#جمبذا__آدم

#بقلم رفل الكناني

#بارت38

يممممه اااااريد زيد

كولي ياالله هيه شدته ساعه هسه ربج يسهلج

اي اي صدك لاتخابري ااخاف عليه يجي بهذا اليل بس يمه بطني راح اموت والله

براهيم يمه خابرت عل إيمان

اي يمه جاين هيه وابوو علي

ادري ابني جان جبت تكسي خوما ننتضؤهم

يابه هنه رايدات ايمان وميطولن هسه عل جيه

كومتني امي وميس تفرك بديه وعمتي تلبس بجواريبه صديت  عل ميس

ميووس اكو فلوس بكتنور زيد حاطتهم عل صفحه جيبيهم

صار

يمه شتسوين  بيهم احنا وياج وهذا ابوج واخوج موجود

ميخالف يمه كلشي يصير يمممه لحكيلي شلون بيه بطني والله دتدكطع اااااااااريد زيد

هسه شنوو نخابره

لالا هذا هسه يجي عووووفوو

لعد نادي يالله لاكل  شويه صايحه زيد

يالله اااااااااااخ بطني

اجتي ميس جايبه لفلوس والفون يدك اووويلي هذا زيد شراح اكوله

ميس حاجي كليله بلحمام 

عمه عيني كليله رجلج كلشي يصير لازم يدري

عممه والله اخاف عليه

ميخالف يمه الله خير الحافضين.

اخذت الفون واني كوه واكفه

الووو

هلوو جمبذا وينج صار كومه داتصل

هلووو حبيبي موجوده

هااا حبيبتي شبيج شبي صوتج

زيد عندي ولاده

حجيته وبجيت

يارحمتك ياربي وهسه

راح اروح للمستشفى ززززززززيد بطني

ياروح زيد وعشيرته انتي ليش تبجين يروحي صيري سباعيه هسه جايج

لالالا لاتجي والله اخاف عليك

نطيني امي انطي

انطيت الفون ال ميس اخذته العمتي واني نتهيت من الوجع إبراهيم دخل كال ياله اجوي ايمان ورجله مشتني امي وإيمان نزلت تلكتني

هااا رشاوي حبيبتي ياله صيري سباعيه

ايمان بطني مداكدر اخطي خطوه

ميخالف هسه الله يتفهلج بس نوصل المستشفى بسلامه

صعدت السياره وإيمان بصفي وصعدت عمتي ابويه خطيه مااجه علمود ميس كال راح اخذه يم نور امي تريد تصعد ماكو مكان وإبراهيم بلصدر تالي نزل وامي كعدت كال راح اجي وراكم روحوو طلعنا الفرع وميس تقفل بلبيت راحت وياه ابويه لبيته الطريق صار عليه سنه من شدة الاالم وزيد ساعه يتصل عل فوني ساعه عل فون عمتي عمتي تجاوبه وتخلي عل اذاني واني الوب وهوه يهدئ بيه ويكلي جايج حبيبتي جايج ال ان وصلت المستشفى روحي طالعه دخلوني لصاله الولاده واني مجلبه ب ايمان حيل بس ميخوله تدخل استلمتني ممرضه نومتني عل سديه وصاحت الدكتوره اول شي اخذتلي سونر وبعدين رادت تفحصني تخبلت هم استحي وهم الألم بس هيه بسلوبه عرفت شلون تقنعني وأكيد لان عل خاص طولت خلك وياي وبعد مافحتصني كالت ولاده بس تتاخرين لان انتي بجر شكلولي مغذي وضربوني ابره كمت اعيط للضالين وكل هذا ودكلي بعد بعد موهسه ايمان دتدخل عليه دثواني وتطلع أكثر من 3ساعات واني عل صوت واحد لوو اصيح ياااااالله لووو زززيد لووو يممممه اخر شي من شافتني الدكتوره فدنوب كالت كومي غسلي وارتاحي دزت عل إيمان واجتني خطيه سندتني للحمامات غسلتي ولمت شعري ومسحت اديه بمي بارد

اااااايمان طلعوني ماريد اجيب

ولج هوه شبقه هانت ومضل شي شدي حيلج

زيد وينه زيد

خبلتي للرجال جاي بطريق خطيه كل شويه يخابر

اااااريد امي  اررريد اشوفه

تعاي شويه امشيج  بلممر

اول مطلعنه الحمامات صارت ليغاد كلش مبينه باب الاستعلامات وزيد واكف وثنين كباله ميخلوو يفوت وهوه يطلعهم هويته وفتشوه وسلم المسدس واجه يمشي بتجاهنه رجعنا للمرر وهوه اجه اول مشافني وكدام ايمان أخذني بحضنه

هاااااا جمبذتي ليهسه بلعباس دربي مندليته بالي يمج

زيد راح امووووت والله مااتحمل هذا الوجع

اسم الله عليج حبيبتي

بعدني وكال

شلونج ام علاوي يابه

هلا عيني هلا بيك

شنو السالفه أم علاوي اشو ليهسه

والله زيد تتاخر هيه بجر

الله يسهل

حبيبتي صيري سبعه وكوميلي بسلامه

بجيت وهزيت راسي اي وهوه يمسح بدموعي وإيمان سحبتني شفت امي وعمتي وإبراهيم وزيد راح يمهم آخر نضره صارت عليهم ودخلت بس شوو من شفت زيد راح الوجع وبردت الطلوكه مددت عل سرير واجتي الدكتوره

هااا يا حلوه اشوو سكتنه

مادري اشوو خف الاالم

لاعيني لا انتي وصلتي ماريد برود يله هاي اخر ابره وبعده تجيبين ان شالله

ضربتني ابره بلمغذي وكل الالم اختفه حتى نعست الساعه كلبالي ساعه 2 كمت اغفي اشو وره الابره بربع  ساعه ويصير عندي وجع عدال ذاك الوجع بالف مره كمت  اصيح واملخ بروحي والدكتور تباوع عل ساعه بيده ال ما طك مي الرأس ال صاحت ااااخذوه ولاده سندوني الممرضات واني كل حيل مضل بيه من البجي والصياح صوتي راح والدكتوره تضرب عل رجلي دكلي راح تموتي ساعديني وساعدي نفسج حيلي باد وعبالك تبنجت من الألم وهيه دكولي حرررررام عليج راح تخنكي بس كم صوت ويطلع غمضت حيل ولزمت السرير وكم مره صحت يالله وفجاه وحسيت روحي بردت وجبل نزاح من بطني وصوت من سمعته كل قطره وجع مضلت بيه كمت اخذ شهيق وزفير قوي وروحي ترجف وصوته كفيل بأن يخليني أصمت واتصنت عليه واسمع الممرضات

ماشاالله شنو من طفل شوفي شكبره حقه طلكت هلكد موزين جابته طبيعي هذا الدكتوره لو تدري هلكد حجمه جان سوتله عمليه

وزنني وزني خل نشوف قبل منلفه

3كيلوات وربع

بس شكله اكثر

لاهسه يفش بس روحي ودي باعي لاتنطي بيد النسوان كلشي متحصلين انطي بيد هذا الولد العسكري مبين مريش من ساعته ومحبسه هذا ينطي

وشيصير منه دينطي

يلفاهيه هذا ابوه مبين  كل مااطب واطلع يسألني عليهه

خوش لعد جيبي

اسمع وبالي مويم كل هذا بالي بلراحه الا اني بيهه وهسه كون بس انام ثواني واجتي ايمان وامي كوموني وامي خطيه تبوس بيه وتتحمدلي بسلامه يمه

هاااي يمه

يمه شنوو جبت

اللهم صلي عل محمد وآل محمد ولد وينه ولد مثل فلعت الكمر

وينه

يم عمتج وزيد

الحمدالله والشكر

اخذوني للحمامات سبحتني ايمان وامي بدلتلي
طلعوني للغرفه وتوسلوو بيه بس كعدي بلعربانه رفضت كتلهم اني امشي وإيمان تكلي

ممممم متردين زيد يشوفج بيهه اعرف سوالفج

بتسمتله يعني اي  وسنتندي للغرفه دخلت وعمتي تصلي عل نبي وزيد تلكاني واخذني بيده سندني وباس راسي

الحمدالله عل سلامه يلغاليه

الله يسلمك

مبروك ماجالج

تسلم ومبروك عليك يتربى بعزك

تسلميلي والحمدالله من كمتي بخير وسلامه

الله يسلمك

هاااا يابه الحمد الله عل سلامه

برهومي حبيبي الله يسلمك

خوش نسيب اجاني

ههههه بلعافيه عليك

وينه نطونياه

حطوو بحضني وزيد بصفي مو جهال سبحان الله عبالك عمره أربع أشهر خمسه العيون ميبينن من الخدود والبياض شي يصفن بست اديه الناعمات

زيد شوف شلون حلوه فدوة ال الله

حبيبتي الحمد الله والشكر

باوعت عليه وعينه صارت بعينه

فرحان

فرحان شنو كولي طاير من الفرح

ان شالله دوم ياربي

تعبتي حبيبتي موو

بس من سمعت صوته راح كل التعب

شراح نسمي

بكيفك

محمد علي

هاي شنو لو محمد لو علي

لا هوه اسم مركب هذا عاجبني

هاهيه مدام عاجبك براحتك

كنالهم عل اسم كالوو كلش حلوو انطيته العمتي الطايره بي اكثر من الكل واني مددت وزيد غطاني وكعد كبالي لازم ايدي ويسولف وياهم واني من التعب غفيت مادري شكد مر وقت بس الدنيه مصبحه وسمعت زيد يخابر عل جاسم يريده يجيب ذبيحه فتحت عيوني

زيد وين حمودي

هلا ب ام حمودي حبيبتي عمتي وام علاوي اخذوو يجيكوو يم الدكتوره

ليش شبي

مابي شي بس حتى نطلع

هاا خوش لعد

اجتي عمتي جايبتلي عصير وبسكت جنت حيل جوعانه اكلت من كل خاطرى لهناك واجتي الدكتوره شافتني وكتبتلي خروج بعد مجتي امي مسجله حمودي ومغربلته ايمان لمت الغراض وزيد ساعدني اكوم ولبسني جبتي وطلعنا حمودي جوه عبات عمتي واني بيد امي وإيمان شايله الغراض براهيم راجع ماهوه وكفنه عل صفحه وزيد ستلم هويته والمسدس من الاستعلامات واجه جاب السياره ليمنه صعدنا ونطلقنا للبيت اول ماوصلنا ودخلنا مخلوني افوت جوه كعدت عل كرسي بلطرمه وحمودي بحضني زيد ماقبل يفوت ال يذبحله وكل شويه يخابر جاسم يستعجله ميس وسحر بصفي واهلي حلف زيد ميطلعون ال يتغدون لهناك واجه جاسم هوه وإبراهيم جابوو الذبيحه

هااا ام حمودي الحمدالله عل سلامه

الله يسلمك عيني ياربي يوم اللكم انت واسراء وتفرحون بذريتكم

رحمه والديج

طلع زيد من جوه جان ديبدل تلكاه جاسم حضنه

لك هلا باابو حميد بوياااااي بويه وانت بدون كلشي شلونك انوب صرت ابوه راح تكسف احوالنه

ههههه هلا بضلع حبيبي يوم اللك

الله عليك شوفه شلون خروف معدل مثلي مو بله

اي والله ماقصرت الخلف عل خلفوه

هاااا زيد هااا سويتني خروف

لايابه لا منوو كال بس انت كلت معدل مثلي وكتلك هيج

ممممممممم علينه ابو حميد خل يولن بس ميخالف مقبولا منك ياله خويه براهيم يله

شنوو

يله ولك خل نذبح الشيخ العمك الطلي

لياه ساقط هاي عليه

يبووووو والله نسيت أقصد الطلي العمك الشيخ

مدام هيج اشو ال انت تذبحه

بوووووياي خل افلت افتتحي الباب خويه ام علاوي وخل الهزم شششششيله عبووووود

لاعبود ولاغيره يله شجل ردانك خل اشوفك عمك الطلي شراح يسوي

لازيد بلخوه البينه لاتمرني وعلي اسراء تفضحني

ااااااامشي لك يله يله تعال اذبحه واصلخه وقطعه ووزعه اني عديلك الجبير ميصير تردني

بلعباس جنيت عل نفسي يله امري ال الله هيه رزاله وفايته من المره اتحمله والله كريم

هههههههه يله اشتغل وانت ساكت

كلنه نباوع عليهم ونضحك ونذبح الخروف وعفتهم يكملون ودخلت جوه بغرفه عمتي مددت عل سريره وميس نزلت سرير حمودي الزغير عمتي بس شافته كالت

هذا بعد مايصعد فوك يضل هنا وانتو عدكم سريره الكبير زيودي الزغير محد يداري غيري

يمه يازيودي سموو حمودي

معاليه بيهم اني ماانادي غير زيودي

عمه حبيبتي بكيفج صيحي بليعجبج

فدوه لعينج الحمد الله والشكر الله بقاني لهذا اليوم وشفت حفيدي

وان شالله العمر كله يارب

الله يرضى عليج هسه كومي رضعي تره خطيه الممه مو مثل حليبج

نطينياه

اخذته بين اديه وحاولت ارضعه كوه لان ماعرف وعمتي وياي تساعدني امي خطيه غفت من التعب واني ضهري نكسر وأحاول ارضعه وخطف زيد من يم الغرفه من شافني رجع وكف خزرني وبيده السجينه جان ديشتغل بلخروف اشرلي بسجينه اذبحج عود اذا رضعتي واني أضحك واهزله برأسي ليش وهوه يشرلي مالتي عمتي مدنكه عل حمودي رفعت رأسه باوعت عليه وعل زيد كالته

شبيك واكف خير

حجيه عل بختج ممتلاكلتي

امشي منا خل الولد يرضع لاتخلي عينك عليه ممتلكلتك ماشبعت صار سنه وانتي الثانيه شاركه الخلك نتبهي عل ابنج لايقص وعوفي زيد منا وهيج انتي نفسه

ااااااويلي قصفتني الحجيه خل اروح احسن

ضحكت عليه ورجعت عل حمودي رضع وشبع ونام واني هم نمت ماكعدت ال عل هوستهم ديتغدون وزيد اجه شايل غداي يبووو بس شفت الشياشه ردت اتقيى اتخبل من المعلاك وهوه جبرني واكلت غصبن ماعليه امي وإيمان بعد الغداء راحوو وزيد مكابل حمودي وكاعد ال عمتي اخذته دتبدله ال عافه وحط مخده ونام للعصر كلش اجوي اسراء وانسام ونور وابويه خطيه ابويه باس راسي وخله حمودي بحضنه كبر بذانه رغم كناله زيد كبر وضل يدعيله وشال ورقه وخله بكماطه و من ذبه ابويه اسراء جلبت بي وانسام تريد تاخذه متخليه

لج انتي بعدج خبله نطي الانسام شويه

والله مميته عليه بس متانيه الحجي يكوم حتى اقط الورقه

امشي لج هاي هديه جده

والله لو طالع يشبهج جان بقيته بس يشبهه  زيوطي ميستاهل الورقه

شكد خبيثه شبي زيد لعد

والله كارب رجلي ومخلي يذبح الطلي ومدمر ملابسه واني بتليت بيهن وغسلتهم وحتى غده ممتغدي

والنبي جلبنه بي مقبل يكول الحكومه متتغدى اذا مو اني وياهه

هجم بيته شكد يحمه لويمه ال اذب عليه صطل مي واطفي

هههههههه همزين عترفتي عل رجلج بنفسج وهسه جيبي حمودي

اااانسام

وووجع اني موجاسم وطلعين خبالاتج عليه

عزززه كافي خزيتني عيالي هسه يسمعوجن

ضلن يداهر ال اجتي عمتي وميس ال سكتن سحر الله ذب عليه النداره وتركض بلبيت وتأكدت هيه موصاحيه ومتكدر تلزم نفسه ولسانه من كلتلي بعد مراحوو اهلي وكفت باب الغرفه

عيني هاهيه صارت سد بسد وكفتيلي من طرحت وهسه رديته من جبتي من الصبح ليهسه اكرف وارجع ليوره وهسه خل ابوس حمودي ومع السلامه بعد متشوفوني لحد ميخلص خطاركم

لبست عباته وطلعت واني صافنه عل تصرفه وميس تفر بديه ودكلي مخبله ضليت ساكته شريد احجي ووين بليل كلش كعد زيد جنت ارضع حمودي والكل نايم اجه كعد بصفي

صح النوم حبيبي

تسلميلي جمبذا شلونج

الحمد الله

فدوه للجمال شنو هذا الملاك الجايبته اللهم صلي عل محمد وال محمد

اي حبيبي يجنن

شصار بيه البارحه عليكم

سوده عليه

اسم الله عليج نطينياه خل اشبع منه

خليته بحضنه ضل يبوس بيه وهوه ينوص حمدت الله من رجعني وكومني بسلامه حتى اشوف هاي النعمه وهاي الفرحه ودعيت الله يرزق كل محروم ولايحرمه هل نعمه بيومه سهرنه للصبح ويه حمودي ثنينه كل محطينه راسنه دنام صرخ لثاني يوم من الصبح اجتي نهله وامه خطيه ام نهله شالت جلاب شيلته الذهب وخلته بكماط حمودي اني احلف وهيه تحالف سكتتني من كالت هذا الغالي ابن الغالي ميغلى عليه شي تشكرته وبقوو يمنه للعصر وراحو وبدت الناس تجي تواجبني موبس علمودي علمود عمتي وزيد لان عمتي هواي تمشي عل عالم وزيد كل اهل جماعته اجوي من رابع يوم عتمدت عل نفسي وكمت اكوم عل حمودي واغسل ملابسه وابدله استخطي ميس وعمتي هم مابيه حيل امي يوميه تجي تشوفني وتروح وخواتي عل فون نتواصل يستحن يوميه جايات بعدني انام بغرفت عمتي وزيد يحوص ومن يأيس يجي يلف رأسه وينام شكد جنت خايفه اخاف ماكدر للطفل وماعرفله بس حمودي معذبني مجرد اغسله وابدله ويرضع وينام وعل هذا الروتين عشر أيام غرفتي مصعدته ابد حتى ملابس حمودي بسله يم رأسه واليوم قررت اصعد انام فوك لان زيد خلصت إجازته وباجر يلتحق من المغرب صعدت نضفت غرفتي وعطرته ورتبته ونزلت تعشينه وكملنا وشلت حمودي هوه وغراضه وماشوف ال دموع عمتي عشره عشره متقبل اخذه يمي دكول تعلمت عليه وعل صوته بليل قهرتني حيل وعفته وفرشت مثل كل يوم وزيد جان طالع ليوين ال اجه كعد يم راسي وحسيت بي رفعت راسي

هااا حبيبي

هلا جمبذا شنو السالفه راح تبقين هنا مو باجر التحق

والله حبيبي من زمان جيت  اصعد وعمتي متقبل كامت تبجي عل حمودي

خلي يمهه وكومي وياي

واذا كعد شلون

عود تصيح علينه

زيد عيب والله استحي

حبيبتي مشتاقلج شسوي

هههههه هوه وين تحصل شي تره ميصير

عمي ميخالف بس كومي

كمنا وطلعنا عل كيف جنه حراميه صعدنه اللغرفه وكل بالي يم حمودي اول مدخلنا حضني حيل وعصرني بحضنه حسيت بكميه اشتياقه أخذني للجربايه وهوه يبوس بيه جنه حيل مشتاقين البعض وممبتعدين هلكد مده يعني قبله هوه جان بدوام واني وراه جبت صدقا كنا مشتاقين البعض واحنا مندمجين صاحت عمتي رشا وينج رشا

زيد وخر عمتي دصيح

اصبري

وووخر عيب منها

ستغفرالله كومي عمي كومي هاي حرب عليه انتي وعمتج وابنج رتبت نفسي ونزلت لكيته شايلته واكفه

وين جنتي

عمه داحضر جنطه زيد

اي اني هم ادري

ههههههه لاوالله عمه شبيج

واني شحجيت هاج الزمي حماده وشوفي شال غطي ركبتج

هههههههههههههههه متفوتج فايته عمتووو

وووجع صوتج ولج هسه يفز زيودي

عمه حمودي والله حمودي

معليج زيودي يعني زيودي

اخذته منه وكعدت ارضعه وهيه تحجي

ماتكعد راحه دكلي أحضر جنطه زيد وهيه مجيت عليهه عتووي مخرمش ركبته متحملتي ال صعدتي فوك اكول ليش من المغرب متحزمه اثاري عل هاي السالفه

دخل زيد والخاولي عل ركبته من شافته كالت

يله وتريني اصدكه ولج اني عمتج مفتحه بلبن

هاء حجيه بيش الكيلوو

شنوو ولك

ههههههه البن غير انتي دكولين مفتحه بالبن

زيد عمتي ممصدكه جنت احضرلك الجنطه مال الملابس

لايابوي ليش ممصدكه قابل اني هسه سابح 

يحجي ويضحك ويفرك رأسه بلخاولي وعمتي تعوج بحلكه

بيومهه نمنه وحمودي بينه وزيد من الغبشه لتحق وبقى عشر أيام وهل المره من اجه يختلف عن كل جيه اجه متلهف عل حمودي إلى يوم عن يوم ديصير احلى وبعد مدنفش ويمكن أكثر من قبل روح زيد بي بلساعات يكعده بحضنه ويناغيله عبالك يفتهم واذا بجى يكلب البيت يكلي عوفي وكابلينه ثنينه من اني موجود  حمودي مغيرني تجاه زيد بلعكس قربني اكثر بعدني اني اني من ينزل واتلكاه وبليل اسهر اني وياه وادله رجعت انام فوك من ينزل وحمودي منور علينه الغرفه وزيد حتى من يلتحق مابوده يعوفنه ومن ويوصل هناك كل شويه فاتحين كامره وحاجين وياه تقريبا اربع مرات لتحق ورجع لحد مطلعت الأربعين وقرر يطهره شكد رفضت وعاندت وماسمعلي كلي صغير احسن وعمتي ايدته زعلت وطنكرت وامي حجت عليه كالت مالج حق ابنه ويريد يفرح بي يمعودين والله صغير خطيه كلهم عارضوني ورضخت للامر الواقع وبدينه نحضر زيد راد حفله بينه وثاني يوم أصبح يطهره ويسوي غده جهزت كلشي أحتاجه وهوه شتراله دشداشه بيضه تجنن وهوه هم اخذ وحده حجزتله كوشه خاصه مال طهور من الفيس هيه وصينيته ورتبناه اني وميس عزمت خواتي ونهله وامه وكم وحده من كرايبهم عمتي عزمته والكيكه هديه من انسام عليه اسمه وصورته من غير الجابهه زيد للمعازيم التوزيعات جانت علبه تحتوي عل أنواع المكسرات وبيهه مداليا مكتوب بيه محمد علي هاي زيد سواهه طلب  مخصوص وكله شغل ايد صدك مكلف بس شي مرتب وممطروق يضل ذكره صارت حفله من العمر وياه لمت الاهل تونسه وفرحنه واكو خوفه بكلبي من باجر احاول اتلاشاه والحمدالاه خلصت الحفله عل خير ومن الصبح زيد اخذه للمستشفى هوه وجاسم وإبراهيم وابويه شكد بجيت ونكزت حتى يأخذني ماقبل كال اطهره
واجيبه اني اكعدي انتي راحوو واني ابجي وإيمان وسحر وامي حارن بلغدا الي زيد هم ذبح وعزم عليه زلم واني كاعده عل نار وانتضر وكل شويه اخابر ال كال يابه جايين بطريق عمتي محضره الجكليت وبعدهم براس الفرع وهيه واكفه بلباب اول موصلوو شتغلت الهلاهل والجكليت صار ماله والي واني من بين كلشي اريد اوصل حمودي ومع حطوو بيدي هوه ييجي واني ابجي اخذته ودخلت جوه والجكليت ورانه وزيد  حاط اديه كبال جرحه خاف ينلجم سوده عليه مفرفح لا صدري سكته ولاالممه شايلته وافتر بي وعفت كلشي عفت العزيمه والخطار والطبخ حتى زيد يكلي بس جيبيلي غير هاي الدشداشه دمرت دم من حمودي ماسمعتله صعدت ميس جابتله وحمودي عل بجيه وحده ال ان تعب ونام ياله شويه رتحت ورحت ساعدت البنات وصبينه الغدا وزيد عل راسنه لهناك وسمعت حمودي يبجي عفتهم ورحت عليه شلته وافتر بي وزيد اجه

هااا شبي

مادري شوفه شلون فرفح

نطيناه

وين ماخذه

حبيبتي شبيج شويه طولي خلكج تره عادي والله هوه هيج لازم يبجي لاتكبريهه راح اخذه شويه يم الولد

اخذه وطلع واني الوب واسمعه يبجي ونزرعت باب لاستقبال وكل شويه ادز حسوني  ابن سحر عليه اكله خل يجيبه جابه وتليته منه واني روحي طالعه خزرني بس ماحجه لان البيت هوسه مومال مجادل اخذته للغرفه والكل كعد يتغدى بعد مغدو الزلم واني عل وكفه افتر بي وهوه يصرخ اخذته عمتي فركتله وقرت عليه ومفاد امي شويه شالته وميس واسراء وانسام صار من ايد الايد وبعده يلوع وهم ال تعب ال نام
ماضكت الغدا ابد ولاالي نفس مقهوره عليه شكد مالاع للعصر كله طشت وكلمن راح لبيته حتى اهلي وزيد نام لان كاعد من الغبشه وحمودي كعد بس مصخن عمتي كالت عادي هاي من وراه الجرح شربته خافض حراره وكمادات ومفاد كلبي لعب ورحت كعدت زيد

زيد زيد

هااا عيني

كوم حمودي مصخن

بسرعه كمز كال

وينه

جوه يم عمتي

نزل ويايه حتى مابدل بلشورت والفانيله شاله تلمسه

نودي دكتور

اي زيد احسن اني اخاف

يله جيبي ملابسي وبدلي

صعدت عل سريع لبست الجبه والشال ونزلت هدوم زيد وغراضه بدل واني حاولت ارضعه مياخذ صدري وحتى الممه ميريده والحراره زادت بسرعه أخذنا الطريق كله لحضه وحده ماهدى وزيد كلش شويه يتلمسه ويكله ياروح ابوك والله وصلنا واني ابجي وفجاه وحمودي عيونه نكلبن

وكام

يرفس

بيدي.
.
.

..
.
.
.

احبكم اختكم رفل الكناني
❤❤❤