ﺍﺳﻌﺪ ﺍﻟﻠﻪ ﺍﻭﻗﺎﺗﻜﻢ ﺑﻜﻞ ﺧﻴﺮ ﺍﺣﺒﺘﻲ ❤
‏( 14 ‏)
#ﺣﻜﻤـﺔ__ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﻗﺎﻟﺖ .. ﻣﺘﻰ ﺳﻨﻠﺘﻘﻲ .... ؟
ﻗﺎﻝ .. ﻟﻬﺎ ﻋﻨﺪﻣﺎ ﺗﻨﺘﻬﻲ ﺍﻟﺤﺮﺏ ..
ﻗﺎﻟﺖ .. ﻣﺘﻰ ﺳﺘﻨﺘﻬﻲ ﺍﻟﺤﺮﺏ؟
ﻗﺎﻝ .. ﻟﻬﺎ ﻋﻨﺪﻣﺎ ﻧﻠﺘﻘﻲ !!
ﻣﻦ ﺑﻌﺪ ﺍﻧﺘﻬﺎﺀ ﺍﻟﺤﺮﺏ ﺍﻟﺴﻨﺔ ﺗﺴﻌﻴﻦ .. ﺟﺎﻧﺖ ﺍﻟﻨﺎﺱ ﻣﺮﺗﺎﺣﺔ ﻭﺍﺭﺗﺴﻤﺖ ﺍﻟﻀﺤﻜﺔ ﻋﻠﻰ ﺷﻔﺎﻓﻬﻢ .. ﺑﻌﺪ ﻣﺎﻋﺎﻧﻮﺍ ﻣﻦ ﺍﻟﺤﺮﻭﺏ ﺍﻟﻤﺴﺘﻤﺮﺓ ﺁﻧﺬﺍﻙ ..
ﺣﺠﻲ ﺧﻀﻴﺮ ﺭﺍﺩ ﻳﻐﻴﺮ ﺍﻟﺒﻴﺖ . ﻻﻥ ﺍﻟﺒﻴﺖ ﻭﺍﺭﺛﺔ ﻣﻦ ﺍﺑﻮﻩ ﻭﺻﺎﺭﻟﺔ ﺯﻣﻦ .. ﻗﺮﺭ ﻳﻔﻠﺸﺔ ﻟﻠﮕﺎﻉ ﻭﻳﺒﻨﻴﻪ ﻣﻦ ﺟﺪﻳﺪ ..
ﺑﻌﺪ ﻣﺎﺭﺍﺡ ﺍﻟﻤﻘﺎﻭﻝ ﻭﺍﺗﻔﻖ ﻭﻳﺎﻩ ﻭﺟﺎﺑﻠﺔ ﺧﺮﻳﻄﺔ ﺣﻠﻮﺓ ﺑﺲ ﺍﻟﺤﺠﻲ ﺷﺮﻁ ﻋﻠﻴﻪ ..
ﺍﻫﻢ ﺷﻲ ﻳﻜﻮﻥ ﻣﻀﻴﻒ ﺍﻭ ﺩﻳﻮﺍﻧﻴﺔ ﻣﻌﺰﻭﻟﺔ ﻋﻦ ﺍﻟﺒﻴﺖ .. ﻻﻥ ﺗﻌﺐ ﺍﻟﺴﻨﻴﻦ ﺫﻳﺞ ﻣﻦ ﻳﺠﻲ ﺧﻄﺎﺭ ﻳﻔﻮﺗﺔ ﺑﻨﺺ ﺑﻴﺘﻪ ﻟﻠﺪﻳﻮﺍﻧﻴﺔ .. ﻭﺍﻻﻫﻢ ﻫﻮﻝ ﺟﺒﻴﺮ ﻳﻨﺠﻤﻌﻮﻥ ﺑﻲ ﺑﮕﻌﺪﺍﺗﻬﻢ ﻭﺍﻛﻠﻬﻢ .. ﻣﺎﺧﻠﺔ ﺳﺎﺣﺔ ﺍﻭ ﻃﺎﺭﻣﺔ ﺍﻻ ﻛﻢ ﻣﺘﺮ ﺗﻔﺼﻞ ﺑﻴﻦ ﺑﺎﺏ ﺍﻟﺒﻴﺖ ﺍﻟﺪﺍﺧﻠﻲ ﻭﺑﺎﺏ ﺍﻻﺳﺘﻘﺒﺎﻝ ﺍﻟﺨﺎﺭﺟﻲ ..
ﺍﻣﺎ ﺍﻟﺼﺤﻴﺎﺕ ﻓﺄﻗﺘﺮﺡ ﺩﺍﺧﻠﻴﺎﺕ ﻭﺧﺎﺭﺟﻴﺎﺕ ..
ﻭﻫﻴﺞ ﻣﻌﻨﺎﻫﺎ ﺭﺍﺡ ﺗﻘﻞ ﺍﻟﻐﺮﻑ ﺍﻟﺠﻮﺓ .. ﺧﻠﻮﺍ ﺑﺲ ﺛﻼﺙ ﻏﺮﻑ ﺟﻮﺓ ﻭﺍﻟﺒﺎﻗﻴﺎﺕ ﻛﻠﻬﻦ ﻓﻮﮒ ﺭﻏﻢ ﺍﻟﺒﻴﺖ ﻣﺴﺎﺣﺘﻪ ﺟﺒﻴﺮ ﺑﺲ ﻣﺎﺭﺍﺩﻩ ﻳﻜﻮﻥ ﺿﻴﮓ ﺍﻟﻄﺎﺑﻖ ﺍﻟﺠﻮﺓ ..
ﺍﻟﻜﻞ ﺟﺎﻥ ﻓﺮﺣﺎﻥ ﺑﻬﺎﻟﻤﻘﺘﺮﺡ ﻭﺍﻟﻜﻞ ﺑﺪﺃ ﻳﺨﻄﻂ .. ﻫﺬﺍ ﺍﻟﻲ ﻳﺮﻳﺪ ﻓﻮﮒ ﻭﻫﺬﺍ ﺍﻟﻲ ﻳﺮﻳﺪ ﺟﻮﺓ ..
ﺑﻌﺪ ﻣﺎﺗﻔﻠﺶ ﺍﻟﺒﻴﺖ ﻭﺑﺪﺃﻭﺍ ﺑﻨﻴﺎﻥ ﺍﻟﺤﺠﻲ ﺧﻀﻴﺮ ﺍﺟﺮ ﺑﻴﺖ ﻣﻮ ﺟﺒﻴﺮ ﻛﻠﺶ ﺑﺲ ﻳﺠﻤﻊ ﻏﺮﺍﺿﻬﻢ ﻭﻳﻠﻤﻬﻢ ﺑﻬﺎﻱ ﺍﻟﻔﺘﺮﺓ ..
ﺟﺎﻥ ﻳﻄﻠﻊ ﻣﻦ ﺍﻟﺼﺒﺢ ﻳﺮﻭﺡ ﻳﻮﮔﻒ ﻉ ﺍﻟﻌﻤﺎﻝ ﺧﺎﻑ ﻳﻠﺘﻬﻮﻥ ﻭﻳﺘﺄﺧﺮﻭﻥ ﻭﻫﻮ ﻳﺮﻳﺪ ﺍﻟﺸﻐﻞ ﻳﻤﺸﻲ ﺑﺴﺮﻋﺔ ..
ﺍﻣﺎ ﺍﻟﻨﺴﻮﺍﻥ ﻓﺠﺎﻧﻦ ﺑﺲ ﻳﺘﻌﺎﺭﻛﻦ ﻉ ﺍﻟﻤﻜﺎﻥ .. ﺣﻤﺪﻳﺔ ﻭﺣﻜﻤﺔ ﻭﺭﺿﺎﺀ ﻭﺳﺪﺍﺩ ﺑﻐﺮﻓﺔ ﻭﺣﺪﺓ ..
ﻭﻟﻤﻴﻌﺔ ﻭﺑﺘﻮﻝ ﻭﺍﻟﺠﻬﺎﻝ ﺑﻐﺮﻓﻪ .. ﻭﺍﻟﺰﻟﻢ ﻛﻠﻬﻢ ﻭﺍﻟﺒﻘﻴﺔ ﺑﺎﻻﺳﺘﻘﺒﺎﻝ ﻳﻨﺎﻣﻮﻥ .. ﺍﻟﺒﻴﺖ ﻣﺎﺟﺎﻥ ﻭﺍﺳﻊ ﻭﻳﺎﺩﻭﺏ ﻣﻜﻴﻔﻴﻬﻢ ﻭﻻﻡ ﻏﺮﺍﺿﻬﻢ ﻭﺍﺧﺸﺎﺑﻬﻢ ﺍﻟﻲ ﺧﻠﻮﻫﻦ ﺑﺎﻟﻄﺎﺑﻖ ﺍﻟﻔﻮﮒ ..
ﺑﺘﻮﻝ ﺗﺮﻳﺪ ﺭﺟﻠﻬﺎ ﻳﻤﻬﺎ .. ﻭﻛﻞ ﺷﻮﻳﻪ ﺗﺘﻌﺎﺭﻙ ﻭﺗﮕﻮﻝ ﺑﻴﺖ ﺿﻴﮓ ﻭﺍﺧﺘﻨﮕﺖ .. ﺍﻟﻰ ﺍﻥ ﺍﻗﺘﺮﺣﺖ ﻋﻠﻴﻬﺎ ﻟﻤﻴﻌﺔ ﺗﺎﺧﺬ ﺟﻬﺎﻟﻬﺎ ﻭﺗﺮﻭﺡ ﺍﻻﻫﻠﻬﺎ ﺑﻴﻦ ﻣﺎﻳﻜﻤﻞ ﺍﻟﺒﻴﺖ ﺣﺘﻰ ﻣﺎﻳﻨﺤﺼﺮﻭﻥ ..
ﻣﺎﺻﺪﮔﺖ ﺍﻗﺘﺮﺣﻮﺍ ﻫﺎﻻﻗﺘﺮﺍﺡ ﺍﻟﻬﺎ .. ﺗﻌﺎﺭﻛﺖ ﻭﻱ ﻣﻬﺪﻱ ﺍﻟﻲ ﺟﺎﻥ ﻣﺎﻳﻘﺒﻞ ﺧﺎﻑ ﺟﺪﻩ ﻳﺒﻘﻰ ﻳﺤﺠﻲ ﻻﻥ ﻫﻢ ﻣﺄﻛﺪ ﻋﻠﻴﻬﻢ ﻣﺤﺪ ﻳﺮﻭﺡ ﺍﻟﻤﻜﺎﻥ ..
ﺑﺲ ﻫﻲ ﺭﺍﺣﺖ ﻭﻃﻠﻊ ﻣﻬﺪﻱ ﺣﺠﺔ ﺍﺑﻨﻬﺎ ﻣﺮﻳﺾ ﻭﻣﺎﺗﮕﺪﺭ ﺗﺒﻘﻰ ﻫﻨﺎ ﺍﺧﺘﻨﮓ .. ﺭﺟﻌﺖ ﺳﺪﺍﺩ ﻳﻢ ﺍﻣﻬﺎ ﻭﺻﺎﺭ ﺍﺑﻮﻫﺎ ﻳﺒﺎﺕ ﻳﻤﻬﻢ .. ﻭﺍﺭﺗﺎﺣﺖ ﺣﻤﺪﻳﺔ ﺣﺘﻰ ﺗﺎﺧﺬ ﺭﺍﺣﺘﻬﺎ ﺑﺎﻟﺤﺠﻲ ﻭﻱ ﺭﺿﺎﺀ ﺍﻟﻲ ﺗﻐﻴﺮﺕ ﺣﻴﻞ ﻭﻛﺎﻧﺖ ﻛﻠﻤﺎ ﺗﻜﺒﺮ ﺗﺤﻠﻰ ﺍﻛﺜﺮ ﺍﻭ ﻳﻤﻜﻦ ﻻﻥ ﺑﺪﺃﺕ ﺗﺮﺗﺐ ﺑﻨﻔﺴﻬﺎ ﻭﻣﺎﺗﻬﺘﻢ ﻟﻠﺤﺠﻲ ﺻﺢ ﺑﺪﺍﺧﻠﻬﺎ ﺗﻀﻮﺝ ﺑﺲ ﻣﺎﺗﺒﻴﻦ . ﻛﺮﺳﺖ ﺣﻴﺎﺗﻬﺎ ﺍﻻﺑﻨﻬﺎ ﻭﻧﻔﺴﻬﺎ ﻭﻃﺒﻌﺎ ﻣﺎﻧﺴﺖ ﻋﻤﺘﻬﺎ ﺍﻟﻲ ﺻﺎﺭ ﻧﻈﺮﻫﺎ ﺿﻌﻴﻒ ﻣﻦ ﺍﻟﺒﺠﻲ ﻭﺍﻟﺨﻴﺎﻁ ﻭﺷﻐﻞ ﺍﻟﺤﺼﺮﺍﻥ ..
ﺩﻭﻡ ﺗﺪﻋﻴﻠﻬﺎ ﺑﺪﺍﺧﻠﻬﺎ ﺑﺎﻟﺮﺍﺣﺔ ﻻﻥ ﻫﻲ ﺍﻛﺜﺮ ﻭﺣﺪﺓ ﺷﺎﻫﺪﺓ ﺷﻠﻮﻥ ﻋﻤﺘﻬﺎ ﺗﻌﺒﺖ ﻭﺍﻧﺘﻈﺮﺕ ..
ﻣﺮﺍﺕ ﺑﺪﺍﺧﻠﻬﺎ ﺗﺴﺄﻝ .. ﻣﻌﻘﻮﻟﻪ ﻋﻤﻮ ﻓﺎﺭﺱ ﻳﺤﺒﻬﺎ ﻣﺜﻞ ﻣﺎﺗﺤﺒﻪ ﻟﻮ ﻳﻔﻜﺮ ﺑﻴﻬﺎ ﻣﺜﻞ ﻣﺎﺗﻔﻜﺮ ﺑﻲ .. ﺯﻳﻦ ﺍﺫﺍ ﺭﺟﻊ ﺭﺍﺡ ﻳﺴﻌﺪﻫﺎ ﻭﻳﺤﺒﻬﺎ ﻭﻳﻌﻮﺽ ﺍﻧﺘﻈﺎﺭﻫﺎ ﻟﻮ ﻛﻴﻒ ﺗﻜﻮﻥ ﺣﻴﺎﺗﻬﻢ...بيج قصص عراقيه حقيقيه من واقعنا.روعه الطائي
ﺍﺳﺌﻠﺔ ﻛﺜﻴﺮﺓ ﺟﺎﻧﺖ ﺗﺘﺮﺍﻭﺩ ﺍﻓﻜﺎﺭﻫﺎ ﺑﻴﻦ ﻓﺘﺮﺓ ﻭﻓﺘﺮﺓ ..
ﺑﻴﻮﻡ ﺍﺟﺔ ﺟﺪﻱ ﺟﺎﻧﺖ ﺣﺎﻟﺘﻪ ﻣﺰﺭﻳﺔ ﺍﻳﺪﺓ ﻣﺘﺮﺑﻪ ﻭﺗﻌﺒﺎﻥ ﻭﺍﻟﺸﻤﺲ ﻣﻐﻴﺮﺓ ﻟﻮﻥ ﺑﺸﺮﺗﻪ ..
ﻻﻥ ﻣﮕﺎﺑﻞ ﺍﻟﻌﻤﺎﻝ .. ﺣﺘﻰ ﻳﻜﻤﻠﻮﻥ ﺍﻟﺒﻴﺖ .. ﻋﻤﺘﻲ ﺣﺎﻳﺮﺓ ﺷﺘﻄﺒﺦ ﻭﺷﺘﻮﺩﻱ ﺍﻟﻬﻢ ﺗﮕﻮﻝ ﺧﻄﻴﻪ ﻳﺘﻌﺒﻮﻥ ﻻﺯﻡ ﻧﺮﺍﻋﻴﻬﻢ .. ﻣﻦ ﺍﺟﻪ ﺟﺪﻱ ﺻﺎﺡ ﺍﻟﻌﻤﺘﻲ ﻭﮔﺎﻟﻠﻬﺎ ﺍﻟﻌﻠﻮﻳﺔ ﺍﻟﺠﺒﻴﺮﺓ ﻣﺮﻳﻀﻪ ﺑﻴﺖ ﺍﻟﺴﻴﺪ ﻫﺎﺷﻢ .. ﺭﻭﺣﻲ ﺍﻧﺘﻲ ﻭﻟﻤﻴﻌﺔ
ﺭﺩﺕ ﻋﻠﻴﻪ .. ﺑﺲ ﻟﻤﻴﻌﺔ ﻣﻮﺵ ﻫﻨﺎ ﺑﻮﻳﺔ ﻃﺎﻟﻌﺔ ..
- ﻭﻳﻦ ﺭﺍﺣﺖ ﻭﺭﺟﻠﻬﺎ ﻳﺪﺭﻱ ..
- ﺗﮕﻮﻝ ﮔﻠﺘﻠﻪ ..
- ﺟﺎ ﺧﻮﺵ ﺍﺧﺬﻱ ﺭﺿﻮﺓ ﻭﺭﻭﺣﻦ ﺑﺲ ﻣﻮ ﺗﺘﺄﺧﺮﻳﻦ ﻭﻣﻮ ﺗﻔﺘﺤﻴﻦ ﺍﻟﺪﻓﺎﺗﺮ ﺍﻟﻘﺪﻳﻤﺔ ﺳﻠﻤﻲ ﻭﺷﻮﻓﻲ ﺍﻟﻌﻠﻮﻳﺔ ﻭﺍﺭﺟﻌﻦ ..
ﺭﺣﺖ ﺑﺪﻟﺖ ﻭﻣﺸﻴﻨﺎ ﺍﻧﻲ ﻭﻋﻤﺘﻲ ﻭﺣﻜﻤﺖ ﺍﺧﺬﻧﺎﻫﺎ ﻭﻳﺎﻧﺎ ﻳﮕﻮﻝ ﻣﺎﺍﻋﻮﻓﺠﻦ ﻭﺣﺪﺟﻦ ﺑﻼ ﺯﻟﻤﺔ ..
ﺩﮔﻴﻨﺎ ﺍﻟﺒﺎﺏ ﻓﺘﺤﺘﻬﺎ ﺍﻟﻌﻠﻮﻳﺔ ﻣﺮﺕ ﺳﻴﺪ ﻫﺎﺷﻢ .. ﺭﺣﺒﺖ ﺑﻴﻨﺎ ﺍﻟﻤﺮﺓ ﻋﺎﺩﻱ ﻭﺩﺧﻠﻨﺎ .. ﺳﺄﻟﺖ ﻋﻤﺘﻲ ﻉ ﺍﻟﻌﻠﻮﻳﺔ ..
ﺭﺩﺕ ﻋﻠﻴﻬﺎ ﺍﻟﻌﻠﻮﻳﺔ .. ﻭﺍﻟﻠﻪ ﺑﺎﻗﻴﺔ ﻉ ﺍﻟﻤﻐﺬﻳﺎﺕ ﻋﺎﻳﺸﺔ ﻫﺎﻱ ﺍﻟﺴﻴﺪ ﻳﺠﻴﺒﻠﻬﺎ ﻣﻐﺬﻳﺎﺕ ﻭﺍﺑﻦ ﺍﺧﻮ ﻣﻀﻤﺪ ﻳﺴﻮﻳﻠﻬﻴﺎ ﺭﺟﻞ ﺯﻳﻨﺐ .. ﻫﺴﺎ ﻋﻮﺩ ﻫﻢ ﺧﺎﺑﺮﺗﻬﺎ ﻳﺠﻲ ﻳﺴﻮﻱ ﺍﻟﻤﻐﺬﻱ
ﺳﺄﻟﺖ ﻋﻤﺘﻲ ﻋﻠﻰ ﻭﺩﺍﺩ ..
ﺭﺩﺕ ﺍﻟﻌﻠﻮﻳﺔ .. ﻫﻴﺞ ﻭﻛﺖ ﻧﺎﻳﻤﺔ ﻫﻲ ﻭﺑﻨﻴﻦ .. ﻋﻤﺘﻲ ﺑﻘﺖ ﺗﻄﻠﻊ ﺳﻮﺍﻟﻒ ﻭﺗﺴﻮﻟﻒ ﻟﻴﻦ ﻣﺎﻭﺻﻠﺖ ﻟﻠﺴﺆﺍﻝ ﺍﻟﺤﺎﺭﮒ ﺭﻭﺣﻬﺎ ..
- ﺟﺎ ﻋﻠﻮﻳﺔ ﻋﻨﺪﻱ ﻋﺘﺐ ﺻﻐﻴﺮ ..
- ﮔﻮﻟﻲ ﺧﻴﻪ ﺧﻴﺮ ..
- ﻋﻠﻤﻮﺩ ﻭﻟﺪ ﺍﺧﻮﻱ .. ﺗﻐﻴﺮﺕ ﻣﻼﻣﺢ ﺍﻟﻌﻠﻮﻳﺔ ﻭﺿﺎﺟﺖ ..
- ﻭﺍﻟﻠﻪ ﻣﺎﺍﺩﺭﻱ ﺷﺄﮔﻠﺞ ﺑﺲ ﺍﻧﻲ ﺑﻨﺎﺗﻲ ﺑﻌﺪﻫﻦ ﺻﻐﺎﺭ ﻭﺣﻠﻮﺍﺕ ﻭﺍﻟﻒ ﻣﻦ ﻳﺘﻤﻨﺎﻫﻦ .. ﺍﻧﻲ ﺍﺧﺘﻲ ﺭﺍﺩﺗﻬﻦ ﻣﺎﺍﻧﻄﻴﺘﻬﻦ ﻻﻥ ﻭﻟﺪ ﻣﻮﺵ ﻣﺜﻠﻨﺎ ﺍﺧﺎﻑ ﻳﻌﺬﺑﻮﻫﻦ ..
ﺣﺠﺖ ﻋﻤﺘﻲ ﻭﻫﻲ ﻣﺨﻨﻮﮔﺔ .. ﺟﺎ ﻭﻟﺪﻧﺎ ﺷﺒﻴﻬﻢ ﺷﻮ ﻣﺎﺷﺎﺀ ﺍﻟﻠﻪ ﺣﻴﺪﺭ ﺭﺍﺡ ﻛﻠﻴﺔ ﻣﺪﺭﻱ ﺩﺍﺭ ﺍﻟﻤﻬﻢ ﻳﺼﻴﺮ ﻣﻌﻠﻢ ﻭﻛﺮﺍﺭ ﺭﺍﺡ ﻛﻠﻴﻪ ﻋﺴﻜﺮﻳﺔ ﻭﺑﻌﺪﻟﺔ ﺳﻨﺔ ﻭﻳﺘﺨﺮﺝ ﻭﻳﺼﻴﺮ ﺿﺎﺑﻂ ﺷﻨﺎﻗﺼﻬﻢ ﻭﺭﻓﻀﺘﻮﻫﻢ ..
ﺍﻟﻌﻠﻮﻳﺔ ﺑﻘﺖ ﺗﻤﺘﻤﺖ ﻣﺎﺗﻌﺮﻑ ﺷﺘﺮﺩ .. ﺧﺘﻤﺘﻬﺎ ﻫﻲ ﻗﺴﻤﺔ ﺧﻴﻪ ﻭﻣﺎﺻﺎﺭﺕ .. ﺑﺲ ﺍﮔﻠﺞ ﺷﻠﻮﻥ ﻗﺒﻠﻮﻩ ﻛﻠﻴﻪ ﻋﺴﻜﺮﻳﺔ ﻭﻫﻮ ﻋﻘﻠﺔ ﻣﻮ ﺷﻲ ..
ﺿﺮﺑﺖ ﻋﻤﺘﻲ ﻋﻠﻰ ﺻﺪﺭﻫﺎ .. ﻳﺎﻫﻮ ﺍﻟﮕﺎﻟﺞ ﻋﻠﻰ ﻋﻘﻠﺔ ﺷﻲ
ﺍﻧﺪﮔﺖ ﺍﻟﺒﺎﺏ ﮔﺎﻣﺖ ﺍﻟﻌﻠﻮﻳﺔ ﺗﺮﻛﺾ ﺑﺲ ﺗﺮﻳﺪ ﺗﺘﻬﺮﺏ ﻣﻦ ﺍﻟﺴﺆﺍﻝ ..
ﺩﺧﻠﺖ ﺯﻳﻨﺐ ﺳﻠﻤﺖ ﻫﻲ ﻭﺍﻭﻻﺩﻫﺎ ﻭﺭﺟﻠﻬﺎ ﺭﺍﺡ ﻟﻠﺪﻳﻮﺍﻧﻴﺔ ..
ﺍﺷﺮﺗﻠﻬﺎ ﺍﻣﻬﺎ ﺗﮕﻌﺪ ﻭﺟﻦ ﺗﺮﻳﺪ ﺗﻐﻴﺮ ﺍﻟﺤﺠﻲ .. ﺑﺲ ﻫﻲ ﻣﺎﺗﺪﺭﻱ ﻋﻤﺘﻲ ﻣﺎﺗﻨﺴﻰ ﻭﻻﺗﻀﻴﻊ ﺳﺎﻟﻔﺘﻬﺎ ..
ﺳﺄﻟﺘﻨﻲ ﺯﻳﻨﺐ ﻋﻦ ﺣﻜﻤﺖ ﻟﻴﺶ ﮔﺎﻋﺪ ﺑﺎﻟﺒﺎﺏ ﺑﺎﻟﮕﻮﺓ ﺭﺟﻠﻲ ﺩﺧﻠﻪ ﻭﻳﺎﻩ ﻟﻠﺪﻳﻮﺍﻧﻴﺔ ..
ﺿﺤﻜﺖ .. ﺍﻱ ﻳﺴﺘﺤﻲ ﻳﮕﻮﻝ ﺍﻟﺒﻴﺖ ﻣﺎﺑﻲ ﺭﺟﺎﻝ ﺷﻠﻮﻥ ﺍﺩﺧﻞ ..
ﻳﺎﺍﺍ ﻋﻴﻨﻲ ﻭﻫﻮ ﺷﮕﺪ ﺻﺎﺭ ﻋﻤﺮﺓ ..
ﻋﺸﺮ ﺳﻨﻮﺍﺕ
ﻣﺎﺷﺎﺀ ﺍﻟﻠﻪ ﺭﺟﺎﻝ ﺑﺲ ﻫﻮ ﻃﺎﻟﻊ ﻋﻠﻰ ﺍﻫﻠﺔ ﺿﺨﻢ ..
ﺍﻱ ﻭﺍﺭﺙ ﺍﻟﻄﻮﻝ ﻣﻨﻲ ﺍﺑﻮﻩ ﻣﻮ ﻛﻠﺶ ﻃﻮﻳﻞ ﺟﺎﻥ ..
ﺍﺳﺘﻐﺮﺑﺖ ﺍﻟﻌﻠﻮﻳﺔ ﻣﻦ ﺣﺠﻲ .. ﺑﺲ ﺍﻧﻲ ﺷﺎﻳﻔﺘﻪ ﺍﻟﻤﻬﺪﻱ ﻃﻮﻳﻞ ﻭﺿﺨﻢ ﺯﻳﻦ ..
ﺻﻔﻨﺖ ﻋﻠﻴﻬﺎ ﻭﻣﺎﻋﺮﻓﺖ ﺷﺤﺠﻲ .. ﻋﻤﺘﻲ ﺣﺠﺖ ﺑﻤﻜﺎﻧﻲ ﺍﻱ ﺻﺤﻴﺢ ﻃﻮﻳﻞ ﺑﺲ ﻣﻮ ﺫﺍﻙ ﺍﻟﻄﻮﻝ .. ﻫﺴﺎ ﻟﻮ ﺷﺎﻳﻔﻪ ﺍﻟﺘﻮﺃﻡ ﺻﺎﻳﺮﻳﻦ ﺻﻠﻮﺍﺕ ﻋﻠﻰ ﻣﺤﻤﺪ ﺑﻄﻮﻝ ﺍﻟﺒﺎﺏ ﻭﻫﻤﺔ ﺑﻌﺪﻫﻢ ﺷﺒﺎﺏ ..
ﺑﺲ ﺻﺪﮒ ﻧﺴﺘﻴﻨﻲ ﺍﺭﻳﺪ ﺍﺳﺄﻟﺞ ﻣﻨﻮ ﺍﻟﮕﺎﻟﺞ ﻋﻘﻠﺔ ﻣﻮ ﺷﻲ ﻛﺮﺍﺭ ..
ﺍﺗﻨﻬﺪﺕ ﺍﻟﻌﻠﻮﻳﺔ ﻭﮔﺎﻟﺖ ﺳﺪﻱ ﺍﻟﺴﺎﻟﻔﻪ ﺧﻴﻪ ﻧﺴﻴﺖ ﺍﻟﺴﺎﻟﻔﻪ
ﺑﺲ ﻫﻴﺞ ﺍﺟﺖ ﺑﺒﺎﻟﻲ ..
ﺭﺩﺕ ﺯﻳﻨﺐ ﻭﺳﺒﻘﺖ ﺍﻣﻬﺎ ..
ﺧﺎﻟﺔ ﺣﻤﺪﻳﺔ ﺍﺑﻮﻱ ﺟﺎﻥ ﻣﺮﺗﺎﺡ ﺍﻟﻜﻢ ﻭﺍﻟﻠﻪ ﺷﺎﻫﺪ ﻣﺎﻧﻌﺮﻑ ﺷﻲ ﻋﻨﻬﻢ .. ﺑﺲ ﻣﻦ ﺳﺄﻝ ﻋﻠﻲ ﻭﺩﺍﺩ ..
ﮔﺎﻟﺖ ﻋﻘﻠﻬﻢ ﻣﻮ ﺷﻲ ﻋﻠﻰ ﺍﻣﻬﻢ ﻭﺍﺧﻼﻗﻬﻢ ﻫﻢ ﻭﺟﺪﻱ ﻣﺘﻌﺒﻴﻪ ﺣﻴﻞ ﺍﻟﻬﻴﺞ ﻳﺮﻳﺪ ﻳﺰﻭﺟﻬﻢ . ﻳﻌﻨﻲ ﺧﺎﻟﻪ ﺍﺣﻨﺔ ﺷﻤﺪﺭﻳﻨﺎ ﻫﻴﺞ ﺑﻴﻬﻢ ..
ﺻﻔﻨﺖ ﻋﻤﺘﻲ .. ﻭﻭﺩﺍﺩ ﻟﻴﺶ ﺗﺴﻮﻱ ﻫﻴﺞ ﺷﻤﺼﻠﺤﺘﻬﺎ ..
- ﻭﺍﻟﻠﻪ ﻣﺎﺍﺩﺭﻱ ﺧﺎﻟﻪ ﺍﺳﺄﻟﻴﻬﺎ ..
ﺗﺴﻮﺩﻧﺖ ﻋﻤﺘﻲ .. ﻭﺩﻣﻬﺎ ﻓﺎﺭ ﺑﻘﺖ ﺗﺤﺮﮒ ﺑﺮﻭﺣﻬﺎ . .
ﺗﺎﻟﻲ ﻫﻤﺴﺖ .. ﻫﺴﺎ ﻋﺮﻓﺖ ﻟﻴﺶ ﺣﺠﺖ ﻫﻴﺞ ﻫﺎﻟﺠﺎﻳﻔﻪ ﻣﺎﺗﺮﻳﺪ ﺍﻟﺒﻨﺎﺕ ﻳﻌﺮﺳﻦ ﺣﺘﻰ ﻳﺨﺪﻣﻨﻬﺎ ..
ﺑﺲ ﻣﺎﻳﺮﺗﺎﺡ ﮔﻠﺒﻲ ﺍﺫﺍ ﻣﺎﺍﺍﺩﺑﻬﺎ ..
ﮔﺎﻣﺖ ﻣﻦ ﻣﻜﺎﻧﻬﺎ ﻭﺍﻟﻌﻠﻮﻳﺎﺕ ﻳﻌﺎﻳﻨﻦ ﻋﻠﻴﻬﺎ ﺍﺷﺮﺗﻠﻬﺎ ﺗﮕﻌﺪ
ﻣﺎﺭﺩﺕ .. ﺣﺠﺖ ﻭﻱ ﺯﻳﻨﺐ .. ﺍﻟﺴﻴﺪ ﻳﻢ ﻭﺩﺍﺩ ﺑﺎﻟﺤﺠﺮﺓ
ﻫﺰﺕ ﺭﺍﺳﻬﺎ ﺯﻳﻨﺐ ﻳﻌﻨﻲ ﻻ ..
ﺗﺮﺧﺼﺖ ﻭﺭﺍﺣﺖ ﻟﻠﻐﺮﻓﺔ ﺍﻧﻲ ﺑﻘﻴﺖ ﺑﻤﻜﺎﻧﻲ ﺻﺎﻓﻨﻪ ﻣﺎﺍﻋﺮﻑ ﺷﺄﺣﺠﻲ .. ﺳﻤﻌﺖ ﺻﻮﺕ ﻭﺩﺍﺩ ﺻﺎﺣﺖ .
- ﻋﻤﺔ ﺷﺒﻴﺞ ﺍﺍﺍﺥ ..
ﺭﺩﺕ ﻋﻠﻴﻬﺎ ﻋﻤﺘﻲ .. ﻭﻟﺞ ﻳﺎﻟﻌﻮﺑﺔ ﺍﻟﺠﺎﻳﻔﻪ ﺍﻟﺨﺎﻳﺴﺔ ﺗﺬﺑﻴﻦ ﺗﻬﺎﻳﻢ ﻋﻠﻰ ﺍﺧﻮﺗﺞ ﻭﺗﻄﻠﻌﻴﻬﻢ ﻣﺨﺎﺑﻴﻞ ﺟﻴﻒ ﺍﻟﺒﻨﺎﺕ ﻳﺒﻘﻦ ﻳﺨﺪﻣﻨﺞ ﻭﻣﺎﻳﻌﺮﺳﻦ ..
ﺍﻟﻌﻠﻮﻳﺎﺕ ﮔﺎﻋﺪﺍﺕ ﻭﺍﻣﻬﻦ ﻭﻭﺣﺪﺓ ﺗﻌﺎﻳﻦ ﻋﻠﻰ ﺍﻟﺜﺎﻧﻴﺔ ﻭﻣﺴﺘﻐﺮﺑﺎﺕ ..
ﺑﻘﻴﺖ ﺑﻔﺸﻠﺘﻲ ﻻﺍﮔﺪﺭ ﺍﮔﻮﻡ ﻭﻻﺍﮔﺪﺭ ﺍﺗﻌﺬﺭ ﻣﻨﻬﻦ ..
ﺩﻧﮕﺖ ﻭﺍﺣﺲ ﺣﺮﺍﺭﺓ ﺗﻄﻠﻊ ﻣﻨﻲ ﻣﻦ ﺍﻟﻤﺴﺘﺤﺔ ..
ﻃﻠﻌﺖ ﻋﻤﺘﻲ ﺗﻌﺪﻝ ﺑﻌﺒﺎﺗﻬﺎ ..
- ﺷﻮﻓﻲ ﻋﻠﻮﻳﻪ ﻫﺎﻷﮔﻠﺞ ﻫﺎﻱ ﻣﺎﺗﺮﻳﺪ ﺍﻟﺨﻴﺮ ﺍﻟﺒﻨﺎﺗﺞ .. ﺗﺮﻳﺪﻫﻦ ﻳﺨﺪﻣﻨﻬﺎ ﻫﺎﻟﺤﺠﺖ ﻫﻴﺞ ..
ﻭﺍﻧﺘﻮ ﺻﺪﮔﺘﻮﺍ ﺑﻴﻬﺎ ﻭﻣﺎﺟﻦ ﺍﻟﺴﻴﺪ ﺷﺎﻳﻔﻬﻢ ﻭﺷﺎﻳﻒ ﺍﺧﻼﻗﻬﻢ ..
ﺍﻭﻻﺩﻧﺎ ﺻﺎﺭﻭﺍ ﺑﺄﻋﻠﻰ ﺍﻟﻤﺮﺍﺗﺐ ﻭﻣﺎﻧﺎﻗﺼﻬﻢ ﺷﻲ ﺧﺴﺮﺍﻥ ﺍﻟﺒﺎﻋﻬﻢ ﻭﺭﺍﺑﺢ ﺍﻟﺸﺎﺭﻳﻬﻢ ..
ﺍﺷﺮﺗﻠﻲ ﺍﮔﻮﻡ ﻭﺍﻟﻌﻠﻮﻳﻪ ﺗﺘﻌﺬﺭ ﺑﺲ ﻋﻤﺘﻲ ﺍﺫﺍ ﺗﻌﺼﺒﺖ ﻟﻮ ﺯﻋﻠﺖ ﺗﻘﻔﻞ ﺑﻌﺪ ..
ﮔﻤﺖ ﻭﺭﺍﺣﺖ ﺯﻳﻨﺐ ﺻﺎﺣﺖ ﺣﻜﻤﺖ ﻣﻦ ﺍﻟﺪﻳﻮﺍﻧﻴﺔ ﻭﺍﻧﻲ ﻣﺘﻔﺸﻠﻪ ﻣﻨﻬﺎ ﻭﻣﻦ ﺭﺟﻠﻬﺎ ﻻﺳﻤﻊ ﺣﺴﻬﻦ ..
ﻭﺩﺍﺩ ﻗﻔﻠﺖ ﻏﺮﻓﺘﻬﺎ ﻭﻣﺎﻃﻠﻌﺖ ﺑﻌﺪ ..
ﻃﻮﻝ ﺍﻟﻄﺮﻳﻖ ﻭﻋﻤﺘﻲ ﺗﺤﺠﻲ ﻋﻠﻴﻬﺎ ﻭﺗﺘﻮﻋﺪﻟﻬﺎ ..
- ﺍﻻ ﺍﺧﻠﻲ ﺍﺑﻮﻱ ﻳﺮﺑﻴﻬﺎ ﺫﻧﻲ ﺑﻨﺎﺕ ﺻﺎﻟﺢ ﻣﺎﻣﻴﺪﺑﺎﺕ ..
- ﻋﻤﺔ ﺍﻟﻲ ﺳﻮﺗﻴﻪ ﻓﺸﻠﻪ ﻭﻣﻨﺎ ﺭﺟﻞ ﺑﻨﺘﻬﻢ ﺷﻴﮕﻮﻝ ..
- ﺷﻴﮕﻮﻟﻮﻥ ﻳﮕﻮﻟﻮﻥ ﺭﺩﻳﺖ ﺍﻋﺘﺒﺎﺭ ﻭﻟﺪ ﺍﺧﻮﻱ ﻭﺍﺩﺑﺖ ﺑﻨﺖ ﺍﺧﻮﻱ ﺍﻟﻤﺎﻋﺪﻫﺎ ﺗﺮﺑﻴﻪ ..
ﺳﻜﺘﺖ ﻋﻨﻬﺎ ﻭﺧﻠﻴﺘﻬﺎ ﺗﻔﺮﻍ ﻫﻤﻬﺎ ..
ﺷﺎﻓﺖ ﻣﺮﺓ ﺩﺑﻴﺔ ﺗﺮﻛﺾ ﺗﺒﻴﻊ ﺯﺑﺪ ﻭﻟﺒﻦ ﻭﻫﻴﺞ ..
ﺣﺎﺟﺘﻬﺎ .. ﺷﻠﻮﻥ ﺧﻴﻪ ﺣﻤﺪﻳﺔ ..
- ﻫﻼ ﺧﻴﻪ ﺧﻴﺮﺝ ﺷﺒﻴﺞ ﺗﺮﻛﻀﻴﻦ ..
- ﻧﺰﻟﻦ ﺩﻣﻮﻋﻬﺎ ﻭﻣﺴﺤﺘﻬﻦ ﺑﻔﻮﻃﺘﻬﺎ .. ﺑﻴﺖ ﺍﻡ ﻓﺎﺋﻖ ﺍﻟﻲ ﺑﺬﺍﻙ ﺍﻟﺼﻮﺏ ﺍﺑﻨﻬﺎ ﻳﮕﻮﻟﻮﻥ ﺟﺎﻳﻬﻢ ﺧﺒﺮ ﻋﻨﺔ ﺍﺳﻴﺮ ﻭﺍﺭﻳﺪ ﺍﺭﻭﺡ ﺍﻧﺸﺪﺓ ﻋﻠﻰ ﺍﺧﻮﻱ ﻣﺤﻴﺴﻦ ..
ﻣﻦ ﺳﻤﻌﺖ ﻋﻤﺘﻲ ﻫﺎﻟﺤﺠﻲ ﺷﻬﮕﺖ ﻭﺩﻣﻌﺖ ﻋﻴﻨﻬﺎ ..
ﺳﻤﻌﺘﻲ ﺭﺿﻮﺓ ﺑﺪﻭﺍ ﻳﺮﺟﻌﻮﻥ ﻳﺎﺭﺣﻤﺘﻚ ﺭﺑﻲ ﺳﻨﺘﻴﻦ ﻣﻦ ﻳﻮﻡ ﺧﻠﺼﺖ ﺍﻟﺤﺮﺏ ﻭﺍﻧﻲ ﻧﺎﻃﺮﺓ ..
ﺍﻟﻤﺮﺓ ﻣﺸﺖ ﺗﺮﻛﺾ ﻭﻋﻤﺘﻲ ﻋﻴﻨﻬﺎ ﻭﺭﺍﻫﺎ .. ﻟﺰﻣﺘﻨﻲ ﻣﻦ ﺍﻳﺪﻱ ﺍﻧﺘﻲ ﺭﻭﺣﻲ ﻟﻠﺒﻴﺖ ﻭﺍﻧﻲ ﺭﺍﻳﺤﺔ ﻭﺭﺍﻫﺎ ﺍﺳﺄﻝ ﻋﻠﻰ ﻓﺎﺭﺱ ﺑﻠﻜﻲ ﻳﻌﺮﻓﻮﻥ ﺧﺒﺮ ﻋﻨﻪ ..
ﻋﺎﻓﺘﻨﻲ ﻭﻣﺸﺖ ﺣﺘﻰ ﻣﺎﮔﺪﺭﺕ ﺍﺭﺩ ..
ﺣﻜﻤﺖ ﺳﺄﻟﻨﻲ .. ﻳﻤﺔ ﻋﻤﺘﻲ ﺣﻤﺪﻳﺔ ﺷﺒﻴﻬﺎ ﻋﻠﻴﻤﻦ ﺭﺍﺣﺖ ﺗﺪﻭﺭ ..
ﺍﺷﺮﺗﻠﻪ ﻧﻤﺸﻲ .. ﻭﺍﺣﻨﺔ ﻧﻤﺸﻲ ﺟﺎﻭﺑﺘﻪ ..
- ﻋﻤﺘﻲ ﺗﺪﻭﺭ ﻋﻠﻰ ﮔﻠﺒﻬﺎ ..
- ﻳﺎﻫﻮ ﮔﻠﺒﻬﺎ ..
- ﺍﺣﺠﻲ ﻋﻠﻰ ﻋﻤﻲ ﻓﺎﺭﺱ ﺍﻧﻲ ﻣﻮ ﺣﺠﻴﺘﻠﻚ ﻋﻨﻪ ﻭﺷﻠﻮﻥ ﺍﺧﺘﻔﻰ ﺑﺎﻟﺤﺮﺏ ..
- ﺍﻱ ﺍﺩﺭﻱ ﺑﺲ ﻫﺴﺎ ﺍﻟﺤﺮﺏ ﺧﻠﺼﺖ ﻭﻣﺎﺭﺟﻌﻮﺍ ﺷﻮ ؟؟
- ﻣﺎﺣﺴﺒﺎﻟﻨﺎ ﻫﻴﺞ ﻳﻄﻮﻟﻮﻥ .. ﻭﺭﺍﺡ ﺗﺒﻘﻰ ﻋﻤﺘﻲ ﮔﻠﺒﻬﺎ ﻫﻴﺞ ﻳﺮﻛﺾ ﻭﺭﺓ ﻛﻞ ﻃﺎﺭﺵ ..
- ﻭﻟﻴﺶ ﻫﻴﺞ ﺗﺴﻮﻱ ..
- ﻻﻥ ﺗﺤﺒﻪ ﻳﻤﺔ ..
- ﻳﻌﻨﻲ ﻣﺜﻞ ﻣﺴﻚ !!
ﺻﻔﻨﺖ ﺑﻮﺟﻬﺔ ﻣﺴﻚ ﺷﻨﻲ ﻭﻟﻚ ؟؟
- ﻣﻮ ﻫﻲ ﺗﮕﻠﻲ ﺍﻧﻲ ﺍﺣﺒﻚ ﻻﻥ ﺗﺪﺍﻓﻌﻠﻲ ﺑﺎﻟﻤﺪﺭﺳﺔ ﻭﺟﺎﺑﺘﻠﻲ ﺣﻠﻮﻳﺎﺕ ﺍﺑﻮﻫﺎ ﻳﺠﻴﺒﻠﻬﺎ ﻣﻦ ﺑﻐﺪﺍﺩ ..
ﺿﺤﻜﺖ ﻓﻠﻚ ﻃﺮﻛﻢ ﻣﻮﺵ ﺟﻴﻞ ﺑﻠﻮﺓ ..
ﻣﺪﺭﺳﺔ ﺣﻜﻤﺖ ﺍﻻﺑﺘﺪﺍﺋﻴﺔ ﻣﺨﺘﻠﻄﺔ ﺑﺲ ﻓﺎﺻﻠﻴﻦ ﺻﻒ ﺍﻟﺒﻨﺎﺕ ﻋﻦ ﺻﻒ ﺍﻟﻮﻟﺪ .. ﻭﻻﻥ ﻫﻲ ﻧﺎﺯﻛﺔ ﻭﺗﺪﻟﻞ ﻛﻞ ﺷﻮﻳﺔ ﻭﺍﺣﺪ ﺿﺎﺭﺑﻪ ﻭﺣﻜﻤﺖ ﻻﻥ ﻳﻌﺮﻓﻬﺎ ﻭﺟﻴﺮﺍﻧﻬﻢ ﻳﺪﺍﻓﻊ ﻋﻨﻬﺎ ﻭﻫﻲ ﺑﻔﻄﺮﺗﻬﺎ ﺗﮕﻠﻪ ﻫﺎﻟﻜﻼﻡ ﺗﻌﺒﻴﺮﺍ ﺍﻻﻣﺘﻨﺎﻧﻬﺎ ﺍﻟﻪ ..بيج قصص عراقيه حقيقيه من واقعنا.روعه الطائي...ﻭﺻﻠﺖ ﻟﻠﺒﻴﺖ ﺍﻧﻲ ﻭﺣﻜﻤﺖ ﻟﻠﺒﻴﺖ .. ﻟﮕﻴﺖ ﺟﺪﻱ ﻭﻋﻤﺎﻣﻲ ﻫﻨﺎﻙ .. ﻭﻋﻤﺘﻲ ﻟﻤﻴﻌﺔ ﺗﻔﺮﻓﺢ .. ﺍﻧﺘﻦ ﺷﻤﺴﻮﻳﺎﺕ ﺑﻮﺩﺍﺩ .
ﻭﺷﻠﻮﻥ ﺣﻤﺪﻳﺔ ﺗﻜﺘﻠﻬﺎ ﻭﺷﻌﺪﺟﻦ ﺭﺣﺘﻦ ﻟﻬﻨﺎﻙ ..
ﺻﻔﻨﺖ ﻋﻠﻴﻬﺎ ﺷﺒﺴﺮﻋﺔ ﻭﺻﻠﻠﻬﺎ ﺍﻟﺨﺒﺮ .. ﺗﺎﻟﻲ ﻟﻤﻴﻌﺔ ﻋﻨﺪ ﺑﻴﺖ ﺍﺧﻮﻫﺎ ﺍﻫﻞ ﺑﺘﻮﻝ ﻭﻭﺩﺍﺩ ﺗﺪﺭﻱ ﺑﻴﻬﺎ ﻫﻨﺎﻙ ﻭﻣﺨﺎﺑﺮﺗﻬﺎ ﺗﺸﻜﻲ ﻭﺗﺒﺠﻲ .
ﺟﺪﻱ ﺻﺎﺡ .. ﻭﻳﻦ ﺣﻤﺪﻳﺔ ..
ﺭﺩﻳﺖ .. ﻫﺎﺍﺍﺍ ﻫﺴﺎ ﺗﺠﻲ ..
ﻭﻳﻦ ﺭﺍﺣﺖ؟؟ ﺻﺎﺡ ..
ﺭﺩﻳﺖ ﺑﺴﺮﻋﻪ .. ﺑﻴﺖ ﺍﻡ ﻓﺎﺋﻖ ﺑﺬﺍﻙ ﺍﻟﺼﻮﺏ ﺍﺑﻨﻬﻢ ﺟﺎﻱ ﻣﻦ ﺍﻻﺳﺮ ﻣﺎﺍﺩﺭﻱ ﺟﺎﻳﻬﻢ ﺧﺒﺮ ﻋﻨﻪ .. ﻭﻫﻲ ﺭﺍﺣﺖ ﺗﺸﻮﻑ
ﺻﺎﺡ ﻋﻤﻲ ﺻﺎﻟﺢ .. ﻳﺎﺑﺔ ﺷﮕﻠﺘﻠﻚ ﻫﺎﻱ ﺗﺴﻮﺩﻧﺖ ﮔﺪ ﻣﺎﺗﻨﺘﻈﺮ ﻓﺎﺭﺱ ﻋﻘﻠﻬﺎ ﻃﺎﺭ ﻭﺭﺍﺡ ﺗﻈﻞ ﻫﺎﺑﻌﺔ ﻭﺭﻯ ﻛﻞ ﻭﺍﺣﺪ ﻳﺠﻲ .. ﻭﺩﻭﺭ ﺭﺍﻳﺤﺔ ﻟﻠﺒﻨﺖ ﻛﺎﺗﻠﺘﻬﺎ ﻭﻓﺎﺿﺤﺘﻬﺎ ﺟﺪﺍﻡ ﻋﻴﺎﻟﻬﺎ .. ﺑﺲ ﺍﻧﺖ ﺍﻧﻄﻴﺘﻬﺎ ﻣﺠﺎﻝ ..
ﻣﺎﺍﺗﺤﻤﻠﺖ ﻭﺍﻧﻲ ﺍﺷﻮﻑ ﺍﻟﻜﻞ ﻳﺘﻬﻤﻬﺎ ﻭﺣﺘﻰ ﺳﻮﻭﻫﺎ ﻣﺴﻮﺩﻧﺔ .. ﺭﺩﻳﺖ ﺑﺤﺮﮔﺔ ﮔﻠﺐ ..
ﺑﺲ ﻋﻤﻲ ﺗﺮﻯ ﻋﻤﺘﻲ ﻣﻦ ﺣﺮﮔﺖ ﺭﻭﺣﻬﺎ ﺳﻮﺕ ﻫﻴﺞ ﺑﻮﺩﺍﺩ
ﺧﺰﺭﻧﻲ .. ﺍﻧﺘﻲ ﻣﺎﻟﺞ ﺷﻐﻞ ..
ﺻﺎﺡ ﺑﻲ ﺟﺪﻱ .. ﺷﺴﻮﺕ ﻭﺩﺍﺩ ﻭﻛﺘﻠﻬﺎ ﻣﺎﺗﺤﺠﻴﻦ ..
ﺍﺧﺬﺕ ﻧﻔﺲ .. ﺟﺪﻱ ﺗﺘﺬﻛﺮ ﻣﻦ ﻗﺒﻞ ﺳﻨﺔ ﻣﺪﺭﻱ ﺷﮕﺪ ﺧﻄﺒﺖ ﺍﻟﻌﻠﻮﻳﺎﺕ ﺍﻟﻜﺮﺍﺭ ﻭﺣﻴﺪﺭ ..
ﻫﺰ ﺭﺍﺳﻪ ..
ﻭﺭﻓﻀﻮﺍ ﻣﻮﻭ ..
- ﺍﻱ ﺑﻮﻳﺔ ﺍﺣﺠﻲ ..
ﻋﺎﻳﻨﺖ ﻋﻠﻰ ﻋﻤﻲ ﺻﺎﻟﺢ ﻭﻋﻤﺘﻲ ﻟﻤﻴﻌﺔ ﻭﺭﺟﻌﺖ ﻋﺎﻳﻨﺖ ﻋﻠﻰ ﺟﺪﻱ ﻻﻥ ﻋﻴﻮﻧﻬﻢ ﺗﺮﻳﺪ ﺗﺎﻛﻠﻨﻲ ..
ﻛﻤﻠﺖ ﺣﺠﻲ .. ﺟﺪﻱ ﺭﻓﻀﻮﺍ ﻻﻥ ﻭﺩﺍﺩ ﺣﺎﺟﻴﻪ ﻋﻠﻴﻬﻢ ﻭﻣﺨﺮﺑﺔ ﺳﻤﻌﺘﻬﻢ ..
ﺷﻬﮕﺖ ﻋﻤﺘﻲ ﻟﻤﻴﻌﺔ .. ﻳﺎ ﻳﺎ ﻳﺎ .. ﻭﺻﻠﺖ ﺑﻴﺠﻦ ﺗﺘﻬﻤﻦ ﺑﻨﺘﻲ ..
- ﺍﻧﻲ ﻣﺎﻟﻲ ﻏﺮﺽ ﻋﻤﺔ ﺫﻭﻻﻙ ﺑﻴﺖ ﺍﻟﺴﺎﺩﺓ ﻭﺍﺳﺄﻟﻴﻬﻢ ﮔﺎﻳﻠﺘﻠﻬﻢ ﻋﻘﻞ ﻣﻮ ﺷﻲ ﻭﺍﺧﻼﻗﻬﻢ ﻫﻢ ..
ﺻﺎﻟﺢ .. ﻻﺗﺠﺬﺑﻦ ﺷﻨﻲ ﻣﺼﻠﺤﺘﻬﺎ ﻟﻮ ﺧﺮﺑﺖ ﺍﻟﺴﺎﻟﻔﻪ ..
ﺭﺩﻳﺖ ﻭﻣﺘﺮﺩﺩﺓ ﻫﺎﻟﻤﺮﺓ ..
ﻋﻤﺘﻲ ﺗﮕﻮﻝ ﻣﺎﺗﺮﻳﺪ ﺍﻟﻌﻠﻮﻳﺎﺕ ﻳﻌﺮﺳﻦ ﻭﻳﻌﻮﻓﻦ ﺍﻟﺸﻐﻞ ﻋﻠﻴﻬﺎ ..
ﺻﺎﺡ ﺟﺪﻱ .. ﻳﻌﻨﻲ ﺷﻨﻲ ﺗﺮﻳﺪﻫﻦ ﺧﺪﺍﻣﺎﺕ ﺍﻟﻬﺎ .. ﻭﺷﻠﻮﻥ ﺍﻟﺴﺎﺩﺓ ﻳﺼﺪﮔﻮﻥ ﺑﺤﺠﻴﻬﺎ ﻳﺎﻭﺳﻔﺔ ..
ﺍﻟﻌﺘﺐ ﻣﻮ ﻋﻠﻴﻬﺎ ﻋﻠﻴﻬﻢ ﻫﻢ .. ﻟﻴﺶ ﻫﻤﺔ ﻣﺎﻳﻌﺮﻓﻮﻥ ﻭﻟﺪﻱ
ﺍﻧﻲ ﺍﻟﻲ ﻋﺘﺐ ﻭﻱ ﺳﻴﺪ ﻫﺎﺷﻢ ..
ﻭﺍﻧﺘﻲ ﻟﻤﻴﻌﺔ ﺭﻭﺣﻲ ﺟﻴﺒﻲ ﺑﻨﺘﺞ ﻟﻬﻨﺎ ﻣﺎﺍﺭﻳﺪ ﺍﺭﻭﺡ ﻭﺍﻓﺸﻠﻬﺎ ﺟﺪﺍﻡ ﻋﻴﺎﻟﻬﺎ ..
- ﻣﺎﺍﺟﻴﺒﻬﺎ ﺑﻨﺘﻲ ﻣﺎﺗﺴﻮﻱ ﻫﻴﺞ ﻫﺎﻱ ﺭﺿﻮﺓ ﻭﺣﻤﺪﻳﺔ ﻳﻐﺎﺭﻥ ﻣﻨﻬﺎ ﻭﻳﻄﻠﻌﻦ ﺣﺠﻲ ﺟﻴﻒ ﺑﺨﺘﻬﺎ ﺍﺣﺴﻦ ﻣﻦ ﺑﺨﺘﻬﻦ ..
ﻟﺒﺲ ﻋﮕﺎﻟﻪ ﺟﺪﻱ ﻭﺻﺎﺡ .. ﻟﻮ ﺍﻧﺘﻲ ﻣﺎﺻﺤﺘﻴﻬﺎ ﺍﻧﻲ ﺭﺍﺡ ﺑﺮﺟﻠﻲ ﺍﻟﻬﺎ ﻭﺍﻫﻴﻨﻬﺎ ﺟﺪﺍﻡ ﻋﻴﺎﻟﻬﺎ ﻭﺍﻋﺎﺗﺐ ﺍﻟﺴﺎﺩﺓ ﺑﻄﺮﻳﻘﻲ
ﻃﻠﻊ ﺟﺪﻱ ﻭﻭﺭﺍﻩ ﻋﻤﺎﻣﻲ ﻳﺘﻮﺳﻠﻮﻥ ﺑﻲ ﻳﺮﺟﻊ ..
ﺍﺧﺮ ﺷﻲ ﺩﺯ ﻣﻬﺪﻱ ﻳﺠﻴﺐ ﺳﻴﺪ ﻋﻠﻲ ﻭﻭﺩﺍﺩ ﻭﻳﺘﺄﻛﺪ ﻣﻦ ﺍﻟﺤﺠﻲ ﻭﻳﻘﺮﺭ .
ﺭﺍﺡ ﻣﻬﺪﻱ ﺑﻌﺪ ﺳﺎﻋﺔ ﺭﺟﻌﻮﺍ ..
ﻭﻋﻤﺘﻲ ﺣﻤﺪﻳﺔ ﺭﺟﻌﺖ ﻗﺒﻠﻬﻢ ﺑﺪﻗﺎﻳﻖ ﻋﻴﻮﻧﻬﺎ ﻣﻮﺭﻣﺔ ﺑﺠﻲ .. ﻭﺟﺪﻱ ﻣﺎﮔﺪﺭ ﻳﺤﺠﻲ ﻭﻳﺎﻫﺎ ﺟﻴﻒ ﺍﻟﺒﺎﺏ ﺍﻧﺪﮒ ..
ﺑﺲ ﺧﺰﺭﺗﻪ ﻋﻠﻤﺘﻬﺎ ﺑﻜﻠﺸﻲ ﺻﺎﺭ . .
ﺩﺧﻠﺖ ﻭﺩﺍﺩ ﺗﺒﺠﻲ ﻭﻭﺭﺍﻫﺎ ﺍﻟﺴﻴﺪ ﻭﺑﻨﺘﻬﺎ ..
ﻋﻤﺘﻲ ﻟﻤﻴﻌﺔ ﺍﺷﺮﺕ ﺍﻟﻌﻤﺘﻲ ﺣﻤﺪﻳﺔ ﻭﮔﺎﻟﺘﻠﻬﺎ .. ﺍﺭﺗﺎﺣﻴﺘﻲ ﻫﺴﺎ ..
ﺍﺗﻘﺮﺑﺖ ﻭﻫﻤﺴﺖ ﺷﻤﺪﺭﻳﻬﻢ ..
- ﺍﻧﻲ ﺳﻮﻟﻔﺘﻠﻬﻢ ﻻﻥ ﻭﺩﺍﺩ ﻣﺨﺎﺑﺮﺓ ﻋﻤﺘﻲ ﻟﻤﻴﻌﺔ ﻭﺗﺒﺠﻲ ﻻﻥ ﻛﺘﻠﺘﻴﻬﺎ .
ﺍﺑﺘﺴﻤﺖ ﻋﻔﻴﺔ ﺑﺤﻤﺪﻳﺔ ﺍﻟﺼﻐﻴﺮﺓ ﻫﻴﺞ ﺍﺭﻳﺪﺝ ﺑﻄﻠﻲ ﺳﻜﺘﺔ ..
ﺿﺤﻜﺖ ﻻﺍﺭﺍﺩﻳﺎ ﻋﻠﻰ ﺣﺠﺎﻳﺘﻬﺎ ﻭﻋﻤﺘﻲ ﻟﻤﻴﻌﺔ ﺷﺎﻓﺘﻨﻲ ﺍﺗﻘﺮﺑﺖ ﺍﺿﺤﻜﻲ ﻋﻠﻰ ﺭﻭﺣﺞ ﻳﺎﻟﻌﺎﻳﺒﻪ ﻟﻴﺶ ﻫﻢ ﺍﻟﻤﺜﻠﺞ ﺗﻀﺤﻚ ﻭﺗﻌﻴﺶ ﻋﺎﺩﻱ ..
ﺍﺣﺲ ﮔﻠﺒﻲ ﺍﻧﻤﺮﺩ ﻣﻦ ﺣﺠﺎﻳﺘﻬﺎ ﺑﺲ ﺳﻜﺘﺖ ﻻﻥ ﺍﻟﺒﻴﺖ ﺻﻐﻴﺮ ﻭﺟﺪﻱ ﻭﻋﻤﺎﻣﻲ ﻭﺍﻟﺴﻴﺪ ﺑﺎﻟﺪﻳﻮﺍﻧﻴﺔ ﮔﺎﻋﺪﻳﻦ ﻭﺍﻟﺤﺲ ﻳﻨﺴﻤﻊ ..
ﺍﻟﺴﻴﺪ ﻋﻠﻲ ﻓﻬﻢ ﺟﺪﻱ ﺷﮕﺎﻟﺖ ﻭﺩﺍﺩ ﻭﻳﮕﻮﻝ ﺍﺟﻴﺖ ﻟﻠﮕﺎﻉ ﻭﺷﻔﺘﻬﻢ ﻣﺎﺑﻴﻬﻢ ﺷﻲ ﻭﺣﻠﻔﺘﻠﻲ ﺗﺠﻴﻬﻢ ﻧﻮﺑﺎﺕ ﻭﻣﺜﻞ ﺍﻟﻴﻨﺼﺮﻋﻮﻥ ﻭﺭﺍﺛﺔ ﻣﻦ ﺍﻣﻬﻢ ﺍﻧﻲ ﻣﺎﺍﻫﺘﻤﻴﺖ ﺍﻟﺼﺮﺍﺣﺔ ﺑﺲ ﺍﻣﻲ ﺗﺴﻮﺩﻧﺖ ﻭﮔﺎﻟﺖ ﻣﺎﺍﺣﻄﻢ ﺑﻨﺎﺗﻲ ﻭﺑﻌﺪﻫﻦ ﺣﺪﻳﺜﺎﺕ
ﺣﺘﻰ ﺍﺑﻮﻱ ﻣﺴﺘﺤﻲ ﻣﻨﻚ ﻭﻣﺎﺭﺩ ﺟﻮﺍﺏ ﻭﺃﺟﻞ ﻟﻠﻤﻮﺿﻮﻉ ﻟﻮ ﻣﺎﺍﻧﺘﻢ ﺗﺴﺄﻟﻮﻥ ﻉ ﺍﻟﺮﺩ ﻭﺍﻣﻲ ﺣﻠﻔﺖ ﻣﺎﺗﻀﻞ ﺑﺎﻟﺒﻴﺖ ﻟﻮ ﺻﺎﺭﺕ ﻫﺎﻟﻘﺴﻤﺔ .. ﻭﺍﻟﺒﻨﺎﺕ ﻣﻦ ﺳﻤﻌﻦ ﺣﺠﻲ ﺍﻣﻬﻦ ﻫﻢ ﺭﻓﻀﻦ ﻭﺑﻌﺪ ﺍﺑﻮﻱ ﻣﺎﮔﺪﺭ ﻳﺠﺒﺮﻫﻦ ..
ﺑﺲ ﻳﻮﻣﻬﺎ ﻣﺎﺍﺧﺬﺕ ﺍﻟﻤﻮﺿﻮﻉ ﺑﺼﺪﮒ ﻟﻤﺎ ﮔﺎﻟﺘﻠﻲ ﻭﺩﺍﺩ ﻭﺣﺠﻴﺖ ﻭﻱ ﺍﻣﻲ ﺍﻟﻠﻪ ﺷﺎﻫﺪ ﺑﺲ ﺑﻌﺪ ﮔﻠﺐ ﻭﺍﻟﺪﺓ ﻭﺍﻧﺖ ﺗﻌﺮﻑ ﻳﺠﺪﻱ ..
ﻛﻞ ﻫﺬﺍ ﻭﺟﺪﻱ ﻳﺴﻤﻊ ﺗﺎﻟﻲ ﺻﺎﺡ ﺑﺘﻮﻝ ﻭﮔﺪﺍﻡ ﺭﺟﻠﻬﺎ ﻭﺍﺑﻮﻫﺎ ﻭﻋﻤﻬﺎ ﻫﺎﺩﻱ ﺍﻟﻲ ﺟﺎﻥ ﺿﺎﻳﺞ ﺣﻴﻞ ﻣﻨﻬﺎ ..
ﺭﺯﻟﻬﺎ ﺟﺪﻱ ﻭﺍﻟﺴﻴﺪ ﺿﺎﺝ ﻭﮔﺎﻟﻬﺎ ﺗﻌﺒﺖ ﺑﻌﺪ ﻛﻠﻤﺎ ﺍﮔﻮﻝ ﺍﺗﺼﻠﺢ ﺍﻟﻮﺿﻊ ﺑﻴﻨﺎ ﺗﺨﺮﺑﻴﻪ ..
ﻫﺎﻟﻤﺮﺓ ﻣﻦ ﻭﺻﻠﺖ ﺗﺨﺮﺑﻴﻦ ﻗﺴﻤﺔ ﺍﺧﻮﺍﺗﻲ ﻣﺎﺍﮔﺪﺭ ﺍﺳﻜﺖ ﻭﺟﺪﻱ ﺍﺫﺍ ﺗﺮﺿﺎﻫﺎ ﺍﺳﻜﺖ ﻭﺍﻧﺴﻰ ﻭﺍﺫﺍ ﻻ ﺍﻧﺖ ﺍﺣﻜﻢ ﺑﻌﺪ
ﺟﺪﻱ ﺟﺎﻥ ﻣﺪﻧﮓ ﺭﻓﻊ ﺭﺍﺳﻪ .. ﻫﺎﻫﻲ ﺳﻴﺪ ﻋﻮﻓﻬﺎ ﻫﻨﺎ ﻣﺎﺍﮔﺪﺭ ﺍﺣﺠﻲ ﻭﻫﻲ ﻋﻤﻠﺘﻬﺎ ﻭﺣﺪﺓ ﺍﻧﮕﺲ ﻣﻦ ﺍﻟﺜﺎﻧﻴﺔ
ﺭﺩ ﺍﻟﺴﻴﺪ .. ﺑﺲ ﺣﺠﻲ ﺑﻨﺘﻲ ﺍﺧﺬﻫﺎ ﻣﺎﺍﮔﺪﺭ ﺍﻋﻮﻓﻬﺎ ﻋﻨﺪﻫﺎ ﺍﺧﺎﻑ ﻫﻢ ﺗﻌﻠﻤﻬﺎ ﺍﻟﺠﺬﺏ ..
ﺻﺎﺣﺖ ﻭﺩﺍﺩ .. ﻻ ﻋﻠﻲ ﻻﺗﺎﺧﺬ ﺑﻨﻴﻦ ﺣﺒﺎﺏ .. ﻻﺗﻌﺎﻗﺒﻨﻲ ﺑﻴﻬﺎ .. ﻋﻠﻲ ﻣﺪﺭﻱ ﺷﻠﻮﻥ ﺳﻮﻳﺖ ﻫﻴﺞ ﻭﺍﻟﻠﻪ ﺍﻋﺘﺬﺭ ﺑﻌﺪ ﻣﺎﺍﺯﻋﻠﻚ ﻭﺍﻟﻠﻪ ..
ﺭﺩ ﻋﻠﻴﻬﺎ ﺑﺤﺰﻡ .. ﻛﺎﻓﻲ ﻭﺩﺍﺩ ﺗﻌﺒﺖ .. ﻛﻞ ﻣﺮﺓ ﺗﮕﻮﻟﻴﻦ ﺑﺲ ﻫﺎﻟﻤﺮﺓ ﻭﺍﺳﺎﻣﺢ ﺷﻮﻛﺖ ﺗﻜﺒﺮﻳﻦ ﺑﻌﺪ ﻭﻋﻤﺮﺝ ﺭﺍﺡ ﻗﺮﺏ ﻋﻠﻰ ﺍﻟﺜﻼﺛﻴﻦ .. ﺑﻨﺘﻲ ﺑﻌﺪ ﻣﺎﺍﺧﻠﻴﻬﺎ ﻳﻤﺞ ﺗﺮﺩﻳﻦ ﺗﻌﻠﻴﻤﻬﺎ ﻉ ﺍﻟﺠﺬﺏ ﻭﺍﻟﻤﻜﺮ ﻭﻫﻮ ﺍﻧﺘﻲ ﺍﺻﻼ ﻣﺎﺩﺍﻳﺮﺗﻠﻬﺎ ﺑﺎﻝ ﻭﺩﻭﻡ ﻋﻨﺪ ﺍﻣﻲ ﻭﺍﺧﻮﺍﺗﻲ ﻳﺒﺪﻟﻦ ﻭﻳﻮﻛﻠﻦ ﻭﻳﻐﺴﻠﻦ ..
ﺻﺎﺡ ﺍﻟﺮﺯﺍﻕ ﻳﺠﻴﺐ ﺑﻨﻴﻦ .. ﺍﺷﺮﻟﻪ ﺟﺪﻱ ﻳﺠﻴﺒﻬﺎ ..
ﺍﺧﺬﻫﺎ ﺳﻴﺪ ﻋﻠﻲ ﻭﻃﻠﻊ ..
ﻭﻭﺩﺍﺩ ﺿﻠﺖ ﺗﺒﺠﻲ ﻭﺗﺼﻴﺢ ﻛﺴﺮﺕ ﮔﻠﺒﻲ . ﻣﺎﺍﺗﺨﻴﻞ ﻭﺍﺣﺪ ﻳﺎﺧﺬ ﻣﻨﻲ ﺣﻜﻤﺖ ﻛﻠﺸﻲ ﻭﻻﺍﻟﻀﻨﺎ ..
ﺭﺣﺖ ﺍﺭﻳﺪ ﺍﮔﻮﻣﻬﺎ ﺩﻓﻌﺘﻨﻲ ﺍﻣﻬﺎ .. ﻭﻟﻦ ﻛﻞ ﺍﻟﻤﺼﺎﻳﺐ ﻣﻨﺠﻦ ﺍﻧﺘﻲ ﻭﻋﻤﺘﺞ ..
ﻣﺎﺭﺩﻳﺖ ﻭﺭﺣﺖ ﻟﻠﻤﻄﺒﺦ ﻳﻢ ﻋﻤﺘﻲ .. ﺟﺎﻧﺖ ﺳﺎﻛﺘﻪ
ﻋﻤﺔ ﺷﺴﻮﻳﺘﻲ ﺍﻛﻮ ﺧﺒﺮ ..
ﻫﺰﺕ ﺭﺍﺳﻬﺎ ﺿﺎﻳﺠﺔ . ﻻ ﻣﺎﻛﻮ ﺧﺒﺮ ..
ﺻﺎﺣﻬﺎ ﺟﺪﻱ ﺭﺍﺣﺖ ﺗﺮﻛﺾ .. ﻋﺮﻓﺖ ﺭﺍﺡ ﻳﺤﺎﺳﺒﻬﺎ ﻋﻠﻰ ﻃﻠﻌﺘﻬﺎ ﺍﻟﺒﻴﺖ ﺍﻡ ﻓﺎﻳﻖ ..
ﻭﺻﺪﮒ ﺍﺟﺖ ﺿﺎﻳﺠﺔ ﻭﺟﻨﻬﻢ ﮔﻄﻌﻮﺍ ﺍﻻﻣﻞ ﻣﻨﻬﺎ ..
- ﺷﻔﺘﻲ ﺭﺿﻮﺓ ﻳﺮﺩﻭﻧﻲ ﺍﺳﻜﺖ ﻭﺍﮔﻌﺪ ﻭﻣﺎﺍﺩﻭﺭ ﻋﻠﻴﻪ .. ﺷﻠﻮﻥ ﻣﺎﺍﮔﺪﺭ ﺍﻧﻲ ﻫﺴﺎ ﺑﺲ ﺍﺭﻳﺪ ﺧﻴﻂ ﻳﻮﺻﻠﻨﻲ ﻟﻴﻪ ﻭﻟﻮ ﻳﺨﻠﻮﻧﻲ ﺍﺭﻭﺡ ﺍﻻﻳﺮﺍﻥ ﺍﺩﻭﺭ ﻣﻜﺎﻥ ﻣﻜﺎﻥ ..
ﻛﺴﺮﺕ ﮔﻠﺒﻲ ﻭﻫﻲ ﺗﺤﺠﻲ .. ﻣﺎﺍﻋﺮﻑ ﺍﻭﺍﺳﻲ ﺭﻭﺣﻲ ﻟﻮ ﺍﻭﺍﺳﻲ ﻋﻤﺘﻲ ﻟﻮ ﺍﻭﺍﺳﻲ ﻭﺩﺍﺩ ﻭﻧﺪﻣﻬﺎ ﻭﺑﺠﻴﻬﺎ ﻣﺎﺗﻌﺮﻑ ﺗﺘﺼﺮﻑ ﻭﻣﺮﺍﺕ ﺗﻤﺸﻲ ﺑﺤﺠﻲ ﺍﻣﻬﺎ ﻭﺗﻌﻢ ﻋﻠﻰ ﺭﻭﺣﻬﺎ ..
ﻣﺮﺓ ﻓﺘﺮﺓ ﻭﺑﻴﺘﻨﺎ ﺑﻌﺪﺓ ﻣﺎﻛﺎﻣﻞ .. ﻳﺎﺩﻭﺏ ﻛﻤﻠﻮﺍ ﻫﻴﻜﻞ ﺍﻟﺒﻴﺖ ﻭﺍﻟﺸﺒﺎﺑﻴﮓ ﻭﺍﻟﺴﮕﻒ .. ﺑﺲ ﺍﻟﮕﺎﻉ ﻃﻴﻦ ﺑﻌﺪﻫﺎ ﻭﺍﻟﺤﻴﻄﺎﻥ ﻳﻠﺒﺨﻮﻫﻦ .. ﻣﻦ ﻏﻴﺮ ﺍﻟﻨﻮﺍﻋﻢ ..
ﻭﻓﺠﺄﺓ ﺳﻤﻌﻨﺎ ﻏﺎﺭﺍﺕ ﺻﻮﺗﻴﺔ ﻭﺍﻧﺬﺍﺭﺍﺕ ﺗﻌﻠﻦ ﻋﻦ ﺣﺮﺏ ﺛﺎﻧﻴﺔ ..
ﺍﻟﻨﺎﺱ ﻃﻠﻌﺖ ﻣﻔﺰﻭﻋﺔ ﻣﻦ ﺑﻴﻮﺗﻬﺎ ﻳﺎﺣﺮﺏ ﻭﺍﺣﻨﺔ ﻣﺎﺻﺎﺭﻟﻨﺎ ﺳﻨﺘﻴﻦ ﻣﻦ ﺧﻠﺼﻨﺎ ﻣﻦ ﺣﺮﺏ ﺍﻳﺮﺍﻥ ﺑﻌﺪ ﺛﻤﺎﻥ ﺳﻨﻮﺍﺕ .
ﺍﻟﺴﻨﺘﻴﻦ ﺍﻟﻲ ﻛﺎﻧﺖ ﻣﺎﺑﻴﻦ ﺍﻟﺤﺮﺑﻴﻦ ﻫﻲ ﻣﻦ ﺍﺟﻤﻞ ﺍﻳﺎﻡ ﺣﻴﺎﺗﻬﻢ ..
ﺍﻟﻨﺎﺱ ﺍﻻﻥ ﺑﺪﺃﺕ ﺗﺘﻨﻔﺲ ﺍﻟﺼﻌﺪﺍﺀ ﻭﺗﺨﺮﺝ ﺳﻔﺮﺍﺕ ﺳﻴﺎﺣﻴﻪ ﺍﻟﻰ ﺍﻟﺤﺒﺎﻧﻴﺔ ﻭﺷﻘﻼﻭﺓ ﻭﺷﻤﺎﻝ ﺍﻟﻌﺮﺍﻕ ..
ﺣﺮﺏ ﺍﻟﺨﻠﻴﺞ ﺍﻟﺜﺎﻧﻴﺔ .. ﺃﻭ ﺃﻡ ﺍﻟﻤﻌﺎﺭﻙ . ﺃﻭ ﺣﺮﺏ ﺍﻟﻜﻮﻳﺖ
ﻛﺎﻧﺖ ﻫﺎﻟﺤﺮﺏ ﻓﺎﺟﻌﺔ ﺑﺎﻟﻨﺴﺒﺔ ﻟﻠﻌﺮﺍﻗﻴﻴﻦ ﻣﺎﺻﺪﮔﻮﺍ ﺧﻠﺼﺖ ﺍﻟﺤﺮﺏ ﺑـ 8 ﺁﺏ ﻣﻦ ﺳﻨﺘﻴﻦ ﻭﻫﺎﻟﺤﺮﺏ ﺑﺪﺃﺕ ﺑـ 7 ﺁﺏ ﺍﻳﻀﺎ ﺑﺴﻨﺔ ﺗﺴﻌﻴﻦ ..
ﺍﻟﻌﺮﺍﻕ ﻛﺎﻥ ﻣﺼﺮ ﻋﻠﻰ ﺿﻢ ﺍﻟﻜﻮﻳﺖ ﻟﻬﺎ ﺑﺄﻋﺘﺒﺎﺭﻫﺎ ﺍﻟﻤﺤﺎﻓﻈﺔ 19 ﻣﻦ ﺿﻤﻦ ﻣﺤﺎﻓﻈﺎﺗﻬﺎ ..
ﺣﺠﻲ ﺧﻀﻴﺮ ﺍﺧﺬ ﻋﺎﺋﻠﺘﻪ ﻭﺭﺍﺣﻮﺍ ﻟﻠﺒﺮ ﻻﻥ ﻏﺎﺭﺍﺕ ﻗﻮﻳﺔ ﻭﺧﺎﺻﻪ ﻫﺎﻟﺤﺮﺏ ﺗﺨﺘﻠﻒ ﻻﻥ ﻛﻞ ﺍﻟﺪﻭﻝ ﺍﻭ ﺍﻏﻠﺒﻬﺎ ﺗﺤﺎﻟﻔﺖ ﺿﺪ ﺍﻟﻌﺮﺍﻕ ..
ﻣﺪﻥ ﻛﺜﻴﺮﺓ ﺍﻧﻀﺮﺑﺖ ﻭﺍﺑﺮﻳﺎﺀ ﻫﻮﺍﻱ ﺭﺍﺣﺖ ﻭﻣﻨﻬﻢ ﺍﻟﻨﺎﺱ ﺍﻟﻤﻮﺟﻮﺩﺓ ﺑﻤﻠﺠﺄ ﺍﻟﻌﺎﻣﺮﻳﺔ ..
ﻫﺬﻱ ﺍﻟﻔﺎﺟﻌﻪ ﺍﻟﻜﺒﺮﻯ ﻳﻮﻡ ﻇﻬﺮﺕ ﺑﺎﻟﺘﻠﻔﺰﻳﻮﻥ ﺻﻮﺭ ﻋﻨﻬﻢ ﺷﻠﻮﻥ ﺍﻻﻃﻔﺎﻝ ﻭﺍﻟﻨﺴﺎﺀ ﻣﻔﺤﻤﻴﻦ ﻭﻣﺎﻣﺒﻴﻨﺔ ﻣﻼﻣﺤﻬﻢ .. ﻓﻲ ﺍﻟﺴﺎﻋﺔ ﺍﻟﺮﺍﺑﻌﺔ ﻭﺍﻟﻨﺼﻒ ﻓﺠﺮﺍً ﺑﺸﻬﺮ ﺍﻟﺜﺎﻧﻲ ﻣﻦ ﺳﻨﺔ ﻭﺍﺣﺪ ﻭﺗﺴﻌﻴﻦ ﺑﻌﺪ ﻣﺎﻗﺼﻔﺖ ﻃﺎﺋﺮﺓ ﺃﻣﻴﺮﻛﻴﺔ ﺍﻟﻤﻠﺠﺄ ﺑﺤﻲ ﺍﻟﻌﺎﻣﺮﻳﺔ ﺑﺒﻐﺪﺍﺩ ﻭﻟﻤﺎ ﺻﺎﺭ ﺍﻻﻧﻔﺠﺎﺭ ﻭﺍﻟﺤﺮﻳﻖ ﺍﻧﻐﻠﻘﺖ ﺍﻻﺑﻮﺍﺑﻼ ﻳﺪﺧﻞ ﻣﻨﺠﺪ ﻭﻻ ﻳﺨﺮﺝ ﻃﺎﻟﺐ ﻧﺠﺎﺓ .. ﻭﺍﺻﻼ ﺗﺼﻤﻴﻢ ﺟﺪﺍﺭ ﺍﻟﻤﻠﺠﺄ ﻣﺘﻴﻦ ﻟﻴﻌﺰﻝ ﻣﻦ ﻫﻢ ﺑﺎﻟﺪﺍﺧﻞ ﻣﻦ ﺃﻱ ﺍﻧﻔﺠﺎﺭ، ﻭﻟﻜﻨﻬﺎ ﺣﺒﺴﺘﻬﻢ ﺑﺪﺍﺧﻞ ﺍﻟﻤﻠﺠﺄ ﻟﻴﻠﻘﻮﺍ ﺣﺘﻔﻬﻢ ﺑﺎﻟﻤﻮﺕ ﺣﺮﻗﺎ .. ﺃﺭﺑﻌﻤﺎﺋﺔ ﻭﺛﻤﺎﻧﻴﺔ ﺃﺷﺨﺎﺹ ﺍﺳﺘﺸﻬﺪﻭﺍ ﺩﺍﺧﻠﻪ .. ﺇﺿﺎﻓﺔ ﺇﻟﻰ 26 ﻣﻮﺍﻃﻨﺎً ﻋﺮﺑﻴﺎً .
ﻭﺍﺳﺘﻤﺮﺕ ﻫﺎﻟﺤﺮﺏ ﺳﺖ ﺍﺷﻬﺮ ﺍﻭ ﺍﻗﻞ .. ﺑﻌﺪﻣﺎ ﺍﺟﺒﺮﺕ ﻗﻮﺍﺕ ﺍﻟﺘﺤﺎﻟﻒ ﻭﺑﺎﻟﺘﻀﺎﻣﻦ ﻣﻊ ﺍﻻﻣﻢ ﺍﻟﻤﺘﺤﺪﺓ ﺍﻟﻌﺮﺍﻕ ﻋﻠﻰ ﺍﻻﻧﺴﺤﺎﺏ ﻭﺑﺨﺴﺎﺭﺓ ﻛﺒﻴﺮﺓ ﺑﺎﻻﺭﻭﺍﺡ ﺍﻟﺘﻲ ﻧﺘﺠﺖ ﺍﺛﻨﺎﺀ ﺍﻧﺴﺤﺎﺑﻬﻢ ﻭﻟﻬﺬﺍ ﺳﻤﻴﺖ ﺑﻌﺎﺻﻔﺔ ﺍﻟﺼﺤﺮﺍﺀ ..
ﻭﻓﻲ ﻫﺬﻩ ﺍﻟﺤﻘﺒﺔ ﺍﻋﻠﻦ ﻓﺮﺽ ﺍﻟﺤﺼﺎﺭ ﻋﻠﻰ ﺍﻟﻌﺮﺍﻕ ﻭﻫﺬﺍ ﺍﻟﺨﺒﺮ ﻧﺰﻟﺖ ﻣﺜﻞ ﺍﻟﺼﺎﻋﻘﺔ ﻋﻠﻴﻬﻢ ..
ﺣﻘﺒﺔ ﺟﺪﻳﺪﺓ ﺑﻌﺪ ﺍﻟﺤﺮﻭﺏ ﻟﻜﻦ ﻫﺎﻟﻤﺮﺓ ﺣﺼﺎﺭ ﻭﺟﻮﻉ ..
ﺍﻣﺎ ﺁﻥ ﺍﻻﻭﺍﻥ ﻟﺘﺮﺗﺎﺡ ﻳﺎﺑﻠﺪﻱ !!
ﺣﺮﺏ ﻣﺪﺗﻬﺎ ﺍﺷﻬﺮ ﻟﻜﻨﻬﺎ ﻋﺎﺩﻟﺖ ﺣﺮﺏ ﺍﻟﺜﻤﺎﻧﻴﻨﺎﺕ ﺑﺨﺴﺎﺭﺓ ﺍﻻﺭﻭﺍﺡ ﻭﺍﻻﺑﺮﻳﺎﺀ .. ﻭﺍﻻﺳﻮﺀ ﻣﻦ ﺫﻟﻚ ﺍﻟﺤﺼﺎﺭ ﺍﻟﻤﻔﺮﻭﺽ ﻭﺍﻟﺬﻱ ﺗﺴﺒﺐ ﺑﺘﺪﻣﻴﺮ ﺍﻗﺘﺼﺎﺩ ﺍﻟﺒﻠﺪ ﻭﺗﺮﺍﺟﻊ ﺍﻟﻤﺴﺘﻮﻯ ﺍﻟﺼﺤﻲ ﻭﺍﻟﺘﻌﻠﻴﻤﻲ ﻭﻛﺬﻟﻚ ﻛﺎﺭﺛﺔ ﺍﻧﺴﺎﻧﻴﺔ ﺑﺴﺒﺐ ﻧﻘﺺ ﺍﻟﺪﻭﺍﺀ ﺍﻟﻐﺬﺍﺀ ..
ﺑﻌﺪ ﻣﺎﻫﺪﺃﺕ ﺍﻻﻭﺿﺎﻉ ﻭﺭﺟﻌﻮﺍ ﺑﻴﺖ ﺍﻟﺤﺠﻲ ﺧﻀﻴﺮ ..
ﺭﺟﻌﻮﺍ ﻟﻠﺒﻴﺖ ﺍﻻﻳﺠﺎﺭ ﺍﻟﻲ ﺟﺎﻧﻮﺍ ﮔﺎﻋﺪﻳﻦ ﺑﻲ ..بيج قصص عراقيه حقيقيه من واقعنا.روعه الطائي
ﻭﺟﺎﻧﺖ ﻏﺮﺍﺿﻬﻢ ﻣﺘﻔﻠﺸﺔ ﻭﺍﻟﺒﻴﺖ ﺍﻭﮔﻊ ﻭﻣﺎﻳﻌﺮﻓﻮﻥ ﺍﻟﺴﺒﺐ ﻣﻌﻘﻮﻟﺔ ﺍﻟﺒﻴﺖ ﻗﺪﻳﻢ ﻭﻣﺎﺍﺗﺤﻤﻞ ﺍﻟﻀﺮﺏ ﻭﺍﻻﻫﺘﺰﺍﺯﺍﺕ ..
ﺑﺲ ﻛﺎﻥ ﻣﺜﻞ ﺍﻟﺼﺪﻣﺔ ﺍﻟﻬﻢ ﺑﻴﺘﻬﻢ ﻣﺎﻛﺎﻣﻞ ﻭﻫﺬﺍ ﺍﻟﺒﻴﺖ ﻭﺍﮔﻊ ﻭﻏﺮﺍﺿﻬﻢ ﺭﺍﺣﺖ .. ﺟﺎﻧﺖ ﺩﻣﻮﻉ ﺣﻤﺪﻳﺔ ﻭﺍﻟﺒﻨﺎﺕ ﻳﻨﺰﻟﻦ ﺑﺼﻤﺖ ..
ﻭﺣﺠﻲ ﺧﻀﻴﺮ ﮔﺎﻋﺪ ﻭﻣﺨﻠﻲ ﺍﻳﺪﻩ ﻋﻠﻰ ﺭﺍﺳﻪ ﻭﺣﺎﻳﺮ ﺷﻴﺴﻮﻱ ﺑﺎﻟﻤﺼﻴﺒﺔ ﻫﺎﻱ .. ﺭﻏﻢ ﺟﺎﻥ ﻳﺮﺩﺩ ﺑﺎﻟﻤﺎﻝ ﻭﻻ ﺑﺎﻟﻌﻴﺎﻝ ﺍﻟﺤﻤﺪ ﻭﺍﻟﺸﻜﺮ ﺍﻟﻚ ﻳﺎﺭﺏ ﺍﻟﻤﻬﻢ ﻋﻴﺎﻟﻲ ﺳﺎﻟﻤﻴﻦ ﻟﻮ ﺑﺎﻗﻴﻦ ﻫﻨﺎ ﻭﻣﺘﻔﻠﺶ ﻋﻠﻰ ﺭﻭﺳﻨﺎ ﻛﻠﺸﻲ ﺑﻲ ﺻﺎﻟﺢ ..
ﺑﺲ ﺍﻟﺴﻴﺪ ﻫﺎﺷﻢ ﻣﻦ ﺳﻤﻊ ﺑﺮﺟﻌﺘﻬﻢ ﻣﺎﻗﺒﻞ ﻳﺒﻘﻮﻥ ﺑﺎﻟﺒﻴﺖ ﺑﻬﻴﺞ ﻭﺿﻊ ﻭﺍﺧﺬﻫﻢ ﺍﻟﺒﻴﺘﻪ ..
ﺟﺎﻥ ﻫﺎﺩﻱ ﺑﺎﻟﺔ ﻳﻢ ﻛﺮﺍﺭ ﺍﻟﻲ ﻳﺪﺍﻭﻡ ﺑﻜﻠﻴﺔ ﺍﻟﻌﺴﻜﺮﻳﺔ ﻭﺑﻘﻰ ﻫﻨﺎﻙ ﺧﻼﻝ ﻓﺘﺮﺓ ﺍﻟﺤﺮﺏ ﻭﻣﺎﻛﻮ ﺧﺒﺮ ﻋﻨﻪ ..
ﻗﺮﺭ ﺑﺲ ﻳﻬﺪﺃ ﺍﻟﻮﺿﻊ ﻳﺮﻭﺡ ﻫﻮ ﻭﻣﻬﺪﻱ ﻳﺴﺄﻟﻮﻥ ﻋﻠﻴﻪ ..
ﻭﺩﺍﺩ ﻣﻦ ﺷﺎﻓﺖ ﺑﻨﺘﻬﺎ ﺭﺩﺕ ﺭﻭﺣﻬﺎ ﻭﻫﺬﺍ ﺟﺎﻥ ﺍﻛﺒﺮ ﻋﻘﺎﺏ ﺍﻟﻬﺎ ﻣﻦ ﺍﻟﺴﻴﺪ ﺭﻏﻢ ﺍﻣﻬﺎ ﻣﺎﺍﺟﺖ ﻭﺍﺻﺮﺕ ﺗﺮﻭﺡ ﺍﻟﺒﻴﺖ ﺍﺧﻮﻫﺎ ﻫﻨﺎﻙ ﺑﻴﻦ ﻣﺎ ﻳﻜﻤﻞ ﺍﻟﺒﻴﺖ ﻭﻟﻮ ﺑﻬﺬﺍ ﺍﻟﻮﺿﻊ ﻭﺍﻟﺤﺼﺎﺭ ﻭﻭﻗﻒ ﺍﻻﻗﺘﺼﺎﺩ ﻭﺍﻟﺼﻨﺎﻋﻪ ﻭﺍﻟﺰﺭﺍﻋﺔ ﻣﺎﺿﻨﻮﺍ ﺍﻧﻬﻢ ﺭﺍﺡ ﻳﺨﻠﺼﻮﻥ ﻭﻳﺮﺗﺎﺣﻮﻥ ..
ﺍﻳﺎﻡ ﻭﺍﺷﻬﺮ ﻋﺼﻴﺒﺔ ﻣﺮﺕ ﻋﻠﻴﻬﻢ ﻭﻋﻠﻰ ﻛﺜﻴﺮ ﻣﻦ ﺍﻟﻌﻮﺍﺋﻞ ﺑﺘﻠﻚ ﺍﻟﻔﺘﺮﺓ ..
ﻭﻣﻨﻬﻢ ﺑﻴﺖ ﺍﻡ ﻫﻴﺜﻢ ﺍﻟﻲ ﺑﻴﺖ ﺍﺧﺘﻬﺎ ﺭﺍﺣﻮﺍ ﻛﻠﻬﻢ ﺑﻤﻠﺠﺄ ﺍﻟﻌﺎﻣﺮﻳﺔ ﻭﺍﺣﺘﺮﮔﻮﺍ ..
ﻭﺑﻴﻮﻡ ﺣﻤﺪﻳﺔ ﺟﺎﻧﺖ ﻭﻱ ﺍﻟﻌﻠﻮﻳﺎﺕ ﺑﺎﻟﺘﺮﻙ ﻭﺍﮔﻔﻪ ﺗﺨﺒﺰ ..
ﺳﻤﻌﺖ ﺻﻮﺕ ﺻﻴﺎﺡ ﺭﺿﻮﻩ ﺍﻧﻬﺪ ﺣﻴﻠﻬﺎ ﻭﻭﮔﻌﺖ ﺍﻟﺨﺒﺰﺓ ﺑﺎﻟﺘﻨﻮﺭ .. ﺿﺎﻕ ﻧﻔﺴﻬﺎ ﻭﺻﺎﺣﺖ ﻓﺎﺭﺱ ..
ﻟﻜﻦ ﺍﻟﺼﺪﻣﺔ ﻛﺎﻧﺖ ﺍﻛﺒﺮ ﻭﻏﻴﺮ ﻣﺘﻮﻗﻌﺔ … !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ