#جمبذا_ادم

رومانسيه قوه

user65690873

#البارت32

يبووووو عل حضج ياحليمه كامل انت صدك تحجي تريد تبيعنه البيت وتهججنه تخبلت يارجال ووووين نولي مدكلي

والله هاي مشكلتلكم انتي وابنج اني البيت عارضه وراح ابيعه محتاج فلوسه وانتي روحي وياه ابنج موخابصتني بي خل يفيدج

كامل ليش هيج تسوي خاف ربك بينه احنا اهلك وهذا ابنك هل واحد شحال لو عندك تلاثه اربعه جان شسويت

والله لو ادمي جان ماهيج عاملته بس موادمي ومو عل كلبي

الله وأكبر عليك لو ماهوه جان وين رحنا جان منو عيشنه انت الي نشوفك مره بلشهر بعدين ليش موادمي يعني ينطيك فلوس تحطه عل راسك مينطيك متعترف بي انت شلون اب

انتي تعيرني هوه شمنطيني هنا تلافيس
اي منين يجيبلك البيت برأسه والخطار والمريض موزين زوج نفسه بنفسه اشو انت فلس أحمر منطيته وحتى عرسه ماحضرته

اي وانتي متحمله عليه موووو وفريتي الموضوع عل ابنج وعرسه

مافريت الموضوع ولاغيرت راي البيت مينباع ولو انت لو اني

اليوم مترهيه وتحجين بزودج لازم الشفيه هنا

ماعليك منه ولاتصيح نصي صوتك الوليد جاي من الدوام نص اليل تلكاه نايم استر عليه لاتصير سالفه

تخووووووفيني بابنج انتي وابنج وهذا البرجلي

واكفه عل درج واسمع كل هذا الحجي عمي هاي اول مره اسمع صوته عل وكفتي هاي ونفتح باب غرفتي وطلع زيد النومه بعينه وكوه مفتح كال

هاي شكوو

مادري

مد رأسه من الدرج وضل يسمع عمتي وعمي عل نفس الموال واحد يرفع واحد يكبس لتفتلي كال

جيبي بجامتي بسرعه
دخلت طلعتله بجامه لابسه ونزل واني واكفه

هااااا حجي الله بلخير بعد بعد علووو صوتكم محد سمع بس اني كعدت من النوم

وانت شدخلك اني وامك

شلون شدخلني صارلك ساعه تشعل بزيد وتنعل فهمني شنووو سالفتك لو هم مصيبه جديده

ولك اي يمه اي مصيبه وهل مره ماله حل يريد يبيعنه البيت

يابه صدك هذا الحجي

اي صدك وانتوو مالكم علاقه بيه هذا بيتي ابيعه احركه معليكم

تره زودته حجي احجيلي من الأخير شكد تريد واني انطيك لاتضل يوميه مطلع سالفه شكل تره اني مليت منك ومن سوالفك خاف الله بيه خاف فديوم التحق ومارجع

وطبك مرض لاخلفه عليك اني اجدري منك كلشي ماريد منكم والبيت ابيعه يعني ابيعه

حجي ستهدي برحمن موانت ابوي وماريد اتجاوز عليك كافي عاد
عجيب انتووو شعليكم انت مو مسوي نفسك رجال برأسي والأمر والنهي كله بديك اي دخذ امك وشتري بيت واني اشوف دربي بفلوس بيتي

اسمعني اسمعني البيت بيتك صحيح بس متعرف تتصرف الله ليعلم وين راح تودي فلوسه بيا مشروع فاسد وفاشل بلعباس أبو فاضل البيت اذا نباع لاانته ابويه ولا اعرفك والشراي اليوصل يم البيت ال ادفه وخطيته بركبتك

زيد كال هيج لو البيت شتعل عمي كلب الدنيه أشكال الغلط والسبب وعمتي تبجي وتدعي عليه زيد عافهم وصعد وعمي وكف عل درج مخلاله دخلنا الغرفه سديت الباب وزيد كعد عل جربايه جكاره وراه جكاره نهائي محاجيته لان وجهه ميتفسر كعدت مشطت شعري بدون تنشيف ماتجاره اشغل الشسوار ولفيته ولهيت نفسي بلغرفه رتبته شويه وصارت صنته خليت الشال عل راسي ونزلت عموو كاعد بلهول وهاي اول شوفتي آله سلمت عليه ورد عليه بجواب بارد حتى خجلت عفته ورحت للمطبخ عمتي كاعده تلكط تمن وعيونهه مدمعه وميس تغسل مواعين صبحت عليهم وخليت كلشي طبيعي سألتهم متريكتن كالو اي سويت الي وال زيد وصعدت خليته وكعدنه كام زيد غسل ورجع كعد بس ماكل لكمه بس شرب الجاي واني هم من شفته هيج متريكت نزلت الصينه مثل ماهيه الوضع مشحون والبيت متكهرب محد يحجي بس الوجوه مبينه اخذت التمن من عمتي غسلته وطلعت الدجاج نكعته ورحت عل طرمه شغلت الصونده وغسلته ونشفته ورجعت داطبخ صاح زيد عليه صعدت
هااا حبيبي

طلعي ملابسي داروح ازين

صار

طلعت تراك ومسحت الشحاطه وهوه بدل وشال سويجه فتح محفضته شاف شكد بيه و رجع خلاه بجيبه نزل واني وراه باوع عل هول وعل عمي وطلع كال

سلمتي عليه

اي سلمت

رد عليج لو لبسج

لالا رد

الله عليج

اي والله شبيك سلمت عليه ورد عليه

هز رأسه ممقتنع اضاهر ابوه ويعرفه طلع واني رجعت طبخت وكملت ومن شفت هيج البيت بعد مومال اصب غده كلت ال ميس اني راح اصعد والغده كملته من تردون بس صبوو رحت الغرفتي غسلت ملابس زيد وشريتهم وكعدت انتضره كومه تأخر صارت 3الضهر وهوه ماكو خابرته كال اني مااحلق هنا احلق خارج المنطقه والطريق وزدحام هسه جاي والله ربع ساعه ودخل بس شمر غراضه عل ميز وكبل للحمام واني نزلت حميت الاكل هم لكيتهم صابين رتبت صينه وصعدته كعدنه نتغدا بدون كلام وزيد لحد الان احسه بس واحد يبزه ينفجر اكل وكام واني هم لملمت ونزلت سويتله جاي بس لكيته نايم وكفت فوك رأسه وكلبي يكلي كاعد بس ديضاهر بلنوم مادري شبي يجوز عباله راح افتح وياه الموضوع خليته عل راحته طفيت الضوه والشاشة وشغلت المكيف واجيت غطيته ونمت بصفه ندار عليه خلاني عل ايده ونمنه وهيه نومه للمغرب ال دك الفون واني وجاوبت طلعت امي دتعزمنه عل غده كالت نطيني زيد كتله نايم سدته وكالت من يكعد اخابره كمت من يمه طلعت غسلت وصليت وهوه كعد هم غسل وصلا ونزلنا عمي موجود ماكعد يمه راح بغرفت عمتي جانت دسبح باس رأسه وكعد واني كعدت عل سرير بصف ميس كملت عمتي وتدنت يمه جان مدد ومخلي ايده جوه رأسه عاكسه مادري شيحجون حتى اني ماسمعهم بس عل أغلب عل عمي لان زيد عاكد حواجبه وهيه تمسد عل رأسه اخر شي نهض كله قصص وروايات عراقية كرار صلاح
يمه راح اطلع ماتحمل وجوده بهاي سوالفه وماريد اسوي مشكله لخاطرج كومي رشا جيبي غراضي بلكت اطلع ومارجع

من كال هيج من يمي حتصرت

حبيبي ليش هيج تحجي تره دتقهرني

ستغفرالله يالله اني جاى من الضيم انوب الكه ضيم يمه شلون باابويه

اطلع يمه اطلع لادكابله وتتعاركون

صعدت جبت غراضه وكلمته دك بكلبي أخذهم وطلع واني كعدت يم عمتي كالت

يمه لاتنقهرين زيد معصب ومايعرف شيكول

عمه ليش يدعي عل نفسه احنا شعدنه غيره والله كلبي نقبض

اووووف اوووف لعد اني شكول من ذاك اليوم لليوم عل هل رنه الكز والكفاز هوه وأبوه واني بنصهم

ادري ليش

هيج هذا الرجال الله بلانه بي مايعرف يتصرف ويوميه مشكله وزيد يحل ويرجع ليوره ويدفع فلوس ومراضي عليه هيج بي مرض مال حقد وزيد سوده عليه جابه من ذاك اليوم لليوم شايلنه وحامل الزغيره والجبيره
الله يساعدكم عليه احنا براهيم ابويه عينه متغمض اذا مو هوه بلبيت

مو بله ماسمعتني داكله شحال لو عندك تلاثه اربعه هوه واحد ومخلي جنيتك وياه والله غير زيد واحد ميتحمله بس غير هوه يخاف الله بي

الله يهدي ان شالله

اي والله يمه دعيلهم احنا شنريد

بقيت كاعده ليوين ال صعدت كلت خل اغير عليه الجو هوه ضايج ليش اني اكتم عليه كمت خليت مكياج ولبست احلى سيت بكنتوي عطرت الغرفه وطفيت الاضويه بس ضوه الشاشه موجود مددت اراسل البنات كالن باجر نجي علمودج لهناك واجه شغل الضوه ونزل العلاليك باوع عليه بتسم واجه كعد عل جربايه

شلونج جمبذتي

هلو حبيبي

هاي شطالع لك ليش هيج تسوي بنفسك والله اخاف عليك من خبالي

هههههه منيلك خبال انت العقل كله

باسني وكام بدل وخلاه فونه عل شحن وطلع للحمام واني كمت فتحت العلاليك يبووو أشكال جايب ممخلي حلويات عصاير كرزات فواكهه رتبت كلشي بثلاجه اجه كعد واني لبست الروب قصص وروايات عراقية كرار صلاح
هااا وين

داجيب ماعون للفواكه والكرزات

اني اجيب

تمام

نزل وتذكرت السجين بعده عل درج همست

حبي

رفع رأسه

جيب وياك سجين

هز رأسه اي ونزل شويه واجه جايبهم قطعت الفواكه وكملت شاله كال

سوي ثاني هذا راح انزله الامي

صار

فتح الثلاجه وطلع عصير وحلويات عرفته ال ميس يابه شكد حنين هوه نزل واني سويت النه اجه وكعدنه نتفرج فلم ونتعلل لحد متأخر الوقت واني طفيت لملمت كلشي واجيت يمه نمت عل صدره كال

رشا تعبان
ليش حبيبي

متتخيلين شكد موتعب جسدي لا والله تعب نفسي

اسم الله عليك من التعب حبيبي

ابويه ابويه حيل متعبني عبالج من هوه مموجود اني مرتاح لاوالله بلعكس مهموم اكثر لان ادري بي راح يجيلي مصيبه ويجي

ميخاف حبيبي طول بالك

الى متى رشا إلى متى تدرين من طلعت من الاعداديه ولهذا يومج اني بس اروكض مضلت شغله مشتغلته عبالك احنا مو اربع نفرات عبالك عشيره وكله من وراه ابويه

ادري هوه شييتغل

متعرفين لان اني ماعرف يوميه شغله شكل مره يشتري كاع زراعيه ويضمنهه ويزرعهه ومن يشوف مامنهه فلوس هواي يروح يببعه بلخسران لو يقشمر احد بيه وراه فتره يكشفوه ويسولوه هوسه واني احله بلفلوس لو يروح يشتري سياره وهم يبعبه وتطلع لو مضروبه لو مبيوكه وهم تعال زيد ادفع وفضه لو يريروح يفتح مشروع يجيب واحد يذبله بضاعه ويكله اشتغل يومين تلاثه شاف ماكو بيع ماكو فلوس يكوم يعارك الرجال ويبوكه وتصير سالفه مركز وشرطه وكعده وعل هل رنه طحينج ناعم لاهوه تاجر لاهوه مقاول هسه غير مره وحده يتعض ويكعد لا ابد ميجوز شهر شهرين تنسي السالفه ويرجع
زين وين يبات

بكيفه يوم فندق يوم شقه يوم الكاه اصلا مسافر زين شسويله هوه صغير واضل اركض وراه والطامه الكبره ابويه يعني بكل الحالات ماكدره

لاتقهر نفسك حبيبي الله يهدي

انوب طلعلي بسالفه البيت اني مو عل بيت من باجر اشتري اغاته بس وين يريد يودي فلوسه بياه بليه هل مره وهذا البيت امي روحهه بي بس تطلع منه تموت

والحل

هوه اني اريد الحل ليش اكلج تعبان رشا اني ابد مرتاحيت بحياتي والله العضيم وهوه ليش ديسوي هيج يدري عندي فلوس ويريد يكعدني عل بساط الفكر ميدري شلون لميته اني من وراه حتى معرض السيارات صفيته لان يوميه جايني هناك ومسويلي فضيحه كدام العمال

عندك معرض سيارات ؟

اي لعد منيلي هاي الفلوس عبالج من الراتب هوه االراتب هاي صار كم شهر ديصرفونه قبل جنه نداوم بدون راتب أول مابديت حياتي وكملت اعداديه كمت ابيع سياره واشتري سياره وبعدين شتغلت وياه خوالي بمعارضهم لحد مادخلت شريك وبعدين شويه شويه شتريد المعرض وصرت اني ابو المال ومعافني بحالي ال صفيته ال خلصت قصص وروايات عراقية كرار صلاح
زيد ميخالف حبيبي يبقى ابوك ورجال جبير

اي لعد اني شمصبرني غير هوه ابويه لوغيره يسوي هيج بلعباس ماخلي عايش

وهسه شراح تسوي

مستحيل اخلي يبيع البيت هل مره طوخهه غير عن كل مره

زيد كافي تشرب جكاير من يمي ختنكت

طفى الجكاره وسحبني عل اديه باس راسي كال

اني اسف اخاف بدر تصرف من ابويه موحلو

حبيبي اني ميهمني أحد غيرك اليوم من حجيت عل نفسك روحي طلعت

اسم الله عليج تعاي جمبذتي تعاي نسيني كاشي

أخذني بحضنه عصرني حيل وأخذ شفايفي بحلكه اني اتخبل من ريحه الجكاير بس من مخلوطه بعطره صايره ريحه خطيره فقدت بين اديه ورحت لغير عالم بقينه للصبح بعده سبحنه سوه وصلينه الفجر ونمنه وين وكعدت مفزوعه باوعت عل ساعه تخربطت احوالي الساعه 11الضهر شكد عيب من عمتي بسرعه كمت غسلت همزين اليوم ماكو غده معزومين عد اهلي نزلت صارت بوجهي سحر
صباح الخير

ياصباح عيني ضل صباح دنيه الضهر

باوعت عليه وعل عمتي داحجي عمتي كالت

شتردين منها يمه اخوج هنا وبعدهم عرسان

عرسانيش انتي يخلفون وهم تضلين تصيحين عرسان

اي وشكو بيه اخوج يبات بدوام خلي مرتاح ويه مرته من يجي وإذا نامت قابل شعده اشو البيت وهيه وميس ينضفن من اليل

من عمتي دافعتلي بعد ماكو داعي احجي واكبر رأسه صديت عل عمتي كتله

عمه اني اسفه اخذتني نومه

نوم العافيه يمه شريد منج مدام زيد بلبيت اخذي راحتج وحتى نزله لاتنزلين اني ماكيف انتي وابني مرتاحين

رحمه والديج عمه

والديج بنيتي

صدك عمه امي خابرتج عزمتج
اي عاد ام براهيم ام الواجب من الصبح خابرتني

خوش لعد حضري نفسج

ان شالله

سحر بس تخزر بيه وتريد تنفجر عل عمتي من طلعت كالته

اي اي علميه عل خده وعل نوم للضهاري

سحر الزمي لسانج البنيه ورده وممقصره متصعد غرفته اذا متفر البيت فر ومتخلي حاجه وراه بعدين انتي شنو وهيج تحاجيه موعيب البنيه غريبه انتي شنو هذا لسانج

يممممه هاي شوكت فرت دماغج موهاي رشا لجنتي تصيحن مطلكه عليه لو لا

هاي هاي قبل بس هسه عرفت هيه شنو البنيه ماشيفين منه شي تركض علينه وعل اخوج شوفي هسه ينزل شلون مرتاح اكلته جاهزه البسته جاهزه هدومه معدله ومكويه ومعطره

اي هاي بس هسه فرت عروس بعدين تشتغل الجيافه

لاوالله النادره تضل طول عمره نادره كافي عاد اسكتي لاتسمعج قصص وروايات عراقية كرار صلاح
سكتت واني جنت اوكل طير الحب مال زيد معلكه بلحولي سمعت كل حجيهن وستغربت كميه الحقد الشايلته سحر عليه اطب واطلع بلبيت واسولف وياه ميس وهيه بودهه دكطعني حتى جهاله متخليهم يحجون وياي عفته وصعدت كعدت زيد وجهزنه نفسه وطلعنا البيت اهلي اني وزيد وعمتي ميس ماجتي علمود سحر ستقبلنه ابويه وجانو أزواج البنات موجودين اول ماكعدنه زيد شاورني

كومي حبيبتي لاتكعدين هنا

ليش حبي

نفذي وخلص

صدك تحجي غير بيت اهلي

اني مو عل اهلج عل أحمد ومحمد

اي واذا غير ولد عمي

هسه دكومين لو اعوف العزيمه وارجع

باوعت عليه نضره عتب وكمت بس صدك طكيت قهر ابد موطبيعي يعني حتى نفرزني كلنه يغار بس مو لهل درجه يكومني من نص بيت اهلي رحت للمطبخ لهيت نفسي وياه البنات وامي الى أن صار الغدا وفرشننه السفره واحنا كعدنه كلمن يم رجله وكله تسولف وتضحك ال اني يمكن مصدومه بتصرف زيد حتى طعم الاكل ماعرفته شنو هوه حس عليه بس مغلس وامي خبصتني اكلي واكلي خلت الكل ينتبه همس

فكيه عاد تره مااخذت روحج كومتج لان اغار عليج

من كال هيج خزرته وكمت شويه ولحكني بحجة يغسل
شكووو طنكرتي

هذا تصرف ؟

تغار من أحمد الي الشيب تارس راسه لو من محمد الي هوه وإبراهيم بنضري واحد
قصص وروايات عراقية كرار صلاح
وشكو مدخنه

يعني السويته عادي

بلبيت اني اعلمج

حجاه ونطاني الخاولي ورجع كعد نشالت السفره واجه الجاي بس شربه كال يله لبست جبتي وطلعنه سلم عل كل وعمتي تتشكر منهم عل عزيمه رجعنا كبل صعدت وهوه واريه اول مادخل كال

كلمه وحده بلموضوه الصار بيت اهلج البيت اهجمه سدي نهائي

ماحجيت بدلت وهوه هم ونمنه للعصر كعدت عل بوساته عفته وصديت عل صفحه الثانيه صار واريه همس

جمبذا

جمبذتي كافي عاد اني مبالغ صحيح بس موبيدي والله
هوه شنو الموبيدي هذا تصرفك لو عدم ثقه بيه لو بيهم

وليش مو حب

لهاي الدرجه

واكثر

بس اني ماقبل كلشي ولا أزواج خواتي حتى عيب من خواتي

واني حبيبج متهمج مشاعري

واني شمسويه تره جنت كاعده بصفك

ميخالف تحمليني لحد ماتعود عليهم والله همه ذهب واخلاقهم عاليه ومحترمين بس اني ارجف عليج

جمبذا

ممم

كافي حبيبتي ادري خنكتج ونقصت عليج روحت اهلج بس ميخالف

زين اكو موضوع داحجيك بي

اي كولي
شوكت ارجع وياه نهله

وين

للشغل غير

رشششا انسي هاي السالفه نهائي

ليش يعني تره انت خطبتني واني اشتغل مجنت معارض

عل اعصابي غير جنت مالي سلطه عليج

وهسه

هسه شغل ماكو ونهله تستحين منها اني احاجيهه

بس هذا مجان رايك قبل

قبل او هسه اني مراضي سدي هذا الموضوع اني اروح للدوام وامامن انتي بلبيت واجي اريد ارتاح تعوفيني وداومين لادكليلي ماعندك ثقه بيه لاعندي لو ماعندي جان مخليتج وحنى مخطوبين رشا نقاش بهذا الموضوع ماريد كولي تم

شفت كلامه منطقي وهوه زوجي وشغلي موفدشي مهم لو شئ يخص مستقبلي كلت ليش أعراضه ماكلت غير
هاهيه حبيبي الي تشوفه
قصص وروايات عراقية كرار صلاح
لعد اني ليش احبج شوفي كلمه وحده جانت تكدر تصنع مشكله وكلمه ثانيه طفتهه وحولته راماد جمبذتي

عيونها

بلعباس احبنج

واني اموت عليك

يله كومي اريد اطلعج

وين

اي ماكان

اوك

كمت حضرت نفسي ونزلنا سحر من شافتنه تلت جهاله وجرت عباته من الشباك وطلعت زيد منتبه عليهه جان فاتح البنيد وديسوي بسياره ميس بلحديقه كتله

ميوس تروحين

وين

اي مكان نغير جوو
لاخطيه اخذو راحتكم

عليمين كومي ويانه عل واهس

لاوالله ماريد اروح

ميوس لاتصير نفسيه كومي خل نقط زيد

ضحكت وكامت ركض زيد باوعلي

معدله عمي هيه كوه بلعباس معدله

زيد اموت عل كلمة بلعباس وهيه طالعه من حلكك

تعاي شوفيني شلون تموتين

حصرني عل حايط هستوه ديبوسني عمتي دكت جامت المطبخ بتعد يضحك

هااااا حجيه شاده كامره مراقبه

لاوالله داتوضه وشفتكم اكعد راحه ابو الزود هاي مشبعت من فوك نزلتوو جوه

ههههههههههههههههههه اويلي حجيه هذا قصف في منتصف الجبهه
قصص وروايات عراقية كرار صلاح
طلعت ميس مبدلا واني متت خجل وهوه ولاكنهوو كله يمه تروحين جاوبته لايمه رجلي ماكدر روحوو الله وياكم طلعنا الجوو ديغورب أخذنا محل مرطبات كعدنه كعده حلوه وراه اخذنه مول وميس دقتني نفسه عزيزه وعينه مليانه متقبل تاخذ اي شي واني وزيد نتوسل بيه ومن ايسنه كمت شاخذ اخذله فرينه هواي ورجعنا هلكانين نمنه بسرعه ومرت الايام طول الاجازه مال زيد واحنا يوميه نسهر للصبح و نكعد عل صياح عمي وعل نفس الموال يريد يبيع البيت ويوميه يتلاطش هوه وزيد حتى فلوس نطاه حتى يسكت وماسكت نهله بلغته بقرار زيد وتقبلت لان تعرفه عذرتني هل مره لتحق زيد وحالي مثل المره القبله بس رفضت اروح الاهلي عيب من عمتي اني خوما عايشه يمهم علمود زيد وبس وهيه زينة وياي وميس واني وياه الروح بلروح فبقيت وبليل انزل انام يم عمتي تعلمت عليهم وعايشه مرتاحه حتى عمي حاولت اكسبه اجيبله الاكل والجاي رغم يقسم عل زيد كدامي ويخرط أشكال مافك حلكي اكول هوه ابوه قابل يكرهه بس عقله هيج شسويله سحر يوميه يمنه من الصبح ليل وزيد محلفني من يجي رجله اصعد بغرفتي مع العلم اني مره وحده شفته مبين انسان مودب مادري شلون جارعه بس هوه زيد يغار هيج حللته بدماغي جنت متحملته هيه وجهاله وجهاله مينجرعون من الوكاحه هاي صار سبوع زيد بدوام بعد 3ايام وينزل منتضرته عل آخر من الجمر اخابره ونحجي باساعات ومرات انام عل صوته جنت مرتاحه ومانقصني غير بس زيد يغير دوامه وأكيد وره هاي الراحه
لازم يصير شي

يخرب عليه

حياتي .
.
.

.
.
.
احبكم اختكم رفل الكناني ❤❤❤