#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

مساء الخير ع اجمل متابعين اتمنى لكم قراءه ممتعه

بس اتمنى منكم تصوتون اذا عجبتكم القصه حتى تصعد بالمركز الاول مثل قصصي الباقيه فضلا وليس أمراً

#البارت 4

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

محسيت اله ع هجوم سرمد عليه مثل المخبل

اتوقعت جايتني رساله من زيد

عمو وبابا اجوي يركضون

وابن عمو لازمه لسرمد

بهاي الاثناء دخل ماهر

كللهم سرمد اليوم نهايتها ع ايدي لهاي الساقطه

شفت الجهاز بيد ابن عمو حسيت عيونه دم صارن من الغضب

عقلي وكف من التفكير بهاي اللحضه لان كولشي اتوقع داز زيد

طبعا وكعت بالكاع والدفترات كامن يجني من كول مكان بجسمي

بعدين بعدوا سرمد مني

بابا كام يغلط علي يكله فهمنه شنو السالفه

اني بهاي اللحضه اتمنيت اختفي من الوجود صعب عليه اواجه اهلي

كللهم سرمد الهانم هي وزيد لاعبين جوله

والظاهر منزله روسنه بالكاع

بابا اتخبل كله شدتحجي بابا كول غيرها

هاي تربيتي ومستحيل تسوي هيج

انطه لبابا الموبايل

حسيت ابابا فقد

ركض لغرفته ثواني واجي

جايب مسدس بيده

صار صايح وضجه بالبيت

اخذني سحلني من شعري وصعدني فوك

كال ممنوع وحده تصعد لفوك لو شيصير

سرمد وماهر وعمو وابنه اجوي ويا

عمو حاول يخلصني منه بس محد كدر لبابا

دخلوني لغرفه جانت متروكه بيها الاشياء الزايده مثل المخزن

سحب اقسام

احس صوتي مختفي

ابد مااكدر اتواجه وي بابا

وكف عمو بوجه بابا

گله لتستعجل وبعدين تتندم

خل نحجي ويه البنيه

هذا الحجي كول شويه دفره تجيني بكول مكان

ساعه ماهر وساعه سرمد وساعه بابا

بس عمو مقبل اما ابن عمو اكتفى بالنظر فقط

باوعت علي وعيوني تتوسله

يمكن هو منقذي الوحيد حسيته

اني ميهمني الموت بس اهم شي برائتي

اني منطقت ولا حرف

بعدين عمو بعده لبابا عني

كلي بابا لتخافين وسولفينه كلشي صار وياج

مسحت دموعي وجانت ممزوجه بالدم

لان الدم من كول مكان بوجهي من خشمي ومن حلكي

سرمد احسه وحش يمكن اكثر شخص اذاني هو

بابا حسيته منكسر حيل قهرني

عمو كدر يسيطر عليهم كعدهم كولهم

كلي احجي كلشي ولتخافين

كتلهم والله العظيم راح احجي الحقيقه كولها

بس شنو كوه احجي

كتلهم زيد يحبني من زمان

كلي سرمد وانت همين مو

كتلهم اي  بعدني ممكمله اجتني الدفرات من كول مكان سرمد وماهر وبابا

كعدهم عمو كوه

كلي كملي

كتلهم من انخطبت هو تخبل

وكلي ارفضي

بس اني مكدرت ارفض

وليش عمو مرفضتي

لان ادري ابابا مستحيل يقبل

بعدين قبل 3 ايام اجتي سجى وكلتلي ماما متخربطه خلي نروح نشوفها ونجي بسرعه

اني رفضت بالبدايه بس بعدين اصرت عليه ورحت وياها

انطوني عصير وشربته

بعد محسيت ع شي كعدت لكيت نفسي بالفراش مالت زيد

سالني بابا يعني من خلال حجيج هذا زيد متقربلج وانت فاقده عذريتج

حيل خجلت منهم ومن نفسي

الله ليوفقك زيد خليتني بهيج موقف

سرمد كللهم لعد صورها هي وزيد بدون ملابس شتفسروها

اكيد لاعبين جوله

صاح بيه بابا احجي بنت الكل......

كتله اي

و بعدني ممكمله حسيت بطلقه ثارت يمكن اجتي بكليتي

علي : جنت منتظر رد ملاك الي واني متاكد اكو شي وراح ترفضني بس يمكن خايفه

طلبت منها تجيبلي جاي

بس من اخذ جهازهه اخوها حسيت لونها انخطف ومعانيها اتغيرت

والله لحضات وصاح سرمد صوت عليها

الكول اتفاجئ شنو السالفه

ركض عليها وهجم مثل الوحش

اخذت الموبايل وجان اشوف صدمة عمري

صوره الها وهي بدون ملابس صحيح متغطيه بشرشف بس مبين من اديها بدون ملابس وابن خالتها شابگها ونايم بصفها وهو بملابسه الداخليه

وي الصوره رساله

ها حبي بشريني رفضتي لابن عمج الزوج اليوم لازم تحسمي للامر وينتهي كولشي

حتى نتزوج ونقضي اجمل ايامنا سويه

و ع فكره مراح انسى ذاك اليوم للموت من سلمتيني نفسج بارادتج جان اجمل يوم بحياتي

الصراحه حيل ضجت منها لان هواي حاولت وياها تصارحني بس هي ولاكانو مااعرف تريد تغشني او تضحك عليه

اني وكفت بوجه ماما ع مودها وعاندت الدنيا لخاطرها

والحلوه طلعت مو باكر يعني مسلمه نفسها بارادتها

واني الغبي عبالي شريفه

بدوا اخوتها ياذونها واني احس بنفسي مكتف كانو واحد وساد حلكي ومربط اديه

مكدرت انطق بحرف واحد ولا كدرت ادافع عنها

بس بعدين من صعدوها لفوك وبدو يستجوبونها مألفه قصه حتى الطفل ميعقلها

يعني اعترفت بلسانها تحبه ويحبها

شلون بعد يجبرها وخل نفرض جابرها شلون راسلها هيج

وي كل كلمه تنطقها حسيت طلقه بكلبي وتضربني بيها

بالي بعد مو يمهم عقلي فصل وعجز عن التفكير

اصعب موقف مريت بي

لحضات وسمعت الطلقه ثارت

هنا اني انتبهت ع نفسي

لكيتها سابحه بدمها يمكن اجتي بكليتها

طبعا اني ضد العنف وخاصه العنف ضد المرأه

لان المرأه ضعيفه ولا حول ولا قوه الها
حيل ضجت عليها

ضربها طلقه ثانيه عن قريب استقرت الطلقه بكلبها بصدرها مااعرف

بس فقدت الوعي مااعرف ماتت

اني هنا تخبلت بداخلي كلت خطيه حتلو غلطت ملازم تنقتل بهاي الطريقه

كال عمو لازم اغسل عارها واقتلها

ابويه اتخبل مقبل ابد

گال البنت بنتنه وهي زوجة علي واحنه قابلين بيها باكر او لا

كلي علي بسرعه اخذها للبنيه وديها للمستشفى

اباوع لاخوتها الانكسار واضح عليهم وحيل ضايجين

اما عمو هذا بوحده قصه ادي كامت ترجف ولزم كلبه

شلتها ونزلت بسرعه طلبت منهن عبايه حتى الفها بيها

نزل عمو ورايه كال قبل لتطلع اسمعني

راح تطلع ملك من بيتي بس مستحيل ترجع لهذا البيت من هاي اللحضه ماتت بالنسبه النه الماتت يطبها طوب مناك دبرها بالزبل خل تأكلها الكلاب

والبقت عدله متدخل لبيتي ابد واني من هسه اكول متبري منها ومن كول شخص يفكر يشوفها او يحجي وياها

احتاريت منو يروح ويايه

اخواتي بس يبجن امها ذبحت نفسها وتبجي واجتي شبكتها بس عمو جرها كللها انسي ملك والي يجيب اسمها ع لساني اقتله بيدي

حيل صعب عمو وعصبي عكس بابا

راح بابا ويايه للمستشفى

وكلولنه لازم تحضر الشرطه ويفتحون مجلس تحقيق

كنالهم تعرضت لهجوم مجهول

اجوي الشرطه وكالو من تستفيق لازم نستجوبها

دخلوها لغرفة العمليات باللحضه

طلبو توقيع ولي الامر وقع بابا بمكان عمو كللهم مسافر ابوها

بقينه ننتظر بس اني وابويه

كلي ابوي ادري يجوز تصرفنه هذا غلط

بس مااكدر اخلي اخويه يقتلها ويجوز البنيه صدك مظلومه واحنه نشارك بضلمها

اريد منك تاخذ حجايتي ابني وادري بيك عاقل وفاهم

البنيه ناخذها ويانه ك زوجه الك بس بالورق

حاب تسامحها وتتزوجون صدك وتفتحون صفحه جديده
زين ع زين

محاب عادي عوفها بالبيت حالها حال اخواتك وانت اتزوج وشوف حياتك وحتى اذا تحب اطلع من البدايه بيت وحدك وعوفها يمنه

الصراحه اني تفكيري مثل بابا ميجوز تنقتل بهيج طريقه

ويجوز البنيه خطأت المفروض نعلمها بغلطها مو نقتلها

كتله خل تبقى عايشه ويصير خير

گلي الله يرضه عليك ابني

طولت بالعمليه بعدين طلعوا

جانوا يمكن دكتورين او 3

كال البنيه كليتها حيل متضرره لهذا السبب رفعناها للكليه مالتها

وهسه بقت عايشه بكله وحده

اما الطلقه الثانيه جانت قريبه ع كلبها بس الحمد لله ابد ممتظرر كلبها وكدرنه نشيلها للرصاصه الثانيه

كلونه حابين نسويلها فحص اخاف معترضه للاغتصاب

بابا مقبل كللهم لا ميحتاج

كلي عيب بابا والبنيه راح تنفضح

كتله روح ارجع للبيت واخذ ماما والبنات رجعهم للبيت

واني راح ابقه يمها لمن تصير زينه واجيبها واجي حتى لو هناك ندخلها مستشفى

كلي مراح اكللهم بحالتها اخاف يسونها ويجونها لهنا ويكتلوها

راح اكول حالتها خطره

بقيت للصبح بالمستشفى واني حسبه تاخذني وحسبه تجيبني

اني من المستحيل راح اتقبلها ك زوجه الي

وبنفس الوقت مااكدر اسلمها لاهلها

كعدت الصبح ورحت شفتها واتفقت وياها ع الحجي الي راح تحجي كدام الشرطه

وفعلا اجوي الشرطه واخذوا اقوالها وخلوها ضد مجهول

سالت الدكتور اكدر انقلها لمستشفى ثانيه حتلو بسيارة الاسعاف

كتله اخاف المختطفينها يرجعون ويحاولون يقتلوها

وافقوا

وفعلا نقلناها بسيارة الاسعاف لمحافظتنه

اتصلت وي بابا كلي وصلنه

كتله اني هم جاي بالطريق ياريت تشوفلك دكتور عرف حتى ندخلها بالمستشفى

وصلت ولكيت ابويه مهيأ كولشي دخلناها بالاهلي ع مود عنايه اكثر لان ماكو احد يدخل وياها

سالت بابا شصار ابيت عمو وهذا ابن خالتها شسووله

وجانت ماما كاعده يمنه

كالت وراكم راحو لاهل الولد وهجمو عليهم والولد واكف بوجهم ويكلهم ملاك الي ومتصير لغيري لو شيصير
واخوتها ضاربينه وماذينه

بعدين ضاربينه طلقه وهو هم ضارب اخوها طلقه

وكوه يله هادئين

بعدين ابويه حجه كال راح نكعد كعده ونحل المشكله

لازم تجينه مشيه لان اتعده الولد ع بنتنه وهي عاقده

مرت اخوها رايحه لاهلها زعلانه واختها اجتي هم زعلانه

وميصير هيج

هذا مو عدل

لعد الحل شلون

هناك واني اكلكم شراح نقرر

عدنه دوام كوليتنه

طبعا ماما اتعاركت ويانه ورفضت رفض نهائي تبقه يمنه

كالت اني قبل كوه يله اتقبلتها بس هسه لا مستحيل اتقبلها ابيتي

واكيد اخاف ع بناتي راح تاثر عليهن وتحاول تحرفهن

بس ابويه مقبل كللها ماعندي غير حل بنت اخويه تبقى هنا معززه مكرمه حالها حال بناتي

كتلها ماما خليها تبقى هنا واوعدج مراح اتقرب عليها وراح اخليج تخطبيلي ع ذوقج

فرحت حيل كالت اذا هيج موافقه

خليها تساعدنه بالبيت

دائما نروح اني وبابا يمها نبقى بس محاولت احجي وياها ولا هي حجت شي لان دائما يلبسونه كمام وتقريبا مانعين الزياره عنها

بقيناها 3 ايام وراها طلعناها بس كلونه لازم تبقى نايمه ومرتاحه واهم من كولشي لازم الغرفه مالتها معقمه والي يدخل عليها يلبس كمام اخاف تتلوث عمليت كليتها

جابلها ابويه ممرضه للبيت تبقى وياها لمن تصير زينه

هاي الفتره كولها محد دخل عليها لمن صار موعد رفع الخيط مالت العمليه

اخذناها اني وابويه وماما كوه قنعناها

شفتها حيل ذبلانه واحسها منكسره بشكل مو طبيعي

رجعنه وثاني يوم رحنه لبغداد اني وابويه

وفعلا صارت الكعده

والولد جاي وياهم ويباوعلي بحقد

واني لو يطيح بيدي اشرب من دمه

بعدين ابويه حجه كال

ميصير نخرب شكم عائله

كلمن يرجع زوجته ع حسب الاصول

والخلاف ع جها الي يحب يروح لنسابته هو حر والي ميعجبه مو لازم

اما بالنسبه لزيد

اول شي تدفعون فصل 25 مليون حتى يصير عبره لغيره

ولازم تشيلون من المنطقه ميجوز بعد واحد مقابل الثاني

والاهم من كولشي ميراوي وجها النه ابد

وينسه بنتنه وينسه هو اعتده عليها

واذا حاول ولو محاوله يتقرب ع البنت ويحاول يهددها او يستفزها راح ينهدر دمه

واذا صار واحد الطرفين اعتده ع الثاني راح يتعاقب عقاب شديد

محد اعترض ع كلام ابويه بصفته قاضي ويحكم بالعدل

بس الولد كال اني البنت طالبها امامكم ع سنة الله ورسوله وحاب اتزوجها

اني هنا فقدت ميجوز يحجي كدامي هيج حجي وهي تعتبر زوجتي

كمت ضربته كدام الناس وصارت ضجه واخوتها الي هم اولاد عمو هم ضربو ورجعت علكت من جديد

كتلهم البنيه زوجتي شلون يحجي هيج كدامي.

ورجعت الطلابه كوه يله فضت

ابو الولد انطه تعهد كال راح احاول اسفره خارج العراق

وبعد ميتقرب عليكم ابد

راحت الناس وبقينه احنه

حجه عمو ويانه كال الي اريده منكم متجيبون طاريها كدامي ابد

واذا شفتها لو لمحت شكلها ولو بالغلط ثقوا واعتقدوا راح اقتلها بالحظه

حيل ضجت عليها وكلت لو مصارحتني من البدايه جان هسه مصار الي صار

النيشان مالتها والفلوس رجعوهن كولهن النه

رجعنه لبيتنه وصلنه بالليل

اتعشيت وخلصت واستاذنت من ابويه اروح احجي وياها

ملاك : ضربني بابا طلقه حسيت بيها الموت كولش قريب عليه

احس كليتي اتقطعت لاشلاء

بعدها ضربني طلقه ثانيه قريبه ع كلبي

فقدت توازني ووكعت وفقدت الوعي

بعد محسيت بشي اتمنيت اموت واخلص

المفروض اهلي يصدكوني ويوكفون ويايه

اني شنو ذنبي مستحيل افكر بيوم اخون ثقت اهلي بيه

الله يشهد عليه حتى لمس ايدي ممخليه زيد يلمسني

اكول خاف تعتبر خيانه لاهلي

اني صحيح حبيته لزيد بس مجنت اعرفه نذل وحقير

استفاقيت يمكن الصبح لكيت نفسي نايمه ع سديه بالمستشفى واحس بالم فضيع مينوصف ابد مااكدر اتحرك ابد

وره شويه دخل عليه ابن عمو اني من البدايه عرفته هو منقذي الوحيد لان حسيت بي رجال من صدك مو مثل النذل زيد

مكدرت انطق بحرف واحد

بس خبرني شراح احجي كدام الشرطه

وفعلا اجوي الشرطه واستجوبوني وعرفونه دااجذب بس كلولي منجبرج ع شي انت حره

بعدها نقلوني بسيارة اسعاف مااعرف وين بالظبط

دخلوني مستشفى وجانت عنايه خاصه بيه

سالت الممرضه كالت احنه بمحافظة ........

عرفت يم بيت عمو اني

بس شنو متكطعه تكطع من الالم

عرفت من خلال حجي الدكتور اني فاقده احدى كلياتي

حيل ضجت شلون بابا طاوعه كلبه وهيج سوه بيه

شلون يصدك اني نذله لهاي الدرجه وانزل روسهم بالكاع لاهلي

شعوري صعب حيل ومستحيل اكدر اوصفه

بقيت بالمستشفى شكم يوم وبعدها طلعت

وجابولي ممرضه تعتني بيه

وخلال هاي الفتره ابد ملمحت احد

كالت الممرضه ميصير اخاف تتلوث العمليه

بقيت ليوم 10 اخذوني للدكتور عمو وخاله وابنهم

ابد محط عينه بعيني

اتمنيت اشكره ع موقفه ويايه

حسيت بنفسي صرت زينه شويه بس كليتي احسها سجاجين وادجج بيه

بس كلت عيب لازم اشتغل وياهن

بس انصدمت من نزلت الكول مبتعد عني عبالك بيه مرض معدي

خاله حجت كالت اسمعيني زين

اني من البدايه جنت رافضتج وممتقبلتج مو ادور هسه

ايالج وابالج تتقربين من ابني لو تحاولين تغرينه لان راح اندمج والله

ومن هسه تستلمين التنظيف كوليته عليج

بس الطبخ لا ميشرفنه ناكول من وحده نكسه مثلج

احس حجيها سجاجين ويدججني

بس اسمعي التنظيف يخلص قبل ليجي عمج

من يجي انت تكعدين وتسكتين

بس مدام هو مو بالبيت متكعدين ولا ثانيه وحده

واذا فكرتي تحجين ويا ع اي شي يصير راح تتندمين اكيد

وخل يكون بعلمج اهلج اتبروا منج وهدروا لدمج

وعمج عطف عليج وكال خطيه لا اكثر ولا اقل

دموعي تجري ولازمه كليتي كتلها كلامج اوامر خاله

شنو التردي انفذه الج

عفيه بالشطوره

وهسه استلمي شغلج

ومو تتحججين بالمرض يوميه مريضه مريضه

رغم المي القوي بسبب كليتي بس مهتميت لان الم قلبي اكيد اقوىً

من جها اهلي اتخلو عني ومفكرو يصدكوني

ومن جها ثانيه الي كسرني هو اقرب الناس الي ابن خالتي وحبيبي

بديت اشتغل طبعا بيتهم مينوصف نزاكه مو طبيعيه

والبيت حيل جبير

وبي حديقتين اماميه وخلف البيت همين

المطبخ واحد من يباوع علي يتصور نفسه كاعد بخارج العراق معبالك هنا بالعراق

زوجة ابنهم كول شويه ذبتلها حجايه ومعرفت شعدها ويايه

عدهم طفله وحده بالبيت

بقن يتامرن خاله وزوجة بنتهم ونفذت كولشي طلبنه

كملت كولشي وطلبت مني اتغده

كلتلي ممنوع يوم متاكلين لو شيصير

ماعندي احد مياكل وجبات 3 باليوم لو شيصير

همزين هاي الصفه عجبتني

لان اني من جنت عند اهلي من اضوج اذب نفسي ع الاكل

كلتلي بس عندي ملاحضه زغيره

البنات كاعدات يم خاله

كالت اسمعني كلجن اذا لمحتجن ملتقيات سويه ولو بالغلط العب جوله

لاتحجن سويه ولا تتقربن لبعض ابد

انتي يحاجنج ديري وجهج عنهن

وانتم همين تحجي وياجن ديرن وجهجن عنها

حيل ضجت من موقفها هذا

بس كتلها حاضر

اتغديت وبعدها استاذنت منها خاله ورحت للغرفه نمت وكعدت لكيت الليل صاير

نزلت ولكيت البيت هدوء

لكيت مواعين وسخه غسلتهن وسويتلي لفة جبن وصعدت

اني لازم اكول زين ع مود علاجي

حيل ضوجه هنا

صفنت كلت خسرت كولشي املكه بلحضه غباء مني

المفروض مااامن بزيد ومن ملكيت احد بالبيت المفروض باللحضه اطلع

بس شنو الفايده هسه

خسرت دراستي وخسرت اهلي وخسرت سمعتي وشرفي

داافكر وجان الباب يندك عليه لبست حجابي

وفتحت الباب جان اشوف ابن عمو كبالي اتفاجات بي

دخل وسد الباب و.......