ﻣﺴﺎﺀ ﺍﻟﻮﺭﺩ ﻭﺍﻟﻘﺪﺍﺡ ﻟﻌﻴﻮﻧﻜﻢ ﺣﺒﺎﻳﺐ ❤
‏( 11 ‏)
#ﺣﻜﻤـﺔ__ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﻧﻈﻦ ﺍﻧﻨﺎ ﻧﺘﺤﻜﻢ ﺑﺄﻗﺪﺍﺭﻧﺎ .. ﻭﺍﻟﻘﺪﺭ ﻳﺴﺨﺮ ﻣﻨﺎ ﻭﻣﻦ ﺿﺤﺎﻳﺎﻩ .. ﻳﻠﻘﻲ ﻋﻠﻴﻨﺎ ﻧﻈﺮﺓ ﻭﻳﻤﺮ .. ﻟﻴﺘﺤﻘﻖ ﻣﺎﻳﺮﻳﺪ ﻭﻟﻨﺮﺿﻰ ﺑﻤﺎﻳﺮﻳﺪ !!
28 ﺷﻬﺮ ﻧﻴﺴﺎﻥ ﻋﺎﻡ ﺳﺒﻌﺔ ﻭﺛﻤﺎﻧﻴﻦ ..
ﻫﺎﻟﻴﻮﻡ ﺟﺎﻥ ﻣﻬﻢ ﺍﻟﻜﻞ ﺍﻟﻌﺮﺍﻗﻴﻴﻦ .. ﻳﺘﺤﻀﺮﻭﻥ ﻗﺒﻞ ﺍﻳﺎﻡ ﺗﺘﺰﻳﻦ ﺍﻟﻤﺪﺍﺭﺱ ﻭﺍﻟﺸﻮﺍﺭﻉ ﻭﺍﻟﺒﻴﻮﺕ ..
ﺑﻤﻨﺎﺳﺒﺔ ﻣﻴﻼﺩ ﺍﻟﺮﺋﻴﺲ .. ﺭﻏﻢ ﺍﻟﺤﺮﺏ ﻭﺍﻟﺸﻬﺪﺍﺀ ﺍﻻ ﺍﻥ ﻫﺬﺍ ﺍﻟﻴﻮﻡ ﻳﺒﻘﻰ ﻣﻤﻴﺰ .. ﺍﻣﺎ ﺍﻟﻲ ﻳﻨﻮﻟﺪ ﻣﻦ ﺍﻷﻃﻔﺎﻝ ﺑﻬﺬﺍ ﺍﻟﻴﻮﻡ ﺍﻭ ﻣﻦ ﻣﻮﺍﻟﻴﺪ 28 ﻧﻴﺴﺎﻥ .. ﻓﻬﻮ ﻣﺤﻈﻮﻅ ..
ﻻﻥ ﺍﻟﺮﺋﻴﺲ ﻣﺨﺼﺺ ﺍﻛﺮﺍﻣﻴﺔ ﻟﻜﻞ ﻣﻮﺍﻟﻴﺪ ﻫﺬﺍ ﺍﻟﻴﻮﻡ ..
ﺍﻟﻨﺎﺱ ﻣﻦ ﺣﺎﺟﺘﻬﺎ ﻭﺍﺟﺒﺎﺭﻫﺎ ﻟﻠﺮﺿﻮﺥ ﻟﻠﻮﺍﻗﻊ ﻛﺎﻧﺖ ﺍﺗﺄﺟﻞ ﻭﻻﺩﺗﻬﺎ ﻭﺗﺪﻋﻲ ﺍﻧﻪ ﻳﻜﻮﻥ ﺑﻬﺬﺍ ﺍﻟﻴﻮﻡ ..
ﻟﻜﻦ ﻫﺎﻟﺤﻆ ﻛﺎﻥ ﻣﻦ ﻧﺼﻴﺐ ﻟﻤﻴﻌﺔ .. ﺍﻟﻲ ﺻﺎﺩﻓﺖ ﻭﻻﺩﺓ ﺍﺑﻨﻬﺎ ﺑﻬﺬﺍ ﺍﻟﻴﻮﻡ ﻭﺍﺻﺮﺕ ﺗﺴﻤﻴﻪ ﺻﺪﺍﻡ .. ﻭﺍﻭﻝ ﻣﺎﺍﻧﻮﻟﺪ ﺍﺳﺘﺒﺸﺮﺕ ﺧﻴﺮ ﺑﻲ ﻭﺟﺎﻧﺖ ﺗﮕﻮﻝ ﻫﺎﻟﻮﻟﺪ ﻭﺟﻬﺎ ﺧﻴﺮ ﻋﻠﻴﻨﺎ
ﺣﺠﻲ ﺧﻀﻴﺮ ﻣﺎﻗﺒﻞ ﻳﺴﻤﻴﻪ ﻫﺎﻻﺳﻢ ﻻﻥ ﻫﻮ ﻳﺴﺘﺒﺮﻙ ﺑﺄﺳﻤﺎﺀ ﺍﻫﻞ ﺍﻟﺒﻴﺖ . ﻟﻜﻦ ﻟﻤﻴﻌﺔ ﺍﺻﺮﺕ ﻭﺳﻤﺘﻪ ﻣﺜﻞ ﻣﺎﺗﺮﻳﺪ . ﻭﺻﺎﻟﺢ ﺑﻌﺪ ﻣﺎﻗﺼﺮﺕ ﻋﻴﻨﻪ ﺑﻮﻟﺪ ﺛﺎﻧﻲ ﺑﻌﺪ ﻫﺎﻟﻌﻤﺮ ﺍﻛﻴﺪ ﻣﺎﻳﺮﻓﻀﻠﻬﺎ ﻃﻠﺐ ..
ﺭﺯﺍﻕ ﻭﺑﺸﺎﺭ ﺟﺎﻧﻮﺍ ﻳﻀﺤﻜﻮﻥ ﻭﻳﻘﻠﺪﻭﻥ ﻣﻦ ﺗﮕﻠﻠﻬﻢ ﻫﺬﺍ ﻋﻤﻜﻢ ..
ﻳﺮﺩ ﻋﻠﻴﻬﺎ ﺭﺯﺍﻕ .. ﺍﻭﻝ ﻣﺮﺓ ﺍﺷﻮﻑ ﻋﻢ ﺍﺻﻐﺮ ﻣﻨﻪ ﻫﻤﺰﻳﻦ ﺣﺘﻰ ﻣﺎﻳﺸﻴﺦ ﻋﻠﻴﻨﺎ ..
ﺻﺎﺣﺖ ﻋﻠﻴﻬﻢ .. ﻏﺼﺐ ﻋﻨﻜﻢ ﺗﺤﺘﺮﻣﻮﻩ ﻣﻦ ﻳﻜﺒﺮ ﺣﺘﻰ ﻟﻮ ﺻﻐﻴﺮ ﺍﻛﺴﺮ ﺭﺍﺳﻪ ﺍﻟﻴﺤﺠﻲ ﻭﻳﺎﻩ ..
ﻫﺰﻭﺍ ﺍﺩﻳﻬﻢ ﻭﻋﺎﻓﻮﻫﺎ ﺗﺤﺠﻲ ﻭﻃﻠﻌﻮﺍ ﻟﻠﺸﺎﺭﻉ ﻳﻠﻌﺒﻮﻥ ﺩﻋﺒﻞ ﻭﺟﺎﻧﻮﺍ ﻳﻮﻡ ﻋﻦ ﻳﻮﻡ ﻳﺰﻳﺪﻭﻥ ﺩﻋﺎﺑﻠﻬﻢ ﻭﻳﻜﺜﺮﻥ ﻻﻥ ﻳﻔﻮﺯﻭﻥ ﻭﻳﺎﺧﺬﻭﻫﻦ ﻣﻦ ﺍﻟﻮﻟﺪ ..
ﺣﻜﻤﺖ ﻛﺎﻥ ﺷﺎﻃﺮ ﺑﻠﻌﺒﻪ ﺍﻟﺪﻋﺒﻞ ﻭﻳﻔﻮﺯ ﺑﺲ ﻣﺎﺟﺎﻥ ﻳﺎﺧﺬ ﻣﻨﻬﻢ ﻻﻥ ﻣﺎﺧﺬ ﺍﻟﻠﻌﺒﻪ ﻛـ ﺗﺴﻼﻳﻪ ﻭﺍﻳﻀﺎ ﻳﺴﻤﻊ ﻛﻼﻡ ﺟﺪﻩ ﻣﻦ ﻳﻜﻠﻪ ﺍﻱ ﻟﻌﺒﻪ ﺑﻴﻬﺎ ﺭﻫﺎﻥ ﻭﺭﺑﺢ ﺣﺮﺍﻡ .. ﺗﻌﺘﺒﺮ ﻣﺜﻞ ﺍﻟﻘﻤﺎﺭ . ﺟﺎﻥ ﺣﺮﻳﺺ ﺍﻧﻪ ﻳﻄﺒﻖ ﻛﻞ ﻛﻼﻡ ﺟﺪﺓ . ﻣﻦ ﺷﺎﻑ ﺍﻟﻠﻌﺒﻪ ﺗﺘﺤﻮﻝ ﺍﻟﺼﺎﻟﺢ ﺭﺯﺍﻕ ﻭﺑﺸﺎﺭ ﻻﻥ ﻣﻦ ﻳﺮﺑﺢ ﺣﻜﻤﺖ ﻭﻣﺎﻳﻘﺒﻞ ﻳﺎﺧﺬ ﺍﻟﺪﻋﺎﺑﻞ .
ﺟﺎﻧﻮﺍ ﻳﺎﺧﺬﻭﻫﻦ ﻣﻨﻬﻢ ﺑﺎﻻﺟﺒﺎﺭ ﺑﺤﺠﺔ ﺍﺧﻮﻫﻢ ﺍﻟﻲ ﺭﺑﺢ ..
ﺑﻌﺪﻫﺎ ﺣﻜﻤﺖ ﺑﻄﻞ ﻳﻠﻌﺐ ﻫﺎﻟﻠﻌﺒﺔ ..
ﺭﺿﺎﺀ ﺑﻌﺪ ﻣﺎﺳﻘﻄﺖ ﺍﻟﻄﻔﻞ ﻭﺟﺪﻫﺎ ﻃﺮﺩ ﻣﻬﺪﻱ .. ﺍﻧﻘﻠﺐ ﺍﻟﺒﻴﺖ ﺿﺪﻫﺎ ﻭﻛﻠﻬﺎ ﺗﺤﻤﻠﻬﺎ ﻣﺴﺆﻭﻟﻴﻪ ﻃﺮﺩﻩ ﺭﻏﻢ ﻫﻲ ﺍﻟﻀﺤﻴﺔ ﻭﻫﻮ ﺍﻟﺠﻼﺩ .. ﺭﺍﺣﺖ ﺣﺠﺖ ﻭﻱ ﺟﺪﻫﺎ ..
- ﺟﺪﻱ ﺧﻠﻴﻪ ﻳﺮﺟﻊ ﺟﻬﺎﻟﻪ ﺧﻄﻴﻪ ﻳﺴﺆﻟﻮﻥ ﻋﻠﻴﻪ ﻭﺣﺘﻰ ﺣﻜﻤﺖ ﻳﺴﺄﻝ .. ﺍﻧﻲ ﻫﺬﺍ ﻗﺪﺭﻱ ﻭﺍﻟﻠﻪ ﻣﺎﻗﺎﺳﻤﻠﻲ ﻫﺎﻟﻄﻔﻞ ﻳﺠﻲ ﻳﻮﻡ ﻭﻳﻌﻮﺿﻨﻲ .. ﻧﺰﻟﺖ ﺩﻣﻮﻉ ﺟﺪﻫﺎ .
ﻣﺴﺤﺘﻬﻦ ﺑﻴﺪﻫﺎ . ﺟﺪﻱ ﻣﺎﻋﺎﺵ ﺍﻟﻲ ﻳﻨﺰﻝ ﺩﻣﻮﻋﻚ . ﺍﺩﺭﻳﻚ ﺗﺤﺒﻨﻲ ﻭﺗﺨﺎﻑ ﻋﻠﻴﻪ ﻟﺠﻦ ﻣﻦ ﻏﻴﺮﻙ ﺍﻧﻲ ﻣﺎﺍﺳﻮﻯ ﺷﻲ ﺑﺲ ﻣﻬﺪﻱ ﺻﺎﺭﻟﻪ ﺷﻬﺮ ﻏﺎﻳﺐ ﻋﻦ ﺍﻟﺒﻴﺖ ﻭﺍﻭﻻﺩﻩ ﻭﺍﻫﻠﻪ ﻳﺸﺘﺎﻗﻮﻟﻪ .. ﺍﺫﺍ ﻋﻠﻴﻪ ﺍﻧﻲ ﻣﺴﺎﻣﺤﺘﻪ ﺧﻠﺺ ﻭﺭﺍﺿﻴﻪ ﺑﺤﻜﻢ ﺍﻟﻠﻪ ..
ﺍﺧﺬ ﻧﻔﺲ ﻭﺭﺩ ﻋﻠﻴﻬﺎ .. ﻳﺒﻨﻴﺘﻲ ﺍﻧﻲ ﺧﺎﻳﻒ ﻟﻮ ﻏﻤﻀﺖ ﻋﻴﻨﻲ ﺷﻠﻮﻥ ﺑﻴﺞ ﺍﻧﺘﻲ ﻭﺍﺑﻨﺞ . ﻛﻞ ﻳﻮﻡ ﺍﺩﻋﻲ ﺍﻟﻠﻪ ﻳﻄﻮﻝ ﺑﻌﻤﺮﻱ ﻋﻠﻤﻮﺩﻛﻢ ..
- ﻋﺴﺎ ﻋﻤﺮﻙ ﻃﻮﻳﻞ ﺟﺪﻱ ﻻﺗﻜﻮﻝ ﻫﻴﺞ ..
- ﻣﺎﺍﺭﻳﺪﺝ ﺗﺴﻜﺘﻴﻦ ﻋﻦ ﺣﮕﺞ ﻫﺎﻱ ﺍﻟﻨﺎﺱ ﻣﺎﺗﺴﺘﺎﻫﻞ ﻃﻴﺒﺘﺞ .. ﺍﺣﻨﻪ ﻛﻠﻨﺎ ﻭﺍﺟﺪﺍﺩﺝ ﻭﺍﻫﻠﺞ ﻣﻌﺮﻭﻓﻴﻦ ﺑﻄﻴﺒﻪ ﮔﻠﻮﺑﻨﺎ .. ﺑﺲ ﺫﻭﻟﻪ ﺭﺱ ﻟﻤﻴﻌﺔ ﻣﺎﺍﺩﺭﻱ ﻣﻦ ﻳﺎﻃﻴﻨﺔ ..
ﺍﻧﻮﻟﺪﻧﺎ ﻋﻠﻰ ﺍﻟﻔﻄﺮﺓ ﻭﻣﺎﻧﻌﺮﻑ ﺍﻟﺨﺒﺚ ﻭﺍﻟﺤﻘﺪ .. ﻛﻞ ﺍﻟﻨﺎﺱ ﺑﻴﻮﺗﻬﺎ ﻋﺎﻣﺮﺓ ﻭﻣﺮﺗﺎﺣﺔ ﺍﻻ ﺍﻧﻲ ﺑﻴﺘﻲ ﺗﺤﻮﻡ ﺑﻲ ﺍﻟﺜﻌﺎﺑﻴﻦ .. ﺑﺲ ﺍﻟﺼﻮﺝ ﺑﻴﻪ ﻟﻮ ﮔﺎﻃﻊ ﺭﺍﺱ ﺍﻟﺤﻴﻪ ﻭﻣﺎﻣﺨﻠﻴﻬﺎ ﺗﺘﺪﺧﻞ ﺑﻴﺘﻲ ﻣﺎﺻﺎﺭ ﺍﻟﻲ ﺻﺎﺭ ..بيج قصص عراقيه حقيقيه من واقعنا.روعه الطائي
ﻋﻆ ﺍﺻﺒﻌﻪ ﺣﻴﻞ ﻭﺻﺎﺡ ﺍﺍﺍﺍﻩ ﻳﺎﺻﺎﻟﺢ ﺍﻧﺖ ﺍﻟﺴﺒﺐ ﻳﻮﻡ ﺟﺒﺘﻬﺎ ﻭﻃﺒﺒﺘﻬﺎ ﺍﻟﺒﻴﺘﻲ .
ﺳﻜﺖ ﺷﻮﻳﻪ ﻭﺭﺩ ﺣﺠﺔ .. ﻟﻮ ﺭﺩ ﻫﺎﻟﺤﻴﻮﺍﻥ ﻟﻠﺒﻴﺖ ﻣﺎﺍﺭﻳﺪﺝ ﺗﻨﻄﻴﻪ ﻣﺠﺎﻝ ﻫﺎﻟﻤﺮﺓ ﺍﻧﻲ ﻭﻳﺎﺝ ﻣﺎﺍﮔﻠﺞ ﺗﻄﻠﮕﻲ ﻻ ..
ﺑﺲ ﺭﺑﻲ ﺍﺑﻨﺞ ﺑﺮﺍﺳﻪ ﻭﺑﺲ . . ﺭﺍﺡ ﺍﺷﺮﻁ ﻋﻠﻴﻪ ﻳﻨﻄﻴﺞ ﻣﺼﺮﻑ ﺍﻧﺘﻲ ﻭﺍﺑﻨﺞ ﻣﻮ ﺑﺲ ﻳﺪﻭﺭ ﺣﻘﻮﻕ ﺑﻐﻴﺮ ﺷﻲ ﻫﻮ ﻓﻠﺲ ﻣﺎﻳﻨﻄﻴﺞ ..
- ﺑﺲ ﺟﺪﻱ ﺍﻧﻲ ﻣﺎﻣﺤﺘﺎﺟﺔ ﻭﻋﻨﺪﻱ ﻓﻠﻮﺱ ﺍﻟﺨﻴﺎﻁ ﻭﺍﻧﺖ ﺗﻨﻄﻴﻨﻲ ..
- ﺍﻧﻲ ﺑﻌﺪ ﻣﺎﺍﻧﻄﻴﺞ ﺍﻟﻔﻠﻮﺱ ﺍﻟﻲ ﺟﻨﺖ ﺍﻧﻄﻴﻬﻦ ﺍﻟﺞ ﺭﺍﺡ ﺍﺟﻤﻌﻬﻦ ﻳﻤﻲ ﺍﻟﺤﻜﻤﺖ ﻭﺍﻧﺘﻲ ﻫﻢ ﻫﻴﺞ ﺳﻮﻱ . ﻣﺎﻧﻌﺮﻑ ﺷﻴﺼﻴﺮ ﺑﺎﺟﺮ ﻭﺍﻟﺤﺮﺏ ﻫﺎﻟﺘﺸﻮﻓﻴﻪ ﺟﺎﻱ ﺗﺎﻛﻞ ﺍﻻﺧﻀﺮ ﻭﺍﻟﻴﺎﺑﺲ ..
ﺑﻌﺪ ﻣﺤﺎﺩﺛﺔ ﻃﻮﻳﻠﺔ ﻭﺗﻮﺻﻴﺎﺕ ﮔﺎﻣﺖ ﺭﺿﺎﺀ ﻭﻫﻲ ﺗﺘﺤﺴﺮ ﻋﻠﻰ ﻛﻞ ﻳﻮﻡ ﻣﺮ ﺑﺤﻴﺎﺗﻬﺎ .. ﺗﺘﺬﻛﺮ ﻋﻤﺮﻫﺎ ﺍﻟﻴﻤﺸﻲ ﻭﻫﻲ ﻣﺎﺿﺤﻚ ﻭﺟﻬﻬﺎ ﻣﻦ ﻳﻮﻡ ﺍﻟﺮﺍﺣﺖ ﺍﻣﻬﺎ ﻟﺴﺎ ..
ﺟﺎﻧﺖ ﻋﻤﺘﻬﺎ ﺗﻠﻀﻢ ﺍﻟﺨﻴﻂ ﺑﺎﻻﺑﺮﺓ .. ﻣﺼﻐﺮﺓ ﻋﻴﻮﻧﻬﺎ ﻭﺗﺒﺎﻭﻉ ﺍﻟﻔﺘﺤﺔ ﺍﻻﺑﺮﺓ .. ﻣﻦ ﻏﻴﺮ ﻣﺎﺗﺒﺎﻭﻉ ﺣﺠﺖ ..
- ﻫﺎﺍﺍ ﻳﻤﺴﻌﺪﺓ ﺭﺣﺘﻲ ﺗﻮﺳﻠﺘﻲ ﺑﺠﺪﺝ ﺣﺘﻰ ﻳﺮﺟﻊ .. ﻭﻟﺞ ﻫﺬﺍ ﺣﺮﺍﻡ ﺍﻧﻄﻴﻪ ﻟﻜﻤﺔ ﺣﺎﻟﻪ ﻣﻦ ﺣﺎﻝ ﺍﻟﻤﺠﺮﻣﻴﻦ ..
ﺩﻧﮕﺖ .. ﻋﻤﺔ ﺷﺒﻴﺪﻱ ﻫﻢ ﺻﺢ ﻏﻠﻂ ﺑﺲ ﺻﺎﺭ ﺍﻟﻲ ﺻﺎﺭ ﺑﺤﺎﻟﻪ ﻋﺼﺒﻴﻪ ﻭﻭﮔﻊ ﺍﻟﻄﻔﻞ . ﻗﺎﺑﻞ ﻫﻴﻨﺔ ﻋﻠﻴﻪ ﺑﺲ ﺷﺴﻮﻱ ﻣﺎﻣﻘﺴﻮﻣﻠﻲ ..
ﻋﺎﻓﺖ ﺍﻟﻲ ﺑﻴﺪﻫﺎ ﻭﺳﺤﺒﺘﻬﺎ ﻣﻦ ﺍﺫﻧﻬﺎ ﮔﺮﺻﺘﻬﺎ .. ﻭﻟﺞ ﺑﻄﻠﻲ ﺑﻄﻠﻲ ﻓﻬﺎﻭﺓ ﺍﺍﺍﺍﺥ ﻟﻮ … .. ﻫﺴﺎ ﻟﻮ ﻳﺤﺒﺞ ﻣﺜﻞ ﺫﻳﺞ ﺍﻟﻤﮕﻤﻮﻋﺔ ﺟﺎﻥ ﻋﺬﺭﺗﺞ ..
ﮔﻮﻣﻲ ﻣﻦ ﻳﻤﻲ ﻻﺍﻛﻀﻴﺞ ﺧﻠﻴﻨﻲ ﺍﻛﻤﻞ ﺷﻐﻠﻲ ..
ﻭﺣﺴﺒﻲ ﺣﺴﺎﺑﺞ ﺩﻭﺭ ﺑﺎﻟﻠﻴﻞ ﺍﻧﺎﻡ ﻳﻤﺞ ﻭﺍﺭﻳﺪ ﺍﺷﻮﻑ ﺳﺪﻭﻥ ﻳﻮﺻﻠﺞ ﻭﻳﻘﺸﻤﺮﺝ ..
ﺿﺤﻜﺖ ﻋﻠﻰ ﺳﻮﺍﻟﻒ ﻋﻤﺘﻲ ..
ﺍﻧﺪﮔﺖ ﺍﻟﺒﺎﺏ ﺭﺣﺖ ﻓﺘﺤﺘﻬﺎ ﺻﺎﺭﺕ ﺑﻮﺟﻬﻲ ﻭﺩﺍﺩ ﺍﺑﺘﺴﻤﺖ
- ﻫﻼ ﻭﺩﺍﺩ ﺑﺎﻟﻌﺎﻓﻴﻪ ﺍﻋﺬﺭﻳﻨﻲ ﻣﺎﺍﺟﻴﺘﺞ ﻭﻻﺣﻀﺮﺕ ﻳﻤﻜﻦ ﺳﻤﻌﺘﻲ ﺍﻟﻲ ﺻﺎﺭ ﺑﻴﻪ ..
ﻋﺎﻳﻨﺖ ﻋﻠﻴﻪ ﻭﺧﺰﺭﺗﻨﻲ ..
- ﺟﺪﻱ ﻫﻨﺎ ﺍﻟﺴﻴﺪ ﻭﻳﺎﻱ ﻳﺮﻳﺪ ﻳﺴﻠﻢ ﻋﻠﻴﻪ ..
- ﺍﻱ ﺑﺎﻟﺪﻳﻮﺍﻧﻴﺔ
- ﺧﻮﺵ ﺭﻭﺣﻲ ﺟﻮﺓ ﺧﻠﻲ ﻳﺪﺧﻞ ..
ﺩﺧﻠﺖ ﻟﻠﻤﻄﺒﺦ ﻭﻫﻲ ﺩﺧﻠﺘﻪ ﻟﻠﺪﻳﻮﺍﻧﻴﺔ .. ﺷﻮﻳﻪ ﺍﺟﺖ ﺳﻠﻤﺖ ﻋﻠﻰ ﻋﻤﺘﻲ ﻭﺑﺘﻮﻝ ﻭﺳﺪﺍﺩ ﻭﺍﻛﻔﺎﺕ ﺑﺎﻟﻤﻄﺒﺦ ..
ﺳﺎﻟﺘﻬﺎ ﺑﺘﻮﻝ ..
- ﻭﻟﺞ ﺣﻠﻴﺎﻧﻪ ﻉ ﺍﻟﻌﺮﺱ ﻻﺯﻡ ﺍﻟﺴﻴﺪ ﻣﺪﺍﺭﻳﺞ ﻭﺿﺤﻜﺖ ..
- ﻃﺒﻌﺎ ﻣﺪﺍﺭﻳﻨﻲ ﺍﺻﻼ ﻳﻤﻮﺕ ﻋﻠﻴﻪ ﻭﺷﺄﻛﻠﻪ ﻳﮕﻮﻝ ﺻﺎﺭ ﻋﻠﻰ ﻋﻨﺎﺩ ﺍﻟﻤﺎﻳﺤﺒﻮﻟﻨﺎ ﺍﻟﺨﻴﺮ ..
ﺟﺎﻧﺖ ﻋﻴﻨﻬﺎ ﻋﻠﻴﻪ ﻭﺗﺤﺠﻲ ..
ﺻﺎﺣﺖ ﺑﻴﻬﺎ ﻋﻤﺘﻲ .. ﻭﻟﺞ ﻋﻮﺑﺔ ﻣﻦ ﻳﻮﻡ ﻋﺮﺳﺞ ﻟﺴﺎ ﻣﺎﺟﺎﻳﻪ ﻭﺍﻭﻝ ﻣﺎﺍﺟﻴﺘﻲ ﺗﺬﺑﻴﻦ ﺣﺠﻲ ﺷﻨﻲ ﻣﺸﺘﻬﻴﺔ ﺍﻟﻌﺮﻙ ﻟﻮ ﻫﻨﺎﻙ ﺻﺎﮔﺮﻳﺞ ﻭﻣﺎﺗﮕﺪﺭﻳﻦ ﺗﺘﻌﺎﺭﻛﻴﻦ ..
ﺟﺎﻭﺑﺖ ﺳﺪﺍﺩ . ﻻﻋﻤﺔ ﻣﺎﻣﺼﺪﮔﺔ ﺑﺮﻭﺣﻬﺎ ﻣﻌﺮﺳﺔ ..
ﺿﺤﻜﺖ ﻭﺩﺍﺩ .. ﻻ ﻭﺍﻟﻠﻪ ﺑﺲ ﺍﻟﻲ ﺍﻗﺼﺪﻫﺎ ﺗﻌﺮﻑ ﻧﻔﺴﻬﺎ ﺍﻟﻲ ﺟﺎﻧﺖ ﺗﺮﻳﺪ ﺗﺨﺮﺏ ﻋﺮﺳﻲ ﻣﻦ ﺍﻟﺴﻴﺪ ﻭﻣﺨﻠﻴﻪ ﺳﻮﺍﻟﻒ ﻗﺪﻳﻤﺔ ﺑﺠﻨﻄﺘﻲ ﺍﻟﻠﻪ ﻛﺸﻔﻬﺎ ﻭﻧﺼﺮﻧﻲ ..
ﺍﻧﻲ ﺭﺍﻳﺤﺔ ﺍﺷﻮﻑ ﺍﻣﻲ ﺑﻐﺮﻓﺘﻬﺎ .. ﺿﺮﺑﺘﻨﻲ ﺑﺠﺘﻔﻲ ﻭﻃﻠﻌﺖ .
ﻣﺎﻋﺮﻓﺖ ﺷﺘﻘﺼﺪ ﻭﻣﺎﺍﻫﺘﻤﻴﺖ . ﺑﺲ ﺍﺳﺘﻐﺮﺑﺖ ﻣﺎﺍﺟﺖ ﻣﻦ ﻋﺮﺳﻬﺎ ﻟﺴﺎ .. ﻛﺎﻟﻮﺍ ﺟﺎﻧﺖ ﻣﺮﻳﻀﻪ ﺑﺲ ﻣﺎﻋﺮﻓﺖ ﺷﻨﻲ ﻣﺮﺿﻬﺎ ..
ﺩﺧﻠﺖ ﻭﺩﺍﺩ ﺍﻻﻣﻬﺎ ﺑﺎﺳﺘﻬﺎ .. ﻭﺷﺎﻟﺖ ﺍﺧﻮﻫﺎ ﺗﺒﻮﺳﻪ ..
ﻳﻤﺔ ﻳﺨﺒﻞ ﺷﻮ ﻣﺎﻳﺸﺒﻬﻨﺔ ..
- ﺧﻠﻴﻪ ﻣﻦ ﺍﻳﺪﺝ ﻻﺗﺨﻠﻴﻦ ﻋﻴﻨﺞ ﻋﻠﻴﻪ .. ﻭﺗﻌﺎﻱ ﺳﻮﻟﻔﻴﻠﻲ ﻛﻢ ﻣﺮﺓ ﺟﺪﺝ ﺭﺍﺩ ﻳﻌﺰﻣﻜﻢ ﻭﺭﻯ ﺍﻟﻌﺮﺱ ﻭﺍﻟﺴﻴﺪ ﻳﻜﻮﻝ ﻣﺮﻳﻀﻪ ﺻﺎﻳﺮ ﺷﻲ ﻣﺎﻧﻌﺮﻓﻪ .. ﻭﻟﻮ ﺍﻧﻲ ﻣﻦ ﺍﺟﻴﺖ ﺑﺎﻟﺴﺎﺑﻊ ﻣﺎﻋﺠﺒﻨﻲ ﺷﻜﻠﺞ .. ﺑﺲ ﻻﻋﻨﺪﻛﻢ ﻣﺸﺎﻛﻞ . ﻟﻮ ﺍﻟﻌﻠﻮﻳﺎﺕ ﻳﺴﻤﻌﻨﺞ ﺣﺠﻲ ..
- ﻻﻳﻤﺔ ﺷﺒﻴﺞ ﺍﺧﺬﺗﻴﻨﻲ ﺣﺎﺻﻞ ﻓﺎﺻﻞ ﺧﻠﻴﻨﻲ ﺍﺗﻨﻔﺲ . ﺑﻌﺪﻳﻦ ﺑﻴﻨﻲ ﻭﺑﻴﻨﺞ .. ﺟﺎﻧﺖ ﺳﺪﺍﺩ ﻭﺑﺘﻮﻝ ﻭﺍﮔﻔﺎﺕ
ﺭﺩﺕ ﺑﺘﻮﻝ . ﻭﻟﻴﺶ ﻣﺎﺗﺤﺠﻴﻦ ﮔﺪﺍﻣﻨﺎ ﺧﺎﻑ ﻧﺘﺸﻤﺖ ﺑﻴﺞ
- ﻻ ﻣﻮ ﻫﻴﺞ .. ﺑﺲ ﻣﺎﺍﺭﻳﺪ ﺍﻟﺴﺎﻟﻔﻪ ﺗﻜﺒﺮ ..
ﺿﺮﺑﺘﻬﺎ ﺍﻣﻬﺎ .. ﺍﺣﺠﻲ ﻭﻟﺪ ﺷﺒﻴﺞ ..
ﺑﻌﺪ ﻣﺎﻃﻠﻌﻦ ﺑﺘﻮﻝ ﻭﺳﺪﺍﺩ ﺳﻮﻟﻔﺖ ﺍﻻﻣﻬﺎ ﻛﻠﺸﻲ ..
ﻭﺍﻣﻬﺎ ﺗﺴﻮﺩﻧﺖ .. ﺑﻘﺖ ﺗﺤﻮﺱ ﺑﻐﺮﻓﺘﻬﺎ ﻭﻭﺩﺍﺩ ﺗﻮﺻﻲ ﺑﺄﻣﻬﺎ ﻣﺎﺗﺤﺠﻲ ﺍﻟﺴﻴﺪ ﻧﺒﻪ ﻋﻠﻴﻬﺎ ﻣﺎﺗﺤﺠﻲ ﻭﺗﺴﻮﻟﻒ ﺑﻬﺎﻟﺴﺎﻟﻔﻪ .. ﻫﻮ ﺟﺎﻥ ﺷﻬﺮﻳﻦ ﺛﮕﻴﻞ ﻋﻠﻴﻬﺎ ﻭﻣﺎﻳﺤﺠﻲ ﻭﻳﺎﻫﺎ ﻭﻫﺴﺎ ﺑﻌﺪ ﻣﺎﺗﺼﺎﻟﺤﻮﺍ ﻣﺎﺗﺮﻳﺪ ﺗﺨﺴﺮﻩ ..
ﺩﻣﻐﺘﻬﺎ ﺍﻣﻬﺎ ﻋﻠﻰ ﺭﺍﺳﻬﺎ .. ﻭﻟﺞ ﻳﻌﻮﺑﻪ ﻻﺗﺘﻌﻠﻤﻴﻦ ﻳﻤﺸﻲ ﻛﻠﻤﺘﻪ ﻋﻠﻴﺞ .. ﺻﻴﺮﻱ ﺳﻨﻌﻪ ﻭﺧﻠﻲ ﻛﻠﻤﺘﺞ ﺍﻟﻤﺴﻤﻮﻋﺔ ﺑﻌﺪ ﻳﻮﻣﻴﻦ ﺣﺘﻰ ﺍﺧﻮﺍﺗﻪ ﻭﺍﻣﻪ ﻭﺑﻴﺒﻴﺘﻪ ﺍﻡ ﺍﻟﺴﺎﻥ ﻳﺴﺘﻘﻮﻥ ﻋﻠﻴﺞ ..
ﻭﺩﺍﺩ ﻣﺎﺑﺒﺎﻟﻬﺎ ﺑﺲ ﻻﺍﻣﻬﺎ ﺗﺴﻮﻱ ﻣﺸﻜﻠﻪ ﻭﺗﻮﺻﻞ ﻟﻠﺴﻴﺪ ..
ﻭﺧﺎﺻﻪ ﺑﻌﺪ ﻣﺎﺟﺪﻫﺎ ﺍﻟﺢ ﻋﻠﻴﻪ ﻳﺘﻌﺸﻮﻥ ﺳﻮﺓ ﻻﻥ ﻣﺎﻋﺰﻣﻮﻫﻢ ﻟﺴﺎ .. ﻭﻗﺮﺭ ﺍﻟﺠﻤﻌﻪ ﻳﻌﺰﻡ ﺑﻴﺖ ﺍﻟﺴﺎﺩﺓ ﻛﻠﻬﻢ ﻫﻢ ﺍﻻﺟﻞ ﺍﺑﻦ ﺻﺎﻟﺢ ﻳﺬﺑﺤﻮﻟﻪ ﺫﺑﻴﺤﺔ ..
ﺟﺎﻧﺖ ﻟﻤﻴﻌﺔ ﺗﺤﻮﺱ ﻭﺍﻟﻨﺎﺭ ﺗﻐﻠﻲ ﺑﻴﻬﺎ ﺗﺮﻳﺪ ﺗﺮﻭﺡ ﺗﺤﺎﺳﺐ ﺭﺿﺎﺀ ﻋﻠﻰ ﺍﻟﻲ ﺻﺎﺭ .. ﺣﻤﺪﻳﺔ ﺣﺎﺳﻪ ﺍﻛﻮ ﺷﻲ ﺑﻴﻨﻬﻢ ﻳﺘﻬﺎﻣﺴﻦ ﺳﺪﺍﺩ ﺧﻨﺴﺖ ﺑﺎﻟﻤﻄﺒﺦ ﺑﺤﺠﺔ ﺗﺴﺎﻋﺪﻫﻦ ﻣﺎﻃﻠﻌﺖ ﻣﻨﻪ ﺍﺑﺪ ..
ﺑﺰﻟﺖ ﺍﻟﺘﻤﻦ ﺭﺿﺎﺀ ﻭﻛﻤﻠﺖ .. ﺩﺧﻠﺖ ﻟﻤﻴﻌﺔ ﻟﻠﻤﻄﺒﺦ ..
ﺭﺿﻮﻩ ﺗﻌﺎﻱ ﻋﻨﺪﻱ ﺣﺠﺎﻳﺔ ﻭﻳﺎﺝ ..
ﺣﻤﺪﻳﺔ ﺳﺄﻟﺘﻬﺎ .. ﺷﺘﺮﺩﻳﻦ ﻣﻨﻬﺎ ﺧﻴﺮ ﻭﻟﻮ ﻣﻦ ﻭﺟﻬﺞ ﻣﺒﻴﻦ ﺷﺮ ..
ﺭﺩﺕ ﻋﻠﻴﻬﺎ ﻟﻤﻴﻌﺔ .. ﺍﻟﺸﺮ ﻣﻦ ﺑﻨﺖ ﺍﺧﻮﺝ ﺍﻟﺨﻮﻳﻨﺴﻪ ﻣﻮ ﻣﻨﺎ
ﺭﺍﺣﺖ ﺭﺿﺎﺀ ﻭﺭﺍﻫﺎ ﻭﺣﻤﺪﻳﻪ ﻋﺎﻓﺖ ﻛﻠﺸﻲ ﻭﻛﺎﻣﺖ ﻭﺭﺍﻫﻦ
ﺭﺿﺎﺀ .. ﻣﺎﺍﻋﺮﻑ ﺷﺒﻴﻬﻦ ﺑﺲ ﺣﺴﻴﺖ ﻋﻨﺪﻫﻦ ﺳﺎﻟﻔﻪ ﺟﺒﻴﺮﺓ ﻻﻥ ﻛﻞ ﺷﻮﻳﻪ ﺗﺠﻲ ﻭﺣﺪﺓ ﺗﺪﺧﻞ ﻟﻠﻤﻄﺒﺦ ﺗﺘﺄﻓﺄﻑ ﻭﺗﺮﻭﺡ .. ﻭﺣﺘﻰ ﻋﻤﺘﻲ ﻟﻤﻴﻌﺔ ﻣﻦ ﺟﺎﺑﺖ ﺍﺑﺪ ﻣﺎﻃﻠﻌﺖ ﻣﻦ ﻏﺮﻓﺘﻬﺎ ﺑﺲ ﺍﻟﺤﻤﺎﻡ ﻭﻫﺎﻟﻤﺮﺓ ﺩﺍﺧﻠﻪ ﻭﻃﺎﻟﻌﻪ ..
ﺩﺧﻠﺖ ﺍﻟﻐﺮﻓﺔ ﻋﻤﻲ ﻫﺎﺩﻱ ﻻﻥ ﺟﺎﻧﺖ ﺍﺧﺮ ﻏﺮﻓﺔ ﻭﻣﺎﻳﻨﺴﻤﻊ ﺍﻟﺼﻮﺕ ﺑﻴﻬﺎ ..
ﺍﻭﻝ ﻣﺎﺩﺧﻠﺖ ﻟﺰﻣﺘﻨﻲ ﻣﻦ ﺷﻌﺮﻱ ﻋﻤﺘﻲ ﻟﻤﻴﻌﺔ .. ﻭﻟﺞ ﻳﺎﻟﺤﺎﻗﺪﺓ ﺗﺮﺩﻳﻦ ﺗﺨﺮﺑﻴﻦ ﺑﻴﺖ ﺑﻨﺘﻲ ﺍﺩﺭﻳﺞ ﺗﻌﻤﺪﺗﻲ ﺗﺨﻠﻴﻦ ﺍﻟﺮﺳﺎﻟﻪ ﺑﺎﻟﻘﻤﺼﻠﻪ ﻣﻮﻭﻭ ..
ﺟﺮﻳﺖ ﺭﻭﺣﻲ ﻣﻨﻬﺎ ﻭﻋﻤﺘﻲ ﺣﻤﺪﻳﻪ ﺻﺎﺭﺕ ﻛﺒﺎﻟﻲ ..
- ﻟﻤﻴﻌﻪ ﻣﻨﺎ ﺍﻟﻮﻟﺪ ﺍﻟﻌﻨﻲ ﺍﻟﺸﻴﻄﺎﻥ . ﺍﻛﺴﺮﻫﺎ ﺍﻻﻳﺪﺝ ﺍﺫﺍ ﺍﻧﻤﺪﺕ ﻋﻠﻰ ﺭﺿﻮﻩ ﻭﺍﻧﺘﻲ ﻭﺩﺍﺩ ﺍﺣﺠﻲ ﺷﻌﻨﺪﺝ ﺍﺟﻴﺘﻲ ﻭﺟﺒﺘﻲ ﺍﻟﺸﺮ ﻭﻳﺎﺝ ..
- ﺍﻧﻲ ﺷﻨﻲ ﻋﻤﺔ ﺍﺳﺄﻟﻴﻬﺎ ﻣﻮ ﻫﻲ ﺍﻟﺼﻔﻄﺖ ﻫﺪﻭﻣﻲ ﻣﻦ ﺍﺟﻪ ﺍﻟﺴﻴﺪ ﺍﺧﺬﻫﻦ .. ﻣﺜﻠﺖ ﺩﻭﺭ ﺍﻻﺧﺖ ﻭﺍﻧﻲ ﺍﻟﻌﻮﺑﻪ ﺻﺪﮔﺘﻬﺎ ..
ﺍﺳﺘﻐﺮﺑﺖ ﻣﻦ ﺣﺠﻴﻬﺎ ..
- ﺍﻱ ﺍﻧﻲ ﺍﻟﺮﺗﺒﺘﻬﻦ ﺑﺲ ﺷﺴﻮﻳﺖ ﻣﻮ ﺯﻳﻨﻪ ﻫﺴﺎ ﺻﺮﺕ ..
- ﻻ ﺯﻳﻨﺔ ﻭﺍﻟﺪﻟﻴﻞ ﺧﻠﻴﺘﻲ ﺍﻟﻘﻤﺼﻠﻪ ﺍﻟﻘﺪﻳﻤﺔ ﺍﻟﻲ ﮔﻠﺖ ﻣﺎﺍﺭﻳﺪﻫﺎ ﻭﺑﻴﻬﺎ ﺭﺳﺎﻟﻪ ﻣﻦ ﺫﻧﻲ ﺍﻝ … . ﻭﺳﻜﺘﺖ .
ﺣﺠﺖ ﻋﻤﺘﻲ ﺣﻤﺪﻳﺔ . ﺷﻮ ﺳﻜﺘﻲ ﻳﻌﻨﻲ ﺗﻌﺮﻓﻴﻦ ﺑﺴﺎﻟﻔﺘﺞ ﺷﻴﻨﻪ . ﺑﺲ ﻻﺩﺭﺓ ﺍﻟﺴﻴﺪ ﻳﻤﺼﺨﻤﺔ ﻭﻓﻀﺤﺘﻴﻨﺎ
- ﺍﻱ ﺩﺭﺓ ﺑﺲ ﻓﻬﻤﺘﻪ ﺣﺴﻦ ﺍﺑﻦ ﻋﻤﻲ ﻭﺑﻔﺘﺮﺓ ﺍﻟﻤﺮﺍﻫﻘﻪ ﻟﻮ ﻣﺎﺗﺨﺒﺚ ﻫﺎﻟﺤﻴﻪ ﻣﺎﺻﺎﺭ ﺍﻟﻲ ﺻﺎﺭ ..
ﺿﺤﻜﺖ ﻋﻤﺘﻲ ﻟﻤﻴﻌﺔ .. ﻣﺎﺗﺸﻮﻓﻴﻦ ﺍﻟﻠﻪ ﺷﺴﻮﺓ ﺑﻴﻬﺎ ﻻﻥ ﺭﺍﺩﺕ ﺗﺨﺮﺏ ﺳﻌﺎﺩﺗﺞ ﺧﺮﺑﺖ ﺳﻌﺎﺩﺗﻬﺎ ﻫﻲ ..
ﺍﻧﻘﻬﺮﺕ ﻣﻦ ﮔﺎﻟﺖ ﻫﻴﺞ ﻧﺰﻟﺖ ﺩﻣﻮﻋﻲ .. ﺷﻜﺮﺍ ﻋﻤﺔ ﻭﺍﮔﻮﻝ ﺷﻌﺠﺐ ﻣﺎﻋﺎﻳﺮﺗﻨﻲ ﻟﺴﺎ .. ﻭﺍﻧﺘﻲ ﻳﺎﻭﺩﺍﺩ ﻭﺩﺍﻋﺖ ﺍﺑﻨﻲ ﻭﺭﻭﺡ ﺍﺑﻮﻱ ﻣﺎﺷﻔﺖ ﺭﺳﺎﻟﻪ ﻭﻻﺍﻧﻲ ﺻﻔﻄﺖ ﻫﺪﻭﻣﺞ ﺍﻟﻘﺪﻳﻤﺔ .. ﺳﺪﺍﺩ ﻫﻲ ﺍﻟﺼﻔﻄﺘﻬﻦ ﻭﺣﺘﻰ ﮔﺎﻟﺖ ﻣﺎﺍﺭﻳﺪ ﺷﻲ ﻣﻨﻬﺎ ﺧﻠﻲ ﺗﺎﺧﺬﻫﻦ ﻛﻠﻬﻦ ..
ﻃﻠﻌﺖ ﻣﻦ ﺍﻟﻐﺮﻓﺔ ﻣﻜﺴﻮﺭﺓ .. ﺩﺧﻠﺖ ﺍﻟﻤﻄﺒﺦ ﺷﻔﺖ ﺳﺪﺍﺩ ﻋﻴﻨﻬﺎ ﻉ ﺍﻟﺒﺎﺏ ﺳﺄﻟﺘﻨﻲ .. ﺷﻜﻮ ﺷﺼﺎﻳﺮ ..
ﺳﻜﺘﺖ ﻋﻨﻬﺎ . ﺍﺫﺍ ﻫﻦ ﺍﺧﻮﺍﺕ ﺑﻴﻨﻬﻦ ﻭﺣﺪﺓ ﺗﻜﻴﺪ ﻟﻠﺜﺎﻧﻴﺔ ﻋﻠﻴﻤﻦ ﺍﺿﻮﺝ ﻭﺍﻧﻘﻬﺮ ﻣﻦ ﻳﻜﻴﺪﻥ ﻋﻠﻴﻪ ..
ﺷﻮﻳﻪ ﻭﺍﺟﺖ ﻋﻤﺘﻲ ﺍﺧﺬ ﺳﺪﺍﺩ ﻭﺗﺪﻣﻎ ﺑﻴﻬﺎ .. ﺑﻘﻦ ﺷﻮﻳﻪ ﺑﺎﻟﻐﺮﻓﺔ ﻭﺗﺎﻟﻲ ﻃﻠﻌﺖ ﻋﻤﺘﻲ ﻭﺣﺪﻫﺎ ﻭﺭﺍﺣﺖ ﺑﺘﻮﻝ ﺗﺮﻛﺾ
ﻻ ﺍﻧﻲ ﺳﺄﻟﺖ ﻭﻻﻫﻲ ﺣﺠﺖ ﺑﻘﻴﻨﺎ ﻧﺸﺘﻐﻞ ﺑﺴﻜﺘﻪ ﺍﻟﻰ ﻛﻤﻠﻨﺎ ﻃﺒﺦ ﻭﻫﻦ ﻣﺤﺪ ﺑﻴﻬﻦ ﺍﺟﺖ ﺳﺎﻋﺪﺗﻨﺎ ..
ﻭﻛﺖ ﺍﻟﻌﺸﺎ ﻃﻠﻌﺖ ﺑﺲ ﺑﺘﻮﻝ ﻭﻭﺩﺍﺩ ﻻﻋﻤﺘﻲ ﻟﻤﻴﻌﻪ ﻭﻻﺳﺪﺍﺩ .. ﺍﻧﺪﮔﺖ ﺍﻟﺒﺎﺏ ﻭﺍﺟﻮ ﻋﻤﺎﻣﻲ ﺩﺧﻠﻮﺍ ﻳﻢ ﺍﻟﺴﻴﺪ ﺑﺎﻟﺪﻳﻮﺍﻧﻴﻪ ﻭﺍﻟﺠﻬﺎﻝ ﺍﺟﺖ ﺗﺘﺮﺍﻛﺾ .
ﺍﺟﻪ ﺍﺑﻮﻱ ﺍﺟﻪ ﺍﺑﻮﻱ ..
ﺗﻠﻜﺘﻪ ﺑﺘﻮﻝ ﺣﻀﻨﺘﻪ ﻭﺑﺎﺳﺘﻪ ﺟﺎﻥ ﻳﺒﺎﺕ ﺑﺎﻟﻜﺎﻉ ﻣﺎﻳﺠﻲ ﺍﺑﺪ ﻟﻠﺒﻴﺖ .. ﻣﺎﺍﺩﺭﻱ ﺷﺼﺎﺭ ﺑﻴﻪ ﻣﻦ ﺷﻔﺘﻪ ..
ﺗﻘﺮﺏ ﺍﻟﻲ ﺑﺎﺱ ﺭﺍﺳﻲ ﻭﺍﻋﺘﺬﺭ ﻭﺩﻧﮓ ﻋﻠﻰ ﻋﻤﺘﻲ ﺩﻓﻌﺘﻪ ﻣﺎﻗﺒﻠﺖ ﻳﺮﺍﺿﻴﻬﺎ .. ﻟﺤﻴﺘﻪ ﺷﻄﻮﻟﻬﺎ ﺻﺎﻳﺮﺓ ﻭﺍﺳﻤﺮ ﻛﻠﺶ ﻣﻦ ﺍﻟﺸﻤﺲ .. ﺿﺎﺟﺖ ﺑﺘﻮﻝ ﻣﻦ ﺑﺎﺱ ﺭﺍﺳﻲ ﻭﺳﺤﺒﺘﻪ ﻟﻠﻐﺮﻓﻪ ﮔﻮﻡ ﺍﺳﺒﺢ ﻭﺯﻳﻦ ﺷﺤﺎﻟﻚ ﺻﺎﻳﺮ ..
ﺻﺒﻴﻨﺎ ﻋﺸﺎ ﻭﻛﻤﻠﻨﺎ .. ﺟﺎﻱ ﺍﻏﺴﻞ ﺍﻟﻤﺎﻋﻴﻦ ﺑﺎﻟﺤﻮﺽ ﺍﻟﻲ ﺑﺎﻟﺴﺎﺣﺔ ﻣﺎﻝ ﺍﻟﺤﻮﺵ .. ﺷﻔﺖ ﻋﻤﺘﻲ ﺣﻤﺪﻳﺔ ﺩﺧﻠﺖ ﻟﻠﺪﻳﻮﺍﻧﻴﺔ .. ﻭﻭﺭﻯ ﺷﻮﻳﻪ ﺻﻮﺕ ﻋﻤﻲ ﺻﺎﻟﺢ ﻭﺟﺪﻱ ﺭﺝ ﺍﻟﺒﻴﺖ . ﻣﻬﺪﻱ ﺑﻐﺮﻓﺘﻪ ﻃﻠﻊ ﻋﻠﻰ ﺍﻟﺼﻮﺕ ﺣﺘﻰ ﻋﻤﺘﻲ ﻟﻤﻴﻌﺔ ..
- ﺷﻜﻮ ﺻﺎﻟﺢ ﻋﺎﺩ ﻛﻮﻟﻮ ﻧﻔﺴﻪ ﻣﻮ ﺯﻳﻦ ﻋﻠﻴﻬﺎ ﺍﻟﻬﺒﻄﺔ ..
ﺻﺎﺡ ﺑﻴﻬﺎ .. ﺑﻨﺘﺞ ﻭﻳﻦ ﻟﻴﺶ ﻣﺎﻛﻠﺘﻴﻠﻲ ﻋﻠﻰ ﻋﻤﻠﺘﻬﺎ ..
- ﻳﺎﻋﻤﻠﺔ ﻭﻋﺎﻳﻨﺖ ﻋﻠﻰ ﻋﻤﺘﻲ ﻭﺧﺰﺭﺗﻬﺎ .. ﺍﻟﻈﺎﻫﺮ ﺭﺍﺩ ﺗﻈﻢ ﺍﻟﺴﺎﻟﻔﻪ ﻻﻥ ﺗﺨﺺ ﺑﻨﺎﺗﻬﺎ ﻭﻭﻛﺖ ﻣﺎﻋﺮﻓﺖ ﺍﻧﻲ ﺑﺎﻟﺴﺎﻟﻔﻪ ﺟﺮﺗﻨﻲ ﻣﻦ ﺷﻌﺮﻱ ﻭﺿﺮﺑﺘﻨﻲ ..
- ﺻﺎﻟﺢ ﺳﺎﻟﻔﻪ ﻣﺎﺳﺨﺔ ﻭﺭﺍﺣﺖ ﻫﻦ ﺍﺧﻮﺍﺕ ﺑﻴﻨﻬﻦ ..
ﺭﺩ ﻋﻠﻴﻬﺎ ﺟﺪﻱ ﺑﻌﺼﺒﻴﻪ . ﻳﺎﺍﺧﻮﺍﺕ ﻟﻴﺶ ﺍﻛﻮ ﺍﺧﺖ ﺗﻔﻀﺢ ﺍﺧﺘﻬﺎ . . ﻳﻌﻨﻲ ﻟﻮ ﻣﺎﻟﺴﻴﺪ ﻋﺎﻗﻞ ﻭﻣﺤﺘﺮﻡ ﺟﺎﻥ ﻃﻠﮕﻬﺎ ﺑﻠﻴﻠﺘﻬﺎ ﻭﺍﻧﻔﻀﺤﻨﺎ .. ﺍﻧﺘﻲ ﺷﻤﺨﻠﻔﻪ ﻣﺎﺗﮕﻠﻴﻠﻲ ﻭﺍﻟﻠﻪ ﺻﺮﺕ ﺍﺿﻮﺝ ﻣﻦ ﺗﺠﻴﺒﻠﻨﺎ ﺧﻠﻔﻪ . ﻻﻥ ﻣﺎﻳﺠﻲ ﻣﻦ ﺧﻠﻔﺘﺞ ﺑﺲ ﺷﻼﻉ ﺍﻟﻜﻠﺐ ﻭﺍﻟﻤﺸﺎﻛﻞ ..
ﺭﺍﺩﺕ ﺗﺤﺠﻲ ﻋﻤﺘﻲ ﻟﻤﻴﻌﺔ ﻃﺮﺩﻫﺎ ﻋﻤﻲ ﺻﺎﻟﺢ ﻟﻠﻐﺮﻓﻪ ﻭﺩﺧﻞ ﻫﻮ ﻭﻣﻬﺪﻱ ﻟﻠﻐﺮﻓﻪ ﮔﻈﻮﻫﺎ ﮔﻈﻴﺎﻥ .. ﺍﺧﺮ ﺷﻲ ﺩﺧﻞ ﻣﻬﺪﻱ ﻟﻠﻤﻄﺒﺦ ﺣﻤﻰ ﺳﺠﻴﻨﻪ ﻭﺟﻮﺍﻫﺎ ﺑﻴﺪﻫﺎ ﻭﺻﻮﺗﻬﺎ ﻭﺻﻞ ﺍﻟﺴﺎﺑﻊ ﺟﺎﺭ ..
ﺍﻟﺠﻬﺎﻝ ﺗﺴﻮﺩﻧﺖ ﻣﻦ ﺳﻤﻌﻮﻫﺎ .. ﺍﺧﺬﺕ ﺣﻜﻤﺖ ﻭﺩﺧﻠﺖ ﻟﻠﻐﺮﻓﻪ ﮔﻌﺪﺕ ﺍﻟﻬﻲ ﺑﻲ ..
ﻭﻫﻮ ﻳﺴﺄﻟﻨﻲ .. ﻳﻤﺔ ﺷﻴﺴﻮﻟﻬﺎ ﺍﺑﻮﻱ ﻟﻴﺶ ﺣﻤﺔ ﺍﻟﺴﺠﻴﻨﻪ ﻉ ﺍﻟﺠﻮﻟﻪ ..
ﻣﺎﺟﺎﻭﺑﺘﻪ ﻭﻣﺎﻋﺮﻓﺖ ﺷﺤﺠﻲ ﻣﻦ ﺍﻟﺨﻮﻑ ﺍﺣﺲ ﻛﻞ ﺟﺴﻤﻲ ﻳﺮﺟﻒ .. ﺍﺟﺖ ﻋﻤﺘﻲ ﻭﺟﻬﺔ ﺍﺻﻔﺮ ﻛﻌﺪﺕ ﺑﺎﻟﻜﺎﻉ ﻭﻣﺪﺩﺕ ﺭﺟﻠﻴﻬﺎ .. ﺑﻴﺒﻲ ﺣﻜﻤﺖ ﺟﻴﺒﻠﻲ ﻣﺎﻱ ..
- ﺍﻱ ﻋﻤﺔ .. ﻫﻮ ﻣﺘﻌﻮﺩ ﻳﺴﻤﻴﻬﺎ ﻋﻤﺔ ﻻﻥ ﻳﺴﻤﻌﻨﻲ . .
ﮔﻌﺪﺕ ﻳﻤﻬﺎ .. ﻋﻤﺔ ﻟﻴﺶ ﮔﻠﺘﻴﻠﻬﻢ ..
- ﺍﺣﺴﻦ ﺍﻧﺘﻲ ﻣﺎﺗﻌﺮﻓﻴﻬﻦ ﺫﻧﻲ . ﻟﻮ ﺍﻟﺞ ﺻﻠﻪ ﺑﺎﻟﺴﺎﻟﻔﻪ ﺟﺎﻥ ﻓﻀﺤﻨﺞ .. ﺑﺲ ﻋﺒﻦ ﺑﻴﻨﺎﺗﻬﻦ ﻃﻤﻄﻤﻨﻬﺎ ﻭﺣﺘﻰ ﻟﻮ ﺳﻜﺘﻦ ﻣﺴﺘﻌﺪﺍﺕ ﻳﻠﻮﻓﻨﻬﺎ ﻋﻠﻴﺞ ﻭﻳﮕﻮﻟﻦ ﻫﻲ ﺍﻟﺴﻮﺕ ﻫﻴﺞ
ﻣﻠﻴﺖ ﻣﻦ ﺳﻮﺍﻟﻔﻬﻢ .. ﺳﺎﻋﻪ ﺍﻓﻜﺮ ﺍﮔﻮﻝ ﺍﻻﺑﻮﻱ ﻳﺸﻮﻓﻠﻨﺎ ﺑﻴﺖ ﺍﻧﻲ ﻭﻳﺎﻩ ﻭﺍﻧﺘﻲ ﻭﺣﻜﻤﺖ ..
ﺑﺲ ﺍﻋﺮﻑ ﺍﺑﻮﻱ ﻣﺎﻳﻘﺒﻞ ﻳﻤﻮﺕ ﺑﻐﻴﺮ ﺣﻮﺷﻪ ..
ﺍﺍﺍﺍﻩ ﻳﻔﺎﺭﺱ ﻭﻳﻦ ﺻﻔﻰ ﺑﻴﻚ ﺍﻟﺪﻫﺮ ﻭﻋﻔﺘﺘﻲ ﻫﻴﺞ ..
ﻣﺮ ﻛﻢ ﻳﻮﻡ ﺍﻟﺒﻴﺖ ﻋﺒﺎﺭﺓ ﻋﻦ ﻛﺘﻠﺔ ﺣﺰﻥ .. ﺣﺠﻲ ﺧﻀﻴﺮ ﺍﻋﺘﺰﻝ ﺍﻟﺒﻴﺖ ﻭﻗﺮﺭ ﻳﺮﻭﺡ ﻓﺘﺮﺓ ﻟﻠﺒﺮ ﺑﺎﻟﺴﻤﺎﻭﻩ ﻳﻢ ﺑﻴﺖ ﺍﻟﺠﺪﺓ ﺣﺴﻨﻪ ﺍﻟﻲ ﻭﻟﺪﺕ ﺣﻜﻤﺖ ..
ﻓﺮﺣﺖ ﻭﺗﻤﻨﻴﺖ ﺍﺭﻭﺡ ﻭﻳﺎﻩ .. ﺑﺲ ﺩﻭﺍﻣﺎﺕ ﺣﻜﻤﺖ ﻣﻨﻌﺘﻨﻲ ﻋﻤﺘﻲ ﺣﺠﺖ ﻭﻱ ﺟﺪﻱ ﻳﺎﺧﺬﻧﻲ ﻭﻳﺎﻩ ﺍﺭﺗﺎﺡ ﻭﺍﻏﻴﺮ ﺟﻮﺓ ﻭﻱ ﺍﻟﺒﻨﺎﺕ ..
ﻗﺒﻞ ﻳﻨﺘﻈﺮﻧﻲ ﻭﺟﺎﻧﺖ ﺍﻟﻔﺮﺣﺔ ﻣﺎﺳﺎﻳﻌﺘﻨﻲ .. ﺑﺲ ﺭﺍﺡ ﻳﺠﻲ ﺭﻣﻀﺎﻥ ﻭﺟﺪﻱ ﻛﺎﻝ ﺭﺍﺡ ﺍﻛﻠﻒ ﺳﻴﺪ ﻫﺎﺷﻢ ﺑﻤﻜﺎﻧﻲ ﻭﺍﺭﻭﺡ ﻋﻠﻤﻮﺩ ﺍﻟﺠﺎﻣﻊ ﻭﺍﻻﺫﺍﻥ ..
ﻣﻬﺪﻱ ﻣﻦ ﺍﻟﻲ ﺻﺎﺭ ﻣﺎﻋﺪﺕ ﺍﺣﺴﻪ ﺭﺟﻠﻲ ﺣﺘﻰ ﻣﺎﻳﺤﺎﻭﻝ ﻳﺼﻠﺢ ﺍﻟﻲ ﺑﻴﻨﺎ ﻭﺩﻭﺭ ﻋﻤﺘﻲ ﻣﮕﺎﺑﻠﺘﻨﻲ ﺑﺎﻟﻐﺮﻓﻪ ..
ﺍﻧﻲ ﻫﻢ ﺗﻌﻮﺩﺕ ﻋﻠﻰ ﺟﻔﺎﻩ ﻭﺳﻮﺍﻟﻔﻪ ﻭﻳﺎﻱ . ﻟﻤﻴﺖ ﻫﺪﻭﻡ ﺣﻜﻤﺖ ﻭﺍﻭﻝ ﻣﺎﺧﻠﺺ ﺍﻣﺘﺤﺎﻧﺎﺕ ﺳﺎﻓﺮﻧﺎ ﺍﻧﻲ ﻭﺟﺪﻱ ﻭﻋﻤﺘﻲ ﻭﻳﺎﻧﺎ ..
ﺍﻭﻝ ﻣﺎﻭﺻﻠﻨﺎ ﺭﺣﺒﻮﺍ ﺑﻴﻨﺎ . ﺳﻌﺪﻳﻪ ﺍﺑﻨﻬﺎ ﺍﻛﺒﺮ ﻣﻦ ﺣﻜﻤﺖ . ﻭﺍﻟﺒﻨﺎﺕ ﺍﻏﻠﺒﻬﻦ ﻣﺘﺰﻭﺟﺎﺕ ﻭﻋﻨﺪﻫﻦ ﺟﻬﺎﻝ ..
ﺳﺄﻟﻦ ﻋﻤﺘﻲ ﻋﻠﻰ ﻋﻤﻲ ﻓﺎﺭﺱ ﻭﻫﻴﺠﻦ ﻣﻮﺍﺟﻌﻬﺎ ﻭﺍﺣﺰﺍﻧﻬﺎ
ﺳﻌﺪﻳﻪ ﺍﻟﻤﺴﻜﻴﻨﻪ ﺭﺟﻠﻬﺎ ﺟﺎﺑﻮﻩ ﺷﻬﻴﺪ ﻭﻣﺎﺷﺎﻑ ﺍﺑﻨﻪ ..
ﻋﻤﺘﻲ ﻣﻦ ﺳﻤﻌﺖ ﮔﺎﻟﺖ ..
- ﻭﻟﺞ ﺭﺿﻮﻩ ﻣﺎﺗﺨﻠﻴﻨﺎ ﻧﺨﻄﺒﻬﺎ ﺍﻟﻬﺎﺩﻱ ﻫﻢ ﺣﻠﻮﺓ ﻭﻧﺎﺩﺭﺓ ﻭﻓﻘﻴﺮﺓ ﻭﻫﻢ ﻳﻜﺴﺐ ﺑﻴﻬﺎ ﺛﻮﺍﺏ .. ﻭﻳﺮﺑﻲ ﻫﺎﻟﻴﺘﻴﻢ ..
- ﻭﺍﻟﻠﻪ ﻋﻤﺔ ﻣﺎﺍﺩﺭﻱ ﻣﻨﻮ ﻳﻜﻮﻝ ﻋﻤﻲ ﻳﻮﺍﻓﻖ ﻣﻮ ﺗﺪﺭﻳﻪ ﻣﺎﺭﺍﺿﻲ ﻳﺘﺰﻭﺝ ..
- ﺷﻌﻠﻴﺞ ﺍﻧﺘﻲ ﺍﻧﻲ ﺍﻗﻨﻌﻪ ﺑﺲ ﺧﻠﻲ ﺍﺷﻮﻑ ﺭﺩ ﺳﻌﺪﻳﻪ ..
- ﺑﺲ ﻫﻲ ﺟﺎﻧﺖ ﺗﺤﺒﻪ ﺍﻟﺮﺟﻠﻬﺎ ﺧﺎﻑ ﻣﺎﺗﺮﺿﻰ ..
ﺍﺗﻨﻬﺪﺕ .. ﺍﻱ ﺑﻬﺎﻱ ﺣﻘﻬﺎ ﺍﻟﺘﺤﺐ ﻣﺎﺗﮕﺪﺭ ﺗﻨﺴﻰ ﺍﺳﺄﻟﻴﻨﻲ ﺍﻧﻲ ﻛﻞ ﻳﻮﻡ ﻳﻤﺮ ﻭﻫﻮ ﻣﻮﺵ ﻳﻤﻲ ﻳﺰﻳﺪ ﺣﺒﻲ ﺍﻟﻪ ﺍﻛﺜﺮ ﻭﺍﻛﺜﺮ ..
ﺍﺟﻮﺍﺀ ﺭﻣﻀﺎﻥ ﻋﻨﺪﻫﻢ ﻣﺎﺗﻘﻞ ﻋﻦ ﺍﺟﻮﺍﺋﻨﺎ .. ﺑﺲ ﻫﻤﺔ ﻛﻠﻪ ﻓﻄﻮﺭﻫﻢ ﺛﮕﻴﻞ .. ﺧﺒﺰ ﺳﻴﺎﺡ ﺗﺨﺒﺰ ﺟﺪﺓ ﺣﺴﻨﻪ ﻭﺍﻟﺒﻨﺎﺕ ﺭﻏﻢ ﻛﺒﺮﺍﻧﺔ ﺑﺲ ﺑﻌﺪﻫﺎ ﺑﺤﻴﻠﻬﺎ .. ﻭﺍﻟﺴﻤﺞ ﺍﻟﻤﺴﮕﻮﻑ ﺍﺑﺪ ﻣﺎﻳﻨﻤﻠﻦ ﻟﻮ ﺍﻟﻤﻔﻄﺢ ﺗﺼﺒﻪ ﺑﺼﻴﻨﻴﻪ ﺟﺒﻴﺮﺓ ﻭﻛﻠﻨﺎ ﻧﮕﻌﺪ ﺩﺍﻳﺮ ﻣﺪﺍﻳﺮﻫﺎ ﻣﺎﻋﻨﺪﻫﻢ ﻣﺜﻠﻨﺎ ﻣﺎﻋﻴﻦ ﻭﺳﻔﺮﺓ ﻃﻮﻳﻠﻪ ..
ﺑﺲ ﺍﻧﻲ ﻭﻋﻤﺘﻲ ﺑﻌﺪ ﺍﻟﻔﻄﻮﺭ ﻣﺎﻧﮕﺪﺭ ﻧﮕﻮﻡ ﻧﺤﺲ ﺍﺭﻭﺍﺣﻨﺎ ﺛﮕﺎﻝ ﻣﻦ ﺍﻻﻛﻞ ﻭﺍﻟﺒﻨﺎﺕ ﻳﻀﺤﻜﻦ ﻋﻠﻴﻨﺎ ..
ﺑﺲ ﺣﻜﻤﺖ ﺗﻌﻮﺩ ﻭﻱ ﺟﺪﻩ ﻭﻣﺎﻳﻘﺒﻞ ﻳﺠﻲ ﻳﮕﻮﻝ ﺍﻛﻮ ﺣﺮﻡ ﺑﺎﻟﺒﻴﺖ ﻓﺸﻠﻪ ﺍﺩﺧﻞ .. ﺻﺎﺭ ﻣﺘﻌﻠﻢ ﺣﺠﻴﻬﻢ ..
ﻟﻤﻦ ﺳﺤﻠﺘﻪ ﺳﻌﺪﻳﻪ ﻭﺩﺧﻠﺘﻪ .. ﻭﻟﻚ ﻟﻴﺶ ﺗﺴﺘﺤﻲ ﺍﻧﺖ ﺑﺤﺴﺒﻪ ﺍﺑﻨﻲ ﻏﻴﺮ ﺍﻧﻲ ﺍﻟﺮﺿﻌﺘﻚ ..
ﺻﻔﻨﺖ ﻋﻠﻴﻬﺎ . . ﺗﺬﻛﺮﺕ ﻣﻦ ﺭﺿﻌﺘﻪ ﻭﻱ ﺍﺑﻨﻬﺎ ﺳﻌﺪ ..
ﺿﺤﻜﺖ .. ﻭﺍﻧﻲ ﺍﮔﻮﻝ ﻫﻮ ﻭﺳﻌﺪ ﻣﺘﻮﺍﻟﻤﻴﻦ ﺟﻴﻒ ﺍﺧﻮﺍﻥ ﻭﺭﺍﺿﻌﻴﻦ ﺳﻮﺓ ..
ﺍﺗﻨﻬﺪﺕ ﺳﻌﺪﻳﻪ .. ﺳﻮﺩﺓ ﻋﻠﻴﻪ ﺍﻧﺤﺮﻡ ﻣﻦ ﺍﻻﺧﻮ ﺑﺲ ﺍﻟﺴﻠﻒ ﻭﺍﻟﺒﺮ ﻛﻠﻬﻢ ﺍﺧﻮﺗﻪ ﻛﻠﻬﺎ ﺗﺤﺒﻪ ﻭﺗﺮﻳﺪ ﺧﺎﻃﺮﻫﺎ..بيج قصص عراقيه حقيقيه من واقعنا.روعه الطائي
ﺭﺩﻳﺖ ﻋﻠﻴﻬﺎ .. ﺍﻟﻠﻪ ﻳﺤﻔﻈﺔ ﺍﻟﺞ ..
ﺑﻘﻴﻨﺎ ﻋﻨﺪﻫﻢ ﺍﻟﻨﻬﺎﻳﺔ ﺭﻣﻀﺎﻥ ﻭﺍﺧﺮ ﻳﻮﻡ ﺭﺟﻌﻨﺎ ..
ﺩﺧﻠﻨﺎ ﺍﻟﻌﺼﺮﻳﺎﺕ ﺟﺎﻧﺖ ﻋﻨﺪﻫﻢ ﻋﺮﻭﺑﻪ ﺍﺧﺖ ﺑﺘﻮﻝ ..
ﺍﺳﺘﻐﺮﺑﻨﺎ ﻣﻦ ﺷﻔﻨﺎﻫﺎ ﻣﻮ ﻋﻮﺍﻳﺪﻫﺎ ﺗﺠﻲ ..
ﻃﻔﺮﺕ ﻣﻦ ﺷﺎﻓﺖ ﺟﺪﻱ ﻟﺒﺴﺖ ﺣﺠﺎﺑﻬﺎ .. ﻭﺍﺗﻘﺮﺑﺖ ﺳﻠﻤﺖ ﻋﻠﻴﻨﺎ ﻭﺭﺍﺣﺖ ﺗﺒﻮﺱ ﺍﻳﺪ ﺟﺪﻱ ﺳﺤﺒﻬﺎ ﻭﮔﺎﻟﻬﺎ ﺍﺳﺘﻐﻔﺮ ﺍﻟﻠﻪ ﺑﻨﻴﺘﻲ ﻣﺎﻳﺼﻴﺮ ..
ﻳﻠﻪ ﺑﻮﻳﻪ ﺍﻧﻲ ﺍﺭﺗﺎﺡ ﻣﻦ ﺍﻟﻄﺮﻳﻖ ﻭﮔﻌﺪﻳﻨﻲ ﺣﻤﺪﻳﺔ ﻗﺒﻞ ﺍﻻﺫﺍﻥ ..
ﺩﺧﻠﺖ ﺍﻟﻐﺮﺍﺽ ﻟﻠﻐﺮﻓﺔ ﻭﺭﺗﺒﺖ ﺍﻟﻤﺴﻮﺍﻙ ﻭﺍﻟﺤﻠﻴﺐ ﻭﺍﻻﺟﺒﺎﻥ ﻭﺍﻟﻠﺤﻢ ﺍﻟﻲ ﺍﻧﻄﻮﻧﻴﺎﻫﺎ ﻫﻨﺎﻙ ..
ﮔﺼﺼﺖ ﺍﻟﻠﺤﻢ ﺑﺼﻮﺍﻧﻲ ﻭﺧﻠﻴﺘﻬﻦ ﺑﺎﻟﻤﺠﻤﺪﺓ .. ﻭﺿﻤﻴﺖ ﺍﻟﺠﺒﻦ ﻭﺍﻟﺤﻠﻴﺐ .. ﺟﺎﻧﻦ ﻛﻠﻬﻦ ﻣﺘﺠﻤﻌﺎﺕ ﺑﺎﻟﺴﺎﺣﺔ ﻣﻦ ﺍﺟﻴﻨﺎ ﺗﻄﺸﺮﻥ ..
ﺣﻜﻤﺖ ﮔﻌﺪ ﻳﺴﻮﻟﻒ ﻭﻱ ﺍﺧﻮﺗﻪ ﻉ ﺍﻟﺒﺮ ﻭﺍﻟﺠﻤﺎﻝ ﻭﺍﻟﺤﻼﻝ ﺍﻟﻬﻨﺎﻙ .. ﻭﺟﺎﻳﺒﻠﻬﻢ ﺻﻮﻏﺎﺕ ﻟﺒﺲ ﻣﺜﻞ ﻟﺒﺲ ﺍﻟﺒﺪﻭ ﻫﺬﺍ ﻟﺒﺴﻬﻢ ..
ﻭﺭﺓ ﻣﺎﻛﻤﻠﻨﺎ ﻓﻄﻮﺭ ﺍﺟﻮ ﻋﻤﺎﻣﻲ ﺳﻠﻤﺖ ﻋﻠﻴﻬﻦ ﺟﺎﻥ ﻋﻤﻲ ﻫﺎﺩﻱ ﻋﻴﻮﻧﺔ ﺷﺎﺑﺤﺔ ﺑﺎﻟﺒﻴﺖ ﺗﺪﻭﺭ ﻭﺟﻦ ﻣﻀﻴﻊ ﺷﻲ ..
ﺟﺎﻥ ﻣﺰﻳﻦ ﻭﻃﺎﻟﻊ ﺷﺤﻼﺗﻪ ..
ﻋﻤﺘﻲ ﺣﻤﺪﻳﺔ ﻣﻦ ﺷﺎﻓﺘﻪ .. ﺿﺤﻜﺖ ﺯﻳﺎﻥ ﺍﻟﻌﺮﺱ ﺍﻥ ﺷﺎﺀ ﺍﻟﻠﻪ ﺧﻮﻳﻪ .. ﺿﺤﻚ ﻫﻮ ﻭﻻﻭﻝ ﻣﺮﺓ ﺑﻌﺪ ﻭﻓﺎﻩ ﻋﻤﺘﻲ ﺑﺜﻴﻨﺔ ﻣﻦ ﻳﺠﻴﺒﻮﻥ ﻃﺎﺭﻱ ﺍﻟﺰﻭﺍﺝ ﻳﻀﻮﺝ ﻭﻳﻨﻘﻬﺮ .. ﺑﺲ ﻫﺴﺎ ﺍﺳﺘﻘﺒﻞ ﺍﻟﺤﺠﻲ ﺑﻀﺤﻜﺔ ..
ﻛﻤﻠﺖ ﻋﻤﺘﻲ ﻛﻼﻣﻬﺎ .. ﺷﻠﻮﻥ ﻣﺮﺓ ﺷﻔﺘﻠﻚ ﻫﻨﺎﻙ ﺑﺎﻟﺒﺮ ﺗﺨﺒﻞ ﺣﺴﻦ ﻭﺟﻤﺎﻝ ﻭﺍﺧﻼﻕ ..
ﺣﺠﺖ ﺑﺘﻮﻝ .. ﻭﺑﻜﻴﻔﺞ ﺗﺨﻄﺒﻴﻦ ﻋﻤﺔ ﻏﻴﺮ ﺗﺎﺧﺬﻳﻦ ﺭﺍﻳﻪ
ﺭﺩﺕ ﻋﻠﻴﻬﺎ ﻋﻤﺘﻲ .. ﺍﻧﺘﻲ ﻣﺎﻟﺞ ﺷﻐﻞ ﻻﺗﺤﺸﺮﻳﻦ ﺭﻭﺣﺞ
ﻋﻤﻲ ﻫﺎﺩﻱ ﻣﺎﻋﻠﻖ ﻋﻠﻰ ﺣﺠﻴﻬﺎ .. ﻛﺎﻡ ﻏﺴﻞ ﻭﺗﻮﺿﻰ ﻭﺻﻠﻴﻨﺎ . ﻣﻦ ﺧﻠﻴﻨﺎ ﺍﻟﺴﻔﺮﺓ ﺑﺎﻟﺴﺎﺣﺔ .. ﮔﻌﺪﻧﺎ ﻛﻠﻨﺎ ﻭﺑﻌﺪﻧﺎ ﺍﺟﺖ ﻋﺮﻭﺑﻪ ﺑﻴﺪﻫﺎ ﺻﻴﻨﻴﺔ ﻣﺤﻠﺒﻲ ﺷﺎﻳﻠﺘﻬﺎ ﻭﺯﻋﺘﻬﺎ ﺑﺎﻟﺴﻔﺮﺓ ﻭﺟﺪﻱ ﻛﺢ ﻭﺩﺍﺭ ﻭﺟﻬﺔ ..
ﻣﺎﻋﺪﻧﺎ ﻣﺮﺓ ﻏﺮﻳﺒﻪ ﺗﮕﻌﺪ ﺑﻴﻦ ﺍﻟﺰﻟﻢ .. ﺻﺢ ﻋﺮﻭﺑﺔ ﺍﺧﺖ ﺑﺘﻮﻝ ﻭﺑﻨﺖ ﺍﺧﻮ ﻋﻤﺘﻲ ﻟﻤﻴﻌﺔ ﺑﺲ ﺗﻌﺘﺒﺮ ﻏﺮﻳﺒﻪ ﻋﻦ ﻋﻤﺎﻣﻲ ﻭﺟﺪﻱ ﻭﺍﻟﺘﻮﺃﻡ ..
ﺍﻛﻠﺖ ﻭﻳﺎﻧﺎ ﻭﺟﺪﻱ ﻣﺎﻋﺎﺟﺒﻪ ﺍﻟﻮﺿﻊ ﻭﻳﺘﺄﻓﺄﻑ ﻭﻳﺴﺘﻐﻔﺮ ..
ﻋﻤﻲ ﺻﺎﻟﺢ ﺣﺲ ﺧﺰﺭ ﻋﻤﺘﻲ ﻟﻤﻴﻌﺔ ﻃﻠﻌﺖ ﺣﺠﺔ ﺻﺪﺍﻡ ﻳﺒﺠﻲ ﮔﺎﻟﺘﻠﻬﺎ .. ﻋﺮﻭﺑﻪ ﻣﺎﺗﺸﻮﻓﻴﻦ ﺻﺪﺍﻡ ﺷﺒﻲ ..
ﮔﺎﻣﺖ ﻋﺮﻭﺑﺔ ﻭﻋﻤﺘﻲ ﻭﺭﺍﻫﺎ ﻭﺑﻌﺪ ﻣﺎﺭﺟﻌﺖ ﺍﻟﻰ ﺍﻥ ﻛﻤﻠﻨﺎ ﻓﻄﻮﺭ .. ﻋﺎﻳﻦ ﺟﺪﻱ ﻋﻠﻰ ﻋﻤﻲ ﺻﺎﻟﺢ .. ﺷﻨﻲ ﻟﺒﺎﻟﻜﻢ ﻣﺎﺍﺭﺟﻊ ﺑﻌﺪ ﻭﻗﻮﺍﻧﻴﻨﻜﻢ ﺗﻐﻴﺮﺕ .. ﻃﻮﻝ ﻋﻤﺮﻱ ﻣﺎﺍﺭﺿﻰ ﺑﺎﻟﻐﻠﻂ ﻭﺭﺍﺡ ﺍﺑﻘﻰ ﻫﻴﺞ ﺑﻨﻴﻪ ﺻﻐﻴﺮﺓ ﻭﻣﺤﺮﻣﺔ ﻋﻠﻴﻜﻢ ﺷﻠﻮﻥ ﮔﺎﻋﺪﺓ ﺑﻮﺳﻄﻜﻢ ﻭﺍﻳﺪﻫﺎ ﻭﻧﺺ ﺷﻌﺮﻫﺎ ﻃﺎﻟﻊ ..
ﺿﺎﺟﺖ ﺑﺘﻮﻝ ﻣﻦ ﺣﺠﻲ ﺟﺪﻱ ﻭﮔﺎﻣﺖ ..
ﺟﺪﻱ ﻛﻤﻞ ﺍﻟﺤﺠﻲ ﻭﻛﺎﻡ ﻏﺴﻞ ﻭﻃﻠﻊ .. ﻫﻦ ﻛﻠﻬﻦ ﺑﻘﻦ ﺑﺎﻟﻐﺮﻓﻪ ﻣﺎﻧﻌﺮﻑ ﺷﺒﻴﻬﻦ ﻳﻤﻜﻦ ﺯﻋﻠﻦ ﻣﻦ ﺣﺠﻲ ﺟﺪﻱ ..
ﻛﻤﻠﻨﺎ ﺷﻐﻞ ﺍﻧﻲ ﻭﺳﺪﺍﺩ ﺭﻏﻢ ﺗﻌﺒﺎﻧﻪ ﺍﺟﻴﺖ ﻭﺑﻌﺪﻫﺎ ﺍﺟﺖ ﺑﺘﻮﻝ ﺑﺲ ﻣﺎﺣﺠﺖ ﺍﺑﺪ ..
ﻣﻦ ﻃﻠﻌﺖ ﻣﻦ ﺍﻟﻤﻄﺒﺦ ﺳﻤﻌﺘﻬﺎ ﺗﺤﺠﻲ ﻭﻱ ﺳﺪﺍﺩ . ﻫﺬﺍ ﺍﻟﻌﺠﻴﺰ ﺷﻌﻨﺪﺓ ﺭﺟﻊ ﺟﻨﺎ ﻣﺮﺗﺎﺣﻴﻦ ﻣﻨﻪ .. ﻳﺮﻳﺪ ﻳﻤﺸﻲ ﺍﻟﺒﻴﺖ ﻋﻠﻰ ﻣﺰﺍﺟﻪ .. ﺑﺲ ﺍﻻ ﺍﺟﻴﺒﻬﺎ ﻭﺍﮔﻌﺪﻫﺎ ﻋﻠﻰ ﮔﻠﺒﻪ
ﻫﺰﻳﺖ ﺭﺍﺳﻲ ﻭﺿﺎﻳﺠﺔ ﻣﻦ ﺣﺠﻴﻬﺎ ﻋﻠﻰ ﺟﺪﻱ ..
ﻣﺎﺍﻗﺒﻞ ﺍﺣﺪ ﻳﺤﺠﻲ ﻋﻠﻴﻪ ﻻﻥ ﻟﻮ ﺍﻋﺮﻓﻪ ﺑﺎﻃﻞ ﻭﻣﺎﻳﺤﺠﻲ ﺍﻟﺤﮓ ﺟﺎﻥ ﻛﻠﺖ ﺣﻘﻬﻦ .. ﺑﺲ ﺟﺪﻱ ﻳﺴﺘﺤﺮﻡ ﻭﻳﺨﺎﻑ ﺍﻟﻠﻪ ..
ﺛﺎﻧﻲ ﻳﻮﻡ ﺍﻟﻌﻴﺪ ﻭﺍﻟﻮﺟﻮﻩ ﻛﻠﻬﺎ ﻣﮕﻠﺒﻪ .. ﺑﺲ ﻣﺎﻏﻴﺮﻧﺎ ﻋﺎﺩﺗﻨﺎ ﻭﮔﻌﺪﺗﻨﺎ ﻣﻦ ﺍﻟﺼﺒﺢ ﺣﻀﺮﻧﺎ ﻛﻠﺸﻲ ﻣﺜﻞ ﻛﻞ ﻋﻴﺪ ..
ﺭﺣﺖ ﺍﻟﺒﺲ ﺣﻜﻤﺖ ﻫﺪﻭﻣﺔ ﺍﻟﺠﺪﺩ ..
ﺍﻧﺪﮔﺖ ﺍﻟﺒﺎﺏ ﻭﺩﺧﻞ ﻣﻬﺪﻱ .. ﺍﻧﺼﺪﻣﺖ ﻣﻦ ﺷﻔﺘﻪ ﺷﻬﻮﺭ ﻭﻫﻮ ﻣﺎﺟﺎﻳﻨﻲ .. ﺍﻭ ﻳﻤﻜﻦ ﺍﻟﻲ ﺻﺎﺭ ﺑﻌﺪﻧﺎ ﻋﻦ ﺑﻌﻀﻨﺎ ..
ﺑﺪﺃ ﺑﺎﻟﺤﺠﻲ ﻭﻋﺎﻳﺪﻧﻲ ..
ﻋﻴﺪﺝ ﻣﺒﺎﺭﻙ ﺭﺿﻮﻩ ﻋﺴﺎﺝ ﻣﻦ ﻋﻮﺩﺍﺓ ..
ﺭﺩﻳﺖ ﻋﻠﻴﻪ ﻭﻋﻴﺪﻙ ﺍﻥ ﺷﺎﺀ ﺍﻟﻠﻪ ..
ﻃﻠﻊ ﺩﻳﻨﺎﺭ ﻣﻦ ﺟﻴﺒﻪ ﻭﺻﺎﺡ ﺣﻜﻤﺖ ﺑﺎﺳﻪ ﻭﺧﻼﻩ ﺑﻴﺪﺓ ..
ﺣﻜﻤﺖ ﻓﺮﺡ ﻭﺣﻀﻨﻪ ﺷﮕﺪ ﻳﻨﻄﻴﻪ ﺟﺪﻱ ﻭﻳﺠﻤﻊ ﺑﺲ ﻣﺎﻳﻔﺮﺡ ﻫﻴﺞ ﺟﻴﻒ ﺍﻟﻌﻴﺪﻳﻪ ﻣﻦ ﺍﺑﻮﻩ ..
ﻃﻠﻊ ﺣﻜﻤﺖ ﻓﺮﺣﺎﻥ ﺑﻴﻬﻦ .. ﻭﺍﻧﻲ ﺳﻮﻳﺖ ﺭﻭﺣﻲ ﺍﺻﻔﻂ ﺑﺎﻟﻬﺪﻭﻡ ..
- ﺑﻌﺪﺝ ﺯﻋﻼﻧﺔ ﻣﻨﻲ ..
- ﻟﻮﻳﺶ ﺍﺯﻋﻞ ﺍﻟﺼﺎﺭ ﺻﺎﺭ ..
- ﻣﺎﺍﺩﺭﻱ ﺷﻠﻮﻥ ﺳﻮﻳﺖ ﻫﻴﺞ ﻭﺍﻟﻠﻪ ﺍﺣﺲ ﻧﺎﺭ ﺷﺒﺖ ﺑﺮﺍﺳﻲ ﻟﻤﻦ ﺷﻔﺖ ﺍﻟﺜﻮﺏ .. ﺍﻧﻲ ﻫﻮﻳﺘﺞ ﻭﺭﺩﺕ ﺍﻓﺘﺢ ﺻﻔﺤﺔ ﺟﺪﻳﺪﺓ ﺑﺲ ﻣﺎﺍﺩﺭﻱ ﺷﻠﻮﻥ ﺻﺎﺭﺕ ..
- ﺍﻟﻤﺸﻜﻠﺔ ﻣﺎﺗﻌﺮﻓﻨﻲ ﻟﺴﺎ ﺍﻧﻲ ﺷﻨﻲ .. ﺷﻮﻛﺖ ﺗﻔﻬﻢ ﺍﻧﻲ ﺟﻨﺖ ﻃﻔﻠﻪ ﻳﻮﻡ ﺍﻟﻲ ﺻﺎﺭ .. ﻣﺎﺍﻋﺮﻑ ﺷﻲ ﻻﺣﺒﻴﺖ ﺣﺴﻦ ﻭﻻﺍﺣﺲ ﺑﺸﻲ ﺍﺗﺠﺎﻫﺔ ..
- ﻛﺎﻓﻲ ﺳﺪﻱ ﺍﻟﻤﻮﺿﻮﻉ ﻭﺍﻧﺴﻲ ﺧﻠﻴﻨﺎ ﻧﻔﺘﺢ ﺻﻔﺤﺔ ﺟﺪﻳﺪﺓ ﺍﺫﺍ ﺗﺮﺩﻳﻦ ..
ﺳﻜﺘﺖ ﻭﻣﺎﺭﺩﻳﺖ .. ﺣﻂ ﻓﻠﻮﺱ ﻉ ﺍﻟﺠﺮﺑﺎﻳﺔ ﮔﺎﻝ ﻫﺎﻱ ﻋﻴﺪﻳﺘﺞ ﻭﻃﻠﻊ ..بيج قصص عراقيه حقيقيه من واقعنا.روعه الطائي
ﺍﻭﻝ ﻳﻮﻡ ﺍﻟﻌﻴﺪ ﺗﺠﻤﻌﻨﺎ ﻛﻠﻨﺎ ﻉ ﺍﻟﻐﺪﺍ ﻭﺍﺟﺖ ﻭﺩﺍﺩ ﻭﺍﻟﺴﻴﺪ ﻭﺟﺎﻧﺖ ﻓﺮﺣﺎﻧﺔ ﻻﻥ ﺭﺟﻌﺖ ﻋﻼﻗﺘﻬﺎ ﺑﻲ . .
ﺑﺲ ﺿﺎﻳﺠﺔ ﻻﻥ ﻣﺎﺻﺎﺭ ﻋﻨﺪﻫﻢ ﺷﻲ ﻟﺴﺎ ﻭﻫﺎﻱ ﺑﻴﺒﻴﺘﻪ ﻣﺨﺒﻠﺘﻬﺎ ﻛﻞ ﺷﻮﻳﺔ ﺗﺴﺄﻟﻬﺎ ﻣﺎﺣﺒﻠﺘﻲ ..
ﻋﺮﻭﺑﻪ ﺭﺍﺣﺖ ﺍﻻﻫﻠﻬﺎ ﻫﻲ ﻭﺑﺘﻮﻝ ﻭﺭﻯ ﺍﻟﻐﺪﺍ ..
ﻭﻻﻭﻝ ﻣﺮﺓ ﺍﮔﻌﺪ ﻭﻱ ﻭﺩﺍﺩ ﻭﺗﺴﻮﻟﻔﻠﻲ ﻋﻦ ﺣﻴﺎﺗﻬﺎ ﻫﻨﺎﻙ ..
- ﺭﺿﻮﺓ ﺣﻴﺎﺗﻬﻢ ﺣﻠﻮﺓ ﻭﺑﻴﺘﻬﻢ ﺗﺤﺴﻴﻪ ﺩﺍﻓﻲ ﺑﺲ ﺷﻐﻠﻪ ﻭﺣﺪﺓ ﻣﺎﺍﺣﺒﻬﺎ .. ﺑﻨﺎﺗﻬﻢ ﻳﻄﻠﻌﻦ ﻳﻨﻈﻔﻦ ﺍﻟﺘﺮﻙ ﻣﺎﻟﺖ ﺍﻟﺤﻼﻝ ﻭﺍﻧﻲ ﺗﻠﻌﺐ ﺭﻭﺣﻲ .. ﻫﻦ ﻣﺎﻳﺨﻠﻨﻲ ﺍﻧﻈﻒ ﺑﺲ ﺑﻴﻮﻡ ﺍﻟﻲ ﻳﻨﻈﻔﻦ ﺍﻟﺘﺮﻙ ﻭﻳﻐﺴﻠﻦ ﺍﻟﺤﻼﻝ ﻳﻄﻴﺢ ﺍﻟﺒﻴﺖ ﺑﺮﺍﺳﻲ ﻭﺑﻴﺘﻬﻢ ﺟﺒﻴﺮ .. ﻣﺎﺍﻛﺪﺭ ﺍﺣﺠﻲ ﺧﺎﻑ ﺍﻟﺴﻴﺪ ﻳﺰﻋﻞ ﻭﻫﻮ ﻫﺴﺎ ﻳﻠﻪ ﺻﺎﺭ ﺯﻳﻦ ﻭﻳﺎﻱ ﻭﻳﺘﻘﺮﺑﻠﻲ ..
- ﺻﺮﺕ ﺍﻧﺼﺤﻬﺎ ﻭﺍﮔﻠﻬﺎ ﺍﺗﺤﻤﻠﻲ ﺍﻛﺴﺒﻲ ﺭﺟﻠﺞ ﻭﺍﻟﺸﻐﻞ ﻣﺎﻳﻤﻮﺕ ﻭﻫﻮ ﻣﺒﻴﻦ ﺷﺎﺭﻳﺞ ﻭﺣﺒﺎﺏ ..
ﻣﻦ ﺷﺎﻓﺘﻨﻲ ﺍﻣﺪﺡ ﺑﻲ ﻳﻤﻜﻦ ﺣﺴﺖ ﺑﺎﻟﻐﻴﺮﺓ ﻭﺧﺎﻓﺖ ﺑﺴﺒﺐ ﺍﻟﻲ ﺳﻮﺗﻪ ﺳﺪﺍﺩ ﻭﺍﺻﻼ ﻫﻨﺎ ﺑﺎﻟﻌﻴﺪ ﻳﺎﻟﻠﻪ ﺗﺼﺎﻟﺤﻦ ..
ﮔﺎﻣﺖ ﺗﻮﺻﻔﻠﻲ ﺷﻴﺴﻮﻳﻠﻬﺎ ﺑﺎﻟﻠﻴﻞ ﻭﺷﻠﻮﻥ ﺭﻭﻣﺎﻧﺴﻲ ﻭﺷﻠﻮﻥ ﻳﺤﺒﻬﺎ ..
ﻣﺎﺍﻧﻜﺮ ﺍﻧﻘﻬﺮﺕ ﻭﺿﺠﺖ ﺑﺲ ﻣﺎﻏﺮﺕ .. ﺑﺎﻟﻌﺎﻓﻴﻪ ﻋﻠﻴﻬﺎ ﺑﺲ ﺍﻧﻲ ﻫﻢ ﺷﺎﺑﻪ ﻭﺟﻨﺖ ﺍﺗﻤﻨﻰ ﻋﻨﺪﻱ ﺭﺟﻞ ﻳﺤﺒﻨﻲ ﻫﻴﺞ
ﺗﺬﻛﺮﺕ ﻣﻦ ﻣﻬﺪﻱ ﺷﻠﻮﻥ ﻳﺤﺠﻲ ﺑﻬﺪﻭﺀ ﻓﺮﺣﺖ ﺑﻠﻜﻲ ﺍﻟﻠﻪ ﻳﻬﺪﻳﻪ ﻋﻠﻴﻪ ﻭﻳﺼﻴﺮ ﺯﻳﻦ ﻭﻳﺎﻱ ﻭﺍﻋﻮﺽ ﺍﻟﻲ ﻓﺎﺗﻨﻲ ﻭﺭﺍﺡ ﻣﻨﻲ ..
ﻟﻠﻴﻞ ﺳﻤﻌﻨﺎ ﺻﻮﺕ ﺟﺪﻱ ﻳﺼﻴﺢ .. ﺗﻄﺎﻓﺮﻧﺎ ﻛﻠﻨﺎ ﻭﮔﻔﻨﺎ ﻳﻢ ﺍﻟﺪﻳﻮﺍﻧﻴﺔ ﻣﺎﮔﺪﺭﻧﺎ ﻧﺪﺧﻞ .. ﺟﺪﻱ ﻳﺤﺠﻲ ..
ﻟﻮ ﺗﺒﻘﻰ ﺑﺲ ﻋﺮﻭﺑﻪ ﻣﺎﺗﺪﺧﻞ ﺑﻴﺘﻲ ﻣﻮ ﻛﺎﻓﻲ ﻋﻤﺘﻬﺎ ﻭﺍﺧﺘﻬﺎ ﺩﻣﺮﻥ ﺑﻴﺘﻲ .. ﻭﻋﻤﻲ ﺻﺎﻟﺢ ﮔﺎﻡ ﻳﺤﺠﻲ ﺑﻮﻳﻪ ﻛﻢ ﻣﺮﺓ ﺗﻌﻴﺪ ﻫﺎﻟﺤﺠﺎﻳﻪ ﻭﺍﺳﻜﺖ ﻉ ﺍﻻﻗﻞ ﺍﺣﺘﺮﻣﻨﻲ ﻣﺮﺗﻲ ﻫﺎﻱ ..
ﺑﺲ ﻣﻬﺪﻱ ﺟﺎﻥ ﺳﺎﻛﺖ ﻭﻣﺎﺣﺠﺔ ..
ﻭﺍﺧﺮ ﻛﻠﻤﺔ ﻋﻤﻲ ﻫﺎﺩﻱ ﺧﺘﻤﻬﺎ .. ﺑﻮﻳﺔ ﺍﻧﻲ ﻣﻮ ﺯﻋﻄﻮﻁ ﻛﻠﺒﻲ ﻫﺎﻭﻳﻬﺎ ﻭﺭﺍﻳﺪﻫﺎ ﻭﻟﻮ ﻫﻲ ﻟﻮ ﺍﺑﻘﻰ ﻋﻤﺮﻱ ﻛﻠﻪ ﺑﻼﻋﺮﺱ ..
ﺿﺤﻚ ﺟﺪﻱ .. ﺍﻣﺪﺍﻙ ﻳﺎﻻﻏﻢ ﻭﺍﻧﻲ ﺍﻛﻮﻝ ﺍﻟﺒﺖ ﺷﻌﻨﺪﻫﺎ ﻫﻨﺎ ﻃﻠﻌﻦ ﻃﺎﺑﺨﺎﺗﻬﺎ ﻭﺍﻧﺘﻦ ﺍﻟﻮﮔﻌﺖ ﺑﻴﻬﺎ ..
ﺯﻋﻞ ﻋﻤﻲ ﻫﺎﺩﻱ ﻭﻃﻠﻊ .. ﻭﺍﻟﺘﻮﺍﻡ ﻣﻦ ﺳﻤﻌﻮﺍ ﺗﺴﻮﺩﻧﻮﺍ ﻭﮔﺎﻟﻮﺍ ﺍﻻﺑﻮﻫﻢ ﻟﻮ ﺗﺰﻭﺟﺖ ﻣﺎﻧﺒﻘﻰ ﻫﻨﺎ ﻧﺮﻭﺡ ﺍﻻﺟﺪﺍﺩﻱ ﺑﺎﻟﻨﺎﺻﺮﻳﺔ ..
ﻃﺮﺩﻫﻢ ﺟﺪﻱ ﻛﻠﻬﻢ ﻣﻦ ﺍﻟﺪﻳﻮﺍﻧﻴﺔ .. ﻃﻠﻊ ﻋﻤﻲ ﺻﺎﻟﺢ ﺿﺎﻳﺞ ﺍﻟﻐﺮﻓﺘﻪ ﻭﻭﺭﺍﻩ ﻋﻤﺘﻲ ﻟﻤﻴﻌﻪ ..
ﻭﻋﻤﺘﻲ ﺣﻤﺪﻳﻪ ﺗﺴﻮﺩﻧﺖ ﻣﻦ ﺳﻤﻌﺖ ﻭﺿﻠﺖ ﺗﺼﻔﮓ ﺑﻴﺪﻫﺎ ﻭﺍﻟﻠﻪ ﻋﺮﻓﺘﻬﻦ ﻣﻮ ﺧﺎﻟﻴﺎﺕ ﻣﻮ ﻟﻠﻪ ﺟﺎﻳﺒﺎﺗﻬﺎ ﻫﻨﺎ ﺗﻠﮕﻴﻬﺎ ﻏﻮﺗﻪ ﺍﻟﻬﺎﺩﻱ ﻭﻗﺸﻤﺮﺗﻪ ﻭﻫﺬﺍ ﺻﺎﺭﻟﺔ ﻓﻮﮒ ﺍﻟﺴﻨﺔ ﻻ ﻣﺮﺓ ﻭﺣﻴﺪ ﺑﻐﺮﻓﺘﻪ ﻟﻌﺒﻨﻬﺎ ﺻﺢ ﻟﻤﻴﻌﻪ ﻭﺑﻨﺎﺕ ﺍﺧﻮﻫﺎ ..
ﺗﻌﺎﺭﻛﺖ ﻭﻳﺎﻫﺎ ﺑﺘﻮﻝ ﻭﺻﺎﺣﺖ ﻋﻠﻰ ﻣﻬﺪﻱ .. ﺷﺒﻴﻚ ﺳﺎﻛﺖ ﻣﺎﺗﺤﺠﻲ ﻣﺎﺗﺸﻮﻓﻬﻢ ﺷﻠﻮﻥ ﻳﺤﺠﻮﻥ ﻋﻠﻴﻪ ﻭﺍﻧﺖ ﻣﺎﺗﺤﺠﻲ ..
ﺧﺰﺭﻫﺎ ﻃﺒﻲ ﺍﻟﺤﺠﺮﺗﺞ ﻭﻻﺗﻄﻠﻌﻴﻦ .. ﺭﺍﺣﺖ ﻋﻤﺘﻲ ﺗﺸﻮﻑ ﺍﻟﺘﻮﺍﻡ ﻻﻥ ﺿﺎﺟﻮﺍ .. ﻭﺍﻧﻲ ﺩﺧﻠﺖ ﺣﻜﻤﺖ ﻧﻮﻣﺘﻪ ..
ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ .. ﻣﻬﺪﻱ ﮔﺒﺎﻟﻲ .. ﺍﺭﻳﺪ ﺍﻧﺎﻡ ﻳﻤﺞ ﻣﺤﺘﺎﺝ ﻫﺪﻭﺀ ﻭﺫﻳﺞ ﺍﺩﺭﻳﻬﺎ ﻣﺎﺭﺍﺡ ﺗﺨﻠﻴﻨﻲ ﺍﻧﺎﻡ ..
ﻣﺎﺣﺠﻴﺖ ﻭﺑﻘﻴﺖ ﺳﺎﻛﺘﻪ .. ﻓﺮﺵ ﺍﻟﺤﻜﻤﺖ ﻧﻮﻣﺔ ﺑﺎﻟﻔﺮﺍﺵ ﻭﺍﺟﺔ ﺗﻤﺪﺩ ﻳﻤﻲ .. ﻣﺪ ﺍﻳﺪﻩ ﻣﺎﺍﺳﻮﻱ ﺷﻲ ﺑﺲ ﻧﺎﻣﻲ ﻣﺸﺘﺎﻗﻠﺞ .. ﺍﻋﺎﻳﻦ ﻭﻣﺎﻣﺼﺪﮔﺔ ﻣﻌﻘﻮﻟﻪ ﻫﺬﺍ ﻣﻬﺪﻱ ﺗﻐﻴﺮ ﻭﺻﺎﺭ ﻫﻴﺞ ﺍﻭﻝ ﻣﺮﺓ ﻣﺎﻳﺮﺯﻟﻨﻲ ﻟﻮ ﻳﺴﻤﻌﻨﻲ ﺣﺠﺎﻳﻪ ..
ﻧﻤﺖ ﺑﺤﻀﻨﻪ ﻻﻥ ﺟﻨﺖ ﻣﺤﺘﺎﺟﺘﻪ ﻳﻄﻴﺐ ﺟﺮﻭﺣﻲ ﻭﻭﺟﻊ ﮔﻠﺒﻲ .. ﺍﻭ ﻣﺤﺘﺎﺟﺔ ﮔﺮﺑﻪ ﺣﺘﻰ ﺍﻋﻮﺽ ﺍﻟﻄﻔﻞ ﺍﻟﺮﺍﺡ ﻭﺍﺳﻮﻱ ﺍﺧﻮﺓ ﺍﻟﺤﻜﻤﺖ ﻭﺳﻨﺪ ﺍﻟﻜﺒﺮﺗﻪ !!
ﻛﻢ ﻳﻮﻡ ﻋﺸﺖ ﺍﺣﻠﻰ ﺍﻳﺎﻡ ﺣﻴﺎﺗﻲ .. ﻣﻬﺪﻱ ﺻﺎﺭ ﻣﺎﻳﻨﺎﻡ ﺍﻻ ﻳﻤﻲ .. ﺻﺮﺕ ﺍﺣﻴﺮ ﺷﺨﻴﻂ ﺟﺮﺍﺟﻒ ﻭﺍﺧﻠﻲ ﻉ ﺍﻟﺠﺮﺑﺎﻳﻪ .
ﺍﻋﺘﺬﺭ ﺍﻟﻐﺮﻓﻪ ﻭﺍﺑﺪﻝ ﻭﺍﻋﺪﻝ ﺻﺮﺕ ﻭﺣﺪﺓ ﺛﺎﻧﻴﺔ ..بيج قصص عراقيه حقيقيه من واقعنا.روعه الطائي
ﻣﻦ ﻳﺠﻲ ﺍﺗﻠﮕﺎﻩ ﻟﻠﺒﺎﺏ ﻭﺍﺧﺬ ﺍﻟﻲ ﺑﻴﺪﻩ ﻭﻳﺒﻮﺳﻨﻲ ﺑﺮﺍﺳﻲ .. ﺭﻏﻢ ﻋﻤﺘﻲ ﻣﺎﻗﺎﺑﻠﻪ ﻋﻠﻴﻪ ﺑﺲ ﻻﻭﻝ ﻣﺮﺓ ﺍﺣﺲ ﺑﻬﻴﺞ ﺍﺣﺴﺎﺱ .. ﺑﺘﻮﻝ ﺣﺎﺭﺑﺘﻨﻲ ﻭﺳﻤﺘﻨﻲ ﺧﻄﺎﻓﻪ ﺍﻟﺰﻟﻢ ﻭﺳﺎﻋﻪ ﺗﮕﻠﻲ ﺳﺤﺮﺗﻴﻪ ﻭﺍﺧﺬﺗﻴﻪ .. ﻣﺎﺍﻟﻮﻣﻬﺎ ﺑﺲ ﺍﻧﻲ ﻫﻢ ﺑﺸﺮ ﻭﻋﻨﺪﻱ ﻣﺸﺎﻋﺮ .. ﻭﻻﻭﻝ ﻣﺮﺓ ﺍﺣﺲ ﺑﺮﻭﺣﻲ ﻣﺮﺓ ..
ﺻﺮﺕ ﺍﺗﻌﻤﺪ ﻣﺎﺍﺧﺬ ﺍﺣﺘﻴﺎﻃﻲ ﻭﻫﻮ ﻫﻢ ﺟﺎﻥ ﻣﺎﺧﺬ ﺭﺍﺣﺘﻪ ﻭﻣﺎﻗﻴﺪﻧﻲ ﺑﺸﻲ .. ﻳﺴﻤﻴﻨﻲ ﺭﺿﻮﺗﻲ ..
ﺣﺘﻰ ﻟﻠﺤﻤﺎﻡ ﺍﺩﺧﻞ ﺍﺳﺒﺤﻪ ﺑﻴﺪﻱ .. ﺟﺎﻥ ﻣﺮﺗﺎﺡ ﻭﺍﻧﻲ ﻫﻢ ﻭﺣﻜﻤﺖ ﻃﺎﻳﺮ ﺟﻴﻒ ﻳﺸﻮﻑ ﺍﺑﻮﻩ ﻳﻨﺎﻡ ﻳﻤﻨﺎ ..
ﻣﺮ ﺷﻬﺮ ﻭﺟﺎﻥ ﺍﺣﻠﻰ ﺷﻬﺮ ﺑﺤﻴﺎﺗﻲ ﻟﻮﻻ ﻫﺎﻟﺨﺒﺮ ﺍﻟﻲ ﺩﻣﺮ ﺍﺣﻼﻣﻲ ﻛﻠﻬﺎ .. ﮔﺎﻋﺪﺓ ﺍﻟﻀﺤﻮﻳﺔ ﺑﺎﻟﺴﺎﺣﺔ ﺍﻟﮕﻂ ﺗﻤﻦ ﺟﺎﻥ ﺷﻬﺮ ﺗﻤﻮﺯ ﻭﺍﻟﺠﻮ ﺣﺎﺭ ﻭﺍﻟﺬﺑﺎﻥ .. ﻟﻌﺒﺎﻧﻪ ﻧﻔﺴﻲ ﺑﺲ ﺍﺭﻳﺪ ﺍﻛﻤﻞ ﻭﺍﺩﺧﻞ ..
ﺩﺧﻠﺖ ﺑﺘﻮﻝ ﻭﻋﻤﺘﻲ ﻧﻌﻴﻤﺔ ﺗﻬﻠﻬﻞ ﺟﺎﻧﻦ ﻃﺎﻟﻌﺎﺕ ..
ﻣﺪﺕ ﺭﺍﺳﻬﺎ ﻋﻤﺘﻲ ﺣﻤﺪﻳﺔ ﻣﻦ ﺍﻟﻤﻄﺒﺦ .. ﺧﻴﺮ ﻳﻨﻌﻴﻤﺔ ﺷﻄﺒﺨﺘﻦ ﻫﺎﻟﻤﺮﺓ ﻭﺍﺟﻴﺘﻦ ..
ﺿﺤﻜﺖ ﻋﻤﺘﻲ ﻭﺷﺎﻳﻠﻪ ﺻﺪﺍﻡ ﻋﻠﻰ ﻣﺘﻨﻬﺎ .. ﺷﻨﻄﺒﺦ ﻋﻴﻨﻲ ﺣﻤﺪﻳﻪ ﻫﺎﻟﻤﺮﺓ ﺍﻟﻠﻪ ﻧﺼﺮﻧﺎ ﻋﻠﻰ ﺳﺤﺮﺝ ﺍﻧﺘﻲ ﻭﺑﻨﺖ ﺍﺧﻮﺝ ﺍﻟﻌﺎﻳﺒﻪ ﺍﻟﺒﻄﻨﻬﺎ ﻳﺎﺑﺴﻪ ﻭﻣﺎﺗﺨﻠﻒ .. ﺑﺘﻮﻝ ﺣﺎﻣﻞ ﺣﺎﻣﻞ ﻭﺭﺍﺡ ﺗﺠﻴﺐ ﺍﻟﻮﻟﺪ ﺍﻟﺜﺎﻟﺚ ﺍﻻﺑﻨﻲ ﻭﻳﺮﺟﻊ ﺍﻟﺤﻀﻨﻬﺎ .. ﻛﻞ ﻛﻼﻣﻬﻦ ﺑﺠﻔﺔ ﻭﻛﻠﻤﺔ ﺑﻄﻨﻬﺎ ﺍﻟﻴﺎﺑﺴﻪ ﻭﻣﺎﺗﺨﻠﻒ ﺑﺠﻔﺔ ﺛﺎﻧﻴﺔ .. ﺫﺑﻴﺖ ﺍﻟﺼﻴﻨﻴﺔ ﻣﻦ ﺍﻳﺪﻱ .. ﻭﮔﻤﺖ .. ﺷﻨﻲ ﻗﺼﺪﺝ ﻋﻤﺔ ؟؟
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ