ﺗﻤﺮﻍ ﺑﻴﺪﻫﺎ ﻭﺳﺪﺍﺩ ﺑﺮﺟﻠﻬﺎ .. ﻭﻋﻤﺘﻲ ﻭﺣﺪﻫﺎ ﺗﺤﻈﺮ ﺑﺎﻟﻌﺸﺎ ..
ﺭﺣﺖ ﻳﻤﻬﺎ ﻭﮔﻔﺖ ﺍﺳﺎﻋﺪﻫﺎ .. ﻫﻤﺴﺖ ﺷﺒﻴﻬﺎ ﻋﻤﺘﻲ
ﺍﺷﺮﻟﺘﻠﻲ ﺑﺮﺍﺳﻬﺎ .. ﻭﺳﻜﺘﺖ ..
ﻋﻤﺘﻲ ﺣﻤﺪﻳﺔ ﺍﻟﻴﻮﻡ ﺿﺎﻳﺞ ﺧﻠﮕﻬﺎ .. ﮔﻌﺪﻧﺎ ﻋﻠﻰ ﺍﻟﺴﻔﺮﺓ ﻛﻠﻨﺎ ﻣﺜﻞ ﻛﻞ ﻣﺮﺓ ..
ﻋﻤﺘﻲ ﻟﻤﻴﻌﺔ ﻣﺎﮔﻌﺪﺕ ﺭﺍﺣﺖ ﻧﺎﻣﺖ ﻣﺎﺍﻋﺮﻑ ﺷﺒﻴﻬﺎ ..
ﻻﻭﻝ ﻣﺮﺓ ﻣﻦ ﺍﻟﺤﺮﺏ ﻟﺴﺎ .. ﺟﻨﺎ ﻧﺴﻮﻟﻒ ﻭﻧﻀﺤﻚ ﻭﺟﺪﻱ ﻳﺸﺎﻗﺔ ﻭﻱ ﺣﻜﻤﺖ ﻭﻭﻟﺪ ﻣﻬﺪﻱ ﻭﻳﻜﻠﻬﻢ ﺑﻌﺪ ﻣﺎﺍﺧﺬﻛﻢ ﻭﻳﺎﻧﺎ ﻟﻠﮕﺎﻉ ﻭﺫﻭﻟﺔ ﻳﺘﻮﺳﻠﻮﻥ ﺑﻲ ﻭﻳﺒﻮﺳﻮﻥ ﺑﻴﺪﻩ ..
ﺗﻌﻮﺩﻭ ﻳﺮﺣﻮﻥ ﻭﻳﺎﻫﻢ ﻛﻞ ﻳﻮﻡ ﺑﺲ ﻣﻦ ﻋﻨﺪﻫﻢ ﻣﺪﺭﺳﻪ ﻣﺎﻳﺮﻭﺣﻮﻥ .. ﺗﺬﻛﺮﺕ ﺍﻟﻤﺪﺭﺳﺔ ﻫﺎﻱ ﺍﻟﺴﻨﺔ ﺭﺍﺡ ﻳﺪﺍﻭﻡ ﺣﻜﻤﺖ ﺭﺍﺡ ﻳﮕﺮ ﻋﻴﻨﻲ ﺑﺸﻮﻓﺘﻪ ﻭﻫﻮ ﺑﻬﺪﻭﻡ ﺍﻟﻤﺪﺭﺳﺔ ..
ﺍﺑﺘﺴﻤﺖ ﻭﺍﻧﻲ ﺍﻋﺎﻳﻦ ﻋﻠﻴﻪ .. ﻛﺢ ﺟﺪﻱ ﻭﻋﻴﻨﻪ ﻋﻠﻰ ﻋﻤﺘﻲ ﺣﻤﺪﻳﺔ .
ﻫﺎﺍﺍ ﻳﺤﻤﺪﻳﺔ ﺍﻟﻴﻮﻡ ﺧﻠﮕﺞ ﺿﺎﻳﮓ ﻭﻳﻦ ﺍﻟﻤﺪﺍﻫﺮ ﻣﺎﻟﺘﺞ ﻭﻱ ﺍﻟﺒﻨﺎﺕ .. ﺍﺗﻨﻬﺪﺕ ﻭﺭﺩﺕ ﺑﺼﻮﺕ ﻣﺨﻨﻮﮒ ..
- ﺍﻟﻤﺪﺍﻫﺮ ﺟﺎﻥ ﻳﻨﺴﻴﻨﻲ ﺷﻮﻳﻪ ﻣﻦ ﻫﻤﻲ ﻭﻋﻴﻨﻲ ﺍﻟﻤﺸﺒﻮﺣﺔ ﻟﻠﺒﺎﺏ ..
- ﮔﻮﻟﻲ ﻳﺎﻟﻠﻪ ﺑﻨﻴﺘﻲ ﺭﺣﻤﺔ ﺍﻟﻠﻪ ﺟﺒﻴﺮﺓ ..
- ﻭﺍﻧﻲ ﻫﻢ ﻣﺎﮔﺎﻳﻠﻪ ﺷﻲ ﺣﺎﻣﺪﺗﻪ ﻭﺷﺎﻛﺮﺗﻪ .. ﻷﺟﻞ ﻣﺎﺍﺟﺎﻧﻲ ﺧﺒﺮ ﻣﻮﺗﻪ ﻭﻫﺎﻟﺸﻲ ﻣﻨﻄﻴﻨﻲ ﺍﻣﻞ ﺷﻮﻳﺔ ..
ﻣﺎﺍﺗﺤﻤﻠﺖ ﻭﻧﺰﻟﺖ ﺩﻣﻮﻋﻬﺎ .. ﺗﺤﻮﻝ ﺫﺍﻙ ﺍﻟﻀﺤﻚ ﺍﻟﺤﺰﻥ
ﻋﻤﻲ ﻫﺎﺩﻱ ﺭﺩ ﻋﻠﻴﻬﺎ .. ﺣﺎﺱ ﺑﻴﺞ ﺧﻮﻳﺔ ﺑﺲ ﺷﻨﺴﻮﻱ ﻫﺬﺍ ﻗﺪﺭ ﺍﻟﻠﻪ ﻭﻻﺯﻡ ﻧﺮﺿﻰ ﺑﻲ .
ﺍﻟﺘﻔﺖ ﻋﻠﻴﻪ ﻋﻤﻲ ﺻﺎﻟﺢ .. ﺧﻮﻳﺔ ﺍﻧﺖ ﻧﺎﻭﻱ ﺗﺒﻘﻰ ﻫﻴﺞ ﺍﺩﺭﻱ ﻣﺮﺗﻚ ﻭﺗﻌﺰﻫﺎ .. ﺍﻟﻠﻪ ﻳﺮﺣﻤﻬﺎ ﺍﺻﻼ ﻫﻲ ﻣﺎﺗﺖ ﻣﻦ ﻳﻮﻡ ﺍﻟﻲ ﻣﺎﺕ ﺣﺴﻦ . ﻭﺍﻧﺖ ﺑﻌﺪﻙ ﺷﺎﺏ ﻭﻣﻦ ﺣﻘﻚ ﺗﺘﺰﻭﺝ ﻭﺗﺠﻲ ﻣﺮﺓ ﺗﺮﺍﻋﻴﻚ ﺍﻧﺖ ﻭﻭﻳﻼﺩﻙ .. ﺟﺎ ﺍﻧﺖ ﺭﺍﺿﻲ ﻣﻦ ﻫﺴﺎ ﺑﺎﻗﻴﻦ ﻫﻴﺞ ﺑﻴﻨﺎ ﻭﺑﻴﻦ ﺍﺟﺪﺍﺩﻫﻢ ﺣﺘﻰ ﺍﻟﺴﻨﺔ ﺭﺍﺣﺖ ﻋﻠﻴﻬﻢ ﺍﻻﻣﺘﺤﺎﻧﺎﺕ ..
ﺳﻜﺖ ﻋﻤﻲ ﻫﺎﺩﻱ ﻭﻣﺎﺭﺩ ﻋﻠﻴﻪ ..
ﺍﺷﺮ ﺟﺪﻱ ﺍﻟﻌﻤﻲ ﺻﺎﻟﺢ ﻳﺴﻜﺖ .. ﺭﻓﻌﺖ ﺭﺍﺳﻲ ﻭﺻﺎﺭﺕ ﻋﻴﻨﻲ ﺑﻌﻴﻦ ﻣﻬﺪﻱ ﺍﻟﻲ ﺟﺎﻧﺖ ﻋﻴﻨﻪ ﻋﻠﻴﻪ ..
ﺑﺴﺮﻋﺔ ﺩﻧﮕﺖ ﻋﻨﻪ ..
ﺭﺟﻌﺖ ﺣﺠﺖ ﻋﻤﺘﻲ ﺣﻤﺪﻳﺔ .. ﺻﺪﮒ ﻳﺎﺑﺔ ﺍﻟﻌﻠﻮﻳﺔ ﻣﺮﺕ ﺳﻴﺪ ﻫﺎﺷﻢ ﺧﺎﺑﺮﺕ ﺍﻟﺒﻴﺖ ﺍﻡ ﻣﻴﺜﻢ ﻭﺣﺎﺟﺖ ﻟﻤﻴﻌﺔ ..
ﺟﺪﻱ ﺭﺩ .. ﺧﻴﺮ ﺍﻥ ﺷﺎﺀ ﺍﻟﻠﻪ
ﮔﺎﻟﺘﻠﻬﺎ ﻳﺮﺩﻭﻥ ﻳﻌﻘﺪﻭﻥ ﺍﻟﻮﺩﺍﺩ ﻟﻴﻠﺔ ﻫﻼﻝ ﺭﻣﻀﺎﻥ ﺣﺘﻰ ﻳﺴﺘﺒﺮﻛﻮﻥ ﺑﻬﺎﻟﻴﻮﻡ ﻭﻫﻢ ﻟﻴﻠﺔ ﺟﻤﻌﺔ ..
ﺳﻜﺖ ﺟﺪﻱ ﻣﺎﺭﺩ ..
ﻋﻤﻲ ﻫﺎﺩﻱ .. ﻫﺎﻫﻲ ﺑﻮﻳﺔ ﺧﻠﻴﻬﻢ ﻳﺘﻮﻛﻠﻮﻥ ﻭﻳﻌﻘﺪﻭﻥ ﺍﻟﺒﻨﻴﺔ ﺳﻜﺔ ﻭﻫﺎﻱ ﻗﺴﻤﺘﻬﺎ ..
ﺣﺠﻰ ﺟﺪﻱ .. ﺧﻮﺵ ﻳﺎﺑﺔ ﺭﺩﻭﻟﻬﻢ ﺧﺒﺮ ﻭﻫﻢ ﺍﻟﺴﺎﺩﺓ ﻳﻌﺮﻓﻮﻥ ﺑﺎﻻﺻﻮﻝ ﻣﺎﻳﺴﻮﻥ ﻫﻮﺳﺔ ﻭﻃﻨﻪ .. ﺑﺲ ﻭﺻﻲ ﻟﻤﻴﻌﺔ ﻣﺎﻳﺘﺸﺮﻃﻦ ﻭﻳﻜﻠﻔﻦ ﺍﻟﻌﺎﻟﻢ .. ﻛﻞ ﺍﻟﻲ ﻳﺠﻴﺒﻮﻩ ﻧﻌﻢ ﺍﻟﻠﻪ ﺍﻧﻲ ﺷﺎﺭﻱ ﻭﻟﺪ ﻣﻮ ﻓﻠﻮﺱ ..
ﺭﺩﺕ ﻋﻤﺘﻲ .. ﻭﺍﻟﻠﻪ ﻫﺎﻟﺤﺠﻲ ﺧﻠﻲ ﺻﺎﻟﺢ ﺍﺧﻮﻱ ﻳﮕﻠﻠﻬﺎ ﻻﻥ ﺗﺪﺭﻳﻬﺎ ﻣﺎﺗﺎﺧﺬ ﺣﺠﺎﻳﺘﻲ ﺑﺤﺠﺔ ﺗﺮﻳﺪ ﺿﻤﺎﻥ ﺍﻟﺒﻨﺘﻬﺎ ..
ﻛﺢ ﻋﻤﻲ ﺻﺎﻟﺢ .. ﺑﺲ ﻳﺎﺑﺔ ﺍﻟﻮﻟﺪ ﻣﻌﻴﻮﺏ … . ﺑﻌﺪﺓ ﻣﺎﺍﻛﻤﻞ ﻋﺎﻁ ﺑﻲ ﺟﺪﻱ ..
ﻣﺎﻛﻮ ﻋﻴﺐ ﺑﺎﻟﺰﻟﻢ .. ﺍﻟﻲ ﻳﻌﻴﺐ ﺍﻟﺰﻟﻤﺔ ﺷﺨﺼﻴﺘﻪ ﻭﺍﺧﻼﻗﻪ .. ﺍﻟﻮﻟﺪ ﺍﻧﻲ ﺍﻋﺮﻓﺔ ﻳﺤﺘﺮﻡ ﺍﻟﺼﻐﻴﺮ ﻗﺒﻞ ﺍﻟﺠﺒﻴﺮ ﻭﺍﻟﻲ ﺻﺎﻥ ﺑﻠﺪﻩ ﻭﺩﺍﻓﻊ ﻋﻨﻪ ﻫﺬﺍ ﻳﺼﻮﻥ ﻣﺮﺗﻪ ﻭﻋﺮﺿﻪ ..
ﻻﺗﺤﺠﻲ ﺑﻠﺴﺎﻥ ﻣﺮﺗﻚ .. ﺧﻠﻲ ﻋﻨﺪﻙ ﺷﺨﺼﻴﻪ ﻳﺎﻟﺰﻟﻤﺔ ..
ﺿﺎﺝ ﻋﻤﻲ ﺻﺎﻟﺢ ﺟﻴﻒ ﺭﺯﻟﻪ ﮔﺪﺍﻣﻨﺎ .. ﺑﺲ ﻫﻮ ﻫﺬﺍ ﺟﺪﻱ ﺭﻏﻢ ﺣﻨﻴﻦ ﺑﺲ ﻣﺎﻳﻘﺒﻞ ﺑﺎﻟﻐﻠﻂ ﺍﺑﺪ ..
ﻛﻤﻠﻨﺎ ﻋﺸﺎ ﻭﺷﻠﻨﺎ ﺍﻟﻤﺎﻋﻴﻦ ﻭﺍﻟﺴﻔﺮﺓ .. ﮔﻤﺖ ﺍﺻﺐ ﺟﺎﻱ
ﻭﺍﻟﺒﻨﺎﺕ ﻣﻠﺘﻬﻴﺎﺕ ﺑﺎﻟﻤﺎﻋﻴﻦ .. ﺑﺘﻮﻝ ﻣﺎﺷﻔﺘﻬﺎ ﺑﻌﺪ ﺍﻟﻌﺸﺎ ﺭﺍﺣﺖ ﺍﻟﻐﺮﻓﺘﻬﺎ ﻭﺍﺧﺬﺕ ﻭﻟﺪﻫﺎ .. ﻫﻲ ﺍﺻﻼ ﻣﺎﺗﺴﻬﺮ ﻭﺗﻨﺎﻡ ﻭﺭﻯ ﺍﻟﻌﺸﺎ ..
ﺩﺧﻞ ﻣﻬﺪﻱ ﻭﻭﮔﻒ ﻳﻤﻲ ﺻﺒﻴﻠﻲ ﺑﻜﻮﺏ ﺍﻧﻲ .. ﺑﻌﺪﻳﻦ ﻫﻤﺲ ﺑﺄﺫﻧﻲ ﻧﻴﻤﻲ ﺣﻜﻤﺖ ﻳﻢ ﺟﺪﻱ ﻟﻮ ﻋﻤﺘﻲ ..
ﻋﺎﻓﻨﻲ ﻭﺭﺍﺡ ﺧﻼﻧﻲ ﺑﺤﻴﺮﺗﻲ ﻭﺧﻮﻓﻲ ..
ﻣﺎﺣﺴﻴﺖ ﻋﻠﻰ ﺭﻭﺣﻲ ﻭﺻﺒﻴﺖ ﺍﻟﺠﺎﻱ ﻋﻠﻰ ﺍﻳﺪﻱ ..
ﺷﺎﻏﺖ ﺭﻭﺣﻲ ﻭﮔﻤﺖ ﺍﻃﻔﺮ ..
ﻋﻤﺘﻲ ﺑﺴﺮﻋﺔ ﺷﻠﺖ ﺍﻳﺪﻱ ﻭﺧﻠﺘﻬﺎ ﺑﺎﻟﺸﻜﺮ .. ﻭﺭﻭﺣﻲ ﺷﺎﻳﻐﺔ .. ﺷﻴﺮﻳﺪ ﻣﻨﻲ ﻫﺬﺍ ﺷﻴﺮﻳﺪ ؟؟
ﺑﻘﻴﺖ ﺑﺎﻟﻤﻄﺒﺦ ﺑﻴﺖ ﻣﺎﻫﺪﻳﺖ .. ﺍﺟﺔ ﺣﻜﻤﺖ . ﺷﺒﻴﺞ ﻳﻤﺔ ﺷﺎﻑ ﺍﻳﺪﻱ ﻛﻠﻬﺎ ﺷﻜﺮ ..
ﺭﺩﺕ ﻋﻠﻴﻪ ﻋﻤﺘﻲ .. ﺍﻧﺠﻮﺕ ﺑﺎﻟﺠﺎﻱ ..
- ﻭﻟﻴﺶ ﻣﺨﻠﻴﻠﻬﺎ ﺷﻜﺮ
- ﺣﺘﻰ ﺗﺒﺮﺩ .. ﺩﻧﮓ ﻋﻠﻰ ﺍﻳﺪﻱ ﻋﻮﺩ ﻳﺒﻮﺳﻬﺎ ﺗﺎﻟﻲ ﮔﺎﻡ ﻳﻠﻄﻊ ﺑﻴﻬﺎ ﻭﻋﻤﺘﻲ ﺗﻀﺤﻚ ﻋﻠﻴﻪ ..
ﺍﺧﺮ ﺷﻲ ﻧﻌﺲ ﻭﻧﺎﻡ ﻋﻠﻰ ﺭﺟﻠﻲ .. ﻭﺍﻧﻲ ﻣﺎﺍﺭﻳﺪ ﺍﻃﻠﻊ ﻣﻦ ﺍﻟﻤﻄﺒﺦ ﻭﺍﺗﺬﻛﺮ ﻣﻬﺪﻱ ﻳﺮﻳﺪ ﻳﺠﻲ ﺷﻨﺎﻭﻱ ﻣﺎﺍﻋﺮﻑ ..
ﺟﺎﻧﺖ ﻋﻤﺘﻲ ﺗﻌﺠﻦ ﺣﺘﻰ ﺗﮕﻌﺪ ﻣﻦ ﺍﻟﻔﺠﺮ ﺗﺨﺒﺰ .. ﻛﻤﻠﺖ
- ﺷﻨﻲ ﺭﺿﻮﺓ ﺍﻟﻴﻮﻡ ﻣﺎﺗﻨﺎﻣﻴﻦ ؟؟
- ﻫﺎﺍﺍ ﻣﻮ ﺍﻳﺪﻱ ﺑﻌﺪﻫﺎ ﺗﺤﺮﻛﻨﻲ ﻭﻫﺬﺍ ﺣﻜﻤﺖ ﻧﺎﻳﻢ ﺑﺤﻀﻨﻲ ..
- ﺩﮔﻮﻣﻲ ﺍﻧﻲ ﺭﺍﺡ ﺍﺷﻴﻠﻪ ﻭﺍﻧﺎﻡ ﻳﻤﺞ ﺍﻟﻴﻮﻡ ﺧﺎﻑ ﻳﻜﻌﺪ ﻭﺍﻳﺪﺝ ﻣﺎﺗﮕﺪﺭﻳﻦ ..
- ﺻﺪﮒ ﻋﻤﺔ ؟؟ ﻭﺍﺑﺘﺴﻤﺖ
- ﺷﺒﻴﺞ ﻣﺎﻣﺼﺪﮔﺔ ﻟﻴﺶ ﺍﻭﻝ ﻣﺮﺓ ﺍﻧﺎﻡ ﻳﻤﺞ .. ﻟﻮ ﺍﺷﺘﺎﻗﻴﺘﻲ ﻟﺴﻮﺍﻟﻔﻲ ..
- ﻟﻴﺶ ﻫﻮ ﺳﻮﺍﻟﻔﺞ ﺗﻨﻤﻞ ..
- ﺩﮔﻮﻣﻲ ﺻﺎﻳﺮﺓ ﺣﻴﺎﻟﻪ ﺧﻠﻲ ﻧﻨﺎﻡ ﻛﻢ ﺳﺎﻋﺔ ﻭﺭﺍﻱ ﺧﺒﺰ ﺍﻟﻔﺠﺮﻳﺔ . ﺑﺎﺟﺮ ﺟﺪﺝ ﻭﻋﻤﺎﻣﺞ ﻳﻄﻠﻌﻮﻥ ﻣﻦ ﺍﻟﺼﺒﺢ ﻋﻨﺪﻫﻢ ﺷﻐﻞ ..
ﺷﺎﻟﺖ ﺣﻜﻤﺖ ﻭﺭﺍﺣﺖ ﻟﻠﻐﺮﻓﺔ .. ﻃﻠﻌﺖ ﻣﻦ ﺍﻟﻤﻄﺒﺦ ﻭﻋﻴﻨﻲ ﻋﻠﻰ ﻏﺮﻓﺔ ﺑﺘﻮﻝ ﻭﻣﻬﺪﻱ ﺻﺎﻳﺮﺓ ﺑﺼﻒ ﺍﻟﻤﻄﺒﺦ
ﻋﻤﺘﻲ ﻓﺮﺷﺖ ﺑﺎﻟﻜﺎﻉ ﻭﺧﻠﺖ ﺣﻜﻤﺖ ﻉ ﺍﻟﺠﺮﺑﺎﻳﺔ ..
- ﻻﻋﻤﺔ ﺗﻌﺎﻱ ﻳﻤﻲ ﻭﺧﻠﻲ ﺣﻜﻤﺖ ﺟﻮﻩ ..
- ﻻﺧﻠﻴﻨﻲ ﻫﻴﺞ ﻣﺎﺍﺣﺐ ﻧﻮﻡ ﺍﻟﺠﺮﺑﺎﻳﺔ ﺍﻟﮕﺎﻉ ﺍﺭﻭﺣﻠﻲ ..
ﻋﻤﺘﻲ ﻣﻦ ﺍﻟﺘﻌﺐ ﺑﺴﺮﻋﺔ ﻧﺎﻣﺖ .. ﻭﺍﻧﻲ ﺑﻘﻴﺖ ﮔﺎﻋﺪﺓ ﻋﻴﻮﻧﻲ ﻣﺎﺗﻐﻤﺾ .. ﺷﻮﻳﺔ ﻭﺳﻤﻌﺖ ﻓﺘﺤﺖ ﺍﻟﺒﺎﺏ ..
ﻏﻤﻀﺖ ﻋﻴﻨﻲ ﻭﮔﻠﺒﻲ ﺭﺟﻒ ﻣﻦ ﺍﻟﺨﻮﻑ ..
ﻋﺼﺮﺕ ﻋﻴﻮﻧﻲ ﺣﻴﻞ .. ﺷﻮﻳﺔ ﻭﺍﻧﻔﺘﺤﺖ ﺍﻟﺒﺎﺏ ﻣﺮﺓ ﺛﺎﻧﻴﺔ ﻭﺍﻧﺴﺪﺕ .. ﺗﻨﻔﺴﺖ ﺍﻟﺼﻌﺪﺍﺀ .. ﻓﺘﺤﺖ ﻋﻴﻨﻲ ﺑﺲ ﺑﻘﺖ ﺍﺫﺍﻧﻲ ﺗﺘﺴﻤﻊ ﺧﺎﻑ ﺑﻌﺪﺓ ﺑﺎﻟﻐﺮﻓﻪ ..
ﺩﺭﺕ ﻭﺟﻬﻲ ﻋﻤﺘﻲ ﻧﺎﻳﻤﺔ ﻭﺍﻟﻐﺮﻓﺔ ﻓﺎﺭﻏﺔ .. ﺍﺑﺘﺴﻤﺖ ﺳﺤﺒﺖ ﺣﻜﻤﺖ ﺍﻟﺤﻀﻨﻲ ﻭﻧﻤﺖ ..
ﻟﻠﺼﺒﺢ ﮔﻌﺪﻧﺎ ﻛﻠﻨﺎ ﺍﻟﺠﻬﺎﻝ ﻣﺎﺍﺧﺬﻭﻫﻢ ﺍﻟﻴﻮﻡ ﻭﺑﻘﻮﺍ ﻳﻬﻮﺳﻮﻥ ﻟﻮ ﻳﺘﻌﺎﺭﻛﻮﻥ ﻭﻛﻞ ﺷﻮﻳﺔ ﻧﻔﺎﻛﻜﻬﻢ ..
ﻭﺩﺍﺩ ﻣﻦ ﺍﻟﺼﺒﺢ ﺳﺒﺤﺖ ﻭﺳﻮﺕ ﺷﻌﺮﻫﺎ ﻟﻮﺭﺍﺕ .. ﻭﺍﻣﻬﺎ ﮔﺎﻟﺘﻠﻬﺎ ﺗﻨﺰﻋﻴﻦ ﺍﻻﺳﻮﺩ ﻣﺎﻳﺼﻠﺢ ﺗﻌﻘﺪﻳﻦ ﺑﺎﻻﺳﻮﺩ ..
ﻋﻤﺘﻲ ﺗﺒﺮﻋﺖ ﺗﺨﻴﻄﻠﻬﺎ ﺛﻮﺏ ..
ﻭﺻﺪﮒ ﮔﻌﺪﺕ ﺗﺨﻴﻄﻪ ﻟﻠﻌﺼﺮ ﻳﻠﺔ ﻛﻤﻠﺘﻪ ..
ﺑﻴﻮﻣﻬﺎ ﺟﺪﻱ ﻭﺍﻟﻮﻟﺪ ﺍﺟﻮ ﻣﻦ ﻭﻛﺖ ﻋﻠﻤﻮﺩ ﻋﻘﺪ ﻭﺩﺍﺩ .. ﻭﻻﻥ ﻟﻴﻠﻪ ﺍﻭﻝ ﻳﻮﻡ ﺑﺮﻣﻀﺎﻥ ﺟﺪﻱ ﻳﺮﻭﺡ ﻟﻠﺠﺎﻣﻊ ..
ﻋﻨﺪﻫﻢ ﺧﺘﻤﺎﺕ ﻗﺮﺁﻥ ﻃﻮﻝ ﺷﻬﺮ ﺭﻣﻀﺎﻥ ..
ﺻﺒﻴﻨﺎ ﻋﺸﺎ ﻭﺭﻯ ﺍﺫﺍﻥ ﺍﻟﻤﻐﺮﺏ .. ﻭﺑﺴﺮﻋﺔ ﮔﻤﻨﺎ ﻏﺴﻠﻨﺎ ﻣﺎﻋﻴﻦ .. ﻣﺎﻋﺰﻣﻨﺎ ﺍﺣﺪ ﺟﻴﻒ ﺣﺰﺍﻧﻪ ﺑﻴﻨﺎﺗﻨﺎ ..بيج قصص عراقيه حقيقيه من واقعنا.روعه الطائي
ﻛﻠﻬﺎ ﺭﺍﺣﺖ ﺗﺒﺪﻝ ﺑﺲ ﺍﻧﻲ ﺑﻘﻴﺖ ﺑﺎﻟﻤﻄﺒﺦ ﺍﻧﻈﻒ ﻭﺍﺣﻀﺮ ﺍﻟﻜﻠﻴﺠﺔ ﻭﺍﻟﺠﺎﻱ ﻧﻮﺯﻉ ..
ﺍﺟﺖ ﻋﻤﺘﻲ ﺣﻤﺪﻳﺔ .. ﺷﻮ ﻟﺴﺎ ﻣﺎﻣﺒﺪﻟﺔ ﺭﺍﺡ ﺗﺠﻲ ﺍﻟﻮﺍﺩﻡ
- ﻋﻤﺔ ﻫﻮ ﻻﺑﺴﻴﻦ ﺍﺳﻮﺩ ﻋﻠﻴﻤﻦ ﻫﺎﻟﺘﺒﺪﻳﻞ ﺧﻠﻴﻨﻲ ﺍﻛﻤﻞ ﺷﻐﻠﻲ ﺣﺘﻰ ﺍﺳﺒﺢ ﻭﺍﺣﻈﺮ ﺭﻭﺣﻲ ﺍﻟﺮﻣﻀﺎﻥ ..
ﻣﺴﺤﺖ ﻋﻠﻰ ﻇﻬﺮﻱ .. ﻋﺴﺎ ﺍﻟﻠﻪ ﻳﺘﻘﺒﻠﻪ ﻣﻨﺞ ﻭﻣﻨﺎ ﺍﻥ ﺷﺎﺀ ﺍﻟﻠﻪ ..
ﻃﻠﻌﺖ ﻋﻤﺘﻲ .. ﺩﺧﻞ ﻣﻬﺪﻱ ﻭﺟﻦ ﻧﺎﻃﺮﻫﺎ ﺗﻄﻠﻊ ﻭﻳﺪﺧﻞ
ﻋﻴﻮﻧﻪ ﺗﺠﺪﺡ ﻧﺎﺭ .
ﺗﻘﺮﺏ ﻋﻠﻴﻪ ﻭﻋﺼﻴﺮ ﺍﻳﺪﻱ ﺍﻟﻤﺠﻮﻳﺔ ﺣﻴﻞ .. ﺗﻌﺎﻧﺪﻳﻨﻲ ﻳﺮﺿﻮﺓ ﻣﻮﻭﻭ !!
ﺗﺨﻠﻴﻦ ﻋﻤﺘﻲ ﺗﻨﺎﻡ ﻳﻤﺞ ﺣﺘﻰ ﻣﺎﺍﻭﺻﻠﺞ ..
- ﺷﻠﻲ ﻏﺮﺽ ﻫﻲ ﺍﺟﺖ ﻧﺎﻣﺖ ﻳﻤﻲ ﺟﺎ ﺍﻃﺮﺩﻫﺎ؟؟
- ﺍﻱ ﺗﮕﻠﻴﻠﻬﺎ ﺭﺟﻠﻲ ﻳﺠﻴﻨﻲ ﺍﻟﻴﻮﻡ ..
ﻭﺟﻌﺘﻨﻲ ﺍﻳﺪﻱ ﺣﻴﻞ . ﺩﻓﻌﺘﻪ ﻭﺣﺠﻴﺖ ﺑﻨﺘﺮ ﻭﺭﺟﻠﻲ ﻳﺠﻲ ﻣﺜﻞ ﺍﻟﺤﺮﺍﻣﻲ ﺑﺎﻟﺒﻮﮔﺎﺕ؟؟
- ﺍﻟﺴﺎﻧﺞ ﻭﻟﺞ .. ﺑﻜﻴﻔﻲ ﺷﻮﻛﺖ ﻣﺎﺍﺟﻲ ﻋﺴﺎ ﻣﺎ ﺍﻟﻔﺠﺮ ﺍﻧﺘﻲ ﺍﻟﻲ ﻭﺷﻴﻌﺠﺒﻨﻲ ﺍﺳﻮﻱ ﺍﺳﻮﻱ ﺑﻴﺞ ..
ﺗﻘﺮﺏ ﺣﻴﻞ ﻭﺧﻠﻰ ﺧﺸﻤﺔ ﻋﻠﻰ ﺭﺍﺳﻲ ﻭﻧﺰﻝ ﺍﻟﺤﺠﺎﺏ ﺟﻴﻒ ﺍﻧﻲ ﻻﺑﺴﺔ ﻣﻦ ﺣﻴﺪﺭ ﻭﻛﺮﺍﺭ .
ﺍﺭﺗﺒﻜﺖ ﻭﻣﺎﻋﺮﻓﺖ ﺷﺴﻮﻱ ..
ﺍﻟﻴﻮﻡ ﺑﺎﻟﻠﻴﻞ ﺍﺟﻲ ﻓﻬﻤﺘﻲ ..
ﻻ ﻣﺎﺍﺭﻳﺪ ﺑﺎﺟﺮ ﺭﻣﻀﺎﻥ ﻣﺎﺍﮔﺪﺭ .
ﻣﺸﻜﻠﺘﺞ ﺣﻤﻲ ﻣﺎﻱ ﻣﻦ ﻭﻛﺖ ﻭﺍﺳﺒﺤﻲ ﺍﻟﻤﻬﻢ ﺗﻄﻴﻌﻴﻦ ﺍﻣﺮﻱ ﻭﻣﺎﺗﻨﺎﻗﺸﻴﻦ ..
ﺩﺧﻠﺖ ﻋﻤﺘﻲ ﺑﺴﺮﻋﺔ ﻭﺧﺮ ﻭﻃﻠﻊ ..
ﺿﺤﻜﺖ .. ﻣﻬﻴﺪﻱ ﻫﺎﻻﻳﺎﻡ ﻳﺤﻮﻡ ﺷﻌﻨﺪﻩ
- ﻻﺗﻀﺤﻜﻴﻦ ﻋﻤﺔ ﻫﺬﺍ ﻣﺎﻳﺬﻛﺮﻧﻲ ﺑﺲ ﻭﻛﺖ ﺣﺎﺟﺘﻪ ..
ﺿﺮﺑﺘﻨﻲ ﻋﻠﻰ ﺭﺍﺳﻲ ..
ﻟﻮ ﺗﻌﺮﻓﻴﻦ ﺗﻜﺴﺒﻴﻪ ﺟﺎﻥ ﺧﻠﺘﻴﻪ ﻣﺎﻳﺸﻮﻑ ﻏﻴﺮﺝ ..
ﻣﺎﺍﺭﻳﺪ ﻳﺸﻮﻓﻨﻲ ﺑﺲ ﻳﻔﻚ ﻋﻨﻲ .. ﻧﻈﺮﺍﺕ ﺍﻟﻲ ﻣﻮ ﻋﺸﮓ ﻋﻤﺔ .. ﻧﻈﺮﺍﺕ ﺑﺲ ﺍﻟﺠﺴﻤﻲ .. ﻟﻴﺶ ﻧﻐﺸﻢ ﺍﺭﻭﺍﺣﻨﺎ ..
ﻫﺬﺍ ﻳﺮﻳﺪ ﺑﺲ ﻳﺎﺧﺬﻧﻲ ﺑﻔﺮﺍﺷﻪ ﻭﻳﺮﺗﺎﺡ ﻭﺑﻌﺪﻳﻦ ﻳﺮﻭﺡ ﺍﻟﺤﻀﻦ ﻣﺮﺗﻪ .. ﺍﻧﺘﻲ ﺷﻮﻓﻲ ﻧﻈﺮﺍﺗﻪ ﺍﻟﻲ ﻭﻧﻈﺮﺍﺗﻪ ﺍﻟﻬﺎ
ﻭﻣﺎﻣﻦ ﺣﻘﻲ ﺍﺣﺠﻲ ﻫﺎﻱ ﻣﺮﺗﻪ ﻭﺣﺒﻴﺒﺘﻪ ﻭﺍﻡ ﺍﻭﻻﺩﺓ
ﺍﻧﻲ ﺍﻟﻲ ﺍﺟﻴﺖ ﻋﻠﻴﻬﺎ ﻭﺷﺎﺭﻛﺘﻬﺎ ﺑﻲ ﺷﻠﻮﻥ ﺗﺮﺩﻳﻦ ﺍﺧﺬﻩ ﻣﻨﻬﺎ ﻭﻫﻮ ﺍﺻﻼ ﻧﺠﺒﺮ ﻳﺎﺧﺬﻧﻲ .. ﻟﺴﺎ ﺍﺗﺬﻛﺮ ﺷﻠﻮﻥ ﻳﻌﺎﻳﺮﻧﻲ ﻭﻳﻌﺎﻳﻦ ﻋﻠﻴﺔ ﺟﻦ ﻭﺣﺪﺓ …… ..
ﺍﺳﻜﺘﻲ ﻋﻤﺔ ﻭﻻﺗﻬﻴﺠﻴﻦ ﺟﺮﻭﺣﻲ ﺧﻠﻴﻨﻲ ﺍﺭﺑﻲ ﺍﺑﻨﻲ ﻭﺍﻛﺒﺮﺓ ﻭﻛﻠﺸﻲ ﻣﺎﺍﺭﻳﺪ ..
ﺍﺟﻦ ﺍﻟﻨﺴﻮﺍﻥ ﺭﺍﺣﺖ ﻋﻤﺘﻲ .. ﺩﺧﻠﺖ ﻋﻤﺘﻲ ﻟﻤﻴﻌﺔ . ﮔﺎﻟﺖ ﻻﺗﺪﺧﻠﻴﻦ ﺍﻧﺘﻲ ﺧﻠﻴﺞ ﻫﻨﺎ ﺑﺎﻟﻤﻄﺒﺦ ﺧﺎﻑ ﻳﺤﺘﺎﺟﻮﻥ ﺷﻲ
ﺍﻧﻲ ﻛﻴﻔﺖ ﻣﺎﻟﻲ ﺧﻠﮓ ﺍﺑﺪﻝ ﻭﺍﺟﺎﻣﻞ .. ﺑﻘﻴﺖ ﺑﺎﻟﻤﻄﺒﺦ ﻭﻛﻞ ﺷﻮﻳﺔ ﺟﺎﻳﻴﻦ ﺣﻴﺪﺭ ﻭﻛﺮﺍﺭ ﺍﻟﻴﻮﻡ ﺭﺟﻌﻮﺍ ..
ﺳﺎﻋﻪ ﺟﺎﻱ ﻭﺳﺎﻋﻪ ﻣﺎﻱ .. ﺍﻋﺎﻳﻦ ﻋﻠﻴﻬﻢ ﺻﺎﻳﺮﻳﻦ ﻳﺸﺒﻬﻮﻥ ﺣﺴﻦ .. ﺑﺲ ﻓﺮﻕ ﺍﻟﻄﻮﻝ ﻫﻤﺔ ﺻﺎﻳﺮﻳﻦ ﺍﻃﻮﻝ ﻣﻨﻪ ..
ﺍﻟﻠﻪ ﻳﺮﺣﻤﺔ ﻭﻳﻐﻔﺮﻟﺔ .. ﺭﻏﻢ ﺍﻟﺴﻮﺍﻩ ﻭﻳﺎﻱ ﻭﺑﺴﺒﺒﻪ ﺍﺑﻮﻱ ﻣﺎﺕ .. ﺑﺲ ﻣﻦ ﺍﺗﺬﻛﺮ ﺣﺠﻴﻪ ﻭﺣﻨﻴﺘﻪ ﺍﺗﺤﺴﺮ ﻋﻠﻴﻬﺎ ..
ﻳﻤﻜﻦ ﻟﻮ ﻋﺎﻳﺶ ﺟﺎﻥ ﺣﻜﻤﺖ ﻣﺪﻟﻞ ﻭﺍﻧﻲ ﻋﺎﻳﺸﺔ ﺑﺠﻨﻪ ﺭﻏﻢ ﺟﺪﻱ ﻣﺎﻣﻘﺼﺮ ﺑﺲ ﺍﻻﺑﻮ ﻏﻴﺮ ﺷﻜﻞ ..
ﻭﺣﻜﻤﺖ ﻳﺘﺤﺴﺲ ﻭﻳﺘﻤﻨﻰ ﺍﺑﻮﻩ ﻳﺤﻦ ﻋﻠﻴﻪ ﻭﻳﺤﺒﻪ ﻣﺜﻞ ﺭﺯﺍﻕ ﻭﺑﺸﺎﺭ ..
ﺳﻤﻌﺖ ﺍﻟﺴﻴﺪ ﺍﺟﺔ ﻳﻌﻘﺪﻟﻬﻢ .. ﻭﺩﺍﺩ ﺟﺎﻧﺖ ﺧﺎﻳﻔﺔ ﻭﻣﺪﻧﻜﻪ ﺍﻟﻰ ﺍﻥ ﻛﻤﻠﻮﺍ ﻋﻘﺪ ﻭﮔﺎﻣﺖ ﺗﺴﻠﻢ ﻋﻠﻰ ﻋﻤﺎﺗﻲ ﻭﺍﻟﻌﻠﻮﻳﻪ ﻭﺍﺧﻮﺍﺗﻪ .
ﺟﻨﺖ ﺍﻋﺎﻳﻦ ﻋﻠﻴﻬﻦ ﻣﻦ ﺷﺒﺎﻙ ﺍﻟﻤﻄﺒﺦ .. ﺍﻟﺰﻟﻢ ﻛﺎﻋﺪﻳﻦ ﺑﺎﻟﺪﻳﻮﺍﻧﻴﺔ ..
ﻭﺍﻟﻨﺴﻮﺍﻥ ﺑﻐﺮﻓﺔ ﻋﻤﺘﻲ ﺣﻤﺪﻳﺔ ﻳﻌﻨﻲ ﻏﺮﻓﺔ ﺟﺪﻱ ﻭﺑﻴﺒﺘﻲ ﺍﻟﻠﻪ ﻳﺮﺣﻤﻬﺎ .. ﻛﻤﻠﻮﺍ ﻭﺭﺟﻌﻦ ﻟﻠﻐﺮﻓﺔ ..
ﻃﻠﻌﺖ ﺍﺳﻠﻢ ﻋﻠﻴﻬﺎ ﻭﺍﺑﺎﺭﻛﻠﻬﺎ .. ﺧﺰﺭﺗﻨﻲ ﻋﻤﺘﻲ ﻟﻤﻴﻌﺔ ﺍﺩﺧﻞ ﻟﻴﺶ ﻣﺎﺍﺩﺭﻱ ؟؟
ﻣﺮﺕ ﺳﺎﻋﻪ ﻭﺑﻌﺪﻳﻦ ﺭﺍﺣﻮﺍ ﻭﺩﺧﻞ ﺟﺪﻱ ﺑﺎﺳﻬﺎ ﻭﺑﺎﺭﻛﻠﻬﺎ ﻭﻭﺻﺎﻩ ﺗﺮﻓﻊ ﺭﺍﺳﻪ ﺭﻏﻢ ﻫﻮ ﺯﻋﻼﻥ ﻣﻨﻬﺎ ﺑﺲ ﻣﺎﻓﺮﻗﻬﺎ ﻋﻨﻲ ﻭﺟﺎﺑﻠﻬﺎ ﺑﺖ ﺫﻫﺐ ﻋﺮﻳﺾ ..
ﺍﺟﻴﺖ ﺍﺑﺎﺭﻛﻠﻬﺎ . ﻫﻤﺴﺖ ﺑﺎﺫﻧﻲ ﺑﻌﺪ ﻭﻛﺖ ﻟﻮ ﻫﻴﺞ ﺍﻟﻐﻴﺮﺓ ﺗﺴﻮﻱ .. ﻣﺎﺭﺩﻳﺖ ﻋﻠﻴﻬﺎ ﺳﺤﺒﺖ ﺭﻭﺣﻲ ﻳﻢ ﻋﻤﺘﻲ ..
ﻭﻋﻤﻲ ﻫﺎﺩﻱ ﻳﺴﻮﻟﻒ ﻋﻠﻰ ﺍﻟﻮﻟﺪ ﻭﺍﺧﻼﻗﻪ .. ﺑﺲ ﺭﺯﺍﻕ ﻭﺑﺸﺎﺭ ﮔﺎﻣﻮﺍ ﻳﻀﺤﻜﻮﻥ ﻋﻠﻴﻬﺎ ﻭﻳﮕﻠﻮﻟﻬﺎ ﺭﺍﺡ ﺗﺎﺧﺬﻳﻦ ﺍﻻﻋﻮﺭ .. ﻟﻴﻦ ﺟﺪﻱ ﺻﺎﺡ ﺑﻴﻬﻢ ﻭﺍﺑﻮﻫﻢ ﺿﺮﺑﻬﻢ ﻭﻃﺮﺩﻫﻢ ﻟﻠﻐﺮﻓﺔ ..
ﻭﺩﺍﺩ ﺿﺎﺟﺖ ﻭﺭﺍﺣﺖ ﺍﻟﻐﺮﻓﺘﻬﺎ ..
ﺍﻟﻤﺮﺍﺓ ﻟﻤﺎ ﺗﺤﺐ ﺣﺘﻰ ﻟﻮ ﻛﺎﻥ ﺍﺧﺘﻴﺎﺭﻫﺎ ﺧﻄﺄ ﺑﺲ ﺗﺒﻘﻰ ﺗﺘﺄﺫﻯ ﻭﺩﺍﻳﻤﺎ ﺗﺘﺬﻛﺮ ﺍﻟﺤﺐ ﺍﻻﻭﻝ ..
ﻭﺩﺍﺩ ﺟﺎﻧﺖ ﺗﺤﺲ ﺑﻨﻘﺺ ﻷﻥ ﻣﺤﺪ ﺧﻄﺒﻬﺎ ﻭﻫﻲ ﻋﻤﺮﻫﺎ ﺑﺎﻟﻌﺸﺮﻳﻦ .. ﻗﺒﻞ ﺍﻟﺒﻨﻴﺔ ﻗﺒﻞ ﺍﻟﻌﺸﺮﻳﻦ ﺗﺘﺰﻭﺝ ﺍﻻ ﻣﺎﻧﺪﺭ ﺳﻮﺍﺀ ﺗﻜﻤﻞ ﺩﺭﺍﺳﺘﻬﺎ ﺍﻭ ﺗﺮﻓﺾ ﻟﺴﺒﺐ ﻣﺎ ..
ﻭﺧﺎﺻﺔ ﺑﻌﺪ ﻣﺎﺭﺿﺎﺀ ﺗﺰﻭﺟﺖ ﻭﺻﺎﺭ ﻋﻨﺪﻫﺎ ﻃﻔﻞ ﻭﻫﻲ ﺍﺻﻐﺮ ﻣﻨﻬﺎ .. ﻫﺬﺍ ﺍﻟﺸﻲ ﺷﻜﻞ ﻓﺠﻮﺓ ﺑﺤﻴﺎﺗﻬﺎ ﻭﺣﻘﺪ ﺍﺗﺠﺎﻩ ﺭﺿﺎﺀ ﺍﻟﻲ ﺍﺧﺬﺕ ﺣﺴﻦ ﻣﻨﻬﺎ ﻭﻫﻲ ﺟﺎﻧﺖ ﺗﺘﻤﻨﺎﻩ ..بيج قصص عراقيه حقيقيه من واقعنا.روعه الطائي
ﺣﺘﻰ ﺑﻌﺪ ﻣﺎﻣﺎﺕ ﺣﻤﻠﺖ ﺭﺿﺎﺀ ﺳﺒﺐ ﻣﻮﺗﻪ .. ﻭﺑﺪﺃ ﺍﻟﻌﻤﺮ ﻳﻤﺸﻲ ﻭﻫﻲ ﻣﺎﻛﻮ ﺍﺣﺪ ﺩﮒ ﺑﺎﺑﺎﻫﺎ ﻭﺣﺘﻰ ﻣﺎﺗﺸﻮﻑ ﺍﺣﺪ ﻭﺗﺤﺒﻪ ﻣﺜﻞ ﺍﻟﺒﻨﺎﺕ ﻟﻮ ﻳﺸﻮﻓﻬﺎ ﻭﻳﻨﻌﺠﺐ ﺑﻴﻬﺎ ﻭﻳﺨﻄﺒﻬﺎ ﺷﻲ ﻃﺒﻴﻌﻲ ﻭﻫﻦ ﺍﺑﺪ ﻣﺎﻳﻄﻠﻌﻦ ﻭﺣﻴﺎﺗﻬﻦ ﻣﻘﺘﺼﺮﺓ ﺑﺎﻟﺒﻴﺖ ﺑﺲ ..
ﺑﻴﻮﻡ ﻭﺩﺍﺩ ﻃﻠﻌﺖ ﺍﻟﻈﻬﺮ ﺗﻐﺴﻞ ﺍﻟﺒﺎﺏ . ﻻﻥ ﻫﻦ ﻟﻮ ﺍﻟﻈﻬﺮ ﻟﻮ ﺑﺎﻟﻠﻴﻞ ﻉ ﺍﻻﻛﺜﺮ ﻳﻄﻠﻌﻦ ﻳﻨﻈﻔﻦ ﺍﻟﺒﺎﺏ ﺣﺘﻰ ﺍﻟﺸﺎﺭﻉ ﻓﺎﺭﻍ ﻭﻣﺎﺑﻲ ﺍﺣﺪ ..
ﺑﻬﺬﺍ ﺍﻟﻴﻮﻡ ﻭﻭﺩﺍﺩ ﺟﺎﻧﺖ ﺗﻐﺴﻞ ﻭﻣﺪﻧﮕﺔ .. ﺭﻓﻌﺖ ﺭﺍﺳﻬﺎ ﻭﺷﺎﻓﺖ ﻭﻟﺪ ﻳﺒﺎﻭﻉ ﻋﻠﻴﻬﺎ .. ﺧﺠﻠﺖ ﻭﻟﻔﺖ ﺣﺠﺎﺑﻬﺎ ..
ﻭﺩﺧﻠﺖ ﺭﻏﻢ ﻫﻮ ﺑﻘﻰ ﻭﺍﮔﻒ ﻳﺒﺎﻭﻉ ﻭﻣﺒﺘﺴﻢ ..
ﺫﻳﺞ ﺍﻻﺑﺘﺴﺎﻣﺔ ﺍﻧﺤﻔﺮﺕ ﺑﺪﺍﺧﻠﻬﺎ ..
ﺍﻭﻝ ﻣﺮﺓ ﺗﺤﺲ ﺑﻬﻴﺞ ﺍﺣﺴﺎﺱ .. ﻭﺍﻧﻪ ﺍﻛﻮ ﺷﺨﺺ ﻳﺒﺎﻭﻋﻠﻬﺎ ﻭﻣﻌﺠﺐ ﺑﻴﻬﺎ ..
ﻃﻮﻝ ﺍﻟﻨﻬﺎﺭ ﻣﺎﻏﺎﺏ ﻋﻦ ﺗﻔﻜﻴﺮﻫﺎ .. ﺗﺸﺘﻐﻞ ﺗﻨﻈﻒ ﺗﺎﻛﻞ ﺫﻳﺞ ﺍﻟﻮﻛﻔﻪ ﻭﺍﻟﻀﺤﻜﺔ ﻣﺎﺗﻔﺎﺭﮔﻬﺎ ..
ﺻﺎﺭﺕ ﻛﻞ ﻳﻮﻡ ﺗﺮﺗﺐ ﻧﻔﺴﻬﺎ ﻭﺗﺎﺧﺬ ﺍﻻﺑﺮﻳﮓ ﻭﺍﻟﻤﻜﻨﺎﺳﺔ ﻭﺗﻄﻠﻊ ﺗﻜﻨﺲ ﻭﺗﻐﺴﻞ ﺍﻟﺒﺎﺏ ﺣﺘﻰ ﺗﺸﻮﻓﺔ ﻣﺮﺓ ﻣﺮﺗﻴﻦ ﻭ ﻫﻮ ﻣﺎﻛﻮ .. ﺑﻘﺖ ﻋﻴﻨﻬﺎ ﻋﻠﻰ ﺍﻟﻄﺮﻳﻖ .. ﻭﺍﻧﻘﻬﺮﺕ ﻭﺧﺎﺏ ﺍﻣﻠﻬﺎ .. ﻛﺎﻧﺖ ﺗﻨﺪﺏ ﺣﻈﻬﺎ ﻭﻗﺴﻤﺘﻬﺎ ..
ﺭﺍﺩﺕ ﺗﺪﺧﻞ ﻟﻤﺤﺘﻪ ﺍﺟﻪ ﻣﻦ ﺑﻌﻴﺪ ﻭﺍﻻﺑﺘﺴﺎﻣﺔ ﻧﻔﺴﻬﺎ .
ﺍﺭﺗﺒﻜﺖ ﻭﺧﺎﻓﺖ ﺭﻏﻢ ﻫﻲ ﺟﺎﻧﺖ ﻣﻨﺘﻈﺮﺗﻪ .. ﺑﺲ ﺧﺎﻓﺖ ﻻﺍﻣﻬﺎ ﺗﮕﻌﺪ ﻣﻦ ﺍﻟﻨﻮﻡ .. ﻟﻮ ﻳﺠﻲ ﻭﺍﺣﺪ ﻣﻦ ﺍﻫﻠﻬﺎ ﻭﻳﺸﻮﻓﻬﺎ ..
ﺍﻟﻮﻟﺪ ﺟﺎﻥ ﻳﻜﺘﻔﻲ ﺑﻨﻈﺮﺍﺗﻪ ﻭﺍﺑﺘﺴﺎﻣﺘﻪ .. ﻭﻳﻮﻛﻒ ﺷﻮﻳﻪ ﻭﻳﺮﻭﺡ .. ﺍﺳﺘﻤﺮ ﻫﺎﻟﻮﺿﻊ ﺍﻻﻳﺎﻡ ﺍﻟﻰ ﺍﻥ ﺑﻴﻮﻡ ﻭﻫﻮ ﻣﺎﺭ ﺷﻤﺮ ﻋﻠﻴﻬﺎ ﻭﺭﻗﺔ ﻭﺭﺍﺡ ..
ﻫﻨﺎ ﺣﺴﺖ ﺍﻟﺪﻧﻴﺎ ﺿﺤﻜﺘﻠﻬﺎ .. ﺍﺧﺬﺗﻬﺎ ﻭﺿﻤﺘﻬﺎ ﺑﺠﻴﺐ ﺍﻟﺪﺷﺪﺍﺷﺔ ﻭﺩﺧﻠﺖ ﺑﺴﺮﻋﻪ ﻗﻔﻠﺖ ﺍﻟﺒﺎﺏ ﻭﺣﺎﺭﺕ ﻭﻳﻦ ﺗﻘﺮﺍﻫﺎ ﺍﺧﺮ ﺷﻲ ﺩﺧﻠﺖ ﺍﻟﺤﻤﺎﻡ ﻭﻗﻔﻠﺘﻪ ﻋﻠﻴﻬﺎ ..
ﻓﺘﺤﺖ ﺍﻟﻮﺭﻗﺔ ﻭﺍﻳﺪﻫﺎ ﺗﺮﺟﻒ ..
ﻗﺮﺃﺕ ﺍﻟﺮﺳﺎﻟﻪ ﻭﻋﺮﻓﺖ ﺍﺳﻤﻪ ﺣﺴﻦ .. ﺗﺨﺒﻠﺖ . ﺷﻨﻲ ﻫﺎﻟﺼﺪﻓﺔ . ﻓﺘﺤﺖ ﻋﻴﻨﻬﺎ ﻋﻠﻰ ﺣﺐ ﺣﺴﻦ ﻭﺭﺍﺡ ﻣﻨﻬﺎ ﻭﻫﺴﺎ ﺑﻌﺪ ﻣﺎﺿﺤﻜﺘﻠﻬﺎ ﺍﻟﺪﻧﻴﺎ ﻭﻓﺘﺤﺖ ﮔﻠﺒﻬﺎ ﻣﻦ ﺟﺪﻳﺪ ﻃﻠﻊ ﺍﺳﻤﻪ ﺣﺴﻦ ﻫﻢ ..
ﻛﻤﻠﺖ ﺍﻟﺮﺳﺎﻟﻪ ﻭﺍﻳﺪﻫﺎ ﻋﻠﻰ ﮔﻠﺒﻬﺎ ﻭﺗﻀﺤﻚ .. ﺑﺲ ﺍﺭﺗﺒﻜﺖ ﻣﻦ ﻛﺎﻟﻬﺎ ﺍﺭﻳﺪ ﺍﻋﺮﻑ ﻣﺸﺎﻋﺮﺝ ﻭﺷﺘﺤﺴﻴﻦ ﺍﺗﺠﺎﻫﻲ ..
ﻣﺎﻋﺮﻓﺖ ﺷﺘﺮﺩ ﻭﻫﻲ ﺍﺻﻼ ﻣﺎﺗﻌﺮﻑ ﻣﺸﺎﻋﺮﻫﺎ ﺷﻨﻮ ..
ﺍﺧﺬﺕ ﺍﻟﺮﺳﺎﻟﻪ ﻭﺿﻤﺘﻬﺎ ﺑﻜﻨﺘﻮﺭﻫﺎ ﺑﺠﻴﺐ ﻗﻤﺼﻠﻪ ﻗﺪﻳﻤﺔ ﺍﻟﻬﺎ .. ﻛﻌﺪﺕ ﺑﺎﻟﻠﻴﻞ ﻛﺘﺒﺘﻠﻪ ﻭﺭﻗﻪ ﻭﺍﻧﻬﺎ ﺗﺒﺎﺩﻟﻪ ﻧﻔﺲ ﺍﻟﻤﺸﺎﻋﺮ .. ﺑﺲ ﻣﺎﻛﺘﺒﺖ ﺍﺳﻤﻬﺎ ﻛﺎﻧﺖ ﻣﺘﺮﺩﺩﺓ ﺍﻭ ﺧﺎﻳﻔﻪ
ﺛﺎﻧﻲ ﻳﻮﻡ ﻭﺑﻨﻔﺲ ﺍﻟﻮﻛﺖ ﻫﻢ ﻃﻠﻌﺖ ﺑﺤﺠﺔ ﺗﻐﺴﻞ ﺍﻟﺒﺎﺏ ﺭﻏﻢ ﺭﺿﺎﺀ ﺷﺎﻓﺘﻬﺎ ﻭﻧﺒﻬﺘﻬﺎ ﻛﻢ ﻣﺮﺓ ﺍﻧﻪ ﺗﻐﺴﻠﻬﺎ ﺑﺎﻟﻠﻴﻞ ﺑﺲ ﻫﻲ ﻋﺎﻧﺪﺕ ﻭﺑﻘﺖ ﺗﻐﺴﻠﻬﺎ ﺑﺎﻟﻨﻬﺎﺭ .
ﻣﻦ ﺍﻧﻄﺘﻪ ﺍﻟﺮﺳﺎﻟﻪ ﺛﺎﻧﻲ ﻳﻮﻡ ﺗﻘﺮﺏ ﻣﻨﻬﺎ ﻭﻫﺎﻱ ﺍﻭﻝ ﻣﺮﺓ ﺗﺸﻮﻓﺔ ﻋﻦ ﻗﺮﺏ ﺍﺭﺗﺒﻜﺖ ﻭﺩﻧﻜﺖ ..
ﺳﺄﻟﻬﺎ ﻋﻦ ﺍﺳﻤﻬﺎ ﺗﻠﻌﺜﻤﺖ ﻭﻣﺎﻋﺮﻓﺖ ﺷﺘﺤﺠﻲ .. ﺧﺎﻓﺖ ﺗﮕﻮﻝ ﺍﺳﻤﻬﺎ .. ﻭﻣﺎﺍﺟﻪ ﺑﺒﺎﻟﻬﺎ ﺍﻻ ﺍﺳﻢ ﺭﺿﺎﺀ .. ﺣﺘﻰ ﺍﺫﺍ ﻓﻲ ﺣﺎﻝ ﻋﺎﻓﻬﺎ ﺍﻭ ﻓﻀﺤﻬﺎ ﻣﺎﻳﺠﻴﺐ ﺍﺳﻤﻬﺎ ﺑﻴﻦ ﺍﻟﻨﺎﺱ .
ﺍﺳﺘﻤﺮﺕ ﻭﺩﺍﺩ ﺑﻤﻘﺎﺑﻼﺗﻬﺎ ﻭﺭﺳﺎﺋﻠﻬﺎ ﻭﮔﺎﻡ ﻳﻬﺪﻳﻠﻬﺎ ﻋﻄﻮﺭ ﺍﻭ ﺍﻛﺴﺴﻮﺍﺭﺍﺕ ﻭﻣﻦ ﻳﺴﺄﻟﻬﺎ ﺍﺣﺪ ﺗﮕﻮﻝ ﺍﺷﺘﺮﻳﺘﻬﻦ ﻣﻦ ﻣﺼﺮﻭﻓﻲ ﻣﻦ ﺍﺭﻭﺡ ﺍﻟﺒﻴﺖ ﺟﺪﻱ ﺍﻫﻞ ﺍﻣﻬﺎ ..
ﺑﺪﺕ ﺗﺤﺒﻪ ﻭﺗﺘﻌﻠﻖ ﺑﻲ ﺍﻛﺜﺮ ﻭﺍﻛﺜﺮ ﺣﺘﻰ ﻗﺮﺭﺕ ﺗﮕﻠﻪ ﻋﻠﻰ ﺍﺳﻤﻬﺎ ﺍﻟﺤﻘﻴﻘﻲ ﻭﺑﻨﻔﺲ ﺍﻟﻴﻮﻡ ﺷﺎﻓﻬﺎ ﻣﻬﺪﻱ ﻣﻦ ﺭﺍﺱ ﺍﻟﻔﺮﻉ ﻻﻥ ﺑﻴﺘﻬﻢ ﺭﻛﻦ ﺻﺎﻳﺮ ..
ﻭﺑﻌﺪﻫﺎ ﺻﺎﺭ ﺍﻟﻲ ﺻﺎﺭ .. ﻭﻣﻦ ﺷﺎﻳﻔﻪ ﻣﻬﺪﻱ ﻳﺤﻮﻡ ﺩﺍﻳﺮ ﻣﺪﻳﺮ ﺍﻟﺒﻴﺖ ﺿﺎﺭﺑﻪ ﻭﺳﺎﺋﻠﻪ ﺷﻌﻨﺪﻙ ﻭﻱ ﺍﺧﺘﻲ ..
ﺍﻟﻮﻟﺪ ﺭﺩ ﻋﻠﻴﻪ .. ﺭﺿﺎﺀ ﺍﺧﺘﻚ ؟؟
ﺍﺳﺘﻐﺮﺏ ﻣﻬﺪﻱ ﻭﺧﻨﻜﺔ .. ﻟﻴﺶ ﺍﻧﺖ ﻣﻨﻴﻦ ﺗﻌﺮﻑ ﺭﺿﺎﺀ
- ﻫﺎﺍﺍ ﻛﻞ ﻳﻮﻡ ﺍﺷﻮﻓﻬﺎ ﺑﺎﻟﺒﺎﺏ ﺑﺲ ﺍﻋﺎﻳﻦ ﻋﻠﻴﻬﺎ ﻣﺎﻋﻨﺪﻱ ﺷﻲ ﻭﻳﺎﻫﺎ ﻭﻣﺎﺣﺎﺟﻲ ﻭﻳﺎﻫﺎ ..
ﺑﻴﻮﻣﻬﺎ ﺷﺒﻌﻪ ﻣﻬﺪﻱ ﻛﺘﻞ ﻭﺍﻟﻮﻟﺪ ﺑﺼﻌﻮﺑﻪ ﮔﺪﺭ ﻳﻨﻘﺬ ﺭﻭﺣﻪ ﻣﻨﻪ ﻭﻣﻨﻬﺎ ﻭﺑﻌﺪ ﻣﺎﺍﺟﺔ ﻟﻠﺸﺎﺭﻉ ﺍﺑﺪ ..
ﺭﻏﻢ ﻭﺩﺍﺩ ﻣﺎﺑﻄﻠﺖ ﻭﺑﻘﺖ ﺗﻄﻠﻊ ﺑﻨﻔﺲ ﺍﻟﻮﻛﺖ ﺣﺘﻰ ﺗﻄﻠﺐ ﻣﻨﻪ ﻳﺨﻄﺒﻬﺎ ﻭﺗﺨﺒﺮﻩ ﺍﻧﻪ ﺍﻫﻠﻬﺎ ﺭﺍﺡ ﻳﺰﻭﺟﻮﻫﺎ ..
ﻭﺧﺎﺏ ﺍﻣﻠﻬﺎ ﺭﻏﻢ ﺟﺪﻫﺎ ﻭﺍﻟﺒﻴﺖ ﻛﻠﻪ ﻛﺸﻒ ﻛﺬﺑﻬﺎ ﺑﻌﺪ ﻣﺎﻃﺎﺣﺖ ﺍﻟﺘﻬﻤﺔ ﻋﻠﻰ ﺭﺿﺎﺀ ﺑﺴﺒﺒﻬﺎ ..
ﻭﻗﺒﻠﺖ ﺑﺎﻻﻣﺮ ﺍﻟﻮﺍﻗﻊ ﻭﺍﻧﻪ ﺍﺣﺴﻦ ﻣﻤﺎ ﺗﺒﻘﻰ ﻫﻴﺞ ﺑﻼ ﺯﻭﺍﺝ ﻭﺍﻟﻌﻤﺮ ﻳﻤﺸﻲ .. ﺑﺲ ﻫﺎﺟﺲ ﺣﺴﻦ ﺑﻘﻰ ﻣﺤﺎﻭﻃﻬﺎ ﺣﺘﻰ ﺭﺍﺳﺎﺋﻠﻪ ﻭﺍﻟﻬﺪﺍﻳﺎ ﺑﻘﺖ ﻣﺤﺘﻔﻈﻪ ﺑﻴﻬﻦ ..
ﺭﺿﺎﺀ ﻛﻤﻠﺖ ﺷﻐﻞ ﺍﻟﺒﻴﺖ ﺑﻌﺪ ﻣﺎﺧﻠﺺ ﺍﻟﻌﻘﺪ ﻭﻛﻠﻬﺎ ﺭﺍﺣﺖ ﺍﻟﻐﺮﻓﻬﺎ ﺭﺩﺕ ﺍﻃﻠﻊ ﻣﻦ ﺍﻟﻤﻄﺒﺦ .. ﻭﺷﻔﺖ ﻋﻤﺘﻲ ﻟﻤﻴﻌﺔ ﺗﺮﻛﺾ ﻟﻠﺤﻮﺽ ﻭﺗﺘﻘﻴﺄ .. ﻭﻋﻤﻲ ﺻﺎﻟﺢ ﻭﺭﺍﻫﺎ ..بيج قصص عراقيه حقيقيه من واقعنا.روعه الطائي
ﺷﺒﻴﺞ ﻟﻤﻴﻌﺔ ﻣﺎﻛﻠﻪ ﺷﻲ .
ﻻ ﺣﺘﻰ ﻣﺎﺗﻌﺸﻴﺖ ﻣﻦ ﺍﻟﺮﻛﻀﻪ .. ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ
ﺍﺗﻘﺮﺑﺖ ﻋﻠﻴﻬﻢ .. ﻋﻤﺔ ﺑﻴﺞ ﺷﻲ ؟؟
ﻋﺎﻳﻦ ﻋﻠﻴﻪ ﻋﻤﻲ .. ﺑﻮﻳﻪ ﺭﺿﻮﺓ ﺳﻮﻱ ﺍﻟﻌﻤﺘﺞ ﻧﻮﻣﻲ ﺑﺼﺮﻩ ﺭﺍﺳﻬﺎ ﻭﻣﻌﺪﺗﻬﺎ ﻳﻮﺟﻌﻨﻬﺎ ..
ﻭﺷﻮﻓﻴﻠﺞ ﺣﺒﺎﻳﻪ ﻣﺎﻝ ﻣﻌﺪﺓ ﺑﺪﻭﺓ ﺟﺪﺝ ..
ﺭﺣﺖ ﻓﻮﺭﺕ ﻧﻮﻣﻲ ﺑﺼﺮﺓ ﻭﺭﺣﺖ ﻟﻠﺪﻳﻮﺍﻧﻴﺔ ﺟﺪﻱ ﺟﺎﻥ ﻧﺎﻳﻢ ﻃﻠﻌﺖ ﺩﻭﺍﻩ ﺍﻧﻲ ﺍﻋﺮﻓﺔ ﻻﻥ ﺍﻧﻲ ﺍﻧﻄﻴﻪ ﺑﻴﺪﻱ ..
ﺍﺧﺬﺗﻠﻬﺎ ﺍﻟﻤﺎﻱ ﻭﺍﻟﻨﻮﻣﻲ ﺑﺼﺮﺓ ﻟﻠﻐﺮﻓﺔ ..
ﺳﻤﻌﺖ ﻋﻤﻲ ﻳﮕﻠﻬﺎ ﺑﺎﺟﺮ ﺍﺧﺬﺝ ﻟﻠﻤﺴﺘﺸﻔﻰ ..
ﺍﺧﺬﺕ ﻧﻔﺲ ﻭﮔﺎﻟﺘﻠﻪ .. ﺻﺎﻟﺢ ﺍﺿﻦ ﺍﻧﻲ ﺣﺒﻠﻪ . .
ﺷﻬﮓ ﺻﺪﻙ ﻭﺷﻤﺪﺭﻳﺞ ؟؟
ﺻﺎﺭﻟﻲ ﻓﺘﺮﺓ ﺣﺎﺳﺔ ﻋﻠﻰ ﺭﻭﺣﻲ ﺑﺲ ﺍﺳﺘﺤﻴﺖ ﺍﺣﺠﻲ
ﻭﻟﻴﺶ ﺗﺴﺘﺤﻴﻦ ﻫﺬﺍ ﺭﺯﻕ ﻭﮔﺎﻡ ﻳﻀﺤﻚ ..
ﺍﺳﻜﺖ ﻻﺗﻔﻀﺤﻨﺎ ﻟﻮ ﻳﺴﻤﻌﻚ ﻭﺍﺣﺪ ﺧﻠﻲ ﺍﻣﺸﻲ ﻟﻠﺠﺪﺓ ﺑﺎﺟﺮ ﻭﺍﺗﺎﻛﺪ ..
ﺩﮔﻴﺖ ﺍﻟﺒﺎﺏ ﻭﺩﺧﻠﺖ ﺳﻜﺘﻮﺍ ﻭﻭﺍﺣﺪ ﻳﻌﺎﻳﻦ ﻋﻠﻰ ﺍﻟﺜﺎﻧﻲ ..
ﮔﺎﻟﺖ ﺍﺧﺬﻱ ﺍﻟﺤﺒﺎﻳﻪ ﻣﺎﺍﺭﻳﺪﻫﺎ ﺍﻧﻄﻴﻨﻲ ﺑﺲ ﺟﺎﻱ ..
ﺟﺎﻧﺖ ﻫﺎﺩﻳﻪ ﻣﻮ ﻋﻮﺍﻳﺪﻫﺎ .. ﻭﻋﻤﻲ ﻳﻀﺤﻚ ﺑﻴﻨﻪ ﻭﺑﻴﻦ ﻧﻔﺴﻪ ..
ﺍﺑﺘﺴﻤﺖ ﻻﺍﺭﺍﺩﻳﺎ ﻋﻠﻰ ﺷﻜﻠﻬﻢ ﻭﺟﻨﻬﻢ ﻣﺮﺍﻫﻘﻴﻦ ﻭﺑﺎﻳﮕﻴﻦ ﺑﻮﮔﺔ .. ﺳﺎﻟﻔﺔ ﻋﻤﻲ ﻫﻮ ﺭﺯﻕ ﻭﻣﻬﻤﺎ ﻳﻜﻮﻥ ﺍﻟﻌﻤﺮ ﺑﻌﺪ ﻟﻴﺶ ﻣﺴﺘﺤﻴﺔ ﻣﺎﺍﺩﺭﻱ ..
ﻃﻠﻌﺖ ﺑﻮﺟﻬﻲ ﻟﻠﻐﺮﻓﺔ ﺣﻜﻤﺖ ﻧﺎﻳﻢ ﻃﻠﻌﺖ ﻫﺪﻭﻡ ﺭﺣﺖ ﺳﺒﺤﺖ ﻭﻃﻠﻌﺖ .. ﻋﺎﻳﻨﺖ ﻋﻠﻰ ﻏﺮﻓﺔ ﻣﻬﺪﻱ ﻭﺑﺘﻮﻝ .. ﺍﻱ ﻫﻤﺰﻳﻦ ﻧﺎﻳﻢ .. ﺭﺣﺖ ﻟﻠﻤﻄﺒﺦ ﻟﮕﻴﺖ ﻋﻤﺘﻲ ﺗﺤﻈﺮ ﺑﺎﻟﺴﺤﻮﺭ ﮔﻤﺖ ﺍﺳﺎﻋﺪﻫﺎ .. ﺟﺪﻱ ﻣﺜﻞ ﻋﻤﻮ ﻓﺎﺭﺱ ﺍﻻ ﺗﻤﻦ ﻭﺭﻭﺑﻪ ﺑﺎﻟﺴﺤﻮﺭ .. ﻛﻤﻠﻨﺎ ﺍﻟﺴﺤﻮﺭ ﺭﺍﺣﺖ ﻋﻤﺘﻲ ﺗﺪﮒ ﺑﺎﻟﺒﻴﺒﺎﻥ ﺗﮕﻌﺪﻫﻢ .. ﮔﻌﺪﻥ ﻭﺩﺍﺩ ﻭﺳﺪﺍﺩ ﻭﻳﺎﻱ ﻳﻌﺎﻭﻧﻨﻲ ..
ﻃﻠﻊ ﻣﻬﺪﻱ ﻣﻦ ﺍﻟﻐﺮﻓﻪ ﻋﺎﻳﻦ ﻋﻠﻴﻪ ﺿﺎﻳﺞ ﺩﺭﺕ ﻭﺟﻬﻲ ﻣﺎﺍﻫﺘﻤﻴﺖ ..
ﻓﺮﺷﻨﺎ ﺍﻟﺤﺼﻴﺮﺓ ﺑﻮﺳﻂ ﺍﻟﺴﺎﺣﺔ ﻭﺍﻟﺴﻔﺮﺓ ﻋﻠﻰ ﻃﻮﻟﻬﺎ ..
ﻛﻠﻨﺎ ﮔﻌﺪﻧﺎ ﺩﺍﻳﺮ ﻣﺎﺩﺍﻳﺮﻫﺎ ﻭﻋﻤﺘﻲ ﻣﺨﻠﻴﻪ ﺍﻟﺠﻮﻟﺔ ﻋﻠﻰ ﺟﻬﺔ ﻭﻋﻠﻴﻬﺎ ﺍﻟﺠﺎﻱ .. ﺍﺟﻮﺍﺀ ﺭﻣﻀﺎﻥ ﺣﻠﻮﺓ ﻭﺧﺎﺻﻪ ﺍﺫﺍ ﻟﻤﺔ .. ﮔﻌﺪ ﺟﺪﻱ ﻳﻮﺻﻲ ﺑﻴﻨﺎ ﻧﺘﺮﻙ ﺍﻟﺰﻋﻞ ﻭﺍﻟﺤﻘﺪ ﻭﺍﻟﻤﺸﺎﻛﻞ ﻫﺬﺍ ﺍﻟﺸﻬﺮ ﻧﺘﻔﺮﻍ ﺍﻟﻌﺒﺎﺩﺓ ﺍﻟﻠﻪ ﻻﻥ ﻫﺎﻱ ﺍﻻﻳﺎﻡ ﺍﻟﻜﺮﻳﻤﺔ ﻣﺎﺗﺘﻌﻮﺽ ﻭﻳﻮﻡ ﻭﺍﺣﺪ ﺍﺫﺍ ﻓﺎﺗﻨﺎ ﻧﺘﻨﺪﻡ ﺍﻟﻌﻤﺮ ﻛﻠﻪ
ﺟﺎﻥ ﻛﻼﻣﺔ ﺣﻠﻮ ﻭﻳﻘﺸﻌﺮ ﺍﻟﺒﺪﻥ ..
ﻭﺧﺎﺻﺔ ﻣﻦ ﻳﺬﻛﺮﻟﻨﺎ ﺍﺣﺎﺩﻳﺚ ﺍﻟﻨﺒﻲ ﻭﺍﻻﺋﻤﺔ .. ﺑﻌﺪ ﻣﺎﻛﻤﻠﻨﺎ ﻭﺷﺮﺑﻨﺎ ﺍﻟﺠﺎﻱ ﮔﻤﺖ ﺍﻧﻲ ﻭﺍﻟﺒﻨﺎﺕ ﻟﻠﻤﻄﺒﺦ ﻏﺴﻠﻨﺎ ﺍﻟﻤﺎﻋﻴﻦ ﻭﻧﻀﻔﻨﺎ ﺍﻟﻤﻄﺒﺦ ..
ﺻﺎﺡ ﺟﺪﻱ ﻳﻠﻪ ﺑﻮﻳﻪ ﺗﺰﻫﺒﻮﺍ ﻟﻠﺼﻼﺓ ﻭﺍﺷﺮﺑﻮﺍ ﻣﺎﻱ ﺍﻧﻲ ﺭﺍﻳﺢ ﻟﻠﺠﺎﻣﻊ ﺍﻭﺫﻥ ﻭﺍﺻﻠﻲ ﻭﺍﺟﻲ .. ﺻﺎﻟﺢ ﻫﺎﺩﻱ ﻳﻠﻪ ﺑﻮﻳﻪ ﻫﻤﻮﺍ ﺍﺩﻳﻜﻢ ..
ﮔﻤﺖ ﺍﺷﺘﻐﻞ ﺳﺮﻳﻊ ﺣﺘﻰ ﺍﺭﻭﺡ ﺍﻗﺮﺍﻟﻲ ﻛﻢ ﺳﻮﺭﺓ ﺑﻴﻦ ﻣﺎﻳﺄﺫﻥ ﺟﺪﻱ .. ﻋﻤﺘﻲ ﻭﺍﻟﺒﻨﺎﺕ ﻛﻠﻤﻦ ﺩﺧﻠﺖ ﺍﻟﻐﺮﻓﺘﻬﺎ .
ﻃﻔﻴﺖ ﺍﻟﻀﻮﺓ ﻭﺩﺧﻠﺖ ﻟﻠﻐﺮﻓﺔ ..
ﻓﺮﺷﺖ ﺍﻟﺴﺠﺎﺩﺓ ﻭﺷﻌﺮﻱ ﺑﻤﻠﻞ ﺑﻌﺪﺓ ﮔﺎﻋﺪﺓ ﺍﻧﺸﻒ ﺑﻲ ﺣﺘﻰ ﺍﻟﺒﺲ ﺟﺎﺩﺭ ﺍﻟﺼﻼﺓ ..
ﻭﻣﺎﺍﺣﺲ ﺍﻻ ﺍﻟﺒﺎﺏ ﺍﻧﻔﺘﺤﺖ .. ﺷﻬﮕﺖ ﻣﻦ ﺷﻔﺘﻪ ..
- ﻣﻬﺪﻱ ؟؟ ﺷﺮﺍﻳﺪ .
ﺍﺑﺘﺴﻢ ﺍﺭﻳﺪ ﺣﻘﻲ ..
ﻻ ﺣﺒﺎﺏ ﺍﻻﺫﺍﻥ ﺭﺍﺡ ﻳﺄﺫﻥ ﻭﺑﺎﺟﺮ ﻻﺯﻡ ﺍﺻﻮﻡ .. ﺣﺮﺍﻡ
- ﺻﻮﺟﺞ ﻟﻮ ﺍﻟﺒﺎﺭﺣﺔ ﻣﺎﻗﺸﻤﺮﺗﻲ ﻋﻠﻴﻪ ﺟﺎﻥ ﻣﺎﻋﺎﻗﺒﺘﺞ ﺍﻟﻴﻮﻡ
- ﻟﻴﺶ ﺗﺘﻌﻤﺪ ﺗﺴﻮﻱ ﺑﻴﻪ ﻫﻴﺞ ﺷﺴﻮﻳﺘﻠﻚ . ﺭﻭﺡ ﺍﻟﻤﺮﺗﻚ ﺑﻠﻪ ﺣﺴﺖ ﺑﺘﻮﻝ ..
- ﮔﻠﺘﻠﻬﺎ ﺭﺍﻳﺢ ﻟﻠﺠﺎﻣﻊ ﻣﺎﺗﺴﺄﻝ ..
ﺍﺗﻘﺮﺏ ﻣﻨﻲ ﺭﺩﺕ ﺍﺷﺮﺩ ﻣﻨﻪ ﻟﺰﻣﻨﻲ ﺑﺴﺮﻋﻪ ﻣﻦ ﺷﻌﺮﻱ ﺳﺤﺒﻪ ﺍﻟﺨﺸﻤﺔ .. ﺍﻭﻭﻭﻭﻑ ﻣﺒﻠﻞ ﺳﻬﻠﺘﻲ ﻋﻠﻴﻪ ﺍﻟﻮﺿﻊ..بيج قصص عراقيه حقيقيه من واقعنا.روعه الطائي
ﺻﺢ ﻣﺎﺍﺣﺒﺞ ﻭﻣﻦ ﺍﺗﺬﻛﺮ ﻋﻤﻠﺘﺞ ﺍﻛﺮﻫﺞ .. ﺑﺲ ﺑﻴﺞ ﻣﻴﺰﺓ ﻛﻠﻨﺎ ﺗﻜﺒﺮﻳﻦ ﺗﺤﻠﻮﻳﻦ ﺟﺴﻤﺞ ﻭﻛﻠﺸﻲ ﺑﻴﺞ ﻳﺴﺤﺮﻧﻲ ﺫﺑﻠﻦ ﻋﻴﻮﻧﺔ ﻭﺑﻌﺾ ﺑﺸﻔﺘﻪ ﻧﺰﻟﺖ ﺩﻣﻮﻋﻲ ﺑﺘﻮﺳﻞ ﻭﺍﻧﻲ ﺍﺩﻓﻊ ﺑﻲ .. ﻻﺍﮔﺪﺭ ﺍﺻﻴﺢ ﻣﻨﺎ ﺣﻜﻤﺖ ﻧﺎﻳﻢ ﻭﻻﺍﮔﺪﺭ ﺍﻗﺎﻭﻡ ﻫﻮ ﺍﺿﺨﻢ ﻣﻨﻲ .. ﻳﻮﻡ ﻋﻦ ﻳﻮﻡ ﻳﺠﺮﺣﻨﻲ ﺍﻛﺜﺮ ..
ﺟﺮﺩﻧﻲ ﻣﻦ ﻣﻼﺑﺴﻲ ﺑﻘﻮﺓ ﻭﺍﻧﻲ ﺗﺘﻮﺳﻞ ﺑﻲ ﻭﮔﻠﺘﻠﻪ ﺷﺘﺮﻳﺪ ﺳﻮﻱ ﺑﺲ ﻣﻮ ﻫﺴﺎ ﺍﻻﺫﺍﻥ ﺭﺍﺡ ﻳﺄﺫﻥ . .
ﺑﺲ ﺟﺎﻥ ﻣﺎﻳﺸﻮﻑ ﮔﺪﺍﻣﺔ ﺑﺲ ﻏﺮﻳﺰﺗﻪ .. ﺧﻼﻧﻲ ﺑﺎﻟﮕﺎﻉ ﻻﻥ ﺣﻜﻤﺖ ﻧﺎﻳﻢ ﻉ ﺍﻟﺠﺮﺑﺎﻳﻪ ﻭﻳﻬﻤﺲ ﺍﺳﻜﺘﻲ ﻻﻳﮕﻌﺪ ﺍﺑﻨﺞ ﻭﻳﺸﻮﻓﺞ ﺑﻬﻴﺞ ﻭﺿﻌﻴﻪ ﻭﻻﺗﺼﺪﮔﻴﻦ ﺍﮔﻮﻡ ..
ﺗﺨﻠﻴﻪ ﻳﻌﺎﻳﻦ ﻟﻴﻦ ﻣﺎﺍﻛﻤﻞ .. ﺳﻮﻩ ﺍﻟﻲ ﻳﺮﻳﺪﻩ ﻭﺍﺧﺬ ﻏﺎﻳﺘﻪ ﻭﺑﻨﻔﺲ ﺍﻟﻠﺤﻈﺔ ﺍﺫﻥ ﺍﻻﺫﺍﻥ ﻣﺎﺍﺗﺤﻤﻠﺖ ﻭﮔﻤﺖ ﺍﺷﻬﮓ ﻭﺍﺿﺮﺏ ﺑﻲ .. ﻛﻤﻞ ﻭﻋﻴﻮﻧﻪ ﺑﻌﻴﻨﻲ .. ﺭﻓﻀﺞ ﺍﻟﻲ ﻳﺰﻳﺪ ﺷﻐﻔﻲ ﻛﻠﻤﺎ ﺗﻌﺎﻧﺪﻳﻦ ﻭﺗﻤﺘﻨﻌﻴﻦ ﺗﺠﺬﺑﻴﻨﻲ ﺍﻛﺜﺮ ﺍﺣﺐ ﺍﻟﻤﺮﺓ ﺍﻟﺸﺮﺳﺔ ﺑﺎﻟﻔﺮﺍﺵ ..
ﺿﺤﻚ ﻭﺑﺪﻝ ﻭﻃﻠﻊ ﻭﺧﻼﻧﻲ ﺑﺎﻟﮕﺎﻉ ﺍﺑﺠﻲ ﻭﺍﻟﻄﻢ .. ﺍﺳﻤﻊ ﺍﻻﺫﺍﻥ ﻭﺻﻮﺕ ﺟﺪﻱ ﻭﺍﺑﺠﻲ .. ﻭﻳﻨﻚ ﺟﺪﻱ ﻟﻴﺶ ﻫﻴﺞ ﻇﻠﻤﺘﻨﻲ .. ﺭﺍﺡ ﻣﻨﻲ ﺍﻭﻝ ﻳﻮﻡ .. ﻣﻮ ﺍﻧﺖ ﺗﮕﻮﻝ ﻫﺎﻟﻴﻮﻡ ﻣﺒﺎﺭﻙ ﺭﺍﺡ ﻣﻨﻲ ﻭﺭﺍﺣﺖ ﺑﺮﻛﺘﻪ ..
ﺑﺠﻴﺖ ﻭﺑﺠﻴﺖ ﻟﻤﻦ ﺗﻌﺒﺖ .. ﺗﺎﻟﻲ ﺭﺣﺖ ﻟﻠﺤﻤﺎﻡ ﺑﺴﺮﻋﻪ ﺳﺒﺤﺖ ﻭﺷﻄﻔﺖ ﻭﺍﻧﻲ ﺍﺳﺘﻐﻔﺮ ﺭﺑﻲ ..
ﺭﺟﻌﺖ ﺻﻠﻴﺖ ﺍﻟﺼﺒﺢ ﻭﻧﻮﻳﺖ ﺍﻣﺴﻚ ﻃﻮﻝ ﺍﻟﻴﻮﻡ ﻻﻥ ﺍﻟﻲ ﺻﺎﺭ ﻣﻮﺫﻧﺒﻲ ﻣﺠﺒﻮﺭﺓ ﻋﻠﻴﻬﺎ .. ﺑﺲ ﺑﺪﺍﺧﻠﻲ ﺣﻘﺪﺕ ﺍﻛﺜﺮ ﻋﻠﻴﻪ ﻭﺻﺎﺭ ﺑﺎﻟﻨﺴﺒﺔ ﺍﻟﻲ ﻧﻘﻄﻪ ﺳﻮﺩﺓ ﺑﺤﻴﺎﺗﻲ ﻻﺍﻛﺜﺮ ..
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ