#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#بارت مفاجئ

وجان اوفي بوعدي الكم واكمل البارت بس ثقوا بالله ضغطت ع نفسي لخاطركم ولان باجر ماكو دوام ف اكيد الكل سهران وتستاهلون بارت جديد اتمنى لكم قراءه ممتعه

#البارت 8

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

وجان اشوف بابا كبالي

شعوري صعب مااكدر اوصفه

فرح ع خوف ع قلق

گلبي كام يدوك سريع

الكول كاعد ماعدا خاله

سلم ع الكل واتجاهلني

سلمت علي شلونك بابا

وجان يبسق بوجهي

اني مو ابوج لتكولين بابا بعد ابد

انيي ميشرفني اكون ابو لوحده ساقطه مثلج

دموعي جرت حيل ضوجني وفشلني كدام الكول

اجت ماما وياها مهند اخويه حتى مباوعوا بوجهي حيل نهضمت

كلهم عمو اتفضلو اكعدوا

فجأه اجتني دفره بكليتي من بابا

كال المكان البي هاي الساقطه وياشر عليه مانكعد بي لحضه وحده

احس سجاجين وادججني بكلبي

عمو كله صلي ع محمد ابو سرمد

شنو هالحجي هاي تبقى بنتك

لا بنتي ولا اعرفها بنتي ماتت بالنسبه الي

ماما ولا كانو اني كبالها ومهند كذلك

عفتهم وكمت بس شنو مستحيل اوصف شعوري بهاي اللحضه

كلت لسجاد عفيه  كوم رجعني  للفندق وارجع انت

مااندله للفندق

دموعي يجرن ومهضومه بشكل

كالي عمو تعالي بنتي اصبري خل نتفاهم

عفتهم ورحت والصراحه مااعرف وين اروح

الكول صاح ورايه مهتميت

يمكن هسه لو سياره تصير گبالي جان ذبيت نفسي جواها

لان من صدوك اتمنيت الموت بهاي اللحضه

حسيت بايد سحبتني حيل

جانو ورايه  سجاد وعلي

كام يصيح علي

وين رايحه منا

سكتت احس عيون العالم كوله عليه

حسيت بالكل يعرف قصتي

واهلي متبرين بيه هذا احساسي بذيج اللحضه

اتجاهلته لعلي بهاي اللحضه حقدت علي

يمكن هو السبب الرئيسي بمشكلتي

لو ما خاطبني ماجان سوه هيج زيد

كتله سجاد الله يخليك بس دزني للفندق كولشي مااريد منك

كلي امشي اوديج

علي كله ارجع انت واني راح ادزها

لا ماكو داعي ارجع انت خلي سجاد يوديني

جرني حيل ومشه فضحتينه منا عالم

اسكتي لا والقران احير شاسوي بيج

سكتت لان مالي خلك

وصلنه للفندق وجن المفتاح عند نرمين

كلي روحي ابقي بغرفتي لمن ارجع اجيب المفتاح

كتله لا شوفلي ابو الاستعلامات بلكي عنده نسخه ثانيه بس افتحه للباب ادخل واقفله عليه رجعلهم المفتاح

راح حجه وي ابو الاستعلامات

جاب المفتاح ودخلت باللحضه دخلت للحمام وقفلت الباب عليه

كمت ابجي وبديت اذب مي ع راسي وع جسمي واني بملابسي

حسيت نفسي مثل النار المشتعله مستحيل شي يطفيني

بده يدك الباب

ملاك اطلعي انت مو طفله وهيج تصرفين

اني ساكته

والقران اذا مطلعتي راح اكسرها للباب

عوفني وروح الكول هسه منتظرك

لتخاف عليه

مراح اسوي شي

لاتتهورين وتسويلج شي واتخسرين دنيتج واخرتج

لتخاف مستحيل انتحر لان مااريد اموت قبل لتظهر برائتي

روح امن

فعلا عافني وطلع

طلعت جبت ملابسي

ورجعت سبحت وغسلت ملابسي

طلعت ورحت لفراشي غطيت حتى وجهي

اتمنى اختفي من الوجود بهاي اللحضه

بقيت دموعي تجري بس مانمت

مااعرف شكد مر من الوقت حسيت بالباب انفتحت

كامن يحجن ملاك .... ملوكه ..... ملاك .....

سويت نفسي نايمه

وره لحضات دك موبايل وحده

سمعت حنين تكول

خطيه نايمه ومتقبل تكعد

هاي شبيك والله نكعد بيها ومتقبل

الله كريم راح نحاول

بعدين طبكته

ابجي بدون صوت

لو مشايفتهم احسن الي

هسه هدى ولجين يزفني زف بالحجي

شيخلصني منهن

موقف ماما مراح انساه للموت

يعني معقوله ممصدگتني

شلون انطاها كلبها ومتصدكني

لو شلون انطاها كلبها ومباوعتلي حتى

بعدين حسيت بالم قوي مكان الدفره لان بكليتي

حسيت بالبطانيه نرفعت عني

غمضت عيوني حيل

بس الدموع اكيد فاضحاتني

بنات عمو نرمين وحنين اثنينهن كعدن يمي

كامن يحجن ملوكه حبيبتي كومي

نعرفج كلش زين كاعده

اني صوتي ارتفع بالبجي

لج كومي والله حيل نقهرنه وضجته

كعدت ابجي بصوت

من صدك احتاجيت احد اشكيله همي

والله مظلومه والقران مسويت شي

شلون يكدرون يصدكون اخون ثقتهم واروح اسلم نفسي لواحد

ومو اي واحد لنذل وحقير مثل زيد

شبكني ودموعهن يجرن ويايه

كالن والله مابدينه شي عليج

جان ساعدناج

خلن اكل يمي وكالن اكلي

معقوله تتصورن بعد الي سمعته من اقرب الناس الي اكدر اكول

بس مايصير تنامين بدون اكل

مااشتهي والله ابد

ع راحتج

بس فدوه كافي لتبجين

شلون اسكت والله اتمنى الموت

بس الواكف بعيني

لازم اثبت برائتي وبعدها اله انتحر واخلي الكول يتندم ويبقون يعضون اصابيعهم ندم

ان شاء الله تطلع برائتج

ترخصت منهن ونمت

مااعرف شكد وغفيت صدك

الصبح كعدت ع صوت عمو يمكن سمعت صوته.

بعدين كال ملاك اكعدي

بقيت ع نومتي وحتى وجهي مغطيته

بعدين حجه عمو

ملوكه حبيبتي كومي خل احجي وياج

اجه بصفي وخر الغطه ومسح براسي

ادري بيج كاعده وتسمعيني

اكول شكد فرق بين بابا وعمو

عمو لان قاضي ومثقف هيج يتعامل ويايه

بس بابا لان ظابط دائما قاسي

اسمعي ملوكه ادري بيج ضجتي من ابوج

بس لتنسين ابوج هم حقه لان الصار مو هين

دموعي كامن يجرن

كعدت كتله بس عمو والله مالي ذنب بلي صار

مستحيل اخون ثقتهم بيه

المفروض يسمعوني ويصدكوني

لويش هيج يتبرون مني واني مغلطانه

اقسم قسم بالقران ماادري ابد بلي سواه ابن خاله

والله ياعمو مابيدي شي عليج ادري باخوي قاسي وميقتنع بسهوله

كل الاكدر اسوي الج

اني بمقام ابوج والياذيج راح يتندم والله

كومي اتريكي وانسي الصار

احنه اهلج ولتهتمين ابد

مااشتهي والله عمو

بس اجوع اكول

لا مراح اكوم اله تاكلين كدامي

وداعتك عمو مااشتهي ابد

لعد كولي ابقه يمي عمو

لعد وين الكيها تبقى يمي اخليك بنص عيوني

اذا حجيج صدك كومي خلي نتريك اني وياج

ابد مااشتهي بس محبيت ازعله

كتله وغلاتك عندي مااشتهي

بس اجوع اني اكل اكيد

كلي ع راحتج

عافني وطلع

رحت للحمام سبحت وغسلت الملابس وطلعت القديمات ناشفات

وطلعت بسرعه مشطت ونمت قبل ليجن البنات لان ماادري بيهن وين

وره شويه فعلا انفتحت الباب

بس ماكو صوت

اني حتى وجهي مغطيته اريد بس اشرد من واقعي

علي : من شفت عمو گلبي انقبض

اكثر واحد يعرفه لعمو اني

ادري بي قاسي كلش وميرحم ابد

خفت ع ملاك اخاف يتهور

بس موقفهم جان صعب حيل

عيوني عافت الكول وكامت تراقب ملاك

شفت لهفته لاهلها وجان طبيعي كل شخص من يشوف اهله بعد غياب هيج يتصرف

بس هي غافله انو ابوها قاسي ومستحيل يسامحها اني متاكد

بس حيل اذاها بالحجيي ودفرها بجهة كليتها الي فقدتها

حيل ضجت وانقهرت حيل عليها

بس ضوجتني من تجاهلتني كدام الكل

وطلبت من سجاد ياخذها للفندق

هذا الشي حيل ضوجني

بس بعدين عافتنه وراحت بوحدها رحت اركض وراها

وسجاد لحكني

وهذه عبالك شاده محرك واوي كوه لحكت بيها

راحت بغير اتجاه الفندق

سحبتها بس هم غثتني من طلبت من سجاد يوديها للفندق

يعني لاغيه وجودي من حياتها وهذا الشي حيل ياذيني

معناها بعدها قافله ع هذا ابن خالتها النذل

سحبتها بالكوه بس من دخلتا هي دخلت للحمام وسدته للباب

خفت خاف تسوي شي لان جانت حيل مخنوكه ومزعوجه

بس اتفاجات من كالت ماانتحر

اريد اثبت برائتي

شنو قصدها ابرائته اذا هي اعترفت بنفسها فاقده عذريتها

اظطريت ارجع لان عيب منهم

رجعت الهم بس بالي وتفكيري يم ملاك

رحنه للمطعم وطبعا عمو وزوجته ومهند ويانه

ابويه لكيته حاجي ويا بس هو قافل

كملنه العشا وجانو هم حاجزين بالفندق بس بعيد عنه

صدفه جايين هنا

اخذنالها عشه ويانه لملاك

مااكدر ادخل وي البنات واطمأن عليها

رجعنه كلمن لغرفته

خابرت حنين وكالت مقبلت تاكل ولا تقبل تكعد

كمت اصيح عليها كتلها حاولي تكعديها

كلت ال لجين احذرج تسمعين ملاك حجايه او تغثيها بشي

اراويج شي ميعجبج ابد

وشدعوه عليك هيج مهتم لمشاعرها

اشو كلها وحده ساقطه

ضربتها راجدي

ابد مااسمحلج تحجين هيج كدامي لتنسين هاي بنت عمو اليحجي عليها كانو يحجي عليه

كامت تبجي وتتنغوص فوك راسي

اني عفتها ونمت

بس اني حيل قلق ع ملاك

كعدت الصبح

خابرني سجاد كال منتظريك جوه انزل حتى نتريك

الفندق خمس نجوم وبي بوفيه مفتوح

نزلت ولجين قبلي نازله

الكول متجمع بس ابويه ماكو

سالتهم كالو يجيب ملاك ويجي

وره شويه نزل يمنه بس لوحده

سالته لعد ملاك وين

مقبلت تاكل ابد

كملنه الريوك واخذت بيدي علبة قشطه وصمون وصعدت

لازم اخليها تاكل باي طريقه

اخذت المفتاح من البنات

فتحت الباب ودخلت

لكيتها نايمه ومغطيه نفسها حتى وجها

اتقدمت عليها

وخرت الغطه عنها

سحبته مني واتغطت مره ثانيه

الج مهله خمس دقايق اذا مكعدتي راح اسوي شي ميعجبج ابد

ولا كانو احجي وياها

نمت بصفها وشبكتها

وهي طفرت جنها مخبله

وهسه عرفتي شاسوي بيج بس تعانديني

شتريد مني

عيونها مورمات

اتريكي هسه لا اعرف شاسوي وياج

يعني الميشتهي كوه ياكول

اي كوه وانصحج لتعاندين

اكلي احسن مااشوف شغلي وياج

بس ميجوز هيج تجبرني واني مااشتهي

مو مشكلتي وفضيها لان مالي خلك الج ولخبالاتج وعنادج

اخذت شويه من الصمونه وفتحت القشطه وسوت لكمه واكلتها

كالت يله شبعت

ورجعت نامت

شنو تقشمرين ع نفسج لو عليه

يابه والله مااشتهي والقران مااشتهي

بس اجوع اكيد اكول

بس اريد انام

مااخليج والله اله تكملين هاي الصمونه يله اطلع

واذا بقيتي بعنادج اني هم انام واشبكج ويجوز تتطور الامور  بعدين

بس ماالك حق بلمسي ابد

وليش يابه زوجتي ع سنة الله ورسوله

لا عيب ولا حرام

بقت ساكته

كتلها راح ابدي العد من ال1 لل 10

بس كلت واحد

هي بسرعه طفرت كامت تاكل

خلصت بدون كلام رجعت لفراشها ونامت

عفتها وطلعت رجعت لغرفتي

لكيت لجين هم صاعده

زعلانه من البارحه من ضربتها

راضيتها كلت هم خطيه اني الي ظربتها

ب 4 متفقين نروح للحر وبعدها نروح للمجمعات ولمدينة الالعاب كلنه نروح

اتغدينا ونمنه وبعدها كعدنه واتحضرنه

وخابرت سجاد كال جاهزين

وماما وبابا

كال هم جاهزين

والبنات ماادري بيهن

كتله اني راح امر عليهن

رحت لغرفتهن لكيت نرمين وحنين جاهزات

بس ملاك ع نفس نومتها

سالتهن عليها

كالن من الصبح لهسه هاي نومتها ولا كعدت ولا اتغدت

ومتقبل تروح ويانه

كعدتها ولا كانو

كلت لحنين انطيني مي بارد

ولا كانو

فعلا جابت المي وذبيته ع وجها

طفرت بسرعه

يمكن صدك جانت نايمه

لان كعدت مخترعه وعيونها دم

محجت شي

كتلها يله كومي جهزي نفسج

مااروح لاي مكان

خلوني هنا

كومي بدلي ولتعاندين

مااكدر اروح والله لاقصدي اعاند ولاشي

عوفوني هنا واقفلو الباب عليه

مو كتلج لتعاندين كومي بدلي واسكتي

اشو هاي ولا كانو رجعت لفراشها ونامت

كلت للبنات انزلن جوه يم ماما ع ما اجيبها واجي

صدك راحن

اني مااريدها تبقى هنا لوحدها

ردتها تطلع وتنفه عن نفسها بلكي ترتاح

كتلها

ملاك اكعدي

ولاكانو احجي

سحبت الغطه منها

وهسه حابه تعاندين ومتكومين

رجاءآ اتركني بحال سبيلي كتلك مااروح

لويش تجبرني

الج مهله خمس دقايق

لخاطر الله عوفني متشوف عيوني شلون مورمات مااكدر اطلع والله

مو مهم غسلي وهسه يصيرن زينات

عفيه الله يخليك عوفني والله البيه مكفيني مااحب اشوفلي بشر ولا احب بشر يشوفني

والله تعبتيني والكول منتظرينه جوه لخاطر ربج فضيها

مااطلع من الباب اله انت تطلعين قبلي

تره والله ميصير هيج لواحد ابد مااله راي

هاي لو جنتي محافضه ع نفسج وشرفج جان الج حق

بس مو بهذا وضعج وتردين الج راييج الخاص

حسيت دمعتها جرت

هسه اني شحجاني اريد اكحلها عميتها

كامت بدون بصوت اخذت ملابس ودخلت للحمام

وره شويه طلعت

اكو شي ثار انتباها رغم انكسارها بس حسيتها واثقه من نفسها وطبعا نازكه بشكل بلبسها واكلها وحجيها احسها تختلف ع الكول

طلعنه وقفلت الباب

ونزلنه والكول جاهز

رحنه اول شي زرنه بس حسيتها حيل مهضومه ومنكسره بشكل

عيوني تراقب كول حركاتها غصبا عني

كعدنه شويه

الكول يسولف ويضحك بس هي ولا كانو موجوده ويانه

حجه وياها ابويه بيناتهم مسمعنه شي

بس دموعها تجري مسحهن الها واخذها وابتعد عنه شويه

بعدها رجعوا

وكال يله خلي نمشي

مشينه لمجمعات والكول يشتري ويشوف وهم هي ولا كانو

احسها مثل الجسد بدون روح

فاصله عن العالم الخارجي

اتقربت يمها كتلها اي شي يعجبج اخذي

ولا كانو احجي

حيل انقهر من تتجاهلني

لجين اشترت كومه غراض وهدى همين

بس اخواتي وماما بس شي قليل الي اشترنه

بعدها طلعنه ورحنه لمدينة الالعاب

ماما وابويه كعدوا لان ميكدرون يفترون ويانه

ملاك همين كعدت

كتلها كومي ويانه امشي

ولا كانو احجي متجاهلتني

حيل اتعصبت

عفناها ورحنه

هواي صعدن البنات

طلبن مني اصعد بس اني مقبلت ابد

اخذت زنوبه بنت سجاد وكتلهم روحوا اصعدوا وخلوها يمي راح اخذها واروح يم اهلي

فعلا راحو صعدوا

اخذتها ورحت يم اهلي كعدت مقابيل ملاك

ولا كانو اني مقابيلها واحسها بغير عالم

ساعه اضوج عليها واكول خطيه

ساعه اضوج منها يعني شتتوقع هاي سوايتها بسيطه

بعدين رجعوا ورجعنه اتعشينا وصلينه

ورجعنه زرنه بس بقت هي

وثاني يوم رجعنه للبيت

ملاك : اتخبلت من علي نام بصفي خفت حيل

كعدت مجبوره انفذله كولشي يريده

انجبرت اكلت ورجعت نمت اريد اهرب من الواقع كله

هواي حاولن البنات يحجن ويايه بس اني ماالي خلك

بعدين هم اجه علي وجبرني اروح وياهم

رحت بس اني جسد بلا روح

امشي كاني انسان الي

ابد مو بارادتي اتصرف

علي بالذات تجاهلته وراح امحي من قاموس حياتي

بعدها رجعنه ثاني يوم

بدت المضايقات المستمره من لجين وهدى

حيل اذني ومشمتات بيه لان بابا هيج سوه

ابد مااجاوبهن لو شيسون

لان بياعين احجي وياهن

بقيت ع هذا المنوال يوميه

البيت تقريبا كوله عليه بس نرمين وحنين يساعدني

الغده هم صار براسي بس العشا دائما اصعد واعوفه عليهن

علي مااشوفه اله صدفه

طبعا اتبعت اسلوب التجاهل وي الكول

مااحجي حتى اليحجي ويايه اتجاهله

بس عمو وخاله

حيل ضايجه من وضعي

مرات افكر واكول هسه مثل زيد شحصل من سوه هيج بيه

دمرني ع الاخير ومحصل شي

لا اني الصفيت اله

ولا اني الصفيت لغيره

عمو الوحيد الي وكف ويايه

يمكن لو يطلب اي شي مني مااكوله لا

بعد مرور شهر تقريبا من الزياره

رجع علي من الدوام ومو من عوايده ابد

حسيت بعيونه تجدح نار

الكول متفاجأ بجيته

سحبني من ايدي كدام الكول وصعدني لفوك

اني نصدمت من ردة فعله

دخلني لغرفتي ودفعني حيل ودخل وقفل الغرفه

الج مهله 5 دقايق اريدج اطلعين الجهاز

واذا مطلعتي راح ااذيج والله

ياجهاز تقصد

لتغشمين نفسج

جهاز لجين الي سرقتي منها

هاي تحجي من كول عقلك

محسيت اله ع راجدي دوخني

وبده يدور بالغرفه كولها

ملاك اعترفي الجهاز وين

والله مو عندي ولا شايفته ولا لامسته ابد

ضربني مره لخ

بعدين دز ع لجين وكللها تعالي فتشيها كدامي 

هنا حسيت باهانه كولش جبيره

بدت تفتشني وتضحك

خلصت كالتله ماكو شي

اشرلها اطلعي

طلعت وسد الباب وراها

بده يتقدم عليه واني ارجع حيل خفت منه

انحصرت يم الكنتور وجان .....

الي يكول البارت قليل اله ب 👈🔪🔪🔪