مساء القداح حبايب ❤

//// البارت السادس والعشرون /////
#بقلم_الكاتبة_شمس
( شمس السعـدي )

********* #ترانـيــم ***********

حياتنا عبارة عن اختبارات .. وياننجح بيها او نخسر
كل شخص وقدرة تحملة وصبرة ..
في ناس مؤمنة بقدر الله وحكمتة وناس تعترض على حكمة وتنتفض للواقع والي يصير بيها ..

هيج جانت حياة ترانيم عبارة عن اختبارات قاسية مايقدر يتحملها القلب ..
خلال سنتين مرت عليها اسوء الظروف وماتو اعز ناسها ومازالت في اختبار اكبر ..
هو غياب حبيببها وزوجها وابو ابنها ..
ونظرة الناس الها وتخطيطهم الحياتها .
ياترى راح ينصفها الزمن ويعطيها ثمرة صبرها وتحملها
او مثل كل مرة ماتحصل الا على خيبة الامل والاااااه ..

عامر ماتحمل كلام اهلة وظلمهم ..
- يابة .. يمة .. مو هيج .. البنية ماحرمتكم من اسد . بس الي جاي اشوفة امي مامنطيتها فرصة تشيل ابنها حتى .. حقها تفكر بحياتها وانتو محاوطيها من كل جهة ومامخليها تتنفس ..

ام عدنان .. هو شطلع عينها غيرك انت وعزيز .. شسوينالها مو من حقي اشيل ابن ابني واعوض بي فرگة وليدي ..
- وابنج هو رجلها وابو ابنها هم يمة لاتسوين هيج .. رحمة. لاهلج البينا مكفينا .. تعبنا من المشاكل ..

ردت الجدة .. والمشاكل ماتجيب الا گطعان الرزق والفراگ ..
اني اريد احل الامور بهداوة .. ام اسد تبقى هنا معززة مكرمة لين مانعرف خبر عن عزيز ..

قلتلها .. خبر عن عزيز ؟؟ ليش انتو احترمتو غيابو . تخططون الزواجي بعد كم سنة وهو مانعرف ان كان عايش او لا ..

قحطان .. انتي ماتسمعين الاخبار .. القوات العراقية بدأت بدخول الفلوجة وتحريرها .. وذيج الساعة راح يبين كلشي ان شاء الله…

كلماتو رجعتلي الامل .. لكن الي اعرفو عزيز مايمنعو شي ليش لسا مارجع ..

- واشنو تردون مني ..
- تبقين هنا وابنج يعيش بين اهلة وناسة ..
- قصدكم يعيش معكم وتبعدوه عني ..
- ماكو هيج حجي .. ابنج عندج وبوسط اهلة وهذا اخر حجي وخاف عندج نية تمشين المكان لو بسابع ارض اخذة ومايرفلي جفن ..

مااتحملت كلامهم اترخصت وقمت ..
صعدت واخذت ابني الحضني .. حتى لساني تعب قد مادعيت وصليت ..
لدرجة فقدت الامل فيها ..
انا ماراح اعيش عمري كلو هوني وانتظر .. لازم احافظ،على ابني وحياتي ..
كانت لينا كل يوم تزن براسي نرجع بحجة مدرستها راح تبدي وهي ماتقدر تترك بغداد ..
ومن جهة ابني وخوفي منهم ياخذوه مني .
حتى بأحلامي قمت احلم انهم ياخذوه مني ويطردوني .

سراب اجت عندي بالغرفة ..
- شبيج رنوم .. صارلج كم يوم يگولون عازلة نفسج بالغرفة تكملين شغلج وتصعدين شكو ؟؟

- تعبت سراب مااقدر اواجه بعد .. بعد الكلام الي قالوه صرت اخاف منهم .. ومن جهة لينا تضغط عليه كثير حتى نرجع . قوليلي اشنو اعمل ..

- ادري ماتتحملين وعادات اهلي تختلف عنج .. بس همة هم حقهم هذا حفيدهم الوحيد وخاصه ابن عزيز تدرين شنو عزيز بالنسبة الهم ..

- وانا قولي لي انا اشنو .. انا مرتو العزيز وام ابنو . ليش مااحد يهتم بمشاعري .. انا حاولت كثير اتأقلم معاهم لكن ماقدرت ماقدرت ..
حاسة نفسي بسجن .. يكفيني حزني على زوجي ..
كم يوم من قالو .. القوات العراقية دخلت للفلوجة ولسا ماكو خبر عن عزيز .
خايفة يكون فعلا انقتل وماعاد اشوفه .  التفكير بهاكذ شي يدمرني ويتعبني اكثر ..

بكيت بلا وعي وهي تحاول تهدأ بيه ..
حملت موبايلها وكتبت رسالة ورجعت تواسيني ..

دقايق اندقت الباب .. لبستني حجابي دخل عامر ..
- شبيها ام اسد خير ..
- خوية هاي امانة عزيز عدنا ارحموها الخاطر الله ..
اتنهد ورد .. ادري بيها وحاس والله .. وجاي احاول اقنع بأبوي .. بس خلي تصبر عليه ..

- شلون تريدني اصبر . وانا حتى ابني مالي حق احملو. وكلما احكي اطلع انا الغلطانة .. انتي اخي وماعيب اقلك حليبي نشف لانو مايرضع مني . نفرني وماعاد يريد غير الممة ..
ليش ليش هاكذ يعملو معي .

- اووووف حقج عليه .. وداعتج يومين واذا ماشفت نتيجة بيدي اخذج البغداد واخليج تستقرين ..

فعلا بعد يومين طلب عامر مني اجمع اغراضي انا واسد ولينا من غير مااثير الانتباه ..

مافهمت ليش لكن سمعتو تعارك مع ابوه بالليل ..
وسرور قالت عدنان طالب من ابوه انو يعقدلو عليكي حتى تبقي هوني ..

لما سمعت ماصدقت وخفت فعلا يوافق على كلامو…
لكن عامر كان اسرع منهم ..
وساعدني اطلع من البيت طول الطريق وهو ساكت ..
اسد كان نايم بحظني ولينا غافية لان طلعنا الفجر ..
سألتو .

- الكلام الي سمعتو صحيح ؟؟
- ياكلام ؟؟
- الي قالو عدنان عني ؟؟
- منو گالج ..
- سمعت والي اكدلي اكثر الي عملتو .. انت ماتعصي كلام اهلك الا اذا حسيت ماكو نتيحة من الكلام معهم
- عدنان قاري براسهم انه تنفصلين غيابي وهيج يگدر يعقد عليج ويحافظ على ابن عزيز ..
ايمان من سمعت اجت گالتلي .. ولما حجيت وي ابوي شفتة شبه مقتنع مااتحملت وتعاركت وياه ..

- يعني خسرت اهلك بسببي ..
- من ايدهم ..
- واشنو راح تعمل ؟؟
- اشوف شغل ببغداد واشتغل واني عندي كم فلس ظامهن للزمن ..
- وانا راح اشتغل واساعدك ..
- انتي عليج بأسد وبس . مااريد يحس بفراگج ..
وان شاء الله يگدرني الله ابنيلة مستقبل يليق بي ..
- مااعرف شلون اشكرك .. الي عملتو معي اخي ابن امي وبي ماكان عملو ..

دحق بيه بنظرات مافهمتها ..
- انتو امانة عزيز عندي وراح ابقى صاينها عمري كلة .
الغلط مني رجعتكم .. عزيز گالي مرة .
وجودج عند اهلي مثل النار والبانزين .. مستحيل اخليها يمهم بعد ..

ابتسمت لما سمعت كلام عزيز على لسانو ..
وصلنا للبيت الي اجرو عامر ..
كان بي حديقة صغيرة ورغم هو صغير لكن حلو..
طول اليوم تنظيف وترتيب وماخلصنا ..
اسد كان حاس بأمو تعبانة نام حبيبي طول اليوم ..
كنت ارضعوا ويرجع ينام ..

ماصدقت كمل البيت واستقرينا ..
علقت صور عزيز بكل البيت حتى اسد لما يكبر يغشعهم ويعرف ابوه ..
عامر دور شغل بكل مكان مالقي او بالاحرى ماعجبوا
اضطر يرجع للجيش بعد ماكان ترك ..
لكن بواسطة قدر يرجع ..

كان يداوم بين يوم ويوم ..
بيوم اجاه اتصال . فزع من مكانو وتغير لونو ..
كان يتغدا قام وترك الغدا ..

ام اسد اني طالع بشغل .. ماقال اي شي ..
لكن بداخلي ماارتحت ..
حاسة اكو شي وهو مايقبل يقول ..

طول اليوم وعامر مارجع .. قلقت كثير ..
اتصلت مايرد ..
للصبح اضطريت اتصل بسراب ..
قالت مااعرف اهلي بعد روحتج مارحتلهم لان ايمان گالتلهم سراب تعرف كلشي وهي مرحضتها ع الطلعة ..
وابوي متخبل عليه هو وامي ..

- سراب اتصلي بعامر بلكي يرد .  دخل عامر وشكلو مامفهوم وملامحو تخفي شي ..

غلقت الموبايل ..
- عامر صاير شي ..
- اگعدي خلي احجي وياج ..
- خوفتني قول ؟؟
- اريدج قوية .
- لاتقول اكو خبر عن عزيز ..
فرك وجهو ..
قعدت .. قول لاتخاف .  ان كان ميت او حي فهو اهون عليه من بعدو ومااعرف خبر عنو ..
- لاتخافين عزيز عايش بس…
مااهتميت الكلمة بس ولاسمعت الي قالو .. الاهم عندي كلمة عايش ..

معقولة عزيز عايش مااصدق .. الكل قال مات والكل قال مايرجع .. لكن انا كنت حاسة انو عايش ..
اعرف عزيز مايقبل بالذل والظلم وراح يعيش . لكن وين كان وليش مااجة معاك ..

احكي معي وعيوني تبكي وتدحق بالباب ..
وينو ليش مااجة وياك ..

اخذ نفس .. انطيني مجال احجي ..
- عزيز مارجع نفسة عزيز .. متغير ومايريد احد .
- ليش اشنو بي ؟؟
- عزيز مشلول .. هو قال هاكذ وانا ماعرفت اشنو اقول
مسحت دموعي وقمت . 
لو كان فقط نفسو يصعد وينزل المهم عندي عايش مايهمني قوم اخذني الو. 
اريد اغشعو.
- مو هسا خليه يرتاح ويستوعب.  هو ابوي ماقبل يشوفة .. منتظرين نشوف رأي الاطباء اذا اكو امل نطلعة للخارج ..
- قلتلو على اسد ؟؟
- لا مو گتلج مايحجي وتعبان .. عفت ابوي وعدنان يمة
- يعني الكل يعرف الا انا ..
- لاتگولين هيج . الحد اخر لحظة ماندري هو عايش لو ميت .
خابرت ابوي وگلتلة لاتگول الواحد وتعال بسرعة اكو خبر عن عزيز ..
لان من خابروني . سألوا انت تقرب العزيز قحطان . لازم تجي تستلمة ..
ماعرفت ولاگالو عايش لو ميت ..

بكيت بصوت قوي اول مرة ابكي هاكذ . دموع فرحي وحزني اختلطو .  حسيت اليوم عرس عندي لكن فرحتي ناقصة ..

كنت اريد اغشعو واشمو واحضنو ..
توسلت بعامر ياخذني اغشعو .. مااتحمل دموعي ووافق ..
- بس خاف يبدر اي شي منه لاتضوجين ..
- لا مستحيل .. المهم اغشعو ..

لينا لما سمعت قامت تبكي من الفرح ..
امنت اسد عندها وهي تعرف تتعامل معو وحضرتلها ممتو…

طلعنا واحس الطريق طويل ..
الفراق صعب والاصعب منه اللقاء بعد ذلك الفراق الطويل ..

كنت ابكي واضحك .. مااعرف اشنو اعمل ..
لو اغشعتو اشنو راح اقلو .
كلام كثير مخبيتو بقلبي الو ..
مااصدق راح الاقيه ..
تسع اشهر واكثر .. وانا احسب الساعات حتى يجي هاليوم ..
ولما اجة ضاعت كل كلماتي الو…
وصلنا للمستشفى.. صعدنا ..
كان الدكتور عندو وابوه ..
قال عامر ابقي هوني لما يطلع الدكتور ..

بقيت منتظرة بالباب وقلبي يدق سريع وايدي ترجف
اجة عدنان وبيدو ماي ..
- ياهلا منين طلعت هالمعزة .. مو شردتي وي اخوه والله العالم شتسون وحدكم . بيا عين جايه وتباوعين بوجهة ..
والله اني من الاول شك الطفل ابن عزيز وبركستوه براس عزيز عبالكم مايرجع ..

اشمئز قلبي من كلامو… قمت .
انت اخر من يحكي عن الشرف عامر طول عمرو كان اخي حماني ووقف معي اكثر منكم ..
احكي مع نفسك مو انت الي حاولت تطلقني غيابي من عزيز وتتزوجني ..

حسيتة انخطف لونة وضيعها بضحكة سخيفة ..
حجي يفيدج عزيز بعد مايبوع بوجهج ولايعترف بأبنج .
وعامر مستحيل راح يتبرأ من اهلة علمودج .. يعني مصيرج تبقين وحيدة ..

حاولت اكون قوية الاخر لحظة ..
طلع عامر اشرلي ادخل ..
دخلت بخطوات متثاقلة .
صار ابوه قبالي دار وجهو عني وطلع .. مو تتأخر الناس راح تجي كلها عرفت بي .. مااريد مرة هنا ..
كان عزيز نايم او يتصنع بالنوم ..
بكيت لمااغشعتوا .. ضعيف كثير ولحيتو طويلة ..
يدو كانت الاوتار والشرايين بارزة من ضعفو..
شكلو غريب ..
بكيت مااتحملت اتقربت منو..
قربت شفايفي على جبينو..  نزلت دموعي على عينو..
غمضهم بقوة وكأنو حاس بوجودي ..

ياعمري انت .. اعرف ماراح تترك حبيبتك وتروح كنت حاسة انك عايش . 
همستلو ..

اتقرب عامر .. الناس التمت وعمامنا .. كلها برة .
خلي اصعدج بسيارة وارجعج للبيت ..
وبس يتحسن تشبعين منه شوف ..

- لكن… . قاطعني وداعتج اجيبج تشوفيه بس هسا شوفي الوضع ..

طلعت بعد ماخلاني عامر بظهرو وعبرني الممر ..
نزلنا صعدني بسيارة واعطى فلوس للسايق ..

لما تحرك قلتلو اخذني على الكنيسة ..
دخلت الكنيسة وانا اشكر الرب على رجوع عزيز.
دعواتي ماراحت هدر ..
لو كانت كل تلك الاختبارات انتهت برجوع عزيز . انا راضية وقانعة ..

رجعت للبيت واخذت خضروات ودحاج . ورحت عملتلو شوربة خضار بالدجاج ..
اتصلت بعامر قلتلو ياخذهم ..
لينا كانت متشوقة تعرف عزيز شلونو..
قلتلها زين واكتفيت بهذي الكلمة.
لان ماكو كلمة توصف الي اغشعتو .. وين عزيز الي كان جسمو وعضلاتو يملو السرير ..
الي شفتو ماكان عزيز .  اشلاء متحطمة منو..
اشنو عملو فيك ياعمري ..
شلون حولو رجل مثلك هاكذ ..
كنت راضية بحكم الرب وانو عزيز مايقدر يتحرك ..
لكن المهم ترجع ضحكتو وهمساتو الي ..

يرجع ينور بيتو ويفرح بأبنو..
دخلت الغرفة واسد نايم على السرير .. اتقربت منو وانا ادحق فيه ..
رجع ابوك ياحبيبي .. انت دواه وعلاجو انا متأكدة لمايغشعك راح يطيب ويتقوى اكثر من قبل ..

دحقت بالساعة عامر مااجة ..
رجعت اتصلت بعامر .. قال علي راح ياخذهم اني مافارغ ..

اتصل علي .. ام اسد اني بنفس الشارع الي وصفة عامر انتو يابيت ..
- بيت صغير بركن الشارع هو مشتمل ..
- اي شفته يالله جاي ..

قمت حميت الشوربة .. وخليتها بحافظة .
اندقت الباب فتحتها لينا ..
- شلون عرفت البيت
- ليش الظاهر فرحانة بغيابي ..
- وليش افرح او احزن ماتهمني ..
دفعها ودخل ..
ها ام اسد . وين الاكل مستعجل اريد اروح .
- شلونو عزيز ؟؟
- ماادري شأگلج . بس حالتة النفسية اصعب من حالتة الجسدية ..
- يعرف اني اجيت ..
- اي يعرف ..
- واشنو قال ؟؟
- ماگال .. يالله لااتأخر بسرعة ..
اخذ الشوربة والاكل وراح .. معقولة ماذكرني او حكى شي عني .. وليش كل الي اسألو مايعطيني جواب ..
وليش ماخبروه عن اسد ؟؟

اسألة كثيرة تعبت عقلي لكن قلبي كان فرحان برجوع حبيبو الو ..

قمت جهزتلو ملابسو وكويتهم رتبت الغرفة وفرشتها وكأنو يوم عرسي ..
قال عامر مانخليه بالمستشفى وراح نعرضو على دكاترة لكن لما تتحسن حالتو النفسية ..
واكيد راح يجي هوني وينور بيتو ..

لكن مر يومين وماكو خبر عنهم وكلما اتصل بعامر يقول بخير واحسن ..
اتصلت سراب بيه وباركتلي برجعوا ..
- شكرا حبيبتي مبروك النا كلنا .. يوم الي يقر عيني برجعتو للبيت. 
- ليش ماتدرين ؟؟
- شكو ؟؟
- عزيز راح يجيبوه لهنا ..
- شلون وليش ماقالو ؟؟
- ماادري بس الي عرفتة من امي .. عزيز ضاج من الصحافة يردون يسون وياه حوار وهو رافض ..
من غير المسؤوليين الي هسا ذكرو يجون يطمأنون عليه وين جانو من جان محجوز ومانعرفه ميت لو عايش ..

سراب تحكي قاطعتها ..
- سراب اعذريني لازم اتصل بعامر ..
اتصلت بعامر وانا ابكي ..
عامر كيف تاخذوه .. ليش ماقلتلي . منعتوني اغشغو وبعدتوه عني ليش ..
- مو بيدي هاي اوامر ابوي .. هنا ماكو فايدة البقائة والدولة ماكلفت نفسها تطلعه للخارج بس اجو هنئونة بسلامتة وهاهي ..
ابوي راح يطلعة على حسابة ..

- وانا وابنو مافكرتو بينا ..
- شبيدي عليج عزيز هسا مو بوعيه بس يتحسن احجي وياه اصلا مابحال اي احد وابوي تدرين بموقفة ..

غلقت الموبايل منو ..
وحظرت غراضي واغراض ابني ..
لينا . اختي شلون نرجع الهم مااغشعتو الي عملوه ..
- مايهمني اي احد .. المهم عزيز . كلهم قالو مات ونصبوا عزا .. ولما رجع صارو يحبوه وبعدوه عني ..

حملت ابني والغراض انا ولينا ..
قفلت الباب . وطلعت ..
اجرت تكسي للقراج ورحنا للعمارة ..

وصلنا العصر البيت كان مليان ناس .. الكل كان يدحق بيه ..
كانت ايمان وسراب واسراء بالمطبخ ..
ايمان .. خير ياطير شو رجعتي . بياعين بالله جاية وانتي شردتي وي اخوه ..

اتقربت منها .. انتي اخر من يحكي لولاكي انتي وزوجكي ماكان صار اي شي ..
وانا راجعة هوني الاجل عزيز فقط ..
سراب .. معليج بيها خية تعاي خلي ابوسج .. اخذت مني اسد واسراء قالت ..
عزيز بغرفة جدتي نايم ..

دخلت للصالة قامت امو وعماتو…
- شعندج جاية اطلعي برة بيتي . مااخليج تخربين بيتي وتحطمين اولادي ..

ابتسمت .. اي بيت واي اولاد .. اغشعك خلعتي الاسود
ماكنتي حزنانة عليه ولابسة الاسود عاملة عزا ..
لاتختبرو صبري ..
كنت ساكتة ومتحملة الاجل ابني .
لكن بعد اليوم انتو الي لازم تخافو ماانا ..

تركتها ودخلت الغرفة بهدوء كانت الجدة قاعدة تسبح فوق راسو ..
اغشعتني قامت من مكانها ..
اتقربت مني .. ديري بالج عليه وطلعت .
ماكنت مصدقة ردت فعلها ..
اتقربت منو . قعدت على الكرسي ..
اخذت يدو الي كانو ضعاف كثير .. قربتهم لشفافي وقبلتهم ..
فزع من نوموا .
اغشعني انصدم .. عيونو مثل قبل لما يعصبو او يحزنو يصيرو حمر ..
- اشتقتلك ياعمري .. قلبي كان حاس راح ترجعلي لو بعد سنين ..
- بعدج تحبيني لو تغيرتي ..
- عيوني يعمو لو اغشعو غيرك وقلبي يوقف لو حب احد ثاني .. انت كلشي بحياتي ..
كنت انتظرك يوم يوم ترجعلي .. وتنور حياتي انا وابنك
- ابني ؟؟ يعني صدگ عندي ابن .. گالتلي جدتي وماصدگت ..
- اي ابنك سميتو اسد مثل ماردت .. يشبهك كثير .
كنت منتظرة ترجع واخبرك بحملي لكن غيبتك طولت عليه كثير ..

الليالي بالنسبة لي الموت .. مااقدر اعيش بيهم بلاك ..
انت لما رحت اخذت كلشي حلو معاك ولما ارجعت كانو اهلي رجعوا ..
الشي الوحيد الي صبرني هو اسد ..
اروح اجيبو الك تغشعو ..
مسك يدي .. لا مو هسا شيشوف مني ..
- ليش تقول هاكذ . هو الي راح يطيب جروحك ..
- جروحي ماتطيب الا اذا تركت العراق ..
- ليش تقول هاكذ ..
- اني تعبان تعبان كلش ومحتاج ارتاح بس ماكو راحة
شگد تمنيت الموت بس ماردت اموت هيج موت وبعيد عنج وعن اهلي ..
توقعت ارجع الگي الكل منتظرني بس الكل متغيير احس الكل فرحان بس عيونهم ماتگول هيج ..
- وانا ..
- انتي ؟؟ اااااه ليش هو كدرت افكر بغيرج .. بعز نومتي ووجعي وجلدي المسلوخ ويحرگني من النوم ماكان ببالي الا انتي ..

- لاتضغط على نفسك ولا تفكر .. ماانكر ودي اعرف كلشي مريت بي واسحب حزنك عنك لكن مااريدك تتذكر وتتأذى ..

- لاتخلوني وحدي .. الوحدة اكثر شي صرت اكرهة وعبالك سجين ..
اريد انام ومااگدر .
- الي اعرفو انت قوي . انا اخذت قوتي منك لاتصير هاكذ عزيز . انت اقوى وراح تتغلب على كل الي صار ..

- شلون اصير اقوى والي باعنا اهلنا . شلون اصير قوي واني اشهر محبوس ومااگدر اتحرك .
توكلني وتاخذ حاجتي من جواي مرة .. تعرفين شنو مرة تبدلني وتنضفني ..
رجلها درويش من اهل الله ومايگدر وهي الي تباريني .
شتحسين بذيج اللحظة گولي ..

مااتحملت كلامو وحضنتو قبلتو براسو ووجهو
ودموعي خنفتني ..
مااتحملت . وطلعت . صعدت الغرفتي فتحت الباب وغلقتها وصرخت ..
وانا ابكي شلون راح اقدر انسيه اهمو وانا مااتحملت الي صارلو ..
شلون راح اساعدو وهو كاره كلشي بالدنيا .
حتى ابنو ماتلهف عليه ولا قال خليني اغشعو ..
صعدت سراب واسراء بعدي ..
حضنوني وقعدو يبكو .. لاول مرة اسراء تعمل هاكذ كنت محتاجة حضن ابكي عليه وارمي احزاني ..
ماتحملت وحضنتهم ..

اسراء .. صح ضلمتج هواي وصرت ضدج بس جانت تعجبني قوتج ونظراتج للامور ..
احسبي نفسج هسا انتي بمعركة .. ولازم تحاربين .
لازم تحاولين ترجعين العزيز نفسة الي انكسرت وثقته
كلنا مانگدر نخفف عنة مثلج ..
اخذيلة اسد وادخلي يمة لاتعوفيه وحدة .
احتويه . ومايهمج الي يحجي والي يمنعج .
بوجودج يمة محد يگدر يفك حلگة .
ادري ديانتج غير ..
بس الاجلة اخذي القرآن واقريلة خففي عنه وادعيلة

سراب .. اول مرة يعجبني كلام اسراء .. والصراحة مصدومة .
ضحكت على كلامهن . مسحت دموعي وتشكرتهم .
كملت سراب كلامها .. اسمعي كلامها خية وگومي غسلي ..
وتحدي كلشي اخذي ابنج وروحي يمة كلشي يهون وسهل من بعد رجوعة عايش مو انتي الي گلتي لو يرجعلي نفس بس هم قابلة ..
هاي الله استجاب دعائج ورجعة الج والابنج ..

#بقلمي_الكاتبة_شمس
يتبع…..

حبايب هذا الي گدرت اكتبه اليوم .. لان عندي خطار بالليل .. لكن اذا لحگت احاول اكتبلكم بارت وانزللكم بعد منتصف الليل 😁
المهم ماحبيت تنتظرون اكثر وابشركم برجوعة ..
وشنو الحكمة الي استنتجتوها لسا من القصة .
احب اسمع ارائكم ..
بالنسبة الي .. انه اگول حاشا الله يظلم شخص او يحملة فوق طاقتة ..
وانما يقدم اختبارات العبادة .. لكن بالاخير
يفرجها عليه ان شاء الله ..
وان مع العسر يسرا ..