ﺍﺳﻌﺪ ﺍﻟﻠﻪ ﺍﻭﻗﺎﺗﻜﻢ ﺑﻜﻞ ﺧﻴﺮ ﺍﺣﺒﺘﻲ ❤
‏( 15 ‏)
# ﺣﻜﻤـﺔ _ ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﻭﺑﻴﻮﻡ ﺣﻤﺪﻳﺔ ﺟﺎﻧﺖ ﻭﻱ ﺍﻟﻌﻠﻮﻳﺎﺕ ﺑﺎﻟﺘﺮﻙ ﻭﺍﮔﻔﻪ ﺗﺨﺒﺰ ..
ﺳﻤﻌﺖ ﺻﻮﺕ ﺻﻴﺎﺡ ﺭﺿﻮﻩ ﺍﻧﻬﺪ ﺣﻴﻠﻬﺎ ﻭﻭﮔﻌﺖ ﺍﻟﺨﺒﺰﺓ ﺑﺎﻟﺘﻨﻮﺭ .. ﺿﺎﻕ ﻧﻔﺴﻬﺎ ﻭﺻﺎﺣﺖ ﻓﺎﺭﺱ ..
ﺧﻠﺖ ﻛﻠﺸﻲ ﻣﻦ ﺍﻳﺪﻫﺎ ﻭﺭﺍﺣﺖ ﺗﺮﻛﺾ .. ﺷﺎﻓﺖ ﺭﺿﺎﺀ ﺗﺒﺠﻲ ﻭﺍﻟﻌﻠﻮﻳﺔ ﺗﻬﺪﻱ ﺑﻴﻬﺎ ﻭﻭﺩﺍﺩ ﻳﻤﻬﺎ ﻫﻢ ﺗﺒﺠﻲ ..
ﺻﺎﺣﺖ .. ﺷﺒﻴﺠﻦ ﻣﻨﻮ ﺍﻟﻤﺎﺕ ..
ﺷﻬﮕﺖ ﺭﺿﺎﺀ ﻭﺻﺎﺣﺖ ﻋﻤﺔ ﻛﺮﺍﺭ ﻛﺮﺍﺭ ..
ﻭﮔﻌﺖ ﺣﻤﺪﻳﺔ ﻣﻦ ﻃﻮﻟﻬﺎ ﻭﺩﻭﺭ ﺍﻟﺘﻬﻮﺍ ﺑﻴﻬﺎ .. ﻃﺸﻦ ﻉ ﻭﺟﻬﻬﺎ ﻣﺎﻱ ﻭﮔﻌﺪﻧﻬﺎ ..
ﺩﻣﻮﻋﻬﺎ ﻧﺰﻟﺖ ﻭﻟﺠﻦ ﺷﻠﻮﻥ ﻣﺎﺕ ..
ﺭﺩﺕ ﻋﻠﻴﻬﺎ ﻣﺮﺕ ﺳﻴﺪ ﻫﺎﺷﻢ .. ﻻﺗﺨﺎﻓﻴﻦ ﺧﻴﺔ ﮔﻮﻟﻲ ﻳﺎﻟﻠﻪ ﻭﺍﺩﻋﻴﻠﺔ ﻣﺎﺑﻲ ﺷﻲ ..
ﻓﺘﺤﺖ ﻋﻴﻨﻬﺎ .. ﻟﻴﺶ ﻫﻮ ﻣﺎﻣﺎﺕ ..
- ﻻﺧﻴﺔ ﺑﺲ ﺳﻤﻌﻨﺎ ﻣﺘﺼﻮﺏ ﻭﺑﺎﻟﻤﺴﺘﺸﻔﻰ ﻭﻣﺎﻋﻨﺪﺓ ﺭﻗﻢ ﻳﺨﺎﺑﺮ ﺑﺲ ﺑﻴﺖ ﺟﺪﺓ ﺑﺎﻟﻨﺎﺻﺮﻳﺔ ..
ﻭﺭﺍﻳﺤﻴﻠﺔ ﻭﻣﺎﮔﺎﻳﻠﻴﻦ ﺍﻟﺤﺠﻲ ﺧﻀﻴﺮ ﻭﺍﺑﻮﻩ ..
ﻭﻣﻦ ﺳﻤﻊ ﺍﻟﺤﺠﻲ ﺗﺴﻮﺩﻥ ..
ﺑﺠﺖ ﺣﻤﺪﻳﺔ .. ﻭﺳﻮﺩﺓ ﻋﻠﻴﻪ ﻫﺎﺩﻱ ﺭﺍﺡ ﻳﺪﻭﺭ ﻋﻠﻴﻬﺎ ﻭﻣﺎﻳﺪﺭﻱ ﺑﻲ ﻣﺘﺼﺎﻭﺏ ﻋﻤﺖ ﻋﻴﻨﻲ ﻋﻠﻴﻚ ﻋﻤﺔ ..
ﻭﻟﺪ ﻫﺎﺩﻱ ﻣﺎﻋﻨﺪﻫﻢ ﺣﻆ ﺑﻬﺎﻟﺪﻧﻴﺎ .. ﺍﻻﻭﻝ ﺑﻌﺪﺓ ﻣﺜﻞ ﺍﻟﻮﺭﺩ ﻭﺭﺍﺡ ﻭﻫﺬﺍ ﻣﺎﻧﻌﺮﻑ ﺍﺫﺍ ﺯﻳﻦ ﻟﻮ ﻻ ..
ﻟﻴﺶ ﻫﻴﺞ ﻳﺮﺑﻲ ﺑﺜﻴﻨﺔ ﺭﺍﺣﺖ ﻭﺍﺭﺗﺎﺣﺖ ﻭﻣﻜﺘﻮﺑﻠﻲ ﺍﺻﻴﺮ ﺑﺜﻴﻨﺔ ﺍﻟﺜﺎﻧﻴﺔ ..
ﻫﺪﺃﺗﻬﺎ ﺍﻟﻌﻠﻮﻳﺔ ﻭﮔﺎﻟﺘﻠﻬﺎ ﺍﺳﺘﻐﻔﺮﻱ ﺭﺑﺞ ﻣﺎﻳﺼﻴﺮ ﺗﮕﻮﻟﻴﻦ ﻫﻴﺞ ﻛﻠﺸﻲ ﺑﺄﻣﺮ ﺍﻟﻠﻪ ﻭﻻﺍﻋﺘﺮﺍﺽ ﻋﻠﻰ ﺣﻜﻤﺔ ..
ﺭﺿﺎﺀ ..
ﺟﺪﻱ ﺟﺎﻥ ﻳﻠﻮﺏ ﺑﺴﺒﺐ ﻋﻤﻠﺔ ﺍﺟﺪﺍﺩﻫﻢ ﺑﺎﻟﻨﺎﺻﺮﻳﺔ ﻭﺷﻠﻮﻥ ﺿﻤﻮﺍ ﺍﻟﺴﺎﻟﻔﻪ ﻭﻣﺎﮔﺎﻟﻮﺍ .. ﺟﺎﻧﻮﺍ ﻧﺎﻭﻳﻦ ﻳﺎﺧﺬﻭﻩ ﻳﻤﻬﻢ ..
ﻣﻦ ﺳﻤﻌﺖ ﺍﻟﺨﺒﺮ ﻭﺷﻔﺖ ﺩﻣﻮﻉ ﺟﺪﻱ ﺗﻮﻗﻌﺖ ﻣﺎﺕ ﺻﺮﺧﺖ ﻭﻣﺎﺣﺴﻴﺖ ﺑﺮﻭﺣﻲ .. ﻭﻋﻤﺘﻲ ﺳﻮﺩﺓ ﻋﻠﻴﻪ ﻭﮔﻌﺖ ﻣﻦ ﻃﻮﻟﻬﺎ ﻋﺒﺎﻟﻬﺎ ﻣﺎﺕ ..
ﺑﺲ ﮔﻠﺒﻲ ﻣﺎﻛﻠﻨﻲ ﻋﻠﻴﻪ ﻭﻣﺎﻧﻌﺮﻑ ﺣﺎﻟﺘﻪ ﺷﻨﻲ .. ﺯﻳﻦ ﻟﻮ ﻣﻮ ﺯﻳﻦ ..
ﻳﻜﺴﺮﻭﻥ ﺧﺎﻃﺮﻱ ﻛﻠﺶ ﻣﻦ ﺻﻐﺮﻫﻢ ﻣﺎﺷﺎﻓﻮﺍ ﺣﻨﺎﻥ ﺍﻻﻡ ﻭﻻﺍﻫﺘﻤﺎﻡ ﺍﻻﺑﻮ .. ﺑﺲ ﻋﻤﺘﻲ ﺣﻤﺪﻳﺔ ﺟﺎﻧﺖ ﻣﺪﺍﺭﻳﺘﻬﻢ ﻭﻋﻴﻨﻬﺎ ﻋﻠﻴﻬﻢ .. ﻭﺟﺪﻱ ﻫﻢ ﺟﺎﻥ ﻳﻌﺎﻣﻠﻬﻢ ﻣﻌﺎﻣﻠﺔ ﺧﺎﺻﻪ ﻳﺨﺎﻑ ﻋﻠﻴﻬﻢ ﻳﻨﻜﺴﺮﻭﻥ .. ﺣﺘﻰ ﻛﺮﺍﺭ ﻣﻦ ﺭﺍﺩ ﻛﻠﻴﺔ ﻋﺴﻜﺮﻳﺔ ﻣﺎﺍﻋﺘﺮﺽ ﻭﻻﺣﺠﺔ ﻻﻥ ﻣﺎﻳﺮﻳﺪ ﻳﻀﻐﻂ ﻋﻠﻴﻬﻢ ..
ﻭﺻﺎﺭ ﺍﻟﻲ ﺣﺎﻥ ﺧﺎﻳﻒ ﻣﻨﻪ ﺟﺪﻱ ..
ﺍﺫﻛﺮ ﮔﺎﻟﺔ ..
ﺑﻮﻳﺔ ﺍﺣﻨﺔ ﺑﻠﺪﻧﺎ ﻛﻠﻬﺎ ﺣﺮﻭﺏ ﻭﻣﺎﺗﺨﻔﺖ ﻧﺎﺭ ﺍﻟﺤﺮﺏ ﺑﻌﺪ ﻭﺍﻧﻲ ﺧﺎﻳﻒ ﻋﻠﻴﻚ ﻻﺗﺮﻭﺡ ﻣﻨﻲ ﻭﺍﻟﻠﻪ ﻣﺎﺑﻴﻪ ﺍﺣﻤﻞ ﺧﺴﺎﺭﺓ ﻭﺍﺣﺪ ﺑﻴﻜﻢ ﺑﻌﺪ ﻛﺎﻓﻲ ﺍﻟﻲ ﺭﺍﺣﻮﺍ ﻣﻨﻲ ..
ﺭﺩ ﻛﺮﺍﺭ .. ﺟﺪﻱ ﻫﻮﺍﻱ ﺷﺒﺎﺏ ﺟﺒﺮﻭﻫﺎ ﻭﺍﺧﺬﻭﻫﺎ ﻟﻠﺤﺮﺏ ﺑﺤﺠﺔ ﺍﻋﻤﺎﺭﻫﻢ ﻣﺴﺘﺤﻘﺔ ﻳﻌﻨﻲ ﺣﺘﻰ ﻟﻮ ﻣﺎﺭﺣﺖ ﺭﺍﺡ ﻳﺎﺧﺬﻭﻧﻲ ﻧﺴﻴﺖ ﻣﻬﺪﻱ ﻣﻦ ﺍﺧﺬﻭﺍ ﻋﻠﻰ ﻋﻤﺮﺓ ﻭﺗﺎﻟﻲ ﺗﺼﻮﺏ ﻭﺭﺟﻠﺔ ﻟﺴﺎ ﻳﮕﺰﻝ ﺑﻴﻬﺎ ﻭﻣﺎﻳﮕﺪﺭ ﻳﻤﺸﻲ ..
ﺍﻧﺖ ﺟﻨﺖ ﺗﺬﻛﺮﻟﻨﺎ ﺩﻭﻡ ﺍﻻﻳﺔ ﺍﻟﻘﺮﺁﻧﻴﺔ ‏( ﺃﻳﻨﻤﺎ ﺗﻜﻮﻧﻮﺍ ﻳﺪﺭﻛﻜﻢ ﺍﻟﻤﻮﺕ ﻭﻟﻮ ﻛﻨﺘﻢ ﻓﻲ ﺑﺮﻭﺝ ﻣﺸﻴﺪﺓ .. ‏)
ﺟﺪﻱ ﻣﺎﮔﺪﺭ ﺑﻌﺪ ﻳﺤﺠﻲ ﻭﺧﻼﻩ ﻋﻠﻰ ﻫﻮﺍﻩ .. ﻛﻠﻨﺎ ﮔﺎﻋﺪﻳﻦ ﺑﺎﻟﻬﻮﻝ ﻭﻣﺎﻟﻨﺎ ﻧﻔﺲ ﺣﺘﻰ ﻟﻼﻛﻞ .. ﺍﻟﻌﻠﻮﻳﺎﺕ ﻳﺤﻴﺮﻥ ﺷﻴﺴﻮﻥ ﻭﻳﺨﻠﻦ ﺑﺲ ﻣﺎﻟﻨﺎ ﺧﻠﮓ ..
ﺍﺷﻮﻑ ﻭﺩﺍﺩ ﺗﺤﻮﻡ ﺑﺎﻟﺒﻴﺖ . ﺣﺴﻴﺖ ﺑﻴﻬﺎ ﻣﺸﺘﺎﻗﺔ ﺍﻟﺮﺟﻠﻬﺎ ﺻﺢ ﻫﻲ ﺗﺨﻄﺄ ﻫﻮﺍﻱ ﺑﺲ ﻛﺴﺮﺕ ﺧﺎﻃﺮﻱ ..
ﻣﺎﻣﺠﺮﺑﺔ ﻫﺎﻟﺸﻌﻮﺭ ﻭﻣﻦ ﺷﻔﺘﻬﺎ ﻫﻴﺞ ﺣﺴﻴﺖ ﺑﺎﻟﻔﺮﺍﮒ ﺷﻠﻮﻥ ﻳﻜﻮﻥ ..
ﻛﻞ ﺷﻮﻳﺔ ﺗﺪﺯ ﺑﻨﻴﻦ ﺗﻜﻠﻬﺎ ﺭﻭﺣﻲ ﺻﻴﺤﻲ ﺑﺎﺑﺎ ﻭﻻﻥ ﺍﺣﻨﺔ ﻫﻨﺎ ﺑﺎﻟﺒﻴﺖ ﻳﺴﺘﺤﻲ ﻳﻔﻮﺕ .. ﺍﻭ ﻳﺘﻌﻤﺪ ﻣﺎﻳﺠﻲ ..
ﺑﻨﻴﻦ ﺻﺎﺭ ﻋﻤﺮﻫﺎ ﺛﻼﺙ ﺳﻨﻴﻦ ﻭﺣﻜﻤﺖ ﺣﺎﻳﺮ ﺑﻴﻬﺎ ﻛﻠﻤﺎ ﺗﻄﻠﻊ ﻳﺪﺧﻠﻬﺎ ﻻﻥ ﻫﻲ ﻣﺎﺗﺼﺪﮒ ﺍﻟﺒﺎﺏ ﻳﻨﻔﺘﺢ ﺑﺲ ﺗﺮﻳﺪ ﺗﻄﻠﻊ .. ﺍﺷﻮﻓﻪ ﺷﻠﻮﻥ ﻳﻤﻮﺕ ﻉ ﺍﻟﺠﻬﺎﻝ ﻭﻳﻠﻌﺐ ﻭﻳﺎﻫﻢ ﻭﮔﻠﺒﻲ ﻳﺘﮕﻄﻊ ﻋﻠﻴﻪ ﻟﻮ ﻋﻨﺪﺓ ﺍﺧﻮ ﺍﻭ ﺍﺧﺖ ﻣﺎﺟﺎﻥ ﻫﻴﺞ ﺣﺎﻟﻪ ..ﺟﺪﻱ ﻣﺎﺍﺗﺤﻤﻞ ﻭﻃﻠﻊ ﺍﻟﺒﻴﺖ ﺍﻡ ﻫﻴﺜﻢ ﺧﺎﻑ ﻳﺨﺎﺑﺮﻭﻥ ﻣﺮﺓ ﺛﺎﻧﻴﺔ ﻭﻣﻨﺎﻙ ﻳﺸﻮﻑ ﺑﻴﺘﻨﺎ ..
ﮔﺎﻝ ﻟﻮ ﻉ ﺍﻟﺼﺒﺎﺑﺔ ﻫﻢ ﺍﺭﻭﺡ ﺍﮔﻌﺪ ﺑﻲ ﺗﺒﻬﺬﻟﺖ ﺑﻼ ﺑﻴﺘﻲ ..
ﻭﻫﻢ ﺣﻘﺔ ﻓﻠﺸﺔ ﻭﺑﻨﺎﻩ ﺣﺘﻰ ﻧﺮﺗﺎﺡ ﺗﺎﻟﻲ ﺍﺟﺖ ﺍﻟﺤﺮﺏ ﻭﺧﺮﺑﺖ ﻛﻠﺸﻲ ﻭﺑﻌﺪﻫﺎ ﺳﺎﻟﻔﻪ ﻛﺮﺍﺭ ﺧﻠﺘﻪ ﻣﺪﻭﻫﻦ ﻭﻣﺎﻳﻌﺮﻑ ﺷﻴﺴﻮﻱ ..
ﻟﻠﻴﻞ ﺭﺟﻊ ﻣﺜﻞ ﺍﻟﺘﺎﻳﻪ ﻣﺎﻳﻌﺮﻑ ﺷﻴﺴﻮﻱ .. ﺍﻟﺠﻮ ﺑﺎﺭﺩ ﻭﺭﺍﺡ ﻧﺪﺧﻞ ﺑﺂﺫﺍﺭ ﺍﻟﺒﻴﺖ ﺣﺘﻰ ﺷﺒﺎﺑﻴﻚ ﺟﺎﻡ ﻣﺎﺑﻲ ﺷﻠﻮﻥ ﻧﮕﻌﺪ ﺑﻲ .. ﻷﻭﻝ ﻣﺮﺓ ﺍﺷﻮﻑ ﺟﺪﻱ ﻫﻴﺞ .. ﺟﺎﻥ ﺣﻜﻤﺖ ﻳﺠﻴﺒﻠﻲ ﺍﺧﺒﺎﺭﻩ ﻭﻳﻜﻠﻲ ﻳﻤﺔ ﺟﺪﻱ ﺗﻌﺒﺎﻥ ﻛﻠﺶ ﻭﺍﻟﮕﻴﻌﺎﻥ ﻣﺘﺮﻭﻛﺔ ﻭﻓﻠﻮﺳﺔ ﺍﻟﻀﺎﻣﻬﻦ ﺭﺍﺡ ﻳﺨﻠﺼﻦ ﺷﻴﺴﻮﻱ ..
ﻣﺎﺍﺗﺤﻤﻠﺖ ﻣﻦ ﺳﻤﻌﺖ ﺑﺠﺪﻱ ﻫﻴﺞ ﺣﺎﻟﺘﻪ .. ﺣﺎﺟﻴﺖ ﺍﻟﻌﻠﻮﻳﺔ ..
- ﻋﻠﻮﻳﺔ ﺭﺣﻤﺔ ﻷﻫﻠﺞ ﺍﺭﻳﺪ ﺍﺷﻮﻑ ﺟﺪﻱ ﮔﻠﺒﻲ ﻳﻄﻔﻄﻒ ﻋﻠﻴﻪ ..
ﻫﻢ ﺍﻟﻌﻠﻮﻳﺔ ﻣﺎﻗﺼﺮﺕ ﺍﺷﺮﺗﻠﻲ ﺍﺭﻭﺡ ﻭﺭﺍﻫﺎ .. ﻟﺒﺲ ﻋﺒﺎﻳﺔ ﻋﻤﺘﻲ ﻋﻠﻰ ﺭﺍﺳﻲ ﺧﺎﻑ ﺍﺻﺪﻑ ﻭﺍﺣﺪ ﻣﻦ ﺍﻟﺴﺎﺩﺓ ..
ﺩﮔﺖ ﺑﺎﺏ ﺍﻟﺪﻳﻮﺍﻧﻴﺔ ﺍﻟﻌﻠﻮﻳﺔ .. ﻃﻠﻊ ﺳﻴﺪ ﻋﻠﻲ ﺻﺎﺭ ﮔﺒﺎﻟﻲ ﺍﺳﺘﺤﻴﺖ .. ﺩﺍﺭ ﻭﺟﻬﺔ ﻭﺣﺠﺔ ﻭﻱ ﺍﻣﺔ .
ﻫﺎ ﻳﻤﺔ ﺧﻴﺮ ..
ﻳﻤﺔ ﻫﺎﻱ ﺍﻡ ﺣﻜﻤﺖ ﻛﻠﺒﻬﺎ ﻣﺎﺍﻛﻠﻬﺎ ﻋﻠﻰ ﺟﺪﻫﺎ ﺗﺮﻳﺪ ﺗﺸﻮﻓﺔ ..
ﺳﻠﻢ ﻋﻠﻴﻪ .. ﺷﻠﻮﻧﺞ ﺧﻮﻳﺔ ﺍﻡ ﺣﻜﻤﺖ ﺍﻋﺬﺭﻳﻨﻲ ﻣﺎﺳﻠﻤﺖ ﻋﻠﻴﺞ ﻣﺎﻋﺮﻓﺘﺞ .. ﻳﺎﺑﺔ ﺭﺣﻢ ﺍﻟﻠﻪ ﺍﻫﻠﺞ ﻋﻠﻰ ﻫﺎﻟﺘﺮﺑﻴﺔ ..
ﻣﻦ ﺍﺣﺠﻲ ﻭﻱ ﺣﻜﻤﺖ ﻭﺟﻦ ﺍﺣﺠﻲ ﻭﻱ ﺭﺟﺎﻝ ﻣﻮ ﺍﺑﻦ ﻋﺸﺮ ﺳﻨﻴﻦ ﻣﺪﺭﻱ ﺍﺣﺪﻋﺶ ﺳﻨﺔ ..
ﺭﺩﻳﺖ ﻭﺍﻧﻲ ﻣﺘﻠﻔﻠﻔﻪ .. ﻭﺍﻟﺪﻳﻚ ﺑﺎﻟﺮﺣﻤﺔ ﺳﻴﺪ ..
ﻭﺑﺪﺍﺧﻠﻲ ﻓﺮﺣﺎﻧﺔ ﻭﺍﻧﻲ ﺍﺳﻤﻊ ﻫﺎﻟﺤﺠﻲ ﻋﻦ ﻭﺣﻴﺪﻱ ..
ﺳﻮﺍﻟﻨﺎ ﻃﺮﻳﻖ ﻭﺩﺧﻠﺖ ..
ﻟﮕﻴﺖ ﻣﺨﻠﻴﻦ ﺍﻟﻌﺸﺎ ﻭﺟﺪﻱ ﻣﺎﻣﺎﻛﻞ ﻭﻻﻟﮕﻤﺔ ﻭﺟﺎﻥ ﻳﻘﺮﺃ ﻗﺮﺁﻥ .. ﺍﺗﻘﺮﺑﺖ ﺑﺲ ﺭﺍﺳﻪ ﻓﺰ ..
ﻋﺎﻳﻦ ﻋﻠﻴﻪ ﺻﺪﻕ ﺑﺴﺮﻋﻪ ﻭﺑﺎﺱ ﺍﻟﻘﺮﺁﻥ ﻭﺳﺪﺍﻩ ..
ﺍﺑﺘﺴﻢ .. ﺭﺿﻮﺓ ؟؟ ﻫﺎ ﻳﺒﻌﺪ ﺍﺑﻮﻱ ﺷﺠﺎﺑﺞ ﻫﻨﺎ ﻣﻨﺎ ﺍﻟﺴﺎﺩﺓ ﻻﻳﺠﻮﻥ ..
- ﺍﻟﻌﻠﻮﻳﺔ ﺳﻮﺗﻠﻲ ﻃﺮﻳﻖ ﻣﺎﻳﺠﻮﻥ ﻻﺗﺨﺎﻑ .. ﮔﻠﺒﻲ ﺍﻛﻠﻨﻲ ﻋﻠﻴﻚ ﺷﻠﻮﻥ ﺣﺎﻟﻚ .. ﺳﻤﻌﺖ ﺣﺘﻰ ﺍﻻﻛﻞ ﮔﺎﻃﻌﺔ ..
ﺍﺗﻨﻬﺪ ﻭﺍﺳﺘﻐﻔﺮ ﺍﻟﻠﻪ .. ﺑﻴﺞ ﺍﻟﺨﻴﺮ ﻭﺷﻔﺘﻴﻨﻲ .. ﺍﻻ ﺫﻳﺞ ﺍﻟﻜﺎﻃﻌﺔ ﻛﺎﻋﺪ ﺑﺒﻴﺘﻬﺎ ﻣﺎﺍﺟﺖ ﻭﺳﺄﻟﺘﻨﻲ ﺟﺪﻱ ﺷﻤﺤﺘﺎﺝ ﻣﺎﻣﺤﺘﺎﺝ ﻭﻟﺞ ﺭﺿﻮﺓ ﺷﻮﻓﻲ ﺣﺎﻝ ﺟﺪﺝ ﺍﻟﻲ ﺍﻟﻨﺎﺱ ﺟﺎﻧﺖ ﺗﺤﻠﻒ ﺑﺄﺳﻤﺔ ﻣﺎﻳﻮﻡ ﺍﻋﺘﺎﺯ ﻭﺍﺣﺪ ﻭﻻﻛﺎﻝ ﺍﻟﻮﺍﺣﺪ ﺍﻧﻄﻴﻨﻲ ..
ﺍﺍﺍﺥ ﺷﻠﻮﻥ ﻋﻤﻠﺖ ﺑﺮﻭﺣﻲ ﻫﻴﺞ ﻭﻓﻠﺸﺖ ﺑﻴﺘﻲ ﻭﺻﻔﻴﺖ ﺑﺎﻟﺸﺎﺭﻉ ..
- ﻻﺗﮕﻮﻝ ﻫﻴﺞ ﺟﺪﻱ ﺟﺎ ﺍﻧﺖ ﺷﻤﺪﺭﻳﻚ ﻫﻴﺞ ﺭﺍﺡ ﻳﺼﻴﺮ ﺧﻠﺼﺖ ﺍﻟﺤﺮﺏ ﻭﻋﺒﺎﻟﻨﺔ ﺭﺍﺡ ﻧﺮﺗﺎﺡ ﺷﻤﺪﺭﻳﻨﺎ ﺭﺍﺡ ﻧﺪﺧﻞ ﺑﺤﺮﺏ ﺛﺎﻧﻴﺔ ..
- ﻭﻫﺎﻟﺤﺮﺏ ﺧﻠﺼﺖ ﻭﺷﺒﺎﺑﻨﺎ ﺭﺍﺣﺖ ﺑﺲ ﻣﺎﺍﺿﻦ ﻟﻬﻨﺎ ﻭﺗﺨﻠﺺ ..
- ﻟﻴﺶ ﺗﮕﻮﻝ ﻫﻴﺞ ﺟﺪﻱ ..
- ﻣﺎﺍﺩﺭﻱ ﻳﺒﻮﻱ .. ﺍﻟﺒﺎﺭﺣﺔ ﺗﻮﺿﻴﺖ ﻭﻧﻤﺖ ﺗﺪﺭﻳﻨﻲ ﻣﺎﺍﻋﺮﻑ ﺍﻧﺎﻡ ﺍﺫﺍ ﻣﺎﺍﺗﻮﺿﺎ ﺑﺲ ﻫﺎﻟﻤﺮﺓ ﺣﻠﻤﺖ ﺑﻐﻴﻤﺔ ﺳﻮﺩﺓ ﺟﺒﻴﺮﺓ ﺳﺪﺕ ﺍﻟﺸﻤﺲ ﻋﻠﻴﻨﺎ ﺑﻌﺰ ﺍﻟﻨﻬﺎﺭ ..
ﻭﺳﻤﻌﺖ ﺍﻻﺫﺍﻥ ﻳﺄﺫﻥ ﺑﺲ ﺍﻟﻨﺎﺱ ﻣﺨﺒﻮﺻﺔ ﻭﻣﺤﺪ ﺭﺍﺡ ﻟﻠﺼﻼﺓ .. ﻣﺎﺍﺩﺭﻱ ﺷﻨﻲ ﻫﺎﻟﺤﻠﻢ ﺑﺲ ﺻﺪﺭﻱ ﺍﺧﺘﻨﮓ ﺣﻴﻞ ﻭﺗﻀﺎﻳﮓ ﻣﻦ ﮔﻌﺪﺕ ..
- ﺍﻥ ﺷﺎﺀ ﺍﻟﻠﻪ ﺧﻴﺮ .. ﺍﮔﻮﻝ ﻟﻴﺶ ﺭﺣﺖ ﻣﻦ ﺍﻟﺼﺒﺢ ﺍﻟﺒﻴﺖ ﺑﺄﻡ ﻫﻴﺜﻢ .. ﺷﻠﻮﻧﻬﻢ ﻫﻤﺔ ﺍﺟﻮ ﻟﻮ ﺑﻌﺪﻫﻢ ﻣﻦ ﺑﻐﺪﺍﺩ ..
- ﺍﺑﻮ ﻫﻴﺜﻢ ﻭﺍﻟﺒﻨﺎﺕ ﺭﺍﺟﻌﻴﻦ ﺑﻌﺪ ﻣﺎﺍﺩﺭﻱ .. ﺑﻘﻴﺖ ﻛﺎﻋﺪ ﺑﺎﻟﺪﻳﻮﺍﻧﻴﺔ ﻭﺍﻧﺘﻈﺮ ﻭﻣﺤﺪ ﺧﺎﺑﺮ ﺑﺲ ﺧﺎﺑﺮﺕ ﻟﻠﻨﺎﺻﺮﻳﺔ ﻭﻋﺎﺗﺒﺖ ﺍﺑﻮ ﺑﺜﻴﻨﺔ ﻭﺗﻌﺎﺭﻛﺖ ﻭﻳﺎﻩ ﻭﺣﺠﺘﺔ ﻣﺎﻳﻌﺮﻑ ﺭﻗﻢ ﺣﻮﺵ ﺍﺑﻮ ﻫﻴﺜﻢ ﻭﻳﺨﺎﺑﺮﻧﺎ ..
- ﺍﻱ ﻳﻤﻜﻦ ﺻﺪﮒ ﺍﻟﻤﻬﻢ ﻛﺮﺍﺭ ﻳﺮﺟﻌﻠﻨﺎ ﺑﺨﻴﺮ ..
- ﺍﻭﻝ ﻣﺎﻳﺨﻠﺺ ﺍﻟﺒﻴﺖ ﻻﺯﻡ ﺍﺟﺮ ﺧﻂ ﺍﻟﺒﻴﺘﻨﺎ ﻣﺎﺍﺿﻞ ﻫﻴﺞ ﺷﻴﺼﻴﺮ ﻋﻠﻰ ﻭﻳﻼﺩﻱ ﻣﺎﺍﻋﺮﻑ ..
- ﺍﻟﻠﻪ ﻛﺮﻳﻢ .. ﻳﻠﺔ ﺍﻟﺨﺎﻃﺮﻱ ﻣﺪ ﺍﻳﺪﻙ ﻭﺍﻛﻞ ﻓﺸﻠﺔ ﻣﻦ ﺍﻟﺴﺎﺩﺓ ﺷﻴﻜﻮﻟﻮﻥ ﻭﺍﻧﺖ ﻣﺎﺗﺎﻛﻞ ﺯﺍﺩﻫﻢ .. ﻣﻮﺵ ﺍﻧﻲ ﺍﻟﻲ ﺍﻋﻠﻤﻚ ﻫﺎﻟﺴﻮﺍﻟﻒ ﻳﺠﺪﻱ ..
ﺣﻜﻤﺖ ﺣﺠﻰ ﺭﻏﻢ ﺟﺎﻥ ﮔﺎﻋﺪ ﺑﺲ ﻳﺴﺘﻤﻊ ﺍﺑﺪ ﻣﺎﺍﺗﺪﺧﻞ ﺑﺤﺠﻴﻨﺎ ..
- ﺟﺪﻱ ﺍﺫﺍ ﺗﺤﺒﻨﻲ ﺍﻛﻞ ﺗﺮﻯ ﺍﮔﻄﻊ ﺍﻻﻛﻞ ﺍﻧﻲ ﻫﻢ ﻓﺪ ﻧﻮﺑﺔ ﺗﺮﺿﺎﻫﺎ ﺣﻜﻤﺖ ﻭﻟﻴﺪﻙ ﻳﻀﻞ ﺟﻮﻋﺎﻥ ..
ﺍﺑﺘﺴﻢ ﺟﺪﻱ ﺍﺑﺘﺴﺎﻣﺔ ﻣﺎﻝ ﻗﻬﺮ ﻭﺑﺎﻟﮕﻮﺓ ﻃﺎﻟﻌﺔ ..
ﻻ ﻳﺒﻮﻱ ﺭﺍﺡ ﺍﻛﻞ ﺑﺲ ﻣﺪ ﺍﺩﻳﻚ ﺍﻧﺖ ﻭﺍﻣﻚ ﻭﻳﺎﻱ .. ﺍﺭﻳﺪ ﺍﺣﺲ ﺑﻌﺎﻳﻠﺘﻲ ﻣﺜﻞ ﮔﺒﻞ ﻣﻦ ﻧﻨﺠﻤﻊ ..
ﺭﻏﻢ ﺍﻧﻲ ﺷﺒﻌﺎﻧﺔ ﮔﻌﺪﺕ ﺍﻓﻠﺲ ﻭﺍﻭﻛﻠﺔ ﻭﻫﻮ ﺑﺎﻟﻜﻮﺓ ﻳﺒﻠﻊ ﺍﻟﻠﮕﻤﺔ ﻭﻛﻞ ﺷﻮﻳﺔ ﻳﻐﺺ .. ﺑﺲ ﺍﻟﺴﻮﺏ ﺷﺮﺑﺔ ﻛﻠﺔ ..
ﻛﻤﻞ ﺍﺧﺬﺕ ﺍﻟﺼﻴﻨﻴﺔ ﻭﻃﻠﻌﺖ ﻭﺣﻜﻤﺖ ﮔﺪﺍﻣﻲ .. ﺍﻋﺎﻳﻦ ﻋﻠﻴﻪ ﺻﺎﻳﺮ ﺭﺟﺎﻝ ﺑﻌﺪ ﺍﻣﺔ ﻃﻮﻟﺔ ﻭﺩﺷﺪﺍﺷﺘﺔ ﻭﻫﻴﺒﺘﻪ ﺭﻏﻢ ﺻﻐﺮﺓ ..
ﺩﺧﻠﺖ ﺍﻟﺒﻴﺖ ﺍﻟﺴﺎﺩﺓ ﺗﻠﻜﺘﻨﻲ ﻋﻤﺘﻲ ﻭﻳﻦ ﺟﻨﺘﻲ ﺩﻭﺭﺕ ﺍﻟﺤﻮﺵ ﻋﻠﻴﺞ ﻭﺩﻭﺭ ﺍﻟﻌﻠﻮﻳﺔ ﮔﺎﻟﺘﻠﻲ ﺟﻨﺘﻲ ﻳﻢ ﺍﺑﻮﻱ ﺷﻠﻮﻧﺔ ؟
- ﻣﻮ ﺯﻳﻦ ﻋﻤﺔ ﻟﻮ ﺗﺮﻭﺣﻴﻦ ﺗﺸﻮﻓﻴﻪ ﻣﺎﺩﺍﻡ ﻭﺣﻴﺪﺓ ﺧﻄﻴﺔ ﻣﻜﺴﻮﺭ ﺧﺎﻃﺮﺓ ﺩﻭﺭ ﻋﻤﻲ ﺻﺎﻟﺢ ﻣﺎﻫﻮ ﻳﻤﺔ ..
- ﺍﻭﻭﻭﻑ ﻳﺼﺎﻟﺢ ﻫﺎﺑﻊ ﻭﺭﻯ ﻣﺮﺗﺔ ﻣﺎﻳﺪﺭﻱ ﺑﺎﻟﺪﻧﻴﺎ ﺷﺒﻴﻬﺎ ﻣﺎﺑﻴﻬﺎ ..
ﺳﻤﻌﺘﻬﺎ ﻭﺩﺍﺩ .. ﻋﻤﺔ ﻉ ﺍﻻﻗﻞ ﺍﺣﺘﺮﻣﻨﻲ ﺑﺒﻴﺖ ﻋﻴﺎﻟﻲ ﻭﺗﺤﺠﻴﻦ ﻋﻠﻰ ﺍﻫﻠﻲ ..
ﺭﺩﺕ ﻋﻤﺘﻲ ﻋﻠﻴﻬﺎ ﻭﻫﻲ ﺗﻌﺎﻳﻦ ﻣﻨﺎ ﻭﻣﻨﺎ ﻻﻭﺍﺣﺪ ﻳﺸﻮﻓﻬﺎ ﺗﻌﺎﻱ ﻳﺎﻣﻀﺮﻭﺑﺔ ﺑﻴﺞ ﺣﻆ ﺭﻭﺣﻲ ﺍﻭﮔﻌﻲ ﻋﻠﻰ ﺭﺟﻠﺞ ﻭﻋﻤﺞ ﺍﻧﺘﻲ ﺣﺘﻰ ﻣﺎﺍﻋﺘﺬﺭﺗﻲ ﻣﻦ ﺍﻟﻌﻠﻮﻳﺔ ﺑﻮﻛﺎﺣﺔ ﻋﻴﻦ ﺍﺟﻴﺘﻲ ﻭﮔﻌﺪﺗﻨﻲ ﺑﺤﺠﺮﺗﺞ ..
- ﺍﻧﻲ ﻣﺎﺭﺍﺟﻌﺔ ﺍﻟﻬﻢ ﻋﻠﻤﻮﺩ ﺑﻨﺘﻲ ﺭﺟﻌﺖ ..
ﺭﺍﺩﺕ ﻋﻤﺘﻲ ﺗﻜﺘﻠﻬﺎ ﺷﺮﺩﺕ ﺍﻟﻐﺮﻓﺘﻬﺎ ﻭﻗﻔﻠﺖ ﺍﻟﺒﺎﺏ ..
ﺍﻭﻭﻭﻑ ﻳﺤﻤﺪﻳﺔ ﻳﺎﻫﻢ ﻭﻳﺎﻫﻢ ﺗﺤﻤﻠﻴﻦ ﺑﻌﺪ .. ﺧﻠﻲ ﺍﺭﻭﺡ ﺍﺷﻮﻑ ﺍﺑﻮﻱ ﺍﻧﻄﻴﻨﻲ ﺍﻟﻌﺒﺎﻳﺔ .. ﺍﺧﺬﺕ ﺍﻟﻌﺒﺎﻳﺔ ﻣﻨﻲ ﻭﺭﺍﺣﺖ ..
ﺛﺎﻧﻲ ﻳﻮﻡ ﺭﺟﻊ ﻋﻤﻲ ﻫﺎﺩﻱ ﻭﻣﻬﺪﻱ .. ﺣﺎﻟﺘﻬﻢ ﺣﺎﻟﺔ ..
ﺍﻟﻲ ﻋﺮﻓﻨﺎﻩ ﺧﻮﺍﻟﻪ ﻣﺎﺧﺬﻳﻪ ﻟﻬﻨﺎﻙ ﻭﺣﻴﺪﺭ ﺍﻟﺢ ﻳﺮﻭﺡ ﻭﻳﺎﻩ ﻫﻨﺎﻙ ..
ﻫﻨﺎ ﺣﺲ ﻋﻤﻲ ﻫﺎﺩﻱ ﺑﺨﺴﺎﺭﺗﻬﻢ ﻻﻥ ﺧﻮﺍﻟﻬﻢ ﻣﺎﺍﻋﺮﻑ ﺷﻠﻮﻥ ﻏﺎﺳﻠﻴﻦ ﻋﻘﻠﻬﻢ ﻭﻣﺨﻠﻴﻬﻢ ﻳﺮﺩﻭﻫﻢ .. ﻫﺬﺍ ﺗﻮﻗﻊ ﻋﻤﻲ .. ﻻﻥ ﻣﺘﻌﺎﺭﻙ ﻫﻮ ﻭﻳﺎﻫﻢ ﻭﮔﺎﻳﻠﻴﻠﻪ ﻭﻟﺪ ﺍﺧﺘﻨﺎ ﻋﺪﻧﺎ ﻭﺍﺣﻨﺔ ﻧﺮﺑﻴﻬﻢ ﺍﻧﺖ ﺭﻭﺡ ﺍﺗﺰﻭﺝ ﻭﻛﻮﻥ ﺑﻴﺖ ﻭﺍﻧﺴﻰ ﺍﺧﺘﻲ ﻭﻭﻟﺪﻫﺎ ..
ﻋﻤﻲ ﺿﺎﺝ ﺟﻴﻒ ﻧﺎﻗﻠﻴﻦ ﺧﺒﺮ ﺯﻭﺍﺟﻪ ﺍﻟﺒﻴﺖ ﺟﺪﻫﻢ ﻭﺣﻠﻒ ﺍﻻ ﻳﺘﺰﻭﺝ ﻏﺼﺐ ﻋﻨﻬﻢ ﻭﻣﺎﻳﺨﺎﻑ ﻣﻦ ﺍﺣﺪ ..
ﺑﺲ ﺑﻌﺪ ﻳﻮﻣﻴﻦ ﻭﺑﺸﻬﺮ ﺷﻌﺒﺎﻥ ﻭﺑﺒﺪﺍﻳﺔ ﺷﻬﺮ ﺍﺫﺍﺭ ﺻﺎﺭﺕ ﺍﻧﺘﻔﺎﺿﺔ ﺿﺪ ﺍﻟﺤﻜﻢ ..
ﺑﺪﺕ ﺍﻻﻧﺘﻔﺎﺿﺔ ﻣﻦ ﺍﻟﺠﻨﻮﺏ ﻭﺧﺎﺻﺔ ﺑﻤﺪﻳﻨﺔ ﺍﻟﺒﺼﺮﺓ ﻣﻦ ﺍﻧﺴﺤﺐ ﺍﻟﺠﻴﺶ ﺍﻟﻌﺮﺍﻗﻲ ﻣﻦ ﺍﻟﻜﻮﻳﺖ ﻭﺗﺪﻣﺮﺕ ﺁﻟﻴﺎﺗﻪ ﻣﻦ ﻗﺒﻞ ﺍﻟﻘﻮﺍﺕ ﺍﻷﻣﺮﻳﻜﻴﺔ ﻭﻫﺎﻟﺸﻲ ﺍﻟﻲ ﺧﻠﺔ ﺍﻟﺠﻨﻮﺩ ﻳﺮﺟﻌﻮﻥ ﺳﻴﺮﺍ ﻋﻠﻰ ﺍﻻﻗﺪﺍﻡ ﻟﻠﻌﺮﺍﻕ .. ﻋﻠﻰ ﺍﺛﺮﻫﺎ ﻭﺍﺣﺪ ﻣﻦ ﺍﻟﺠﻨﻮﺩ ﺍﻟﻌﺮﺍﻗﻴﻴﻦ ﻓﻲ ﻓﺠﺮ ﺍﺛﻨﻴﻦ ﻣﻦ ﺃﺫﺍﺭ ﻋﺎﻡ ﻭﺍﺣﺪ ﻭﺗﺴﻌﻴﻦ ﺿﺮﺏ ﺍﻃﻼﻗﺎﺕ ﻧﺎﺭﻳﺔ ﻋﻠﻰ ﺗﻤﺜﺎﻝ ﺍﻟﺮﺋﻴﺲ ﻭﺑﺪﺃ ﺑﺎﻟﺸﺘﻢ ﻭﺍﻟﺴﺐ ﻭﺳﺎﻧﺪﻩ ﺍﻟﻜﺜﻴﺮ ﻣﻦ ﺍﻟﻤﻮﺟﻮﺩﻳﻦ ﻓﻲ ﺳﺎﺣﺔ ﺳﻌﺪ ﻓﻲ ﺍﻟﺒﺼﺮﺓ ﻭﻫﻨﺎ ﺍﻧﻄﻠﻘﺖ ﺍﻭﻝ ﺷﺮﺍﺭﺓ ﻟﻼﻧﺘﻔﺎﺿﺔ ﺍﻟﺸﻌﺒﻴﺔ ﺍﻭ ﺍﻟﺸﻌﺒﺎﻧﻴﺔ ﻣﺜﻞ ﻣﺎﺳﻤﻮﻫﺎ ﻻﻥ ﺻﺎﺩﻓﺖ ﺑﺸﻬﺮ ﺷﻌﺒﺎﻥ ﻭﺍﻧﺘﺸﺮﺕ ﻫﺬﻱ ﺍﻻﻧﺘﻔﺎﺿﺔ ﺑﺴﺮﻋﺔ ﻓﻲ ﻣﺤﺎﻓﻈﺎﺕ ﺍﻟﻌﺮﺍﻕ
ﺧﻼﻝ ﺍﻳﺎﻡ ﺣﺘﻰ ﻭﺻﻠﺖ ﺇﻟﻰ ﻣﺪﻥ ﺷﻤﺎﻝ ﺍﻟﻌﺮﺍﻕ
ﺑﺪﺃ ﺍﻟﻨﻈﺎﻡ ﻳﺴﺘﺨﺪﻡ ﺍﺳﺎﻟﻴﺐ ﻗﻤﻊ ﻣﺨﺘﻠﻔﻪ ﺣﺘﻰ ﻳﻮﻗﻒ ﺍﻻﻧﺘﻔﺎﺿﺔ ﺍﻭ ﻳﻘﻤﻌﻬﺎ ..
ﺳﺒﺐ ﻫﺎﻻﻧﺘﻔﺎﺿﺔ .. ﻫﻮ ﻧﻔﺎﺫ ﺻﺒﺮ ﺍﻟﻌﺮﺍﻗﻴﻴﻦ ﺑﺴﺒﺐ ﺍﻟﺤﺮﻭﺏ ﺍﻟﻤﺴﺘﻤﺮﺓ ﺍﻟﻲ ﻛﺎﻧﻮﺍ ﻳﻨﺠﺒﺮﻭﻥ ﻋﻠﻰ ﺧﻮﺿﻬﺎ ﻭﺍﻟﺨﺴﺎﺋﺮ ﺍﻟﺒﺸﺮﻳﺔ ﻭﺍﻟﺘﺪﻣﻴﺮ ﺍﻟﻲ ﺻﺎﺭ ﺑﺎﻟﻌﺮﺍﻕ ﻭﺍﻟﻤﻨﺎﻃﻖ ﺍﻟﺠﻨﻮﺑﻴﺔ ﺗﺤﺪﻳﺪﺍ ﻭﺧﺎﺻﺔ ﺍﻟﺨﺴﺎﺭﺓ ﺍﻟﻜﺒﻴﺮﺓ ﺍﻟﻲ ﺻﺎﺭﺕ ﺑﺤﺮﺏ ﺍﻟﺨﻠﻴﺞ ﺍﻟﺜﺎﻧﻴﺔ ﻭﻓﺎﺟﻌﺔ ﻋﺎﺻﻔﺔ ﺍﻟﺼﺤﺮﺍﺀ ﺍﻟﻤﺆﻟﻤﺔ ﻭﺍﻟﺤﺼﺎﺭ ﺍﻟﻲ ﻓﺮﺽ ﻋﻠﻴﻬﻢ ﻭﺳﻮﺀ ﺍﻟﺨﺪﻣﺎﺕ ﻭﺍﻟﻤﻌﻴﺸﺔ ﺍﻟﺼﻌﺒﺔ ﻛﻞ ﻫﺬﻩ ﻋﻮﺍﻣﻞ ﻛﺎﻓﻴﺔ ﻟﺤﺼﻮﻝ ﺍﻻﻧﺘﻔﺎﺿﺔ ﻭﺍﻟﺪﻓﺎﻉ ﻋﻦ ﺣﻘﻮﻗﻬﻢ ﻛـ ﺷﻌﺐ ..
ﺍﻻﻧﺘﻔﺎﺿﺔ ﺑﺒﺪﺍﻳﺘﻬﺎ ﻛﺎﻧﺖ ﻧﺎﺟﺤﺔ ﺍﻻ ﺍﻥ ﺍﻟﻨﻈﺎﻡ ﺍﺳﺘﻄﺎﻉ ﻗﻤﻌﻬﺎ ﺑﺠﻤﻴﻊ ﺍﻻﺳﺎﻟﻴﺐ ﺍﻟﻘﻤﻌﻴﺔ .. ﻭﺍﻧﺘﻬﺖ ﺧﻼﻝ ﺷﻬﺮ ﻭﺍﺣﺪ ﺑﻌﺪﻣﺎ ﺍﻧﺪﻟﻌﺖ ﺑﺎﺭﺑﻌﺔ ﻋﺸﺮ ﻣﺤﺎﻓﻈﺔ ..
ﻭﺍﻟﻨﺘﻴﺠﺔ ﻛﺎﻧﺖ ﺧﺴﺎﺭﺓ ﺑﺸﺮﻳﻪ ﻓﺎﺩﺣﺔ ﻭﺗﺠﻔﻴﻒ ﻭﺗﺪﻣﻴﺮ ﺍﻻﻫﻮﺍﺭ ﻓﻲ ﺩﺟﻠﺔ ﻭﺍﻟﻔﺮﺍﺕ .. ﻭﺍﻗﺎﻣﺔ ﺍﻗﻠﻴﻢ ﻛﺮﺩﺳﺘﺎﻥ ﺷﻤﺎﻝ ﺍﻟﻌﺮﺍﻕ ..
ﻫﺬﻱ ﺍﻻﻧﺘﻔﺎﺿﺔ ﻛﺎﻧﺖ ﻟﻬﺎ ﺍﺛﺮ ﺳﻠﺒﻲ ﻋﻠﻰ ﺍﻟﻌﺮﺍﻗﻴﻴﻦ ﻻﺣﻘﺎ .. ﺣﺘﻰ ﺍﻥ ﺍﻟﻜﺜﻴﺮ ﻣﻦ ﺍﻻﻓﻼﻡ ﻟﺨﺼﺖ ﻫﺬﻩ ﺍﻻﻧﺘﻔﺎﺿﺔ ﻭﻣﻨﻬﺎ ﻓﻠﻢ ﻓﺠﺮ ﺍﻟﻌﺎﻟﻢ ﺍﻟﺬﻱ ﺫﻛﺮ ﺍﺣﺪﺙ ﺍﻟﺤﺮﺏ ﺍﻻﻳﺮﺍﻧﻴﺔ ﻭﺍﻟﺨﻠﻴﺞ ﺍﻟﺜﺎﻧﻴﺔ ..
ﺯﺍﺩﺕ ﺍﻟﻤﺨﺎﻭﻑ ﺑﻌﺪ ﻫﺬﻩ ﺍﻻﻧﺘﻔﺎﺿﻪ ﻭﺍﺳﺘﻤﺮ ﺍﻟﻘﻤﻊ ﻭﻛﻞ ﻣﻦ ﻳﺸﻜﻚ ﺑﻤﺸﺎﺭﻛﺘﻪ ﺍﻭ ﻟﻤﺠﺮﺩ ﺍﻟﺸﻚ ﻓﺄﻧﻪ ﻳﻌﺘﻘﻞ ﺍﻭ ﻳﻔﻘﺪ .. ﻭﻣﻦ ﺍﻟﻲ ﺭﺍﺣﻮﺍ ﺑﺎﻟﺮﺟﻠﻴﻦ ﻣﺜﻞ ﻣﺎﻳﮕﻮﻟﻮﻥ ..
ﻫﻮ ﻫﺎﺩﻱ ..
ﻫﺎﺩﻱ ﺍﻟﻲ ﺑﺎﻟﻔﺘﺮﺓ ﺍﻻﺧﻴﺮﺓ ﻛﺎﻥ ﻳﺘﺨﺒﻂ ﻣﺎﺑﻴﻦ ﻭﻟﺪﻩ ﻭﺑﻴﻦ ﺣﻴﺎﺗﻪ ﺍﻟﻲ ﺭﺍﺣﺖ ﻭﻣﺎﺷﺎﻑ ﺷﻲ ﻣﻨﻬﺎ ..
ﺑﻴﻮﻣﻬﺎ ﺟﺎﻥ ﺭﺍﻳﺢ ﺍﻟﻜﺮﺑﻠﺔ ﻳﺰﻭﺭ ﻭﻱ ﺟﻤﺎﻋﻪ ﺍﻟﻪ ﻻﻥ ﺟﺎﻥ ﺿﺎﻳﮓ ﺧﻠﮕﻪ ﻭﺗﻌﺒﺎﻥ ﻣﻦ ﻫﻢ ﺍﻟﺪﻧﻴﺎ ..
ﺣﻴﺎﺗﻬﻢ ﺗﺪﻫﻮﺭﺕ ﺑﺴﺮﻋﻪ ﻭﺣﺲ ﺑﻨﻔﺲ ﺧﺴﺮ ﻛﻠﺸﻲ ..
ﺟﺎﻥ ﻣﺤﺘﺎﺝ ﻳﺮﻭﺡ ﻟﻼﻣﺎﻡ ﻭﻳﻔﺮﻍ ﻫﻤﻮﻣﺔ ﺑﺤﻀﺮﺓ ﺍﻭﻟﻴﺎﺀ ﺍﻟﻠﻪ ..
ﺑﻌﺪ ﺍﻟﻲ ﺍﻟﻲ ﺻﺎﺭ ﺑﻜﺮﺑﻼﺀ ﺯﺍﺩ ﺧﻮﻑ ﺍﻟﺤﺠﻲ ﺧﻀﻴﺮ ﻭﺍﻫﻠﺔ ﻋﻠﻰ ﻫﺎﺩﻱ . ﻭﻭﻟﺪﺓ ﻣﻦ ﺳﻤﻌﻮﺍ ﺗﺨﺒﻠﻮ ﺭﻏﻢ ﻛﺮﺍﺭ ﻣﺘﺼﺎﻭﺏ ﺑﺲ ﺭﺟﻌﻮﺍ ﺍﻟﺨﺎﻃﺮ ﺍﺑﻮﻫﻢ ..
ﻭﻛﺎﻧﻪ ﺣﺴﻮ ﺑﺘﺄﻧﻴﺐ ﺍﻟﻀﻤﻴﺮ .. ﻣﺮ ﺍﺳﺒﻮﻋﻴﻦ ﻭﺍﻧﺘﻬﺖ ﺍﻻﻧﺘﻔﺎﺿﻪ ﻭﻫﺎﺩﻱ ﻣﺎﺭﺟﻊ .. ﻣﺎﺧﻠﻮﺍ ﻭﺍﺣﺪ ﻣﺎﺳﺄﻟﻮﻩ ﻋﻠﻴﻪ ..
ﺗﺎﻟﻲ ﺣﺠﻲ ﺧﻀﻴﺮ ﻣﺎﺳﻜﺖ ﺍﺧﺬ ﺻﺎﻟﺢ ﻭﺭﺍﺡ ﻭﻭﺻﻰ ﻣﻬﺪﻱ ﻉ ﺍﻟﺒﻴﺖ ﻭﺍﻟﻌﻴﺎﻝ ..
- ﺍﻱ ﺷﻲ ﻳﺼﻴﺮ ﻋﻠﻴﻨﺎ ﺍﻧﺖ ﺑﻤﻜﺎﻧﻲ ﺗﺪﻳﺮ ﺑﺎﻟﻚ ﻋﻠﻰ ﺍﻫﻠﻚ ﻭﻋﻴﺎﻟﻚ ﺭﺿﻮﺓ ﻭﺣﻜﻤﺖ ﺍﻣﺎﻧﺔ ﻋﻨﺪﻙ .. ﻭﺣﻴﺪﺭ ﻭﻛﺮﺍﺭ ﺫﻭﻟﺔ ﺍﺧﻮﺗﻚ ﺗﻠﻤﻬﻢ ﻭﺗﺤﺎﻓﻆ ﻋﻠﻴﻬﻢ ﺗﺮﻯ ﻣﺤﺪ ﻳﻮﻛﻔﻠﻚ ﻏﻴﺮﻫﻢ .
ﻫﺎﻱ ﺟﺎﻧﺖ ﻭﺻﻴﺔ ﺍﻟﺤﺠﻲ ﺍﻟﻤﻬﺪﻱ ..
ﺑﻌﺪﻫﺎ ﺭﺍﺣﻮﺍ ﻭﻛﻞ ﺍﻟﻲ ﻳﺴﺄﻟﻮﻩ ﻋﻠﻴﻪ ﻣﺎﻳﻨﻄﻲ ﺟﻮﺍﺏ ﻭﻳﺨﺎﻑ ﻭﻳﻌﻮﻓﻬﻢ ﻭﻳﻤﺸﻲ ..
ﺍﻭ ﻳﮕﻠﻮﻟﺔ ﻋﻤﻲ ﺭﻭﺡ ﻭﻻﺗﺪﻭﺭ ﻻﻥ ﺍﺫﺍ ﻃﻠﻊ ﺭﺍﻳﺢ ﺑﺎﻟﺮﺟﻠﻴﻦ ﻓﺒﺲ ﻳﺴﻤﻌﻮﻥ ﺍﻧﺘﻮ ﺗﺪﻭﺭﻭﻥ ﻋﻠﻰ ﻭﺍﺣﺪ ﺭﺍﺡ ﺗﺮﺣﻮﻥ ﻭﺭﺍﻩ ﺍﺳﻤﻊ ﻛﻼﻣﻲ ﺍﺭﺟﻊ ﺍﻟﺒﻴﺘﻚ ﻭﺍﻧﺘﻈﺮ ﻓﺮﺝ ﺍﻟﻠﻪ ..
ﺍﺫﺍ ﻋﺎﻳﺶ ﻳﺮﺟﻊ ﺍﻥ ﺷﺎﺀ ﺍﻟﻠﻪ ﻭﺍﺫﺍ ﻣﺎﺭﺟﻊ ﻓﻼ ﺗﻌﺐ ﻧﻔﺴﻚ ﻭﺗﺪﻭﺭ ..
ﻫﺎﻟﻜﻼﻡ ﺑﻌﺚ ﺍﻟﻴﺄﺱ ﻭﺍﻟﺨﻮﻑ ﺑﮕﻠﺐ ﺍﻟﺤﺠﻲ ﻭﺻﺎﻟﺢ ﺍﻟﻲ ﺟﺎﻥ ﻳﻠﺢ ﻋﻠﻰ ﺍﺑﻮﻩ ﻳﺮﺟﻌﻮﻥ ﺑﻌﺪ ﻣﺎﺳﻤﻊ ﺍﻟﻜﻼﻡ ﻭﺍﻟﺨﻮﻑ ﺑﻌﻴﻮﻥ ﺍﻟﻨﺎﺱ ..
ﻭﺻﺪﮒ ﺭﺟﻊ ﺍﻟﺤﺠﻲ ﺧﻀﻴﺮ ﻭﻫﻮ ﻳﺠﺮ ﺍﺫﻳﺎﻝ ﺍﻟﺨﻴﺒﺔ ﻭﺍﻟﺤﺰﻥ .. ﻭﺍﻭﻝ ﻣﺎﻭﺻﻞ ﺭﺍﺡ ﺍﻟﺒﻴﺘﻬﻢ ﻣﺎﺭﺍﺡ ﺍﻟﺒﻴﺖ ﺍﻟﺴﺎﺩﺓ
ﮔﻌﺪ ﺑﻨﺺ ﺍﻟﺒﻴﺖ ﻭﺑﻤﻜﺎﻥ ﺍﻟﺴﺎﺣﺔ ﺍﻟﻘﺪﻳﻤﺔ ﺍﻟﺠﺎﻧﺖ ﺟﺎﻣﻌﺘﻬﻢ ﺣﺲ ﻋﺎﺋﻠﺘﻪ ﺗﻔﻜﻜﺖ ﻳﻮﻡ ﺍﻟﻲ ﻓﻠﺶ ﺍﻟﺒﻴﺖ .. ﺭﺍﺩ ﻳﺠﻤﻌﻬﻢ ﻭﻳﻠﻤﻬﻢ ﻛﻠﻬﻢ ﺑﺒﻴﺖ ﻭﺍﺣﺪ ﻭﻳﺰﻭﺟﻬﻢ ﺑﺲ ﺍﺛﺎﺭﻳﻬﻢ ﺗﻄﺸﺮﻭﺍ ﻭﻛﻞ ﻭﺍﺣﺪ ﺭﺍﺡ ﺑﻤﻜﺎﻥ ..
ﮔﻌﺪ ﻳﺒﺠﻲ ﻭﻳﻤﺴﺢ ﻋﻴﻮﻧﺔ ﺑﻐﺘﺮﺗﺔ ﻭﻫﻮ ﻳﺘﻠﻔﺖ ﻉ ﺍﻟﺤﻴﺎﻃﻴﻦ .. ﻭﻳﻨﺞ ﻓﺨﺮﻳﺔ ﻭﻳﻦ ﺭﺣﺘﻲ ﻭﻋﻔﺘﻴﻨﻲ ﻭﺣﺪﻱ ﺑﻬﺎﻟﻀﻴﻢ .. ﺍﺭﺗﺎﺣﻴﺘﻲ ﻭﺍﻧﻲ ﺍﻟﺒﻘﻴﺖ ﺗﺎﻳﻪ ﺑﺎﻟﻬﺪﻧﻴﺎ .. ﻭﻣﺎﻛﻔﺎﺝ ﻋﻔﺘﻴﻨﻲ ﺍﺧﺬﺗﻲ ﻣﺤﻤﺪ ﻭﺣﺴﻦ ﻭﻫﺴﺎ ﻫﺎﺩﻱ ﻣﻨﻲ ﻟﻴﺶ ﻭﻟﺞ ﻟﻴﺶ ..
ﻣﺎﺟﺎﻥ ﺫﻧﺒﻲ ﺍﻟﺼﺎﺭﻟﺞ ﺗﺮﺩﻳﻦ ﺗﻌﺎﻗﺒﻴﻨﻲ .. ﺍﺧﺬﺗﻲ ﺣﻘﺞ ﻟﻮ ﺑﻌﺪﺝ ..
ﺳﺤﺒﻪ ﺻﺎﻟﺢ ﺑﻮﻳﺔ ﻣﻮ ﻫﻴﺞ ﮔﻮﻡ ..
ﺩﻓﻌﻪ .. ﻫﺪﻧﻲ ﻭﻟﻚ ﺧﻠﻴﻨﻲ ﺑﻬﻤﻲ .. ﺷﻤﺎﺍﺳﻮﻱ ﻭﺍﺳﺘﻐﻔﺮ ﻭﺗﺮﻛﺖ ﻛﻠﺸﻲ ﻭﻓﺘﺤﺖ ﺻﻔﺤﺔ ﺟﺪﻳﺪﺓ ﻭﺻﺮﺕ ﺍﻧﺴﺎﻥ ﺛﺎﻧﻲ ﻭﻳﺨﺎﻑ ﺭﺑﻪ ﺑﺲ ﻣﺎﮔﺪﺭﺕ ﺍﻓﻚ ﺩﻳﻨﻲ ..
ﻭﻛﻤﺖ ﺍﺩﻓﻊ ﺩﻳﻮﻧﻲ ﺑﻮﻟﺪﻱ ﻭﺍﺣﻔﺎﺩﻱ .. ﺍﺍﺍﺍﻩ ﻳﺎﺭﺑﻲ ﺭﺣﻤﺘﻚ ﻛﻠﻤﺎ ﺗﻌﺎﻗﺒﻨﻲ ﺑﻮﺍﺣﺪ ﻣﻨﻬﻢ ﺍﺳﺘﻐﻔﺮ ﻭﺍﮔﻮﻝ ﻫﺬﺍ ﺍﺧﺘﺒﺎﺭ .. ﺑﺲ ﻣﻮ ﻫﻴﺞ ﺻﺎﺭ ﻋﺸﺮ ﺳﻨﻮﺍﺕ ﺭﺍﺣﻮﺍ ﻣﻨﻲ ﻭﺍﺣﺪ ﻭﺭﻯ ﺍﻟﺜﺎﻧﻲ ..
ﺍﺫﺍ ﺟﺎﻱ ﺍﺩﻓﻊ ﺛﻤﻦ ﺭﻭﺣﻬﺎ ﻓﺄﺧﺬ ﺭﻭﺣﻲ ﻭﻻﺭﻭﺣﻬﻢ ﺭﺑﻲ ..
ﻓﺮﻍ ﻫﻤﺔ ﻭﮔﻠﺒﻪ ﺍﻟﻲ ﻣﺘﺤﻤﻞ ﻫﺎﻱ ﺍﻟﻬﻤﻮﻡ ﻣﻦ ﺳﻨﻮﺍﺕ ﻃﻮﻳﻠﺔ ﻣﻦ ﺟﺎﻧﺖ ﻓﺨﺮﻳﺔ ﻣﺮﺗﺔ ﻭﺍﻡ ﺟﻬﺎﻟﺔ ﻋﺎﻳﺸﺔ ..
ﻣﻦ ﺟﺎﻥ ﺣﺠﻲ ﺧﻀﻴﺮ ﺷﺎﺏ .. ﺟﺎﻥ ﻳﺸﺘﻐﻞ ﺑﮕﺎﻉ ﺧﻮﺍﻟﻪ ﺑﺎﻟﺒﺮ ﻭﺟﺎﻥ ﺧﺎﻟﻪ ﺍﻟﻠﻪ ﻳﺮﺣﻤﺔ ﻋﻨﺪﺓ ﺑﻨﻴﺔ ﺻﻐﻴﺮﺓ ﺭﺍﺩ ﻳﺄﻣﻦ ﻋﻠﻴﻬﺎ ﺍﻧﻄﺎﻫﺎ ﺍﻟﺨﻀﻴﺮ ﻭﻫﻮ ﺟﺎﻥ ﻳﺘﻴﻢ ﻭﺍﻣﻴﻦ ﻭﺍﻟﻜﻞ ﺗﺤﻤﺪ ﺑﻲ .. ﺗﺰﻭﺟﻬﺎ ﻭﺻﺎﺭﺕ ﺳﻨﺪ ﺍﻟﻪ ﻭﺟﺎﺑﺘﻠﺔ ﻭﻟﺪ ﻭﺑﻨﻴﺔ ..
ﺍﻳﺪﻫﺎ ﺑﻴﺪﻩ ﺟﺎﻧﻮﺍ ﺑﺎﻟﻜﺎﻉ ﺍﻟﺤﺪ ﻣﺎﻛﺒﺮﺕ ﻭﺻﺎﺭ ﺧﻀﻴﺮ ﻳﺸﺘﺮﻱ ﺍﻏﻠﺐ ﺍﻟﻜﻴﻌﺎﻥ ﺍﻟﻲ ﺣﻮﻝ ﻛﺎﻋﻪ ..
ﻭﻫﺎﻟﺸﻲ ﻃﻤﻊ ﺍﻟﻨﺎﺱ ﺑﻲ ﻭﺯﻳﺪ ﺍﻋﺪﺍﺋﻪ ﻭﺑﻴﻮﻡ ﻫﻮ ﺭﺍﺡ ﻳﺎﺧﺬ ﺍﻟﻤﺤﺼﻮﻝ ﻳﺒﻴﻌﻪ ﺟﺎﻧﺖ ﻣﺮﺗﺔ ﺑﺎﻟﮕﺎﻉ ﻭﺣﺪﻫﺎ ﺑﻌﺪ ﻣﺎﺭﺍﺣﻮﺍ ﺍﻟﻔﻼﻟﻴﺢ ﻭﻱ ﺍﻟﺤﺠﻲ ..
ﻭﺟﺎﻥ ﻣﻮﺻﻴﻬﺎ ﺗﺮﺟﻊ ﺍﻟﺒﻴﺘﻬﺎ ﻭﺟﻬﺎﻟﻬﺎ .. ﺑﺲ ﺻﺎﻟﺢ ﺟﺎﻥ ﻭﻳﺎﻫﺎ ..
ﻭﻟﻴﺶ ﻣﺎﻭﺍﺣﺪ ﺍﺟﻪ ﻭﻫﺠﻢ ﻋﻠﻴﻬﺎ ﻭﺭﺍﺩ ﻳﻨﻬﺒﻬﺎ ﻣﺜﻞ ﻣﺎﻳﻜﻮﻟﻮﻥ ..
ﺑﻌﺪ ﻣﺎﺍﺧﺬ ﺍﺑﻨﻬﺎ ﻭﻣﻬﺪﺩﺍ ﺑﻲ ﺍﺫﺍ ﺻﺎﺣﺖ ﻟﻮ ﺣﺠﺖ ﻳﻜﺘﻠﺔ
ﺣﺎﻧﺖ ﻻﻓﺔ ﺍﻟﻌﺒﺎﻳﺔ ﻋﻠﻰ ﺧﺼﺮﻫﺎ .. ﻭﺗﺒﺠﻲ ..
ﮔﺎﻟﺘﻠﺔ ﺍﺳﻜﺖ ﺑﺲ ﻋﻮﻓﻪ ..
ﻣﺎﻋﺎﻓﻪ ﺑﺲ ﺭﺑﻄﺔ ﻭﻏﻤﺾ ﻋﻴﻮﻧﺔ ﻭﺳﺤﻠﻬﺎ ﺍﻟﻤﻜﺎﻥ ﺧﺎﻟﻲ
ﺿﺮﺑﺘﺔ ﻣﻦ ﻭﺭﺍﻩ ﺑﺎﻟﻤﻨﺠﻞ ﺍﻟﺠﺎﻥ ﻣﺨﻠﻴﺘﻪ ﺑﺨﺼﺮﻫﺎ ﻭﻻﻓﺔ ﺍﻟﻌﺒﺎﻳﺔ ﻋﻠﻴﻪ ..
ﺑﻘﻰ ﺍﻟﻤﻨﺠﻞ ﺑﺮﺍﺳﺔ ﻭﻳﻨﺰﻑ ﺑﺎﻟﮕﺎﻉ .
ﻭﺑﻌﺪﻫﺎ ﺭﺍﺣﺖ ﺍﻻﺑﻨﻬﺎ ﺗﺮﻛﺾ ﻓﻜﺘﻪ ﻭﺣﻀﻨﺘﻪ ﻭﺿﻠﺖ ﺗﺒﺠﻲ ﻭﺗﻨﻮﺡ ﺍﻟﻰ ﺍﻥ ﺭﺟﻊ ﺭﺟﻠﻬﺎ ﻭﺍﻟﻔﻼﻟﻴﺢ ﺍﻟﻲ ﺷﺎﻓﻮﺍ ﺟﺜﺔ ﺍﻟﺮﺟﺎﻝ ﺑﺎﻟﻜﺎﻉ ..
ﺍﻟﺤﺠﻲ ﺗﺴﻮﺩﻥ ﻭﺍﻟﺘﻤﺖ ﺍﻟﻌﺎﻟﻢ ﻭﺍﻟﺸﺮﻃﺔ ..
ﺑﺲ ﻣﻦ ﺧﻮﻑ ﺍﻟﺤﺠﻲ ﻋﻠﻰ ﻣﺮﺗﺔ ﮔﺎﻟﻬﻢ ﺍﻋﺘﺪﻯ ﻋﻠﻴﻪ ﻭﺩﺍﻓﻌﺖ ﻋﻦ ﺭﻭﺣﻲ ..
ﻭﺷﻬﺪﻭﺍ ﻭﻳﺎﻩ ﺍﻟﻔﻼﻟﻴﺢ ﺍﻟﻲ ﺷﺎﻓﻮﺍ ﺣﺎﻟﺔ ﻣﺮﺗﺔ ﻭﻋﺒﺎﻟﻬﻢ ﻧﺎﻫﺒﻬﺎ ﻭﮔﺎﻟﻮﺍ ﻳﺴﺘﺎﻫﻞ ﺍﻟﻤﻮﺕ .. ﺍﻟﻬﻴﺞ ﺷﻬﺪﻭﺍ ﻋﻠﻴﻪ ﻭﺧﺎﺻﺔ ﻫﻮ ﺩﻭﻡ ﻳﺘﻌﺎﺭﻙ ﻭﻱ ﺣﺠﻲ ﺧﻀﻴﺮ ﺑﺴﺒﺐ ﺍﻟﻜﺎﻉ ﻭﺍﻟﻤﺤﺼﻮﻝ .. ﻃﻠﻊ ﺣﺠﻲ ﺧﻀﻴﺮ ﺑﻌﺪ ﺍﺷﻬﺮ ﻣﻦ ﺍﻟﺴﺠﻦ ..
ﻭﺗﻔﺎﺟﺄ ﺑﻔﺨﺮﻳﺔ ﺣﺎﻣﻞ ﺟﺎﻧﺖ ﺣﺎﻣﻞ ﻗﺒﻞ ﻻ ﻳﺪﺧﻞ ﻭﻣﺎﺗﺪﺭﻱ ﺑﺮﻭﺣﻬﺎ ﻭﺍﻧﺰﺭﻋﺖ ﺍﻟﺸﻜﻮﻙ ﺑﺮﺍﺳﻪ ﺑﻌﺪ ﺣﺠﻲ ﺍﻟﻨﺎﺱ ﻭﻛﻠﻬﺎ ﺿﻠﺖ ﻃﻠﻊ ﺣﺠﻲ ..
ﺭﻏﻢ ﻇﻠﻢ ﺍﻟﻨﺎﺱ ﺍﻟﻬﺎ ﻭﺣﺠﻴﻬﻢ ﻣﺎﺍﻫﺘﻤﺖ ﻭﻋﺎﺷﺖ ﺑﺸﺮﻓﻬﺎ ﻭﺣﻤﺖ ﺟﻬﺎﻟﻬﺎ ﺑﺲ ﻳﻮﻡ ﺍﻟﻲ ﺷﻜﻚ ﺭﺟﻠﻬﺎ ﺑﺎﻟﻄﻔﻞ ﻭﺳﺄﻟﻬﺎ ﺍﺫﺍ ﺫﺍﻙ ﺍﻟﻨﺬﻝ ﺗﻘﺮﺑﻠﻬﺎ ﻟﻮ ﻻ ..
ﻫﻨﺎ ﺑﺪﺕ ﺗﺘﻠﻒ ﻋﺎﻓﻴﺘﻬﺎ ﻭﺻﺤﺘﻬﺎ ﺣﺘﻰ ﺍﻟﻲ ﺑﺒﻄﻨﻬﺎ ﻣﺎﺭﺍﺩﺗﺔ ﻳﻮﻡ ﺷﺎﻓﺖ ﺭﺟﻠﻬﺎ ﺷﺎﻙ ﺑﻴﻬﺎ ﻭﻣﺒﺘﻌﺪ ﻋﻨﻬﺎ ﻇﻠﻤﻬﺎ ﻭﻇﻠﻢ ﺭﻭﺣﺔ ﻭﺳﻤﻊ ﺣﺠﻲ ﺍﻟﻨﺎﺱ ﻭﻧﺰﺭﻋﺖ ﺍﻓﻜﺎﺭ ﺳﻮﺩﺓ ﺑﺮﺍﺳﺔ ..
ﻣﺎﺍﺗﺤﻤﻠﺖ ﻓﺨﺮﻳﺔ ﻭﺧﺎﺻﺔ ﺑﻌﺪ ﻣﺎﺣﺒﺴﻬﺎ ﺑﺎﻟﺒﻴﺖ ﺟﺎﻧﺖ ﻣﺤﺎﻭﻃﺔ ﺟﻬﺎﻟﻬﺎ ﻭﺗﺒﺠﻲ ﻭﺍﺑﻨﻬﺎ ﺻﺎﻟﺢ ﺩﻭﻡ ﻳﺴﺄﻟﻬﺎ ﻳﻤﺔ ﺍﻟﺮﺟﺎﻝ ﺍﻟﺠﺘﻔﻨﻲ ﺷﺴﻮﺍﻟﺞ ﺟﻤﺎﻋﺘﻲ ﻳﮕﻮﻟﻮﻥ ﺍﻣﻚ ﻣﻨﻬﻮﺑﺔ ﻭﺍﺑﻮﻙ ﻛﺘﻞ ﺍﻟﺰﻟﻤﺔ ﺟﻴﻒ ﻧﻬﺒﻬﺎ ..
ﻣﺎﺍﺗﺤﻤﻠﺖ ﻓﺨﺮﻳﺔ ﻭﻗﺮﺭﺕ ﺗﻨﻬﻲ ﺣﻴﺎﺗﻬﺎ ﺑﻠﻜﻲ ﻫﻴﺞ ﺍﻟﻨﺎﺱ ﺗﺴﻜﺖ ﻭﻣﺎﺗﻌﺎﻳﺮ ﻭﻟﺪﻫﺎ ﻭﺧﺎﺻﺔ ﺑﻨﺘﻬﺎ ﺍﻟﻲ ﻋﻤﺮﻫﺎ ﻛﻢ ﺳﻨﺔ ﻭﺻﻐﻴﺮﺓ ..
ﻃﻠﻌﺖ ﺍﻟﻔﺠﺮﻳﺔ ﺑﻴﻮﻡ ﺑﻌﺪ ﻣﺎﺣﻀﻨﺖ ﻭﺑﺎﺳﺖ ﻭﻟﺪﻫﺎ .. ﺟﺎﻧﺖ ﺑﺲ ﺣﻤﺪﻳﺔ ﻛﺎﻋﺪﺓ ﻭﺑﻘﺖ ﺗﺒﺠﻲ ﻭﺭﺍﻫﺎ ..
ﻫﺪﺍﺗﻬﺎ ﻧﻮﻣﺘﻬﺎ ﻭﻃﻠﻌﺖ ..
ﺩﻭﺭﻭ ﻋﻠﻴﻬﺎ ﺷﮕﺪ ﻣﺎﻛﻮ ﻭﺯﺍﺩﺕ ﺍﻻﺷﺎﻋﺎﺕ .. ﺍﻟﻰ ﺍﻥ ﻟﻜﻮﻫﺎ ﻳﻮﻡ ﻃﺎﻳﻔﻪ ﻋﻠﻰ ﺣﺎﻓﺔ ﺍﻟﻨﻬﺮ ﻭﻣﻮﺭﻣﺔ ﻭﻣﻼﻣﺤﻬﺎ ﻳﺎﺩﻭﺏ ﻣﺒﻴﻨﺔ .. ﻭﻫﺎﻱ ﺟﺎﻧﺖ ﺍﻟﺼﺪﻣﺔ ﺍﻟﺤﺠﻲ ﺧﻀﻴﺮ ﺑﻌﺪ ﻣﺎﻋﺮﻑ ﺍﻧﻪ ﻫﻮ ﺍﻟﺴﺒﺐ ﮔﺪ ﻣﺎﺿﻐﻂ ﻋﻠﻴﻬﺎ ﺭﺍﺣﺖ ﻭﻋﺎﻓﺘﻪ ﻭﻱ ﻭﻟﺪﺓ ﻭﻋﺎﻗﺒﺘﻪ ﺑﺒﻌﺪﻫﺎ .. ﻭﻃﻔﻠﻪ ﺑﺒﻄﻨﻬﺎ ..
ﺗﻨﺪﻡ ﻭﻛﺮﻩ ﺍﻟﺒﺮ ﻛﻠﺔ .. ﺍﺧﺬ ﻭﻟﺪ ﻭﺑﺎﻉ ﮔﻴﻌﺎﻧﺔ ﻭﻫﺎﺟﺮ ﺭﻏﻢ ﺧﻮﺍﻟﺔ ﺷﮕﺪ ﻋﺎﺭﺿﻮﺍ ﺑﺲ ﻫﻮ ﻣﺎﺳﻤﻊ ﻭﺭﺍﺡ ﮔﻌﺪ ﺑﻮﺣﺪﺓ ﻣﻦ ﺍﻻﻗﻀﻴﺔ .. ﻭﺑﺪﺃ ﺣﻴﺎﺗﺔ ﻣﻦ ﺍﻟﺼﻔﺮ . ﺍﺷﺘﺮﻯ ﮔﺎﻉ ﻭﺷﻮﻳﺔ ﺷﻮﻳﺔ ﻟﻤﻦ ﻛﺒﺮﻫﺎ ﻭﺯﺍﺩ ﺧﻴﺮﻩ ﻭﺍﺷﺘﺮﻯ ﺑﻴﺖ ﻭﺭﺑﻰ ﺟﻬﺎﻟﺔ ﻭﺣﺪﺓ ﻭﻣﺮﺍﺕ ﺍﻟﺠﻴﺮﺍﻥ ﻣﻦ ﺗﺴﻤﻊ ﺍﻳﺘﺎﻡ ﺗﺮﺍﻋﻴﻬﻢ ﻭﻳﺎﻩ ..
ﺑﻌﺪﻫﺎ ﺍﻟﺘﺠﺄ ﺣﺠﻲ ﺧﻀﻴﺮ ﺍﻟﺮﺑﻪ ﻭﺻﺎﺭ ﺣﻜﻴﻢ ﻭﻣﺎﻳﺘﺴﺮﻉ ﺑﺎﻟﺤﻜﻢ ﻭﻻﻳﻈﻠﻢ ﺣﺘﻰ ﻣﻦ ﺳﻤﻊ ﺑﺤﻤﻞ ﺭﺿﺎﺀ ﺗﺬﻛﺮ ﺍﻟﻲ ﺻﺎﺭ ﺑﻲ ﻭﻣﺎﺣﻜﻢ ﻋﻠﻴﻬﺎ ﺑﺎﻟﺴﻮﺀ ﺑﺎﻟﻌﻜﺲ ﺍﺣﺘﻮﺍﻫﺎ ﻫﻲ ﻭﺍﺑﻨﻬﺎ ﻭﺣﺲ ﺟﻦ ﺟﺎﻱ ﻳﺪﺍﺭﻱ ﻓﺨﺮﻳﺔ ﻭﻳﺤﻤﻴﻬﺎ ﻣﻦ ﺍﻟﻨﺎﺱ ﻭﺍﻟﺤﺠﻲ ﻭﺍﻟﺪﻧﻴﺎ ..
ﻭﻫﻮ ﺑﻮﺳﻂ ﺍﻟﺒﻴﺖ ﻳﺒﺠﻲ ﻭﻛﻞ ﻫﺬﻱ ﺍﻟﺬﻛﺮﻳﺎﺕ ﺭﺟﻌﺘﻠﺔ ﻭﮔﻠﺒﺖ ﻣﻮﺍﺟﻌﻪ .. ﺻﺎﺡ ﺑﺼﻮﺕ ﻫﺰﺕ ﺍﺭﻛﺎﻥ ﺍﻟﺒﻴﺖ ..
ﻭﻟﻚ ﺑﻮﻳﺔ ﻫﺎﺩﻱ ﺣﺘﻰ ﺍﺫﺍ ﺍﺭﻳﺪ ﺍﻧﺼﺒﻠﻚ ﻓﺎﺗﺤﺔ ﻭﻳﻦ ﺍﻧﺼﺒﻬﺎ ﻭﻣﻠﻚ ﻣﺎﻋﻨﺪﻱ .. ﻳﺒﻌﺪ ﺍﺑﻮﻙ ﻻﺗﺨﻠﻴﻨﻲ ﺍﺗﺨﻴﻞ ﻣﻮﺗﻚ ﺍﺭﺟﻌﻠﻲ ﺍﺭﺟﻊ ﺍﻟﺒﻴﺖ ﻭﻋﻴﺎﻟﻚ ..
ﺑﻴﻮﻣﻬﺎ ﻋﺎﻧﺪ ﻭﻣﺎﻗﺒﻞ ﻳﺮﺟﻊ ﺍﻟﺒﻴﺖ ﺍﻟﺴﻴﺪ .. ﻭﺍﺻﺮ ﻳﺒﻘﻰ ﺑﺒﻴﺘﻪ ﺍﻟﻰ ﺍﻥ ﻳﺮﺟﻊ ﺍﺑﻨﻪ ﻭﻳﻨﻮﺭ ﻫﺎﻟﺒﻴﺖ ..
ﺭﺍﺡ ﺻﺎﻟﺢ ﺍﻟﺒﻴﺖ ﺍﻟﺴﺎﺩﺓ ﻭﺧﺒﺮ ﺣﻤﺪﻳﺔ ﺍﻟﻲ ﺗﺴﻮﺩﻧﺖ ﻭﻟﻤﻦ ﻏﺮﺍﺿﻬﺎ ﻫﻲ ﻭﺭﺿﺎﺀ ﻭﮔﺎﻟﺘﻠﺔ ﺍﺧﺬﻧﻲ ﺍﻟﺤﻮﺷﻨﺎ ..
ﺍﻟﺴﺎﺩﺓ ﻣﺎﻗﺒﻠﻮﺍ ﻭﻛﺎﻟﻮﺍ ﺍﻟﺒﻴﺖ ﻣﺎﻛﺎﻣﻞ ﻭﺑﺎﺭﺩ ﻭﻳﻦ ﺗﺮﺣﻮﻥ ﺑﺲ ﺣﻤﺪﻳﺔ ﺍﺻﺮﺕ ..
ﺭﺿﺎﺀ .. ﻭﺻﻠﻨﺎ ﺍﻟﺤﻮﺷﻨﺎ ﻟﮕﻴﺖ ﺟﺪﻱ ﺑﻮﺳﻂ ﺍﻟﺤﻮﺵ ﻭﻳﺒﺠﻲ ﺍﻭﻝ ﻣﺮﺓ ﺍﺷﻮﻓﻪ ﻫﻴﺞ ﻣﻜﺴﻮﺭ ..
ﺻﺎﺣﺖ ﻋﻤﺘﻲ ﺣﻤﺪﻳﺔ .. ﺑﻮﻳﺔ ﺷﺒﻴﻚ ﺻﺎﻟﺢ ﻣﺎﺭﺿﺎ ﻳﺴﻮﻟﻔﻠﻲ ﻫﺎﺩﻱ ﺷﺒﻲ ﮔﻮﻟﻮﻟﻲ ..
ﺻﺎﺡ ﻋﻤﻲ ﺻﺎﻟﺢ .. ﻋﻮﻓﻴﻪ ﺧﻠﻲ ﻳﺮﺗﺎﺡ ﻫﺴﺎ ﺭﺍﺡ ﺍﺟﻴﺐ ﺍﻟﻐﺮﺍﺽ ﻭﻣﻬﺪﻱ ﺭﺍﺡ ﻳﺠﻴﺐ ﻟﻤﻴﻌﺔ ﻭﺑﺘﻮﻝ ﻭﺳﺪﺍﺩ .. ﺣﺘﻰ ﺗﻨﻈﻔﻦ ﺍﻟﺒﻴﺖ ﻭﺍﻟﺸﺒﺎﺑﻴﻚ ﺧﻠﻦ ﻛﺮﺍﺗﻴﻦ ﻋﻠﻴﻬﺎ ﻭﺍﻟﻜﺎﻉ ﺍﻓﺮﺷﻦ ﻧﺎﻳﻠﻮﻥ ﺑﺎﻻﻭﻝ ﻭﺑﻌﺪﻳﻦ ﺍﻓﺮﺷﻦ ﻓﺮﺍﺷﺎﺕ ﻓﻮﮔﻪ ..
ﺭﺍﺡ ﻋﻤﻲ ﻳﺠﻴﺐ ﺍﻟﻐﺮﺍﺽ .. ﻋﻤﺘﻲ ﺗﺒﺠﻲ ﻭﺗﺼﻴﺢ ﻫﺎﺩﻱ ﻣﺎﻳﺮﺟﻊ ﺣﺎﺳﺔ ﺑﻬﺎﻟﺸﻲ .. ﺭﺩﻳﺖ ﻋﻠﻴﻬﺎ ﻭﺩﻣﻮﻋﻲ ﺗﻨﺰﻝ ..
ﻳﻤﻜﻦ ﺣﻠﻢ ﺟﺪﻱ ﺍﺗﺤﻘﻖ ..
ﻣﺴﺤﺖ ﻋﻴﻮﻧﻬﺎ ﻳﺎﺣﻠﻢ ؟؟
ﺟﺪﻱ ﺣﻠﻢ ﺑﻐﻴﻤﺔ ﺳﻮﺩﺓ ﺑﺎﻟﺴﻤﺎ ﺣﺠﺒﺖ ﺍﻟﺸﻤﺲ ﻭﺻﺎﺭ ﺍﻟﻨﻬﺎﺭ ﻟﻴﻞ ..
ﻟﻄﻤﺖ ﻋﻠﻰ ﺻﺪﺭﻫﺎ ﻳﻤﺔ ﺍﺳﻢ ﺍﻟﻠﻪ ..
ﻻ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ ﻳﺮﺟﻊ ﻳﺮﺟﻊ ﻳﻤﻜﻦ ﻣﺴﺠﻮﻥ ﺷﻤﺪﺭﻳﻨﺎ .. ﺍﻧﻲ ﺍﺧﻠﻲ ﺻﺎﻟﺢ ﺑﺎﺟﺮ ﻳﺴﺄﻝ ..
- ﺷﻴﺴﺄﻝ ﻋﻤﺔ ﺳﻤﻌﺖ ﺍﻟﻌﻠﻮﻳﺔ ﺗﺴﻮﻟﻒ .. ﺍﻟﺴﻴﺪ ﻣﺴﻮﻟﻔﻠﻬﺎ ﻛﻞ ﻭﺍﺣﺪ ﻳﺴﺄﻝ ﻋﻦ ﻣﻔﻘﻮﺩ ﻳﺎﺧﺬﻭﻩ ﻳﺤﻘﻘﻮﻥ ﻭﻳﺎﻩ ﻟﻮ ﻳﺮﻭﺡ ﺑﺎﻟﺮﺟﻠﻴﻦ ..
- ﺟﺎ ﺷﻠﻮﻥ ﻭﻟﺞ . ﻧﺒﻘﻰ ﺳﺎﻛﺘﻴﻦ ﻭﻟﺞ ﻫﺬﺍ ﻫﺎﺩﻱ ﺗﻌﺮﻓﻴﻦ ﺷﻨﻲ ﻫﺎﺩﻱ .. ﻳﻌﻨﻲ ﺑﻌﺪ ﻣﺎﺭﺍﺡ ﻣﺤﻤﺪ ﻭﺍﺳﻴﺖ ﺭﻭﺣﻲ ﺑﻲ ﻫﺴﺎ ﺑﻴﻤﻦ ﺍﻭﺍﺳﻲ ﺑﺼﺎﻟﺢ ﺑﻴﻤﻦ ﮔﻠﻴﻠﻲ ﺑﻘﻴﺖ ﻭﺣﻴﺪﺓ ﻭﺍﻟﻌﺎﻟﻢ ﺍﻟﻠﻪ ﺑﺤﺎﻟﻲ ..
ﺿﻠﺖ ﺗﺒﺠﻲ ﻭﺗﻠﻄﻢ ﻭﻣﻨﺎﻙ ﺟﺪﻱ ﻣﺎﻳﻌﻠﻢ ﺑﺤﺎﻟﻪ ﺑﺲ ﺍﻟﻠﻪ
ﺧﻠﻴﺖ ﺣﻜﻤﺖ ﻳﻤﺔ ﻭﺑﺪﻳﺖ ﺍﻧﻈﻒ ﺑﺎﻟﺒﻴﺖ ﻣﻦ ﺍﻟﻮﺳﺎﺧﺔ ﺍﻟﺰﺍﻳﺪﺓ ﻣﺎﻝ ﺍﻟﻌﻤﺎﻝ ..
ﻓﻜﺮﻱ ﻳﻤﻲ ﻭﺍﺩﻋﻲ ﻭﺍﺑﺠﻲ ﺑﺴﻜﺘﺔ ..
ﺍﺟﺔ ﻣﻬﺪﻱ ﻳﮕﻮﻝ ﺍﻟﺠﻬﺎﻝ ﻣﺮﺿﻰ ﻭﺍﻟﺒﻴﺖ ﻣﻜﺸﻮﻑ ﻣﺎﻳﻜﺪﺭﻥ ﻳﺠﻦ ﺗﺪﺑﺮﻳﻬﺎ ﻭﺣﺪﺝ ؟؟
ﻫﺰﺕ ﺭﺍﺳﻲ .. ﺍﻥ ﺷﺎﺀ ﺍﻟﻠﻪ ..
ﻟﻔﻴﺖ ﺭﺍﺳﻲ ﺑﺎﻟﺤﺠﺎﺏ ﻭﺍﻟﻢ ﻭﺳﺎﺧﺔ ﺑﮕﻮﺍﻧﻲ ﻭﻫﻮ ﻭﺣﻜﻤﺖ ﻳﺴﺤﻠﻮﻫﻦ ﺑﺮﺓ ..
ﺷﻮﻳﺔ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻧﺪﮔﺖ ..
ﺩﺧﻠﻦ ﺍﻟﻌﻠﻮﻳﺎﺕ ﺻﻔﻨﺖ ﻋﻠﻴﻬﻦ .. ﺷﺠﺎﺑﺠﻦ ؟؟
ﺿﺤﻜﺖ ﺯﻳﻨﺐ .. ﻭﺍﻟﻠﻪ ﻣﻦ ﺳﻤﻌﺖ ﻭﺣﺪﺝ ﺗﻨﻈﻔﻴﻦ ﻣﺎ ﻫﺎﻥ ﻋﻠﻴﻪ ﺣﺠﻴﺖ ﻭﻱ ﺍﺑﻮﻱ ﻭﺟﺒﺖ ﺍﻟﺒﻨﺎﺕ ﻭﺍﺟﻴﺖ ..
ﻓﺮﺣﺖ ﻣﻦ ﺷﻔﺘﻬﻦ .. ﻣﻨﻴﻦ ﺳﻤﻌﺘﻲ ؟؟
- ﻣﻮ ﻋﻠﻲ ﺟﺎﻱ ﺍﻟﻤﻬﺪﻱ ﻭﻛﺎﻳﻠﻪ ﺍﺫﺍ ﻣﺤﺘﺎﺟﻴﻦ ﻣﺴﺎﻋﺪﺓ ..
ﻭﺍﺛﻨﺎﺀ ﺍﻟﺤﺠﻲ ﻓﺎﻫﻢ ﺍﻧﺘﻲ ﻭﺣﺪﺝ ﺗﺸﺘﻐﻠﻴﻦ ﻣﻦ ﻛﺎﻳﻠﻪ ﺍﻡ ﺣﻜﻤﺖ ﺗﻠﻤﻨﺎ ﺍﻟﻄﺎﺑﻮﮒ ﺍﻟﺰﺍﻳﺪ ﻭﺍﺣﻨﺔ ﻧﺸﻴﻠﻪ ..
ﺭﺟﻊ ﻭﺣﺎﺟﺔ ﺍﻣﻲ ﻭﻫﻤﺰﻳﻦ ﺟﻨﺖ ﺟﺎﻳﺘﻬﻢ ﻃﺮﺷﺖ ﺍﻟﻌﺎﻟﻢ ﻛﻠﻬﺎ ﻭﺍﺟﻴﺖ ﺣﺘﻰ ﺭﺟﻠﻲ ﺟﺒﺘﻪ ..
- ﺍﻟﻠﻪ ﻳﻨﻄﻴﺠﻦ ﺍﻟﻌﺎﻓﻴﺔ ﺑﻴﺶ ﺍﺟﺎﺯﻳﺠﻦ .. ﺟﺎ ﻭﻳﻦ ﻭﺩﺍﺩ
ﺭﺩﺕ ﺯﻳﻨﺐ .. ﻭﺩﺍﺩ ﻣﺮﻳﻀﺔ ﻭﻫﻢ ﺑﻘﺖ ﻳﻢ ﺍﻣﻲ ﻭﺑﻴﺒﺘﻲ ﺧﺎﻑ ﻳﺤﺘﺎﺟﻦ ﺷﻲ ..
ﺗﺤﺰﻣﻦ ﺑﺎﻟﻌﺒﻲ ﻭﻟﻔﻦ ﺭﺍﺳﻬﻦ ﻭﺻﺎﺭﻥ ﻳﻨﻀﻔﻦ ﻭﻳﺎﻱ ﺳﻴﺪ ﻋﻠﻲ ﺟﺎﺏ ﺟﺎﺏ ﻭﺍﻃﻮﺍﻝ ﻧﺎﻳﻠﻮﻥ ﺛﺨﻴﻦ ..
ﻓﺮﺷﻨﺎﻩ ﺑﺎﻟﮕﺎﻉ ﻭﻓﻮﮔﺎﻫﺎ ﺍﻟﻔﺮﺍﺷﺎﺕ .. ﻭﺷﻜﻠﻮﺍ ﺍﻟﺠﺎﻡ ..
ﻭﺭﺗﺒﻨﺎ ﻏﺮﺍﺽ ﺍﻟﻤﻄﺒﺦ ﺑﺎﻻﻭﻝ ..
ﻭﻓﺮﺷﻨﺎ ﺍﻟﻐﺮﻑ ﺍﻟﺠﻮﺓ ﺍﻫﻢ ﺷﻲ .. ﻭﺑﺎﻗﻲ ﺍﻟﻐﺮﺍﺽ ﺻﻌﺪﻧﺎﻫﻦ ﻟﻔﻮﮒ ..
ﻋﻠﮕﻮﺍ ﺍﻟﮕﻠﻮﺑﺎﺕ .. ﺍﻟﻨﺺ ﺍﻟﻠﻴﻞ ﻫﻤﺔ ﻭﻳﺎﻧﺎ .. ﻭﻋﻤﺘﻲ ﮔﻄﻌﺖ ﺣﺰﻧﻬﺎ ﻭﮔﺎﻣﺖ ﻭﻳﺎﻧﺎ ﺻﺢ ﻣﺎﺗﻜﺪﺭ ﺑﺲ ﺗﮕﻠﻠﻨﺎ ﻫﺎﻱ ﻫﻨﺎ ﻭﻫﺎﻱ ﻫﻨﺎ ﺧﻠﻨﻬﺎ ..
ﺍﻟﻌﻠﻮﻳﺔ ﺍﻡ ﻋﻠﻲ ﺟﺎﺑﺘﻠﻨﺎ ﮔﺪﻭﺭ ﺍﻛﻞ ﻃﺎﺑﺨﺔ ﻭﺩﺍﺯﺓ ﺭﻏﻢ ﺑﻴﺖ ﺍﻡ ﻫﻴﺜﻢ ﻣﺎﻗﺼﺮﻭﺍ ﻫﻢ .. ﺻﺒﻴﻨﺎ ﻟﻠﺰﻟﻢ ﻭﺑﻌﺪﻳﻦ ﺍﺣﻨﺔ .. ﺻﺢ ﺗﻌﺒﻨﺎ ﺑﺲ ﻣﺎﺣﺴﻴﺖ ﺑﺎﻟﺘﻌﺐ ﻭﻳﺎﻫﻦ ﺍﻋﺎﻳﻦ ﻋﻠﻴﻬﻦ ﻭﺍﺣﺠﻲ ﺑﺪﺍﺧﻠﻲ ﺷﻴﺼﻴﺮ ﻟﻮ ﺍﻟﻠﻪ ﻣﻨﻄﻴﻨﻲ ﺍﺧﻮﺍﺕ ﻟﻮ ﺑﻨﺎﺕ ﻋﻢ ﻣﺜﻠﻬﻦ ..بيج قصص عراقيه حقيقيه من واقعنا.روعه الطائي
ﻣﺸﻮﺍ ﺑﻴﺖ ﺍﻟﺴﺎﺩﺓ ﻭﺭﺍﺡ ﻣﻬﺪﻱ ﻳﺠﻴﺐ ﺳﺪﺍﺩ ﻭﺍﻣﻪ ﺍﺑﻮﻩ ﮔﺎﻟﻪ ﺭﻭﺡ ﺟﻴﺒﻬﻦ ﻭﮔﻠﻬﺎ ﺍﺫﺍ ﻣﺎﺍﺟﺖ ﻻﺗﺠﻲ ﺑﻌﺪ ..
ﻫﺰﺕ ﺍﻳﺪﻫﺎ ﻋﻤﺘﻲ ﻭﻫﻤﺴﺖ .. ﻣﺎﺣﺠﺔ ﻫﺎﻟﺤﺠﻲ ﻟﻤﻦ ﺟﻨﺎ ﻧﺸﺘﻐﻞ ﻟﻮ ﻟﻤﻦ ﻛﻤﻠﻨﺎ ﻭﺍﻟﺒﻴﺖ ﺩﻓﺊ ﻳﻠﺔ ..
ﻧﺰﻟﺖ ﺩﻣﻮﻋﻬﺎ ﻭﻟﺞ ﻣﻮ ﮔﻠﺖ ﺭﺍﺣﺖ ﺍﻟﺤﻨﻴﺔ ﻭﻱ ﺍﻟﺮﺍﺣﻮﺍ
ﺷﺎﻟﺖ ﺍﻟﺼﻮﺑﺔ ﺧﻠﺘﻬﺎ ﺑﻮﺳﻂ ﺍﻟﻬﻮﻝ ﺍﻟﻲ ﻣﻦ ﻧﻔﺮﺵ ﻭﻧﻮﺭﺗﻪ ﺍﻻﺿﻮﻳﺔ ﺑﻴﻦ ﺷﮕﺪ ﺣﻠﻮ ﻣﺴﻜﻮﻑ ﻭﺩﺍﻳﺮ ﻣﺪﺍﻳﺮﺓ ﺛﻼﺙ ﻏﺮﻑ .. ﻫﺎﻱ ﻋﻮﺩ ﻣﺎﻛﺎﻣﻞ ﻟﻮ ﻛﻤﻞ ﺷﻠﻮﻥ ..
ﺭﺗﺒﺖ ﻏﺮﻓﻪ ﺍﻟﻨﺎ ﺍﻧﻲ ﻭﻋﻤﺘﻲ ﻭﺟﺪﻱ ﻭﺣﻜﻤﺖ .. ﺧﻠﻴﺖ ﺑﻴﻬﻦ ﻣﻼﺑﺴﻨﺎ ﻭﻓﺮﺷﺖ ﻛﻞ ﻭﺍﺣﺪ ﺩﻭﺷﮓ .. ﺻﺤﺖ ﺣﻜﻤﺖ ﺣﺘﻰ ﻳﻨﺎﻡ ﺗﻌﺐ ﺳﻮﺩﺓ ﻋﻠﻴﻪ ..
ﺑﻌﺪ ﻣﺎﺣﻤﻴﺖ ﻣﺎﻱ ﺍﻟﻪ ﻉ ﺍﻟﺒﺮﻳﻤﺰ ﻭﺩﻓﻴﺘﻠﺔ ﺍﻟﺤﻤﺎﻡ ..
ﻧﺎﻡ ﻭﻏﻄﻴﺘﻪ ﻭﻃﻠﻌﺖ .. ﺭﺣﺖ ﺣﺠﻴﺖ ﻭﻱ ﻋﻤﺘﻲ ﺗﺼﻴﺢ ﺟﺪﻱ ﻣﻦ ﺍﻟﺪﻳﻮﺍﻧﻴﺔ ﺑﺎﺭﺩﺓ ﻋﻠﻴﻪ ﻫﻨﺎﻙ ..
ﺭﺍﺣﺖ ﺻﺎﺣﺘﺔ ﻣﺎﻗﺒﻞ ﻳﺠﻲ .. ﺷﻐﻠﺘﻠﺔ ﺍﻟﺼﻮﺑﺔ ﺍﻟﺜﺎﻧﻴﺔ ﻭﺍﻧﻄﺘﻬﺎ ﺑﻴﺪ ﻋﻤﻲ ﺍﻟﻪ ..
ﺩﺧﻠﺖ ﻋﻤﺘﻲ ﻟﻠﻐﺮﻓﺔ .. ﺭﺿﻮﺓ ﻋﻤﺔ ﺍﻧﻲ ﺭﺍﻳﺤﺔ ﺍﺗﻤﺪﺩ ﺍﺣﺲ ﻇﻬﺮﻱ ﺍﻧﻜﺴﺮ ﺍﺫﺍ ﺭﺟﻌﻮﺍ ﻗﻔﻠﻲ ﺍﻟﺒﻴﺒﺎﻥ ﺍﻋﺘﻤﺪ ﻋﻠﻴﺞ
ﻫﺰﻳﺖ ﺭﺍﺳﻲ ﻭﺭﺣﺖ ﻟﻠﻤﻄﺒﺦ ..
ﻛﻌﺪﺕ ﺭﺗﺒﺖ ﺍﻟﻤﺎﻋﻴﻦ ﻭﺍﻟﻐﺮﺍﺽ ﺑﺎﻟﻜﺎﻭﻧﺘﺮ .. ﺻﺢ ﺟﺎﻥ ﻗﺪﻳﻢ ﺣﺪﻳﺪ ﻟﻮﻧﺔ ﺍﺯﺭﻕ ﻃﺎﺑﻘﻴﻦ ﻣﻄﺒﻮﮒ ﺑﺲ ﺍﻟﻪ ﺫﻛﺮﻳﺎﺕ ﻫﻮﺍﻱ ﺑﺤﻴﺎﺗﻲ ..
ﺍﻛﻮ ﺧﺸﺐ ﻫﻮﺍﻱ ﺑﺎﻟﻄﺎﺭﻣﺔ ﻭﺣﺪﺍﻳﺪ .. ﺍﺧﺬﺗﻬﻦ ﻭﺩﻛﻴﺘﻬﻦ ﻉ ﺍﻟﺤﺎﻳﻂ ﻣﺜﻞ ﺍﻟﺮﻑ ﺧﻠﻴﺖ ﻓﻮﮔﻬﻦ ﺷﻴﺎﺷﺔ ﺍﻟﺒﻬﺎﺭﺍﺕ ﻭﺍﻟﺮﻭﺍﻳﺢ ..
ﻋﻤﺘﻲ ﻣﻦ ﺗﻔﺮﻍ ﺷﻴﺸﺔ ﺍﻟﻤﻌﺠﻮﻥ ﺗﺎﺧﺬﻫﺎ ﻭﺗﻐﻠﻔﻬﺎ ﺑﻘﻤﺎﺵ ﻭﺗﺰﻳﻨﻬﺎ ﺑﺪﺍﻧﺘﻴﻞ ﻭﺗﻜﺘﺐ ﺍﺳﻢ ﺍﻟﺒﻬﺎﺭﺍﺕ ﻋﻠﻴﻬﺎ ﺗﺼﻴﺮ ﺗﺨﺒﻞ ﻧﺺ ﺷﻐﻼﺕ ﺍﻟﺒﻴﺖ ﻣﺴﻮﻳﺘﻬﻦ ﺑﻴﺪﻫﺎ ﺷﻜﺪ ﻧﺎﺩﺭﺓ ﻭﻧﻀﻴﻔﻪ ﺑﺲ ﺣﻈﻬﺎ ﻣﺪﺭﻱ ﺷﻠﻮﻧﻪ ﻣﺜﻞ ﺣﻈﻲ .. ﺍﻭ ﻳﻤﻜﻦ ﺍﻧﻲ ﺍﻟﻄﺎﻟﻊ ﺣﻈﻲ ﻋﻠﻴﻬﺎ ﻭﺩﻭﻡ ﺗﻜﻠﻲ ﺣﻈﺞ ﻣﺜﻞ ﺣﻆ ﺍﻣﻲ ﺗﻘﺼﺪ ﺑﻴﺒﻴﺘﻲ ﻓﺨﺮﻳﺔ ..
ﻣﺎﺟﻨﺖ ﺍﻋﺮﻑ ﻗﺼﺘﻬﺎ ﻟﻴﻦ ﻣﺎﻳﻮﻡ ﻛﺘﻠﻨﻲ ﺍﻟﻔﻀﻮﻝ ﻭﺗﻮﺳﻠﺖ ﺑﻴﻬﺎ ﺗﺴﻮﻟﻔﻠﻲ ..
ﻭﺣﺠﺘﻠﻲ ﻗﺼﺘﻬﺎ ﻭﻳﺎﺭﻳﺘﻬﺎ ﻣﺎﺣﺠﺖ ﻣﺎﻧﻤﺖ ﺍﻟﻠﻴﻞ ﻛﻠﺔ ﻣﻦ ﻭﺭﺍﻫﺎ ﻭﺣﻠﻤﺖ ﺑﻴﻬﺎ ﮔﺪ ﻣﺎﻓﻜﺮﺕ ﺑﻴﻬﺎ ﺭﻏﻢ ﺍﻧﻲ ﻣﺎﺷﺎﻳﻔﺘﻬﺎ ﺑﺲ ﻳﮕﻮﻝ ﺟﺪﻱ ﺗﺸﺒﻪ ﻋﻤﺘﻲ ﺣﻤﺪﻳﺔ ﻛﻠﺶ ..
ﻣﻌﻨﺎﻫﺎ ﺣﻠﻮﺓ ﻭﻛﻠﺒﻬﺎ ﻣﺜﻞ ﮔﻠﺐ ﻋﻤﺘﻲ .. ﺩﻣﻌﺖ ﻋﻴﻮﻧﻲ ﻭﺍﻧﻲ ﺍﺫﻛﺮﻫﺎ ﻭﺳﻤﻌﺖ ﻓﺘﺤﺖ ﺍﻟﺒﺎﺏ ﺍﻟﺪﺍﺧﻠﻲ ﻣﺎﻟﺖ ﺍﻟﻬﻮﻝ
ﻣﺪﻳﺖ ﺭﺍﺳﻲ ﻣﻦ ﺑﺎﺏ ﺍﻟﻤﻄﺒﺦ . ﺷﻔﺖ ﻋﻤﺘﻲ ﻟﻤﻴﻌﺔ ﻭﺳﺪﺍﺩ ﻭﺻﺪﺍﻡ ﮔﺪﺍﻣﻬﻦ ﻳﮕﻤﺰ ﻭﻣﺴﺘﻐﺮﺏ ﺍﻟﺒﻴﺖ ..
ﺩﺧﻞ ﻋﻤﻲ ﺻﺎﻟﺢ ..
ﺣﺠﺖ ﻋﻠﻴﻪ .. ﺗﻬﺪﺩﻧﻲ ﺻﺎﻟﺢ ﻋﺎﺟﺒﻚ ﺍﻟﺒﻴﺖ ﻫﻴﺞ ﻧﮕﻌﺪ ﺑﻲ ﻋﺒﺎﻟﻚ ﻣﻬﺠﻮﺭ ﻻ ﺑﺮﺩﺍﺕ ﻭﻻ ﮔﺎﻉ ﻣﺼﺒﻮﺑﺔ ..
ﺭﺩ ﻋﻠﻴﻬﺎ .. ﺍﻟﺒﻴﺖ ﺩﺍﻓﻲ ﻭﺷﻮﻳﺔ ﺷﻮﻳﺔ ﻳﺘﺮﺗﺐ .. ﺷﻮﻓﻲ ﺷﻠﻮﻥ ﺻﺎﺭ ﻭﻫﻮ ﻣﺎﻛﺎﻣﻞ .. ﻻﺗﺨﺎﻓﻴﻦ ﻣﻦ ﺑﺎﺟﺮ ﺍﺳﺘﻌﺠﻞ ﺍﻟﻌﻤﺎﻝ ﻳﺒﺪﻭﻥ ﻳﻜﻤﻠﻮﻥ ﺍﻟﻄﺎﺑﻖ ﺍﻟﻔﻮﮒ ﺣﺘﻰ ﺗﺴﺘﻘﺮﻭﻥ ﻓﻮﮒ ﻭﺑﻌﺪﻳﻦ ﻳﻜﻤﻠﻮﻥ ﺍﻟﺠﻮﺓ ..
ﺟﻦ ﻣﺎﻋﺠﺒﻬﺎ ﺍﻟﺤﺠﻲ ﺻﺎﺣﺖ .. ﻭﻳﻦ ﺍﻧﺎﻡ ﻫﺴﺎ ..
ﻃﻠﻌﺖ ﺭﻏﻢ ﺍﺩﺭﻱ ﺭﺍﺡ ﺍﺣﺼﻞ ﺣﺠﺎﻳﺔ ﻣﻨﻬﺎ ..
ﺳﻠﻤﺖ ﻋﻠﻴﻬﺎ ﻣﺎﺭﺩﺕ ..
ﻭﻳﻦ ﻏﺮﻓﺘﻲ .. ﺍﺩﺭﻱ ﺑﻴﺞ ﺍﻧﺘﻲ ﻭﻋﻤﺘﺞ ﺣﺠﺰﺗﻦ ﺍﻟﺤﺠﺮﺓ ﺍﻟﺰﻳﻨﺔ ﻭﺍﺣﻨﺔ ﺿﻠﻴﻨﻪ ..
- ﻛﻞ ﺍﻟﻐﺮﻑ ﻧﻔﺲ ﺍﻟﺸﻲ ﻋﻤﺔ ﻭﺍﺻﻼ ﻣﺎﻛﺎﻣﻼﺕ ﻭﻛﻠﻬﻦ ﻓﺮﺷﻨﺎﻫﻦ ﻭﺧﻠﻴﻨﺎ ﺑﻴﻬﻦ ﻓﺮﺍﺷﺎﺕ ﻭﻏﻄﻴﺎﺕ ..
- ﻳﺎﻭﺍﻟﻠﻪ ﻛﺜﺮ ﺧﻴﺮﺝ ﻣﻦ ﺫﻛﺮﺗﻴﻨﺎ ﺑﻔﺮﺍﺷﺎﺕ .. ﻋﻔﺘﻬﺎ ﻭﺭﺟﻌﺖ ﻟﻠﻤﻄﺒﺦ ..
ﻛﻤﻠﺖ ﻭﺭﺣﺖ ﺍﻟﺠﺪﻱ ﺍﺧﺬﺗﻠﺔ ﺑﻄﺎﻧﻴﺔ ﺛﺎﻧﻴﺔ ﺩﺧﻠﺖ ﻟﻜﻴﺘﻪ ﻧﺎﻳﻢ ﻭﺳﺒﺤﺘﻪ ﺑﻴﺪﺓ ﻋﺮﻓﺘﻪ ﻣﺎﻏﺎﻓﻲ ﻏﻄﻴﺘﻪ ﻭﻃﻠﻌﺖ ﺧﻠﻴﺘﻪ ﺑﺪﻋﺎﺋﻪ ﻭﺗﺴﺒﻴﺤﺔ .. ﻭﻛﻔﺖ ﺑﺎﻟﻄﺎﺭﻣﺔ ﺷﻮﻳﺔ ﻭﻋﻴﻨﻲ ﻉ ﺍﻟﺴﻤﺎ ﺭﻏﻢ ﺑﺎﺭﺩﺓ ﻭﺩﻋﻴﺖ ﺍﻟﻠﻪ ﻳﺮﻳﺢ ﺑﺎﻟﻪ ﻭﻳﺤﻔﻈﺔ ﺍﻟﻨﺎ ﻣﺎﻋﺪﻧﺎ ﻏﻴﺮﺓ ﺑﻠﻴﺎﻩ ﻧﺘﻴﻪ ﻭﻧﻀﻴﻊ ..بيج قصص عراقيه حقيقيه من واقعنا.روعه الطائي
ﺭﺟﻌﺖ ﻗﻔﻠﺖ ﻣﻬﺪﻱ ﻟﻜﻴﺘﻪ ﻓﺎﺭﺵ ﺑﺎﻟﻬﻮﻝ .. ﻣﻦ ﺷﺎﻓﻨﻲ ﮔﺎﻡ .. ﺭﺿﻮﺓ ﻭﻳﻦ ﺭﺍﺡ ﺗﻨﺎﻣﻴﻦ ..
ﺻﻔﻨﺖ ﺑﻮﺟﻬﺔ .. ﻳﻢ ﻋﻤﺘﻲ ..
- ﻣﺎﺗﺠﻴﻦ ﻳﻤﻲ ﻣﺤﺘﺎﺟﺞ ..
- ﺷﻨﻮ ﻣﺎﺍﻓﺘﻬﻤﺖ ..
- ﺷﺒﻴﺞ ﺭﺿﻮﺓ ﻣﻮ ﻣﺮﺗﻲ ﺍﻧﺘﻲ ﻭﺍﻟﻲ ﺣﮓ ﻋﻨﺪﺝ ..
- ﺣﮕﻚ ﺍﺧﺬﺗﺔ ﻳﺎﺍﺑﻦ ﻋﻤﻲ ﻳﻮﻡ ﺍﻟﻲ ﺍﻋﺘﺪﻳﺖ ﻋﻠﻴﻪ ﻭﺍﺧﺬﺕ ﺍﺑﻨﻲ ﻭﺭﺣﻤﻲ ﻣﻨﻲ .. ﺑﻌﺪ ﻣﺎﻟﻚ ﺣﮓ ﻋﻨﺪﻱ
- ﺷﻮﻛﺖ ﺗﻨﺴﻴﻦ ﻟﻴﺶ ﺗﺼﻴﺮﻳﻦ ﺣﺎﻗﺪﺓ ..
- ﺍﻧﻲ ﺣﺎﻗﺪﺓ ﻭﺍﻟﻲ ﺗﺴﻮﻩ ﺑﻴﻪ ﺷﻨﻮ .. ﺍﺣﻠﻰ ﺍﻳﺎﻡ ﻋﺸﺘﻬﺎ ﺑﻌﺪ ﻣﺎﻭﮔﻊ ﺍﺑﻨﻲ .. ﻣﻦ ﺍﺳﺘﻘﺮﻳﺖ ﺑﺤﺠﺮﺗﻲ ﻭﺻﺮﺗﻠﻲ ﺭﺟﻞ ﻭﺍﺑﻮ ﺍﻟﺤﻜﻤﺖ ﺳﺎﻋﺘﻬﺎ ﻧﺴﻴﺖ ﻛﻠﺸﻲ ﻭﺑﺪﻳﺖ ﺻﻔﺤﺔ ﺟﺪﻳﺪﺓ .
ﺑﺲ ﻣﻦ ﻋﺮﻓﺖ ﺍﻟﺼﺎﺭ ﻋﺮﻓﺖ ﺍﻧﺖ ﻣﺎﺗﺤﺒﻨﻲ ﻭﻻﻥ ﻣﺘﺄﻛﺪ ﻣﺎﻳﺼﻴﺮ ﻋﻨﺪﻱ ﺟﻬﺎﻝ ﺟﻨﺖ ﺗﺠﻴﻨﻲ ﻻﻥ ﺑﺘﻮﻝ ﻣﻦ ﺗﺤﺒﻞ ﻣﺎﺗﺤﺐ ﺗﺘﮕﺮﺑﻠﻬﺎ .. ﻭﻫﺴﺎ ﻫﻢ ﻧﻔﺲ ﺍﻟﺸﻲ ﺻﺎﺭ ﺍﺷﻬﺮ ﻭﻫﻲ
ﻣﺎﻫﻲ ﺗﺮﻳﺪ ﺗﺠﺪﺩ ﺷﻮﮔﻚ ﺑﻴﻪ ..
ﺍﻧﻲ ﺭﺍﺿﻴﺔ ﺑﻘﺴﻤﺘﻲ ﻫﻴﺞ ﻭﻣﺮﺗﺎﺣﺔ ﺗﺮﻳﺪﻧﻲ ﺍﺧﺪﻣﻚ ﺑﻌﻴﻨﻲ ﺑﺲ ﻛﻞ ﺣﮓ ﻣﺎﺍﻟﻚ ﻋﻨﺪﻱ ..
ﺗﻌﺼﺐ ﻭﺧﻨﺰﺭ ﻋﻠﻴﻪ ﻋﻔﺘﻪ ﻭﺭﻛﻀﺖ ﻟﻠﻐﺮﻓﻪ ..
ﺟﺎﻧﺖ ﺍﻟﺒﻴﺒﺎﻥ ﻣﺎﻣﺴﻮﺍﻳﺔ ﻣﺨﻠﻴﻦ ﺑﺮﺩﺓ .. ﺗﻠﻔﻴﺖ ﺑﺎﻟﺒﻄﺎﻧﻴﺔ ﻭﻧﻤﺖ ﻣﻦ ﺍﻟﺘﻌﺐ ﻣﺎﺣﺴﻴﺖ ﺑﺮﻭﺣﻲ ﻟﻠﺼﺒﺢ ..
ﮔﻌﺪﺕ ﻓﺎﺯﺓ ﻋﻠﻰ ﺻﻮﺕ ﻋﻤﺘﻲ ﻭﻫﻲ ﺗﺴﺄﻝ ﻋﻠﻰ ﺟﺪﻱ ..
- ﻣﺎﺷﻔﺘﻲ ﺟﺪﺝ ﻣﺎﻫﻮ ﺑﺎﻟﺪﻳﻮﺍﻧﻴﺔ ..
ﻓﺘﺤﺖ ﻋﻴﻨﻲ .. ﻻ ﻣﺎﺍﺩﺭﻱ ﻭﻳﻦ ﺭﺍﺡ ..
ﻣﺎﻧﺪﺭﻱ ﻋﻤﺞ ﻭﻣﻬﺪﻱ ﮔﻌﺪﺗﻬﻢ ﻳﺪﻭﺭﻭﻥ ﻋﻠﻴﻪ ..
ﺑﻌﺪ ﺳﺎﻋﺔ ﺭﺟﻊ ﻣﻬﺪﻱ ﻋﻴﻮﻧﻪ ﺣﻤﺮ ﻭﻭﺟﻬﺔ ﺷﺎﺣﺐ ..
ﻣﻦ ﺷﺎﻓﺘﻪ ﻋﻤﺘﻲ .. ﺻﺎﺣﺖ ﮔﻠﺒﻲ ﺍﻧﻘﺒﺾ ﻟﮕﻴﺘﻮﺍ ﻫﺎﺩﻱ ﻟﻮ ﺍﺑﻮﻱ ﺑﻲ ﺷﻲ ؟؟
ﻃﻠﻌﻦ ﻋﻤﺘﻲ ﻟﻤﻴﻌﺔ ﻭﺳﺪﺍﺩ ﻣﻔﺰﻭﻋﺎﺕ ﻣﻦ ﻧﻮﻣﻬﻦ ﻋﻠﻰ ﺻﻮﺕ ﻋﻤﺘﻲ ..
ﻧﺰﻟﺖ ﺩﻣﻮﻉ ﻣﻬﺪﻱ .. ﺟﺪﻱ ﺍﻟﺼﺒﺢ ﻣﺎﻣﺘﺤﻤﻞ ﻭﺭﺍﺡ ﻟﺒﻴﻮﺕ ﻭﺍﺣﺪ ﻣﻦ ﺟﻤﺎﻋﻪ ﻋﻤﻲ ﺍﻟﺮﺍﺣﻮﺍ ﻭﻳﺎﻩ ..
ﻟﻜﺎﻫﻢ ﻧﺎﺻﺒﻴﻦ ﻓﺎﺗﺤﺔ ﻣﻦ ﺳﺎﺋﻠﻬﻢ ﮔﺎﻳﻠﻴﻠﺔ ﺳﻤﻌﻨﺎ ﻣﻌﺪﻭﻣﻴﻦ ﻗﺎﺑﺮﻳﻬﻢ ﻛﻠﻬﻢ ..
ﻫﻨﺎ ﻋﻤﺘﻲ ﻣﺎﺍﺗﺤﻤﻠﺖ ﺻﺎﺣﺖ ﺻﻮﺕ ﻭﺧﺮﻣﺸﺖ ﺧﺪﻭﺩﻫﺎ .. ﻳﻌﻨﻲ ﻫﺎﺩﻱ ﺭﺍﺡ ..
ﻫﺰ ﺭﺍﺳﻪ ﻭﺩﻧﮓ ..
ﺭﺗﺒﻦ ﺣﻮﺷﺠﻦ ﺟﺪﻱ ﺍﺗﺨﺮﺑﻂ ﻭﺍﺧﺬﻧﺎﻩ ﻟﻠﻤﺴﺘﺸﻔﻰ ﻭﺍﻧﻲ ﺭﺍﺡ ﺍﺧﺎﺑﺮ ﺍﻭﻻﺩﺓ ﺍﻛﻠﻬﻢ ﻭﺍﺣﻀﺮ ﻟﻠﻔﺎﺗﺤﺔ ..
ﺗﺴﻮﺩﻧﺖ ﻋﻤﺘﻲ ﻭﺿﻠﺖ ﺗﻤﻠﺦ ﺑﺸﻌﺮﻫﺎ .. ﻭﺗﻠﻄﻢ
ﺳﻮﺩﺓ ﺑﻮﺟﻬﺞ ﺣﻤﺪﻳﺔ ..
ﺳﻮﺩﺓ ﺑﻮﺟﻬﺞ ﻳﺎﻟﻐﺒﺮﺓ .. ﺭﺍﺡ ﺛﺎﻧﻲ ﺳﻨﺪ ﺍﻟﺞ ﻓﻮﮒ ﻛﺴﺮﺕ ﺭﺟﻠﺞ .. ﮔﻠﺒﻲ ﺟﺎﻥ ﺣﺎﺱ ﻣﺎﻳﺮﺟﻊ ..
ﮔﺎﺑﻠﻨﺎﻫﺎ ﻛﻠﻨﺎ ﻭﺿﻠﻴﻨﺎ ﻧﺒﺠﻲ ﻭﻧﻠﻄﻢ .. ﺭﺍﺣﺖ ﺳﺪﺍﺩ ﺍﻟﺒﻴﺖ ﺍﻡ ﻫﻴﺜﻢ ﺧﺎﺑﺮﺕ ﺑﻴﺖ ﺍﻟﺴﺎﺩﺓ ﻭﺑﻴﺖ ﺧﺎﻟﻬﺎ ﻭﺍﻗﺮﺑﺎﺋﻨﺎ ..
ﺍﻟﻨﺎﺱ ﻛﻠﻬﺎ ﺍﻟﺘﻤﺖ ﻭﺍﻟﺠﻴﺮﺍﻥ ﺑﺲ ﻛﻞ ﺍﻟﻲ ﻳﺴﺄﻝ ﻣﺎﻧﮕﺪﺭ ﻧﺤﺠﻲ ﻭﻧﮕﻮﻝ ﻣﺎﺕ ﺑﻬﻴﺞ ﻃﺮﻳﻘﺔ ..
ﻻﻥ ﻳﻌﺘﺒﺮﻭﻩ ﻣﻦ ﺟﻤﺎﻋﻪ ﺍﻻﻧﺘﻔﺎﺿﺔ ﻭﺍﻫﻠﺔ ﻳﺘﺴﻤﻮﻥ ﻏﻮﻏﺎﺋﻴﻴﻦ .. ﻛﻢ ﻭﺍﺣﺪ ﺍﻟﻴﻌﺮﻑ ﺑﺲ ..
ﻛﻞ ﺍﻟﻲ ﻳﺴﺄﻝ ﻧﮕﻮﻝ ﻣﺎﺕ ﺑﺤﺎﺩﺙ ..
ﮔﺎﻋﺪﻳﻦ ﻭﺳﻤﻌﻨﺎ ﺻﻮﺕ ﻫﺰ ﺍﻟﺒﻴﺖ ﻫﺰ .. ﺭﻓﻌﺖ ﺭﺍﺳﻲ ﻭﺷﻴﻠﺘﻲ ﻋﻠﻰ ﻋﻴﻮﻧﻲ ﺟﻨﺖ ﺍﺑﺠﻲ ..
ﺷﻔﺖ ﺑﺘﻮﻝ ﻭﺍﻭﻻﺩﻫﺎ ﻭﺍﻣﻬﺎ ﻭﺍﺧﺘﻬﺎ ﻋﺮﻭﺑﺔ ﮔﺪﺍﻣﻬﺎ ﺗﺼﺮﺥ ﻭﺗﺨﺮﻣﺶ ﺑﺨﺪﻭﺩﻫﺎ ﮔﺎﺑﻠﺖ ﻋﻤﺎﺗﻲ ﻭﺗﺒﺠﻲ ..
ﺭﺍﺡ ﺭﺍﺡ ﻣﻮﻭﻭﻭ .. ﺭﺍﺡ ﻫﺎﺩﻱ ﺍﻟﻠﻪ ﻻﻳﻨﻄﻲ ﺍﻟﻔﺮﻗﻨﺎ ..
ﻣﺎﻋﺮﻓﺖ ﺷﺘﻘﺼﺪ ﻋﻠﻰ ﺟﺪﻱ ﻟﻮ ﻋﻠﻰ ﺍﻟﻲ ﻗﺒﺮﻩ ﻣﺎﺍﺩﺭﻱ ﺍﻟﻤﻬﻢ ﺣﺴﻴﺖ ﺑﻠﻮﻋﺘﻬﺎ ﻭﺣﺮﮔﺘﻬﺎ ﻣﻌﻨﺎﺗﻬﺎ ﺟﺎﻧﺖ ﺗﺤﺒﻪ ﺻﺪﮒ ..
ﺑﻴﺖ ﺍﻟﺴﺎﺩﺓ ﺍﺟﻮﻧﺎ ﻭﺍﻟﻌﻠﻮﻳﺎﺕ ﻣﺎﻗﺼﺮﻥ ﺍﺣﻨﺔ ﮔﺎﻋﺪﻳﻦ ﻧﺴﺘﻘﺒﻞ ﺍﻟﻌﺰﺍ ﻭﻧﻠﻄﻢ ﻭﻫﻦ ﺷﺎﻳﻼﺕ ﺍﻟﺒﻴﺖ ﻋﻠﻰ ﺭﺍﺳﻬﻦ ..
ﺟﺪﻱ ﻣﺎﺷﻔﻨﺎﻩ ﻣﻦ ﺍﻟﻌﺎﻟﻢ ﺍﻻ ﻟﻠﻴﻞ ﮔﺎﺑﻠﻨﺎ ﻭﻧﺒﺠﻲ ..
ﺍﻣﺎ ﺣﻴﺪﺭ ﻭﻛﺮﺍﺭ ﺟﺎﻧﺖ ﺣﺎﻟﺘﻬﻢ ﺣﺎﻟﺔ ﺧﻄﻴﻪ ﺗﻴﺘﻤﻮﺍ ﻣﻦ ﺻﻐﺮﻫﻢ ﻭﻫﺴﺎ ﺍﺑﻮﻫﻢ ﻫﻢ ﻋﺎﻓﻬﻢ ..
ﺟﺎﻥ ﺣﻴﺪﺭ ﻳﺒﺠﻲ ﻭﻳﮕﻠﺔ ﻟﻮ ﻣﺨﻠﻴﻪ ﻳﺘﺰﻭﺝ ﻭﻳﺘﻬﻨﺎ ﻭﻻﻳﺮﻭﺡ ﻣﻨﺎ .. ﺻﺢ ﻣﺎﺟﺎﻥ ﻳﻬﺘﻢ ﺑﻴﻨﺎ ﺯﻳﻦ ﺑﺲ ﻭﺟﻮﺩﻩ ﻳﻤﻨﺎ ﻳﻜﻔﻴﻨﺎ ..
ﺣﻀﻨﻮﺍ ﻋﻤﺘﻲ ﻭﻳﺒﺠﻮﻥ ﻭﻫﻲ ﺣﺎﺿﻨﺘﻬﻢ ﻭﺗﺸﺘﻢ ﺑﻴﻬﻢ ﺍﻭﻭﻭﻑ ﻳﺎﺭﻳﺤﺔ ﻫﺎﺩﻱ ﺑﻴﻜﻢ ..
ﻣﺮﻥ ﺍﻳﺎﻡ ﺍﻟﻔﺎﺗﺤﺔ ﻣﺜﻞ ﺍﻟﻜﺎﺑﻮﺱ ﻋﻠﻴﻨﺎ ﻃﻠﻌﺖ ﻣﻮﺕ ﺍﺑﻮﻱ ﻭﻗﻬﺮﻱ ﻭﻛﻠﺸﻲ ﺑﺤﻴﺎﺗﻲ ﺑﺠﻴﺖ ﻟﻤﻦ ﺍﺭﺗﺎﺣﻴﺖ ..
ﺻﺢ ﺣﺰﻳﻨﺔ ﻭﻛﻠﺒﻲ ﻳﺘﮕﻄﻊ ﻋﻠﻰ ﻋﻤﻲ ﺑﺲ ﺍﻟﻬﻤﻮﻡ ﺍﻟﻲ ﺑﺪﺍﺧﻠﻲ ﺍﻛﺜﺮ ﻭﻃﻠﻌﻦ ﻭﻫﺎﺟﻦ ﻋﻠﻴﻪ ﻛﻠﻬﻦ ﻓﺪ ﻣﺮﺓ ..
ﻟﻤﻴﺖ ﺍﻟﻤﺎﻋﻴﻦ ﻛﻠﻬﻦ ﺑﻌﺪ ﺍﻟﻔﺎﺗﺤﺔ ﺍﺧﺬﺗﻬﻦ ﺍﻟﺒﻴﺖ ﺍﻡ ﻫﻴﺜﻢ ﻻﻥ ﺟﺒﻨﺎﻫﻦ ﻣﻨﻬﻢ ..
ﻛﻌﺪﺕ ﺷﻮﻳﺔ ﻳﻢ ﻣﺮﺕ ﻫﻴﺜﻢ ﺗﺴﺄﻟﻨﻲ ﻋﻦ ﺣﺎﻟﻲ ﻭﻟﻴﺶ ﺷﻜﻠﻲ ﻫﻴﺞ ﺗﻌﺒﺎﻥ ﺟﺎﻧﺖ ﺗﻮﺍﺳﻲ ﺑﻴﻪ ﺳﺄﻟﺘﻬﺎ ﻋﻠﻰ ﻓﺎﺗﺤﺘﻬﻢ ﺍﻟﻲ ﺑﺒﻐﺪﺍﺩ ..
ﮔﺎﻟﺖ ﺍﻱ ﻓﺎﺟﻌﺔ ﺧﺎﻟﺘﻲ ﻧﺒﺮﺍﺱ ﻓﺎﺟﻌﺔ .. ﺧﺎﻳﻔﻪ ﻋﻠﻰ ﻭﻟﺪﻫﺎ ﻭﻣﺨﻠﻴﺘﻬﻢ ﺑﺎﻟﻤﻠﺠﺄ ﻭﻱ ﺑﻴﺖ ﺧﺎﻟﺘﻲ ﺍﻟﺜﺎﻧﻴﺔ ..
ﻋﻮﺩ ﺭﺍﺩﺕ ﺗﺤﻤﻴﻬﻢ ﺗﺎﻟﻲ ﻭﺍﮔﻊ ﺻﺎﺭﻭﺥ ﻋﻠﻴﻬﻢ ﻭﻣﺤﺘﺮﻛﻴﻦ ﻣﺎﻟﻜﺘﻠﻬﻢ ﺍﺛﺮ ﻗﻬﺮﺗﻨﻲ ﻭﺑﺠﺘﻨﻲ ﻭﻫﻲ ﺗﺴﻮﻟﻒ ..
ﺗﺬﻛﺮﺕ ﺍﻟﻤﺮﺓ ﺍﻟﻲ ﺍﺟﺖ ﺑﻮﻓﺎﺓ ﺍﺑﻮﻱ ﻣﺪﺭﻱ ﺣﺴﻦ ﻭﺍﻟﻠﻪ ﻣﺎﺍﺗﺬﻛﺮ ﻣﺮﺕ ﻓﺘﺮﺓ ﻃﻮﻳﻠﺔ ..
ﺍﻱ ﺻﺢ ﻭﺍﻧﻄﺘﻨﻲ ﻭﺭﻗﺔ .. ﺭﺩﺕ ﺍﺳﺄﻟﻬﺎ ﻋﻠﻴﻬﺎ ﺑﺲ ﻫﻲ ﻣﺎﺟﺎﻧﺖ ﻣﻌﺮﺳﺔ ﺑﻌﺪﻫﻲ ﻭﺧﺎﻑ ﻣﺎﺗﻌﺮﻓﻬﺎ ..
ﺩﻭﺭ ﻛﺎﻟﺖ ﺻﺪﮒ ﻣﺎﮔﻠﺘﻠﺞ ..
ﻭﺍﻧﺘﻮ ﻋﻨﺪﻛﻢ ﻓﺎﺗﺤﺔ ﺍﺗﺼﻠﺖ ﻣﺮﺓ ﺭﺍﺩﺗﺞ ﻭﮔﻠﺘﻠﻬﺎ ﻋﻨﺪﻫﻢ ﻓﺎﺗﺤﺔ ﻣﺎﺗﮕﺪﺭ ﻭﺑﻌﺪﻫﺎ ﺍﻧﮕﻄﻊ ﺍﻟﺨﻂ ..
ﺗﻌﺠﺒﺖ ﻣﻨﻲ ﻫﺎﺍﺍﻱ ؟؟
ﻣﺎﺍﺩﺭﻱ ﻭﺍﻟﻠﻪ ﺣﺘﻰ ﻣﺎﻟﺤﮕﺖ ﺍﺳﺄﻟﻬﺎ ﺍﺫﺍ ﺧﺎﺑﺮﺕ ﻣﺮﺓ ﺛﺎﻧﻴﺔ ﺍﺩﺯﻟﺞ ﻣﺴﻚ ..
ﻫﺰﻳﺖ ﺭﺍﺳﻲ ﻭﻛﻤﺖ ..
ﺑﻌﺪ ﻳﻮﻣﻴﻦ ﻭﺍﻧﻲ ﺍﺷﺘﻐﻞ ﺍﻟﺼﺒﺤﻴﺔ ﻭﺑﺘﻮﻝ ﺑﺎﻟﻤﻄﺒﺦ ﻋﻤﺘﻲ ﻟﻤﻴﻌﺔ ﺭﺍﺣﺖ ﺍﻟﻮﺩﺍﺩ ﻫﻲ ﻭﺳﺪﺍﺩ ﻻﻥ ﻣﺮﻳﻀﺔ ﻳﮕﻮﻟﻦ ..
ﻭﻋﻤﺘﻲ ﺣﻤﺪﻳﺔ ﺑﻐﺮﻓﺘﻬﺎ ﺗﻘﺮﺃ ﻗﺮﺁﻥ ﺍﻟﻌﻤﻲ ﻫﺎﺩﻱ ﺗﺮﻳﺪ ﺗﺨﺘﻢ ﺍﻟﻪ ﻛﻢ ﺧﺘﻤﺔ ..
ﺍﻧﺪﮔﺖ ﺍﻟﺒﺎﺏ ﻓﺘﺤﺘﻬﺎ ﺷﻔﺖ ﻣﺴﻚ ..
ﻫﺎ ﺧﺎﻟﺔ ..
ﺧﺎﻟﻪ ﺗﮕﻮﻝ ﺍﻣﻲ ﺑﺴﺮﻋﻪ ﺗﻌﺎﻱ ﺍﻟﻤﺮﺓ ﺭﺩﺕ ﺧﺎﺑﺮﺕ ..
ﻣﻦ ﺳﻤﻌﺖ ﻫﻴﺞ ﻣﺎﺣﺠﻴﺖ ﻟﺒﺴﺖ ﺣﺠﺎﺑﻲ ﺟﺎﻥ ﻋﻠﻰ ﺟﺘﻔﻲ ﻣﺨﻠﻴﺘﻪ ﻭﺭﺣﺖ ﺍﺭﻛﺾ ﺍﻟﺒﻴﺘﻬﻢ .. ﺩﺧﻠﺖ ﺳﻠﻤﺖ ﺑﺴﺮﻋﺔ ﻭﺭﻓﻌﺖ ﺍﻟﺴﻤﺎﻋﻪ ﻣﺎﻝ ﺍﻟﺘﻠﻔﻮﻥ ..
ﺍﻟﻮﻭﻭﻭﻭ ..
ﺍﻟﻮﻭﻭﻭﻭ ﺍﻧﺖ ﺭﺿﺎﺀ . ﺻﻮﺕ ﻳﻘﻄﻊ ﻭﺑﻌﻴﺪ ﺟﺎﻥ ﺑﺎﻟﻜﻮﺓ ﺍﺳﻤﻌﻬﺎ ..
ﺍﻱ ﺍﻧﻲ ﺭﺿﺎﺀ ﻣﻨﻮ ﺍﻧﺖِ ..
ﻣﺎﻋﺮﻓﺘﻴﻨﻲ …… ﺍﻧﻲ ﺍﻣﺞ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ