#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#بارت مفاجئ

اجمل بارت مفاجئ الى اجمل متابعين اتمنى ان ينال اعجابكم

بس لتسون التصويت حتى تشجعوني اكتب اكثر ☺️☺️

#البارت 6

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

دك موبايلي وجان اشوف عمو المتصل حيل استغربت

ابتعدت عن الهوسه شويه ورفعت خط

وجان يگلب الدنيه گلاب

كلي احنه شتفنه مو كلنه ممنوع ملاك تتصل بينا

احنه متبرين منها وانت اذا مليت منها عادي رجعها النه ماكو مانع
الصراحه اتفاجأت بي

كتله عمو شنو السالفه والله مدا افتهم

ملاك اتصلت بينه اليوم وهذا الشي حيل ازعجني

اخر مره اكلك ياعلي ملاك اذا اتصلت بعد قسما بالله اجيها لبيتكم ونهايتها ع ايدي اكيد وطبكه بوجهي

الصراحه فار دمي من صدك

يعني منعتها شكم مره واكدت عليها بس مفاد بيها

واني بطبيعتي اتخبل من البنيه التعاند

ويجوز متصله بابن خالتها حتى اذبحها وعلي

اني مانعها مو قصدي شي

بس عرفت طبع عمو واخاف عليها لان اكيد يكتلها بسهوله وميرفله جفن

وهاي الظاهر ثوله مدا تفتهم

عفت الناس ودخلت جوه سالت ماما ع ملاك كالت بغرفتها

كتلها سويلي طريق حتى اصعد يمها اريد احاجيها
ماما ميصير وعيب من العروس شتكول اليوم زواجك وانت تريد تروحلها

ياماما هاي شبيج وين راح تفكيرج

اني هسه افور دم

لان معانده ومتصله باهلها وخابر عمو كلب الدنيه

كالت عوفها لباجر واحجي وياها

كتلج سويلي طريق هسه اريد اصعد يمها

لك والله عيب من الناس شيكولون

خلي البنات يصيحني لغرفتهن باي حجه

فعلا صاحت حنين تعال علي شوف السبلت ماادري شبي

صعدت واني افور دم

دفرت الباب ودخلت

هي اتفاجأت من شافتني

ملاك : وره العقد مالت علي رجعت اختفي ومااخلي يشوفني ابد
لان هو طلب مني هذا الشي معناها ميطيق يشوفني

طبعا اتعودت ع فراك اهلي بس ماما حيل اشتاقلها ويوميه ابجي بالليل

اكول معقوله كولهم قاسين ويايه لهالدجه

حتى اخواتي مفكرن يتصلن بيه ابد

حيل اتاذه كاعد

اكول خسرت كولشي بلمح البصر

صارت الحنه ومحبيت اروح بس الحمد لله محد عارض ع بقائي

بقيت اساعدهم وسجاد طلب مني احضر الكيك والعصائر والببسي

اخذهن وراح للقاعه

بعدين رجعوا النسوان

لكوني مجهزه العشا

اتعشوا

وراحو الولد للقاعه
بقينه اني والبنات وخاله

هدى بنتها بس تبجي يمكن مستغربه

خاله طلبت من كول وحده تسوي شغله

اني كلتلي مهمتج بس المطبخ اريده يلمع 24 ساعه

والبنات كذلك هم انطتهن كول وحده مهمه ونفس الطلب طلبته منهن

حلوه هيج كلمن تعرف شغلها

بقيت بالمطبخ ارتب بي وبقيت منتظرتهم اخاف يرجعون ويهوسونه للمطبخ

بعدين رجعوا وجنت ناويه احجي وي علي لازم يخليني اخابر ماما حيل مشتاقتلها

بس رفض رفض نهائي من حجيت ويا

وحيل ضجت صعدت وبجيت لمن مليت

نمت وكعدت الصبح اشتغل نفس الروتين يعني بس المطبخ عليه

بعدها كعد علي وطلب مني اسويله ريوك وبعدها طلب مني اخلص شغلي واصعد
اني هم هيج مقرره

وفعلا حجيت وي خاله كالت ميهم اصعدي ومن تروح الناس ارجعي

بس ضايجه حيل اليوم ومخنوكه معرف لويش احس بنفسي محتاجه احجي وي ماما

اجه سجاد طلبت منه اتصل ابماما لان مااتحمل بعد لازم اسمع صوتها حتى لو علي ميقبل لان مااله حق يمنعني من امي

وفعلا انطاني جهازه واتصلت بماما وكام يدوك وي كول دكه احس كلبي يدوك وياها سريع وحسيت گلبي راح يوكف

رفعت خط ماما واني دموعي كامت تجري وكمت اشهك

اكيد عرفتني

بس انقطع صوتها

ها ماما نسيتيني

نسيتي بنتج المدلله

معقوله قاسيه لهالدرجه
معقوله مگلج كلبج اني برئه ومستحيل اخونكم وانزل روسكم

معقوله مفكرتي ولو لحضه تتصلين بيه وتطمأنين ع صحتي

فجأه اجاني صوت مثل الرعد وجان قاسي بشكل مبين من صوته

جان يكول قسما بالله اذا اتصلتي مره ثانيه اله اجيج وادفنج عدله

انت بالنسبه النه متي وماالج وجود بحياتنه

بس بابا والله مضلومه

طبكه بوجهي

كمت ابجي الصراحه متجرأت اتصل مره ثانيه

طلعت ورجعت الجهاز لسجاد

سالني ها بشري حجيتي وي امج

كمت ابجي وبصوت عالي متحملت

كتله ماسمعته ابد ولا حرف نطقت
لتنقهرين اخيتي يجي يوم ويسامحوج اكيد

حلم بالنسبه الي يسامحوني

دخلت للغرفه وبعد مطلعت ابد

سمعت الصوت مالت الزفه طلعوا نزلت سويتلي شكم شغله

ومن سمعتهم رجعو صعدت وبعد منزلت

بس فجأه اندفر الباب قوي اتفاجات وجان اشوف علي مقابيلي

اني شكلتلج من اجيتي لهنا

مو كتلج شغلتين ممنوعات الموبايل والطلعه

منو سمحلج تخابرين اهلج

اني سكتت محجيت شي

وجان احس بحراره بخدي

ضربني راجدي

اني مو احجي وياج

لويش هالعناد
البارحه شكتلج

هم ساكته مكدرت احجي ويا

ضربني مره ثانيه

هم خابرتي لحبيب الكلب متحملتي فراكه

وبحجة اهلج اتصلتي بي

لا والله مااتصلت بي بس ماما

ضرب المرايه بيده اتكسرت تكسر

اول مره اشوفه هيج عصبي

احجي لا انزلها كلها هسه

شاحجي والله بس ماما خابرتها

اني مو منعتج ليش تعاندين

والله مو عناد بس حيل مشتاقتلها

وانت متحس بيه

لاوالله ماكاتلج امج اهم شي حبيب الروح
رجاءآ لتحجي هيج وداعت ماما متصلت باي احد

ضربني مره لخ

منين اخذتي الجهاز

من سجاد

ضربني بعد راجدي

اتوقع كتلج اول مااجيتي لهنا

كتلج ديري بالج تخالفين هالشغلتين الموبايل والطلعه

لان راح تصحين الوحش الي جوايه

بس انت الظاهر متفتهمين بالحجي زين

كول شويه يدك جهازه وينطي رفض

بعدين رفع خط

كله بجهنم ويني

حسابك بعدين ويايه

منو سمحلك تنطي الجهاز اني مو محذركم كولكم

يصير خير وطبكه
التفت عليه

قسم بالله اول واخر مره هاي السالفه تسويها بس تنعاد مراح ارحمج والله

عافني وركع الباب حيل وطلع

حطيت اديه اثنينهن ع خدودي وكمت ابجي

هسه اني لو ميته مو ارحملي

بقيت ابجي

عباله خابرت زيد

ميدري بيه اكرهه كره مو طبيعي والله لو يخيروني بين الزواج من زيد لو النار اختار النار اكيد

بعدها سمعت صوت عله اكيد زفوا لعلي

صفنت اكول محد خسر غيري اني

زيد اكيد يزوج ويستقر وينسه

وعلي اتزوج وراح يستقر

واهلي نسوني وكدروا يكملون حياتهم بدوني
بس اني شنو مصيري مجهول محد يعرفه

بقيت منتظره حتى عشا متعشيت

بعدين كمت نضفت الگزاز مالت المرايه

صارت ب11 اكيد الناس هسه راحت

نزلت ولكيت البيت فعلا هدوء بس عمو وخاله والبنات وياهم ام خاله مره جبيره

دخلت للمطبخ بديت ارتب بي لكيت ماكو مواعين وسخه يمكن لان الاكل جاهز

هيج ترتيبات بسيطه

اجتي خاله كالت اتعشي ماما لتنامين بدون عشه مو زين عليج

هذا عشاج بالمايكرو حمي واكلي

كتلها صار خاله بس اخلص شغلي

كملت كولشي وسويتلي لفه وصعدت

كوه غصبت نفسي

جنت من اعصب لو اضوج اكول هوايه اذب حركتي بالاكل
بس من يوم الي اتقربلي زيد تغيرت نفسيتي

كمت من اضوج مااشتهي اكول

كوه اكلت نص لفه وبعدها نمت

كعدت لكيت علي مسافر

صادف يوم جمعه عمو كاعد

هدى رايحه لاهلها

سالتهم اسويلكم ريوك كالو متريكين

رحت سويت شغلي اجتي خاله ورايه للمطبخ

كالت عندي حجي وياج

كتلها كولي خاله

كالت خاله اني ماعندي عداوه وياج

بس اريدج تكونين بعيده عن ابني

لاتكولين ظالمه ولاشي

اني اهم شي ابني مااريده يتقربلج

وهسه مدامه ماهو اتصرفي براحتج
شوكت يعجبج انزلي وشوكت يعجبج اصعدي

ومااجبرج ع شي

كتلها صار تدللين

واني هم اوعدج ابد ماالي علاقه بعلي

الله شاهد عليه مو ابالي علي ولا الي نيه اغره لو اتقربله

هو اني الي احاول ابتعد عنه

لعد متفقين ع نفس الهدف

كتلها خاله اني شغل البيت ماعندي مانع بي حتلو البيت كوله انضفه عادي

بس طبخ مااعرف اذا حابين اسوي عشا ماعندي مانع اعرف اكلي

ابقي بس التنظيف عليج والطبخ ع هدى لو عليه

والعشه ع البنات

طبعا هدى حيل خبيثه ودائما تتحجج ابنتها

ودائما تجبرني اشتغل نيابه عنها
بس اني مو مثل قبل ماالي خلوك للمشاكل ابد

احس بنفسي انسه همي من اشتغل

بس من اصعد للغرفه اتكأب واتذكر اهلي وصديقاتي

مرات اعتب ع ماما معقوله ماتكدر تخابرني من تطلع من البيت

تكدر تتصل بيه بدون علم بابا

واخواتي هم يكدرن يخابرني

معقوله نسوني وحسبوني صدوك ميته

اشو اني مااكدر انساهم ولا لحضه

طبعا مكان العمليات لحد الان يوجعني وهواي اتالم

بس اتعودت علي

مرات اكول لو ميته بالطلقات اهون الي

علي : حيل تندمت من ضربته لملاك

بقيت للصبح منايم بس افكر شلون هيج سويت

اني ضربتها حتى متعيدها مره لخ
لان اخاف ع حياتها

اكيد عمو ماعنده مانع يجي ومستعد يكتلها

هم خطيه تشتاق لامها ولاهلها

بس مابدينه شي عليها

اهلها تبروا منها

ومعرف شلون ينطيهم كلبهم البشر ممعصوم من الخطأ

المفروض يرحون ع النذل الي ضحك عليها

طبعا اتعاركت وي سجاد وكتله ممنوع تنطيها جهازك

بعدين زفوني جان تفكيري يمها

دخلت لجوه ولكيت لجين عبالك مو هيه

مغيرات شكلها كله

طبعا اضوج من المكياج احب البنيه ع طبيعتها

او مكياج خفيف

بس هاي لا قبل لتتزوج جان مكياجها طوخ

بدلنه واتعشينا
بعدها اتقربتلها وكمت سبحت

بس ماعندي رغبه بيها بس مجرد شهوه وغرتني بلبسها وحركاتها

بالي كله يم ملاك هاي نامت حتى بدون غسل

بقيت للصبح كاعد مكدرت انام

اتمنيت اشوفها قبل لااروح

بس موعد الطيران ب 12 لازم ب 9احنه بالمطار

كعدتها لجين وكتلها كومي اسبحي حتى نروح

سبحت وجنطتها جانت جاهزه واني همين

اخذنه سجاد للمطار واجه الموعد وسافرنه لاذربيجان

وجانت جميله بشكل

اجرنه بالفندق

مااكدر انكر واكول متونست لا بالعكس اتونسنه وطلعنه لاماكن هواي

وكدرت انسى ملاك وكولشي
خلص الشهر ورجعت للبيت

بدت الناس تجينه حتى يباركون

اصدقائي همين اجوي

بالنسبه لملاك ملمحتها ابد

اكبر غلطه غلطتها من طلبت منها تحاول تختفي من اني موجود

وهي مصدكت عبالك مموجوده ابد

اليوم جان اخر يوم باجازتي يعني باجر لازم اداوم

لجين طبعا مدرسه ممتعينه بس اداوم بروضه اهليه

هم لازم اداوم وياي باجر بس اكو سياره تاخذها وتجيبها

طبعا حجيت وياها كتلها ممنوع تتقربين ع بنت عمو ابد

تنسين وجودها بالبيت

مااحب المشاكل ابد

صارلي اسبوع كاعد ملمحتها ولا ثانيه
مااعرف شوكت تنزل او متنزل ابد

كملنه العشا وكلمن راح لغرفته

اني اليوم قررت لازم اشوفها مهما يكون

بقيت انتظر لجين تنام حتى انزل

بس هاي ولا كانو

دورتلي حجه حتى انزل للمطبخ بلكي اشوفها

كتلها لجين جوعان انزلي سويلي شي

كالت مو مااعرف شاسوي ومااندل شي

كتلها لعد خلي انزل اني اشوف شاكو واجيج

نزلت وامنيتي اشوفها

اني متاكد تنزل تنظف وتاكل بس بيا وقت مااعرف

وصلت للمطبخ وفعلا لكيتها بي

واشتميت ريحة اكل ع الطباخ

جانت دايره وجها
كتلها شلونج ملاك

هي طفرت من مكانها مثل الخافت

اتفاجات من شافتني

كالت هلو علي

شبيج اخترعتي شنو شفتيلج جني

لا مو قصدي بس بهيج وقت الكول نايم لهذا السبب اتفاجات

وانت بعدج ع هذا طبعج يوميه تنزلين بالليل مثل الحرامي

حتى تتعشين

ليش متنزلين من وكت ويانه وتتعشين

مااحب ازعج احد بوجودي

وهذا منو الي ينزعج

سكتت

شدسوين

طماطا وبيض
شنو يوميه تتعشين طماطا وبيض

لا مو يوميه بس اني احبها لهاي الاكله

تحبينها لو متعرفين تسوين غيرها

سكتت

كملت وخلتها بالطاوه نفسها ع الطبله

اني مااحب الطماطه بالذات اذا اندارت بماعون الافضل بالطاوه

كتلها اني هم جوعان حميلي خبزه وياج وصبيلي جاي

صدك صبتلي الجاي وحمت خبزه بس ماكعدت

كامت تتحجج بغسل المواعين

ليش متجين تاكلين

كمل انت اني بعدني مااشتهي

لعد راح اكوم مااريد اكل

لا لويش تكوم اكول معليك بيه

لعد تعاي كعدي واكلي يله
هو عشاج هذا واني اريد اكلي لكمتين مو اكثر

اني صدك مااشتهي بس هيج حبيت اكعد وياها

كعدت بس شنو الخجل واضح عليها

بدت تاكل بس عبالك عصفور ودياكل

اكلت لكمتين وياها وشربت الجاي وكمت غسلت

ورجعت كعدت كبالها

هم خابرتي بعد

لا والله ابد ومستحيل بعد افكر اخابرهم

عافت الاكل ودموعها كامت تجري

كالت مثل ماهمه نسوني واعتبروني ميته

اني هم راح احاول انساهم

حيل ضجت من شفتها تبجي

لو ادري محاجي

عافت الاكل وكامت
تعاي ارجعي اكلي

مااشتهي والله

ملاك المفروض انتي تحسبين حساب لكولشي لمن سلمتي نفسج شكلتي مثلا ابوج يشجعج لو اخوتج يرحون يجهزوج بنفسهم

يابه والله والقران مااسلم نفسي بارادتي لو اموت

شنو اني طفله قابل

بس والله هو نذل وخدرني

بس هذا الحجي ميعقله حتى الطفل

ادري بيكم كولكم متصدكوني

واني متمسكه بالحياة مو حبا بيها

بس حابه اعيش ع امل تنكشف الحقيقه وتظهر برائتي

اني بقيت صافن ع حجيها

اني بصفتي محامي اهم شي اجمع الادله حتى اكدر اظهر برائة الشخص

بس قضية ملاك ماعندي ولا دليل واحد يثبت برائتها
يعني عدهم علاقه اثينهم واحد يحب الثاني واعترفت بنفسها

بعدين الرسائل الي دزهن الها مالت اثنينهم متفقين ع هذا الحجي

عفتها وصعدت للغرفه

لكيت لجين منتظرتني

عفتها ونمت ماالي واهس لكلشي

بعدها بدت تثيرني بحركاتها وفعلا نجحت و.....

ثاني يوم داومت ينتهي دوامي ب3 وب5 افتح المكتب مالتي

يعني ساعتين ارتاح بيهن

كمت يوميه انزل حتى اشوفها مرات الكيها ومرات لا

ردت ابين الها لازم تتعود تشوفني وتمارس يومها طبيعي

اتفقوا اهلي يرحون لكربلاء للزياره

طبعا من نروح الكربلاء نبات بالفندق يومين

لان الجو حار والطريق مزعج ومو دائما نروح لكربلاء
قررنه نروح خميس وره الظهر ونرجع السبت

عدنه رقم لفندق دائما نخابر ونحجز عنده

اجرنه 4 غرف الي ولسجاد ولبابا وللبنات

جان اليوم الاثنين قررنه نروح سيارتين

سيارتي اني وابويه وامي ولجين

وسيارة سجاد هو وزوجته والبنات

بابا كل لملاك بيا سياره تعجبج اصعدي بيها

اتمنى تختار سيارتي وتصعد ويانه

وبقيت ع امل

بس صارت شغله محد متوقعها ابد

يوم الاربعاء وجان تكول لجين جهازي ضاع

حطيته هنا بالمطبخ وره شويه لكيته مختفي

شنو يعني اختفى وين ومنو ماخذه

دكي علي

هواي دكيت علي وانقفل
عقلي وكف معقوله ملاك اخذته حتى تخابر بي بدون علمنه

كتلها خل ندوره ونتاكد منه

بدينه ندور علي بالبيت بالمطبخ ماكو

وصعدت بغرفتنه هم ماكو

البنات وياي يدورن هم ماكو

كالت لجين بقت بس غرفة ملاك

يجوز اخذته وضمته حتى تخابر بي بدون علمنه

مكدرت احجي لان اخاف صدك لان منعتها

كتلها عوفي خل يولي اني باجر اجيبلج غيره

كالت بس اني اريده لجاهزي بي صوري ورقمي

يعني شلون منين اجيبه الج

تردين اسكتين وباجر اجيبلج واحد ثاني

ماتردين يطبج مرض

بس اتاكد من ملاك واذا ماكو جيبلي واحد غيره
اني الصراحه الوحيده الي اشك بيها هي ملاك بس مااكدر احجي كدامها

كتلها لو تسدين الموضوع لو حتى جهاز مراح اجيبلج والله

كالت يله بطلت مااحجي بعد

جيبلي جهاز ثاني

الصراحه بقيت بقلق لازم اتاكد من ملاك

بس اذا طلع الجهاز عدها يمكن راح افقد وياها واحير شاسوي بيها

انتظرت لجين تنام واروحلها للغرفه لازم اتاكد وادور الغرفه

وفعلا نامت ورحت لغرفتها ودكيتها للباب

فتحت الغرفه وجانت كاعده رغم ما الساعه جانت ب2 يمكن

دخلت وسديت الباب ورايه و .........

توقاعتكم حبايبي هل راح تطلع لعبه من لجين لو صدك جهازها ضايع