#جمبذا_ادم

رومانسيه قوه

user65690873

#البارت 36

كاعده وارجف مدري شجاني عبالك لازمتني البارده واباوع جاسم مد المصلايه ووكف يصلي تمنيت الله يهدي ويبقى يصلي للصبح بس مصارت هنه ركعتين لبكهن عل سريع وكام لم المصلا وصار كبالي كال

شنووو بويه راح تضلين كاعده بلبدله

جاوبته

هاا لاهسه انزعه بس اطلع بره

لاوالله وين اطلع عيني

ماعليه مابدل ابد وانت هنا

والله عاد كيفج ابقي بيهه واذا تحبين نامي بيه هم اني شعندي اليوم وياج خلكي طوويل

جاسم لاتسوي هيج تره ابجي والله

هههههههه جاء ابجي بويه انا كاض عيونج

حجاه ومشى ليم المرايه وبدى بنزع من كلامه وطريقته تعامله عرفته ديستفزتني كمت بهمه وشلت بدلتي فتت من يمه ونطخيت بي تقدم خطوه ليكدام وعيونه عليه بس يباوعلي بلمرايه توجهت للكنتور طلعت سيتي لزمتنه بيدي وعيني ادور عل غرفه وين ابدل تالي قررت اطلع بلهول تمشيت دافتح باب الغرفه قبل لااوصل لزمني من معصمي

خاب وين رايحه

اريد ابدل

بنت الحلال ادري وين تبدلين

بلهول بلحمام اي مكان

وين اطلعين الوادم كله بره

ادري بره بيتكم خوما بمشتملنه

سريوه لاتلعبين بعصابي بدلي وسكتي

لعد دير وجهك

صار وامري لله يله

ندار متخوصر ووجهه عل باب واني حتى التسريحه مفليته اريد بس انزع البدله انوب اريد انوش السحاب ماكدر كلبي نشلع ومالحته تالي طكت روحه ولتفت لكاني مخبوصه ضحك وتقدم عليه واني ارجع ليوره لحد ملطخت بلكنتور وبحركه وحده شالني اني والبدله وخلاني عل جربايه واني اصيح

جاسم وووخر ليش هيج سويت خوفتني
قصص وروايات عراقية كرار صلاح
ياهو الخوفاج انتي تخوفين بلد بحاله زلمه شكبرني شكدني مخليتني صاد عل باب حتى تبدلين وووسفه واني جويسم ترديدن زيد يتشمت بيه كتله نص ساعه ورا طبتي للغرفه تلكاني بعرعر وراح تصير ساعه واني باب الغرفه مواصل

عزززه جاسم زيد شعلي

جاء شلون شعلي هاج شوفي

اباوع الفون صامت وصدك زيد يتصل والله ذوله موصاحين كتله

ماعليه عوفني اني ابدل بس افتحلي السحاب

يله هم ميخالف

ندرت وهوه فتحلي السحاب واني مجلبه بلبدله هوه يجر واني اجر وكمزت للصفحه الثانيه كمز من كبالي منضره يموت ضحك فاتح اديه حتى يلزمني وبس بلشورت والفانيله رجعت للجربايه رجع ورايه لزمني قيدني حسيته بداء يعصب

اسراء لاتلعبين بعصابي تره وصلت حده اكعدي عاقله لا والقران ابتلي بيج

خفت وببقيت ساكته خزرني وكال

نسوان مايجن ال بلعين الحمرا دوري يله

ندرت نزل البدله من كتافي ومن ايدي واني عيني ماكدر ارفعه وكعدت البدله فدنوب من جسمي لميته بيدي شاله وشمره عل صفحه وتقرب حضني متت خجل باس خدي ونيمني صار فوكايه جلقم يم ركبتي خنكني خنك

جاسم

هااا

يعني انت هذا المكان كله محلتلك النومه ال فوكايه اي موخنكتني

لاوالقسمه توني داترومنص ضيعتي عليه اللحضه اسراء سكتي ولاتحجين

اي وخر اختنكت

محاجاني رجع يبوس بيه

جاسم

مجاوب

جاسسسم

خاب شتعلت صفحه ابو جاسم خايبه شمالج سسسسكتي
قصص وروايات عراقية كرار صلاح
يمممه هذا مو صاحي شجاه سكتت وهوه يبوس ومخبوص واني شويه شويه بديت أهدأ بس راسي والتسريحه والمشات نجعصن بشعري بداء يتجراء ويريد ينزعني الحماله واني مجلبه بيه تالي صحت

جاسسسم

بتعد مفزوع

هااااا بويه شكوو شمالج شجاج

كعدت لحيلي سحبت فرشه الجربايه عليه وكتله

ااااا ال الماشات نبتن بشعري اريد انزعهن

جاء اني اعرف حضي اسود ومصخم مثل وجهي هسه هاي وكته توني عشت اللحضه

غير تاذيت منهم

يله عمي يله نزعيهن داشوف وين نصل

كعد كبالي واديه عل خده واني بديت انزع بلماشات واخلي عل ميز وهوه صافن من كملت كال

ياطركاعت الله ذني كلهن جانن بشعرج واني فوكاج لابويه حقج تحسين بثكل ياله تعاي هسه خلصتي من الماشات ضليت اني

لالا وين اوكف اريد اسبح شعري كله سبريه

ولعباس ماتكومين اليوم لو اني لو انتي

نيمني ورجع فوكايه خرب حضي لمطعج هذا راح يخبلني ميتفاهم واني خايفه شلون بي ارجف جواه ولامهتم شفته نزع لو تخبلت

يممممه اريد امي والله معليه اطلع بره لو تخليني اطلع

مخليه اديه عل وجهي واحجي وهوه مامهتم يريد يتقربلي

خاب سكتي فضحتيني سكتي

ووووووخر والقران أصبح

الله عليج لاتسوين هيج مو شعلتي صفحتي

لعد وخر

ولج بس نطيني عطوه

كمت اضرب بي وابجي هل مره صدك خوف موطببعي اول ما ابتعد سحبت الجرجف وطلعت بدون وعي من الغرفه صار الهول كبالي والحمام بصفه فتحت الباب ودخلت وقفلته عليه

ولج اسراء من كل عقلج خاب انتي خبله وعلي شلون اطلعين هيج بله أحد داخل بيته

من و راك غير

حبيبتي ماعيده بعد بس فتحي الباب

مافتحه وماطلع مدام هاي سوالفك

ياطلابت المافضت خاب ياسوالف اني شمسوي وانتي تنطين مجال

مجاوبته فتحت الدوش وبديت اسبح المرايه كدامي وركبتي صايره جنه ركبت رشا من تجينه عوذه منكم ثنينكم مجاليب انت وزيد ادري محرومين مال ركب الله يساعد رشا بس لاهيج زيد ينام فوكاه شلون ميستحون هسه هاي الغرفه شكبره ال فوكانه اسبح اسبح ومسترخيه وجاسم يخرط بلباب

بوياي بويه هاي تاليتك يا جويسم كاعد باب الحمام سريوه اني اعلمج والعباس بس اكضج هل مره مارحمج تقشمريني بدموعج وهاي النتيجه كاعد باب الحمام خاب اطلعي راح تنامين اليوم

يحجي يحجي ومااجاوبه واني تعبت من السبح والمي واريد اطلع وحتى هدوم ماعندي فوك الساعه واني بلحمام وجاسم صوته ختفه سديت ادوش وتصنطت ماكو حس نشفت شعري ولبست البرنص وفتحت الباب عل كيف وطلعت لكيته مدد عل تخم ومغمض عيونه كمزت ركض للغرفه وقفلت الباب اوووف همزين نايم هناك حتى انام وحدي طلعت ملابس كامله وبدلت وعلكت قاطه وبدلتي ولميت الغرفه ومشطت شعري وجاسم ماكو صوته طفيت الاضويه والنشره
الصطرتني صارت هدوء بس ضلمه خفت رجعت شغلت واحد من التيبلامات وحطيت راسي عل مخده وندكت الباب
اسراء حبيبتي تعاي تعشي

الله شنو هذا الهدوء بصوته هذا جاسم لو مفرمتي
قصص وروايات عراقية كرار صلاح
وينج بويه طلعي ماعليه بيج بس اكلي لاتموتين ويذبوج برأسي

ماريد اكل انتا

بكيفك بس هااا تره عشه يفوتج

من كال هيج شهاني واني من الريوك حتى غده مشتهيت اتغده من الخوف والهوسه هوه سكت يمكن راح يتعشى واني بطني كامت توصوص واتخيل الاكل عاد كمت لبست الروب وطلعت لكيته كاعد وياكل اجيت كعدت يمه باوع عليه ورفع تك حاجب وكال

اكلي لاتباعيلي تره كلبي موجر منج

😕😕😕😕شبيك

سلامتج مامش شي بس كاعدلج ساعه باب الحمام

راح اكوم والله

لااكلي تهني

رجع ياكل ونزل دوسه ونص طير نص الصينيه واني لفه وحده كوه كملته وبعدين ذبيته وكمت غسلت ورجعت للغرفه مددت وبديت اغفي شويه وحسيته نام وتغطه لبدت بطارف السرير كلت بس بلزمني اطفر بس مالزمني نهائي واني هم اخذتني النومه وين وكعدت عل بوساته واديه تتجول عل جسمي بتعدت سحبني وصددني عليه صوت قران وأذان يمكن الفجريه بقيت هادى وهوه تمادى وبدا يتقربلي جلبت بلفرشه حيل وهوه يهمسلي لاتخافين والله ماذيج هدوء ريحني وفعلا أخذني وماحسيت غير عل اللم خفيف

حبيبتي خوما اذيتج ابتعد

كملت

لابعد

اي عندي اللم بس خفيف

هسه ان شالله فضت ابقي هيج عاقله بعد روحي لايطكن فيوزاتج عليه

جاسسسم

يابعد جاسم وعشيرته جاء غير اني كملت وجنت اتقشمر وياج حتى اللهيج بلمبارك صرتي مرت جويسم قلبن وقالبن

باس راسي وبتعد واني خجلانه ومستحيه اثاري كل هاي الهوسه السويته ماله داعي بس اني جبانه الحمدالله من عدت عل خير لفيت نفسي وكمت للحمام وهوه يباوعلي والجكاره بيده ديورثه ومبتسم رحت سبحت وطلعت وهوه سبح ورجعنا صلينه وكملنه خلاني بحضنه وأول سالفه سولفلياه سالفه المحموديه وكام كل شويه يكلي العباس عليج امشينه لهناك واني اضحك عليه من يومه جاسم صار كلشي بحياتي ........

رشا بعد مراحت اسراء وكله طشت بدلت ملابسي ونضفت البيت بس ضهري نكسر لان وحدي ونور متكدر سويت العشه وتعشينه ونور تتلوه وامي دكله بعد بعد حتى تجيبين طبيعي احسن من العمليه براهيم مكابله خطيه وكل شويه وكال خل ناخذه وامي متريده عمليه اخذته للحمام سبحته شويه رتاحت وصعدناه اني وإبراهيم للغرفه نشفت شعرهه وحضرت جنطته وهيه شبهه خف عدهه لوجع يعني كلام امي صحيح هاي تشاليع نامت وعفت براهيم يغطيه وطلعت نزلت جوه امي خطيه نايمه تعبانه من كد مابجت عل اسراء وابويه يتابع أخبار خابرت زيد كال جايين هاي بلباب طلعت فتحته انسام وإيمان جايات وياه سألتهم عل اسراء كالن كلشي مندري عفناعم واجينه زيد كلي يله دنروح بدلت وطلعت لبيتنه وصلنا زيد نطاني سترته وهوه كعد يم عمتي اخذته وصعدت علكته واخذت ملابسي ورحت اسبح قريب ماريد أكمل دك عليه زيد الباب مفتحته ادري بي ميكعد راحه واني تعبانه كملت عل سريع وطلعت اول مطبيت دار وجهه عود ضايج من تصرفي وكفت امشط ورطبت اديه وهوه مطنكر اجيت بصفه مددت

هااا حبي اشو عاكده

تغشمين نفسج يابخيله

هههههه هاي اني

لااني غست ومفتحتلج الباب

زيد والله ادري بيك تسوي وكاحه

واذا شنو يعني تبخلين عليه يولي خلي كلبج جبير ولاترديني فد يوم عوضيني كل لحضه عشتهه واني اتمناج

مممممم شلون يعني

عوفيه خليه سكته

بداعت جمبذتك احجي

لاحالف ماجيب سيرت هذا الموضوع

حتى لروحك مو دوم دكلي انتي روحي لو هذا بس حجي

انتي تدرين بيه اني بحبج ماابالغ ولااراوغ من تزوجتي أيام وأيام واني انام واحترك حرك واني اتخيلج بحضنه يوجوز مجان بينه غير نضرات ومو منج مني بس الله طبعج بعقلي وبكلبي يمكن حتى اتلوع بحبج ومن تطلكتي عبالك بذره ونزرعت بكلبي وكامت كل يوم تكبر صدك تعذبت بس بلنهايه اخذتج يعني ماستاهل جزاء هذا العذاب ماشوف منج اي صد
زين ومن لكيتني بنيه شكلت

اووووووو هاي السالفه لحاله بحث آخر انتي ملاحضه اني لحد الان مسالج ليش بقيتي بنيه تعرفين ليش

ممم

لان اني أيقنت انج نصيبي والله كاتبج الي ومريتي بكل هاي الضروف وفترت فترت وانتي بعدج الي شعور لو اكعد اوصفه الج منا لصبح مراح يوصلج اخر شي جنت اتوقعه انو اني اخذج والحمدالله والشكر ماكو شي بعيد عل رب العالمين

زين مفكرت ليش

ماعرف كل الي اعرفه ومومن بي انو الله ماتمم هل شي حتى يكمل فرحتي بيج واذا هسه سالتج ليش خوما تتحسسين

لا عادي بس سامر جان عاجز لهذا السبب مخذني

اششش لاتجيبين اسمه عل لسانج

ههههه غير سألت وجاوبتك

اي هاهيه عوفي يولي لعد عاجز وسوه هاي البلاوي لو صاحي جان شسوه بس خوش نطينه درس بعد ميفكر يدكر بعرض أحد

هسه شنو انت زعلان

اي لان ماتمنى مره اطلبج وترديني لو تتمالين مني ا ريدج تعوضيني كل لحضه تمنيتج بيهه ومالكيتج

زيد ضهري يوجعني انت متخاف عل ابنك

ماعليه شي هذا ذيب عل ابوه تعاي عاد

وووخر بالي يم اسراء خطيه

اووو ذكرتيني والله خل اشوفه لهذا الدوني

شراح تسوي بس لاتخابره

غير متحلفله

سحب الفون وضل يتصل عل جاسم اول شي جان يدك بعدين صار مغلق

عوفه خطيه شتريد منا

غلقه الحقير ولو ادري بي كلشي ممحصل

ههههه وانت شمدريك

غير اسراء نسختهه يمي وشلعت كلبي بلعرس هسه جاسم عايش نفس اللحضه

والله انت عندك سوالف نام وعوف الولد

يله هاي الخاطر ابني راح اعوفج بس اليوم

يله تصبح عل خير

وانتي من اهله

نمت عل ايده ماكو ثواني ورحت بسابع نومه ماكعدت ال عل صوت زيد وهوه يكول

اي جايك دقايق واني يمك

شكوو زيد

هذا براهيم مرته عده ولاده وخابرني حتى ناخذه بسياره

من سمعت من يمي بطني كامت توجعني زيد كام بدل وشال فونه وسويجه ولتفتلي

حبيبتي نامي انتي

ماكدر بعد عبالك صار عندي وجع

جمبذا لاتوهسين كومي انزلي وياي نامي يم امي

كومني من أيدي واني أتخيل نور شلون دتتوجع نزلني الدرج لازمني دخلنه غرفت عمتي سحبلي دوشك من فوك البوفيه مديته وناوشني المخده حطيته ومددت غطاني وثنى كدامي
حبيبتي اروح

اي روح بس عود طمني

صار

باسني وكام عبالي راح يطلع بس ثنى كدام عمتي

يمه يمه

هااا يمه خير

خير يمه خير لاتخافين بس جنت ام براهيم دجيب وراح اروح اوديهم ونزلت رشا يمج ديري بالج عليه

اي يمه روح الله وياك بيش الساعه

ساعه 3

ديله بسلامه

زيد حبيبي خل اجي افتحلك الباب

جمبذا عيني  اني افتحه واسده نامي لايضل بالج

طبك باب غرفت عمتي وطلع وعمتي دكلي

نامي يمه نامي الله ينفهله ويوم الج وينفهه ال كل وحده متضايقه

ماكدرت اغمض لحضه اذن واني كاعده كمت صليت وعل صوتي عمتي كعدت هم صلت دعيت كومه النور وكمت اريد اخابر فوني فوك ماكدر اصعد وفون عمتي مابي رصيد تعبت من التفكير ومددت ونايمه ومادري كعدت عل بوسات زيد لتفتت لكيته بصفي

هااا حبيبي بشر

بلخير عليج صرتي عمه وإبراهيم صار ابو جنات

صدك الحمدالله ياربي اي شلونهم اجوي بعدهم
قصص وروايات عراقية كرار صلاح
اجيت بس اني وإبراهيم امج ضلت يمه وأهله هم اجوي

الحمدالله واشكر ياربي زين  طبيعي لو عمليه

بنت الاوادم اني شمدريني بهاي السوالف

هههه هم صدك سوال بايخ بس أخذني الواهس

يله كومي دنام فوك

كمنه صعدنه وهوه يحجي عليه

ليش اتصل عليج متجاوبين

غير اني ممنزله الفون

عرفتج والله

هوه نام واني خابرت عل امي باركتله  وطمنيت عل عل نور والبنوته ورجعت كملت نومتي لثاني يوم مر اليوم واني انتضر طلعتهم من المستشفى للعصر ال طلعوو واخذني زيد عليهم عفت الكل وكبل رحت عل بنوته ملاك صغير ودخل عائلته كله متكومه فوك سريره خو ابويه كل ميخلوه بمكانه شويه ويجيبه بحضنه شلته واخذته يم زيد اول مشافه كلي
يله جمبذا تره روحي فرفحت شوكت تجيبين

هههههه سوتلك واهس مووو

اي والله خلتني كاعد عل نار شوفيه شلون تخبل الله يحفضه

تشبهني موو

خزرني

شبيك

لادكولين هاي الكلمه انتي جمبذا ومحد يشبهج غير الجمبذا

هههههه عبالي بيك شي

اي لاتتجاوزين عل ممتلاكتي انتي مالتي محد يشبهج ولاتشبيهين أحد

يمه يمه فديته المعصب

اخذته نطيته النور الي تصيح وخروه ماريده خطيه من الألم العمليه شكد محاولين وياه طبيعي مكادره تالي ستسلمت للتكصيب من شفته ضليت ادعي ان شالله اجيب طبيعي عل هذا العذاب بيومهه خابرت اسراء كالت كلشي تمام فتحنه كامره وشفته  متعوقه  شكلين من وكاحت جاسم شوفناهه البنوته وحجينه وياه شويه وسدينه لليل رجعت للبيت ثاني يوم جاسم واسراء طلعوو الايران شهر عسل واني يوميه كمت اروح عصيريات يم امي لان متكدر وحيده عل بيت وعل نور الي براهيم رفض تروح يم اهله رادهه يمه انسام وإيمان هم يجن ودنتناوب بس مبيت ممنوع ابات بوجود  زيد آل خلصت إجازته والتحق بعد مارحت لهلي لان صدقا تعبت والي لاحضته بهاي الفتره عمي متواجد دوم بلبيت بس مناكر هوه وعمتي اربعه وعشرين ساعه وقنقينه وبس يحجي ويعلق بختصار وجوده بلبيت مكهربا وحتى بليل ينام بلهول مينام بغرفة عمتي لعد شكد اكوو حواجز بينهم سحر منقطعت جياته علينه بس بعيده عليه كل البعد مابينه غير السلام اعتقد وكعته الاخيره صحتهه وبعد سبوع من التحاق زيد اني وعمتي وميس نايمين بغرفته اني توني دانام ومنسمع بس باب الشارع تندك عبالي داتخايل بس ميس رفعت  رأسه وكالت ال عمتي يمه يمكن  الباب  تأكدت اني سمعت صحيح خلت عمتي شيلته عل رأسه وتوجت عل كاعد وكامت وهيه دكول

ياربي سترك منو يجينيه بهل وكت

ميس شغلت الضوه الساعه صارت كبالي جانت بلوحده كمت ورا عمتي وميس واريه وكفنه باب المطبخ والطرمه كله ضوه مال سيارات الشرطه وعمتي تصيح منوووو هذا واحد

يجاوبه

احنا يابه شرطه افتحوو

الباب .
.
.
.
.
.

احبكم اختكم رفل الكناني ❤❤❤