#حكمة__ذئب

بقلم شمس السعدي

#الحكمة١٢

ﺑﻴﻮﻡ ﻋﻤﺘﻬﺎ ﻟﻤﻴﻌﺔ ﻋﻴﺮﺗﻬﺎ ﺑﺒﻄﻨﻬﺎ ﺍﻟﻴﺎﺑﺴﺔ ﻭﻣﺎﺗﺨﻠﻒ ..
ﺟﺎﻧﺖ ﺭﺿﺎﺀ ﺟﺎﻫﻠﺔ ﻟﻠﻮﺿﻊ ..
ﺳﺄﻟﺘﻬﺎ .. ﺷﺘﻘﺼﺪﻳﻦ ﻋﻤﺔ ؟؟
ﺿﺤﻜﺖ ﻟﻤﻴﻌﺔ .. ﻻﺗﻐﺸﻤﻴﻦ ﺭﻭﺣﺞ ﻛﺎﺗﻠﺘﺞ ﺍﻟﻐﻴﺮﺓ ﺟﻴﻒ ﺑﺘﻮﻝ ﺑﻌﺪﻫﻲ ﺣﺎﻣﻞ ﻭﺑﻴﻬﺎ ﻭﻟﺪ ﻭﺍﻧﺘﻲ ﺑﻌﺪ ﻣﺎﺗﺨﻠﻔﻴﻦ ..
- ﻭﻟﻴﺶ ﻣﺎﺍﺧﻠﻒ ﺷﺒﻴﻪ .. ﻭﻳﻤﻜﻦ ﺣﺎﻣﻞ ﺍﻧﻲ ﻫﻢ ..
ﺯﺍﺩﺕ ﺿﺤﻜﺖ ﻋﻤﺘﻲ ﻟﻤﻴﻌﺔ ﻭﻋﻤﺘﻲ ﺻﺎﺣﺖ ﺑﻴﻬﺎ ..
ﻟﻤﻴﻌﺔ ﻳﺰﻱ ﻋﺎﺩ ﺷﺘﺮﺩﻳﻦ ﻣﻨﻬﺎ ﻣﺎﺗﻌﻮﻓﻴﻬﺎ ﺑﺤﺎﻟﻬﺎ ..
ﺭﺩﺕ ﺑﺄﺳﺘﻬﺰﺍﺀ .. ﻳﻜﻮﻥ ﻳﺎﺣﻤﺪﻳﻪ ﻣﺎﮔﺎﻳﻠﻠﻴﻬﺎ ﻭﻫﺎﻱ ﻣﺼﺪﮔﺔ ﺑﺮﻭﺣﻬﺎ ﺑﻌﺪﻫﻲ ﻣﺮﺓ ﺗﺤﺒﻞ ﻭﺗﺠﻴﺐ ..
ﻓﻘﺪﺕ ﻋﻤﺘﻲ ﻭﻣﺎﺍﺗﺤﻤﻠﺖ ﺣﺠﻴﻬﺎ ﻭﺫﻳﺞ ﺗﻀﺤﻚ ﻭﺗﺴﺘﻬﺰﺀ ﺻﻤﺖ ﻋﻤﺘﻲ ﺣﻠﻜﻬﺎ ﻭﺗﺪﻋﻲ ﻋﻠﻴﻬﺎ .. ﺍﻟﻠﻪ ﻻﻳﻨﻄﻴﺞ ﺍﻧﺘﻲ ﻭﺍﺑﻨﺞ ﻋﺒﻦ ﻛﺴﺮﺗﻮﺍ ﺑﺨﺘﻬﺎ ﻓﻮﮒ ﻣﺎﺍﺑﻨﺞ ﺍﻟﺴﺒﺐ ﺗﻌﻴﺮﻳﻬﺎ ..
ﻷﻭﻝ ﻣﺮﺓ ﺍﻓﻘﺪ ﻭﺍﺻﺮﺥ ﻻﺍﺭﺍﺩﻳﺎ .. ﻓﻬﻤﻨﻲ ﺍﻧﻲ ﺷﺒﻴﻪ ﺷﻀﺎﻣﻴﻦ ﻋﻠﻴﻪ .. ﺩﻣﻮﻋﻲ ﺗﻨﺰﻝ ﻭﺍﻧﻲ ﺧﺎﻳﻔﻪ ﻻﺍﻣﺎﺍﺧﻠﻒ ﺑﻌﺪ . ﺑﺲ ﻫﺎﻟﺸﻬﺮ ﻏﺎﺑﺖ ﻋﻠﻴﻪ ﺍﻱ ﻳﻤﻜﻦ ﺣﺎﻣﻞ ﺍﻱ ﺣﺎﻣﻞ ﺍﻧﻲ ..
ﺟﺮﺗﻨﻲ ﻋﻤﺘﻲ ﻭﺩﺧﻠﺘﻨﻲ ﻟﻠﻐﺮﻓﻪ .. ﺍﺑﻘﻲ ﻫﻨﺎ ﻫﺴﺎ ﺍﺟﻴﺞ
ﺭﺍﺣﺖ ﻛﻤﻠﺖ ﻋﺮﻛﺘﻬﺎ ﻭﻱ ﻋﻤﺘﻲ ﻟﻤﻴﻌﺔ ﻭﺻﺎﺭ ﻣﻤﺎﻟﺦ ﺑﻴﻨﻬﻦ ﻭﺫﻳﺞ ﺗﺼﻴﺢ ﻭﻋﻤﺘﻲ ﺗﺪﻋﻲ ﻭﺍﻧﻲ ﻣﺎﻓﺎﻫﻤﺔ ﺷﻲ ..
ﺭﺟﻌﺖ ﻋﻤﺘﻲ ﺑﺎﻟﻜﻮﺓ ﺗﺠﺮ ﺍﻟﻨﻔﺲ .. ﻋﺎﻳﻨﺖ ﻋﻠﻴﻪ ..
ﺭﺿﻮﻩ ﺍﻧﺘﻲ ﻣﻌﻘﻮﻟﺔ ﻣﺎﺣﺎﺳﻪ ﻋﻠﻰ ﺭﻭﺣﺞ ..
- ﺷﻨﻲ ﻋﻤﺔ ﻓﻬﻤﻴﻨﻲ ﻭﺍﻟﻠﻪ ﺭﺍﺡ ﺍﺗﺴﻮﺩﻥ ..
- ﺍﻟﻌﺎﺩﺓ ﻣﻮ ﻣﺎﺗﺠﻴﺞ ﻟﻮ ﺷﻨﻮ ؟؟
- ﻫﺎﺍﺍ ﻻ ﺗﺠﻲ ﺑﺲ ﺷﻮﻳﻪ ﻭﻫﺎﻟﺸﻬﺮ ﺍﻧﮕﻄﻌﺖ ﺑﻠﻜﻦ ﺣﺎﻣﻞ ﺧﻠﻴﻨﺎ ﻧﺮﻭﺡ ﻟﻠﺪﻛﺘﻮﺭﺓ ﻭﻧﺘﻄﻤﻦ ..
ﺍﮔﻌﺪﻱ ﺧﻠﻲ ﺍﻓﻬﻤﺞ ﻭﻟﻮ ﻣﺎﺍﺩﺭﻱ ﺷﻠﻮﻥ ﺍﻓﻬﻤﺞ .. ﺳﻜﺘﺖ ﺩﻭﺭ ﺭﺟﻌﺖ ﺳﺄﻟﺘﻨﻲ ﻣﺘﺄﻛﺪﺓ ﺑﻌﺪﻫﺎ ﺗﻮﮔﻊ ﻋﻠﻴﺞ ﻣﺎﻣﻌﻘﻮﻟﺔ
ﺗﻌﺼﺒﺖ .. ﻋﻤﺔ ﻏﻴﺮ ﺗﻔﻬﻤﻴﻨﻲ ﺷﻨﻲ ﺍﻟﺴﺎﻟﻔﻪ ..
- ﻋﻤﺔ ﻣﻮ ﺍﻟﻄﻔﻞ ﻭﮔﻊ ﻭﺍﻻﺛﻮﻝ ﻣﻬﺪﻱ ﻣﺄﺫﻳﺞ ﻛﻠﺶ ﺻﺎﻳﺮ ﻋﻨﺪﺝ ﻧﺰﻑ ﻗﻮﻱ .. ﻭﺭﺣﻤﺞ ﻣﺘﺄﺫﻱ .. ﻧﺸﻒ ﺩﻣﺞ ﻭﺍﻟﺪﻛﺘﻮﺭﺓ ﺳﻮﺩﻧﺘﻨﺎ . ﮔﺎﻟﺖ ﺍﻣﺎ ﺗﻮﻗﻌﻮﻥ ﻟﻮ ﺗﻤﻮﺕ .. ﺟﺪﺝ ﻣﻦ ﺳﻤﻊ ﻫﺎﻟﻜﻠﻤﺔ ﺗﺴﻮﺩﻥ ﻭﻛﺎﻝ ﺍﻟﻤﻬﺪﻱ ﻭﻗﻊ ..
ﻭﻗﻊ ﻭﺷﺎﻟﻮﺍ ﺭﺣﻤﺞ ﻣﺎﺭﺩﺕ ﺍﻛﻠﺞ ﻣﺎﻫﺎﻥ ﻋﻠﻴﻪ ﮔﻠﺖ ﻫﻲ ﺗﻌﺮﻑ ﻭﺗﻔﺘﻬﻢ ﻣﻦ ﻛﻴﻔﻬﺎ ﻭﺗﺴﺄﻟﻨﻲ ﻭﺗﺮﺩﻳﻦ ﺍﻟﺼﺪﮒ ﺟﻨﺖ ﻣﻜﻴﻔﻪ ﻻﻥ ﻣﺎﺗﺴﺄﻟﻴﻦ ﻻﻥ ﻣﺎﺍﻋﺮﻑ ﺷﺠﺎﻭﺑﺞ ﻟﻮ ﺳﺄﻟﺘﻲ ..
ﺑﻘﻴﺖ ﺍﻋﺎﻳﻦ ﻋﻠﻴﻬﺎ ﻭﻣﺎﻣﻔﺘﻬﻤﺔ ﺷﺘﺤﺠﻲ ..
- ﻳﻌﻨﻲ ﺷﻨﻲ ﻋﻤﺔ ﺍﺫﺍ ﺷﺎﻟﻮﻩ ﺑﻌﺪ ﻣﺎﺍﺣﺒﻞ ﻭﻣﺎﺍﺟﻴﺐ ﺍﺧﻮ ﻟﻮ ﺍﺧﺖ ﺍﻟﺤﻜﻤﺖ .. ﺗﺬﻛﺮﺕ ﻋﻤﺘﻲ ﻟﻤﻴﻌﺔ ﻣﻦ ﮔﺎﻟﺖ ﺑﻄﻨﺞ ﻳﺎﺑﺴﻪ ..
ﻭﮔﻔﺖ ﻋﻠﻰ ﺣﻴﻠﻲ .. ﻋﻤﺔ ﻻﺗﮕﻮﻟﻴﻦ ﻫﻴﺞ ﻻﺗﺴﻜﺘﻴﻦ ﺍﺣﺠﻲ ﮔﻮﻟﻲ ﻣﺎﺑﻴﺞ ﺷﻲ .. ﺍﻧﺘﻲ ﮔﻠﺘﻲ ﻣﺎﺗﻮﮔﻊ ﻋﻠﻴﺞ ﺍﻟﻌﺎﺩﺓ ﻭﺍﻧﻲ ﻳﻮﮔﻊ ﻋﻠﻴﻪ ﻳﻌﻨﻲ ﺷﻨﻲ ﻓﻬﻤﻴﻨﻲ ..
ﺍﺗﻬﺴﺘﺮﺕ ﻭﺑﻘﻴﺖ ﺍﺩﮒ ﻋﻠﻰ ﺑﻄﻨﻲ .. ﻳﻌﻨﻲ ﻫﺎﻟﺒﻄﻦ ﺑﻌﺪ ﻣﺎﺗﺨﻠﻒ ﺍﻟﻤﻦ ﻣﺨﻠﻴﺘﻬﺎ ﺍﻟﻤﻦ .. ﻟﻴﺶ ﻭﻗﻌﺘﻮﺍ ﻭﺷﻠﺘﻮﻩ ﻟﻴﺶ ﻣﺎﺧﻠﺘﻴﻮﻧﻲ ﺍﻣﻮﺕ .. ﻟﻴﻴﻴﻴﻴﺶ ..
ﮔﺎﻣﺖ ﻋﻤﺘﻲ ﺗﻬﺪﻳﻨﻲ .. ﻭﻟﺞ ﻳﻤﺔ ﺣﺮﮔﺘﻲ ﮔﻠﺒﻲ .. ﺍﻟﻠﻪ ﺍﻧﻄﺎﺝ ﻭﺍﺣﺪ ﻳﺴﻮﻩ ﺍﻟﺒﺰﺭ ﻛﻠﻪ .. ﺗﺮﺩﻳﻨﺎ ﻧﻮﻗﻊ ﻋﻠﻰ ﻣﻮﺗﺞ ﻭﻟﺞ ﻭﺍﺑﻨﺞ ﻣﺎﻓﻜﺮﺗﻲ ﺑﻲ .. ﺷﺘﺴﻮﻳﻦ ﺑﻴﻬﻢ ..
ﮔﻤﺖ ﺍﺿﺮﺏ ﻋﻠﻰ ﺑﻄﻨﻲ ﺣﻴﻞ ﻭﺻﺪﺭﻱ .. ﺍﺍﺍﺍﺥ ﻳﺎﻋﻤﺔ ﻣﺤﺪ ﻳﻔﻬﻤﻨﻲ ﺑﻴﻜﻢ .. ﻟﻴﺲ ﺷﺴﻮﻱ ﺑﻴﻬﻢ ﺷﻨﺎﻗﺼﻨﻲ ﺑﻌﺪﻧﻲ ﺻﻐﻴﺮﺓ ﻭﻣﺎﺷﻔﺖ ﻣﻦ ﻋﻤﺮﻱ ﺑﺲ ﺍﻟﻘﻬﺮ ﺭﺩﺕ ﻋﺰﻭﺓ ﺍﻟﻲ ﻭﺍﻟﻜﺒﺮﺗﻲ ﻣﺎﻋﻨﺪﻱ ﺍﺧﻮﺍﻥ ﻭﺭﺩﺗﻬﻢ ﺍﺧﻮﺍﻧﻲ ﻭﺳﻨﺪﻱ .. ﻟﻮ ﻫﺬﺍ ﺍﺑﻨﻲ ﻭﻭﺣﻴﺪﻱ ﺍﺭﻳﺪﻟﻪ ﺳﻨﺪ ﻭﻋﺰﻭﺓ ﻳﺤﻤﻮﻩ ﻣﻦ ﻏﻴﺮ ﺍﻟﺪﻧﻴﺎ .. ﻫﺴﺘﻮﻫﺎ ﺍﻟﺪﻧﻴﺎ ﺿﺤﻜﺘﻠﻲ ﻭﻓﺮﺣﺖ ﻟﻴﻦ ﺻﺎﺭ ﺯﻳﻦ ﻭﻳﺎﻱ .. ﻭﺗﺎﻟﻲ ﻃﻠﻊ ﺿﻤﻴﺮﻩ ﻳﻮﺟﻌﺔ ﻭﺍﺟﺎﻧﻲ .. ﻟﻮ ﻳﺪﺭﻱ ﺑﻴﻪ ﺑﻌﺪ ﻣﺎﺍﺧﻠﻒ ﻫﺎﻻﺟﺎﻧﻲ ..
ﻋﻤﺘﻲ ﻣﺎﺗﺤﺠﻲ ﺑﺲ ﺗﺒﺠﻲ .. ﮔﻮﻣﻲ ﮔﻮﻣﻲ ﺻﺤﺖ ..
ﮔﻮﻣﻲ ﺍﺧﺬﻳﻨﻲ ﺍﻟﻤﺴﺘﺸﻔﻰ ﺍﺭﻳﺪ ﺍﺳﻤﻊ ﺑﺄﺫﺍﻧﻲ ﻭﺍﺗﺄﻛﺪ ..
- ﻭﻳﻦ ﺍﺧﺬﺝ ﻫﺴﺎ ﻻﺟﺪﺝ ﻭﻻﺭﺟﻠﺞ ﻳﺪﺭﻱ ..
- ﻣﺎﻳﻬﻤﻨﻲ ﻣﻮ ﻛﻠﻜﻢ ﺳﺘﺮﺗﻮﺍ ﺍﻟﻪ ﻭﻣﺎﺣﺠﻴﺘﻮﺍ ﻭﻫﻮ ﺍﻟﻈﻠﻤﻨﻲ ﻭﺍﺫﺍﻧﻲ .. ﻟﻠﻴﻮﻡ ﻣﺎﻛﺴﺮﺕ ﺣﺠﺎﻳﺘﺔ ﻭﻫﻮ ﺷﻮﻓﻲ ﺷﺴﻮﺓ ﺑﻴﻪ .. ﻭﻣﺮﺗﻪ ﺍﺷﻜﺎﻝ ﺗﺤﺠﻲ ﻭﻣﺪﻭﻟﺒﺘﻪ ﻣﺎﻳﻮﻡ ﻣﺪ ﺍﻳﺪﻩ ﻋﻠﻴﻬﺎ ..
ﺍﺭﻳﺪ ﺍﺻﻴﺮ ﺭﺿﻮﻩ ﺛﺎﻧﻴﻪ ﻣﻨﺎ ﻭﺟﺎﻱ .. ﺍﺭﻳﺪ ﺍﺑﻄﻞ ﺿﻌﻒ ﻭﺳﻜﺘﻪ .. ﻣﻠﻴﺖ ﻣﻦ ﻛﻠﻤﺔ ﺍﻟﻌﻴﺐ ﻭﻣﺎﻳﺼﻴﺮ .. ﻭﺍﻟﻜﻠﻤﺎﺕ ﺑﺲ ﻋﻠﻴﻪ ﺗﻨﻄﺒﻖ ..
ﮔﻮﻣﻲ ﻋﻤﺔ ﺍﺧﺬﻳﻨﻲ ﻟﻮ ﺍﺭﻭﺡ ﻭﺣﺪﻱ ..
ﺻﺎﺣﺖ .. ﺍﻭﮔﻔﻲ ﺍﻧﻄﻴﻨﻲ ﺻﺒﺮ ﺍﺭﻭﺡ ﺍﻟﺒﺲ ﻋﺒﺎﺗﻲ ﻭﺍﺟﻲ
ﺍﺧﺬﺕ ﻋﺒﺎﺗﻲ ﻭﻃﻠﻌﺖ ﻗﺒﻠﻬﺎ ﻣﺎﻟﺒﺴﺖ ﻭﻻﺑﺪﻟﺖ ﺑﺪﺷﺪﺍﺷﺘﻲ ﻣﺸﻴﺖ .. ﻧﺎﺭ ﺑﮕﻠﺒﻲ ﺗﺴﻌﺮ ﻭﺩﻣﻮﻋﻲ ﺍﺣﺴﻬﻦ ﻧﺸﻔﻦ ﺑﺲ ﺻﻮﺗﻲ ﻣﺒﺤﻮﺡ ﻣﻦ ﺍﻟﺼﻴﺎﺡ ..
ﻃﻠﻌﺖ ﻋﻤﺘﻲ ﻣﻦ ﺍﻟﻐﺮﻓﻪ ﺍﻧﻲ ﻭﺭﺍﻫﺎ .. ﺷﻔﺘﻬﻦ ﻭﺍﮔﻔﺎﺕ ﻳﺴﻤﻌﻦ ﺣﺠﻴﻨﺎ ..
ﺟﻦ ﻣﺎﺷﻔﺘﻬﻦ ﻋﻔﺘﻬﻦ ﻭﻃﻠﻌﺖ ﻭﻋﻤﺘﻲ ﻭﺭﺍﻱ ﺗﺤﺠﻲ ..
ﺍﻭﮔﻔﻲ ﻭﻟﺞ ﻓﻀﺤﺘﻴﻨﺎ ..
ﺳﻜﺘﺖ ﻭﻣﺎﺭﺩﻳﺖ ﺑﺲ ﺍﻣﺸﻲ ﻭﻫﻲ ﺗﺮﻛﺾ ﻭﺭﺍﻱ ﻣﺎﺗﻠﺤﮓ ﻋﻠﻴﻪ ..
ﺍﺧﺬﻧﺎ ﺗﻜﺴﻲ ﻟﻴﻦ ﻣﺎﺍﻟﺤﮓ .. ﻭﺭﺣﻨﺎ ﻟﻠﻤﺴﺘﺸﻔﻰ ﺑﺎﻟﻤﺮﻛﺰ ﻓﺮﻕ ﺳﺎﻋﻪ ﻋﻦ ﺑﻴﺘﻨﺎ .. ﺑﺲ ﺑﺎﻟﺘﻜﺴﻲ ﺍﺳﺮﻉ ﺷﻮﻳﻪ ..
ﻃﻮﻝ ﺍﻟﻄﺮﻳﻖ ﺍﺑﺠﻲ ﺩﺧﻠﻨﺎ ﻟﻠﻤﺴﺘﺸﻔﻰ ﺍﺧﺬﻧﺎ ﺑﺎﺹ ..
ﻭﺍﺯﺩﺣﺎﻡ ﺟﺎﻥ . ﺍﻧﺘﻈﺮﻧﺎ ﻫﻮﺍﻱ ﻳﻠﻪ ﻭﺻﻠﻠﻨﺎ ﺍﻟﺴﺮﻩ ..
ﺭﺟﻠﻲ ﻳﺮﺟﻔﻦ ﻭﺍﻟﺨﻮﻑ ﻛﺎﺗﻠﻨﻲ ﻣﻦ ﻋﻘﻠﻲ ﺍﺩﻋﻲ ﺍﻧﻪ ﺣﺠﻲ ﻋﻤﺘﻲ ﺟﺬﺏ ﻭﻣﺎﺑﻴﻪ ﺷﻲ ..
ﺑﺲ ﺻﺪﻣﺘﻨﻲ ﺍﻟﺪﻛﺘﻮﺭﺓ ﻣﻦ ﻓﺤﺼﺘﻨﻲ ﻭﺷﺎﻓﺖ ﺍﻭﺭﺍﻗﻲ ﺟﺎﻳﺒﺘﻬﻦ ﻋﻤﺘﻲ ﻭﻳﺎﻫﺎ ..
- ﻣﺎﻣﺎ ﺍﻧﺘﻲ ﻣﺎﻋﻨﺪﺝ ﺭﺣﻢ .. ﺑﺲ ﻟﻴﺶ ﻭﺍﻧﺘﻲ ﺻﻐﻴﺮﺓ ﺑﻌﺪﺝ ..
ﺑﺠﻴﺖ .. ﻣﺎﺍﺩﺭﻱ ﺩﻛﺘﻮﺭﺓ ﻏﺪﺭﻭﻧﻲ ﻭﺍﺧﺬﻭﺍ ﺭﺣﻤﻲ ﻣﻨﻲ ﻛﻠﻬﻢ ﻣﺎﻳﺮﺩﻭﻥ ﺍﺧﻠﻒ ﻭﻳﺼﻴﺮ ﻋﻨﺪﻱ ﺟﻬﺎﻝ ﻳﺘﻴﻤﺔ ﻭﻣﺎﻟﻲ ﺍﺣﺪ ﺑﻬﺎﻟﺪﻧﻴﺎ ..
ﺣﻀﻨﺘﻨﻲ ﻋﻤﺘﻲ ﻭﺗﺒﺠﻲ ﻭﺍﻟﺪﻛﺘﻮﺭﺓ ﺿﺎﺟﺖ ﻋﻠﻴﻪ ..
ﻛﺘﺒﺘﻠﻲ ﻭﺭﻗﻪ ﻭﮔﺎﻟﺖ ﺭﻭﺣﻲ ﺍﺧﺬﻱ ﺳﻮﻧﺎﺭ ﺧﻠﻲ ﻧﻌﺮﻑ ﺷﻨﻮ ﺳﺒﺐ ﺍﻟﺪﻡ ﺍﻟﻲ ﻳﻮﮔﻊ ﻻﺯﻡ ﺍﻛﻮ ﺧﻠﻞ .
ﺻﻴﺮﻱ ﻗﻮﻳﻪ ﻻﺗﺒﺠﻴﻦ . ﺍﺧﺬﻧﺎ ﺍﻟﻮﺭﻗﻪ ﻭﺭﺣﻨﺎ ﻭﻻﻥ ﻛﺎﺗﺒﻪ ﻣﺴﺘﻌﺠﻞ ﺩﺧﻠﻮﻧﻲ ﺑﺴﺮﻋﻪ ..
ﻛﻠﺸﻲ ﻣﺎﺣﺠﺔ ﺍﺑﻮﺍﻟﺴﻮﻧﺎﺭ ﻭﻻﻃﻤﻨﻲ ﺍﻧﻄﺎﻧﻲ ﺍﻟﻮﺭﻗﻪ ﻭﮔﺎﻝ ﺍﻟﺪﻛﺘﻮﺭﺓ ﺗﻔﻬﻤﺞ ..
ﺭﺟﻌﻨﺎ ﻟﻠﺪﻛﺘﻮﺭﺓ ﻭﺍﻧﻲ ﺍﺣﺲ ﺭﺟﻠﻲ ﺑﺎﻟﮕﻮﺓ ﺗﻤﺸﻲ ﻓﻘﺪﺕ ﺍﻻﻣﻞ ﺑﻜﻠﺸﻲ .. ﺣﻴﺎﺗﻲ ﺻﺎﺭﺕ ﺟﻨﻬﺎ ﻏﻴﻢ ﺳﻮﺩ ﺗﻤﺸﻲ ﮔﺪﺍﻣﻲ ..
ﮔﻌﺪﺕ ﮔﺒﺎﻟﻬﺎ ﻭﻣﻨﺘﻈﺮﺓ ﺷﻲ ﻳﻔﺮﺣﻨﻲ .. ﺑﺲ ﻭﺟﻬﻬﺎ ﻣﺎ ﻳﺒﺸﺮ ﺑﺨﻴﺮ . ﺭﻓﻌﺖ ﺭﺍﺳﻬﺎ ﻭﺣﺠﺖ ..
- ﺷﻮﻓﻲ ﻣﺎﻣﺎ ﻳﻤﻜﻦ ﺍﻧﺘﻲ ﻻﻥ ﻣﺴﺘﻌﺠﻠﻴﻦ ﻭﺭﺍﺩﻭﺍ ﻳﻮﻗﻔﻮﻥ ﺍﻟﻨﺰﻳﻒ ﺣﻔﺎﻇﺎ ﻋﻦ ﺣﻴﺎﺗﺞ .. ﻣﺎﺧﺎﻟﻌﻴﻪ ﻛﻠﻪ ..
ﻓﺮﺣﺖ ﻳﻌﻨﻲ ﺷﻨﻲ ﺩﻛﺘﻮﺭﺓ ﺍﮔﺪﺭ ﺍﺣﺒﻞ ..
ﻫﺰﺕ ﺭﺍﺳﻬﺎ . ﻻ ﻃﺒﻌﺎ ﺑﺲ ﻫﺬﺍ ﺍﻟﺠﺰﺀ ﺍﻟﺒﺴﻴﻂ ﺍﻟﻲ ﺑﺎﻗﻲ ﻭﺍﻟﻲ ﻳﺤﺘﻮﻱ ﻋﻠﻰ ﺑﻄﺎﻧﺔ ﺭﺣﻤﻴﺔ ﻣﺴﺘﻤﺮ ﺑﻨﺸﺎﻃﻪ ﺍﻟﻬﺮﻣﻮﻧﻲ .. ﻭﻫﻮ ﺍﻟﻤﺴﺆﻭﻝ ﻋﻦ ﻧﺰﻭﻝ ﺍﻟﺪﻡ ﺑﺸﻜﻞ ﺩﻭﺭﻱ ﺍﻟﻰ ﺍﻻﻥ ..
ﺳﺄﻟﺖ ﻋﻤﺘﻲ .. ﻳﻌﻨﻲ ﺷﻨﻲ ﺩﻛﺘﻮﺭﺓ ﺭﺍﺡ ﺗﺴﻮﻟﻬﺎ ﻋﻤﻠﻴﻪ ﺛﺎﻧﻴﻪ .
- ﻻﺍﻛﻴﺪ ﺣﺴﺐ ﺍﻟﺴﻮﻧﺎﺭ ﺍﻟﻔﺤﻮﺻﺎﺕ ﺭﺍﺡ ﺍﻛﻮﻳﻠﻬﺎ ﺣﺮﺍﺭﻳﺎ ﻟﻠﺠﺰﺀ ﺍﻟﻤﺘﺒﻘﻲ .. ﻭﺍﻥ ﺷﺎﺀ ﺍﻟﻠﻪ ﺑﻌﺪﻫﺎ ﻣﺎﺗﺤﺘﺎﺝ ﻋﻤﻠﻴﻪ ..
ﺑﺲ ﻫﺴﺎ ﺭﺍﺡ ﻳﺨﻠﺺ ﺩﻭﺍﻣﻲ ﺍﺫﺍ ﺗﺤﺐ ﺍﺣﺪﺩﻟﻬﺎ ﻏﻴﺮ ﻳﻮﻡ ﻟﻮ ﺑﻌﻴﺎﺩﺗﻲ ﺗﺠﻲ ﺍﺣﺴﻦ ..
ﺻﻔﻨﺖ ﻣﺎﺍﻋﺮﻑ ﺷﺄﺭﺩ ﻋﻠﻴﻬﺎ ..
ﺍﻓﺘﻬﻤﺖ ﺻﻔﻨﺘﻲ ﺧﻄﺄ ﻭﺭﺩﺕ .. ﺍﺫﺍ ﻣﺎﻋﻨﺪﺝ ﻣﻮ ﻣﺸﻜﻠﻪ ﺍﺳﻮﻳﻬﺎ ﻋﻠﻰ ﺣﺴﺎﺑﻲ ..
ﺟﺎﻭﺑﺘﻬﺎ ﻋﻤﺘﻲ .. ﻻ ﺩﻛﺘﻮﺭﺓ ﺍﻟﺤﻤﺪ ﻟﻠﻪ ﻣﺴﺘﻮﺭﺓ ﺑﺲ ﺍﻧﺘﻲ ﺣﺪﺩﻳﻠﻨﺎ ﻳﻮﻡ ﻭﻧﺠﻲ ﺍﻥ ﺷﺎﺀ ﺍﻟﻠﻪ ..
ﻛﺘﺒﺖ ﻭﺭﻗﻪ ﺍﻧﻄﺘﻬﺎ ﺍﻟﻌﻤﺘﻲ ﺍﻧﻲ ﻋﻔﺖ ﺍﻟﻐﺮﻓﻪ ﻭﻃﻠﻌﺖ ..
ﻃﻮﻝ ﺍﻟﻄﺮﻳﻖ ﺳﺎﻛﺘﻪ ﺗﺄﺧﺮ ﺍﻟﻮﻛﺖ ﻭﺍﻛﻴﺪ ﻫﺴﺎ ﺟﺪﻱ ﻭﻣﻬﺪﻱ ﻫﻨﺎﻙ .. ﻫﺎﻟﻤﺮﺓ ﻣﺎﺍﺳﻜﺖ ﺍﻱ ﻣﺎﺍﺳﻜﺖ .
ﻣﻮ ﺣﻄﻢ ﺣﻴﺎﺗﻲ ﻭﻣﺮﺗﻪ ﻓﺮﺣﺎﻧﻪ ﻻﻥ ﺑﻴﻬﺎ ﻭﻟﺪ ..
ﻭﺻﻠﻨﺎ ﻟﻠﺒﻴﺖ ﻟﮕﻴﺖ ﺟﺪﻱ ﻧﺎﻃﺮﻧﺎ ﺑﺎﻟﺒﺎﺏ ﻭﺳﺒﺤﺘﻪ ﺑﻴﺪﻩ ﻭﻳﻔﺘﺮ ﺩﺍﻳﺮ ﻣﺪﺍﻳﺮ ﺭﻭﺣﺔ ..
ﺩﺧﻠﻨﺎ ﺻﺎﺡ ﻣﻬﺪﻱ ﻭﻳﻦ ﺟﻨﺘﻲ .. ﻭﺷﻠﻮﻥ ﺍﻣﻲ ﺗﮕﻠﺞ ﮔﻮﻟﻲ ﺍﻟﺮﺟﻠﺞ ﻳﻠﻪ ﺗﻄﻠﻌﻴﻦ ﻣﺎﺗﻬﺘﻤﻴﻦ ﻭﺗﮕﻠﻴﻠﻬﺎ ﻣﺎﻳﻬﻤﻨﻲ ﻭﺑﻜﻴﻔﻲ ..
ﺿﺤﻜﺖ ﻭﺩﻣﻮﻋﻲ ﻋﻠﻰ ﺧﺪﻱ .. ﺭﺍﺩﺕ ﺗﺤﺠﻲ ﻋﻤﺘﻲ ﺍﺷﺮﺗﻠﻬﺎ .. ﺍﺗﻘﺮﺑﺖ ﻣﻨﻪ ﻭﮔﻠﺒﻲ ﻧﺎﺭ ﻣﺸﺘﻌﻞ ﻛﻠﻬﺎ ﺟﺎﻧﺖ ﻭﺍﮔﻔﻪ ﻭﻣﺎﻫﻤﻨﻲ ﺍﻟﻌﻴﺐ ﻫﺎﻟﻤﺮﺓ ..
ﺭﺩﺕ ﻋﻠﻴﻪ .. ﻟﻴﺶ ﺍﻣﻚ ﻣﺎﮔﺎﻟﺘﻠﻚ ﺍﻧﻲ ﺭﺍﻳﺤﺔ ﻟﻠﺪﻛﺘﻮﺭﺓ ﺣﺘﻰ ﺍﻓﻀﺢ ﺟﺬﺑﻚ ﻭﺟﺮﻳﻤﺘﻚ ﺍﻟﻲ ﺳﻮﻳﺘﻬﺎ .. ﻭﻟﻮ ﻣﺎﻫﻲ ﻛﺸﻔﺖ ﺍﻟﺤﻘﻴﻘﻪ ﻳﻤﻜﻦ ﻟﺴﺎ ﺍﻧﻲ ﺍﻟﺜﻮﻟﺔ ﻣﺼﺪﮔﺔ ﺑﺮﻭﺣﻲ ﺣﺎﻣﻞ ﻭﺍﺣﺴﺐ ﺍﺷﻬﺮ ..
ﻫﻮ ﻣﻦ ﺳﻤﻊ ﺣﺠﻲ ﺳﻜﺖ ﻭﺗﻐﻴﺮﺕ ﻣﻼﻣﺤﻪ ﺧﺰﺭ ﺍﻣﻪ ..
ﻛﻤﻠﺖ ﺣﺠﺎﻳﺘﻲ .. ﺍﺗﺬﻛﺮ ﺟﺪﻱ ﮔﺎﻟﻚ ﺍﻟﻠﻪ ﻳﻨﮕﻄﻊ ﺧﻠﻔﺘﻚ ﻣﺜﻞ ﻣﺎﮔﻄﻌﺖ ﺧﻠﻔﺘﻬﺎ . ﻣﺎﻓﻬﻤﺖ ﺑﻮﻛﺘﻬﺎ ﺑﺲ ﻫﺴﺎ ﻭﻋﻴﺖ ﻭﺍﻓﺘﻬﻤﺖ .. ﺍﻧﻲ ﻣﺎﺭﺍﺡ ﺍﺩﻋﻲ ﻋﻠﻴﻚ ..
ﺑﺲ ﻣﺴﻠﻤﺘﻚ ﺑﻴﺪ ﺍﻟﻠﻪ ﻫﻮ ﺍﻟﻴﺎﺧﺬﻟﻲ ﺣﻘﻲ ﻣﻨﻚ ﻭﻣﻦ ﻛﻞ ﻭﺍﺣﺪ ﻇﻠﻤﻨﻲ .. ﺷﻤﺪﺭﻳﻨﻲ ﺟﺎﻳﺰ ﺍﻟﻠﻪ ﺭﺍﺩ ﻳﺮﺣﻤﻨﻲ ﻣﻨﻚ ﻫﺎﻟﻤﺎﺧﻼﻧﻲ ﺍﺧﻠﻒ ﻣﻨﻚ ..
ﻋﻔﺘﻪ ﻭﺭﺣﺖ ﻟﻠﻐﺮﻓﻪ ﻭﺍﺳﻤﻊ ﺟﺪﻱ ﻳﺘﻌﺎﺭﻙ ﻭﻱ ﻋﻤﺘﻲ ﻟﻤﻴﻌﻪ ﻭﻣﻬﺪﻱ ﺻﻮﺗﻪ ﻃﻠﻊ ﻭﻋﻤﺘﻲ ..
ﺩﺧﻠﺖ ﺩﺧﻞ ﻭﺭﺍﻱ ﺣﻜﻤﺖ ﻛﻠﺘﻠﻪ ﺍﻗﻔﻞ ﺍﻟﺒﺎﺏ ﻭﺗﻌﺎﻝ ..
ﻧﻤﺖ ﻉ ﺍﻟﺠﺮﺑﺎﻳﻪ ﺍﺟﻪ ﺻﻌﺪ ﻳﻤﻲ ﻭﻣﺴﺢ ﺩﻣﻮﻋﻲ .. ﻳﻤﺔ ﺍﻧﺘﻲ ﺗﺒﺠﻴﻦ ﻻﻥ ﻣﺎﻳﺠﻲ ﺑﻌﺪ ﺍﺧﻮ ﺍﻟﻲ .
ﺑﻘﻴﺖ ﺳﺎﻛﺘﻪ ﻣﺎﺍﻋﺮﻑ ﺷﺄﺭﺩ ﻋﻠﻴﻪ ..
ﻛﻤﻞ ﻛﻼﻣﺔ .. ﺍﻧﻲ ﺑﺲ ﺍﻛﺒﺮ ﺍﺟﻴﺒﻠﺞ ﺟﻬﺎﻝ ﻫﻮﺍﻱ ﺑﺲ ﻻﺗﺒﺠﻴﻦ .. ﻣﻮ ﺍﻧﺘﻲ ﺗﮕﻠﻴﻠﻲ ﺍﻧﺖ ﻛﻠﺸﻲ ﺑﺪﻧﻴﺘﻲ ﻳﻌﻨﻲ ﺑﻌﺪ ﺑﻄﻠﺘﻲ ﻣﺎﺗﺮﺩﻳﻨﻲ ..
ﺣﻀﻨﺘﻪ ﻭﺑﻮﺳﺘﻪ ﺍﻧﺖ ﻛﻠﺸﻲ ﺑﺪﻧﻴﺘﻲ ﻣﻨﺎ ﻭﺟﺎﻱ ﻣﺎﺍﻓﻜﺮ ﺑﺲ ﺑﻴﻚ ﻭﺑﻴﻪ ﻻﺯﻡ ﺍﺧﻠﻴﻚ ﺗﻮﺻﻞ ﻭﺗﻜﺒﺮ ﻭﺗﺘﻮﻇﻒ ﺣﺘﻰ ﺍﻓﺘﺨﺮ ﺑﻴﻚ ﮔﺪﺍﻡ ﺍﻟﻜﻞ ..
ﻣﻦ ﻳﻮﻣﻬﺎ ﻭﺍﻧﻲ ﺻﺮﺕ ﻋﺎﻳﺸﺔ ﻭﻳﺎﻫﻢ ﻭﻣﻮ ﻋﺎﻳﺸﺔ ﺍﻛﻤﻞ ﺷﻐﻠﻲ ﻭﺍﺭﺟﻊ ﺍﻟﻐﺮﻓﺘﻲ ﺍﺣﻂ ﺣﻜﻤﺖ ﻭﻧﺮﺍﺟﻊ ﺩﺭﻭﺱ ﻭﺍﻟﺤﺮﻭﻑ ﺑﺎﻟﻌﻄﻠﻪ ﺣﺘﻰ ﻣﺎﻳﻨﺴﺎﻫﻦ ..
ﻋﻤﺘﻲ ﺷﮕﺪ ﺗﺠﻲ ﺑﺎﻟﻐﺮﻓﻪ ﺗﺴﻮﻟﻒ ﻭﻳﺎﻱ ﺗﺴﻮﻟﻒ ﻭﺗﺎﻟﻲ ﺗﺄﻳﺲ ﻭﺗﺮﻭﺡ ..
ﺑﺲ ﻣﺮﺓ ﻭﺣﺪﺓ ﺭﺩﻳﺖ ﻋﻠﻴﻬﺎ ﻣﻦ ﺭﺣﻨﺎ ﻟﻠﺪﻛﺘﻮﺭﺓ ﻛﻮﺗﻠﻲ ﻭﺍﺟﻴﺖ ﺑﻴﻮﻣﻬﺎ ﻣﻴﺘﻪ ﻣﻦ ﺍﻟﻮﺟﻊ ﻛﻢ ﻳﻮﻡ ﻳﻠﻪ ﮔﻤﺖ .
ﺟﺪﻱ ﻳﺠﻲ ﻳﻤﻲ ﺑﺲ ﺑﺎﻟﻠﻴﻞ ﻳﻤﻜﻦ ﺣﺎﺱ ﺑﺬﻧﺒﻪ ﻳﻮﻡ ﺯﻭﺟﻨﻲ ﺍﻟﻤﻬﺪﻱ ..
ﻳﮕﻌﺪ ﻓﻮﮒ ﺭﺍﺳﻲ ﻳﻘﺮﺃ ﺁﻳﺎﺕ ﻭﻗﺮﺁﻥ ﻭﻳﺮﻭﺡ ﺍﺣﺲ ﺑﻮﺟﻮﺩﻩ ﺑﻮﺩﻱ ﺍﺣﻀﻨﻪ ﺑﺲ ﻣﺎﺍﮔﺪﺭ ﺍﺣﺲ ﻛﻠﻬﻢ ﺟﺬﺍﺑﻴﻦ
ﺣﺘﻰ ﻋﻴﺪ ﺍﻻﺿﺤﻰ ﻣﻦ ﻣﺮ ﺑﺲ ﺳﻠﻤﺖ ﻋﻠﻰ ﺟﺪﻱ ﻭﻋﻤﺘﻲ ﻭﻋﻤﺎﻣﻲ ﻭﺩﺧﻠﺖ ﻏﺮﻓﺘﻲ ﻣﺎﻋﻴﺪﺕ ﺍﺑﺪ ..
ﺑﻴﻮﻡ ﺑﺎﻟﻠﻴﻞ ﺳﻤﻌﻨﺎ ﺻﻴﺎﺡ ﺑﺘﻮﻝ ﻣﺮ ﺷﻬﺮﻫﺎ ﻭﺭﺍﺡ ﻭﻫﻲ ﻣﺎﺟﺎﺑﺖ .. ﺻﺎﻳﺮ ﻋﻨﺪﻫﺎ ﻋﺴﺮ ﺑﺎﻟﻮﻻﺩﺓ ..
ﻫﺎﻟﻤﺮﺓ ﻣﻬﺪﻱ ﺟﺎﺑﻠﻬﺎ ﺍﻟﺠﺪﺓ ﺑﺎﻟﺒﻴﺖ ﻻﻥ ﻣﺎﺗﮕﺪﺭ ﺗﻤﺸﻲ ..
ﻓﺘﺮﺓ ﺟﺒﻴﺮﺓ ﻳﻠﻪ ﺟﻴﺒﺘﻬﺎ .. ﻭﻛﻠﻨﺎ ﺧﺎﻳﻔﻴﻦ .. ﺻﺪﮒ ﺑﺴﺎﻋﺘﻬﺎ ﺩﻋﻴﺘﻠﻬﺎ ﺑﺎﻟﺘﺴﻬﻴﻞ .. ﻣﺎﺭﺩﺕ ﻳﻄﻠﻊ ﺑﻴﻬﺎ ﺣﺰﻧﻲ ﻭﺗﻔﻮﻳﺾ ﺍﻣﺮﻱ .. ﺧﻄﻴﻪ ﺗﻤﻮﺕ ﻭﺗﻌﻮﻑ ﺟﻬﺎﻟﻬﺎ ..
ﺍﺷﻮﻑ ﺍﻟﺨﻮﻑ ﺑﻌﻴﻮﻥ ﻣﻬﺪﻱ ﻋﻠﻴﻬﺎ .. ﻫﻢ ﻫﻴﺞ ﺿﺠﺖ ﻭﺧﻔﺖ ﻳﻮﻡ ﻭﮔﻌﺖ ﻃﻔﻠﻲ ﻭﺷﺎﻟﻮﺍ ﺭﺣﻤﻲ ﻣﻦ ﻭﺭﺍﻙ ..
ﻫﻮ ﺍﺑﺪ ﻣﺎﻳﺨﻠﻲ ﻋﻴﻨﻪ ﺑﻌﻴﻨﻲ ..
ﺟﺎﺑﺖ ﻭﺑﺪﺕ ﻫﻼﻫﻞ ﻋﻤﺘﻲ .. ﺟﺪﻱ ﺭﺍﺡ ﺻﻠﻰ ﻭﮔﺎﻝ ﺍﻟﻤﻬﺪﻱ ﻳﺠﻴﺒﻠﻪ ﺧﺮﻭﻑ ﻳﺬﺑﺤﻪ ﺍﻟﺴﻼﻣﺘﻬﻢ ..
ﻃﻠﻌﺖ ﻋﻤﺘﻲ ﻟﻤﻴﻌﻪ ﺷﺎﻳﻠﺘﻪ ﻭﺗﺴﻤﻲ ﻭﺗﻘﺮﺃ ﺍﻳﺎﺕ .. ﺍﻧﻄﺘﻪ ﺍﻟﺠﺪﻱ ﺍﺫﻥ ﺑﺄﺫﻧﻪ ﻭﺳﻤﺎﻩ ﻣﺤﻤﺪ .. ﻣﺪﺭﻱ ﻟﻴﺶ ﻓﺮﺣﺖ ﻣﻦ ﺳﻤﻌﺖ ﺍﺳﻢ ﺍﺑﻮﻱ .. ﻭﺣﺒﻴﺖ ﺍﻟﻄﻔﻞ ﻣﻦ ﻏﻴﺮ ﻣﺎﺍﺷﻮﻓﻪ ..
ﻣﺮﺕ ﺍﻻﻳﺎﻡ ﻭﺑﺘﻮﻝ ﺗﺘﺒﺎﻫﻰ ﺑﻮﻟﺪﻫﺎ ﮔﺪﺍﻣﻲ ﻭﺍﻧﻲ ﺳﺎﻛﺘﻪ ﺭﻏﻢ ﻋﻤﺘﻲ ﻣﺎﺗﺴﻜﺖ ﺍﻟﻬﺎ ﻭﺗﺮﺩﻫﺎ .. ﺑﺲ ﻣﺎﺍﻫﺘﻢ ..
ﺻﺪﺍﻡ ﻳﻐﺎﺭ ﻣﻦ ﻣﺤﻤﺪ ﻭﻛﻞ ﺷﻮﻳﻪ ﻳﺮﻭﺡ ﻳﻀﺮﺑﻪ ﻭﺑﺘﻮﻝ ﺗﻀﺮﺏ ﺻﺪﺍﻡ ﻭﻋﻤﺘﻲ ﻟﻤﻴﻌﺔ ﺗﺘﻌﺎﺭﻙ ﻭﻳﺎﻫﺎ ..
ﻭﺍﺣﻨﺔ ﻛﻞ ﻳﻮﻡ ﻧﻔﺲ ﺍﻟﻌﺮﻙ ﻭﺍﻟﻤﺸﺎﻛﻞ .. ﺟﺎﻧﻦ ﺣﺒﺎﻳﺐ ﻫﺴﺎ ﺑﺲ ﻳﺘﻌﺎﺭﻛﻦ ﻣﻦ ﻭﺭﻯ ﺍﻟﺠﻬﺎﻝ ..
ﺟﺎﻥ ﻛﻞ ﺍﻟﻲ ﻳﺸﻮﻑ ﻣﺤﻤﺪ ﻳﻜﻠﻬﺎ ﺍﺑﻨﺞ ﻣﻮ ﻃﺒﻴﻌﻲ ﺷﻜﻠﻪ ﺍﺧﺬﻱ ﻟﻠﻄﺒﻴﺐ .. ﻭﻫﻲ ﺗﻀﻮﺝ ﻭﺗﻨﻘﻬﺮ ..
ﺭﻏﻢ ﺍﻧﻲ ﻣﺎﺷﺎﻳﻔﺘﻪ ﻣﺎﺗﻄﻠﻌﻪ ﻣﻦ ﺍﻟﻐﺮﻓﻪ ﺍﺑﺪ ﺗﺨﺎﻑ ﻋﻠﻴﻪ ﻣﻨﻲ ..
ﻣﺮ ﺷﻬﺮﻳﻦ ﻭﺭﺍﺣﺖ ﺍﻻﻫﻠﻬﺎ ﻣﻦ ﺭﺟﻌﺖ ﺗﺒﺠﻲ ﻭﻋﻤﺘﻲ ﻟﻤﻴﻌﺔ ﺗﻮﺍﺳﻲ ﺑﻴﻬﺎ ﺍﻟﻲ ﻋﺮﻓﺘﻪ ﺍﺑﻨﻬﺎ ﻣﺤﻤﺪ ﻣﺮﻳﺾ ﻭﻣﻬﺪﻱ ﺿﺎﻳﺞ ﻋﻠﻴﻪ ﻭﺟﺪﻱ ﻳﺤﺠﻲ ﻋﻠﻴﻬﻢ ﻭﻳﮕﻠﻬﻢ ﻫﺬﺍ ﻗﺪﺭ ﺍﻟﻠﻪ ﻭﺣﻜﻤﻪ ﻻ ﺍﻋﺘﺮﺍﺽ ﻋﻠﻴﻪ . .
ﺑﺲ ﺑﺘﻮﻝ ﺍﺗﻬﺴﺘﺮﺕ ﻭﻃﻠﻌﺖ ﺗﺤﺠﻲ ﻋﻠﻰ ﺟﺪﻱ ..
- ﻟﻴﺶ ﻣﻮ ﻛﻠﻪ ﻣﻦ ﻭﺭﺍﻙ ﻭﻣﻦ ﺩﻋﻮﺗﻚ ﻋﻠﻴﻪ ﻣﻮ ﮔﻠﺖ ﺍﻟﻠﻪ ﻳﮕﻄﻊ ﺧﻠﻔﺘﻚ ﻫﺎﻱ ﺍﻟﻠﻪ ﻣﺮﺽ ﺍﺑﻨﻪ ﺑﺴﺒﺒﻚ ﺍﻛﺒﺮ ﻇﺎﻟﻢ ﺍﻧﺖ ﺍﻫﻢ ﺷﻲ ﻋﻨﺪﻙ ﺭﺿﻮﻩ ﺍﻟﻌﺎﻳﺒﻪ ﻭﺍﺑﻨﻬﺎ ﺍﻟﻨﻐﻞ ﺟﺪﻱ ﺳﺎﻛﺖ ﻭﻣﻬﺪﻱ ﻣﺎﺍﺗﺤﻤﻞ ﻭﺿﺮﺑﻬﺎ ﻭﺩﺧﻠﻬﺎ ﻟﻠﻐﺮﻓﻪ ﻭﻫﻲ ﺯﺍﺩﺕ ﺑﺎﻟﺒﺠﻲ ﻭﺗﺼﻴﺢ ﻣﺎﺍﺭﻳﺪﻩ ﻣﺎﺍﺭﻳﺪﻩ ﺍﺧﺬﻩ ﻣﻦ ﻳﻤﻲ ..
ﻛﺴﺮﺕ ﺧﺎﻃﺮﻱ ﺭﻏﻢ ﺍﺫﺗﻨﻲ ﺑﺎﻟﺤﺠﻲ ﺻﻠﻴﺖ ﺍﻟﻤﻐﺮﺏ ﻭﺩﻋﻴﺖ ﻟﻠﻄﻔﻞ ﻳﺸﺎﻓﻴﻪ ﺧﻄﻴﻪ ﻣﺎﻟﻪ ﺫﻧﺐ ﻭﺍﻧﻲ ﻣﺎﺍﻋﺮﻑ ﺷﻨﻲ ﻣﺮﺿﻪ ..
ﺻﺎﺭ ﻓﺘﺮﺓ ﻣﺎﺍﺣﺠﻲ ﻭﻱ ﻋﻤﺘﻲ ﺳﺄﻟﺘﻬﺎ ﻣﻀﻄﺮﺓ .. ﻋﻤﺔ ﺷﺒﻲ ﻣﺤﻤﺪ ﺷﻨﻮ ﻣﺮﺿﻪ ..
ﺭﺩﺕ ﻭﻫﻲ ﺗﮕﻠﻲ ﻛﺒﺎﺏ ﻋﺮﻭﮒ ﻋﻠﻰ ﺍﻟﺠﻮﻟﻪ ﻣﺨﻠﻴﻪ ﺍﻟﻄﺎﻭﺓ ﻭﮔﺎﻋﺪﺓ ﺑﺎﻟﮕﺎﻉ ..
- ﻭﺍﻟﻠﻪ ﻋﻤﺔ ﺭﺍﻳﺤﻴﻦ ﺍﻟﺒﻐﺪﺍﺩ ﺑﻲ ﻭﮔﺎﻳﻠﻠﻬﻢ ﻣﺘﻼﺯﻣﺔ ﺩﻭﻥ ﻣﺪﺭﻱ ﺷﻨﻲ ﺑﺲ ﺍﺣﻨﻪ ﻧﺴﻤﻬﺎ ﻣﻨﻐﻮﻟﻲ ..
- ﻭﺷﻨﻲ ﻣﻨﻐﻮﻟﻲ ..
- ﺍﻭﻭﻭﻭﻭﻑ ﻳﻌﻨﻲ ﺷﻠﻮﻥ ﺍﻟﺨﺒﻞ ﺍﺳﻢ ﺍﻟﻠﻪ ..
ﻣﻦ ﺳﻤﻌﺖ ﻫﺎﻟﻜﻠﻤﺔ ﺑﺠﻴﺖ ﻭﻫﻤﺔ ﺷﻤﺪﺭﻳﻬﻢ ﺑﻌﺪﻩ ﺻﻐﻴﺮ ..
- ﻣﺒﻴﻦ ﻋﻤﺔ ﻣﻦ ﺷﻜﻠﻪ ﺍﻧﺘﻲ ﻣﺎﺗﻌﺮﻓﻴﻪ ﺍﻧﻲ ﺷﺎﻳﻔﻪ ﺍﺑﻦ ﺧﺎﻝ ﻓﺎﺭﺱ ﻫﻢ ﻣﻨﻐﻮﻟﻲ ﻳﺼﻴﺮ ﺷﻜﻠﻬﻢ ﻣﺘﺸﺎﺑﻪ ..
ﻣﺤﺪ ﻣﺘﻮﻗﻊ ﻫﺎﻟﻤﺮﺽ ﻳﺼﻴﺮ ﺑﺄﺑﻨﻬﻢ . ﺍﻟﺪﻛﺘﻮﺭ ﺷﺮﺣﻠﻬﻢ ﺍﻟﺤﺎﻟﻪ ﻭﻗﺒﻠﻬﺎ ﺳﺄﻟﻬﻢ ﺍﺫﺍ ﻋﻨﺪﻫﻢ ﻭﺭﺍﺛﺔ ..
ﻭﺟﺎﻭﺑﺖ ﺑﺘﻮﻝ .. ﺍﻱ ﺍﺧﻮﻱ ﺑﺲ ﻣﺎﺕ ﻣﻦ ﻫﻮ ﺻﻐﻴﺮ ..
ﻫﺰ ﺭﺍﺳﻪ ﺍﻟﺪﻛﺘﻮﺭ ﻭﺷﺮﺣﻠﻬﻢ ﻧﻮﻉ ﻫﺎﻟﻤﺮﺽ ..
ﻣﺘﻼﺯﻣﺔ ﺩﺍﻭﻥ ﺍﺣﻨﺔ ﻧﺴﻤﻴﻬﺎ ﺑﺎﻟﻄﺐ ﺍﻭ ﺍﻟﻤﻨﻐﻮﻟﻴﺔ ﻣﺜﻞ ﻣﻴﺴﻤﻮﻫﺎ ﺍﻟﻌﺎﻣﺔ .. ﻫﻲ ﻣﺠﻤﻮﻋﺔ ﻣﻦ ﺍﻟﺼﻔﺎﺕ ﺍﻟﺠﺴﺪﻳﺔ ﻭﺍﻟﻨﻔﺴﻴﺔ ﺍﻟﻨﺎﺗﺠﺔ ﻋﻦ ﻣﺸﻜﻠﺔ ﻓﻲ ﺍﻟﺠﻴﻨﺎﺕ ﺗﺤﺪﺙ ﻓﻲ ﻣﺮﺣﻠﺔ ﻣﺒﻜﺮﺓ ﻣﺎ ﻗﺒﻞ ﺍﻟﻮﻻﺩﺓ .. ﺗﺤﺪﺙ ﺍﻛﺜﺮ ﺷﻲ ﺍﺫﺍ ﻛﺎﻥ ﺍﻟﺰﻭﺟﻴﻦ ﺍﻗﺎﺭﺏ ﻭﻋﻨﺪﻫﻢ ﻭﺭﺍﺛﻪ ﻭﻳﻜﻮﻧﻮﻥ ﺍﺻﺤﺎﺏ ﻫﺬﺍ ﺍﻟﻤﺮﺽ ﻣﻼﻣﺤﻬﻢ ﻣﻤﻴﺰﺓ ﺑﺎﻟﻮﺟﻪ .. ﺷﻜﻠﻬﻢ ﺍﻟﺠﺎﻧﺒﻲ ﻣﺴﻄﺢ ﻭﺍﻟﺮﻗﺒﺔ ﻗﺼﻴﺮﺓ .
ﻭﺍﻏﻠﺒﻴﺘﻬﻢ ﻳﻌﺎﻧﻮﻥ ﻣﻦ ﺍﻟﺘﺨﻠﻒ ﺍﻟﻌﻘﻠﻲ ﺑﺪﺭﺟﺔ ﻣﻌﻴﻨﺔ .. ﻳﻌﻨﻲ ﺣﺎﻻﺕ ﻫﺎﻟﻤﺮﺽ ﺗﺨﺘﻠﻒ ﻣﻦ ﻣﺮﻳﺾ ﺍﻻﺧﺮ ﺑﻌﻀﻬﻢ ﻣﺘﻮﺳﻄﺔ ﻭﺍﻻﺧﺮ ﺧﻔﻴﻔﻪ .. ﻳﻌﻨﻲ ﻣﺎﻧﻌﺮﻑ ﻫﺎﻟﺸﻲ ﺍﻻ ﻟﻤﻦ ﻳﻨﻤﻮ ﻭﻳﻜﺒﺮ .. ﺍﻧﺘﻮ ﻣﻦ ﻫﻮ ﺻﻐﻴﺮ ﺣﺎﻭﻟﻮﺍ ﺗﻨﻤﻮﻥ ﻋﻘﻠﻪ ﺑﺎﻟﺸﻜﻞ ﺍﻟﺴﻠﻴﻢ .. ﻭﻻﺯﻡ ﺗﻐﺬﻳﺘﻪ ﺻﺤﻴﻪ .. ﺣﺘﻰ ﻣﺎﻧﮕﻠﻜﻢ ﻧﻘﻀﻲ ﻋﻠﻴﻪ ﻭﺍﻧﻤﺎ ﻧﺨﻔﻒ ﻣﻦ ﺗﻄﻮﺭﻩ ﻟﻼﺳﻮﺀ ..
ﻫﺎﻟﻜﻼﻡ ﺟﺎﻥ ﻣﺜﻞ ﺍﻟﺼﺎﻋﻘﻪ ﺍﻟﺒﺘﻮﻝ ﺍﻟﻲ ﺧﻠﺼﺖ ﺍﻟﻄﺮﻳﻖ ﻛﻠﻪ ﺗﺒﺠﻲ .. ﻭﻣﻬﺪﻱ ﺍﻟﻲ ﺑﻌﺪ ﻣﺎﺯﺍﺭ ﺍﻻﻣﺎﻡ ﺍﻟﻜﺎﻇﻢ ﻭﻃﻠﺐ ﺍﻟﺮﺣﻤﺔ .. ﺑﺪﺃ ﻳﺄﻧﺒﻪ ﺿﻤﻴﺮﻩ ﻭﻣﺘﻮﻗﻊ ﺍﻧﻪ ﻫﺬﺍ ﻋﻘﺎﺏ ﺭﺏ ﺍﻟﻌﺎﻟﻤﻴﻦ ﻋﻠﻰ ﺍﻟﻲ ﺳﻮﺍﻩ ﺑﺮﺿﺎﺀ ..
ﺩﺧﻠﺖ ﺳﺪﺍﺩ ﻟﻠﻤﻄﺒﺦ ﺷﺎﻳﻠﺘﻪ .. ﻋﻤﺔ ﺷﺴﻮﻳﻠﻪ ﺑﺲ ﻳﺒﺠﻲ ﻭﺑﺘﻮﻝ ﺣﺎﻟﻔﻪ ﻣﺎﺗﺮﺿﻌﻪ ﻣﺎﺗﺮﻳﺪﻩ ..
ﺭﺩﺕ ﻋﻤﺘﻲ ﻭﻫﻲ ﺗﺴﺘﻐﻔﺮ .. ﻫﺎﻱ ﮔﺎﻣﺖ ﺗﺘﺒﻄﺮ ﺍﺟﺘﻬﺎ ﺑﻨﻴﻪ ﺑﺠﺖ ﻭﺍﻻﺟﺎﻫﺎ ﻭﻟﺪ ﺗﺒﻄﺮﺕ ﻛﻞ ﺍﻟﻲ ﺻﺎﺭﻟﻬﺎ ﻣﻦ ﺳﻮﺍﻟﻔﻬﺎ
ﻭﺗﺎﻟﻲ ﻣﺎﻃﺎﺡ ﺑﻴﻬﺎ ﺍﻻ ﻫﺎﻟﻤﺴﻜﻴﻦ ..
ﺗﺮﺩﺩﺕ ﺍﺧﺬﻩ ﻣﻨﻬﺎ .. ﺑﺲ ﻣﻦ ﺷﻔﺘﻪ ﻓﺮﻓﺢ ﮔﻠﺘﻠﻬﺎ ﺍﻧﻄﻨﻴﺎﻩ ﻭﻫﻲ ﻣﺎﺻﺪﮔﺖ ﺷﻤﺮﺗﻪ ﻋﻠﻴﻪ ..
ﻟﺰﻣﺘﻪ ﻭﺑﻘﻴﺖ ﺍﻫﺰ ﺑﻲ .. ﻭﻫﺎﻱ ﺍﻭﻝ ﻣﺮﺓ ﺍﺷﻴﻠﻪ ﻭﺍﺷﻮﻓﻪ ﻓﻌﻼ ﺷﻜﻠﻪ ﻏﺮﻳﺐ ﺑﺲ ﺟﺎﻥ ﺍﺷﮕﺮ ﻭﺣﻠﻮ ﺑﻌﻜﺲ ﺭﺯﺍﻕ ﻭﺑﺸﺎﺭ ..
ﺍﺧﺬﺗﻪ ﻭﺭﺣﺖ ﻟﻠﻐﺮﻓﻪ ﺟﺎﻥ ﻋﻤﺮﺓ ﺷﻬﺮﻳﻦ ﺗﻘﺮﻳﺒﺎ ﺑﺲ ﻳﻨﺘﺒﻪ .. ﻃﻠﻌﺘﻠﻪ ﺧﺮﺧﺎﺷﻪ ﻣﺎﻝ ﺣﻜﻤﺖ ﻣﻦ ﺟﺎﻥ ﺻﻐﻴﺮ ﻟﻌﺒﺘﻪ ﺑﻴﻬﺎ ﺿﺤﻚ .. ﺩﻭﺭ ﺍﺟﻪ ﺣﻜﻤﺖ ﺷﺎﻓﻪ ﺗﺴﻮﺩﻥ ..
ﻳﻤﻪ ﺍﻟﻌﺐ ﻭﻳﺎﻩ ﻋﺎﺩﻱ ..
ﻫﺰﻳﺖ ﺭﺍﺳﻲ ﺍﻱ ﻳﻤﺔ ﻻﻋﺒﻪ ﺑﻴﻦ ﻣﺎﺍﻃﻠﻌﻠﻪ ﻣﻼﺑﺲ ﺧﻄﻴﻪ
ﻃﻠﻌﺘﻠﻪ ﻣﻦ ﻣﻼﺑﺲ ﺍﺑﻨﻲ ﺍﻟﺮﺍﺡ ﻭﻣﺎﺷﻔﺘﻪ .. ﻣﺨﻴﻄﺘﻬﻦ ﺑﻴﺪﻱ .. ﻧﺰﻋﺘﻪ ﻭﻏﺴﻠﺘﻠﻪ ﻭﺑﺪﻟﺘﻠﻪ . ﺍﺭﺗﺎﺡ ﺧﻄﻴﻪ ﻻﻥ ﺟﺎﻥ ﻣﺘﻀﺎﻳﻖ ﻣﻦ ﺭﻭﺣﺔ ..
ﺑﻘﻴﺖ ﺍﻫﺰﺓ ﻋﻠﻰ ﺭﺟﻠﻲ ﻭﺣﻜﻤﺖ ﻳﻼﻋﺒﻪ ﺑﺎﻟﺨﺮﺧﺎﺷﻪ ﺍﻟﻰ ﺍﻥ ﻏﻔﻰ ..
ﺻﺎﺣﺖ ﻋﻤﺘﻲ ﻳﻠﻪ ﻳﻤﺔ ﻭﻳﻨﻜﻢ ﺍﻟﻌﺸﺎ ﻣﺼﺒﺮ ..
ﻋﺎﻳﻨﺖ ﻋﻠﻰ ﺍﻟﻮﻛﺖ ﺻﺎﺭ ﺍﻟﻠﻴﻞ ﻭﺍﻧﻲ ﻧﺴﻴﺖ ﺍﺻﻠﻲ ﺍﻟﺘﻬﻴﺖ ﺑﺎﻟﻄﻔﻞ ..
ﺗﻮﺿﻴﺖ ﻭﺻﻠﻴﺖ ..
ﻭﺍﻧﻲ ﺍﺻﻠﻲ ﺩﺧﻞ ﻣﻬﺪﻱ ﺍﺳﺘﻐﺮﺑﺖ .
ﺟﺎﻭﺑﻨﻲ ﻭﺍﻧﻲ ﻣﻠﺘﻬﻴﺔ ﺑﺼﻼﺗﻲ .. ﺳﺄﻟﺖ ﻋﻠﻴﻪ ﮔﺎﻟﻮﺍ ﺑﻐﺮﻓﺘﻜﻢ ﻧﺎﻳﻢ .. ﺭﺍﺡ ﺍﺧﺬﻩ ﻟﻠﻐﺮﻓﻪ ﺍﻣﻪ ﺗﺮﻳﺪﻩ ..
ﺍﺧﺬﻩ ﺑﺪﻭﻥ ﻣﺎﺍﺑﻴﻦ ﺍﻟﻪ ﺍﻱ ﺷﻲ .. ﻛﻤﻠﺖ ﺻﻼﺗﻲ ﮔﻌﺪﻧﺎ ﻧﺘﻌﺸﺎ ﻭﺟﺪﻱ ﻳﺤﺠﻲ ﻋﻠﻰ ﻣﻬﺪﻱ ﺑﺤﺠﺔ ﻳﺴﻤﻊ ﺑﺘﻮﻝ ﺍﻟﻲ ﺳﻜﻨﺖ ﻏﺮﻓﺘﻬﺎ ﻣﺎﺗﻄﻠﻊ ﻣﻨﻬﺎ ..
- ﺣﺮﺍﻡ ﻋﻠﻴﻚ ﻫﺬﺍ ﺣﻜﻢ ﺍﻟﻠﻪ ﺗﻌﺘﺮﺿﻮﻥ ﻋﻠﻴﻪ ﻟﻴﺶ .. ﺭﺍﺡ ﺗﻌﻘﺪ ﺍﻟﻄﻔﻞ ﻭﺍﻟﺪﺧﺘﻮﺭ ﻣﻮﺻﻲ ﻣﺎﺗﺨﻠﻮﻩ ﻳﺒﺠﻲ ﻫﻮﺍﻱ ﻭﺗﻀﻮﺟﻮﻩ .. ﻭﺍﻟﻠﻪ ﺍﺫﺍ ﺑﻘﺖ ﺗﻌﺎﻣﻠﻪ ﻫﻴﺞ ﺍﻧﻄﻴﻪ ﺍﻟﺮﺿﻮﺓ ﺗﺮﺑﻴﻪ ..
ﻣﻦ ﮔﺎﻝ ﻫﻴﺞ ﻓﺰﻳﺖ ﻣﻦ ﺻﻔﻨﺘﻲ ﻳﻤﻜﻦ ﻓﺮﺣﺖ ﺑﺪﺍﺧﻠﻲ ﺑﺲ ﺿﺠﺖ ﻣﻬﻤﺎ ﻳﻜﻮﻥ ﻫﻲ ﺍﻣﻪ ﻭﺣﺮﺍﻡ ﺍﺧﺬﻩ ﻣﻨﻬﺎ ﺟﺪﻱ ﻳﺴﻮﻱ ﻫﻴﺞ ﺣﺘﻰ ﻳﺠﺒﺮ ﺧﺎﻃﺮﻱ ﺑﺲ ﻣﺎﻳﺪﺭﻱ ﺍﻟﻀﻨﺎ ﻳﺨﺘﻠﻒ ﻭﺷﻤﺎ ﺗﺮﺑﻲ ﻭﺗﺘﻌﺐ ﺭﺍﺡ ﻳﺒﻘﻰ ﻣﺮﺟﻌﻪ ﺍﻻﻫﻠﻪ ..
ﻛﻞ ﻳﻮﻡ ﺑﺎﻟﻠﻴﻞ ﻧﺴﻤﻊ ﺻﻮﺕ ﺑﺘﻮﻝ ﻭﻫﻲ ﺗﻜﻠﻪ ﺍﺧﺬﻩ ﺍﻻﻣﻚ ﻣﺎﺍﺭﻳﺪﻩ .. ﺑﺲ ﻣﻬﺪﻱ ﻳﺎﺧﺬﻩ ﺍﻟﻌﻤﺘﻲ .. ﻭﻋﻤﺘﻲ ﺗﺘﻌﻤﺪ ﺗﺠﻴﺒﻪ ﺍﻟﻲ .. ﺍﻟﻰ ﺍﻥ ﺗﻌﻮﺩﺕ ﻋﻠﻴﻪ ﻭﺻﺮﺕ ﺍﻧﺘﻈﺮ ﻛﻞ ﻟﻴﻠﻪ ﺗﺠﻴﺒﻪ ﻋﻤﺘﻲ ﺍﻟﻲ .. ﻭﺑﺲ ﻳﺠﻴﻨﻲ ﻭﺍﺑﺪﻟﻪ ﻭﺍﺧﻠﻴﻪ ﺑﺤﻀﻨﻲ ﻳﻐﻔﻰ ﻭﻳﻨﺎﻡ ..
ﺍﻟﻰ ﺍﻥ ﺩﺭﺕ ﺑﺘﻮﻝ ﻭﺗﻌﺎﺭﻛﺖ ﻭﻳﺎﻱ ﻭﺗﻜﻠﻲ .. ﺍﻛﻴﺪ ﺗﺘﺸﻤﺘﻴﻦ ﺑﻴﻪ ﻭﻫﺴﺎ ﺗﺮﺩﻳﻦ ﺗﺎﺧﺬﻳﻪ ﻣﻨﻲ ..
ﻋﻤﺘﻲ ﺭﺯﻟﺘﻬﺎ ﻭﻫﻲ ﻣﺎﺗﺴﻜﺖ .. ﺣﺠﻴﺖ ﻭﻱ ﻋﻤﺘﻲ ﻭﮔﻠﺘﻠﻬﺎ ﺑﻌﺪ ﻻﺗﺠﻴﺒﻴﻪ ﺍﻟﻲ . ﻛﺎﻓﻲ ﺗﻌﺬﺑﻴﻨﻲ ﺗﻌﻮﺩﺕ ﻋﻠﻴﻪ ﻭﻣﺎﺍﺗﺤﻤﻞ ﺍﺫﺍ ﺣﺮﻣﺘﻨﻲ ﻣﻨﻪ ..
ﺻﺎﺭﺕ ﺑﺘﻮﻝ ﻋﺒﺎﺭﺓ ﻋﻦ ﺑﺮﻛﺎﻥ ﻛﻞ ﺍﻟﻲ ﻳﺼﻴﺮ ﮔﺪﺍﻣﻬﺎ ﺗﻨﻔﺠﺮ ﻋﻠﻴﻪ .. ﻣﻬﺪﻱ ﺗﻌﺐ ﻣﻨﻬﺎ ﻭﺗﻌﺎﺭﻙ ﻭﻳﺎﻫﺎ ﻭﮔﺎﻟﻬﺎ ﺍﻧﻲ ﺷﻨﻮ ﺫﻧﺒﻲ ﺍﺫﺍ ﺍﻟﻮﺭﺍﺛﺔ ﻣﻦ ﺍﻫﻠﺞ ﻣﻮ ﻣﻨﺎ ﺷﻌﻠﻴﻪ ﺍﻧﻲ .. ﻫﺬﺍ ﺛﺎﻧﻲ ﻃﻔﻞ ﺗﺠﻴﺒﻴﻪ ﻣﻮ ﺻﺎﺣﻲ ﺑﻌﺪ ﻣﺎﺍﺭﻳﺪ ﺧﻠﻔﻪ ﺗﻌﺒﺖ ﺗﻌﺒﺖ . ﺻﺎﺡ ﺑﻴﻬﺎ ﻭﻃﻠﻊ ..
ﻋﻤﺘﻲ ﺳﻤﻌﺘﻬﻢ ﻭﺳﺄﻟﺘﻬﺎ .. ﺍﻧﺘﻲ ﺑﻨﺘﺞ ﺍﻟﺠﺒﺘﻴﻬﺎ ﻭﻣﺎﺗﺖ ﻫﻢ ﻫﻴﺞ ﺑﻴﻬﺎ ﻣﺮﺽ ..
ﻣﺴﺤﺖ ﺩﻣﻮﻋﻬﺎ .. ﻻ ﻃﺒﻌﺎ ﺫﻳﺞ ﺗﺨﺘﻠﻒ ﻧﻮﻟﺪﺕ ﻣﺮﻳﻀﻪ ﻣﺎﻣﻜﺘﻤﻠﻪ ﻭﻣﺎﺗﺖ ﻣﻮ ﻣﺜﻞ ﻫﺬﺍ ..
ﺑﺘﻮﻝ ﻣﻦ ﺷﺎﻓﺖ ﻣﻬﺪﻱ ﺑﻄﻞ ﻳﺤﺠﻴﻬﺎ ﻟﻠﻐﺮﻓﻪ ﻭﺻﺎﺭ ﻳﻨﺎﻡ ﺑﺎﻟﺪﻳﻮﺍﻧﻴﺔ ﻟﻮ ﻳﻢ ﻋﻤﺘﻲ .. ﻭﻋﺖ ﺍﻟﻨﻔﺴﻬﺎ ﻭﺍﺳﺘﻘﺒﻠﺖ ﺍﻟﻮﺿﻊ ﻟﻜﻦ ﺑﻌﺪ ﺍﺷﻬﺮ .. ﻭﻣﻦ ﺭﺟﻊ ﻣﻬﺪﻱ ﻳﻨﺎﻡ ﺑﺎﻟﻐﺮﻓﻪ ﺷﺮﻁ ﻋﻠﻴﻬﺎ ﻣﺎﻛﻮ ﺣﻤﻞ ﺑﻌﺪ ﺗﺮﺑﻲ ﺍﻟﻌﻨﺪﻫﺎ ﻭﻛﺎﻓﻲ ..
ﺿﺎﺟﺖ ﻣﻦ ﻛﻼﻣﺔ ﻭﻻﻥ ﺣﺠﺎﻫﺎ ﮔﺪﺍﻣﻲ ﺟﻨﺖ ﺑﺎﻟﻤﻄﺒﺦ ﻭﺍﮔﻔﻪ ﺑﺲ ﻣﺎﺭﺩﺕ .. ﻫﻮ ﺟﺎﻥ ﺧﺎﻳﻒ ﻫﺎﻟﻮﺭﺍﺛﺔ ﺗﺴﺘﻤﺮ ﻭﻫﺎﻟﺸﻲ ﻫﻢ ﻭﺩﺍﺩ ﺟﺎﻧﺖ ﺧﺎﻳﻔﻪ ﻣﻨﻪ .. ﻳﻮﻡ ﻋﺮﻓﺖ ﺑﻨﻔﺴﻬﺎ ﺣﺎﻣﻞ ..
ﻃﺎﺭﺕ ﻣﻦ ﺍﻟﻔﺮﺡ ﻭﺳﻴﺪ ﻋﻠﻲ ﺗﺴﻮﺩﻥ ﻣﻦ ﺳﻤﻊ .. ﺑﺲ ﻫﻲ ﺑﻜﻞ ﻣﺮﺓ ﺗﺠﻲ ﺍﻟﻨﺎ ﺗﺴﺄﻝ ﺍﻣﻬﺎ ﺧﺎﻑ ﻳﻄﻠﻊ ﺍﺑﻨﻬﺎ ﻣﺜﻠﻬﻢ ..
ﻭﺍﻣﻬﺎ ﺗﻄﻤﻨﻬﺎ ﻭﺗﮕﻠﻬﺎ ﻳﻤﺔ ﺍﻟﺪﻛﺘﻮﺭ ﮔﺎﻳﻠﻠﻬﻢ ﻻﻥ ﻫﻢ ﮔﺮﺍﻳﺐ ﻫﻢ ﻣﻮ ﺑﺲ ﻭﺭﺍﺛﺔ ..
ﻭﺍﻧﻲ ﻏﺮﻳﺒﻪ ﻣﻮ ﮔﺮﺍﻳﺐ ﺭﺟﻠﺞ ..
ﺍﺭﺗﺎﺣﺖ ﺷﻮﻳﻪ ﺑﺲ ﺑﻘﻰ ﺷﻚ ﺑﺪﺍﺧﻠﻬﺎ ..
ﺍﻟﺴﻴﺪ ﻋﻠﻲ ﺑﻌﺪ ﻣﺎﻋﺎﻗﺐ ﻭﺩﺍﺩ ﻓﺘﺮﺓ ﺍﺷﻬﺮ ﮔﺪﺭﺕ ﺑﺤﻴﻠﺘﻬﺎ ﻭﺫﻛﺎﺋﻬﺎ ﺗﻜﺴﺐ ﺣﺒﻪ ﻭﺛﻘﺘﻪ ﻣﺮﺓ ﺛﺎﻧﻴﻪ ..
ﺟﺎﻧﺖ ﺗﺤﻴﺮ ﺷﺘﺴﻮﻱ ﺣﺘﻰ ﺗﺮﺿﻴﻪ ﻛﻞ ﻫﻤﻬﺎ ﺗﺤﻤﻞ ﻣﻨﻪ ﻭﻳﺮﺟﻌﻠﻬﺎ .. ﺭﻏﻢ ﻫﻮ ﺍﺑﺪ ﻣﺎﻗﻠﻞ ﻣﻦ ﺷﺄﻧﻬﺎ ﻟﻮ ﺍﻫﺎﻧﻬﺎ ﻭﮔﺪﺍﻡ ﺍﻫﻠﻪ ﻳﻌﺎﻣﻠﻬﺎ ﺑﻮﺩ ﻭﺣﺐ ﻭﻳﺴﻤﻴﻬﺎ ﺍﻡ ﺍﻟﺴﺎﺩﺓ ﻭﻫﻲ ﺗﻔﺮﺡ ..
ﺑﺲ ﺑﻴﺒﻴﺘﻪ ﻣﺎﺗﺴﻜﺖ ﻭﺗﺮﺩﻩ ..
- ﻭﻟﻚ ﻳﺎﺍﻡ ﺍﻟﺴﺎﺩﺓ ﺧﺎﻑ ﺗﻄﻠﻊ ﻣﺎﺑﻴﻬﺎ ﻓﺮﻭﺥ ﺷﻮ ﺻﺎﺭﻟﻬﺎ ﻛﻢ ﺷﻬﺮ ﻭﻣﺎﺣﺒﻠﺖ ..
ﺭﺩ ﻋﻠﻴﻬﺎ .. ﺑﻴﺒﻲ ﺑﻌﺪ ﻭﻛﺖ ﻣﺎﻣﺴﺘﻌﺠﻠﻴﻦ ﺍﻧﻲ ﻭﻣﺮﺗﻲ ﻋﻠﻰ ﻛﻴﻔﻴﻨﺎ .. ﺻﺢ ﺑﺪﺍﺧﻠﻪ ﻳﺘﻤﻨﻰ ﺍﻟﻄﻔﻞ ﺑﺲ ﺭﻏﻢ ﻛﻠﺸﻲ ﻣﺎﻳﺮﻳﺪ ﻳﻜﺴﺮ ﺧﺎﻃﺮﻫﺎ ..
ﺑﻌﺪ ﻣﺎﺣﻤﻠﺖ ﻓﺮﺡ ﻭﺭﺍﺿﺎﻫﺎ ﺭﻏﻢ ﺟﺎﻥ ﻏﺎﺿﺐ ﻋﻠﻴﻬﺎ ﺑﺲ ﻣﺎﺣﺮﻣﻬﺎ ﻣﻦ ﺣﻘﻬﺎ ﺍﻟﺸﺮﻋﻲ .. ﻭﺑﻨﻔﺲ ﺍﻟﻴﻮﻡ ﺍﻟﻲ ﺭﺿﺎﺀ ﺟﺎﻧﺖ ﮔﺎﻋﺪﺓ ﮔﺒﺎﻝ ﺍﻟﺸﺒﺎﻙ ﺗﺘﺄﻣﻞ ﺍﻟﻤﻄﺮ ﻭﺍﻟﻐﻴﻮﻡ ﺍﻟﺴﻮﺩﺍﺀ ﺍﻟﻲ ﻣﻮ ﺑﺲ ﺑﺎﻟﺴﻤﺎ ﻻ ﺑﺤﻴﺎﺗﻬﺎ ﻫﻢ ..
ﺟﺎﻧﺖ ﻭﺩﺍﺩ ﺑﺤﺠﺔ ﻣﺮﻳﻀﻪ ﮔﺪﺭﺕ ﺗﺎﺧﺬ ﺳﻴﺪ ﻋﻠﻲ ﺍﻟﺤﻀﻨﻬﺎ ﻭﺑﺎﻟﻨﻬﺎﺭ .. ﻟﺪﺭﺟﺔ ﻧﺴﻰ ﺯﻋﻠﻪ ﻭﺍﻧﺪﻣﺞ ﻭﻳﺎﻫﺎ ﺑﺎﻟﺒﺪﺍﻳﻪ ﻣﺎﺭﺍﺩ ﻳﺨﺠﻠﻬﺎ ﺑﺲ ﺑﻌﺪﻳﻦ ﺣﺲ ﺑﺸﻲ ﻳﺠﺬﺑﻪ ﺍﻟﻬﺎ ﻭﺍﺧﺬﻫﺎ ﺍﻟﻌﺎﻟﻤﺔ ﺍﻟﺨﺎﺹ ﺣﺐ ﻋﻔﻮﻱ ﻭﺷﻐﻒ ﺻﺎﺩﻕ ..
ﺑﻴﻮﻣﻬﺎ ﺑﺎﺭﺩﺓ ﻭﻃﻠﻌﺖ ﺣﻤﺖ ﺍﻟﺤﻤﺎﻡ ﻭﺳﺒﺤﻮﺍ ﻭﺟﺎﻥ ﻇﻬﺮ ﺷﺎﻓﺘﻬﻢ ﺑﻴﺒﻴﺘﻪ ﻭﻓﻀﺤﺘﻬﻢ ..
- ﺳﻮﺩ ﺍﻟﻠﻪ ﻭﺟﻬﻜﻢ ﺗﻮﺍﺯﻳﺘﻮﺍ ﻫﺴﺎ ﺑﺎﻟﻈﻬﺮﻳﻪ .. ﻭﺍﻧﺖ ﺳﻴﺪ ﺟﺪﻙ ﺭﺳﻮﻝ ﺍﻟﻠﻪ ﻗﺸﻤﺮﺗﻚ ﻭﺩﺧﻠﺘﻚ ﺍﻟﺤﻀﻨﻬﺎ ﺑﺎﻟﻈﻬﺎﺭﻱ ﻭﻋﺎﻳﻒ ﺻﻼﺗﻚ .. ﺟﺎ ﺷﻠﻮﻥ ﺍﻟﻠﻪ ﻳﺮﺿﻰ ﻋﻠﻴﻜﻢ ﻭﻳﻨﻄﻴﻜﻢ ﺑﺰﺭ ..
ﺍﺳﺘﺤﻰ ﺳﻴﺪ ﻋﻠﻲ ﺑﻴﻮﻣﻬﺎ ﺳﺒﺢ ﻭﻃﻠﻊ .. ﺻﻠﻰ ﺑﻴﻦ ﻣﺎﺻﺒﺖ ﻏﺪﺍ ﻭﺩﺍﺩ ﺗﻐﺪﻭﺍ ﺳﻮﺓ ﻭﺣﺬﺭﻫﺎ ﺑﻌﺪ ﻣﺎﺗﺴﻮﺩﻧﻪ ﺑﺎﻟﻨﻬﺎﺭ ﻻﻥ ﺷﻴﺨﻠﺼﻪ ﻣﻦ ﺑﻴﺒﻴﺘﻪ ..
ﺑﻌﺪ ﻓﺘﺮﺓ ﻣﻦ ﻋﺮﻓﺖ ﺣﺎﻣﻞ ﺟﺎﻧﺖ ﺧﺎﻓﻴﻪ ﻫﺎﻻﻣﺮ ﻋﻦ ﺍﻫﻠﻬﺎ ﺧﻮﻓﻬﺎ ﻣﻦ ﺍﻟﻌﻴﻦ ﺍﻟﻰ ﺍﻥ ﺍﻟﻌﻠﻮﻳﻪ ﻓﺸﻠﺘﻬﺎ ﺑﻴﻮﻡ ﺟﺎﻧﺖ ﺟﺎﻳﺘﻬﻢ ﺯﻳﺎﺭﺓ ﻭﻛﺎﻟﺘﻬﺎ ﺑﻌﻔﻮﻳﻪ ﻭﻋﻤﺘﻲ ﺣﻤﺪﻳﻪ ﺿﺎﺟﺖ .. ﻭﻭﺩﺍﺩ ﺍﺳﺘﺤﺖ ﻭﺳﻜﺘﺖ ..
ﺑﺲ ﻭﺩﺍﺩ ﻣﻦ ﺣﻤﻠﺖ .. ﺻﺎﺭﺕ ﺗﻨﺎﻡ ﻃﻮﻝ ﺍﻟﻨﻬﺎﺭ ﻭﻣﺎﺗﮕﻌﺪ ﺍﻻ ﻗﺮﻳﺐ ﻣﺎﻳﺠﻲ ﺍﻟﺴﻴﺪ ﺭﻏﻢ ﺍﻟﻌﻠﻮﻳﺔ ﻭﺑﻨﺎﺗﻬﺎ ﻣﺎﻳﺤﺠﻦ ﺑﺲ ﺍﻟﺒﻴﺒﻴﻪ ﺷﻴﺴﻜﺘﻬﺎ ﻭﺗﺘﻠﻜﺎﻫﺎ ﺑﺎﻟﺤﺠﻲ ..
- ﻭﺍﺫﺍ ﺣﺒﻠﻪ ﻣﺎﺗﮕﻌﺪﻳﻦ ﻣﻦ ﻭﻛﺖ ﺷﻨﻲ ﻣﺨﻠﻴﻪ ﺍﻟﺒﻨﺎﺕ ﺧﺪﺩﺍﻳﻢ ﻋﻨﺪﺝ ..
ﺍﺗﺄﻓﺄﻓﺖ ﻭﺩﺍﺩ .. ﺑﻴﺒﻲ ﺍﻧﻲ ﻣﺎﻣﺨﻠﻴﻪ ﻭﺍﺣﺪ ﻳﻨﻈﻒ ﻏﺮﻓﺘﻲ ﻭﻻﻳﻐﺴﻞ ﻫﺪﻭﻣﻲ ﻭﻫﺪﻭﻡ ﺭﺟﻠﻲ ..
- ﺟﺎ ﺍﻟﻌﻮﺑﻪ ﻫﻮ ﺍﻟﺸﻐﻞ ﺑﺲ ﻫﺬﺍ ..
- ﺍﻱ ﺑﺲ ﻫﺬﺍ ﺟﺎ ﺷﺘﺮﺩﻳﻨﻲ ﺍﻧﻈﻒ ﻭﺳﺎﺧﺔ ﺍﻟﺤﻼﻝ ﻭﺍﻟﺠﻴﻔﻪ ﻫﻲ ﻫﻢ ﻋﻮﺯﻫﺎ ﺍﺻﻴﺮ ﻣﺜﻠﻬﻦ ﻭﺍﺟﻲ ﺭﻳﺤﺘﻲ ﺗﻜﺘﻞ ..
ﺿﺎﺟﺖ ﺍﻟﻌﻠﻮﻳﻪ ﻣﺮﺕ ﺳﻴﺪ ﻫﺎﺷﻢ ﻣﻦ ﺣﺠﻴﻬﺎ ﻋﻠﻰ ﺑﻨﺎﺗﻬﺎ ..
ﻣﺎﺣﺠﺖ ﺑﺲ ﺍﻧﻜﺴﺮ ﺧﺎﻃﺮﻫﺎ ﻭﺑﺎﻟﻜﻮﺓ ﺳﻜﺘﺖ ﻭﺩﺍﺩ ﻋﻦ ﺍﻟﻌﺠﻮﺯ ﻻﻥ ﺍﻟﺜﺎﻧﻴﺔ ﻣﺎﺗﺴﻜﺖ ﻭﺣﻠﻔﺖ ﺗﺤﺠﻲ ﺍﻟﺴﻴﺪ ﻋﻠﻲ ﻋﻠﻰ ﺳﻮﺍﻟﻔﻬﺎ ..
ﺑﺲ ﻭﺩﺍﺩ ﺟﺎﻧﺖ ﺍﺷﻄﺮ ﻣﻨﻬﺎ ﻭﺗﻠﮕﺖ ﺍﻟﺴﻴﺪ ﺑﺎﻟﺒﺠﻲ ﻭﺍﻟﺘﻤﺴﻜﻦ ﻭﮔﺪﺭﺕ ﺗﺨﻠﻴﻪ ﻳﺼﺪﮔﻬﺎ ﺭﻏﻢ ﺣﺠﻲ ﺑﻴﺒﻴﺘﻪ ﻭﺳﻮﻟﻔﺘﻠﻪ ﻋﻠﻰ ﺍﻟﻲ ﺣﺠﺘﻪ ﻋﻦ ﺍﺧﻮﺍﺗﻪ ﻭﮔﺎﻟﺘﻠﻪ ﺩﻭﺭ ﺍﻟﻌﻠﻮﻳﺎﺕ ﻣﺎﻳﺸﺘﻐﻠﻦ ﺣﺎﻟﻬﻦ ﻣﻦ ﺣﺎﻝ ﻣﺮﺗﻚ ﺗﺮﻳﺪ ﺍﻧﺖ ﻧﻈﻒ ..
ﺑﺎﺱ ﺭﺍﺳﻬﺎ ﻭﮔﺎﻟﻬﺎ ﺍﻟﻲ ﺗﺮﺩﻳﻪ ﻳﺼﻴﺮ ﺑﻴﺒﻲ .. ﺑﺲ ﻫﺎﻟﻔﺘﺮﺓ ﺣﺎﻣﻞ ﺍﺗﺤﻤﻠﻴﻬﺎ ﻣﻦ ﺗﺠﻴﺐ ﻳﺼﻴﺮ ﺧﻴﺮ ..
ﻭﺩﺍﺩ ﺿﺎﺟﺖ ﻣﻦ ﺣﺠﻴﻪ ﺑﺲ ﺑﺪﺍﺧﻠﻬﺎ ﻣﻄﻤﺄﻧﺔ ﻣﻨﺎ ﻟﻤﻦ ﺗﺠﻴﺐ ﺗﻄﻠﻌﻠﻬﺎ ﺳﺎﻟﻔﻪ ﻭﺗﺨﻠﺺ ..
ﺭﻏﻢ ﺍﻟﺴﺎﻟﻔﻪ ﻣﺎﻣﻘﺘﺼﺮﺓ ﻋﻠﻰ ﺗﻨﻈﻴﻒ ﺍﻟﺘﺮﻙ ﻭﺍﻟﺤﻼﻝ ﺑﺲ ﻭﺻﻞ ﺑﻴﻬﺎ ﺍﻟﺤﺎﻝ ﺣﺘﻰ ﺍﻟﺮﻳﻮﮒ ﺗﻮﺻﻲ ﺣﻮﺭﺍﺀ ﺍﺻﻐﺮ ﺍﻟﻌﻠﻮﻳﺎﺕ ﺗﺴﻮﻳﻠﻬﺎ ﺍﻟﻌﻠﻮﻳﻪ ﺍﻡ ﺳﻴﺪ ﻋﻠﻲ ﺗﺴﻜﺖ ﻭﺗﻌﺬﺭﻫﺎ ﻻﻥ ﺣﺎﻣﻞ ﺑﺲ ﺍﻟﻌﺠﻮﺯ ﻣﺎﺗﺴﻜﺖ ﻭﻣﺴﺘﻤﺮﺓ ﺑﺎﻟﻌﺮﻙ ﻭﺍﻟﺤﺠﻲ ﻭﻳﺎﻫﺎ ﻭﺫﻳﺞ ﻣﻄﻨﺸﺔ ﻭﻣﺎﻣﻬﺘﻤﺔ ﻭﻣﺮﺍﺕ ﺗﻀﺤﻚ ﻋﻠﻴﻬﺎ ﻭﺗﻐﻴﻀﻬﺎ ﻭﺗﺪﺧﻞ ﻟﻠﻐﺮﻓﻪ ..
ﺯﺍﺩﺕ ﺍﻟﻤﺸﺎﻛﻞ ﻭﻃﻠﻊ ﻭﺟﻪ ﻭﺩﺍﺩ ﺍﻟﺤﻘﻴﻘﻲ .. ﮔﺪﺍﻡ ﺳﻴﺪ ﻋﻠﻲ ﺷﻜﻞ ﻭﻭﺭﺍﻩ ﺷﻜﻞ ..بيج قصص عراقيه حقيقيه من واقعنا.روعه الطائي
ﻭﺑﻴﺖ ﺍﻟﺴﺎﺩﺓ ﻣﻦ ﺍﻟﻨﺎﺱ ﺍﻟﻲ ﻋﻨﺪﻫﻢ ﻓﻄﺮﺓ ﻭﻋﻔﻮﻳﻪ ﺑﺬﺍﻙ ﺍﻟﻨﺎﺱ ﻣﺎﻳﻌﺮﻓﻮﻥ ﻻﺧﺒﺚ ﻭﻻ ﻃﻮﻟﺔ ﺍﻟﺴﺎﻥ ﻣﺜﻠﻬﺎ ..
ﺣﺘﻰ ﺍﻟﻌﻠﻮﻳﺎﺕ ﻣﻦ ﺗﺤﺠﻲ ﻭﻳﺎﻫﻦ ﻣﺎﻳﺮﺩﻥ .. ﺑﺲ ﺯﻳﻨﺐ ﻣﻦ ﺗﺠﻴﻬﻢ ﻭﺗﺸﻮﻑ ﺗﺼﺮﻓﺎﺗﻬﺎ ﻣﺎﺗﺴﻜﺖ ﺩﺍﻳﻤﺎ ﺗﻨﺼﺤﻬﺎ ﻭﺗﻔﻬﻤﻬﺎ ﺑﺲ ﺍﻟﺜﺎﻧﻴﻪ ﻣﺎﺗﻬﺘﻢ ﻭﺗﮕﻠﻬﺎ ﺭﻭﺣﻲ ﻃﺒﻘﻲ ﻫﺎﻟﺴﻮﺍﻟﻒ ﺑﺒﻴﺘﺞ ﻭﻭﻱ ﻋﻴﺎﻟﺞ ﺍﻟﻲ ﻣﺸﺒﻌﻴﺞ ﺿﻴﻢ ﻭﺳﺎﻛﺘﻪ ﻋﻮﺩ ﺑﻴﺖ ﻋﻤﺞ ﻫﻤﺔ ﻣﻮﻭﻭ .
ﺿﺎﺟﺖ ﺯﻳﻨﺐ .. ﻣﻨﻮ ﮔﻠﺞ ﻫﺎﻟﺤﺠﻲ ﺑﻴﺖ ﻋﻤﻲ ﻣﺎﻣﻘﺼﺮﻳﻦ ﻋﻨﻪ ﻻ ﺍﻧﻲ ﻭﻻﺍﺧﺘﻲ ..
ﺿﺤﻜﺖ ﻭﺩﺍﺩ .. ﻫﻤﺰﻳﻦ ﺳﻤﻌﺘﺞ ﺗﺘﺸﻜﻴﻦ ﺍﻻﻣﺞ ﻣﻦ ﻣﺮﺕ ﻋﻤﺞ ﻭﺍﻣﺞ ﺗﮕﻠﺞ ﺍﺳﻜﺘﻲ .. ﺑﺲ ﺗﺪﺭﻳﻦ ﺍﻧﺼﺤﺞ ﻣﺎﺗﺴﻤﻌﻴﻦ ﻛﻼﻡ ﺍﻣﺞ ﺍﺫﺍ ﺳﻜﺘﻲ ﻳﻨﻮﻛﻞ ﺣﻘﺞ ..
- ﻳﻌﻨﻲ ﻣﺜﻞ ﻣﺎﺍﻧﺘﻲ ﺗﺴﻮﻳﻦ .. ﺑﺲ ﺍﺣﻨﺔ ﺑﻨﺎﺕ ﺍﺻﻮﻝ ﻭﻣﺘﺮﺑﺎﻳﻴﻦ ﻻﻧﺮﺍﺩﺩ ﺍﻟﻜﺒﻴﺮ ﻭﻻﻧﺘﺼﻨﺖ ﻉ ﺍﻟﺤﺠﻲ ..
ﻭﺩﺍﺩ ﺑﺪﻭﺭﻫﺎ ﻗﻠﺒﺖ ﺍﻟﺤﺠﻲ ﻭﻭﺻﻠﺘﻪ ﺑﻐﻴﺮ ﺻﻮﺭﺓ ﺍﻟﺴﻴﺪ ﻋﻠﻲ .. ﺳﻴﺪ ﻋﻠﻲ ﻳﻌﺮﻑ ﺑﺘﺮﺑﻴﻪ ﺍﺧﻮﺍﺗﻪ ﺷﻨﻮ ﻭﻳﻌﺮﻓﻬﻦ ﻣﺎﻳﺘﺠﺎﻭﺯﻥ ..
ﻭﺭﺩ ﻋﻠﻴﻬﺎ ﺍﻧﻪ ﺍﺧﻮﺍﺗﻲ ﻣﺴﺘﺤﻴﻞ ﻳﺘﺠﺎﻭﺯﻥ ﺍﻛﻴﺪ ﺍﻧﺘﻲ ﻓﺎﻫﻤﺔ ﺧﻄﺄ ﻭﺑﻌﺪﻳﻦ ﻭﺩﺍﺩ ﺍﻧﺖ ﺍﺧﻮﺍﺕ ﻭﻧﺴﻮﺍﻥ ﺑﻴﻨﺠﻦ ﻻﺗﺪﺧﻠﻴﻨﻲ ﺑﻜﻞ ﺳﺎﻟﻔﻪ ﺍﻧﻲ ﺍﺟﻲ ﺍﺭﻳﺪ ﺍﺭﺗﺎﺡ ﺍﻧﺘﻲ ﺗﮕﻠﻴﻠﻲ ﻫﻴﺞ ..
ﺑﻴﻮﻣﻬﺎ ﺯﻋﻠﺖ ﻭﻛﺒﺮﺕ ﺍﻟﺴﺎﻟﻔﻪ ﻭﻭﺻﻠﺘﻬﺎ ﺍﻻﻣﻬﺎ ﺑﻌﺪ ﻣﺎﺧﺎﺑﺮﺗﻬﺎ ﻭﺍﻣﻬﺎ ﻣﻦ ﻏﻴﺮ ﻋﻠﻢ ﺣﺠﻲ ﺧﻀﻴﺮ ﺍﻭ ﺍﻱ ﺍﺣﺪ ..
ﺍﺟﺖ ﺍﻟﺒﻴﺖ ﺍﻟﺴﺎﺩﺓ ﻫﺎﺩﺓ ﻋﻠﻴﻬﻢ ﻭﺍﺧﺬﺕ ﺑﻨﺘﻬﺎ ﻭﻣﺸﺖ ﻭﻫﺪﺩﺗﻬﻢ ﺑﺎﻟﻄﻔﻞ ﺗﺤﻠﻤﻮﻥ ﺗﺸﻮﻓﻮﻥ ﺍﺑﻨﻜﻢ ﺑﻌﺪ ..
ﻫﺎﻟﺸﻲ ﺿﻮﺝ ﺍﻟﺴﻴﺪ ﻋﻠﻲ .. ﻭﺍﻟﺴﻴﺪ ﻫﺎﺷﻢ ﺩﺯ ﻋﻠﻰ ﺯﻳﻨﺐ ﻭﺳﺄﻟﻬﺎ ﺍﺫﺍ ﺣﺎﺟﻴﻪ ﻋﻠﻴﻬﺎ ﻭﮔﺎﻳﻠﺘﻠﻬﺎ ﺍﻧﺘﻲ ﻣﻮ ﺑﻨﺖ ﺍﺻﻮﻝ
ﺯﻳﻨﺐ ﻃﺒﻌﺎ ﺣﺠﺖ ﻛﻞ ﻛﻠﻤﺔ ﮔﺎﻟﺘﻬﺎ ﻭﻣﺎﻛﺬﺑﺖ ..
ﻭﺍﺑﻮﻫﺎ ﻣﻨﻌﻬﺎ ﺗﺘﺪﺧﻞ ﺑﻌﺪ .. ﺍﻣﺎ ﺳﻴﺪ ﻋﻠﻲ ﮔﺎﻝ ﻣﺴﺘﺤﻴﻞ ﺍﺭﺟﻌﻬﺎ ﺍﻻ ﺍﺫﺍ ﻋﺮﻓﺖ ﻏﻠﻄﻬﺎ ﻭﺭﺟﻌﺖ ﻭﺣﺪﻫﺎ ..
ﻟﻜﻦ ﻣﺎﺭﺟﻌﺖ ﻭﺣﺠﻲ ﺧﻀﻴﺮ ﺿﺎﺝ ﻻﻥ ﺳﻤﻊ ﻣﻦ ﻭﺩﺍﺩ ﺍﻧﻪ ﻃﺮﺩﻭﻫﺎ ﻣﻦ ﺍﻟﺒﻴﺖ ﺑﻌﺪ ﻣﺎﺍﺧﺘﻪ ﺗﻌﺎﺭﻛﺖ ﻭﻳﺎﻫﺎ ﻭﻏﻠﻄﺖ ﻋﻠﻴﻬﺎ ﻭﻋﻴﺮﺗﻬﺎ ﺑﺄﻫﻠﻬﺎ ﻭﺍﻧﻬﻢ ﻣﺎﻋﻨﺪﻫﻢ ﺍﺻﻮﻝ ..
ﺻﺢ ﺍﻟﺤﺠﻲ ﻣﺎﺻﺪﮒ ﺍﻟﺤﺠﻲ ﺑﺲ ﺍﻧﺘﻈﺮ ﺳﻴﺪ ﻋﻠﻲ ﻳﺠﻲ ﻭﻳﻔﻬﻤﺔ ﻭﺳﻴﺪ ﻋﻠﻲ ﻣﺎﺍﺟﻪ ..
ﻓﺎﻟﻄﺮﻓﻴﻦ ﻋﺎﻧﺪﻭﺍ .. ﻭﺑﻘﺖ ﻭﺩﺍﺩ ﻋﻨﺪ ﺍﻫﻠﻬﺎ ﺭﻏﻢ ﻣﺮﻭﺭ ﺍﺷﻬﺮ ﻋﻠﻰ ﺣﻤﻠﻬﺎ ..
ﻳﻮﻡ ﺍﻟﺜﺎﻣﻦ ﻣﻦ ﺁﺏ ﻋﺎﻡ ﺛﻤﺎﻧﻴﺔ ﻭﺛﻤﺎﻧﻴﻦ ..
ﺍﻋﻠﻨﻮﺍ ﻭﻗﻒ ﺍﻃﻼﻕ ﺍﻟﻨﺎﺭ ﺑﺸﻜﻞ ﻧﻬﺎﺋﺊ .. ﺟﺎﻥ ﺍﻟﻮﻛﺖ ﺑﺎﻟﻠﻴﻞ ﻭﺍﻟﻨﺎﺱ ﻣﺎﺻﺪﮔﺖ ﺑﻴﻦ ﻓﺮﺣﺎﻧﺔ ﻭﺑﻴﻦ ﻣﺼﺪﻭﻣﺔ ..
ﻛﻠﻬﺎ ﻃﻠﻌﺖ ﺑﺮﺓ ﺗﺘﺄﻛﺪ .. ﻭﻣﺎﺻﺪﮔﻮﺍ ﺍﻻ ﻟﻤﻦ ﺷﺎﻓﻮﺍ ﺍﻟﺴﻴﺎﺭﺍﺕ ﻭﺍﻻﺣﺘﻔﺎﻻﺕ ..
ﺣﺠﻲ ﺧﻀﻴﺮ ﺩﺧﻞ ﻟﻠﺒﻴﺖ ﻋﻴﻮﻧﺔ ﺗﺠﺮﻱ ﺩﻣﻮﻉ ..
- ﻳﻠﻪ ﺑﻮﻳﺔ ﺻﻠﻮﺍ ﺭﻛﻌﺘﻴﻦ ﺷﻜﺮ .. ﻫﻢ ﺻﺪﮔﻨﺎ ﺗﻨﺘﻬﻲ ﻫﺎﻟﺤﺮﺏ ﺍﻻﻛﻠﺖ ﻋﻤﺮﻧﺎ ﻭﺷﺒﺎﺑﻨﺎ ..
ﺍﻟﻜﻞ ﺟﺎﻥ ﻳﺒﺠﻲ ﺑﺲ ﻫﺎﻟﻤﺮﺓ ﺩﻣﻮﻉ ﻓﺮﺡ ..
ﺍﻻ ﺣﻤﺪﻳﺔ ﻣﺎﻃﻠﻌﺖ ﺑﺲ ﻣﺪﺕ ﺳﺠﺎﺩﺗﻬﺎ ﻭﮔﻌﺪﺕ ﺗﺒﺠﻲ ﻭﺗﺘﻮﺳﻞ ﺭﺑﻬﺎ ﻭﻳﻌﻮﺽ ﺻﺒﺮﻫﺎ ﻭﻳﺮﺟﻌﻠﻬﺎ ﺣﺒﻴﺒﻬﺎ ﻭﺯﻭﺟﻬﺎ ﺍﻟﻲ ﺻﺎﺭﻟﻬﺎ ﺳﻨﻴﻦ ﺗﻨﺘﻈﺮﻩ ﻭﻋﻴﻨﻬﺎ ﻉ ﺍﻟﺒﺎﺏ ..
ﺍﺷﺘﻘﺖ ﺇﻟﻴﻚ ﺍﺷﺘﻴﺎﻕ ﺍﻟﻴﻞ ﻟﺘﻌﺎﻗﺐ ﺍﻟﻨﻬﺎﺭ ..
ﻭﺍﺷﺘﻴﺎﻕ ﺍﻷﺭﺽ ﻟﻤﻴﺎﻩ ﺍﻷﻣﻄﺎﺭ ..
ﺃﻳﻦ ﺃﻧﺖ ﻳﺎ ﻣﻦ ﺟﻌﻞ ﺍﻟﻘﻠﺐ ﻳﻨﻬﺎﺭ ..
ﻭﻣﻦ ﺍﻟﺪﻣﻮﻉ ﺃﻧﻬﺎﺭ .
ﺃﻳﻦ ﺃﻧﺖ ﻳﺎ ﻗﺪﺭﻱ ﺍﻟﻤﺴﺘﺤﻴﻞ ؟
ﺗﺮﻛﺘﻨﻲ ﻟﻌﻮﺍﺻﻒ ﺍﻟﺰﻣﺎﻥ ..
ﺗﻤﺰﻗﻨﻲ ﻭﺗﻌﺘﺮﻳﻨﻲ ﺍﻷﺣﺰﺍﻥ .
ﺃﻳﻦ ﺃﻧﺖ ﻳﺎ ﺣﻠﻤﻲ ﺍﻟﻤﺠﻨﻮﻥ ..
ﺇﻧﻲ ﺍﻵﻥ ﺃﺷﻼﺀ ﺇﻧﺴﺎﻥ ..
ﺃﺑﺤﺚ ﻋﻨﻚ ﻳﺎ ﻭﻃﻨﻲ ﻟﺘﻌﻴﺪﻧﻲ ﺇﻟﻰ ﺍﻟﺤﻴﺎﺓ
ﻭﺗﻜﺴﺮ ﺻﻤﺘﻲ ﺍﻟﻤﻤﻴﺖ ..
ﻭﺗﺤﻲ ﻗﻠﺒﻲ ﺍﻟﻐﺮﻳﻖ ..
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ ….