#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

البارت 9
مساء الخير ع اجمل متابعين

اسفه ع التاخير

اتمنى لكم قراءه ممتعه

البارت 9

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

حصرني وصار قريب عليه حيل

بعدج تحبينه مو

منو الي احبه

حبيبج اكو غيره

رجاءآ لتحجي هيج لا احبه ولا اريده انتهى كولشي ابيناتنه
مبين عليكم

بمخابراتكم سويه

اقسملك بالله لا عندي اتصال بي ولا عندي جهاز

ومع الاسف عليك انت محامي

المفروض منك تتانه بالحكم ع المقابل وتتتاكد يله توجه هيج اتهام

هواي جنت احترمك بس سوايتك اليوم نزلت من عيني هواي

تخلي لجين تفتشني معقوله مثق بيه لهاي الدرجه

هي اساسا الثقه معدومه من البدايه

من جنتي بذمتي وكدرتي تخونيني بسهوله

بس اني ماخنتك ولا خنت اهلي

اني مظلومه والله

هذا الحجي قنعي نفسج بي

وهسه عوفج من هذا الحجي

ثقي بالله اذا خابرني لو راسلني هذا السكط ابن خالتج
ويكلي هو ع اتصال وياج من صدك اندمج والله

احفضي كرامتج واسكتي

مااخذتي عبره من الي صار

لو حلالج الحرام وعجبج

لهنا وكافي رجاءآ

شگلولك عليه گ....... وامشي بالحرام

حسيت براجدي دوخني

هاي المره حجيتها الكلمه مره لخ اعرف شاصرف وياج

ماتستحين وتلفظين هيج الفاظ

دموعي خانني وجرن غصبا عليه

محجيت شي بعد

وهو هم عافني وطلع

شلون انزل بعد والله استحي

لا وفوكاها جابلي لجين تفتشني

هسه لو نرمين لو حنين مو مهم
بس هاي الحيه لا شراح يخلصني منها

حيل ضجت منه علي

جنت احترمه بس هسه لا حقدت علي

نزلت مجبوره

والزوج بس يسولفن ويضحكن ويذبن بسامير

حيل انهضمت وضجت

كملت شغلي والغده

اجتي خاله لان جان عدها دوام امتحانات دور الثاني

اني حرامات هاي السنه الفاتت مبقت شي وبطلت شهر تقريبا

كملت العليه وصعدت قفلت الباب

بجيت لمن مليت

هدى ولجين حيل ماذياتني

ومااكدر احجي

حتى الغده مااشتهيت
بعدها نمت وكعدت المغرب

نزلت جوه وجنت حيل جوعانه

لكيت ماكو شي باقي

طلعت خبزه وجبن بديت اكول

بعدها رحت صليت

وطبعا دعائي الوحيد كون تظهر الحقيقه وتثبت برائتي

وره شويه اجه عمو وعلي وجايبين عشه وياهم

مو من عوايدهم يجيون بهيج وقت

گلبي نغزني گلت خاف مثل الصبح يجيني بفلم

حسيت بقلق وخوف

نرمين وحنين جهزن العشا

اني بقيت انظف المطبخ

صاحولي كتلهم مااشتهي

مساع اكلت

علي بس يخزر بيه
اني مهتميت

رجعت للمطبخ وسويت جاي

وحضرت الصينيه

اجه علي للمطبخ

روحي اكلي وبطلي اسلوب الجهال بس تتزعلين

محجيت شي

اني ويامن دا احجي

روحي اتعشي واحترمي نفسج

هم مجاوبت

ميستاهل حتى الجواب خلي يولي

حسيت ع صوت تكسير مواعين

طفرت من مكاني

اني لو احجي وي الحايط جان سمعني

جرني من ايدي حيل وشمرني بالكاع يم الاكل

عمو كام يحجي علي
شنو السالفه ابني مو هيجي تتصرف وياها

تاكل غصبا عليها

فوك عملتها الوسخه فوكاها هي الي تزعل ومتاكل

اني بس ابجي منطقت ولا حرف

علي : صار شهر من رجعنه من كربلاء وملاك مااشوفها اله صدفه

اليوم جنت بالدوام اجتني رساله من رقم غريب

فتحتها وجان مضمونها

اذا انت رجال وابن رجال طلكها لملاك لان متحبك ولا راح تحبك

تحبني الي ومستحيل تنساني لو تنسه اللحضات الي قضيناها سويه

فار دمي

لك جبان انت المو رجال لو رجال صدك مجان هيج سويت بيها

دزلي هههههههههههههه مو مهم اهم شي اني وياها عشنه اللحضات بارادتنه اثنينه وبموافقتنه اثنينه
وهسه ملوكتي حبيبتي مطيقك ومنتظرتك ع نار اطلكها حتى نتزوج اني وياها

بس نصيحه الك استعجل بالطلاك

لان ملوكه مطيق وجودك وع اعصابها مكابلتكم

احس بنفسي نار واشتعلت بداخلي

دزيتله لك والله لو تموت مااطلكها

لك هاي عرضك شلون تقبل هيج تسوي بيها ياسكط

اني اعرف شغلي وياك

دزلي هههههههههههههههههههههههه جبان انت مثلا شتريد تسوي

حيل ضوجني

اني اعلمه باجر اروحله واعرف شاصرف ويا

رجعت للبيت افور دم

اكيد يتخابرون ويتبادلون المشاعر وهي ولاكانو

صعدتها لفوك وفتشت الغرفه

طبعا دوختني هاي ثاني مره ادور وماالكي اثر اله
دزيت ع لجين حتى تفتشها اخاف ضامته بجسمها

طبعا جان تصرف غبي مني بس جنت حيل معصب وماادري بنفسي

ماطلع شي عدها

بس حسيتها حيل ضاجت

وسمعتني كلام مو حلو بحقي

طبعا ضربتها وبعدين عفتها ورجعت لدوامي

كملت دوامي ع اعصابي وطلبت اجازه ع باجر

من جها هذا الحقير ومن جها ملاك

اني اتخبل من الرجال الي يضرب المرأه

بس هسه اني كمت اضربها ومكاعد اسيطر ع نفسي

لكيتها ماكو من رجعت للبيت

اتغدينه وصعدت للغرفه

وبدت تسالني لجين شكو وليش هيج سويت

كتلها اضوج من المره الحشريه ومااحب تدخلين بيني وبين بنت عمي ابد
عفتها ونمت وبعدها كعدت ورحنه اني وابويه للمكتب سولفتله ع ابن خالتها

وكتله هيج وهيج السالفه واني راح اروح باجر واتصرف ويا

ابويه رفض كال هذا لازم ناويلك غير نيه

وحب يستفزك حتى تروحله

خل يولي وراح اني اتصرف ويا

راح اخابر ابو سرمد واخلي يروح لاهله

انت ماتتصرف بتهور ابد

اقنعت بحجي ابويه

كتله خلي نرجع للبيت من وكت وخل ناخذلهم عشه ويانه

رجعنه للبيت

وجانت ملاك جوه

حضرو العشه وهي رفضت تاكل

الصراحه ضجت فوك مادتجذب عليه وسرقت الموبايل وتخوني بسهوله
فوكاها هي الزعلانه

خلصت العشه وهو اصلا مااشتهي لان اليوم حيل نرفزوني اثنينهم

رحت للمطبخ عليها وجنت حيل معصب منها

بس عصبتني اكثر من متجاهلتني ولاكانو احجي وياها ابد

جانن مواعين يمي شلتهن وشمرتهن بالكاع اتكسرن

هي طفرت من مكانها

جريتها حيل وشمرتها يم الاكل

ابويه كام يحجي عليه

كل هذا وهي منطقت ولا حرف

كامت تبجي

حاجاها ابويه

عمو اكلي ميصير هيج شوفي شحالج صايره

وعلي مو قصده شي بس يريدج تاكلين
بس دموعها تجري

بعدين كالت والله عمو قبل شويه نزلت اكلت ومااشتهي هسه

كام ابويه كاللها تعاي وراي

كامت ورا

وره فتره طلعت منه

كلتلي عمو يريدك

رحت علي

كلي اكعد علي ورجاءآ لاتقاطعني ابد لمن اخلص واسمحلك يله تحجي

تدري تصرفك مو حلو ابد

هاي بنت عمك يعني دمك ولحمك وهي ايضا زوجتك التقبلتها والماتقبلتها هذا امر واقع

وعيب عليك تتهمها بدون دليل

ولتنسه انت محامي لازم تخلي جميع الاحتمالات ابالك

ميجوز تتهمها بالسرقه وتخلي زوجتك تفتشها
عيب عليك وانت بالنسبه الي محامي فاشل

ونزلت من عيني هواي

لان لازم تخلي ابالك احتمال تطلع بريئه ومسارقته للجهاز

وانت بتصرفك هذا هنتها اكثر من اللازم

اسالك سؤال واحد واريد جواب صريح منك

صارلها تقريبا 4 اشهر يمنه

اكو يوم طلبت منك تطلك

اذا صدك تحب ابن خالتها المفروض تطلب منك الطلاك

وتروح تعيش ويا

وخل يكون ابالك بس تطلب مني اطلكها منك هذا الشي مراح اعارضها وراح ازوجها بيدي تعرف ليش

لان انت متستاهلها وانت وياها علاقتكم منتهيه وماكو شي يربطكم ويمكن من المستحيل تفكر بيها ك زوجه الك بيوم

وهذا الشي حرام ميجوز
اخليك اطلكها وازوجها بيدي لابن خالتها

البنيه اهلها تبروا منها مو معناها احنه نعاملها بوحشيه ونخليها خدامه

اني مااقبل عليها ابد واني لحد الان حاط احتمال ابالي هي بريئه وهذا ابن خالتها سوه هيج بالعناد

وبالنسبه للجهاز مالت مرتك

عندك دليل يثبت هي الي سارقته

ليش متكون زوجتك حطته بمكان ونست مثلا

طبعا اني امام ابويه احير شاحجي لان دائما يسبقني بالتفكير وحجيه دائما يكون حقيقه

سكتت مجاوبته ابد

مااعرف شحجت ويا بالضبط

بس اعرف ابويه كلش زين عادل بحكمه وعنده نضره بعيده للشخص

طبعا غلطي الوحيد من خليت لجين تفتشها جان غباء مني

وحيل اتندمت بس بعد فوات الاوان
بعدها كلي خل اخابر ابو سرمد حتى يتصرف وي هذا الساقط

اتصل بعمو من خلص كال هاي هي هو راح يتصرف

بس انت ع كيفك وي البنيه هم خطيه لا تصير انت والزمن عليها

انت المفروض تكون بجانبها وتوكف وياها بصفتك زوجها وابن عمها

كتله يابه هي مبتعده عني وحتى من احجي وياها ولا كانو متجاهلتني

حتى اذا احتاجت شي مطلبه مني تروح ع سجاد وتطلب منه

وهي اعترفت بلسانها كالت احبه لابن خالتي

شلون تريدني انسى واعاملها معاملة الزوجه الي

اني مستحيل اكدر احسبها زوجتي بيوم من الايام

اني مخليها ع ذمتي لخاطرك انت اول شي وحتى اهلها ميكتلوها ثاني شي

بس تنسى السالفه سنه سنتين اطلكها واحررها مني

بس بنفس الوقت مااحب تخوني وتخابر من وره ظهري وهي بذمتي
يابه ومنو يكول هي راح تخونك

اشو البنيه مكابلتنه 24 ساعه متغيب عن عيونه والبيت كاميرات بي

اشو باقيه خدامه لمرتك ومرة اخوك

لحد الان مسمعت نفس منها لا اشتكت بيوم ولا سمعنه صوتها

والبنيه مااعتقد تكون ساقطه لهاي الدرجه الي تخليها تتصرف مثل متكول

اشو البنيه مؤدبه وحبابه وماطلعت المو زينه منها لحد الان

سكتت محجيت شي

كملنه حديثنا وبعدها

اترخصت منه وطلعت

لكيت الكول كاعد بس هي ماكو

اتعودنه ع هذا الشي متتواجد ويانه ابد

طلع ابويه ورجع سجاد وجايب ويا حلويات
انطه كلمن حصه وكلي هاي حصة ملاك

اني اريدلي حجه حتى اصعد لفوك يمها

صعدت دكيت الباب وجان مفتوح دخلت لكيتها نايمه

صحتها ملاك ...... ملاك ......

ماكو صوت اكيد جذابه منايمه

فتحت الثلاجه وجبت مي منها

بديت ارش فوكاها مي بارد حيل

غطت وجها

كتلها اكعدي اتفاهم وياج دقيقه وارجعي

كعدت بس عيونها حمر مبين عليها باجيه

محجت شي بس كعدت

كتلها هاي العلاكه دزها الج سجاد

مااعرف شاحجي وياها

ومثل مكال ابويه متنعرف يجوز تطلع بريئه صدك
حاب اسالج سؤال وجاوبيني بصراحه

عندج اتصال بابن خالتج لو لا

هزت راسها بمعنى لا

ليش ماتحجين مااريد اشاير

بقت ساكته ومدنكه

حيل اضوج من تتصرف هيج وياي

محبيت اضغط عليها

عفتها وطلعت

ملاك : صاحني عمو لغرفته ودخلنه وقفل الباب

كلي احجي بابا اسمعج شنو الي ابالج احجي

كمت ابجي وكتله عمو وداعتك وداعت غلاتك عندي

لان بهاي اللحضه ماعندي شخص اعز واغلى منك

اني بريئه ومضلومه ومثل مكتلكم

زيد خدرني وشسوه بيه مااعرف والقران مااجذب

وصحيح جنت احبه بس طلعت متوهمه لان هيج شخص مستحيل ينحب
وهو حب ينتقم مني لان رفضته ووافقت ع علي

وماافكر بيوم اخابره لو اموت

وعلي جاي يتهمني اني ويا عندي علاقه واتصل بي

والله ياعمو لو تخيرني بين الموت وبين زيد اختار الموت بدون تفكير

اني لو اريده لزيد جان وكفت بوجهكم وكتلكم اريده وهو طلبني ع سنة الله ورسوله

بعدين علي بده يتهمني سارقه جهاز زوجته

شاسوي بي والمن اخابر

اشو اهلي ومتبرين من عندي

لاعندي صديقه مقربه واخابرها

وين اودي جهازها

اني لو اريد اسرق جهاز جان سرقت من زمان واحد من اجهزت البنات لو جهاز خاله لو جهازك الي 24 ساعه مشمورات وين ماجان

وكول هاي الشغلات عندي عادي واكول حقه يشك بيه
لان الي صار مو هين ع الكل

بس مالت يخلي لجين تفتشني هاي متحملتها منه ابد

احجي وابجي طبعا

اني هم انسانه من دم ولحم اتاثر وانجرح باتفه الاسباب

اني الدنيا ظلمتني وماوكفت وياي

وكلت تهون وكعت بناس طيبين خلصوني من الموت لسا

بس هم طلعت متوهمه لان علي ميفرق عن اهلي ابد

وهاي شوفت عينك شلون يعاملني

والله تجيني ساعات العن الحضه الي نقذتوني بيها

لو عايفيني ميته هواي اهون الي

گلي كملتي حجيج

كتله اي ماعندي بعد شي

اسمعيني ابنيتي

هذا الحجي الحجيتي كله اني مصدكج بي تعرفين ليش
لان دائما تجيني حالات يكون بيها المتهم بريء بس ينحكم ظلم وينسجن

تعرفين ليش ؟؟؟؟؟

لان ماكو دليل قوي يثبت برائته والادله كلها ضده

واكو العكس

يعني مجرم خطير يسرق يقتل يغتصب بس يطلع بريء

لان ماكو دليل ضده

انت همين صحيح بريئه بس ماكو دليل قوي يثبت برائتج

واهلج وعلي وغيرهم حقهم هيج يسوون بيج لان شاكين بيج والادله كلها ضدج

ماكو اي دليل ع برائتج

الدليل الوحيد هو اعتراف زيد لو اخته

انت بالنسبه الهم مذنبه وهذا الي ديسوونه بيج عندهم عادي وماكو اشكال بي بالنسبه للذنب الي مرتكبته

بس اني انطيج عهد لابد تظهر الحقيقه بيوم وتثبت برائتج
وترجع المياه لمجاريها

بس صعب عليه بعد اتقبلهم ياعمو

جرحوني وهانوني اكثر من اللزم

بالنسبه لاهلي مثل ما تبروا مني ومصدكوني ابد اني هم بالنسبه الي راح انسه عندي اهل حتى اذا ثبتت برائتي مراح ارجع الهم ابد

اما بالنسبه لعلي كول الي اكدر اسوي مراح اجاوبه بالوقت الحالي ابد

ومن تثبت برائتي اكيد اطلب الطلاك منه ومستحيل اتقبله ك زوج الي

الانسان الوحيد الي اعتبره كول عائلتي هو انت

مو لان تعاملني بحنيه

لا بس لان انت الي صدكتني ووكفت ويايه باصعب الاوقات

ولان انت اكثر شخص عادل بهاي الدنيه كلها

بس ياعمو ثق بالله راح يتندمون ع السوو بيه بس بعد فوات الاوان
لان گلبي كاعد يموت شويه شويه من ناحيتهم

منا لمن تنكشف الحقيقه راح يكون كلبي ميت وميتاثر باي مشاعر

الله كريم بنيتي تهون والله ويجي يوم واشوفج بحضن امج وابوج وكولشي طبيعي ان شاء الله

بالنسبه الي هذا الشي حلم بس رغم كولشي عمو انطاني الامل وفعلا لابد يوم وتنكشف الحقيقه

اترخصت من عمو كلي صيحي لعلي بطريقج

صحته وصعدت لفوك

دائما اقفل الباب اخاف كولشي يصير

بس هالمره نسيته

اني حتى من انزل اشتغل اقفل الغرفه ورايه

لان اخاف من الاخوات الزوج كولشي يسون ويتهمني

اندك الباب وقررت ماافتحها

بس طلعت مفتوحه ودخل عليه علي

يبوووو هسه اله انسى لان ماالي خلك احجي ويا ابد
حاول اكعد واني كارها حتى شوفته

بعدين ذب عليه مي بارد اضطريت اكعد

بس منطقت ولا حرف

وقررت مااحجي ابد

لا ويا ولا اي شخص هنا

بعدين طلع

نمت وكعدت عيوني وارمات وحمر

غسلت ونزلت جوه ومثل كول يوم نفس الروتين

هواي اعاني من المضايقات من الاخوات

ودومهن يصيحلي ام الزلم

اني سلاحي الوحيد التجاهل والسكته

دخلنه الشتاء ونفس الروتين اليومي

علي صدفه اشوفه

فد يوم عمو مجاز ومحد جان يدري بي جان مريض بوقتها
بدن من الصبح يتعاركن وياي ويحجن

ساقطه لو بيج خير متبرو منج اهلج

انت هنا خدامه لااكثر ولا اقل

ام الزلم يوميه وي واحد شكل

شافني ساكته محجيت شي

كالت لجين اصعدي فوك نظفي غرفتي واغسلي ملابسنه وياج

هنا اني صدك صعدت الحماوه عندي

كتلهن والله مو خدامه عدجن ماعليه بيجن لاانظف غرفجن ولا اغسل ملابسجن يالوسخات

غصبا ماعليج انت هنا عاطفين عليج ومخليج خدامه لا اقل ولا اكثر

والله لاغصبا ولاغيرها وشتردن تسوون سون

اشو ذني هجمن عليه اثنينهن وبدن يضربن بيه وحتى شعري كطعنه

غصبا عليج تننظفين البيت كله وغرفنه همين
بس اتفاجأنه من طلع عمو

لعب جوله بيهن وهانهن

خابر علي وسجاد وكللهم هسه تجون

الكول اجه حتى خاله

الكول مستغرب دز ع هدى ولجين

كلي تعاي اكعدي يمي

بعدين حجه وياهم

كللهم اسمعوني زين

ملاك بنتي اني ابوها

مو مهم اهلها متبرين منها لو لا

الي يهينها يهيني والي يغلط عليها يغلط عليه اني

اليجيب طاريها بالموزين احركه حرك

ذني نسوانكم هاننها وغلطن عليها واتجاوزن عليها هواي

ومخلياتها خدامه وهذا الشي ازعجني هواي
اذا نسوانكم مدللات ومتعودات ع خدامه

من هاي اللحضه كلمن يجيبله خدامه لمرته

وملاك اذا غثها احد احرك الدنيه حرك

وهسه تسمعوني قراري ومااحب احد يعترض نهائي

اثنينكم عدكم بيوت جاهزه من كلشي

واحد منكم ياخذ مرته ويطلع ابيته لوحده هم تاخذون راحتكم وهم احنه ناخذ راحتنه

البنيه صارلها شكد وانتو تستغلونها وهي ماتحجي ابد بس مو معناها تستغلوها والله شنو ماعدها اهل واهلها متبرين منها

اني ابوها وامها واخوها واختها وعائلته كلها

حسيت بفخر وحسيت اكو سند ورايه قوي

سولفلهم المقتل الي صار

كال ممنوع احد يضربها لملاك ايا كان حتى اذا عرفت زوجها علي

اكلب الدنيا
وهسه لازم تقررون منو منكم ياخذ السعلوه مالته ويطلع من البيت

توقعاتكم حبايب شراح يصير راح يبقون بالبيت ويتصافون لو يطلع احد

واذا طلع احد منو راح يكون ؟؟؟؟؟؟؟؟