#جمبذا_ادم

رومانسيه قوه

user65690873

#البارت35

ندكت الباب بقوه كام زيد بسرعه واني ذبيب كلشي من أيدي وفتحناهه لنها ميس

زززيد الحك سحر متخربطه فدنوب

نزل واني وراه لكينه باب الغرفه كاعده لازمته ولازمه بطنه وتبجي وعمتي كباله

يممه شبيه

اني ادري يمه هيه ماتحجي بس تبجي والنزيف ماخذه ولج يمه حاجيني شبيج

اني وزيد واكفين كباله وميس تفرك بضهره وعمتي تحاجيه متجاوب بس تبجي لتفتلي زيد

رشا شبيه

والله مادري

شنو امي دكول نزيف خاف شهريه وهاي السوالف مالتجن
ثنيت المستواهه

سحر شبيج عليج الشهريه

هزت رأسه لا

لعد شنو هذا النزيف كومي دنوديج

مااأااروح بطني يمه بطني

انطيني ايدج بس كومي من العتبه

كومته لو خترعت وزيد بسرعه دار وجهه عبالك ذبيحه جواه

سحر احجي شبيج ادري شنو هذا الدم

متجاوب بس تبجي

يمه بنتي راح يأخذه النزيف وتموت ولكم الحكوله

زيد خل ناخذه

يله اني شعندي راح احضر السياره

ميس جيبي جبته

ركضت ميس جابته ولبسناه
يمه رشا روحي وياه اني مابيه واذا رحت مافيدكم رجليه مكرمه

اي عمه عيني صار ميس نطيني جبه

مشيته اليم الدرج وميس نطتني جبه وشال ولزمته مشتهه واني لبستهن وطلعت بطرمه باوعلي زيد كال

حبيبتي غيري الجبه

زيد هذا هسه وكته

اني شحجيت

باوعت عل نفسي صدك ضيكه وبطني حيل مبينه هاي جبت ميس لتفتت عليه واني ازع بيه

ميس جيبلي جبتي من فوك عفيه ماكدر عل ركضت الدرج

راحت ميس جابته واجتي لبسته وصعدت يم سحر بس حالته فد مره زيد شخط السياره وطلع من فرعه بثواني حتى اني نخضيت بس ماحجيت وضع سحر ميساعد رغم كل البينه بس تبقى اخت زيد ومريضه كدامي ماكدر اتجاهله من شفته هيج عبالك نسيت كلشي الطريق كله تعصر بيدي وصلنا الطوارئ النسائيه نزلته ومشيته كعدته كدام الدكتوره واني مثل الأطرش بزفه شتسال الدكتوره اكله مادري لان فعلا مادري لاسبب النزيف ولامن شوكت تنزف ال سحر جاوبته وخلتني صافنه قصص وروايات عراقية كرارصلاح
اني حامل بشهر الثاني وصار عندي وجع من المغرب وقبل شويه زاد وصار النزيف

اوك كومي اصعدي للسونار ساعديه انتي شتصيرين منه اشو كلشي متدرين حتى حامل متدرين

نحرجت وبقيت ساكته كومته صعدت عل سديه فحصته وطولت بعدين كالت

الطفل اصلا واكع واي آثار ماله وهذا النزيف هيه الباقيه مالته راح نحوله كوداج حتى يصير تنضيف للرحم وتتخلص من الألم اخذيه الصاله الولاده

كومته وطلعنا زيد بالباب كال

ها شنو السالفه

حبيبي حامل وعده إسقاط

وهسه

راح يسوله كوراج

باوع عليها وهيه مدنكه وتعصر بيدي كله

اخابر رجلج

لا عوفه
ديله امشي

مشى كدامنه واحنا وراه وصلنا الصاله واني الورقه النطتنياه الدكتوره بيدي دخلنا شافته الدكتوره كالت للممرضات اخذوه انطوني ملابسه وطلعت كعدنه اني وزيد بلنتضار واني صافنه اشو حتى عمتي مكالت حامل معقوله متدري وعاني زيد من كال

هااا جمبذا نعسانه موو

خليت راسي عل جتفه

والله حتى النومه طارت

خوما تعبانه

لاشعندي بس خطيه سحر بالي يمهه

اروح فدوه لكلبج الصافي المابي دغش اباوع عليج تركضين وياه من كل كلبج

طبعن هيج مواقف مابيه لازعل ولاحقد الله يكومه بسلامه عل جهاله خطيه

اي والله بس شنو هاي من شوكت حامل

والله زيد ولا أدري سمعت من الدكتوره

الله كريم هسه تطلع ويصير خير
بقينه فوك الساعه ال طلعوهه حولوه للردهه شويه وكعدت شافتني فوك رأسه كالت

رشا اريد مي البنج خانكني

اي صار هسه اكول الزيد يجيبلج

زيد جان كاعد بلباب والفون بيده

زيد

ها عيني

سحر كعدت وتريد مي

صار هسه اجيبلكم

رجعت يمهه لكيته تريد تكعد سندته وخليت المخاد وراه ولميت شعره وخليت الشال زين

الحمدالله عل السلامه

الله يسلمج اني اشكرج تعبتج

لاعادي اهم شي كمتي بسلامه الله يعوضج

دنكت وبجت واني زيد صاحلي اخذت المي منه فتحته وهيه تمسح بدموعهه شربته وغطيته وكعدت عل كرسي كباله كالت قصص وروايات عراقية كرارصلاح
تعاي مددي عل هذا السرير فارغ موزين عليج الكعده هيج انتي حامل

لا كاعده مبيه شي

اجتي الدكتوره جيكته كالت

بيتكم قريب بعيد اكو أحد وياكم

اي قريب وزوجي ويانه

اوك تكدرون تطلعوه حالته مستقره واي عارض يصير جيبوه هذا العلاج اخذو من صيدليه المستشفى وهاي التحاليل تسويه من تصير زينه حتى تعرف شنو سبب الاسقاط

ان شالله دكتوره اشكرج

راحت الدكتوره واني كومته وتمشينه زيد شافنه كتله ياله نطلع اخذنه بعد مجاب العلاج من الصيدله وكبل للبيت جان الجو توه ديكشف لكينه عمتي خطيه كاعده عل مصلايه من شافته كامت ومبينه قلقه طمنته ونومت سحر زيد واكف ومبين كلش تعبان اشرلي بعيونه نصعد عفته وطلعت وياه وعمتي تدعيلي الله لايشوفج مكروه ويتفهلج بتسمتله وصعدنه بس غيرنه ملابسنه ونمنه ماكعدنه غير للضهر نزلنا سويت ريوك وتريكنه سحر كاعده بس بعده تعبانه جهاله وهرجتهم مستمره وعمتي تصيح كافي سطرتونه زيد كمل ريوك وكعد عل تلفزيون حيل يعجبني طبعه رغم كل الهوسه ماله علاقه ولايحاجي الجهال ومن يندمج بلفلم ينسى كلشي ويركز بي لهناك اجه زوج سحر اني صعدت ومانزلت ال راح ومر اليوم عادي للعصر زيد طلع وميس بلحديقه واني جنت داكوي بدلت زيد بغرفت عمتي جان كلشي طبيعي لحضات وهاجت سحر كامت عل جهاله موتتهم كتل بحيث فقروو اني مدخلت وعمتي تغلط عليهه لان اذتهم ميس عل صوتهم اجتي ركض خلصتهم منها واخذتهم يمهه اني كملت كوي صعدت البدله عمتي جانت دتتوضه رجعت دالم الميز لكيت سحر رأسه بين رجليه وتبجي وتشهك مدري ليش نكسر كلبي رحت كعدت كباله
سحر ليش البجي شبيج تره ميصلح والدنيه مغرب

تعبانه رشا اني تعبانه

وجهالج شنو ذنبهم هيج ضربتيهم اني مدخلت شفتج معصبه بس هسه صوت بجيج اذاني سحر افتحي كلبج انتي ليش هيج كاتمه عل نفسج وماخذه كلشي بعنتكه تره الإنسان احلى مابي بساطه وطيبت كلبه وثنينهن أتوقع موجودات عندج بس انتي متغاضيه عنهن

منو يكول

اني اكول لان كل العائله بسيطه وحامله حنين تغطي العالم ال انتي لاتزعلين مني بس داشوفج جانب من شخصيتج يجوز انتي مشايفته

لامازعل رشا اني والله موهيج اني من جنت بنيه صحيح شويه انفه وعندي غيره حالي حال اي بنيه تتمنى كلشي يصير عده بس اني جنت اريد كلشي يصير الي وهذا صار طبع بيه من تزوجت عزيز جان زواج تقليدي مابي اي حب غير ادء واجبات فقط كم شهر كعدت وياه اهله شوفوني نجوم الضهر وعزيز ذابه عل صامت لايهش ولاينش كمت اخذ حقي بيدي حمواتي التضربني اضربه وعمتي تحجي كلمه ارده بعشره هذا الشي الي خلاني اخسرهم جان المفروض اسايرهم حتى اكسبهم واني اولي واخيري طالعه بس ماعرفت اتصرف حكمت عزيز يطلعني منهم وطلعني ومن يومه لاطابه عليهم ولاطابين عليه أشكال المناسبات تصير وعزيز مشاركهم ال اني صرت منبوذه بنضرهم وكبرياء يمنعني انزل نفسي الهم وابادر بمصالحتهم وعزيز من يشوفني نافره من اهله ويشوف نفسه غير عن إخوانه عائلته متشاركه كلشي يشاركو الباقين كام يسويلي مشاكل واني لساني ماكدره صارت كلمه الي وكلمه اله تمرد كام يسهر ويشرب ويخوني ويخابر كبالي واني ماعندي غير لساني السليط هوه العم عليه كم مره شكيته الزيد ولعب بي جوله وصلت بينهم لضرب وشفته راح تكبر وعيالي يتشمتون بيه وعزيز ماعنده مانع يطلكني وهوه ثاني يوم يزوجوو اهله بعنادي ضليت متمسكه بي وخلفت منه بعد نربطت واني أعرفهم شكد يكرهوني لدرجه ميهمهم يأخذون مني جهالي كمت اتجنب عزيز وهوه اخذه الواهس عل كلشي طايح حضه واني جزت نفسي منه صرنه عايشن علمود الجهال وبس ومن زيد رادج رفضتج لان مطلكه وبس ومن شفت زيد شلون رايدج ويدافعلج عرفته يحبج واني فاقده هل شي وفكرت راح تجين وتصيرين كبالي واشوفكم شلون تحبون بعض يمكن اموت ضليت اقراء برأس امي لحد مجيناكم للبيت لو زيد تخبل وصلت بي الدرجه بان يطرني من البيت لعد شكد يحبج من ساعته حقدت عليج وزاد الحقد من اخذج غصبن عل كل ونصدمت من طلعتي بدنيه وجنت اتكطع من فشلتي ومن اشوفج انتي وزيد واحد روحه بثاني اكول لعد ليش اني عزيز ميباوع بوجهي يجوز تستغربين من كلامي دكولين زيد اخوج ليش هيج اكلج اني نفسي مادري ليش هيج اسوي يعني ذاك اليوم من زيد دافع عنج كدام الكل وبنفس الوقت هاني بس بادب والله العضيم يمكن لوضاربني ماتاثر بكد ماتاثرت بكلامه واكيد كلكم مستغربين شنو سالفت حملي وليش سقطت ومحد يدري حتى امي متدري اني اكلج السبب اني وين كاعده بيتي اشو عيشتي كله بيت اهلي بس نومت اليل بيتي شمفتهمه من حياتي حتى اخلف اشو عزيز مدمر حياتنه بسوالفه ونزواته عل شنو بعد احبل واجيب
سحر تره صدمتيني لاتصدميني اكثر ودكولين الطفل سقطه متعمده

اي

ليش سحر ليش حتى حرام كله هذا الصايرلج بجفه والي سويتي بجفه ماريد اصير براسج بس اني وبس بس حرام والله حرام

لارشا صدك انتي بنضري بس انتي وبس بكلشي والله بكلشي يعني كلشي صار وياج معفتي زيد وكلشي امي سوت بيج وانتي منفرتي منه واني شكد اذيتج والبارحه تركضين وياي وزيد هم صار شكد متزوجين حبكم هوه هوه بلعكس زاد مانقص هذا الزواج الناجح إلي فشلت اديره خسرت عزيز واهله وخسرت حتى أطفالي الي من كبرو كامو يرحون وياه عزيز وعرفو أجدادهم عليمن استمر بحملي وعزيز من كتله حامل معبرني ضليت كاتمه الخبر بكلبي وحتى الاامي ماكلت اخاف متخليني اسقصه

ميخاف بس هذا موسبب يخليج تكتلين روح شلون صقطي

شربت أعشاب

لا اله الا الله سحر ليش هيج الناس تتحصر عل ضنى دتسافر الآخر الدنيا وتدفع فلوس وتسوي أشكال العمليات وانتي هيج روحتي الله يسامحج
وانتي هم سامحيني عل كلشي يمكن هاي وكعتي عرفتني أنتي شنوو

ماعندي شي وياج انتي اخت زيد و زيد روحي وهذا النفس اليصعد وينزل مستحل احقد عل أحد من اهله

جانت مدنكه وتحجي وتبجي عفته وكمت عمتي لكيته بلباب وسامعه كلشي من شافتني عيونه جانت مدمعه وبس تهز برأسه مراضيه عل سوالف سحر عفته وصعدت الغرفتي هاي سحر لو غيره شعور بداخلي ماعرف اوصفه وأكثر شي الطفل قهرني شنو ذنبه من يومهه سحر نطوت كلش وماله دخل بيه رغم نتحاجه بس مابينه غير سوال وجواب ونضرت عينه تغيرت عليه من حقد ال نضره عاديه ومرات اصلا متباوعلي جهاله يصعدون الغرفتي شيلكون بثلاجه ينزلو لااردهم ولا هيه تمنعهم مثل قبل عرفت فتحتلي كلبه حتى تبينلي ليش هيج سوت بذبج الفتره  زيد مستمر بدوامه وهذا أكثر شي سالب راحتي من يروح ياكلني الخوف والقلق وميصبرني صوته بلفون ومن ينزل اكون أسعد وحده حملي مستقر وزيد محلفني ماشوف ولد لو بنوته يكلي خليه عل الله بطني كبرت وصارت مبينه من اكون بصف زيد تكون حاجز بينه هذا الشي يخليني اداهره وهوه يتخبل يحسب يوم يوم بس جيبي واني اعلمج دخلت بشهر السابع واسراء وجاسم حددو موعد العرس هذا الاسبوع خلوني اكمز اني جنت متامله اولد ال يتزوجون لان جاسم جان ملتهلي بلبناء وسوه مشتمل كامل بحديقه اهله وجنه مستعجل وكمله بسرعه خلوني مشدوهه سبوع شلحك وين الكه ملابس بيه حض اني وبطني ال شويه اجيت ابجي زيد من سمع بلعرس بقى فوك موعد دوامه 3ايام إضافي حتى ينزل ويلحك عل عرس واني خابرته خبلته
زيدددد

هلوو جمبذا اشو زيد وكبل لاحبيبي لا شي
قصص وروايات عراقية كرارصلاح
معليه اني زعلانه شنو جاسم يريد العرس هذا الاسبوع

ههههههه وانتي ليش معصبه حبي

شنو ليش معصبه وين الكه ملابس اني وبطني

لج شنو قابل ينتضروج اتجيبن حتى يتزوجون يولي مو جويسم مفحم حتى بيه كام يتلمس صاعد عنده الجفاف فول

معليه معليه يله شوكت تنزل حتى اشتري

اذا نزلت هسه مالحك عل عرس اجلته فد شكم يوم

لعد راح اطلع ويا امي اشتري

اموتج بلعباس تفترين انتي وبطنج بسوك غير اسبيج

لعد شسوي

انتضري انزل واني اطلعج

مستحيل قبل العرس وين الحك

تلحكين وين متردين اخذج واشترلي اليعجبج
لعد اريد اروح يم اهلي لحد متجي

ممنوع

ززززززيد

اني شحجيت ممنوع

ادري ليش

تروحين هناك متكعدين بكاع ولاتشربين علاج ولاتنامين زين تلتهين بلهوسه ويضل بالي عليج

لاوالقران اكعد واسكت ماعليه بااحد

وعد

وداعتك وعد

لعد خلي براهيم يجيج والعباس عليج اذا تعبتي نفس

اوك تمام

سديته وضطريت انتضره ماكدر اكسر كلمته كله حضرت واني كاعده وساكته اسراء واخت جاسم ورده تركض وياه هيه وإيمان حفت وميشت وحجزت صالون وبدلات واني حجزتله كوشه الحنه هديه مني وزيد تبرع ال جاسم بكامل تكاليف الحنه سبوع مر ركض بركض وقبل الحنه بيومين ال نزل زيد اجه أخذني واسراء مجلبه بيه
لاتروحين الله عليج هنه بس هل يومين

امشي لج رجلي من وراكم صاره 13يوم هسه الكاه منتهي تعب

يولي لاتصيرين خبيثه وعوفي بس هل  يومين

يمممه وين اكدر غير اني مشتاقتله وميته عل شوفته يله بأي بيوم الحنه نلتقي

شكد حقيره روحي روحي اشبعي بزيوطي

شعندي غيره بعد يومين تفتهمين شنو معنى زوجج ومتكدرين تعوفينيه

غمزتله وطلعت لاكتني انسام

وووووين مبدله وطالعه

رايحه للبيت زيد بلباب ينتضرني

لج وين عايفه اسراء مو تفقنه نبقى للعرس 

لاحبيبتي اني متفقت هاي انتي وإيمان تفقتن اني رجلي نازل من الدوام يله بأي

كبر حتى كبر قابل نازل من الفضاه بس كولي بيه حوسه وماكدر ابقى
وهوه كذالك😆😆

ماماتي بيباي اني رايحه

الله وياج يمه سلمينه عليه وعل عيالج

الله يسلمج يمه

طلعت زيد بسياره منتضرني صعدت وصعد الجامات باسني خطف ونطلقنه للبيت اول مادخلنا أخذني الحضنه

اووووف ياريحتج صدك ريحه جمبذ

مشتاقتلك موت الحمدالله عل سلامتك

الله يسلمج جمبذتي تعاي كليلي شلون اني وياج

شنوو

لج بطنج لعبت بيه طوبه هسه اني جاي متحلف بيج ومن شفت بطنج ستخطيتج شوكت يشرف واخلص

راح الهواي وماضل ال القليل

الله يكومج بسلامه وأقر عيني بشوفتكم

حبيبي راح احضلك الحمام والاكل
انطيني جرعه قبل كلشي

لالا اسبح وارتاح واني احضرلك سهره تخبل

اووووويلي بلعباس احبنج

هههههه يله حبي بدل

راح للحمام واني نزلت سويت عشه سريع بس ميس كاعده عمتي جانت نايمه وتفاجاه عمي موجود ومن داحضر الاكل اجه سلم وكعد عل كرسي كدام الميز خلاني صافنه هذا هوه لو واحد ثاني هادى إلى أبعد حد وسلني المن العشه كتله ال زيد كال احسبي حسابي ضليت اشتغل واباوع عليه اريد أستوعب وافسر هدوه ال نزل زيد تلكته ميس بوسته دخل للمطبخ شاف عمي كاعد باوع عليا وعليه وكال

هلا حجي شلونك

باس رأسه وكعد كباله وعمي يجاوبه

هلا يابه هلا بيك

هاي وينك عاش من شافك وين هل غطه

والله جنت بلشمال داشتري سياره

اي وتالي
اي شتريته وحطيت بيهه سايق ينطيني المقسوم كل شهر

بيهه الخير الله يرزقك

لتفت عليه كال

يله جمبذا تره جوعان

اي حبيبي كملت

اكلج يابه مفتهمت مو اسمج رشا لو اني غلطان

بتسمت وكتله

اي عموو اسمي رشا

لعد شنو جمبذا

حجي جمبذا يعني ورده اني ادلعه جمبذا شسويلك غير انت مدلع الحجيه اني ادري ابنك عليمن طالع سبورتي اشو انت قافل

طالع عل خوالك يموتون عل مره

وانت حجي متحب الحجيه

احبه بس مو عل مرامي دومه تصير ضدي
غير انت مبزعهه

هاااا كمت تلوص اكوم  يعني

لالا سكتت وداعتك اكعد اكعد يله جمبذا جيبي العشه

كعدو سوه تعشوو حبيت كعدتهم ودعيت الله يبوقون دوم هيج خصوصا زيد مرتاح ويباوع عل عمي بحنيه رغم كلشي سواه اكلو وزيد غسل وصعد واني لملمت كلشي ونطيت الجاي العمي وصعدت وبيدي كوب جاي ال زيد نطيتها وكعدت عل مرايه رتبت نفسي عل آخر وكمت لبست أكثر سيت يحبه زيد طفيت الاضويه وشغلت بس التيبلام واجيت بحضنه مو زيد عاصفه اول يوم اليجي يفصل وينسى حتى اني حامل لو ما بطني ومن يبتعد كبل ينام بدون كلام كمت لبست ملابسي وغطيته اباوع عليه هل مره حيل تعبان جوه عيونه اسود من السهر والواجبات وايده مسمره لحد خط التشيرت تلمسه عبالي نايم همس هوه مغمض

جمبذا لاتلزميني صاير خرده

هههههه عبالي نايم

داغفي

حبيبي ليش هيج ايدك مسمره شنو دتنزع البدله بلواجب
اي والله صايره ضيكه من تضايقني انزعهه

مممممم يعني سمنان

اي شويه

شبيك تقطر بلكلام

لج نعسان

نام حبيبي تصبح عل خير

وانتي من اهله

خليت راسي عل اديه ونمت لثاني يوم اني نزلت عل بيت وهوه للعصر ال كعد واخذني فترينه كومه مكانات وهوه اشتره واني مشتريت اخذ طقمين اسود ورصاصي فدشي عليه من جربهن واني ملكيت ال بالي وثاني يوم هم طلعنا ياله لكيت للحنه بدله ماروني هذا لون زيد المفضل بس كلش راقيه ردان تول والصدر تول مزغرف  مخصره لحد بطني والباقي نفش بس بلعرس ماقبل ال فستان حوامل مستر بحيث حتى بطني ممبينه ومرتين لبسته ال قتنع بي اخذتهم ورجعنه والبنات كل شويه يخابرني ويخرطن عليه لحد ميتعبن لان مرحت عليهم وزيد موداني ال بيوم الحنه الصبح اول مطبيت البيت تورشعني برزايل بقيت ساكته لان حقهن بس شسوي الزيد المجلب بيه وامي من الباب كالت
امشي روحي وياه اختج للصالون ذني جهالهن منوع وحده تعوف جهاله وتروح انتي ماعندج شي

لعد خل الحك عل زيد حتى اكله

يبوووو يازيد شطلعت هاي

يمه شبيج غير اكله

دروحي روحي قبل ميروح وطلعين حجه ميدري وماروح

عفته وطلعت لكيته واكف يم براهيم صحتله ترخص من براهيم واجه

هااا حبي

حبيبي راح اروح وياه اسراء للصالون

هاي شنو جمبذا وين تكدرين

حبيبي لعد منو يروح وياه البنات جهالهن بس اني فارغه

روحي بس بشرط

شنوو

الي حصه من الراح تخلي بصالون وبليل
لاوالله اليوم ابات يم اهلي

اي ميخالف داريني وارجع والله

ززززززيد

بداعتي

ديله بس خل اروح

تمام روحي بس ديري بالج عل نفسج

وين راح تروح

عل جاسم غير اني متكفله بلحنه كرع راسي كل شويه يدك

يله الله وياك

دخلت اسراء مبوزه عليه دغدغته وقشمرته شويه فكت اجتي حماته وحماهه بسيارته اخذنه وصلنا الصالون وبلشت بسراء طلعت لعابه الله يعين جاسم شراح تطلع بلابيض البدله خبله مدري شلون مختارته اول مره اشوف بدله حنه هيج نيلي وبيه نقط ابيض مقتنعت بيه بس من لبسته وكملت المكياج طلعت رهيبه متوقعته هيج الفصعونه طلعت تعرف تختار كملته وبلشت بيه طبعن شعري اسود اي الوان مصابغته ولاحتى بلعرس زيد ميقبل يحب لونه سويت تسريحه فل مرتبه لون شعري وياه لون البدله طلعت حيل حلوه وبما انو اني اعرف زيد وسوالفه مرجعت وياه اسراء لان حماه واني طاكه المكياج غير زيد يفصمني خليت براهيم يرجعني بسياره نسابته لكيت اسراء واصله قبلي دخلت عمتي وميس وحتى سحر جايه وخواتي متفاجاه بيه وبهدوء مجبتلهم سيره عن كلشي صارت حفله حلوه وزيد جاب جاسم بسيارته حناهه ورجعه لليل كملت الحفله وكله بدلت ولمن البنات البيت واني انتصر زيد ال كملت حنت جاسم ال اجه لفيت الشال وكتلهم ساعه واجيكم ايمان خزتني تصيح استري علينه لتجيبن سبعي وانسام شحنت امي عليه خلته تصيح راح تجيب عليه بهل هوسه عفتهم وطلعت زيد ينتضرني بره أخذني للبيت جانت ساعه 12 تقريبا عل صوت الباب كعدت عمتي من شافتني كالت
هااا يمه خوما بيج شي

لاعمه سلامتج

باوعت عل زيد وكالته

زيود اكعد راحه وين جايب البنيه من عرس أخته متوازي

حجيه شبيج وعيونج ماعندي شي بس جبته حتى تنومني متعلم انام عل اديه

حجاه وهوه يضحك ولازم ايدي صعدني الدرج واني أضحك عل سوالفه اول مادخل الغرفه شالني واني اصيح

نزززززلني عززه زيد بطني

تعاي جمبذتي خل اعرس بيج قبل ما جويسم يعرس

انت كل عقلك زيد بطني الله عليك

دتعاي بلعباس  محد طيح حضي غير بطنج

جردني من كلشي واخذني بين اديه نعل ام المكياج من صدك عرس عليه وبعد مابتعد خله المخده عل رأسه ونام
زيد اشوو نمت

حبيبتي نامي الصبح اوديج

زززززيد انت وعدتني ترجعني كوم الله عليك

ديله روحي اسبحي بين مااخذ غفه

لاابد ال دكوم مو تقشمرني

سحبته من ايده للحمام سبحنه وطلعت قبله اخذت ملابسي ولبست جبتي وطلعتله تراكه راسن بدل واخذني ذبني من الباب ورجع دخلت وموتمر النساء كله كاعد وستلمني تصنيف بس اسراء مصوفره ستغربت

هااا سروش اشو ذابته عل صامت

انسام كالت

فاتتج الكعده غير نطيناه نبذه مختصره عن ليله باجر اشو صفرت وخضرت

ميحتاج تعلموهه هذه جويسم باجر هوه يعلمه

اسكتي رشا لاتكمليهه انتي والله باجر بس يسوي لكالن عليه أعزي واصخمه

ههههههه عزه بعينج راح تخزينه وهوه شلونه شكد عاقل
ههههههه عزه بعينج راح تخزينه وهوه شلونه شكد عاقل

والله ماعليه عاقل مخبل عل نفسه تره هسه ابطل اني مخبله والله

اششششش اسكتن عوفنه هاي مخبله تسويهه

رشا بربج وين رحتي ورجعتي وجهج ملبوك وركبتج متملخه

اسكتي انسام اريد انام باجر اسراء تعرف اي جنت

هسه تسكتن لو شلون

سكته عيني عروسته سكتنه

حطيت راسي ونمت لان فعلا تعبانه لثاني يوم العرس مارحت اني للصالون راحت بنت خالتي وياه لان البارحه نكسم ضهري من الكعده رتبت نفسي بلبيت واجتي اسراء طالعه تجنن بس خايفه كلش لدرجه عيونه مدمعه كعدناه وفوك الساعتين تلاثه الديجي مشتغل والردح شغال وكله تركص ال اني ونور كاعدين عل صفحه نور بشهرهه صايره بطه كوه دكوم وكوه تكعد وجهه مال ولاده وامي كل شويه دكله دخيلج بس خل يأخذون  اسراء وجيبي شكلج اليوم ولاده للخمسه وسمعنه صوت المسيقه كلنا لبسنه شالات واني اباوع من البرده زيد دخل جاسم بيده وسلم عل ابويه إبراهيم ونسابته فدوه اروحله القاط كاعد عليه سنتر حتى اكشخ من جاسم لان هوه اضخم والقاط اسود وقميصه ابيض طالع يشع الفون بيده والسويج وكف بصف أحمد ومحمد صليت عل نبي جاسم دخل بهوسات امه وهلاهل خواته ماكو غير دقايق وطلع اسراء ايمان لبسته الكب ومعافته وياه وياه دخلو السياره للطرمه ولنها سيارته يعني زيد راح يزفه صعدت اسراء وزيد يباوع بلوجوه ويتصل بلفون ادري ديدور عليه من الشباك حاجيته لان اني ماروح للزفه اولان  ماكدر وثانين امي فرفحت بجي مكدرت اعوفه هوه كيف كلي جنت شايل هم ويامن ترحين  بهاي الهوسه وهوه اصلا بس يوصل نزفه هوه نهه العرس من البارحه بلحنه الكل راحت للزفه بس اني ونور وامي بقينه يمكن  من أصعب الحضات هاي وخصوصا اسراء الزغيره والمدلاه عبالك شالت البيت وراحت حتى ابويه مدمع وإبراهيم طلع من البيت فدنوب ..........
اسراء ........... وره ماعقدنه وتعمقت بسخصيه جاسم طلع كارثه بحيث بوقت قصير تعلمت عليه وحبيته روحه مرحه وسوالفه تخرب ضحك رغم من نجي الوقت الجد الكه هموم الدنيه عل رأسه هوه كبير اهله وهوه المسول عليهم وداومه مثل دوام زيد بعيد وخطر ومتعب كمت اشيل همه وأخاف عليه وكل نزله يجي يشوفني بس شالعه كلبه ايدي ماخلي يلزمهه مخبلته احب اكعد اسولف اصنف بس من يتماده اهيج عليه فترت الخطوبه خلصناه بس بلفون نحجي لان هوه ملتهي بلبناء سوه مشتمل بلحديقه خاص بيه كال من البدايه نعزل احسن كتله بكيفك ال ان كمل المشتمل اني جنت مجهزه كلشي بمساعدة خواته وامه حتى صالون والبدلات هنه ركضن وياي لحد قبل الحنه  بيوم اجه حضرت نفسي ودخلت  سلمت عليه وكعدت جانو كل اهلي كاعدين شويه وكاموو كال

بويه شنو السالفه ادري كاعد بجامع اشو بيني وبينج متر ولابسه شال واخوج مكابلني كل مااجي ادري راهب انه

يااااا جاسم شجاك

جاء مجذب اشو ميبسته عليه اكلج تره بس باجر بلعباس لوتصيرن مو اسراء اني مبيس بيج

بعد بعد علي صوتك تره محد سمعك

بويه طكت روحي صار عندي جفاف وتصحر من وراج

مشكلتك والله

سريوه لاتسوين هيج تعاي بعد روحي داسويلج بروفه حتى ماتشلعين كلبي

جاسم والله العضيم اذا وصلت يمي اصيح وافضحك

جاء هيه شنيه وليه خوما وليه الله يقبل محمد تره انتي سويتي عوق بمشاعري تعاي عاد دافحص روحي ضلت بيه مشاعر ليله العرس

جاسم من هسه اكلك ألزم نفسك

اي بويه صار راح الزم نفسي وها موبس الزمه راح اطكه بحديد واشده بحبل خاب انتي خبله ولج شلزم نفسي غير اني مستوي
باع الوعد شجاب الاكل بنص شتعلت صفحة ابو زيد

هههههههههه زيوطي شعلي

جاء زيوطي راح يوصل العرعر واني خطوه بعدني مطالع من وراج لأول قسمه اي والله لأول قسمه

حركت أعصابه وعطبته وراح زعلان حتى بلفون مخابرني ومن اجه  بلحنه متحلفلي حناني وهوه يتوعدلي وبليل البنات مقصرا حجلي كلشي خفت خوف مصاير واجه يوم العرس واخذني طلعت من بيته لو روحي طلعت عيوني عل كل وبجيت ولكيت روحي مو اسراء القويه والجريه كلشي تبخر الزفه بسياره زيد الطريق كله جاسم ماكعد بس يهز وزيد يصيح ولك اثكل ونزل بشارع ذب لحم وجر زيد وياه بس زيد وين

يركص بس يصفكله وهوه ماقصر كوه سحبه وصعده بسياره وماعرف شنو بينهم كل شويه يكله اكعد راحه وراك روحه للمحموديه واني مافتهم عليهم وصلنا البيتهم كعدوني شويه وانسام وإيمان بصفي بس رشا خطيه مجتي حقهه هيه حامل وهوسه الخوف مسيطر عليه وماعرف شمنتضرني ودكات كلبي صارت الف من زفوني وايدي بيد جاسم نسدت الباب

والرجيف شتغل صرت ارجف
مثل

السعفه .
.
.
.

احبكم اختكم رفل الكناني ❤❤❤