اسعد الله اوقاتكم بكل خير احبتي ❤

//// البارت الثالث والعشرون /////
#بقلم_الكاتبة_شمس
( شمس السعـدي )

********* #ترانـيــم ***********

قعدت بالارض وابكي .. وبلا وعي صررررررخت طالبة الرحمة .. كان هو املي بالحياة وقطعوه ليش ؟؟ ليش ؟؟
حضني عمي وقعد معي ع الارض ويبكي .. طلعت لينا مفزوعة على صوتي ..
قالت .. لاتقولو اخي عزيز مات .. ووقعت ع الارض ..
ماوعيت للينا وحالتها ..
وقمت اصرخ على عمو .. انت شلون تعملو وفاتحة ومااغشعتو بعينك .. شلون يعطيك قلبك تموتو ومااغشعت جثتو ..

مسح دموعو .. ماصدگت من شفت الفيديو .. ولهذا السبب اجيت لهنا وحجيت وي المسؤول مالتة .. وگال للاسف اجانة خبر كل الي تحاصرو انقتلو ..
والفيديو ماواضح .. همة مسطريهم ويرمون عليهم كم واحد وگطعوا يعني ماشفناهم كلهم ..

عامر وعلي كانو يصحو لينا ..
رحت الاختي قومتها .. ودموعي على خدي ..
رفعت راسي العامر وقلتلو ..
انا مااترك بيت عزيز واروح .. راح ابقى هوني ..
عامر .. لاتخافين ترانيم اني احميج .. هاي بقيتي كم شهر منتظرة ومارجع .. ليش تسوين بنفسج هيج ..
اذا انتي گلبج يوجعج اني ظهري انكسر بعدة .
حتى الجيش كرهتة وماودي ادوام بعد ..

وافقت اروح معاهم شرط ماابقى ايام وارجع ..
حتى مااخذت ملابس كثير ..
وماقبلت البس اسود مثل ماقال عمو ابو عدنان .
لأن بداخلي احسو بعدو عايش مستحيل اقدر البس اسود ..

طول الطريق لينا نايمة على كتفي ..
والسكوت سيد الموقف مااحد حكى ولاكلمة .. الكل مخيم عليهم الحزن وخانقهم لايقدرو يبكو ولايقدرو يعبرو عن حزنهم ..

وصلنا وكان البيت مليان ناس ..
صارت عيني ع الملحق وتذكرت عمو ابو رماح ..

نزلت والكل كان يدحق بيه .. صارت قدامي سراب رمت حالها عليه وتبكي ..
رنوم راح الغالي رنوم ..
لاتقولي هاكذ عزيز مايموت مايموت ..

بنات واقفات على جهة يقولو ..
خطية مامستوعبة بعدهي
هي هاي المصلاوية الي اخذها عزيز تخبل وصغيرة
حتى مالحگت تتهنى بي .
فوكاها عافها حامل ..

كلام كثير العقل والقلب مايريدو ..
مااريد شفقة احد . انا حبيبي عايش ..
دخلت للبيت .. وكانت امو قاعدة وتبكي هي اغشعتني وقامت ..
- انتي يالفگر من شفتج ماشفت الخير .. انتي الي موتيه وجايتني بألوان ماتعرفين تلبسين اسود ..
راد تهجم عليه .
لزموها النسوان ..

طلعت الجدة . نفس قوتها وحالها .. لكن متغيرة شوية
اگعدي ولج . البنية حامل .. والي ببطنها ابن عزيز ..

- وشعرفنا ابنه مو هي عافته وشردت شمدرينا ..
مااتحملت ..
اسمعي انا اجيت هوني مالأشارككم حزنكم .
لان انا متأكدة عايش وقلبي حاس ..
وماراح البس اسود عليه ابدا ..
اما ابني فمااسمحلك تشككي بي .
الكل يسمع هذا ابن عزيز وعزيز راح يرجع . 
حرام عليكم . من غير ماتتأكدو تعملو فاتحة وعزاء ..

الجدة .. اسمعي بنتي .. هاي مو فاتحة بس راح نبقى حزانة عليه لين ماتجي جثتة ونسوي الفاتحة .. واذا رجع سالم ذيج الساعة اسويله زفة ..

منعت الكل يبكي ويصرخ وقالت اذا سمعت وحدة تصيح ماتلوم الا نفسها..
صعدتني سراب الغرفتنا ..
نفس ماهي مامتغير شي بيها . وكأني البارحة تركتها ..
اخذت الجنطة الصغيرة الي فيها فلوسو واغراضو . وقفلت عليهم بالكنتور ..
صارت عيني على ملابسو .. بقيت اشم فيهم واقبلهم .
ااااه ياحبيبي الكل يأس من رجوعك لكن انا وابنك راح نبقى منتظريك ..
دخلت لينا .. اختي يعني راح نبقى هوني ..
- لا كم يوم وارجع .. مستحيل اترك بيت عزيز ..
- انا متضايقة هوني الكل يدحق بينا بحقد ..
- لاتهتمي ابقى هوني بغرفتي او مع سرور ..
دخلت سراب بصينية اكل ..
تعاي اكلي تلگيج جوعانة… وابن اخوي جوعان .

- ليش هو لي نفس للأكل .. ليون اكلي انتي ..
- انا اريد انام مااريد ..
راحت للسرير نامت .. وبقيت انا وسراب . اكلت قليل الاجل ابني ..
وبالقوة قنعتني اكل فاكهة ..

- سراب اشنو يعملو لو دخل عزيز للبيت واغشعهم لابسين السواد ويبكو ..
- يعني انتي مصدگة يرجع .. ولج ماتشوفين الفيديوات الي ينشروها كل الي يزموه يكتلوه ..
ادخلي على اليوتيوب .. وشوفي شلون ذبحو وكتلو طلاب سبايكر . ليش الي مثلهم عندة رحمة ويخاف الله

- انا اريد اغشع الفيديو الي قتلو فيه اصدقاء عزيز ..
- لاتشوفيه احسن اني مااتحملت ووگعت من شفته ..
كافي رنوم . فكري بأبنج وادعي العزيز بالرحمة ..

انفتحت الباب دخلت امو…
- باعي ولج . اني متحملة وجودج على عيوني .. والخاطر هذا الي ببطنج والي مااعرف اذا ابنه او لا .
بس من باجر تحدين على عزيز مااريدة يتعذب بسبب مرة مثلج ..

- اشنو يعني ؟؟
- ماتعرفين شنو .. يعني المرة من يموت زوجها تحد وماتطلع ولاتشوف رجال ويشوفها ..
- اشنو هالكلام .. اني مااعمل هاكذ
- مو بكيفج لاتخليني احبسج هنا ..
- ماتقدري لأني مو ترانيم الي تحاولي تكسريها من قبل . انا مرتو العزيز وان ابنو ومستعدة اعمل كلشي حتى انقذ نفسي وابني منكم ..
دحقت بلينا .. انا غلطت واجيت لهنا ..
بعدتها ونزلت ..
لقيت عمو ابو عدنان بغرفة الجدة ..
قلتلو .. انت لما قنعتني اجي حتى تحبسوني هوني ؟؟

- شكو شصاير ؟؟
نزلت وراي ..
- حضرتها ماتقبل تحد طبعا هذا الي يتزوج من غير دينة لا حياتة مرتاح ولامماتة ..

الجدة .. عوفي البنية بحالها ومالج شغل بيها . عبن هي مامقتنعة برجلها ميت شلون تحد عليها ..
خليها تصدگ وتيأس وبعدها نحجي ..

- هو ادري بيكم راح تخلوها بكيفها لين تاخذ الولد وتهج
- الولد يربى هنا بين ناسة واهلة مثل ماابو اتربى ..

ضحكت .. اشنو يعني راح تخلوني هوني .. لا تحلمو
ابو عدنان .. بوية انتي ناسية رجلج ماعاقد عليج محكمة.. بعد شلون راح تجيبيه ..
- يعني اشنو ؟؟
- يعني مو وكت هذا الحجي .. خلي تگرب ولادتج والله كريم ..

ساعتها خفت على نفسي وابني ..
قلت السراب تصيح عامر احكي معو ..

صعدت الفوق بعدها اجة عامر ..
- ها ام اسد ترديني ..
مااعرف اشنو صار بيه لما قال هالكلمة ..
انا ام اسد .. وينك ياابو اسد وتحظر ولادتو وتكسر عينهم الي مااستحت منك ..
- اسمع عامر انت قلت راح احميكي ..
- ليش شصاير ؟؟
- اهلك ناوين يبقوني هوني .. وانا مستحيل ابقى انا عايشة ومتحملة لان ببيتو وعلى ذكراه .
اما هوني لا .
- اصبري خيتي والله مايكون خاطرج الا طيب ..

كم يوم بقيت وانا اغشع النسوان داخلة وطالعة وتسلم عليهم وتهمس عليه .
ويسمعوني كلام لأني مالبست اسود ..
حبست نفسي بالغرفة ..
الي استغربتوا اهل ايمان مااجو ..
وعدنان وايمان كانو مسافرين للعلاج ..

رجعوا بعد اسبوع ..
لما اغشعتني موجودة انجنت ..
هاي شجابة.. لو مات رجلها واجت تحوم على غيرة

تجاهلتها .. لان مالي خلق احكي معاها وانزل لمستواها
وخاصة لما دحقت ببطني وقالت ..
- جايبة نغل وتريد تنسبة العزيز .. وانتو فرحانين ..

عاط بيها عامر ..
- ايمان لاتخليني انسى انتي مرت اخوي .. الي يشكك بالطفل اني اوگف بوجهها . اني شاهد على زواجهم وكم مرة رايح البيتهم ..
اي كلمة ثانية ماتلومون الا نفسكم .

الكل سكت الا نظرات عدنان الي كانت تحكي ومااعرف اشنو ناوية ..

لليل حسيت نفسي مخنوقة .. طلعت للحديقة .
اتذكرت اول مرة لما انجمعنا انا وعزيز فيها ..
كل كلمة منو كانت ببالي ومانسيتها ..
حبيت كل لحظة عشتها بهذا البيت الاجلو .
لأن مااقدر امحي ذكرياتي معو ..
كيف اقدر انساه واعيش حياتي وانا روحي معاه .
مااتوقع بيوم راح اقدر انساه ..
سمعت صوت وراي ..
- شفتي القدر شلون يدور ويرجعج الي ..

قمت من مكاني ..
- ابتعد عن وجهي اريد ادخل ..
- كم مرة شردتي وحاولتي تبتعدين عني .. بس بكل مرة ترجعين .. شوكت تصدگين انتي من نصيبي .

- انت ماتستحي انا مرت اخوك شلون تحكي هاكذ .
- اخوي مات وانتي وحيدة والي ببطنج يرادلة ابو .. فكري والله اعيشج ملكة ..

- لو تبقى اخر انسان ماراح اقبل فيك .. اخوك عايش وراح يرجع ويجمعنا انا وابنو .. ساعتها ماراح تغشع خيالي ..

ضحك بأستهزاء وقال .. اذكرج بهذا الكلام ..
دخلت ودموعي بعيني حاولت اقوي حالي مااتحملت ولااقدرت اصعد للغرفة وتغشعني لينا .

دخلت للحمام غسلت .. بعدها قعدت ابكي .
عزيز ارجعلي حبيبي ولاتخليني وحدي هوني . الكل منتظر فرصة يذلني فيها ..
كذب توقعاتهم وتعال ارجعلي ..

صعدت للغرفة ..
لينا ..
-اختي مابقى شي وتخلص العطلة خلينا نرجع
- لاتخافي انا الصبح احكي مع عمو والجدة واقلهم نرجع. اصلا انا اختنقت هوني ..
للصبح فتحت الموضوع وتفاجأت بردهم ..
ابو عدنان .. وين تردين . وشعندج هناك وحدج انتي ناسية الي ببطنج ابن ابني ..
- لا ماناسية لكن اختي عندها دوام ومااقدر ابقى هوني
- اختج ننقلها لهنا
- لكن انا مااريد ابقى هوني . بيت عزيز موجود مااتركو وعدتو مااتركو ابد وراح ابقى على وعدي الو ..

الجدة .. خايبة عزيز اذا رجع يرجع الاهلة .. وانتي حامل صار عليج شي منو الج هناك .
ابو عدنان .. بعدين بوية انتي ماعاقدة محكمة محد يقبل يجيبج هناك ..
وابنج راح يبقى بلا جنسية عمرة كلة ..
هنا احنة نگدر نرتبها عدنا معارف ..

- بعد وقت للولادة لما اولد اكيد يكون عزيز رجع ..
- لاتعاندين يبعد ابوي هنا ابقي واوعدج محد يدوسلج على طرف ..
- توعدني ؟؟ صار عشر ايام هوني ماخلو كلام ماقالوه حتى ابني شككو بي .

الجدة .. الي يحجي افرك حلگة والله .. الولد ابنة والي يگول غير هيج مايبقى هنا .. ابن عزيز هو بمكان ابوه وحالة من حالهم بالبيت وهذا اخر حجي .
وذا تردين ضمان اني مستعدج اضمن حقة الج بس بشرط
بقيت صافنة وانا اسمع شرطها ..
- واحد من الولد يعقد عليج والولد يتسجل بأسمة لان مانگدر نسجلة بأسم عزيز وانتو ماعاقدين محكمة ..

ضحكت .. هههههه تحلمو.. مستحيل .. ابني لو بقى عمرو كلو بلا جنسية ماراح اسجلو بأسم ثاني ..
لو عرفت اقعد على باب الوزارة سنين وهي الي تغشع حالي ..
ولااخلي واحد بمكان عزيز ويصير ابو الابني او زوج الي ..
دخل عامر وهو يسمع كلامهم ..
- شنو هذا الحجي جدة .. عزيز ماصارلة اشهر ..
واصلا حرام هسا تتزوج اذا مايعدي اكثر من سنة على غيابة…
- ومنو گالك احجي على هسا اني قصدي من تجيب ليش تحطمون طفل ومستقبلة بأنانيتكم ..

قلتلها .. انتي اخر واحد اتوقع يقول هالحكي . انتي كنتي تحبيه اكثر احفادكي .. شلون تقولي هاكذ

ولسا احبة وكلبي يتگطع عليه والي اسويه حتى اضمن حق ابنة مااريد اموت على فراگة وابنة يضل مثل اللگيط ماله لانسب ولااحد ..

كلامها خوفني كثير ..
دحقت بعامر ..
قال .. بوية اني راح اخذها لهناك وراح اكون قريب منهن لاتخافون ومنا الولادتها ولگي حل ان شاء الله

قدر عامر يقنعهم رغم ماقبلو وعارضو .. وامو الي كانت رافضة ابني قالت ..
مااخليج تحرميني من حفيدي مثل ماحرمتيني من ابني ..

عجيب امرهم .. مااعرف شلون يفكرون ..
ماصدقت قال عامر لمي غراضج ..

اخذج جنطتنا وجنطة ثانية اخذت فيها ملابس وكتب عزيز ..
صعد عامر ياخذهم هو وعلي ..
ضحك .. هاي شنو ماخذة الغرفة كلها ..

- اريد ذكرياتو كلها معي ..
- احجي وماتفهميني غلط ..
- لااكيد ..
- هنيال عزيز عليج ..
ابتسمت .. انا الي هنيالي عليه .. انا محظوظة فيه لكن مااتهنيت ولاقدرت الوقت وحافظت عليه ..
تعرف لو رجع ماراح اضيع اي دقيقه دونو… 

- ان شاء الله..  يلة انزلي بين ماانزلهن ..
نزلت سلمت ع الجدة .. قالت .
- خلي بالج من الطفل هذا امانة عندج وريحة عزيز .
اعذريني اذا قسيت عليج بس راح تفهميني بعدين .

سلمت على سراب وسرور .. وامو العزيز .
الي نزلت دمعتها وقالت .. لاتحرميني من ابن عزيز .

رغم هي اول وحدة شككت بنسبو ..
طلعنا من البيت وانا اودع ذكرياتي فيه ..

سألت عامر .. عامر شلون قنعتهم برجوعنا ..
- مو مهم المهم عندي راحتج ..والاهم رضا عزيز عليه .

غفيت بالطريق من التعب ..
وصلنا للمجمع صحتني لينا ..
- اختي وصلنا نمتي كثير ..
صعدت لقيت ام نور بالباب .. اوووف دادة البقية بحياتج وحضنتني ..
- شو مالابسة اسود .. والله اني گلت ماترجعين بعد .
لان گلت بعد ماابنهم راح مااظن يستغنون عن ابنة..
ماعرفت اشنو اقول ..
- انا مااغشعت جثتو بعيني يعني هو عايش طول ماكو خبر او اثر عنو ..
صعد عامر بالجنط .. لما اغشعتو قالت . اخليكم ترتاحون واجي غير وكت ..

دخلت للبيت .. وكأنو صوتو يناديني ..
شلونج حبيبتي مشتاقلج .. لاتغيبين عني بعد ..
ابتسمت ..
هنا راحتي الابدية ..
دخلت الاغراض رتبتها ورتبت كتبو بالصالة بالمعرض .
خليت صورو بالبيت وتذكرت صور زواجنا ..
فزعت من مكاني ..
عامر صور زواجنا نسيت اجيبهم ..
- ومنو يگول باقيات لسا .
راح اراسل المركز ..
راسلتهم استغربت وقالت . خليني اشوفلج بالحاسبة او اسألج المصورة . بس مااعتقد موجودات .
لان اذا بقن اكثر من شهر نحذفهن .

بقيت منتظرة .. ردت جواب ..
انتي محظوظة لگيناهن موجودات بالحافظة . بس ليش لسا ماماخذيهن ..
قلتلها كنا مسافرين ..

ثاني يوم راح عامر جاب الصور . قمت ابكي لما اغشعتهم . ياحبيبي اشتقت الهذا الشكل الحلو ..
قعدنا نضحك انا ولينا ونتذكر لما حملني عزيز وراد يوقع بالصور . بسبب البدلة ..

حتى صورنا مالحقت تغشعهم ياعمري ..
عامر مابقى عندنا كثير لكن يروح ويرجع .. ماتركنا ابدا
لكن المفاجئة علي بعد ماقدم على كلية ببغداد ..
قرر يسكن معنا .. لانه كان ساكن بقسم داخلي .
وهذا الي طمن ابو عدنان وخلاه يقتنع برجوعنا ..
وجود علي اضاف نكهة خاصة للبيت…
كان يطلع الصبح ويجي العصر . يتغدا ويسهر يدرس وينام بعدها ..
وهكذا .. وجودو مامضايقنا ..
لكن نور ماعجبني تواجدها الدائم عندنا… بحجة تدرس
وتجي بأوقات الي علي متواجد بالبيت ..

بيوم حكيت مع امها ..
- ام نور . بنتكي مراهقة وصغيرة واحنة عدنا ولد شاب بالبيت . مايصير تجي بوجودو ..

- بس مبين الولد حباب وحتى نور تحمد بي وتگول مايشيل عينو من الارض ..
الصراحة وبيني وبينج اني ضجت من شفته عندكم وگلتي راح يعيش ويانا ..
ولد شاب وعندج بنية شابة وحلوة گلت مايصير .
حتى لو جان حماج .
بس من عرفناه غيرت رأي ..

بقيت مصدومة من كلامها وكأنها تشجع بنتها تتقرب من علي ..

قلت للينا تحكي مع نور ماتجي لما علي هوني ..
- اختي مااقدر هي لازقتلو .. كم مرة قلتلها وتقلي انتي تغارين عليه مني مووو..
- حبيبتي انتو صغار عيب هالحكي .. لاتعطيها وجه .

بيوم علي موجود واندقت الباب ..
اجة جود ..
استغربت الصراحة هذا اشنو جابو ..
علي .. تفضل المن رايد ..
جود .. انت منو .اني جاي على ترانيم ولينا انت منووو
طلعت من المطبخ بعد ماسمعت كلامهم ..
كنت بالقوة امشي بطني كبيرة وحملي تعبني رغم لي خمس اشهر ..

جود ؟؟
- شلونج خيتي عندي شغل هنا ومريت اسأل عليج اخباركم مقطوعة…

ارتاحيت معناه لينا ماتتواصل معو ..
علي .. منو هذا ام اسد ..
جود .. سميتو اسد حلوو.. ماكو اخبار عن عزيز ؟؟
ترانيم .. لاماكو خبر لسا .. علي حماي اخو عزيز .
وهذا جود من معارفنا بأربيل .

جود .. وان شاء الله نصير گرايب بالمستقبل ..
علي .. صدگ بلة فهمني شلون يعني ..
جود .. يمكن ماگايليلك ..

قاطعتوا ..جود .. مو وقت هالحكي واعتقد حكيت معك قبل ..
قال .. لينا وين ؟؟
علي .. وشتريد منها نايمة ..
جود .. بالجنوب هيج تكرمون الضيف ..
علي تعصب وقلو .. تعال للجنوب وانكرمك بس مال تجي هنا على بيت اثنين نسوان وضارب ميانة هاي مامقبولة عدنا . الحرية هاي عندكم بأربيل مو هنا .

ضحك جود .. ع العموم خيتي اني باقي هنا . اي شي تحتاجيه بالخدمة…
اترخص وسلميلي على لينا ..
علي غلق الباب بقوة .. منو هذا وشلون يحجي .
والله لو ماافضايح والناس جان كسرت سنونة بحلگة .

- اهدأ علي .. ومااريد لينا تعرف اجة لهنا ..
- وشنو علاقتة بلينا فهميني .
- خطبها مرة وماصارت او بالاحرى اجينا لهون وعزيز معانا فماصارت ..
- بس شلون تنطين لينا الواحد مثل هذا . ولينا بعدهي صغيرة وطفلة شلون .. اخ يابة لو ادري هيج الا اعلمة اذا اجة بعد ..

ابتسمت الكلامو وحركاتو… كأنو عزيز قدامي لما يعصب ..
- لاتخاف مستحيل اوافق لينا ترتبط بأحد اذا ماكملت اعدادية ع الاقل ..

- اني طالع عندي استنساخ محتاجين شي ..
- لا شكرا ..

طلع علي .. وانا افكر بالشغل .. مااعتقد الدكتورة راح ترجعني بعد . وبعد هذي حالتي وبطني ..

ااااه متى ارتاح ..
لليل ونحنا نتعشا ..
علي .. لينا انتي عندج مواقع تواصل ؟؟
لينا .. لا ليش ؟؟
علي .. هيج اگول ..
لينا .. قلت الاختي تعملي فيسبوك ..
قاطعها .. لا لتسوين
لينا .. وليش يعني ؟؟
علي .. اني اعرف شي وانتي تعرفين شي ..
لينا .. لكن هذا الشي يخص اختي فقط من حقها تمنعني .
علي .. واني هنا المسؤول عنجن ومن حقي احجي ..
قلتلها .. خلص اغلقوا الموضوع . انتو الاثنين مسؤولين مني انتبهوا الدراستكم فقط ..
قامت لينا وهي متضايقة منو .. وهو يبتسم ويأشرلها بعينو ..هاااا

قالتلو .. صايغ مزعج ..

ضحك بصوت .. احب اضوجها ..
- امممم اتركها لحالها لاتزعجها .

الكل حياتو تمشي الا انا احس اليوم بسنة .. كنت انتظر اليل يجي حتى اقعد مع ذكرياتو.. 
كنت اتمنى احلم فيه ولو ليلة وحدة .. اشتقت لطيفو..
رغم صوتو وصورتو ماتفارقني ..
نايمة وادحق بصور عزيز واكتبلو يومياتي مثل العادة
حسيت بحركة فزعتني من مكاني ..

ابتسمت .. حبيبي كبرت وقمت تتحرك .. كانت حركتو قليلة لكن بقوة .. وكأنو يريد يطلع ومستعجل ..

ابقى ببطني وانتظر رجوع ابوك .. الخوف يزيد لما الايام تمر والاشهر ..لاعزيز بين .
ولااقدر اتحمل اولد ويجبروني على شي مااريدو ..

مرة حلمت انهم ياخذوه مني ويخلوني عايشة وحيدة .
وهذا الحلم تكرر الى ان اصبح هاجس بحياتي ..
كم مرة رحت للكنيسة وشعلت شمعة ودعيت الرب يرجعلي عزيز ..
لكن الامل بدأ يقل .. لو. كان عايش كان رجع .
ليش تاركني وحدي ..
بعدها اعاتب نفسي واتعصب ..
مستحيل تقطعي الامل خليكي قوية..
ام نور زعلت لما قلنا لنور لاتجي بعد ..
وحتى لينا بطلو ياخذوها ..
وكان علي ياخذها يوصلها الصبح .. والظهر ترجع مع البنات ..

عامر كان يجي بين فترة وفترة وخاصة بمواعيد الدكتورة ماينسى ..
بيوم فاتحني بموضوع وقال ..
- ترانيم . انتي لازم تفكرين صح . عزيز صارلة اشهر مارجع .. والوقت يمر. لازم نلگي حل للعقد ..
- يعني شلون ؟؟
- ابوي صديقة قاضي وگالة اني ارتبها الكم ..
- مافهمت ..
- نسوي عقد مزيف بأنه انتي وعزيز عاقدين محكمة.
ونخليه بتأريخ متأخر وقبل اختفائة ..

- شلون يصير هاكذ .. هذي مسؤولية .. ويعتبر تزوير
- ليش هو البلد بي شي مامزور . ع الاقل احنة راح نسوي شي يضمن مستقبل طفل ويحفظ،حقوقة ..
- واشنو راح نعمل ؟؟

فرك وجهو وكان متردد يحكي .
- راح نروح اني وياج للمحكمة بحجة اني عزيز وخاصه اكو شبه قوي بيني وبينة يعني محد يميز . والقاضي راح يساعدنا ..

دحقت بي وقلتلوو..  هذا ماكلامك . كلام عمو ابو عدنان ..
- مو مهم كلام منو المهم ننقذ الموقف قبل ولادتج .  اذا توازينا يمكن مانلگي هيج فرصة ويمكن مانگدر نسوي شي ..
- وعزيز اذا رجع اشنو اقلو وانا متزوجة غيرو بأسمو ..
- المهم انتي مرتة شرعا وهذا مجرد كلام على ورق .
اني بس اخذج نكمل الاوراق وتوقعين والباقي مالج دخل بي ..
- مايحتاجو بصمة ..
- ماتاكل هالسوالف. بس حتى نطلعلة جنسية شبيج .

كنت مترددة وخايفه والواضح انه عامر مامقتنع ويحاول يقنعني . فكرت فيها صعبة لكن ابني اشنو ذنبو
يبقى بلا هوية ولانسب ..

قلتلو باقي اشهر على ولادتي .  مااريد افقد الامل .
- براحتج بس فكري زين هاي فرصة وماتتعوض.

رجع علي ولينا سوة .. استغربت مابالعادة يرجعو مع بعض ..

عامر .. شبيها وجوهكم مگلبة شصاير
علي .. ماصاير شي .  انت راجع الاهلي
عامر .. اي ليش؟؟
علي .. خوش اخذني وياك باجر جمعة انزل اشوفهم وارجع السبت. 
عامر .. هاهي.. هاج ام اسد هاي فلوس دزاهن ابوي

- لكن انا عندي .. قاطعني.  ميخالف اخذي كلشي يصير

دخلت للينا .. شبيكي ليش ضايجة.
- علي هواي يتدخل بية . منو هو اصلا . قدام صديقاتي يحاسبني على حجابي وعلى صديقاتي الي امشي معاهم . يقلي .مااريدج تمشين وي ذني مو راحة
كانت تحكي وتقلد صوتو ضحكتني ..
اضحكي طبعا . ماراح تقولي شي لأنو اخوكي الغالي
- معقولة تغاري من علي .
- اي اغار ..
- طيب انا احكي معاه ..

ذكرتني بنفسي لما كنت اعاند عزيز ومااسمع كلمتو ..
اااه لو يرجع الزمن ..
كنت سمعت كل كلمة تقولها وماخليتك تحزن ابدا ..

اندقت الباب رحت افتحها لقيت صاحب المجمع استغربت ..
- شلونح اختي
- اهلا وسهلا
- اختي جاي تجيني شكاوي من جيرانكم . يگولون عندكم شباب هواي بالبيت والمجمع محترم .. اذا استمر هيج الوضع اطلعكم من البيت ..

- اشنو قصدك وانا مامحترمة . الي وصلك هالكلام هو الي مامحترم . اسمع اخي . انا زوجي عسكري واخو زوجي بالجامعة هوني وساكن معانا .

- بس گالتلنا زوجج توفى ..
- لا ماتوفى وانت اغشغني لابسة اسود ؟؟ الي حكى عني نيتو سئية .. وبعدين احنة دافعين سنة مقدما مامن حقك تطلعنا ..

- بس لازم تلزمون بقوانين المجمع . اي شكوى ثانية انطيكم فلوسكم واطلعكم ..

عرفت ام نور الي مشتكية عليه ..
دقيت الباب طلعت وكأنها واقفة تتنصت ورى الباب ..
قلتلها .. مع الاسف .. توقعتك غير عن الناس وحتى لو كان بينا مشاكل او سوء فهم .
مامن حقكي تشوهي صورتي قدام الناس .
انتي تعرفي عامر وعلي اخوتي واخوان زوجي وتعرفيني كلش زين انا اشنو ..
لكن للاسف ضيعتي كل شي بينا حلو…
من اليوم لااعرفكي ولاتعرفيني ..
حاولت تبرر وتعتذر ماسمحت الها .
تركتها ودخلت للبيت ..
تعودت على الصدمات بحياتي من الناس هذي ماراح تكون اول صدمة ولااخرها ..

لو ماكان عندي امل برجوع عزيز كان تركت الشقة ورحت الغير مكان ..

مرت الايام والاشهر وموعد ولادتي قرب ..
وساءت حالتي كثير.
كان علي ولينا رغم عندهم امتحانات اخر السنة ..
الا انهم ماقصرو وكانو مايخلوني اشتغل اي شي ..
وشي اكيد لازم يتناقرو ويتعاركو كل ساعة ..

ساعة يضحكوا وفجأة يقلبو الضحك لشجار وعلي يحاول يصغط عليها وهي ماتتحمل ..

ماانكر كانو يضحكوني وينسوني همي لدقايق ..
لكن لما يفرغ البيت ويروحوا للامتحان ..
ابقى اكتب واحكي مع حالي .. وحبيبي الغائب ..
بالليل حلمت فيه الاول مرة .. وهو حزنان والشعر مغطي راسو ووجهو ..
وضعيف وتعبان ..

مااعرف اشنو صار بليلتها فية .. لدرجة حسيت بألام وقلت راح اولد من الخوف ..
اخذني علي للمستشفى ..
قالو طلق كاذب ..
رجعنا وعلي اتصل على عامر وخبرو ..
ثاني يوم اجانا عامر وقال ..
- ترانيم .. هاي ايام ولادتج مايصير تعاندين وتبقين هيج ..
علي ولينا بقالهم كم يوم يخلصون ..
خلينا نروح نعقد قبل لايفوت الاوان . مرة وحدة لاتعاندين ..
ماردت اگلج بس ابوي حلف اذا عاندتي ياخذ الطفل ويسجلة بأسم ايمان وعدنان ..
لما قال هاكذ ماعرفت اشنو اقول تعصبت وبقيت اسب واغلط وادعي عليهم ..
وحتى عامر مااتحملت وجرحتو ..
انت اخر واحد توقعتو يكون ضدي ..
صدقوا لو اعرف اختفي من الوجود مااعطيكم ابني تحلمو…
- محد ياخذة منج .. وراح اسوي هيج علمود نسب عزيز مايروح ..
عدنان اقترح على ابوي يتزوجج ويسمي الطفل بأسمة…
واني وافقت على قرار ابوي حتى احميج من عدنان وايمان ..
فكري زين .. عندج منا لمن يكملون امتحانات ..
والقرار الي تاخذيه اني اوگف وياج بي ..
بس فكري بعقلج مو بعواطفج ..
واول وتالي راح يتسجل الطفل بنفوس عزيز ..
وانتي هم تصيرلج حقوق ..

#بقلمي_الكاتبة_شمس
يتبع… .