#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

مساء الخير ع اجمل متابعين اتمنى لكم قراءه ممتعه

#البارت 21

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

رجعت لبيت اهلي بعدهم مجايين

صعدت لغرفة ملاك

دكيت الباب طلعت البنيه

كتلها ممكن اطلعين شويه

كالت بس الوالد مانع احد يدخل عليها لو مهما يصير

بس اني مو اي احد اني زوجها

قصدك طليقها
هذا الشي ميخصج اختي

اطلعي بهدوء افضلج

ملاك جانت نايمه

مااعرف غافيه لو تتظاهر

طلعت البنيه

قفلت الباب

كتلها اكعدي يالحبابه

ولا جني وياها

اكعدي يالشريفه

هم ولا كانو وياها

وخرت الغطه عنها وهزيتها حيل

كعدت الظاهر جانت نايمه من صدك

ضربتها راجدي كتلها شلون يعني ناويه تكسرين وجهنا كدام العالم حتى ترتاحين

منطقت ولا بحرف
شنو خرسه متحجين

اذا ناويه تتزوجينه لابن خالتج احب اكلج نجوم السما اقربلج

حيل ضوجتني ولا كانو احجي وياها

دايره وجها لغير صفحه وذابته ع الصامت

متحجين خرسه

اعتقد بعد ماالك حق تحاسبني ولا تضربني

عمو هو الوحيد الي اله حق يحاسبني

ضربتها مره ثانيه

مو عبالج طلكتج وهاي هي تسوين الي يعجبج

ابقى ابن عمج والي حق كلشي اسوي بيج

بعدها حجت بعصبيه

مو هاي البنيه مراقبتني 24 ساعه

منين اجيب موبايل واراسل

جريتها حيل وقربت الجهاز ع وجها
هاج اقري وشوفي

لج حقيره ليش تكوليله كل حركاتنه وطلعاتنه

سكتت

ركعتها بالجهاز ع راسها

ماتحجين كلبه حقيره

كاعد تغلط بحقي هواي هواي

وراح يجيك يوم الي تتندم بي وتعض اصابيعك ندم

وهسه اطلع بره

جريتها من ايدها

لج احجي شكم مره نايم وياج

ولج يعرف تفاصيل جسمج كلها

ليش ماتخافين الله

متخافين ع سمعت اهلج

متخافين ع سمة عمج
سحبتها ووديتها للمرايه

كتلها شوفي نفسج عاجبج هذا وضعج

شحالج صايره

حيل حيل متغيره

اهلج اتبروا منج

اني طلكتج واحتقرج واموت منج

ع شنو هيج تسوين ع مود نزوتج

تف عليج وع نفسيتج المابيها خير

هديتها

انت علاجج الوحيد اخبر اخوتج وعمي وهمه يتصرفون وياج

انت حرام تبقين عايشه وتتنفسين

بس اني مااحب اللوث اديه بدمج النگس

دموعها كامن يجرن

كامت تصيح فاطمه ....فاطمه ......
اعتقد ع البنيه الوياها بالغرفه

رادت ترجع لفراشها بس فاجأتني بحركاتها

تتلمس بالهوى وتمشي

اجت يمي ولزمتني

حست بيه وخرت اديها

جانت شاده كانولا بيدها

كامت تصيح فاطمه ....

اجتي البنيه دكت الباب ودخلت

كادتها وودتها لفراشها

اهدئي فدوه اروحلج اسكتي

كلتلها اتصلي بعمو حبابه خل يجي

وطلعي لهذا الهمجي مااريده يبقى هنا ولا دقيقه

الصراحه دخت ومااعرف تفسير تصرفاتها ابد

كلتلي البنيه رجاءآ اخي اطلع بره
الوالد جاي بالطريق

دك جهازي طلع ابويه

كلي اطلع من الغرفه اني جاي راح اوصل

والله ياعلي اذا تلمسها اندمك والله

طلعت بره بس دايخ شنو الي ديصير

ملاك : حيل متخربطه هاي الفتره كليتي كاعد توجعني حيل

دزيت تحليل الي بيد عمو وطلع عندي رمل بالكله وكليتي حيل ملتهبه وتعبانه

مقبلت اروح للدكتور ابد

مااحب نضرة العطف والشفقه عليه

اخذ التحليل عمو وراح للدكتور كله لازم سونار كله متكدر تطلع وشارحله حالتي

كله راح ننطيها علاج وبس تبقى تشكي منها لازم تجيبها ناخذلها سونار ونفحصها

جابلي علاج والبنيه شدتلي الكانولا وبدت تنطيني علاجي كول وقت بوقته
عرفت حنين نخطبت عمو ينطيني الاخبار اول باول

بس اني ويا رافضين احد يشوفني ويعرفني فقدت البصر

عقدوا سيد وسمعت الهوسه بالبيت

اني مو يمي هاي السوالف

مرات احس بنفسي صار عندي مرض التوحد

مااحب التقي باحد بس عمو اتلهف اله

وهاي البنيه اسمها فاطمه حبابه بشكل وسولفتلي قصتها

حالتهم ع كدهم وابوها جابره ع شخص جبير بالعمر حتى يخلص من المسؤليه

كاعدين ايجار والبيت بي غرفتين

وهمه هواي اخوه واخوات هي الجبيره

تكول راواني النبي عربي زوجي

متزوجني بالسر اتحملت كولشي وساكته

لحد مادروا بي اهله وهدوا عليه ضربوني وهانوني
وجبروا يطلكني

وهسه اني مستعده وين مااشتغل بس كون شغله شريفه واساعد اهلي

ابوها صايره بي جلطه ومريض رجال جبير

حيل قهرتني اكول الدنيا بيها اشكال واللوان

اني هم سولفتلها قصتي كولها بس طلبت منها وعد للموت متحجي اي شي سمعته منه

اتعلقنه ابعض اني وياها

نسولف ونضحك رغم مانسيت الفرح والضحك بس وياها انفتح

اليوم بيت عمو رايحين للنجف للزياره

بقينه بس اني وياها

اتغدينه متاخرين

اذن المغرب صليت وكملت

نعست كتلها اذا نمت لتكعديني للعشه

صدك نمت
حسيت بالغطه اتوخر عني وسمعت صوت علي

الصراحه استغربت

بده يضربني ويهيني حيل جرحني

يعني مااعرف شلون محامي

يعني متكدر تفكر اني مقفوله عليه الغرفه شلون اخابر

وكفني مقابيل المرايه

عباله اشوف مايدري بيه فقدت بصري بسببه

ردت ارجع بس مااكدر صحت ع فاطمه بس ماكو

حسيت انطخيت بجسمه لعلي

وخرت بسرعه عنه واجتي فاطمه وصلتني لفراشي

طلبت منها اطلعه لعلي

طلع بس اني دموعي يجرن

ضربني بالموبايل وحيل اذاني

يعني مااخلص منه ولا من زيد

وره فتره اجه عمو متخبل
كلي اذاج شسوالج

كتله مسوالي شي بس راجدين مو هواي وضربني بالموبايل

يمكن علي يمه

كاله والله اذا لمست شعره منها ياعلي نهايتك ع ايدي

كله علي هاك شوف الرسائل وانت عبالك مراقبها وهي صاينتك

لا يابه متوهم الساقطه تبقى ساقطه لو شيصير

سمعت عمو يمكن ضرب علي

صار هدوء بعدها

عمو صاح خاله والبنات صاح صوت رج اركان البيت

كللهم اسمعوني انتو عبالكم اشك بيها ومخلي البنيه تراقبها

لا متوهمين كلكم

كتله عمو فدوه لعمرك اسكت لاتحجي

ردت بعد وقت بلكي ينكشفون
كلي اسكتي بابا لهنا وكافي

تعرف يااستاذ علي انت شسويت بهاي المسكينه

انت سلبتها نضرها

البنيه فاقده للبصر ابد متشوف

ومو بس هاي لا

كليتها الثانيه هم اذيتها بالضرب مالتك

عبالك من تضرب هيج رجوله هاي

لا متوهم هاي يسموها نذاله وقلة رجوله

لاعبالك سكتتلك معناها انت مو غلطان لا

غلطان من راسك لرجليك

روح شوف منو لعب عليك هاي اللعبه الوسخه

خل نفرض ع اتصال وي ابن خالتها مثل متكول

هل من المعقول ماتكله فقدت البصر

هل من المعقول تكله مراقبيني
وهي اساسا مااراقبها لو اموت

الكول ساكت

صاح لفاطمه تعالي بنتي

هذا القران واحلفي بي

من اجيتي لليوم هم ملاك لمست جهاز او خابرت او راسلت

امانة الله والرسول وداعت ابويه وداعت امي وداعت اخواتي واخوتي

لليوم مابدر منها اي تصرف يثير الشك ولا لمست بيوم جهاز ولا خابرت

واصلا متشوف شلون تتصل لو تراسل بوحدها

حسيت خاله اجتني كلتلي

خاله يعني هسه انت متشوفيني

لا خاله كلشي مااشوف

اتخبلت كامت تبجي

شلون فقدتي البصر
روحي اسالي علي وهو يجاوبج

علي احجي شلون كدرت تاذيها هيج

ماما متخاف من الله

شلون كدرت هيج تسوي متكول شابه وخطيه حرامات ضاع شبابها هيج

علي ساكت منطق ولا بحرف

حجت وي عمو

انت ليش محجيت ماكلت

سكتت ردت علي يكتشف غلطه

لو كايل الكم جان وصلت المعلومات لابن خالتها

وجان يبقى يستفز علي

بس احب اكلكم شي واحد يوم الي اكشف الشخص الي لعب هاي اللعبه القذره ضد بنت اخويه مراح اسامحه مدى العمر

اني اعرفه زين منو بس اريد الزم الدليل بيدي يله اكلكم منو
زين ليش ماعرضتها ع طبيب ممعقوله ماالها علاج

خاله اني مااحب اتعالج حابه ابقى هيج احسنلي

مااحب اشوف اي احد

والله كرهت الحياة كولها ماالي واهس بكولشي

فقدت كليتي وفقدت بصري وهسه احتمال اموت

مااعتقد احد راح يزعل عليه لو يحس بيه

اني ممخليني متمسكه بالحياة بس شغله وحده

اتمنى اثبت برائتي امام الجميع

بعدها مراح اتردد ولا ثانيه وحده بالانتحار

لج خاله ميصير هيج تحجين

بعدج شابه والحياة امامج طويله

اكيد راح تنثبت برائتج وراح تمشين مرفوع راسج

وراح تنسين كلشي

بس اني مااريد انسى اريد ابقى اتذكر

حتى مااسامح
لان حتلو غلطت محد فكر يسامحني ويكول حتلو غلطت يجوز مو بوعيها

عمو كال لهنا وكافي عوفوها واطلعو خل ترتاح البنيه

مو زين عليها الجهد لان كليتها تعبانه

وانت علي حسابك بعدين وياي

طلعهم

راحت فاطمه جابت العشه

رفضت اكل كلتلي لازم اضربج مو زين عليج

اتعافي وصيري زينه حتى تكدرين تثبتين برائتج

اكلت بس ماالي واهس ع مود العلاج

كملت وضربتني الابر وانطتني علاجي

دخلتني للحمام وبعدها نيمتني وراحت لاهلها

ثاني يوم دخلتلي حنين خطيه تبجي

شلون انطاج كلبج وتضمين علينه اني ونرمين

تدرين يوميه اجي واتمنى اشوفج بس ابويه محذرنه منج
ومصدكت يطلع منج شي مو زين

كلت اكيد اكو غلط بالموضوع

لج والله ع اعصابي مااشوفجن

بس تدرين باخوج دمر حياتي سلبني نضري

ومهما يكون كلت اكيد يوكفن بصف اخوهن

يااخويه يا بطريق

ولج والله اختنا انت الله شاهد عليه

علي : صدمة عمري من عرفتها فاقده البصر وبسببي

وكليتها همين متاذيه

اني اتذكر دفرتها بكل مكان بجسمها وحتى كليتها

واذيت راسها بس ممتوقع ماذيها لهالدرجه

ابويه يحجي واني ساكت

يعني شنو دمرت حياتها وهي بعدهي شابه

اكيد مراح اسامح نفسي ابد ع السويته بيها
دائما جنت اكول ع عمي همجي وميتفاهم

طلعت اني ماافرق عنه

شعوري صعب مااعرف شاوصفه

صحيح ماعندي دليل ضدها

شكد فتشت البيت وفتشتها الها ابد معثرت ع جهاز

وثانيه بعد راقبتها بالكاميرات ابد مبدر منها موقف يخليني اشك بيها

المفروض اتانه واتاكد

بس هذا الحجي ميفيد بعد

لا وفوكاها اني الاثول رحت طلكتها

كطعت اخر امل بيني وبينها

خلي نفرض جان عدها جهاز وتتراسل ويا

بس بعد الحادث وبعد مافقدت بصرها شلون اتواصلت ويا

اكيد اكو لعبه
معقوله هاي البنيه تساعدها

زين ليش مكلتله بساعيتها اني مطلكه

احنه خلينا الموضوع سري بيني وبين ابويه

بس من علنا وصل الحجي اله

بديت اربط الاحداث مع بعضها

بس مااكدر اثبت شي

انقلبت حياتي 180 درجه بعد معرفتها صارت عميه

ادري بيها عنوديه بشكل اذا رفضت تعالج اكيد تصمم ع رايها

بديت افكر منو مصلحته يوصل المعلومات لابن خالتها وشنو الغايه

بديت اشك بلجين بس كلت معقوله تسويها

زين وين حصلت رقمه وشلون اتواصلت ويا

اذا طلعت لجين وره كلشي يمكن اجرم بيها

بس همي الوحيد شلون راح اكدر اواجها لملاك اذا طلعت بريئه
شلون راح ارجعلها نضرها

معقوله يطلع ابن خالتها نذل وصدك مخدرها وماخذ عذريتها

لان الشخص الي هيج يسوي بيها ويطعن بشرفها اكيد مسويها قبل وياها وداك الناقصه

اجاني سيف اقرب شخص الي هو

كلي شبيك مهموم

سولفتله كلشي

كلي ولك اثول انت ولو اكبر مني بس من صدك عصبتني

اذا هي صدك تراسله معقوله يفتن عليها

معقوله يخبرك كل حركاتهم

زين اذا مثل متكول انت شاد كاميرات بالبيت وهي تدري

شلون تخاطر وادخله للبيت

يمكن لو تهرب ويا هواي افضل من ادخله للبيت بوجود الكاميرا
صفنت ع حجيه صحيح هذا الشي

يعني شتتوقع من اعرف بيها ابوسها من حلكها مثلا

اكيد تتوقع تكون نهايتها

كتله لعد والمحادثه الي يصورها ويدزها الي

حجيها هي ويا ويتغازلون سويه

مو مشكله اكو من يحجي نيابه عنها

حجيت ويا بقه بس شي مدوخني

ابد متدخل لغرفتنا

شدخلها بذاك اليوم وهل هي صدفه لو لعبه ضدها

كلي بسيطه

نخلي حنين تستفسر منها شعدها دخلت

بس ياعلي اني اشك بمرتك لجين

اكثر واحد يعرفها اني

لك حيايه مسمومات هنه وامهن

والله ياسيف ابد مردتها تكون مرتي
وعاندت امي وانت تدري

بس من عرفت بسالفة ملاك

قررت اتزوجها بس حبيت اسكت امي

بس تدري علي اذا طلع حجينه صحيح

معناها البنيه صحيح مخدره ماتدري بنفسها

وهذا ابن خالتها نذل وحقير

ينرادله من يادبه

لك والله ماادري شاسوي هاي المسكينه ضلمناها هواي

فقدت كليتها ونضرها وفقدت شرفها وفقدت احترام الناس والاهم من كلشي فقدت اهلها مااعتقد اكو اصعب من هذا الشي

والله ياعلي انت تدري بيه صريح ومااعرف اللف والدوران

بعمري ماشكيت بيها للبنيه

لان مبين عليها الادب والاخلاق رغم ما شايفها بس مره وخطف
بس الكتاب مبين علي من عنوانه

ياما دخلت الكم اني والولد

مايوم دخلت علينه رغم ماانتو مامانعيها

هي الي تنطي شرفها بارادتها اكيد ماعندها خجل ولا حياء

بس بنت عمك حسيتها غير

وجنت دائما اريد احجي وياك بس متردد

كلت اخاف تفهمني غلط

المهم لازم تحاولون وياها تروح تعالج نظرها يجوز شي بسيط ويرجع بصرها

لان ماكو نعمه افضل من البصر

اكيد تعاني كاعد

تعال اكلك صدك شلون فقدت البصر

ضربتها هواي ع عيونها وراسها

اتخبلت بذيج اللحضه مااعرف شاصرف

ممكن سؤال وتجاوبني ع بصراحه
اسال

اتحبها انت لو لا تعطف عليها

والله اذا اكول يجوز متصدكني ولا واحد راح يصدكني

احبها بجنون واعشقها وجنت موافق عليها حتلو وي ابن خالتها عدهم علاقه

بس هي رافضتني وبشده

محسستني بيوم اني اعني شي بحياتها

اذا لحد هاي الحضه شعرها مشايفه منزعت الحجاب ابد كدامي

لك تحجي صدك اذا انت زوجها مانازعه الحجاب كدامك شلون تصدك بيها ادخل الولد لبيتك ولغرفتك

والله ماادري ياسيف

مااعرف شعماني ومفكرت ماادري

بقه الحجي يدك براسي

طلبنا من حنين تستفسر منها

كالت لجين طالبه منها تنظف الغرفه
كال سيف شحجه البهلول

مو كتلك الحيه وراها

كتله بس مانكدر نحجي ماعدنه دليل

كلي سيف اتعامل وياها طبيعي وسوي نفسك تشك بعدك بملاك

بلكي تراسله مره ثانيه

حتى باللحضه ادور غرفتك زين اكيد راح تلكي الجهاز

كتلهم صدك المكان الوحيد الي مدورت بي هي غرفتنا

كمت يوميه تقريبا اجي لاهلي اتمنى احجي وياها

بس مااعرف شاحجي اعتذر

ميفيد الاعتذار اكيد

اتوسل بيها هم ميفيد

ابويه الوحيد الي ماشك بيها ولا لحضه

واني اعرف ابويه كلش زين ذكي وقاضي بالعدل دائما

ابد ميظلم احد
طبعا منعني منعا باتا اوصل لغرفتها لو احجي وياها

اسمع اخبارها من حنين

حيل ضايج عليها خطيه ضيعتها وياي

لو ادري هيج يصير بيها من وراي جان ماخطبتها ولا اتزوجتها

حاولت اقنع ابويه نعرضه لدكتور

بس يرفض يكول مااكدر اجبرها

اريدها من ذاتها تجيني وتطلب مني

هواي حجه عليه لان ماذيها

كلي اهم شي عندي لازم اقنعها اوديها للدكتور ع مود كليتها حيل تعبانه ولازم اسويلها سونار

هواي افكر بيها واكول معقوله اني ظالم لهالدرجه وياها

خطيه شكيت بيها سرقت الموبايل

وشكيت بيها تخوني

وشكيت بنزاهتها وطهارتها
مااعرف شلون اكفر عن ذنبي اتجاها

سويت نفسي طبيعي اتجاه لجين

وكمت احجي واطعن بشرفها لملاك

كمت احجي واكللها

تدرين اكبر غلطه سويتها شنو

شنو ؟؟؟؟؟؟؟

لمن طلكتها لملاك لو مخليها هنا خدامه مو احسن

البيت نظيف 24 ساعه والاكل جاهز دائما

لا يمعود عليمن تخليها

خل تولي نبقى بوحدنا افضل

شنو الفايده تنظف وتطبخ وهي مو شريفه

لو يطيح بيده ادوس ابطنها واقطع نفسها

كوه اتمالكت اعصابي

سكتت كتله خل تولي

بقيت ادور ع الجهاز بالغرفه بس مااله اثر ابد
صار تقريبا شهرين من عرفتها لملاك فاقده البصر وتقريبا 7 اشهر من الحادث كله

خلال هالشهرين ابد ملتقيت بيها ولا لمحتها ابد

دائما افكر بيها خطيه شلون تتحرك شلون تبدل شلون تسبح

حتى اذا وحده تساعدها صعبه

اليوم خابرني ابويه كلي مراح اجي للمكتب

سالته ليش

كلي راح اخذها لملاك للدكتور

اني اتخبلت شبيها

كلي كليتها حيل مأذيتها

لازم نعرضها ع دكتور

كتله راح اجيكم

رفض مقبل كلي لتدخل

سكتت بس بقيت بقلق

كل شويه اخابر واطمأن
اخر شي كال راح ندخل

بعدين كلي تعال للبيت ونتفاهم

رحت كبل

كلي ابويه تحتاج عمليه زوع كله

بس خطره عليها

لان بس هاي الكله

وبنفس الوقت لازم نسويها لان مأذيتها

لعد نسويها وع الله

بس تدري بيها عنوديه

رفضت تسويها

بس مو بكيفها

لعد بكيف منو

محد وصلها لهاي المرحله غير انت

دمرتها دمار
اي يا يابه اذا الادله ضدها اني شمديني يطلع ملعوب

المفروض تتانه وتاخذ الامور بعقل مو بعصبيه وتهور

البنيه شنو ذنبها تفقد بصرها بسببك

وحالتها النفسيه زفت

كوه وافقت تروح للدكتور

بس الظاهر كاعد تتالم حيل

خل ادخل يمها واحجي وياها

لا ابوي عوف البنيه بحالها خطيه

انت بعد ماالك حق عليها ابد

بس مراح اسويلها شي بس احجي وياها

لا خليها اني اقنعها

فعلا قنعها ابويه وحددوا موعد العمليه باربيل

كوه حصلنه متبرع الها

طمنه الدكتور كال ان شاء الله تنجح
اليوم موعد العمليه

ابويه كلي اصرت تتصل ع اهلها

كال طلبت تسمع صوت امها قبل لتدخل العمليه

بس للاسف رافضين يسمعوها ولا محاجيها

رغم ماعرفوا اليوم عمليتها

حيل متاثر ابويه

يكول خطيه مسكينه ضايج عليها

اني هواي كاعد احس بذنب ع السويته بيها

كلي ابويه لتحسسها انت بالمستشفى ويانه

لان طالبه من ابويه ابد مااحضر وياهم

دخلوها للعمليه وجنه قلقين عليها هواي

البنيه فاطمه ويانه وامي همين

فتره بقينه ننتظر

طلع الدكتور وطمنه عليها
كال نجحت العمليه

بس لازم تبقى بفترة نقاء مدة 6 اشهر

الحمد لله جنه حيل خايفين عليها

ممنوع الزياره والي يدخل عليها لازم يعقمونه ويلبسونه ملابس خاصه

دخلت اني بس محجيت

وهي اصلا محجت شي

بقت اسبوعين بالمستشفى

بعدها طلب الدكتر نطلعها

وفعلا طلعناها وصعدتها البنيه لغرفتها

ثاني يوم هم اجيت واطمانيت عليها

سالت ابويه هم احد سال عليها من اهلها

كلي لا ابد

خلصت فترة النقاء وكدرنه نحافظ عليها من التلوث

بعدها بفتره جنه بالمكتب اني وابويه
جان يتصل بيه عمي

الصراحه استغربت شنو الموضوع

عمو ابد ميتصل بيه نهائيا بس اني اخابره مرات

رفعت خط بعد السلام والسؤال عن ابويه وامي

كلي اريدك تجيب ملاك باجر ظروري ظروري لهنا

خيرك عمو صاير شي

ها لا ماكو شي بس جيبها وبعدين نتفاهم ع كولشي

طبكه !!!!!

بقيت بدوامه عايش

شنو الموضوع وشيريد عمو من ملاك

توقعاتكم حبايب

شيريد منهم ابو ملاك

وياترى راح تنكشف الحقيقه لو راح تتعقد اكثر

انتظروني بالبارت القادم