#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

مساء الخير ع اجمل متابعين اتمنى لكم قراءه ممتعه

لتنسون التصويت اذا عجبكم البارت فضلا وليس امرا

#البارت 5

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

كلي اكعدي كبالي واسمعيني زين

اني حبيت اتشكره ع موقفه ويايه وردت افهمه الموضوع اكثر

كتله قبل لتحجي ويايه شي

حابه اشكرك ع موقفك ويايه وحبيت اوضحلك الموضوع اكثر

كلي اول شي ماكو داعي للشكر لان اني السويته مو لاجلج بس لاجل بابا طلب مني واني مااكدر ارفضله طلب
وبعدين مو مهم توضحيلي لان توضيحج هسه بوقت متاخر ميفيد بعد

لو قبل هذا الوقت جان سمعتج وكدرت اساعدج

بس هسه بعد ميفيد كلشي

وهسه تسمعيني ومتقاطعيني ابد

حيل ضجت ولو هو حقه ردة فعله هاي الواحد لغيره قتلني بيده

بس المفروض ينطوني فرصه ويسمعوني

علي : صعدت لفوك ودكيت الباب طلعتلي محتشمه حيل

الصراحه ضجت منها اكثر يعني الولد الغريب تلعب جوله ويا بدون حياء

واني الي هو زوجها هيج تسوي كدامي

رادت تحجي ومنطيتها مجال لان مااحب اسمع جذبها

كتلها اسمعيني زين

اني مااحب العنف ضد المرأه بس بنفس الوقت البنيه العنوديه ومتسمع الحجايه اتخبل منها

الي اريده منج تلتزمين بالحجي الي راح احجي

الج مطلق الحريه بهذا البيت شتسوين سوي

بس نقطتين ممنوعات منعآ باتآ عليج

واذا عاندتي وخالفتيهن اكيد راح تصحين الوحش الي بداخلي

الشغله الاولى ممنوع اطلعين من باب المطبخ يعني حتى الحديقه ممنوع توصليلها

حتى اذا البيت احترك مطلعين من الباب

اما الشغله الثانيه الممنوعه عليج

الموبايل اذا لمحتج بيدج جهاز ولو بالغلط احرگج عدله

يعني لو شيصير الموبايل متلمسينه ابد

زين واهلي ماما شلون اخابرها

اهلج اتبروا منج ابوج منعهم كولهم

انسي عندج اهل

وانسي امج وانسي الماضي كله

بس دموعها تجري كالت اوك التريده يجرالك
كتلها

بعد اكو شغله

اني مستحيل اتقبلج ك زوجه الي

بلكي سنه سنتين اهلج يسامحوج وارجعج الهم وذاك الوكت الج حق تتزوجينه لحبيبج

تبقين هنا حالج حال اخواتي معززه مكرمه بس اهم شي متخالفين رأيي

وياريت تحاولين تبتعدين عني قدر الامكان يعني غرفتي ممنوع ادخليها لو شيصير

عفتها وطلعت

نزلت لجوه ولكيت ماما كتلها رجعي النيشان انطي الها

كالت لا ماما عليمن الها اذا انت مراح تتقربلها

ومثل مكلت سنه سنتين وتفسخ العقد وكلمن يروح لحال سبيله

نفسه هذا النيشان راح نقدمه لخطيبتك

راح اخطبلك بنت خالك اختها لهدى ع الاقل مربايه تربيه زينه مو مثل بنت عمك

رغم اني ممقتنع بيها لبنت خالو بس كلت الشين النعرفه احسن من الزين الي منعرفه

وهاي بنت عمو اكبر دليلي غرتني بهدوئها وعفتها وطلعت لاعبه جوله

كتلها هاي هي وراج شتختارين اني موافق

وفعلا ماما خطبتلي بنت خالو

بابا مقبل وحجه وياي

گلي بابا خاف تتندم بعدين وهذا قرارك اكيد قرار استعجال

كتله لا والله يابه مقتنع بيها بنت خالو والبنيه نعرفها ونعرف اخلاقها زين

زين ومصير بنت عمك شنو

تبقى معززه مكرمه هنا بس اني مستحيل احسبها غير اخت اليه

حالها حال نرمين وحنين

متاكد من رايك

اي اكيد متاكد

بالنسبه الي لو ماكايله احبه لابن خالتها جان اتقبلتها بس اكيد مسلمه نفسها بارادتها

ومستحيل تتقبلني ومبين عليها فترة خطوبتنا مبتعده ابتعاد عني

كلي ع راحتك وليدي

بس راح نخابر عمك ونخبره

ع راحتك يابه

ابد ماالتقي بيها لملاك صار تقريبا اسبوع ولا لمحتها ابد

امي خطبتلي وراحت انطت النيشان

قررنه الخميس عقد السيد وطلبت حفله بالقاعه

ماما نفذتلها كولشي اطلبه لبنت خالو

اسمها لجين طبعا عكس ملاك

يوميه تتصل بيه يمكن اكثر من 25 مره

وكول شويه وين شدتسوي شكلت

طبعا اني عكس خطوبتي الاولى ابد مفرحان

طبعا ماما جابتلها ملابس لملاك ع ذوقها بابا طلب منها
كال بابا خل تروح ويانه للعقد

اني الصراحه محبيت تروح ويانه كلت ميجوز والي يسالنه عليها شنكول

بس شفتها هم مو من المعقول تبقى بوحدها هنا

ماما اعترضت كالت مستحيل اخليها تروح بس بابا اصر اله تروح

كللها كولي بنت عمه لعلاوي

ثاني يوم الموعد مالت العقد

رحت للحلاق طبعا ع اعصابي عبالك رايح للموت برجليه

بنفس الوقت متلهف اشوفها لملاك صارلها تقريبا اسبوعين مختفيه

اتندمت لان طلبت منها متحاول تلتقي بيه

ملاك : حسيت بذل مو طبيعي من حجه وياي طبعا حقه الي ديسوي ويايه

بس لازم ع الاقل ينطيني فرصه ابرر موقفي

من حقه من عرفني مو باكر يقتلني بس يتأكد لازم هل بموافقتي لو لا

رغم اني ممقتنع بيها لبنت خالو بس كلت الشين النعرفه احسن من الزين الي منعرفه

وهاي بنت عمو اكبر دليلي غرتني بهدوئها وعفتها وطلعت لاعبه جوله

كتلها هاي هي وراج شتختارين اني موافق

وفعلا ماما خطبتلي بنت خالو

بابا مقبل وحجه وياي

گلي بابا خاف تتندم بعدين وهذا قرارك اكيد قرار استعجال

كتله لا والله يابه مقتنع بيها بنت خالو والبنيه نعرفها ونعرف اخلاقها زين

زين ومصير بنت عمك شنو

تبقى معززه مكرمه هنا بس اني مستحيل احسبها غير اخت اليه

حالها حال نرمين وحنين

متاكد من رايك

اي اكيد متاكد

يعني ماكو فرق عن اهلي ابد

الوحيد الي حسيت بي عادل وفعلا هو عمو

حيل ضجت من كلي ممنوع تخابرين يعني حتى اهلي ممنوع

هواي اشتاقيت لامي ولاهلي كولهم

معقوله محد اشتاقلي

بقيت يوميه الصبح اشتغل الشغل كوله ومن يجون اختفي

حتى العشا يجيبونه الي للغرفه الصراحه استغربت من هذا الموقف

بس احسن وافضل الي

عمو دائما يجيني ويسالني ع احتياجاتي

واكثر المرات يجيبلي علاكه بيها حلويات

جابلي ثلاجه للغرفه وكام يجيبلي ويكولي حطيهن بالثلاجه

عرفت من خلال حجيهن خطبوله لعلي اخت هدى زوجة اخوهم

طبعا ابن عمو هذا نادرا اشوفه

البيت كوله فرحان لخطوبة علي

اني حيل ضايجه بس مااعرف شنو السبب

اصلا اني من البدايه رافضته لعلي بس هسه لويش ضجت ماادري

طلبوا مني اروح وياهم للعقد

اعتذرت منهم بس عمو مقبل اصر اله اروح

اجاني قبل يوم عمو وحجه ويايه

كلي عمو لتزعلين علينه لان خطبنه لعلي

لان ميجوز يبقى هيج بدون زواج

وبالنسبه الج راح تبقين معززه مكرمه

احركه عدل الي ياذيج

عمو ماكو داعي تعتذر مني

من حقه علي يعيش حياته مثل ميريدها

وشي اكيد حتى الله ميرضاها يقبل بيه بعد الي صار

طلب مني اروح وياهم للعقد

بداخلي مراضيه بس استحي من عمو ارفض

وحسيت بنفسي شخص ممرغوب بي ابد اذا رحت

بس مابيدي شي

جابتلي ملابس خاله بيها ميزه حلوه

هواي عدها اشياء عادله بيهن

يعني من جابتلي ملابس ارقى شي وحلوات حيل

والاكل ممنوع الغي وجبه لو شيصير لازم اكل

جابتلي فستان حلو وكلوش مستور مالت محجبات ومنسقه شال وياهن وجابتلي حذاء

بس كلتي اهم شي مااحب تسوينه مشكله بالحفله

اريد منج اي احد يسالج كولي بنت عمه لعلي وبس

طبعا جنت اموت ع العناد وجنت مدلله

بس هسه احس بنفسي مااعرف كلمه غير بس حاضر ولازم اي شي يطلبونه مني انفذه لو شيصير

وطلعت ولكيت الكول متحضر طلعنه سيارتين علي وسجاد

اني صعدت وي سجاد هو وزوجته وبنته

وصلنه وجانو هواي ناس حسيت بنفسي مثل الغريبه والدمعه بطرف عيني يمكن الي يحجي ويايه حجايه اكوم ابجي

بقيت كاعده بوحدي انعزلت عن الكول

بدوا يعقدون الهم وخلصوا وارتفعت الاصوات الهلاهل والدي جي

والكول فرحان الصراحه ابد مركزت لا ع شكله ولا خطيبته

وره شويه اجه سجاد كعد يمي

كلي شعندج كاعده بوحدج

طبعا استحي حيل منه اول مره يحجي ويايه

بقيت ساكته كلي لازم ازعجتج بوجودي يميج

كتله لا بالعكس اسعدني وجودك

بس اني الصراحه احس بالغربه لان مااعرفلي ولا شخص بالحفله بس انتو

عادي حتى اذا متعرفين جاملي انت

لا يمعود خليني بوحدي افضل

ع راحتج

خو مضايجه

من شنو

من زواج علي

تحجي صدوك

حياته وحر بيها اني شلي علاقه بي

اني بالنسبه الي ميته ماعندي بعد لا شعور ولا احساس

كلي لا يمعوده شسالفه

مساله طبيعيه والله هسه تصافين وي اهلج وينتهي كل شي

حلم ويجوز حتى الحلم ميجوز احلم بي

الله كريم

بقينه فتره

بعدها استاذن وكام بدوا يوزعون طبعا هدى الي توزع

وصلت يمي واتجاهلتني وراحت

حسيت بالذل والاهانه

الكول بده ياكول بعدها كصصوا الكيك اني الصراحه فاصله شديصير مااعرف

جنت صافنه وجان تجيني بنت عمو حنين وبيدها ماعون بي كيكه ويمكن لفه

كلتلي هذا دزه الج علي

كتلها شكرا

عافتني وراحت

الصراحه حيل مهضومه ومااشتهي كولشي

مااكلت بقيت الماعون ع حطته

فجأه مرت هدى من يمي وجان توكع عليه من جهة العمليه مالت كليتي انطخيت بالحافه مالت الطبله

احسها طلقه وثارت من جديد

حيل تاذيت

طبعا كالت مو بقصدي

بس اني متاكده متعمده

بقيت ع نار حيل اتاذيت وكامت توجعني

بس مكدرت احجي

لحد مازاد الالم عليه

رحت ع خاله وجانت قريبه عليه

كتلها خاله فدوه اكدر ارجع للبيت لان كليتي حيل كامت توجعني

كالت احنه شكلنه

والله خاله هدى وكعت عليه وحيل اتاذيت

كلتلي اتحملي شويه وراح تخلص الحفله

بقيت اتالم حيل كوه اتحملت الالم

واخيرا خلصت الحفله

اجه عمو كلي شبيج بابا وجهج اصفر

كتله انطخيت بكليتي بحافة الطبله

وكاعد اتالم حيل

باوع ع ثوبي انمله دم

خطيه اتخبل كلي امشي اوديج للدكتور

كتله ميحتاج عندي علاجي بالبيت بس وديني للبيت

راح حجه وي خاله وبعدين سجاد

وره دقيقه رجع عمو وسجاد وياهم علي

عمو كل لعلي انت رجعهم للبيت واني وسجاد راح ناخذها للدكتور

والله ماكو داعي عمو بس اخذ علاجي اصير زينه

حجه علي كللهم معليكم بيه اخذوها واطمأنو عليها احسن

اخذوني سجاد وعمو

كتلهم رجعوني للبيت خل اعير ملابسي

لان عيب مو مالت للدكتور

مقبلو كالوا مابيهن شي

رحنه للدكتور وجان ازدحام حيل بس وره لحضات عمو مدري شحجه وي السكرتير باللحضه دخلنه

الظاهر يعرفه الدكتور حتى الفلوس رجعهن مقبل ياخذ ابد

فحصني الدكتور لكه العمليه ملتهب مكانها ومجروحه وطالع دم مني لان الضربه قويه

بقه يحجي علينه كتله وكعت بالحافه مالت الميز هسه

كال لازم ترتاحين ميصير هيج

بده يعقم الجرح احس روحي كلها راحت حيل اثرت بيه رفع الكله

خلص تعقيمه وبعدها دز ع المضمد وشكلي كانولا وضربني فلاجين بالوريد وابرتين وحده مالت التهاب والثانيه يمكن مالت الم قبلها سالني جوعانه لو لا

كتله لا بس بالحقيقه جوعانه حيل بس استحي اكول جوعانه

بعدها كتب وصفه وراح سجاد جابها وبقينه كاعدين يمه وفحص شخص ثاني بعدها رجع سجاد

وانطانه التعليمات مالت العلاج واتشكر عمو منه ورجعنه

انطاني مهدئات وفاليوم كال لازم راحه تامه

بس وصلنه للبيت حسيت بدوخه قويه لحضات ووكعت انغمه عليه

وره يمكن لحضات شمموني عطر كعدت

عرفوني مماكله شي والابره قويه

جابولي لفتين كص يمكن من العقد بس حارات يجوز حاميهن

اكلت وجنت حيل جوعانه بس احس الكول يراقبني

بس لفه وحده اكلت استحيت اكول الثانيه

بس عمو مقبل اله اكلها الثانيه كلي راح ازعل عليج

الصراحه حيل فرحت لان جوعانه جنت اليوم بلا غده لان جانو مخبوصين ومحبيت اطلع كدامهم

اكلت بس شويه وشبعت مااعرف لان احس الكول عينه عليه

خلصت واترخصت منهم ورحت لغرفتي بس قبلها كلي عمو لتقفلين الباب واامني محد يوصل يمج اخاف تتخربطين

اخذت العلاج ويمكن باللحضه نمت

علي : اتحضرنه كولنه وجنه منتظرين ملاك

ونزلت وجانت حيل محتشمه لان الحفله بيها ولد وبنات

جنت حيل خايف ع ملاك لان محد يعرفها واخاف احد يتعرضلها

وصيت اخويه عليها

عقدولنه وكملنه واني بالي مو يمهم ابد عيني ع ملاك

معرف ليش بس حبيت اراقبها من بعيد

شفتها بغير عالم عينها مرفعتها من الطبله ابد

ولا اتقربت لاحد ولا حجت وي احد

بس ثار انتباهي هدى وزعت من وصلت الها منطتها شي حيل ضجت بس مكدرت اكوم لو احجي

بعدين اجتي حنين وانطيتها كصه كيكه وكتلها اخذيلها ماعون من التوزيع

ودتهن الها بس مااكلت شي عيني عليها

وره شويه حسيتها مو طبيعيه وحجت وي امي

بعدين راح ابويه الها وبعدين حسيتهم مو طبيعين اجيت يمهم بعد مااتحمل

طلعت كليتها توجعها عبالي جذب خاف تتحجج حتى ترجع

اصريت اله ياخذوها للدكتور مااعرف ليش شكيت بيها

بس من رجعوا بالحضه انغمى عليها

شممناها عطر كعدت

وجانت شاده كانولا وكال بابا حيل ملتهبه عمليتها ومجروحه من جديد

اباوع بفستانها كله دم

اتخبلت واني عبالي جذب

بعدها عرفتها ضاربه ابر قويه وهي مماكله

كتلهم جيبولها اكل

وفعلا حسيتها حيل جوعانه

بعدها صعدت كال ابويه خلوها ترتاح ابد لحد يزعجها خطيه

وضربوها فاليوم ومهدئات

وطلب منها تعوف الغرفه مفتوحه خاف تتخربط

صعدت لغرفتي وجانت هاي اللزكه كول شويه تخابر

ومتدري بيه اني روحي طالعه

بس مجبور اجاملها

بقينه نحجي لمن صارت ب1 يله نهت المكالمه

رجليه اخذني وحدهن لغرفتها

يمكن حبيت اطمأن عليها او ردت حجه حتى اشوفها

دخلت وجانت نايمه بسابع نومه

ولافه نفسها بالشرشف ولابسه حجاب

كولشي مطالع منها غير قرص وجها

بقيت اتامل بوجها

اكول لويش هيج سويتي بنفسج

والله لو مصارحتني جان ساعدتها

وره شويه عفتها وطلعت

وجان ثاني يوم جمعه

نمت متاخر وكعدت تقريبا وي الاذان الظهر

سبحت وصليت ونزلت

ماالها اثر ابد

صبوا الغده بس هي ماكو

كلت لحنين ماصحتيها لملاك خلي تتغده

كالت اخذت غداها وصعدت

كملنه الغده ورجعت صعدت

بقيت ع النت لمن صارت ب5 رحت للمكتب مالتي

مرات تجيني دعاوي

ارجع بالليل تقريبا ب10 بالليل لان صيف نبقه

لهذا السبب مكاعد اكدر اشوفها

بعدها تحدد موعد زواجي بعد اسبوعين

طبعا شرطهم بيت وحدي ويدرون بيتي كامل

ماما موافقه وتعاركت وياها كتلها اني مااطلع بوحدي

كتلها افسخ العقد وابطل

خافت ماما وراحت حاجتهم واقتنعوا

يوم الاحد بدينه باجرائات العقد مالت المحكمه

كملنا وطلبو شهر عسل كامل لو لبنان لو تركيا لو اذربيجان

ماما عليها بس تنفذ لان بنت اخوها

اخذت الجوازات وحجزت لاذربيجان

خلال هاي الفتره ملمحت ملاك ابد عجيب امرها يمكن تعرف الاوقات الي اتواجد بيهن وتختفي لو ابد متطلع من الغرفه

حبيت اطلب اجازه زمنيه وكلت خلي اجي للبيت فجأه حاب اشوفها شتسوي

فعلا رجعت ب 9 تقريبا

دخلت بدون صوت وجان اشوفها بالمطبخ

تنظف وتغسل المواعين

يعني مومثل متصورت كاعده بغرفتها وابد متطلع

هي اتفاجأت بيه

ذبت البيدها وكالت اسفه ماادري بيك جاي جان صعدت لفوك

كتلها ابقي ع راحتج نسيت شغله بالغرفه راح اخوذها وارجع

صعدت جذب مناسي شي بس مكدرت اكول غير شي

نزلت وملمحتها ابد

يعني اكيد بسببي لان اني اطلبت منها تختفي من اني موجود

وجانت اكبر غلطه مني

رجعت للدوام

بعد اسبوع لزواجي وقدمت ع اجازه شهر وانطاني المدير منه اسبوع لان كتله راح اسافر بي هذا الشهر

الحنه هم طلبوا اله بالقاعه

بس هالمره مراح اخليها ملاك تروح اخاف هم تتخربط

وفعلا صار يوم الحنه وطلبت من بابا تبقى هنا لان هم موجودين الولد

كتله خاف تتخربط

فعلا بقت وبدت الحفله وخلصت

ولازم ارجع لان هم حنه للولد بالليل

هم حاجزين قاعه

رجعنه وجانت محضره الغراض كولهن وماخذهن سجاد للقاعه

بس اليوم متواجده ممختفيه

بدت الحفله وجانت كولش حلوه اصدقائي وولد خاله وولد خالو واولاد عمو مو اخوان ملاك الثاني

خلصت الحفله ورجعت وجان اشوفها بعدهي بالمطبخ

اول مره اشوفها تشتغل محد عدنه بالبيت ابويه راح لغرفته لان ميتحمل سهر

وسجاد هم صعد لغرفته

والكول الظاهر نايم

كتلها لويش لهسه تشتغلين مو زين عليج روحي ارتاحي اصعدي لغرفتج

اخلص شغلي واصعد

خلي لباجر لو اصيح البنات بمكانج

لاوالله عادي متعبانه هسه راح اكمل ماعندي شي

ع راحتج

ياريت تصبيلي جاي لان راسي يوجعني

اوك

بقيت كاعد بالمطبخ وعيوني تراقبها

جابت الجاي وحطته كدامي

بس حسيت بيها تريد تحجي ويايه وبطلت

كتلها محتاجه شي كولي

كالت حابه اسالك سؤال

اسالي

اهلي باجر هم يجون

لا اكيد

سكتت

بعدين كالت ممكن اخابر ماما حيل مشتاقتلها

لو تريد جان هي خابرت

بس متعرف رقمك

لا رقمي عند اخوتج وعند عمو

هذا الموضوع اريده ينسد نهائي ومجيبين طاريه ابد

ممنوع تلمسين موبايل بايدج

والله كدامك وثواني اطبكه

والله ابوج يحرك الدنيه وميقبل

وشرط عليه شرط

هذا الموضوع اخر مره ينفتح كدامي

عفتها وصعدت

بين الضايج عليها بين الضايج منها

دمرت نفسها دمار

المفروض البنيه تحسب حساب لكولشي مو اهم شي والله حبيبي وماادري شنو لازم تحط سمعتها وشرفها قبل كولشي
نمت وكعدت وجان اليوم خميس موعد زواجي وباجر نسافر

زواجي راح يكون بالبيت ونسوي عشا للاقرباء والمعارف

البيت مخبوص من الصبح وهواي ناس اقرباءنا اجوي

نزلت لجوه وهم لكيتها كبالي

صحت ماما واكدت عليها متخليها هواي تشتغل لان مو زين عليها

وشغله ثانيه هواي ولد خاله وخالو ومتعودين علينه وماخذين راحتهم بالبيت

بس ملاك محد يعرفها وتعتبر غريبه بالنسبه الهم

محبيت احد يشوفها لو يحط عينه عليها

كالت ماما اليوم نحتاجها ويانه لان مرة اخوك بتها اليوم مدري شبيها بس تبجي

وماعندي احد يساعدني

لعد سدي المطبخ عليها وممنوع احد من الولد يدخل عليها
رحت للمطبخ

كتلها سويلي ريوك اي شي

سوتلي بيض وطماطا

كلتلي لازم تتحملني اليوم راح تشوفني هواي

ادري بيك تضوج من تشوفني

مجبوره والله بس وعد مني بس اليوم

بعدين ارجع مثل قبل مااخليك تلمحني

منو كلج اضوج من اشوفج

سكتت

مارسي يومج طبيعي ولتتقيدين من وجودي

بس حاب اكولج شغله

مااحب تفترين بالبيت اليوم لان هواي ولد عدنه

خلصي شغلج واصعدي فوك احسن الج

اوك

كملت ريوكي وطلعت
صار العصر وبدلت وهيأت نفسي

وراها رحنه للزفه

طبعا بالنسبه للعشا

اتفقنه وي مطعم كباب وكص ومقبلات

جابوهن بالحديقه

رحنه بالزفه وجبناها للعروسه ورجعنه

وبدينا نعشي بالناس

والتهينا وياهم

فجأه دگ موبايلي طلعته وجان اشوف .......