#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#بارت مفاجئ

وجان انزل بارت مفاجئ الى اجمل متابعين

والله مشغوله هواي تعرفون قرب العيد ومعناها تحظير الكليجه والكيك والتنظيف واني بوحدي يعني ماعندي احد يساعدني

ياريت هم تقدرون ظروفي

بالنسبه الي يكول طولتيها واختصريها نريد الحقيقه احب اطمنكم مااكدر اختصر بس القصه قربت نهايتها

يعني القصه احتمال لو 27 بارت لو 28 بارت وتخلص وبعدها راح تشتاقون لكل تفاصيلها

اتمنى لكم قراءه ممتعه

#البارت 18

🍀🍀 انكسار فتاة بريئه 🍀🍀
🍀🍀 للكاتبه رونق 🍀🍀

شفت ابن خالتها كاعد مقابيلها

اتخبلت من صدك

يعني وصلت وياهم لهالدرجه يتواعدون هنا

اكول شبيها ارتبكت

وهاي الورقه اكيد منه

رحت علي كبل

ضربته بوكس

باللحضه الناس التمت علينه

كاللهم ابويه مساله عائليه

شدسوي هنا

مو شغلك انت

لك حيوان هم زوجتي وهم بنت عمي

بس هاي حبيبتي الي
اجه ابويه وادخل

كال عيب من الناس تعالو اكعدو خل نتفاهم

كتله اكسر رجله والله بس يكعد يمنه

شنو شغله هنا

كام يحجي وي ابويه

عمو مو كتلك قبلها صدفه اجيت ازور وشفتكم

كلت خل اسلم ع بنت خاله بيها شي

لا مبيها شي تعال عمو اكعد خل نتفاهم

اني تخبلت

بس اليوم ملاك لازم ارتكب بحقها جريمه ومستحيل اخليها تبقى عايشه

واخيرا ثبتت عليها الجريمه

اني اعلمها

اخذت جنطتها لملاك ادور ع الورقه بس ملكيتها

وبكل عين صلفه كعد يم ابويه واحسه يلعب باعصابي
ويضحك ويشاقه ولا كانو شي صاير

ملاك مرفعت عينها ابد

اي ملوكه شلونج شخبارج

يابه يكوم منا لو ارتكب جريمه

كله ابويه اصبر وليدي

عمو انت اتزوجت واستقريت

وملاك هم اتزوجت واستقرت

وانته غلطت بالماضي وهاي الغلطه دمرت حياة البنيه

مع ذلك لازم ينتهي كلشي وكلمن شاف طريقه وفضت راحت

ابني انت موطفل حتى نكعد ننصح بيك ونعلمك

البنيه ع ذمت رجال

بس اني وياها واحد يحب الثاني

اني اتزوجت بس ع مود اسكت اهلي

والي اعرفه ومتاكد منه
ملاك كذلك والدليل ع ذلك لحد الان ملامسها زوجها

عيوني صار بكصتي يعني حتى بهاي يعرف

ردت اكوم وقررت اله انهي حياته واخلص

بس ابويه اشرلي اكعد

عمو بس تكمل السنه راح تطلك ملاك

واني راح اتزوجها

حجت ملاك كالت

بس انت ماالك حق تقرر نيابه عني

اني مااتزوجك لو تبقى بس انت بالدنيا

لج ملوكه ادري بيج انت تحجين هيج ع مود بيت عمج وماالومج

بس لازم تصيرين قويه وتواجهيهم

اني هنا فقدت اعصابي

اني متاكد صدك لان احنه هنا يمها هيج تحجي

كتله اجيبها الك من الاخير
ملاك مراح اطلكها لو تموت

زوجتي وراح تبقى زوجتي للموت

وهسه لو تكوم منا لاامسح بيك الكاع

اني ساكت احتراما للامام ولابويه

لعد كوم خل نتحرك شويه وخل نصفي الحساب البيناتنه

كتله كوم لك اني اعلمك

كمنه اثنيناتنه

ملاك كامت تبجي

الله يخليك علي اهدأ

ابويه كام يحجي

انتو شنومن بشر انتو معقوله ناس مثقفين لعد شخليتو للناس الهمج

لزمني ابويه

الناس كلها صافنه بوجهنا
والله للموت ميدور لساني ع لسانك اذا رحت ويا واتعاركتو

وانت ابني روح لحال سبيلك

الله ومحمد وعلي وياك

كام يضحك

يله عموهاي لخاطرك ولخاطر ملوكه راح اروح

ضربته بوكس خليت دمه يجري من حلكه

كال هينه اضمها الك هاي الضربه

اله اخليك تتندم والله

بس ارجعها ارجعها

راح مشه

اني افور دم

رادت تحجي ملاك

سكتتها

انطيني الورقه الي انطاجياها
ذبيتها

ليش

هيج خفت

من شنو تخافين

مااعرف

المفروض اذا انت بريئه متذبيها تراوينياها

حسابج بالبيت

حجه ابويه

ابني هدي ميصير هيج انفضحنه كدام الناس

يابه اني متحمل وساكت ع اعصابي

مخليتني طرن

تخابره وتتراسل ويا دائما

وهي الي مواعدته اليوم

لا والله عمو جذب

ملاك : قررو يرحون للنجف اني رفضت
لان روحي طالعه من الدنيه

وكلبي علمني راح تصير مشاكل

بس اصر اله اروح

رحنه وصلنه

رحت زرت اني والبنات وخاله

ذبيت هموم كلبي كولهن

حيل ارتاحيت ودعيت كون الله يفرجها عني

طلعنه جابولنه ريوك

بديت اكول بلفتي

اجتني بنيه وفاجأتني

انطتني ورقه وكلتلي يسلم عليج حبيبج زيد

ارتبكت حيل واحس بنفسي صخنت

شجابه زيد لهنا وشمدري بيه

اريد اعرف بعد اكل مااكدر
متنبلع الكمه كامت

خلصو ورادوا للسوك

اني خفت اروح وكلت خليني هنا يم عمو احسن لا انفضح

ابد مقريتها الورقه باللحضه شمرتها بالحاويه

محابه اسمع شي منه

وهذا الشي جان غباء مني

المفروض اخبر عمو بكلشي

صار كبالي زيد انصدمت بي

وبنفس الوقت امتلكني الخوف

سلم علينه

اني ابد مرديت السلام

اشو هذا كعد كبالي

لويش متردين السلام بنت خالتي ملوكه

السلام لله
سكتت عمو هم متفاجأ مثلي

بده يحجي وي عمو ويساله عن صحته وعمو همين ساله عن بابا وعن اهله

كله صدفه اجيت ازور وشفتكم كبالي

شعجب وحدكم جايين

لا مو وحدنه راحو للسوك

التفت عليه

وانت ملوكه شعجب مرحتي وياهم

تحبين اخذج اني

عمو راح ادخل ازور لان المكان بعد مينطاق

بهالاثناء اجه علي

ومن بعيد جانن عيونه تجدح نار

حيل خفت منه ومن ردت فعله

بدت مشاحنات هو وزيد

وضربه لزيد
وبعدها كعدو يتفاهمون

وانتهت بعركه

بعدين زيد راح

بقه يحجي عليه

بعدني ممدافعه عن نفسي

وكلت لعمو جذب والله

جان بصفه بطل مي

ضربني بي ضربه قويه حيل وكع بعيني البطل

حسيت انظار العالم  كولها عليه

حيل فشلني

محجيت شي بعد

بده يحجي وي عمو

يابه هاك اقره الرسائل وانت احكم

سرقت جهاز لجين وتتراسل ويا بالسر
تنطي تفاصيلنه بالظبط

دموعي بدت تنزل

والله ياعمو جذب مستحيل اسويها

انجبي واسكتي لا اكوم ابتلي بيج هنا كدام الناس

عمو كله ابني سد الموضوع نهائي لمن نوصل للبيت ونتفاهم

عافنه وراح

كمت ابجي

والله ياعمو اكرها لزيد ومستحيل اسويها

بس ماكو دليل ع هذا حجيج

اني متاكد متسويها

بس الادله كلها ضدج برتيني زيد انطاج ورقه

والله ياعمو حيل خفت ومفكرت بعد

اصلا ماقريتها ابد

بس ياعمو انت قاضي معروف معقوله متكدر تثبت برائتي
بنيتي مو مسالت قاضي

زيد لاعبها عدل اكيد وحاسب حساب لكلشي وممخلي ورا اي دليل ضده

ولتنسين انت اعترفتي تحبينا ويحبج

والصور والرسائل

يعني كلشي ضدج

بس ان شاء الله تظهر عن قريب

الله يسمع منك

والله ياعمو بده يضربني علي ويهيني

ويكولي انت خدامه هنا

وسكتت محجيت شي

بس يتهمني هيج مااقبل

يصير خير عمو

اسكتي راح يجون

ومااريد احد يعرف بالموضوع
دقايق ورجع علي

جان يدخن اول مره اشوفه يشرب الجكاير

كعد كله عمو

علي اول شي هذا الموضوع بس بيناتنا ابد ميطلع

ومن نوصل للبيت نتفاهم ع كلشي

وثاني شي من شوكت وانت تشرب جكاير

من يوم الشفت بي وجه الشيطانه لليوم واني اشرب

بس مخليت احد يحس بيه

المفروض من عمي ميسميها ملاك

يسميها الشيطانه افضل بهواي

حيل غثني بس ساكته

كام عمو كال اروح للمغاسل وارجع

بقينه بوحدنه

دموعي تجري مااسيطر عليهن ابد

اسمعيني زين والخلقج اله اخليج تتندمين ع الساعه الي نولدتي بيها
مو شفتيني ساكت عنج معناها تلعبين جوله

تتواعدين ويا هنا يعني شنو معناها

عبالج محد راح يحس بيج

بس خل نوصل للبيت ويصير خير

اني لو متواعده ويا مجان خليته يجي يمنه جان رحت بمكان معزول

هاي هي بمكان معزول حتى تاخذون راحتكم بي

المفروض تحجزون غرفه بفندق بهاي عندج حق

سكتت مجاوبته لان مااعرف شاحجي

بس مراح اروح وياك اريد اروح وي عمو

شنوووووو ....... شنووووووو

باحلامج هذا الشي يصير

مااروح وياك والله لو اموت

لا يعيني راح ترحين وغصبا ماعليج

وراح اخنكج خنكه تخبل
وهسه تمسحين دموعج وتنجبين وتسكتين وتتصرفين طبيعي

عيني الضربني بيها حيل توجعني واحسها ورمت

بهالاثناء اذن الاذان

اجه عمو كتله عمو اريد اتوضه

روحي بابا هاي المغاسل مقابيلج

هذا طفر جنه مخبل

اني اخذج بيدي وارجعج بيدي بعد مااثق بيج

سكتت مجاوبته

رحنه اني ويا وجان ازدحام حيل

لزم ايدي ومشه

بعدتها عني

رجع لزمني مره لخ  وجان يعصرها حيل قوي

يله ادخلي بسرعه وتعالي

غسلت وجهي  اباوع ع عيني حمره دم ورمت حيل

البطل جان بي مي واجتني الضربه قويه حيل
اتوضيت ومشيت

اخذني بالكوه للمفرزه الطبيه الي موجوده يم الامام

كللهم طفل ضربها بعينها

كالوله منكدر ننطي شي اله دكتور اختصاص مالت عيون

رجعنه لكيناهم جايين

كلها اتفاجأت بعيني

كللهم علي هذا الطفل ضربها بالبطل

تخبلو كلهم

صلينه وكملنه

بدن البنات يراوني الي اشترنهن

وخاله انطتني علاكه

اتشكرت منها وكتلها والله هواي عندي ماكو داعي

كالت ميخالف حتى لو هواي عندج

احس لجين وهدى فرحانات
كالو خلي نروح للمطعم نتغده

كامو للمطعم

دخلنه الكول طلب اكل

اني مطلبت شي كتلهم مااشتهي

مقبلو كلهم

والله ابد مااشتهي

لو جوعانه جان طلبت

علي كلي

ملاك اطلبي اكل بالتي هي احسن

احسن ماافشلج هنا كدام الناس

التفتت ع عمو

والله ياعمو مااشتهي بس اجوع اكول

صار عصبي علي حيل

اللهم طولج ياروح
طلب الي بكيفه

كلي عمو اكلي قليل واسكتي خلي يفك ياخه عنج

والله من صدوك مااشتهي وعيني ذبحتني ذبح

كال سجاد خل نوديها لدكتور عيون حيل متاذيه عينها

علي كال لا ماكو داعي منا لليل تصير زينه

تحجي صدك انت

دشوفها انمردت مرد

لا ماعليها شي

فشلني كدامهم

اجه الاكل

سويتلي لفه زغيرونه

كوه كدرت اكملها

انطيته لسجاد شفته خلص وجبته

كتله اكله مااريد بعد

كملنه ورحنه بعدها للكوفه
زرنه وخلصنه والعشه صار هناك

اخذونه دجاج شوي سفري واحنه كاعدين مقابيل مسلم اتعشينه

اني هم انقش تنقش

يمكن اول مره اجي للكوفه مجايه قبل

بقيت ادعي هواي كون الله يفرجها عليه

بطلت مااريد تظهر برائتي

اريد زيد وعلي يفكون ياخه عني

سجاد كام يضحك عليه

لج عصفوره انت حتى العصافير ياكلون اكثر منج

كتله والله مااشتهي ابد

خلصنه بعدها رجعنه

صعدت وي سجاد

علي تخبل بس عمو منطاه مجال يحجي

ومرينه ابيت عمو ع مود البنات
كال عمو تعالو للاستقبال انت وعلي

وكال مااريد احد يزعجنه ابد

كتلها عمو الله يخليك خليني هنا والله راح ياذيني

كلي علي يله كومي

كله عمو خليها الليله

وباجر نتفاهم

يابه ابوس ايدك لتتدخل بيها

خل تولي تاخذ راحتها هنا

واكيد راح تنزل روسنه

لك بابا انت عاقل وفاهم ميصير تحكم عليها بدون دليل

لا بعدين تتندم والله

يابه لا اتندم ولا بطيخ

عمو فدوه اروحلك خل يطلكني مااريد ابقى ويا

اشوهجم عليه مثل المخبل
بده يضربني

كوه عمو خلصني منه

لج كلبه حقيره تردين تطلكين حتى تتزوجينه لهالساقط

لو تموتين مااطلكج

عمو كله علي لهنا وكافي احترم نفسك واسكت

اتمالك اعصابك لاتخلي الشيطان يركبك

يابه رجاءآ لتشجعها عالغلط

وخليها تروح وياي بدون مشاكل

خليها لباجر واني اجيبها بيدي

لا يابه مااخليها ولا دقيقه

يله ولج امشي اطلعي كدامي

طلعت بدون صوت

حيل اذاني وعيني توجعني

عمو زعل علي

اخذنه اني ولجين وراح
وصلنه للبيت رحت دخلت للغرفه

كاعد احضر ملابس حتى ادخل للحمام اسبح

لان سفر وتعب

اشو دفر الباب علي ودخل

شكاعد تسوين اكيد ادورين ع الجهاز

دفعني حيل

ووخرني بده يدور الكنتور كله

مخله مكان يعتب علي

خله الملابس ع كبر الكاع

احجي ولج وين ضامته الجهاز

سكتت

مو احجي وياج

هم سكتت لان مااعرف بيا لغه احجي ويا حتى يفتهمني

ضربني راجدي
من احجي وياج غصبا عليج تحجين

مو مدا اعرف بيالغه احجي وياك

راح احاجيك بالانكلش بلكي تفهمني

I do not have any device

علي : فقدت اعصابي ع الاخير وي ملاك

سيطر عليه الشيطان
اول مضربتها بالبطل

وكع بعينها

اني مجنت متقصد عليها بس حالة عصبيه

حيل اتاذت عينها

وصارت حمره

رفضت تاكل وتشرب

وبالكوه يله اكلت

لحد هذا اليوم اني ممعصب لهالدرجه مثل اليوم

يعني وصلت وياها تتواعد وي هالحقير

رجعنه للبيت وطلب ابويه ابقيها

رفضت

اشو هاي طفرت خل يطلكني

اني هنا فقدت اعصابي

بديت اضرب بيها
اكثر كلمه نرفزتني الطلاك

اني صحيح مقرر اطلكها بس مو بهالصوره

تضحك عليه وتستغفلني واتخابر وتتواعد

ابويه كوه خلصني منها

احلى شي بملاك متراددني ولا تعاندني

سكتت

بس حسيت بنفسي اذيتها حيل

اخذتهن هي ولجين للبيت

دخلت هي كبل

كلت خل الحكها للغرفه بسرعه بلكي تحاول تتصل والزمها

دخلت ولكيتها مدري شتسوي بالكنتور

دفعتها حيل وبديت افتشها للغرفه وللكنتور

مخليت مكان يعتب عليه

بس اي اثر للجهاز ماكو
سالتها وين ضامته

ساكته ولاكانو احجي وياها

سالتها مره ثانيه نفس الشي

ضربتها راجدي وكتلها غصبا ماعليج تجاوبيني من احجي وياج

كالت مو مااعرف بيالغه احجي وياك

حجت بالانكلش

لااملك اي جهاز

لج ملاك لو اكولج الشيطانه يلوكلج اكثر

طلعي الجهاز احسن من مااذيج

يعني شنوالحل وياك

شديت كاميرات بالبيت كوله وبعدك تشك بيه

اي اكيد اشك بيج

الحل الوحيد هسه

تبقين بالصاله ليل نهار
ممنوع ادخلين الغرفه اله لو اني وياج لو لجين

حتى تنامين بالصاله

حتى تصيرين مقابيلي ليل نهار

مثل متريد بس جوز مني

وهسه يله اطلعي كدامي

اخذي مخده وبطانيه وروحي للصاله

بس خلي ارتب الغرفه واطلعلي ملابس اريد اسبح

لعد راح ابقى يمج لمن تكملين

كعدت عالجربايه وبديت اراقبها

الغرفه مكلوبه كلاب

حلوه هاي الج

محجت شي

رتبت الغرفه واخذت ملابسها

كتلها اريد اروح انام
طلعي المخده والبطانيه

لان راح اقفلها الغرفه

وممنوع ادخلين بيها اله لو اني لو لجين وياج

ماحجت شي قررت اراقبها مراقبه حتى متسوي شي وتجبرنه نقتلها

لان بس الزم شي عليها يجوز باللحضه اني الي راح ارتكب جريمه بحقها

طلعت خلت المخده والغطه بره

دخلت للحمام

اني الغرفه قفلتها

رحت لغرفتي بدلت وجنت حيل تعبان

لكيت لجين نايمه

كعدت شويه ادخن جكاير

اني مااشرب الجكاير ابد

بس من اعصب
من يوم العرفت بي ملاك لليوم اتحولت حياتي لجحيم

شاد الكاميرات ع موبايلي

فتحته الجهاز

صارت مقابيلي

تعدل بالمخده حطتها ع الطخم ونامت

اني هم نمت

ثاني يوم كعدت لكيتها كاعده قبلي

مسويه ريوك وجاي

خلتهن كدامي وراحت

تريكت وبعدها طلعت

كل شويه وافتح الكاميرات

اراقبها جانت هادئه

لو بالمطبخ تطبخ

لو بالصاله
كعدت لجين يمكن بالوحده الظهر

لجين متعرف شاد كاميرات بالداخل

وحتى ملاك طلبت منها وحذرتها اي احد يعرف بهذا الشي

طلبت لجين منها تسويلها ريوك

هاي الثوله سوتلها وسكتت

اني مااقبل تصير خدامه لهالدرجه

مااقبل لجين هيج تتامر عليها

رجعت للبيت

رادت تصب ملاك الاكل

ماقبلت

كلت لجين كومي انت صبي

كلتلي عوفها تصب

ملاك ولا كانو احجي وياها

اعتقد حجي واضح الجن اثنينجن
انت روحي مااحب اشوف شكلج

وانت كومي صبي غده

اني بداخلي مو صدك مااحب اشوفها

بس حبيت لجين تكوم وتشتغل مو بس تاكل وتنام

صدك عافتنه وطلعت

صبت الغده واتغدينه وكملت

كلت لجين اغسلي المواعين

هي تجي وتغسلهن

بس مااعتقد خدامتج وهيج تعامليها

هي قابله انت شعليك لتدخل ابيناتنه

لجين لتخليني اتصرف تصرف وياج مو حلو اسمعي الحجي واسكتي

غسلت المواعين

رحت للغرفه ارتاح شويه

لكيت ملاك نايمه ومغطيه وجها
اجت لجين

كلتلي ليش عايفه غرفتها ونايمه بره

هذا الشي ميخصج وياريت متدخلين

هاي شبيك هسه اني شحجيت

لجين نعسان وتعبان لدوخيني خليني انام شويه قبل لااروح للمكتب

عفتها ونمت

شويه ودك المنبه

كعدت بدلت وطلعت

كل شويه وافتح كاميرا

بعدين كلت شلون مسالتها خاف تحتاج شي من الغرفه

شويه وخابرتني لجين كالت راح يجون اهلي ويتعشون هنا

كتلها هله بيهم

تعال من وكت
الله كريم

روحي انطي الجهاز لملاك خل اسالها شعدنه

حجت وياي صوتها ناعم وساحر

سالتها

شعدنه بالثلاجه بالمجمده

بيت خالي راح يجون

كولشي عدنه

تكدرين تشوين دجاج لو اجيب وياي

اي اكدر

اذا تحتاجين شي كولي لجين وهي تكلي

اوك

طبكته

رحت للبيت من وكت

لكيت بيت خالي كلهم جايين
جبت وياي صمون وخبز وحلويات

سلمت عليهم

ودخلت بدلت

اتذكرت غرفة ملاك مقفوله

اخذت المفتاح ورحت للمطبخ

خليت المفتاح ع الكاونتر

هذا المفتاح افتحي الغرفه وادخلي

محجت ولا نطقت بحرف

عفتها ورحت يمهم بالصاله

لكيت المخده والبطانيه ماكو

مااعرف وين مخليهن

وره شويه كلت ال لجين روحي شوفي العشه

راحت وصاحتني

كالت تعال وياي
بدينه ناخذ بالاكل

مسويه كباب وكبه وسمبوسه وفنكر

وشاويه دجاج ومسويه بيذنجان

ومسويه سلطه انواع وخضره وفواكه

الصراحه حيل اتفاجأت جنت لازم كلبي خاف مو طيب الاكل واتفشل

بس طلع حيل طيب

خالي كال خل تجي بنت عمك ويانه تتعشه

كتله ممتعوده تتعشه من وكت

لجين كالت بابا عوفك منها شايله خشمها متاكل وي اي احد اله بوحدها

كال خالي والله امانه البنيه لهذا اليوم ملمحت شكلها ولافكرت يوم تدخل وتسلم علينه

كالتله لجين اي مو اول شي مغروره وشايفه نفسها وع شنو ماادري

وثاني شي علي مانعها تدخل يم احد
لا والله خالي مامانعها ابد الله شاهد

بس البنيه تستحي

كال والله ياخالو مبين عليها

البنيه حبابه اكيد

اكلك خالو اليوم اني مقرر لو تجيني تسلم عليه لو اني ادخللها للمطبخ واسلم عليها

لاخالي هي تجي تسلم عليك اكيد

خل نكمل العشه

بيت خالي جايين هو وخاله وابن خالي هو وزوجته وابن خال ثاني ممتزوج

كملنه العشا

وطلبت من لجين تاخذ المواعين

رحت للمطبخ وحجيت وي ملاك

تعالي سلمي ع بيت خالي وجيبي الجاي وياج

مااكدر ادخل اعذرني
بس اني مطلبت رايج

واني هم كاعد اكولك ماادخل

لا غصبا ماعليج ادخلين

راح ادخل قبلج لحضات والكيج يمنه

عفتها وطلعت

ملاك : علي بده يهيني اكثر من اللازم وحيل اذاني بالشك

رتبت الغرفه الي هوسها

وبعدها اخذت ملابسي وطلب مني انام بره الغرفه

رحت سبحت وبعدها نمت ع الطخم

كوه كدرت انام

هم بارده حيل وهم مو مريح

كعدت وي الاذان صليت وبديت الهي بنفسي بالمطبخ

وسويت ريوك لعلي

كعد اتريك اني رجعت نمت
بعدها كعدت سويت الغده

كعدت لجين وبس تتامر عليه سويلي ريوك

وهيج اطبخي للغده وهذا مااحبه وهذا احبه

سكتت

نفذت الي تريده

اجه علي وردت اصب الغده بس رفض وكال مااحب اشوف شكلج

حيل ضوجني وااذاني

رحت نمت

بعدها كالتلي لجين راح يجون اهلي

وخرت المخده والبطانيه صعدتهن فوك

انطتني الجهاز وحاجاني علي ع مود العشه

سويتلهم اني واجوي وابد مدخلت يمهم

اجه علي وجاب المفتاح مالت الغرفه

طبعا قررت ماادخل للغرفه بعد لو شيصير
بالليل اخلي علي يدخل وياي بس اطلع ملابسي والاشياء المهمه

اتعشوا وخلصو واجه علي طلب مني ادخل اسلم عليهم

اني استحي منهم مابودي اراويهم وجهي بعد عملتي السوده

كلت ماادخل لو شيصير وعيني ممروده من جها

دخل ومقبل ماادخل ولا انطاني مجال احجي

بقيت حتى الجاي مصبيته لمن يجيني احد يله اصب اخاف يبرد

وره شويه دخل علي وجان اعصاب

ليش صايره عنوديه

تحبين الاهاين كل شويه لو اتعودتي ع الضرب

مو عيب من خالي صارله شكد منتظرج

شنو انت تستنكفين من ادخلين وتسلمين

امشي كدامي سلمي عليهم لا والنبي ااذيج

بس مو بالكوه تجبرني ادخل
مااحب ادخل ع اي بشر

جرني من ايدي حيل

انت الظاهر ميفيد بيج الحجي

هاي شبيك علي مو بالكوه ادخلني

ولا اهتم للحجي

بس خلي اعدل حجابي اصبرلي

وجان ......

لتنسون التصويت حبايبي

باي وقت يوصل التوصيل 1000 انزل بارت مفاجئ