#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#البارت 24

مساء الخير ع اجمل متابعين

اعذروني ع التاخير والله ماعندي وقت

هواي خطار وماالحك كوه كدرت اكمله والله

اتمنى لكم قراءه ممتعه

#البارت 24

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

فتحت عيوني وجان انصدم علي مقابيلي

اخر شخص اشوفه قبل لاافقد البصر هو علي

واول شخص اشوفه بعد مارجعلي البصر هم علي

الحمد لله رجعلي البصر رغم مامشوش نضري

بس مستحيل انسى هاي اللحضه

كلي الدكتور ها بابا بشري دشوفين

بده ياشر بايده

كتله اي اشوف كولشي

كال الحمد لله يعني العمليه ناجحه

لبسوني نظاره شمسيه

وخبرنه كال ممنوع ضوه قوي ولا شمس منا ل10 ايام

باركلي عمو وكلي الحمد لله ع السلامه

علي الفرحه واضحه علي

هم اتقدم عليه وكلي

الف مبروك والحمد لله ع السلامه

مجاوبته ابد ولا كانو كبالي

بس هو فرحان حيل

طلع الدكتور

كتله عمو احنه شتفقنه مو كتلك بس اني وانت نسافر

والله ياعمو اني مثلج متفاجئ

محسيت بي اله وهو ثاني يوم يمنه

وطلب مااحجي شي

كتله والله لو ادري بي ويانه جان ماسويته العمليه ابد

كال وشنو اني مخبل اخليج تحسين بيه ويضحك

كال عمو راح اشوف الدكتور شوكت نطلع

لان بقوني بالمستشفى افضل الي

اتقدم عليه وكلي من كل عقلج افوت لحضة رجوع بصرج الج

لازم عيونج الحلوه متشوف غيري ابد

ولازم اول شخص تشوفينه هو اني

والاهم من هذا كله

مااكدر اضيع الفرصه مني

حتى اختار العدسات بنفسي الج

وبعد مااعرف يعجبنج لو لا

بس اني متاكد راح يطلعن عيونج يخبلن بيهن

ارتبكت من حجيه

بس لو ادري بيك كبالي مجان فتحت عيوني

ميفيد بعد هذا الحجي

خلاص شفتيني بعد

سكتت

لج الله قاسملي اخر واحد تشوفينه واول واحد تشوفينه

بس الصراحه ماضجت من شفته كبالي

معرفت لويش اكو فرحه بداخلي جبيره مااكدر اوصفها

هل بسبب نظري ام بسبب وجود علي مااعرف

بس ملازم ابين فرحتي كدامه ابد

وره شويه رجع عمو

كال نكدر نطلع هسه من المستشفى

بس ممنوع نسافر اخاف العدسات تتحرك
لازم نبقى اقل شي 10ايام

لميت ملابسي وطلعنه رحنه للفندق

عمو لازمني

دخلنه اول شي سويته

دخلت للحمام سبحت وارتاحيت

غسلت ملابسي

ممصدكه رجعلي بصري

اصعب شعور فقدان البصر

طلعت لكيت علي جايب اكل

كعدنه اتغدينه سويه

علي بس عيونه عليه

اني لابسه نضارات

بعدها اتوضيت وصليت صلاتي والصلاه الفاتتني

بعدها كلي عمو نامي وارتاحي
طفوا الاضويه ع مودي

صدوك نمت نومه من زمان منايمتها

بدون خوف ولا قلق حسيت براحه مو طبيعيه

كعدت لكيت الدنيه ضلمه

اتوضيت وصليت

عمو هم نايم

اندك الباب

حس بي عمو وكعد فتحها

طلع علي وجايب ويا عشه

اتعشينه وخلصنه

علي كال لعمو

يابه انت باجر احجزلك وارجع لان تعبت

اني اتخبلت لا مااخلي يروح

كتله لا عمو عفيه الله يخليك ابقى يمي ونرجع سويه
كتله انت ارجع وخلي عمو يبقى وياي

ولتنسه انت غريب بالنسبه الي وماابقى وياك لحضه وحده

علي : فرحت من حجه وياها الدكتور وقنعها

وفعلا اتفقنه اني وابويه ميحجي وياها ويزعل بلكي تقنع

وفعلا قنعت وفيزتلهم هي وابويه واني همين

طلبت اجازه شهر ومخليت لا ابويه ولا هي تدري بيه

ماما كتلها بس طلبت منها متحجي ابد

فعلا سافروا واني ثاني يوم سافرت وراهم

ابويه انصدم بيه وكلي بس تدري تتخبل متقبل

طلبت منه ابد ميحجي

اختاريت الها عدسات لون عسلي حيل عاجبني وي رموشها يطلعن يخبلن

وحتى الدكتور كتله ابد متبين كدامها وجودي

فعلا بقيت اراقبها من بعيد
وجنت حيل خايف عليها

وهواي دعيت كون تنجح العمليه

حتى يجوز اكدر اطلب السماح منها بعد ذلك

حبيت اني اول شخص تشوف عيونها لمن ينشال منها الضماد

وفعلا فتحت عيونها وبانت عليها الصدمه لمن شافتني

عرفتها رجع البصر الها

جنت اسعد واحد بالدنيه

شعوري مستحيل اكدر اوصفه

رغم الي صار كله

رجعلي الامل ولو زغير

ملاك تصير الي مره ثانيه

بس هالمره بدون حاجز

لان جان الحاجز الوحيد هو ابو خالتها
عبالي تحبه

بس بعد ماعرفت الحقيقه اتاكدت مجانت تحبه

شفت العدسات عليها جمال

طلعناها من المستشفى

ورحنه للفندق

احنه حاجزين بنفس الفندق

غرفه الي وغرفه هي وابويه

بالليل اخذتلهم عشه وجبت حلويات الها خاف تجوع وتستحي تكول

ولكيت ابويه نايم خطيه

فتح الباب واتعشينه وطلبت منه يرجع للعراق

بس اعترضت وحسستني بخطئي الي سويته من طلكتها

اني لو مامطلكها جان هسه كدرت بسهوله ااثر عليها واخليها تسامحني

بس هسه صعبه لان احنه منفصلين
عاندت متقبل تبقه وياي

كلي ابويه انت ارجع

كتله راح ابقى وياكم

لان ماتكدر انت بوحدك

وره العشه وصيت ابويه كتله مراح ازعجكم وادك الباب عليكم

من تكعدون الصبح خابرني واني اجيب الريوك واجيكم

كال ان شاء الله

رحت لغرفتي ونمت مرتاح بعد عناء كبير من يوم الي عرفت بيها فقدت البصر لليوم

كعدت الصبح سبحت وبدلت وطلعت افتر

بس ماكدرت ابتعد هواي اخاف يكعدون

اخذتلي فره ورجعت

ساعه ب11 نص وبعده ابويه ممخابرني

اكيد نايمين
كلت ممعقوله ابويه يبقى لهيج وقت نايم

رحت للغرفه دكيت الباب بهدوء

فتحه ابويه

كتله اخاف كعدتك

كال لا من زمان كاعد

لعد ليش مخابرتني

منتظر ملوكه ومجنت اشتهي

شعجب لهسه نايمه

الليل كله كاعده اعتقد صلت الفجر يله نامت

كتله راح اجيبلك ريوك واجي

نزلت لجوه بالفندق اكو اكل بوفيه مفتوح

اخذت اكل وصعدت

اتريكنه اني وابويه

كتله يابه فدوه اروحلك ساعدني حتى ارجع ملاك

وبشنو اساعدك
اشو مااخذت رايي من طلكتها

وكتلك بوقتها راح تتندم بس مسمعت مني

ادري بنفسي غلطان بس والله يايابه جنت مو بوعيي

واتخبلت من شفت ابن خالتها ابيتي وبغرفتي

بس المفروض تستفسر منها وتسمع يله تحكم

انت المفروض محامي وتعرف هذا الشي لازم تسمع منها يله تحكم

ولازم تدفع ثمن تسرعك وحكمك الخاطئ

والله يايابه احبها ومااكدر اعيش بدونها

لا تكدر تعيش بدونها مثل ماجنت عايش وي بنت خالك

ولتصدك راح اساعدك بيوم ابد

تريد ذيج ملاك وقنعها

حيل ضجت بس كلامه صحيح

اني لازم ابدي احاول وياها من جديد

اباوع عليها وهي نايمه مثل الملاك
مطلعه بس قرص وجها

بعدها كعدت يمكن من صوتنه

لبست حجابها وهي متغطيه

كامت وكالت صباح الخير

جاوبناها صباح النور

دخلت للحمام وطلعت

كتلها تعاي اتريكي

مااشتهي

مبين عليها بعدهي نعسانه

صلت وخلصت

سوت لفه زغيره اكلتها

كلت لابويه نطلع شويه نفتر

كال اخاف مو زين عليها

عادي اهم شي تلبس النظاره
كالت لا مااطلع

كللها ابويه خل نطلع لان ضوجه حيل

كتلهم نتغده بره احسن

صدك بدلنه وطلعنه

كلت لابويه نظري مو هاكد عيوني مغوشه

كال عادي لان بعدج وره 10 ايام راح يستقر نضرج

مرينه ع محلات

وطلبنه منها تشتري ملابس

بس رفضت ومقبلت ابد

بس اخذنالها غصبا عنها

واخذنه لامي وللبنات ولزنوبه بنت اخويه

وبعدها اكلنه بالمطعم

حسيت بيها تبتعد عني اميال

ابد مكدرت احجي وياها لو اعتذر

حسيت بيها مااستاهلها ابد
خلصن ال10 ايام ورجعنه للعراق

ابد مضايقتها وهو اصلا ابويه يمنه

لكينه ااهلها بالمطار استقبلونه

بس فاجأتنه ولا كانو موجودين

مقبلت تسلم ع احد ولا قبلت تصعد بسيارة سرمد

صعدت وي سجاد

رحنه للبيت ومقبلت تحجي ولا حرف وي اهلها ابد

ابويه كال منظغط عليها ابد

بقوا لثاني يوم هواي اتوسلو بيها بس هي ولا كانو وراحوا

حتى امها خطيه ابد مقبلت تباوع بوجها

اكيد الظروف خلت كلبها قاسي هيج

رجعت مثل قبل ابداية زواجنه

ابد مااشوفها اله صدفه ولحضات وتختفي بعدها

يكولون تنظف وتطبخ بس وقت جيتي للبيت تختفي
ويوم الجمعه والسبت ماتنزل ابد

حيل اتعذبت بتصرفها بس مابيدي شي

هواي مرات حاولت اعتذر منها بس متنطيني مجال ابد وتعوفني وتصعد

مرات اروحلها للغرفه

بس هم متنطيني مجال

بيت عمي اهلها كامو كل اسبوع يجون بس مصار شي جديد ابد

تختفي من الوجود

هواي حاولو وياها حتى ابويه حجه بس بدون فايده قافله

كلت لابويه اجيبلها موبايل بس رفض

كلي هواي حاولت وياها بس رفضت

والله عنوديه بشكل مو طبيعي

مااعرف هذا طبعها لو الظلم الي تعرضتله هيج سوه بيها
هدى زوجة سجاد عند اهلها لان ولدت

ولد وسجاد فرحان حيل بيها

راحوا اهلي كلهم بس اني رفضت

بقيت وملاك همين بقت

كلت بلكي احاول وياها اليوم

صادف يوم سبت

كعدت ولكيتها بالمطبخ تطبخ

سوتلي ريوك خلته يمي ورادت تطلع

وقفتها سحبتها من ايدها وقفتها

باللحضه سحبت ايدها

علي لتنسى انت غريب بالنسبه الي

مااحب تلمسني ابد

اسف مو قصدي بس حبيت احجي وياج

ماكو اي كلام ابيناتنه

لا اكو وهواي
اتمنى تسمعيني

اسفه مااكدر

هاي شبيج فدوه انطيني فرصه لتصيرين قاسيه

مو قاسيه ولا شي

بس مااحب احجي وي الغربه

بس اني مو غريب ابن عمج

هاي من زمان بس هسه لا

ماعندي بهاي الدنيه بس عمو وخاله وسجاد ونرمين وحنين

غيرهم مااعرف اي شخص

وهسه اعذرني

صعدت لفوك

بقيت صافن بس راح اتركها لمن تنسه يجوز ينرادلها صبر شويه

ملاك : حسيت بفرح مينوصف لمن رجعلي بصري
اتفاجأت بعيوني طالعات جمال بالعدسات الجدد

احس شكلي متغير

حتى شخصيتي قررت اغيرها

لازم امشي ورافعه راسي

لان ثبتت برائتي بعد ماكو شي يخوف

ولازم اقسي كلبي من ناحية كل واحد اذاني

رجعنه للعراق ولكيت اهلي بالمطار

جنت اتمنى اذب نفسي بحضن ماما وابجي واكولها حيل مشتاقه الج

بس المريت بي والسوو بيه ابد مو هين

لازم احسسهم بذنبهم

هواي اتعذبت وهواي انذليت

وجانو قاسين ويايه حيل

اتجاهلت الكول ابد ميهموني بعد

اجذب اذا اكول مامشتاقه الهم
بس صعب عليه اسامحهم

بقوا يجون كول اسبوع

ابد ماانزل ولا اشوفهم

وحتى من يصعدون للغرفه اسوي نفسي نايمه

بقيت انظف واطبخ قبل ليجي علي

مااحب التقي بي ابد

هواي حاول يعتذر بس اني مستحيل انطي مجال

لان مراح اسامحه ابد

ماكو فرق بينه وبين اهلي

لازم انسى الي صار وارجع اكمل دراستي وارجع لحياتي السابقه

بس ماارجع لاهلي ابد

لازم احجي وي عمو حتى انقل اوراقي من جامعتي

طلب مني علي نروح لدكتور احمدصديقه ونتشكر منه

كلت عيب منه وهو طلب مني ازوره
فعلا اخذنه هديه ويانه ورحنه

الطريق كله علي مشغل سيف نبيل 👇

رحنه للمستشفى وسلمنه ع الدكتور

طلع شاب كلت اله اسولف واضحك ويا ع عناد علي

فعلا اتشكر ع الهديه وكال لعلي المفروض اني اجيب هديه

ابمناسبة رجوع بصر صيدلانيتنه الحلوه ويباوع عليه

ضحكت ويا وكتله الفضل يرجع الك دكتور
لو ماانت مجان اتعالجت واني اتشكر منك هواي

حسيت بعلي ضايج بس مهتميت

بقينه نسولف ونضحك وسالني شكم سؤال عن دراستس وخبرته

راح ارجع

كلي من هسه راح احجزلج مكان يمنه ويضحك

علي بعدين ضاج وكلي يله نروح

اترخص منه وطلعنه

ساق سريع

شدعوه عيني هيج تضحكين ويا وتسولفين

مجاوبته ابد ولاكانو يحجي

رجعنه وكبل صعدت

بعدين حددوا موعد زواج حنين من ابن خالتها

بديت اطلع وياها لان هدى متكدر تطلع بعد الولاده
هواي طلعت وياها للمجمعات والمولات

نطلع مرات بس اني وياها وخطيبها

جنت استحي بس بعدين كلت عادي ارجع مثل قبل

اني بطبيعتي اجتماعيه بس الظروف جبرتني اصير هيج

مرات علي الكي كدامنه

يجوز متفقين سويه هو وابن خالته

بس رغم مااطلع ويا ابد مسمعته صوتي اله للظروره

بعد اسبوع لزواجهم

اني مجهزت نفسي لان مااحب احضر الحنه

اليوم طلبت مني خاله اروح وياهم وكالت اخر يوم

لان هي متكدر عدها دوام

رحنه وره الصلاه المغرب

سمعت سيف خطيب حنين ينطي العنوان

عرفته لعلي بس عيب احجي ويا
وره شويه اجه علي

كام يتشاقون سويه

كله سيف لك انت شنو لاحكنه من مكان لمكان

بس لا تطلع عاشكني وماادري

يضحك ويكله ولك ياعاشكك الهوى الي اتنفسه انت

عرفتهم يقصدوني اني

بس استحيت كدام الولد عيب والله

كل لحنين

تعاي خلصيني من اخوج طلع يعشكني وماادري بي

حنين تضحك تكله لك علاوي شحدك تحبه لسيف

اني مشاركتهم بكول الحجي

بس الي يسالني اجاوب

رحنه لمولات وكملنه كول التجهيزات

وحجزنه الكيك وكولشي كملنه
ودونه ع مطعم وطلبو النه اكل

اني استحي يادوب كدرت اكل لكمتين بس

بقوا يحجون عليه كتلهم مااشتهي

بقينه لمن يشربون جاي

انطتني حنين موبايلها

اتفاجات كلتلي هاج

لكيت علي دازلها انطيها الجهاز لملاك

اخذته دزلي رساله

ليش ماتعوفيهم بحالهم خطيب وخطيبته ويردون يطلعون بوحدهم لويش حاشره نفسج وياهم

دزيتله هذا الشي ميخصك

كومي وياي وعوفيهم بوحدهم

وبعدين نلتقي سويه ونرجع للبيت

لا مااروح وياك ابقى وياهم

شنو ماعندج احساس
لج بابا اتركيهم ياخذون راحتهم معقوله متحسين

كلت عيب صدوك خل نتركهم بوحدهم

كال علي راح نتركم تاخذون راحتكم راح نفتر اني وملاك

شويه ونلتقي ونرجع سويه

طلعنه من المطعم

منو سمحلج اطلعين وياهم

اعتقد هذا الشي ميخصك وممجبوره اجاوبك

ملاك لتعصبيني والله بس اطلعين وياهم اله اكسر رجليج

وباي حق وباي صفه تحاسبني

بصفة حبيبج وابن عمج وزوجج المستقبلي

تحلم هواي كاعد انصحك نصيحه

احلم بشي بسيط لتحلم باشياء مستحيله

لا حلمي مو مستحيل ان شاء الله قريب يتحقق
خل نشوف الايام راح تثبت هذا الشي

شنو اشتريتي للحنه

منو كلك راح احضر بالحنه

وليش يابه ماتحضرين

يعجبني ابقى بغرفتي

هاي انت مغروره لو معقده

بكيفك شتفسر فسر ع راحتك

دخلني بمحل نسائيه

كلي يله اختاري احسن مااني اختار الج

ومااعتقد راح يعجبج

تريد تختار اختار انت بككيفك العجبني والمعجبني مو مهم لان مستحيل البسه

صدك بده يفتر بالمحل واني اراقبه من بعيد

اختارلي فستان يخبل من صدوك عجبني لون ماروني

بس مو مالت حفلات ابد طويل وردن
رهم ويا شال

بس مستحيل البسه لو افكر انزل بالحنه

اتحاسب وطلعنه

اكيد مو هذا الي ابالج

بس لتفكرين تلبسين قصير او بدون ردن لاسباب عده

اول سبب مااحب اي احد يشوف تفاصيل جسمج غيري

وثاني شي لازم تكونين حذره لان راح تكونين مستهدفه واحتمال يطكولج صور وانت متعرفين

اني بقيت اضحك علي شنو من تفكير تفكيرك

كلي تعالي بعد اخذلج حذاء

اني ساكته محجيت شي وانطيته ع مايه

اخذ حذاء عاليه لون اسود

بس الصراحه فاجأني بذوقه كولش حلو

اكيد معجبج ذوقي

بس مشكلتج كتلج اختاري احسن
اني ساكته مجاوبته

اشو ساكته وذابتها ع الصامت

مااحب اتعب نفسي وياك

وكاعد افكر اكول حرامات خسرت هواي

وللاسف مراح اخوذهن

واله اكولك شرايك ادزهن لزوجتك السابقه لجين

اي مو اتخبلت حتى ادزلها

كتله يله خابرهم لان تعبت ونعست

شنو دجاجه وتنامين من وكت

خلي نفتر بعدنا

خطيه خليهم ع راحتهم

تعالي اوكلج موطا

لا شكرا مااريد

بعدها رجعنه للبيت

قبل الحنه بيوم انخبصنه
اجوي اهلي ونرمين

وهالمره حتى اخواتي اجن

واجو اقربائهم

اني اتجاهلت الكول

طبعا مكدرت اصعد بالغرفه

لان ماعدهم احد بس اني

لان نرمين حامل وحنين خطيه عروس منريد اتعبها

وهدى ابنها بعده زغير

اجني اخواتي شبكني حجن وياي

ولا كانو مهتميت الهن

طبعا عيون علي تراقبني وين مااروح

طلب مني اكويله قميصه

ادري بي يريد حجه بس منطيته مجال

طلبت من نرمين تكوي
وفعلا خلصت منه

ثاني يوم البيت انخبص خبص

هواي اقاربهم ومعارفهم اجوي

لكيت علي تاركلي العلاكه بالغرفه

طبعا كل مايجيبهن ارجعهن اله

ابد ماالي واهس احضر الحنه ابد

كملت كول شغلي وحجيت وي خاله كتلها راح اصعد بعد مااكدر انزل

بقت تحجي عليه وعمو همين بس اني معانده وقافله

هواي اتجاهلتها لامي ولاخواتي

صعدت للغرفه اول شي سويته رجعت العلاكه لغرفته لعلي

وثاني شي رجعت للغرفه وقفلتها عليه دخلت سبحت وارتاحيت

كلت لو الدنيه تحترك ماافتحها للباب ابد

وفعلا سمعت الاصوات والهلاهل
بقيت شويه ونمت بعد محسيت ع نفسي

لان هواي تعبت وكاعده من الفجر

كعدت لكيت الدنيه ليل

فتحت الضوه ودخلت للحمام

اتوضيت وصليت

بعدها سمعت الباب تندك

رحت فتحتها شفت علي مقابيلي

دخل وسد الباب

شنو من بشر انت دخيل ربج

شنو شبيه

عنوديه بشكل

ليش محضرتي الحنه

يعجبني اكو اعتراض

اي اكو شنو كلبج قاسي
لج خطيه امج هاي الي ربتج وتعبت عليج

معقوله دموعها رخيصه عندج

اي صحيح هاي امي الي مصدكتني

هاي امي الي كدرت تنام الليل مرتاحه واني اتعذب

هاي امي الي مفكرت تسال عني ولو من بعيد

وياريت انت تخليك بحالك ولتدخل ابيناتنه

زين من كاعد تحبسين نفسج بالغرفه شتتوقعين

ردة فعلنه

اكيد متخلصين مني ومرتاحين مثل مجنت قبل

نسيت بحنة نرمين شكد توسلت ع مود احضر

تذكر شجان جوابك

اي بس ذاك وقت وهذا وقت

بالنسبه الي ماكو فرق

ملاك فدوه اروحلج انسي الي صار وابدي حياة جديده
شنو !!!!! ابدي حياة جديده

شنو شتتوقع راح تلتأم جروحي بهاي البساطه

عادي انسى واسامح بس بشرط

شنو بس كولي والله اي شي تردين اسوي

رجعني ليوره قبل لتجيبوني لهنا ذليله

انطوني بس فرصه حتى تسمعوني وتصدكوني

انطوني الامان خلوني اكمل جامعتي

ذاك الوقت راح اسامح وراح انسى

غير هذا الشي لحد يكولي امج اهلج

انتو كلكم ماتعنولي شي

احجي وابجي

اتقرب عليه راد يمسح دموعي

ااشرتله بايدي لتتقرب

ياريت تطلع بره لا يجي احد ويفهمنه غلط
لان بعد مابيه حيل مصيبه جديده

طلع بهدوء

مسحت دموعي

بقيت مانزلت لان ماالي خلك ابد

اجني البنات يمي نرمين وحنين جانت زعلانه عليه

بوستها واعتذرت منها

كتلها حقج تلوميني لان ماتدرين بمعاناتي ابد

كاعد نحجي واجن اخواتي

عفتهن ونزلت

بدون كلام

لان ذنب بالذات مراح اسامحهن

لان حتى اذا بابا مانعهن يكدرن باي وسيله يخابرن ع علي او عمو ويسالن عليه

بديت ارتب بالبيت ورتبت المطبخ
لكيت الولد جايبين عشه جاهز

مخليللي لفة كص وكباب

اكلت بس لفة الكص

كملت كول شغلي وصعدت لفوك

طبعا بعد مااكدر انام لان قبل شويه كعدت

بعدين خلصت الليله وصار ثاني يوم

هم بلشت تحضيرات من الصبح

جنت بالمطبخ واجتي امي وحاولت تحجي ويايه

بس هم رفضت وعفتها وطلعت

حسيت بيها حيل ضاجت

بداخلي هم ضجت عليها بس صعب عليه انسى الصار

راحن البنات للصالون

واني بقيت بالبيت

واجتي واني شفتها سلمت عليها وصعدت
نزلت ولكيت ماكو احد حتى هدى رايحه وياهم

وماما همين

بلشت بالتنظيف جان بس عمو بالبيت

سويت عشه بس الي واله

كملنه بعدها اجه علي

سويتله عشه

كملت المواعين وصعدت نمت

ثاني يوم اهلي راحوا وحتى نرمين

بعد اسبوع من الزواج من كعدت الصبح احس بكلبي مقبوض مااعرف لويش

اجتي حنين واهل زوجها

عزمتهم خاله وبلشنه بالتجهيزات بس اني وخاله

اني ماكعدت وياهم ابد

كاعد يتعشون ودخل علي بس وجها ميتفسر

حسيت بي مو طبيعي

كعد بصف عمو مدري شكله

اشو كاموا اثنينهن للحديقه

احس كلبي مقبوض

حسيت بالوجوه متتفسر

رجعوا كعدوا بس احسهم مو طبيعين

لحد ماراحو حنين واهل زوجها

جان يصيحني عمو ويكلي .......

توقعاتكم حبايبي

شنو الي صاير ولويش علي مو طبيعي