بارت34
#جمبذا_ادم
رومانسيه قوه
user65690873
#البارت34
هلوووو برهوم
هلو عيني رشا شلونج
الحمدالله انت شلونك
والله بخير دامج بخير بس شنو هذا عمج كارثه الله يعينكم عليه
لازم سمعته
يمعوده ياسمعته اصلا حفضتهم كلمه كلمه هذا
مريض نفسي
اي والله براهيم لعد زيد شيكول
امشي امشي معاليج بي مدام مويمج خلي هوه وابنه الله يهدي ويساعد زيد عليه
جنه نمشي بتجاه بيتنه ونحجي الضاهر براهيم سامعه يخرط بس عل زيد همزين مطول الوكفه وسمعه شلون يحجي عليه اوووف على حضج يا رشا من تريد تصيرلج مشكله تصير اني كلت الامي تجي شجاب براهيم همزين عدت عل خير وصلنا اهلي والبيت مخبوص البنات وجهالهن بوست الكل وامي تخابر وتعزم من سدته وسلمت عليه كتله
يممه صدك تحجين انتي مجزتي من خطبتي من خربت شكوو تعزمين اي دخل تكمل
لأهل مره مضبطه البارحه اجتي ام جاسم واخته وتفقنه عل كلشي حتى عل غايب والحاضر ضلت اليوم بس يتفقون روتين وكبل يعقدون
ياااا هاي شبسرعه اي غير يشوفها تشوفه بعدين شوكت جايات النسوان اشو اني مادري
قصص وروايات عراقية كرار صلاح
رشا علينا شيشوفه هوه ميت عليها من شايفه بعرسج ومكنالج اشوو اجوي المغرب وصارت ركض ركض
والله انتو مادري شلونكم لو ما اني برأس فرعكم وانتي سريوان ماصدكتي تنخطبين حتى اختج مطنشتهه
عيني شمدرينه متدرين غير ندري زيوطي كلشي يدري ويسولفلج
لج هوه وينه زيد مو بدوام صاله شكم يوم المهم الله يتمملج عل خير
بدو يجون خوالي وامي بلشت بلغدا واني اكوم منا انمطل اهنا الله ذب عليه بس النعاس بهل حمل لامشتهاء ولالعبان نفس بس نعاس وكله تضحك عليه
ايمان ..... ولج رشا انتي شبيج اشوو بس تتبطحين
مادري ايمان والنبي لو انام يوم كامل هم تلكيني بس اريد ارجع انام
هههههه لعد اشبعي نوم بهل حباله ومن جانبج زيد يبقاله كم يوم بلدوام
اي والله اصلا من يجي وين اكدر انام
قصص وروايات عراقية كرار صلاح
اووويلي الله يساعد الرجله عسكري همزين أحمد خارج هذا القوس الله يعينج انتي وانسام
ونسيتي اسراء هم راح تطبك عل سره
عزززه هاي مخبله بس يضوجهه جاسم تحطه وتكتله بس يلح عليها
لاحبيبتي ادكوم تنتضره بدموع عينهه
طبعن دتكصون بيه وسمعتكم والله اني عاقله ليش هيج ماخذين نضره عليه 😞
ايمان مو هنا المشكله المشكله هوه هم طباكات يعني من يطبكن فيوزاتهم يطكن سوه
انجبي لج سويتينه فيوزات هسه علساس انتي وزيوطي شلونكم لتخليني اكوم اقسم تره ماسكت
لالالا دخيلج خليج كيوت اليوم انتي عروس هاهيه سكتنه
مرت خالي تضحك علينه وامي مدمعه دكول رحتن وحده وره الثانيه وراح تخليني وحدي ونور حاضنته دكله اني عندج واني بنتج وامي تبوس بيه من يمي غرت كمت بصف امي وحضنتنه ثنينه
يمه ليش تحجين هيج تره تقهريني منو يعوفج وحدج اني اعوف حالي وكلشي بحياتي واكبالج
الله يسعدكم يمه اني شريد لمتجن هاي عندي بلدنيه كله بسرعه بسرعه كبرتن وتزوجتن وان شالله اشوفجن بااحسن حال
مرت خالي صاحت كومن منها راح تبجنهه كوومن
حضنته اكثر
ولج رشيوه لمطكعه كومي منها لاتبجيهه
الله عليج اني مطكعه😢
اي دشوفي ركبتج وقيسي
خاله شسوي والله رجلي عسكري وحال الضيم حاله
يبوووو كومي كومي راح تخوفين اسراء انوب
تره ماصارت هاي يعني ابجي امي واخوف اسراء شنو كدامكم بعبع
ههههههههه والله انتي كارثه وعلي مونسته الزيد
يامونسته اني وياه من ينزل دك ملاطم
الله يحفضه الج ويرجعه سالم
قصص وروايات عراقية كرار صلاح
الله احلى دعوه ليحب رشا ميدعيله غير الله يحفض زيد وهاهيه
ديله عيني ام زيوطي هوه وين رايح للجبهه قابل
ممممم هسه بعد شكم يوم وكومي نوحي عل جويسم وهم اكلج هوه وين رايح للجبهه بنت الاوادم ياجبهه غير بعد اضرب لازمين واجب بتلفات الدنيه بلحر والبرد وبصحاري مدري يطلعلهم أحد يذبحهم مدري يصير عليهم هجوووم واحنا كاعدين عل سبالت والمدافاء ونكول همه وين قابل همه بدوام عبالك الدوام بفندق خمس نجوم
اي والله يخاله واذا يجي زهكان وحدتنه تطنكر متدري جان بلضيم الله يعينهم ويرجعهم سالمين الاهلهم ورجلج من ضمنهم
انسام كالت
ورجلي خاله والله هم هيج دوامه
كلهم يمه كلهم مو بس رجالجن الله يحفض كل ولد لهله
امين يارب
صبينه الغدا وتغدينه ولمينه البيت واني جهزت اسراء اني وانسام مكيجناه وبرمنه شعرهه لبست فستان سهره لونه خردلي طلعت فدشي وراه مكملناه بلشت بنفسي لبست فستان وردي طويل ورهمت وياه مكياج شعري بس حليته وخليت باند الفستان ونزلت أول وحده صارت كبالي عمتي وميس هستوهم جاين بوسته وخلت اديه عل بطني كالت
يمه خوما ضيك عليج هذا الثوب وضاب بطنج
لاعمه حبيبتي زين
اشو اشوفه لاطش خاف وليدج يتذى
لامن أتحسس منه انزعه
اي فدوه لعينج اهم شي وليدج هذا زيودي الزغير ديري بالج عليه
بتسمت عل سوالفه والنسوان كله تباوع وطش الخبر اني حامل باركولي وتمشيت اليم اسراء الي القلق جان واضح عليه خطيه طلعت بس لسان من اجه وكت الصدك اباوع عليه مصوفره
هااا سروش شنو الاخبار
رشا الأخبار عدكم اني كلشي مادري
مممم يعني مابينج وبين جويسم اتصال
لاوالقران اصلا حاضرته
هههههه يله مضل شي كله كم ساعه وينفك الحضر
اي وينهم اشو تاخروو
هسه عل جيه لاتتوترين
داسولف وياه كالو اجوي دخلن النسوان سلمت عليهم خطف ورحت للمطبخ اريد اشوف منو جاي وشكد زلم جاين وبنفس الوقت ضايجه عل زيد لان مموجود سوولي البنات مجال وكفت جانوو ابويه وإبراهيم وأحمد ومحمد واكفين يستقبلون بيهم ويدخلوهم للستقبال واخر شي مااشوف غير زيد داخل آخر واحد طارت روحي من شفته كمت اكمز واصيح
رجلي والله رجلي حبيبي اجه
عززه بعينج لج بطنج شكو تكمزين
قصص وروايات عراقية كرار صلاح
ايمان زيد اجه والله فدوه لطوله شوفي
سوده عليه بهدوم الدوام بس ميخالف اهم شي اجه اصلا احلى بيهن طلعن هيبه انسام كالت
يولي اشوو ممبدل
دعوفي بعد روحي غير جان بدوام اصلا متفاجاه بجيته ولاكلي راح اجي
ضليت مرابطه بلمطبخ اتامل يطلع لو يجي يسلم عليه بس ماجاه وادري بي ميسويه مدام كاعد يم الزلم من ايست رحت يم اسراء وضلن النسوان يتعارفن وسالفه تجر سالفه واسراء بغير عالم
اسراء ......... هسه اجه دوري اني اسراء يمكن تعرفتو عليه من خلال رشا بس اكيد متعرفون شنو بداخلي خل احجيلكم شويه اني من تزوجت رشا ويه كل الضروف المرت بيه جنت اتكطع واموت عل بطيه لان اختي وليصير عليه يصير عليه خصوصا سالفت الإدمان والسواه بيه سامر عل اثره كرهت شي اسمه زواج حتى من اجوني خطابه بذاك الوكت وابويه رفض منغثيت بلعكس كيفت وكانت عندي شغله عاديه ال ان اجه اليوم الشفت بي جاسم صار عندي احساس ماعرفه ولاحاسته قبل رغم هوه عينه صلفه وباوعلي بكل جره بس مادري شصار بيه من يومه كمت كل ماشوفه تتخربط احولي واحنا مابينه بس النضرات لحد يوم عرس رشا وجاسم طوخه كلش وين ماروح يلحكني والحفله كله يباوع عليه وصلت حده وياه ودمي فار عليه رحت للمغاسل وعرفته راح يلحكني وفعلا اجه وكببت بوجهه
ادري مو عيب عليك شكو لاحكني من مكان المكان
بووووياي عل كيفج يابه مو لسان رشاشه طططططط صلي وعلي
من كال هيج حصرنتي الضحكه بس كتمته وسويت نفسي معصبه كتله
وجماله تحجي عل لساني اذا لساني هيج شكو لاحكني
اي والله اغم شسوي لكلبي مثل البزون يحب خناكه
شنووو قصدك بهذا الكلام
قصدي اني يابنت الناس عيوني تعبت واني بس اباوع اليوم اجيتج وراح اكلجياه طك بطك اني احبج
لاوالله صدكتك توك دكول كلب بزون انت وين تعرف تحب
بربج هذا جوابج عود اني جاي اعترفلج وباجواه رومانسيه هيج تفشليني
ههههههه والله ضحكتني وين الرومانسيه بلموضوع اشووو يم المغاسل جاي تعترفلي
ههههههه والله ضحكتني وين الرومانسيه بلموضوع اشووو يم المغاسل جاي تعترفلي
وعلي انتي داهيه خل اشرد احسلي بس هاااا خليه بالج تره بلعباس احبنج
راح وعافني خطيه طفرته بسلوبي وماوعيت عل نفسي ال اختفه من كدامي عزززه بعينج اسراء اشو مصفره عندي الرومانسيه وهزمت حتى الرجال كفخت روحي ورجعت يم البنات بس بالي مشوش وكلامه يرن بذني اني اول مره اسمع هاي الكلمه بيومه رجعت وعيني ماغمضت وكمله من دخلي خاص وضل يتصل ويراسل بس اني منطيته مجال كلت مستحيل انطي فرصه واحجي وياه خصوصا هوه صديق زيد الروح بلروح جنت انطي رفض وأغلق الفون ومرات احضره أيام وأرجع افتح الحضر مدري ليش ال ان فديوم خابرني وهل مره كلت أحاجي جاوبته
الوووو
هلا هلا واخيرااا حنيني اهلهل
تعرف
جاء شعبالج هاج كلششششششش
اذاني نطرشت ومتت ضحك واجزمت هذا موصاحي وين اكو هيج خبال
هااا يابه بعد لو كافي
لالا انت ابد موصاحي
جاء منو كالج اني صاحي هوه اني مخبل
لعد شكو تريد تورطني وياك
بلكت أعقل عل ايدج
شكلولك عليه فاتحه مستشفى مجانين
وعلي لو ترهم اول واحد اني اسجل
تحجي شتريد لو اسده
اريدج يابنت الناس عل كولت ابو الزود بلعباس اريدج انتي بس كولي اي وخلي الباقي عليه
طبكته بوجهه وجسمي كله يرجف هذا سواه صدك يالله ويردني اوووو شبيج اسراء ادري قابل جذب لعد اوووف والله دخت هذا منين طلعي انام احسن وهيه تصفه نمت ومن يومه جاسم معافني ولااني نطيته مجال لحد فاجتني رشا واجه زيد يبلغنا جاي يخطبني شعور ماكدر اوصفه اني اكو شي بداخلي الجاسم بس ماعرفه شنووه عل اكثر هوه إعجاب اجوي اهله شافوني وتفقوو عل كلشي واليوم موعد الخطوبه كاعده ومرتبكه وخايفه اني متعجبه عل نفسي لان شخصيتي توقعته اكثر من هيج بس طلعت هاي الحضه كل أنثى تحس برهبه بساعته بين كل هاي الهوسه صاحولي يم الباب وطلبوو موافقتي والكل داير مدايري وعيني عل كل ونطقت بلموافقه وتعالت الهلاهل وكلمن يجر بيه من صفحه ويباركلي وصار وقت دخول جاسم عليه كلبي صار مثل الطبل يدك احس حتى صوت دكاته كله تسمعه كعد بصفي كال
هااا بويه بلمبارك
الله يبارك بيك
جا وين لسانج صلينه كم طلقه منه
جاسسسم
يابعد جاسم وعشيرته طركاعه هاي شطالعه
ههههههه طركاعه شنوو هاي عل راسك عل راسي
تردين الصدك والله عل راس زيد الي ناسبكم وخلاني اشوفج وتولع بيج
😦😦😦😦هسه هذا شنو غزل ذم
بكيفج بويه كيفج اكلج شكو هل نسواوين كله جايه جني قرقوز وكاعدات يتفرجن عليه مينطي فجه شويه امتع نضر عيني
اضبط نفسك وكعد
بوووويه موش مره نضباطيه بحاله
كاعد يمي وميسكت يداهر ويصنف واني لازمه نفسي وضامه ضحكتي وكل شويه يدزون عليه ميقبل يطلع
خاب شني والعباس ماطلع ماسامعين من دخل دار ابو سفيان فهوه ااااامن اني اليوم هنا مرابط
اكلك اشو نكلبت عليه فلم الرساله
قصص وروايات عراقية كرار صلاح
وعلي مو بس فلم الرساله اني هسه حتى بلال الحبشي انكلب لاتخليني اكوم أكبر الله وووواكبر عوفيني وياه مرررتي
ههههههههههه اسكت اسكت فضحتنه
جاء سكتي لعد
سكتت وكل ماكلوله كوم صاح هااا تره أكبر ال زيد اشرله بيده ال كام وهوه يتوعدلي
راجعلج من شتعلت صفحه ابو زيد
اوووويلي هذا شلون راح اخلصه وياه سينمه بدون فلوس
جاسم .......هااااا زيد ووووجع شكو واكفلي بلباب اني ماخلص منك بعدين تعال انت مو بلدوام شعندك لاحكني
لايا عار يا خزي موصوجك صوجي اني الي ماردت اعوفك بهذا اليوم
عمي لاخلفه عليك كفيت ووفيت خاب هسه عقدنه شكو ملاحكني
الله يطيح حضك ولك اثكل شجاك رجعت تراهق
عمي انت ياهوه مالتك بيه انت عايش بلمحموديه ومرتاح واني لراس الشارع مخليتي اوصل مادكلي شجاك
هههههههه صاقط موبيدك
امشي كدامي يله ماروح اذا متطلع ومنا وهيج تسمع كلامي اني عديلك الجببر
سوده ومصخمه بدوام اشوفك بلمنطقه اشوفك وانوب راح اشوف بيت نسايبي ووووين انطي وجهي منك
عل كلبك كاعد بلعباس ماعوفك اادعبل كدامي يله
رشا ...... عقدو وكملوو والفرحه بعيون اسراء واضحه وكمله دخول جاسم بوجهه لمكشر هوسنالهم وباركنالهم واني نسحبت من بينهم وطلعت وياه طلعتي دخل زيد ركضت عليه حضني
حبيبي
جمبذتي ياروحي
باسني وبتعد ايدي بيده ومشينا لغرفت امي
شلون تنزل و متكلي
ردتهه مفاجأه هم الج وهم الجاسم هذا خويي ماكدر اعوفه بهيج يوم
واحلى مفاجأه من شفتك روحي طارت
اروح فدوه لروحج وليدي شلونه
زين مشتاقلك
واني ميت عليه تعاي
أخذني من أيدي للجربايه نيمني وباس بطني ورجع صار كبالي وجهه بوجهي
شلونج جمبذا
الحمد الله بوجودك اني زينه
هاي شطالعه همزين اجيت جان راحت عليه هاي الشوفه
هههههه
هسه شلون بيه
شكوو
اريد ارجع للدوام بس مابيه اعوفج
لازيد شترجع الله عليك
اي والله خليت ولد بمكاني واجيت
من عرفت راح يرجع ضجت حيل وخرب حتى واهسي حس عليه كال
جمبذا لاتضوجين خليني اشبع شوف بيج قبل ماروح
صار فوكايه بس ماذب ثكله باسوسني بكل لهفه سوه وجهي خريطه وبتعد يلهث
لج شسويتي بيه واريه طريق ورجعه
هوه اني لو انته
يابه غير متنعافين هسه مال اضرب الدوام واخذج للبيت بس غير انفصل بدون تفاهم خل اكوم واليه الله
بتعد ومدلي ايده كومني مسح وجهه وعدل بدلته واني اباوع الروحي قطره مكياج مضلت بوجهي يم الباب وسحبني عليه
حبيبتي
هااا عيني
ماريد هذا الثوب
ليش حبي
وعيونج اغار ضيك ودول الجوار كله واضحه أول منطلع كبل انزعي وجاسم ماريدج تطلعين كدامه ولو اني ماابقي راح اخذه وطلع
شتريد منه خلي بعد همه عقدوو
خيولي خل احرك أعصابه شويه
هههههههه دمشي امشي أنت منو يكدرالك
طلعنا وصدك مارتاح ال طلع جاسم خله اسراء تدرم عمتي وميس راحو وبيومه اني بتت يم اهلي وثاني يوم رجعت سحر موجوده جانت وكل عاده مالي علاقه بيهه حتى جهاله كمت اتجنبهم الايام تركض وحملي مستقر ولاعبالك حامل حتى دكتوره رحت جيكت نفسي لان ماعندي اي اعرض كالت كلشي تمام وحتى النبض موجود طمنيت وحمدت الله لان متعذبت اسراء وجاسم يجهزون العرسهم وعقدوو محكمه وعمي عل نفس المنوال وهل مره زيد قرر يحل هاي السالفه قبل التحاقه بيومين من الصبح اخذ عمي للطابوو سواله تنازل عل بيت وحوله بسم زيد ورجع نطاه الفلوس اخذهن وكلب وبعد ماشفناه سحر سمعت لو تخبلت واخذتله فوك الاسبوع متدخل البيت دكول قشمرتو ابويه وبيعتوو البيت وصار البيت الج ولرجلج مجنت اجاوبه ولااهتمله بس الله يخوف عمتي مترضه عليهه وتحجي هواي وياهه دكله أحمدي ربج زيد شتراه جان باعه للغربه وصفينه باشارع واني لو زيد يشتري قصر ميحله بعيني غير بيتي وإذا تدورين ورث روحي اخذي حصتج من الفلوس الاخذهن اذا بيج خير سحر مرات تجاوبه ومرات تسكت زيد علاقته بيهه صطحيه ويسلم عليه بس ميلاشيهه واليوم كاعدين جنت مسويه كيكه وكاعدين عصريات دناكل واجتي نهله هيه وامه حيل فرحت بيهه وجنت كلش مشتاقتله مشايفته من فتره حتى بخطبت اسراء مجتي زوجه جان مريض وهيه مشغوله واني كذالك امه دره واموت عل سوالفه متصيحلي غير يمه وعيني من جوي نخبصت بيهم ونهله تصنف عليه وعل بطني الي اصلا ممبينه بس هيه تداهرني ضيفتهم من الكيكه وميس جابت عصير صارت ذيج الكعده سحر صدفه اجتي وهم كعدت مهتميتله بقيت اسولف وياه نهله اثاري عمتي تحجي وياي واني ممنتبه لان بينه جانت ام نهله ومحسيت غير سحر صاحت
هيووووو امي مو تحاجيج
صديت عليه لكيته مخنزه عليه عرفته تقصدني كتله
هاي وياي
لاوياه الحايط شبيج شنو طرشه متسمعين
ضليت اباوع بلوجوه وام نهله شبه مصدومه بتصرفهه وكلامه وياي بس نهله تعرفه كسرت هذا الصمت عمتي من كالت
شبيج يمه هوسه وجهال مسمعتني
عمه اني اسفه بس صدك اني مسمعتج
ادري بيج يمه ادري حبيبه اني جنت داسلج عل زيد دكلج الدنيه غوربت جانت كعدتي النوم ميصلح
نحرجت حيل وسحر مزنبره عرفته تدور مشكله ولو تموت مانوله لباله خصوصا زيد هنا وماريد اضوجه ولااعكر مزجاه كمت بدون كلام صعدت الغرفتي تماسكت نفسي وقويته رشا تحملي تحملي تريد تفشلج كدام الخطار لو تريد تقهر زيد بجازته تنفست حيل وشربت مي احارب دمعتي لدتحرك عيني شويه شويه هديت وكعدت زيد وماكعدت يمه اتهرب اخاف يبين عليه شي كتله اكعد خالتك هنا سلم عليه قبل متروح هوه حيل يقدره ويعزهه رحت حضرتله الحمام وجهزت ملابسه ورتبت الغرفه سبح وبدل وقررت اموته بحرته غيرت دشداشتي وطوخت مكياجي ونزلنا سوه سلم زيد عل خالته وعل نهله وكال
تعاي جمبذا تعاي يمي
اجيت كعدت بصفه كال الخالته
شلونه جمبذتي خالتي
والله ورده مال الله بس ملكاه وضحكته التفتح النفس كافي
لعد اني ليش احبه غير من وراه هاي سوالفه
حجاهه وجرني جوه جتفه وام نهله جاوبته
الله يسعدكم ودكوملك بسلامه
اي والله يسمع منج وتخلينه بحضنج ان شالله
يبووو يوم عيد اشيل الغالي ابن الغالي
الله يعز غاليج ان شالله اي خالتي ليش مازوجج
هاااااا خاله اشو كمت تخبط
يابه مقهور عليج وكل فكري يمج بلعباس
دخيل إسمه ابو فاضل لاتحير بيه حير بروحك
هههههههههههه هسه مالله يهديج والله الامر مالتي يدور مره وكتله عندي خالتي بنت العشرين
انطيني ايدك كومني خل اكوم اروح احسن
لالا بطلت والله
ابد كومي نهله كوميني
بلعباس مدكومين عمي بطلت عبالي بيج حيل طلعتي كلشي ماكو خطيه الأمر وين يولي
حجاه وباس رأسه ونهله كامت دتروح حلف ميطلعون ال يتعشون هيه تحلف وهوه يحلف تالي كعدو سحر تباوع شلون اني لازكه بي ونضحك بودهه دكطعني لان الباله مصار من شفت عينه علينه شاورت زيد عل عشه وكمنا اني وياه انوب طكت عباله شو شكتله طلعنا للطرمه كال راح اجيب عشه راح واني رحت للمطبخ هم حضرت كم اكله وميس سوت زلاطه اجتي نهله
رشا ليش تكلفون نفسكم والله مو مال عشه
يمعوده هسه شمسويلكم من عشانه
اي خوش عليج اشوف زيد طلع
عادي يمعوده هسه قابل يوميه جايين اصلا اليوم مدري منو فتحلج الدرب
والله شتاقيتلج واجيت هسه بس كليلي سحر شمسويه بيج
اااخ نهله شحجيلج حتى احجيلج خو شفتي بعينج
اي أدري ليش سا كتتله
والله مساكتتله بس زيد هنا وماريد مشاكل خوما كل مينزل مشكله
الله يساعدج عليهه لو ضره هم موهيج بس هيه هاي تغار من زمان تغار من اي شي وانفه حتى ويه عياله من اول شهر عزلت
لعد رجله شلون متحمله
اكلج هوه وينه رجله متشوفيهه اربعه وعشرين ساعه هنا وهوه لو مسافر لو شوف وين
بس مبين عليه خوش رجال
هاي بس الضاهر كل السوالف الطايح حضه عنده نسوان وتليفونات متشوفيهه متعقده
بس ممبين عليه ابد
اي هنا غير يخاف من زيد بس الله وكليج انكس منها
الله يعلم اشو ياهو لدكولين عليه زين يطلع صفر لاخلقه والأخلاق
معليج بااحد اهم شي زيد شفتي شلون يحبج الله عوضج
الحمد الله والشكر
اجتي سحر وسكتنه وره شويه اجه زيد جايب العشه رتبته وميس وياي وفرشنه السفره وتعشينه كلنا ال سحر مكعدت ورغم زيد ميحجي وياه بس كل شويه يصيحه لو يدز ابنه عليه وهم مجتي كملنه وشربو الجاي وترخصوو واني نضفت المطبخ وميس مسحت البيت زيد طلع كلي شويه واجي بعد ماكملت كلشي صعدت لغرفتي حضرته ورتبت سهره مثل كل يوم بوجود زيد اسوي هيج لحد ميلتحق واجه سهرنه لوكت متأخر كلش وراه سبحنه ورجعنا للغرفه ردت انام ماقبل ال اجفف شعري يكلي تتمرضين شغلت الشسوار وهوه كاعد عل جربايه منتضرني واني ميته نعاس بس من لاجاره قريب ماريد أكمل كال
جمبذا طفي الشسوار شويه يمكن الباب
لاوين اكو مداسمع
اشو طفي
طفيته ودكت الباب قوت بس مو دكه
تكسر. .....
.
.
.
تكسر. .....
.
.
.
.
رجاء طلب وليس أمر القصه بلمركز الثاني اتمنى متبخلون عليه بلتصويت والتعليق حتى نوصله للمركز الاول
احبكم اختكم رفل الكناني ❤❤❤❤
Bạn đang đọc truyện trên: Truyen247.Pro