#جمبذا_ادم

رومانسيه قوه

user65690873

#البارت31

كعدت الصبح زيد جان بسابع نومه كمت غسلت ورتبت نفسي ونزلت بس ميس وعمتي ديتريكن ميس من شافتني كمزت حضنتي وسلمت عليه وبعده اني دنكت عل عمتي بوسته

شلونج عمه

هلا عمه هلا حبيبتي الحمدالله عل سلامتكم

الله يسلمج

اكعدي يمه اكعدي تريكي شوكت اجيتوو

بليل والله عمه

يااأ اكول ليش البيت منور اثاري شمعت بيتي من البارحه نايم بي وينه سوده عليه

نايم عمه

نوم العافيه ان شالله شلونه سفرتكم

والله تخبل ناقصه بس وجودكم

ميس كالت

اي والله مره الثانيه تاخذوني وياكم معليه ازعل 😡

ههههه ادللي من عيوني

عمتي شاورتني طكيته بضحكه من وراه سوالفه

عمه دللتي وليدي تره تعيبان ونشلع كلبه لحد ماخذاج

عمه هوه ابنج منو يكدرله مدلل نفسه بنفسه

صدك عمه الله عليج

هههههه والنبي عمه اصلا الاسبوع الثاني ولاطلعت من وراه خبلني

رفعت ايده وشهكت

ربي ان شالله بوجهج وكبل توم ومن هذا الشهر

هههههه ان شالله

تريكنه وكملنا داشيل الصينيه لازمت ايدي

ميسسس يمه تعاي شيلي الصينه

ليش عمه عيني اني اشيله

اكفي دحاجيج

رجعت كعدت وميس اخذت الصينيه وراحت كالت

يمه صدك السالفه صارله هواي بس بعده دك بكلبي وعبالك رب العالمين عاقبني عليه وماحسيت بعقابه ال بصواب زيد

عل شنو دتحجين عمه

يمه حلليني وهبيني اني حجيت عليج من صارت ذيج المشكله وجيتكم للبيت وكل ماريد اعتذرلج مالي عين ال هسه صرتي كبالي ال كتلج وداعت زيد الماعندي أعز منه كله سوالف سحر اني صحيح بلبدايه ماردتج لان مطلكه وماعندي غير هذا السبب والله يشهد بس سالفت جيتنه البيتكم كله بسبب سحر هيه نكت برأسي واني متندمه عليه عل كد شعر راسي

عمه حبيبتي لاتتعذرين ولاتتاسفين ومحلله وموهوبه انتي امي الثانيه واني لخاطر زيد من زمان نسيت السالفه وإلا جان موافقت عل زواجي منه وسحر الله يهديه والله اني ممذيته

اي هيه شويه نفسيه وتحقد ومن صارت المشكله بوكته زيد طردهه من البيت وهيه شالت بكلبه وهسه تتوقع انتي السبب فلاتهتميله لان راح تشوفيهه بلبيت هواي عليج برجلج وبس خليه هيه بمروو الوقت تعرف انتي شنو

صار عمه ادللي

فدوه اروحج يابعد عمتج اخذي راحتج هذا البيت بعد صار بيتج

رحمه الله والديج 

كمت منها ورحت اساعد ميس وكتله اليوم اني اطبخ طلعت الاحتاجه من المجمده وبلشت بلغده قريب ماريد أكمل وصاح زيد من فوك

رشا

تمشيت وكفت عل اول بايه ورفعت راسي

هااا حبيبي

تعاي عيني حضريلي الحمام

صار

ميس ديري بالج عل الاكل خلي بالج يمه

ماشي

صعدت جان واكف باب الغرفه بسته من خده حصرني عل باب

صباح الخير

صباح الجمبذ جمبذتي هاي شوكت كعدتي

اوووو من زمان

تعاي ريكيني حتى اسبح

لازيد عندي شغل وخر الله عليك

ينطيج كلبج

زززيد

هههههه ديله لاتبجين ماريد بس حضريلي الحمام

ديله هدني موجعصتني

بتعد مبتسم واني رحت خليت ملابسه الداخليه علكتهم وهيتله الحمام دخل يسبح واني رتبت الغرفه وعطرته وملابسه خليتهن عل جربايه وفتحتت جنطنه هم رتبتهن ولا يحتاج غسل طلعته عل صفحه كملت كلشي ونزلت شويه ونزل سلم عل عمتي وحضنهه يبوس بيه وين ال هده وبعدين عل ميس وراه ورث جكاره وكعد

زيد عل شنو الجكاره وانت ممتريك

ماعرف حبيبتي متعلم

دصبر داسويلك ريوك

ماريد هوه شضل للغده خليه حتى اتغده وصلتني إخبارية اليوم مرتي طابخه

بتسمت كال

حبيبتي بس جاي سويلي بين ميصير الغدا

صار

سويتله الجاي وديته ورجعت سويت الزلاطه وبديت اصب الغدا وهاي اول مره اطبخلهم ماعرف راح يعجبهم لو لا كملت كلشي وصحتلهم وكعدنه نتغدا عمتي تمدح بطبخ وميس دكولي الله ورطتج الزمي الطباخ بعد منا وهيج وزيد اكل من كل خاطره وكل شويه يكلي عاشت ايدج حيل ارتاحيت من شفت هيج ردت فعلهم جنت خايفه اخاف يختلفون عنه بطبخ بشي لو أضيف شي همه ميحبوو بس همزين طلع كلشي تمام وره الغدا والجاي صعدنه فوك اول شي سويته غسلت الملابس ماكدر اعوفهن بلغرفه وراه مجففتهم ماقبل زيد اشرهم كلي عوفيهن للعصر عفتهن ودخلت للغرفه خابرت امي سلمت عليهه وكتله اني رجعت كالت لعد العصر احنا يمج وفعلا للعصر كشخت كشخه عروس حتى شعري برمته لان اني ماشفتهم من ثالث يوم العرس ولاسويت سبعه صارت سفرتنه بمكان السبعه اني أحضر وزيد يباوع ولازم يداهرني

عمي هنيالهم اهلج هذا كله علمودهم

يمه فدوه اروحلهم شعندي غيرهم

لج واني

انت غيري حبيبي بعدين تره دللتك سبوعين من غلقت حتى الفون وكابلتك

متكفيني لأسبوعين ولاشهرين ا ريدج العمر كله بس اليه

واني الك يروحي

جمبذا

عيونها

بلعباس احبنج

واني اموت عليك

لعد تعاي يمي

لالا ممنوع انت خطر سريع الاشتعال

جبانه

سمعت صوت عمتي صاحت

رشا يمه انزلي اهلج اجوي

شمرتله بوسه بلهوى  وطلعت هوه يكلي يرحون واني اعلمج

نزلت كل بايتين  سوه  من كد  ممشتاقتلهم دخلت الهول وعفت كلشي وكبل  بحضن امي  ضلينه متحاضنين والبنات يصيحن شوكت يجينه السره بعده حضنت ايمان وانسام واسراه وحتى الجهال كعدت لمستواهم وابوس بيهم واحضن اووويلي يارحيت هلي ملت المكان جنه ريحة الجنه كعدت بنصهم وحرت عليمن اصد وعليمن انتبهه سولفنه وضحكنه وميس ضيفتهم وعيون امي تباوعلي تترقبني اني مرتاحه لو لا وتدريجينا وصله الجواب ومن تشوف عمتي تحاجيني 

يمه رشا ولج  رشيوه

هاا  عمه العفو منتبهت

شو شوفيلي هذا التليفون ليش كلوبه مشعول

ههههه عمه غير انتي كاعده عليه ومتدرين ومشتغل الايت

شمعرفني بي دهر صابه بس يطنطن

طفيته ونطيتها ونزل زيد يبوووو الهيبه تسطر والعطر يكفخ والكشخه فول لابس بنطرون كوباي وتشيرت اسود والثكل فدشي قاتل عينه مارفعه عل بنات حتى من سلم بس امي دنك بوسهه وضل يسل عل براهيم وابويه وامي تجاوبه هنا وصل الجواب الامي وعرفت بنته شلون مرتاحه عاد  طلع واني شايله عسوله بنت انسام مدنفشه وعدهه خدود مال كرطت طلعت وراه

حبيبتي راح اطلع

براحتك حبيبي بس شوف زيد الله عليك شلونها موتنكرط

اي والله بس مو مثل خالته

لا الله عليك احجي الصدك

والله تخبل وشدي حيلج اريد وحده مثله

ههههه وين بعدنه بسم الله

هسه بلكت الله

ان شالله

تريدين شي مشتهيه  شي اجيبه من اجي

لاسلامتك

الله يسلمج

راح اجيبلج مشره حتى اخلص من سالفت الملابس

بعد احس

يله رايح

الله وياك

هوه طلع واني رجعت وصحتلهم نصعد فوك لان امي مشايفه الغرفه لاهيه ولاانسام كعدنه وشوفتهم صور السفره وكله بجفه وانسام بجفه تفوت رأسه بثوبي حتى تشوف بصمات زيد خزتني كدام امي ومن شافتهن كالت اوووويلي ذيب هذا وعلي شمسوي بجسمج وإيمان تردهه لعد لوشايفه ثاني يوم من اجيت  وشفتهه  صحت  باامي من وراه سوالفهن  يمه سكتي بناتج وهنه يضحكن عليه وراه ماشبعت منهم ال خليتهم يرحون رجعت عزلت الغرفه الكلبوهه الجهال ودخل  زيد جاببلي مشره خليته بصف الحمام وشريت الملابس ورجعت  سألني عل اهلي  وحجه عليه لان طلعو بدون عشه وحلفتله اني جلبت بيهم بس مقبلوو كال

حبيبتي حضري جنطي اليوم التحق

لازيد الله عليك صدك تحجي

اي والله هسه خابروني

زيد واني شلون بيه وين اكدر عل فراكك

تقرب حيل حضني ومددنه عل جربايه كال

شسوي جمبذتي غير شغلي هذا

خنكتني العبره

شوكت تروح

فد شكم ساعه نوب

وليش بليل والله اخاف عليك خليهه عل صبح

ماكدر حبيبتي موتدرين اني من زمان انزل والتحق بليل

دفنت رأسي بصدره واني مختنكه رفعه بيده

حبيبتي لاتسوين هيج تقهريني والله عل عصابي رايح

ماجاوبت

رشا

مم

تعودي حبيبتي اني عشره أيام بدوام وعشر أيام بلبيت

ماكدر زيد من هسه ختنكت

ميخاف تحملي الخاطري جمبذا باوعلي

صارت عيني بعينه كال

كومي اقفلي الباب حتى اشبع منج قبل ماروح

كمت بس روحي طالعه وكل فكري شلون راح يعوفني واني شلون راح اتحمل أخذني بين اديه ونام وياي بس بالي ابد مويمه حس عليه كال

رشا شبيج حبيبه خليج وياي ليش مداحس بيج عوفي كلشي من تكونين بين اديه انسي حتى سالفت لتحاقي

حاولت شكد ماكدر اكون طبيعيه وفشلت هوه رتاح بس ضاج من تصرفي

ليش هيج حبيبتي تدريني اريد اروح ليش هيج مريحتيني عبالك اني بس اخذ غايتي وهاهيه لاوالله متوهمه لمن ماحس بيج كلشي ميكون بعيني

متحملت كمت  ابجي ضل يبوس بيه ويهدي بعدين كام سبح واني حضرت جنطه خليتله كم غيار ونزلت سويت عشه اشتغل بدون واهس عمتي كالت شبيج عمه دمعت وكتله زيد راح يلتحق

ههههه وليش تبجين يله هاي بس هسه منا وهيج تتعلمين

نزل زيد وكعدنه نتعشه واني لكمه محطيت بحلكي ومتحملت عفتهم وكمت صعدت سبحت وطلعت لكيت زيد ديبدل عسكري قويت نفسي كدامه ماريد اقهره اكثر وكفت امشط كال

حبيبتي يله حتى اوديج يم اهلج

ليش عادي ابقى هنا شكو عليه

لالا ادري بيج راح تضلين تبجين هناك احسن

لاماروح

حبيبتي لاتعاندين اني رايح بطريق راح يضل بالي يمج اقله يم اهلج اكون مرتاح

نفذت وبدلت جنت افتر بلغرفه وماريد ابجي لازمه نفسي نزلنا سلمت عل عمتي مارضت كالت ليش رايحه لاهلج اني هنا يمج انزلي نامي يمي وميس توسلت بيه بس زيد كلهم اعرفه تبقى تقهر بروحه اخذه هناك احسن طلعنا ودخلنه اهلي تفاجاه لاجانو يمي وماكتلهم راح اجي ورغم مكيجه بس عرفوني باجيه امي اول مادخلت وزيد ورايه كالت

شكو يمه خوما اكو شي هسه عفناج تضحكين ومرتاحه

حضنته وكمت ابجي

يمممه زيد راح يلتحق

اني ابجي وهمه كلهم يضحكون عليه جرني زيد من حضني خلاني جوه جتفه كلهم

لاتضحكون عليه جمبذتي متعلقه بيه عوفوهه أخذني للحديقه كعدني عل مرجوحه ويهدي بيه ويقنع بيه وماعفني ال سكتت فدنوب واجه ابويه شافنه بلحديقه كال

هااا يابه شنو هنا

سلمت عليه ودخلنه جوه وآخر شي زيد طلع وكلنه وراه صعد بسياره شغله ورفع ايده سلم علينه وعينه عليه حبست دموعي وماطلقته ال لمن زيد ختفه من الفرع دخلت ركض للغرفه نمت عل سريري حتى قبل ماانزع جبتي والتصنيف عليه بفلس اسراء متسكت

يبوووو زيوطي لتحق وشتغلت المناحه الج الله رشاوى شدوو راسكم يكرعان شراح يخلصنه هيه جانت مخطوبه وتكلبه من يلتحق انوب تزوجوو

انسام كالت

هااا رشا تذكرين من اكلج محمد ملتحق دكولي وشنو يعني هسه حسيني بلمعانه

عوفوني فدوه راسي راح ينفجر

رشا بس كليلي هوه زيوطي شكد وينزل

انجبي اسراء اسكتي

دكولي والله عندي حل يفيدج

عشر أيام

اي هسه انطيج فاليوم ونامي منا لعشر أيام

ضربته بلمخده هيه تضحك واني ابجي كتله

ان شالله تزوجين عسكري وتصيرين بنفس الحركه ال اني بيه

لاعيني اني خوما مثلج عل شنو ابجي

هسه عود نشوف اني جنت اكول الانسام هيج

عفتهن وكمت ذبيت جبتي وغسلت وضل بالي وكل شويه اخابره ال كال وصلت ال نمت لثاني يوم الصبح وره متريكنه ندكت الباب وطلعت نهله جايه يابه شكد مشتاقتله والكعدته ضلت تعتب وزعلانه لان ضميت عليه اني بنيه ولان مشغوله عنه هل فتره وراه حديث طويل وكعده حلوه حجينه بيه كلشي ذكرتني بلشغل وكالت شوكت ترجعين داومين صفنت والله اني ناسيه شغلي جاوبته اخابر زيد واردلج خبر وراه راحت ومر اليوم عادي بس اني الي ذبحني الشوك عل زيد وحتى المخابره قليل احصله هم تغطيه ضعيفه وهم هوه بلواجب يومين اني محاجيه وياه تعبت كلش وخلصته بس نايمه واليوم كعدت عل هلاهل امي طلعت لكيتهم ملتمين عل نور ونور الفرحه مسايعته واسراء تصيح راح اصيح عمه يابه موبس فرحت طرت من الفرحه خطيه الله عوضهم وجبر خاطرهم إبراهيم ميعرف يعبر عن فرحته غير حبيبتي اكعدي ولادكومين شدهوهه النور بوستهم وباركتلهم وإبراهيم جاب عشه الوجه الله وتعشينه ومن يومهه امي منعت عليها الدرج ومنعت حتى إبراهيم كلتله تنامين يم البنات بين ميثبت الطفل بسرعه قتحمت سرير اسراء والمكروده دكول

اووويلي عل اسراء مخليهه بحلك المدفع الحبلانه والجايبه والمتزوجه والمريضه والملتحق رجله كله بغرفه اسراء ادري فندق خوما فندق

هاي عليه البسامير اني رجلي ملتحق مووو

اي والله وباجر تجي انسام مريضه تنبطح بصفج وعكبه ايمان حبلانه وعل هل رنه

الله يطيح حضج غير خواتج

عمي ماريتجن تزوجتن وماخلصت

كمت عليهه خنكته

سريووه تحجين شعندج لو اموتج اشو تردين تبقين وحيدج بلغرفه شنو سالفتج

اريد اشوف دربي

دربيش ولج ها اجي

هديني واكلج

جذابه

بداعت زيوطي هديني

ال دكولين

اكولج والنبي

يله احجي

جاسم

اي

جاسم يريد يتقدملي

عززززززه بعينج هاي من شوكت

من عرسكم بلقاعه ذبحني ذبح يفتر ورايه

اسراء لضلين تقطرين عليه بلكلام احجي وفضيني

والله ماكو شي بينه موكتلج كم مره شافني وبلعرس جلبلي ومن رجعنه دخل عليه عل خاص وراسلني مجاوبته بقى يلح وبلاخير حجيت وياه بس منطيته مجال عاد كال انتي ميفيد وياج ال اخطبج بس اشوف زيد أحاجي ولهذا يومج لاحس ولاخبر واني ضاله اتكرضم ويوميه يدك عليه واليل كله يراسل وماجاوبه

مممممم وليش تتكرضمين شنو تحبي

لا مو حب بس عجاب وهوه بصراحه ميتعيب وغير هذا كله صديق زيد يعني زيد يعرفه حق المعرفه

اسراء اياج تحجين وياه عيب من زيد

لامستحيل اعرف اذا الشي

عفيه عليج واذا يحبج ويريدج هوه يفاتح زيد بلموضع

تمام

دك الفون وعفت اسراء وحجيت ويازيد سولفلي عل دوامه واني حجيتله علمود شغل نهله منطاني حجايه كلي اجي ونتفاهم ضلينه نحجي لوقت متاخر وبعدين سديته ونمت ومرت الايام صارن موعشر أيام عبالك شهر عليه متكابلين اني ونور واسراء تصنف علينه واليوم موعود نزول زيد قررت اروح للبيت قبله وصلني براهيم من الباب ورجع دخلت سلمت عليهم وسحر موجوده جاوبتني من وراه خشمهه بس عمتي لا طارت بيه كعدت يمهه شويه وصعدت للغرفه فتحته وبديت انضف مسحته وعطرته وغيرت الفرشه وشغلت المكيف واخذت ملابسي ورحت سبحت وبدلت وتمكيجت عل آخر ومنتضره زيد وروحي مفرفحه عليه مع العلم هوه كلي اتاخر كمت اغفي اني وكاعده والفون بيدي دك راسن جاوبت

الووو

هلو جمبذا

هلو حبيبي وينك تأخرت

هياني دخلت الفرع حضري نفسج دنرجع للبيت

لاحبيبي اني رجعت من المغرب براهيم جابني تعال للبيت كبل

بلعباس اموت عليج حضريلي حضنج مشتاقلج موت

موبكدي

لااني اكثر

تجي ونشوف

يله اني يم الباب

شمرت الفون ونزلت ركض فتحت باب الشارع ودخل السياره ورجعت سديته وهوه نزل هوه يمشي بتجاهي واني امشي بتجاهه لحد متلاكينه فتحلي اديه رتميت بحضنه عصرني حيل وباسني وفرني واني أضحك وابوس بي مشاني للمطبخ وهوه شايلني

شلونك

هسه صرت زين وتنفست

نزلني والله ثكيله وانت تعبان

بس هسه راح التعب كله

بسته من شفته نزلني كال

تدرين شكد حلمت بهاي اللحضه

شلون

كل ما انزل من الدوام البيت كله نايم لان انزل متأخر جنت اتمنى من أنزل الكاج كبالي ومنتضرتني وهسه تحقق حلمي

الحمد الله

مشينه سوه دنصعد الدرج خله رجله عل اول بايه ورجع نزل كال

ابويه هنا

لا

خل اشوف امي

دخل غرفته عل كيف وتمشى ليم سريره باس رأسه عل كيف ورجع طلع وسد الباب صعدنه سوه اول مدخل الغرفه كال

اووويلي اووويلي شوف الراحه والنضافه والعطر جمبذتي راح التعب كله بلعباس

كعد عل جربايه نزع بوته واني شلته طلعته بره ذب الجواريب ونزع بدلتا وكبل للحمام دخل يسبح واني لملمت غراضه وفرغت الجنطه دخل بشوت والفانيله جنت شايله السله بيهه ملابسه ذبهه من أيدي

حبيبي بس اخليهم بالحمام

عوفي كلشي وتعاي يمي

زين اسويلك عشه

ماريد اي شي بس اريد اشوفج متدرين شكد مشتاقلج

والله واني اكثر زيد شلون بدوامك اني مداتحمل

ولا اني لازم اشوفلي جاره

أخذني بحضنه بوسني بكل لهفه جان فاقد وميدري بنفسه واني مشتاقتله ندمجنه ورحنا بغير عالم شفت منه كل أنواع الحب وعبرلي عن شتياقه بدون تصنع مره هاده ومره عنيف من كمل ونطرح عل فراش ميكدر يحرك رأسه ويخلي عل مخده اني بيده شلته وخليته عل مخده

زيد شبيك حبيبي

تعبان ونوم منايم وجنت مشتاقلج وصكطت نفسي

هههههه ادري شجاريلك

ماكدر تدرين هسه مشهتي جكاره ماكدر اشرب
يا جكاره ساعه 4اصبح شو نام

تعاي بحضني

نمت عل ايده وتغطينه لان الجوه بدا يبرد والغرفه ثلجت دقايق وزيد راح بسابع نومه واني عل صدره اباوع عليه حيل تعبان وممزين لحيته عاليه وشعره كثيف اباوع عليه وماخذتني النومه ماكعدت للصبح كمت عل كيف رحت سبحت وطلعت من الحمام

وماسمع بس

الصياح.

جوه .
.
.
.
.
.

أحبكم اختكم رفل الكناني ❤❤❤