بارت١٧
#انكسار_فتاة_بريئه
القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545
مساء الخير ع اجمل متابعين اتمنى لكم قراءه ممتعه
#البارت 17
🍀🍀 انكسار فتاة بريئه 🍀🍀
🍀🍀 للكاتبه رونق 🍀🍀
كمت اصيح عليها
متفضيها شبيج صافنه جنج حيوان مو كتلج جهزي نفسج
مو عمو كلك خل ابقى
بس اني دا اگلج جهزي نفسج ويله بدون لغوه زايده
هاي شبيك يابابا مو كتلك خليها وي البنات
لا يابه غير وقت لجين خطيه تبقى بوحدها
شنو هذا حجيك علي
يعني يوميه عايفينها وحدها لملاك اشو متكول خطيه
مو هذا قصدي جان بس اتعودنه عليها
ع راحتك يايه بس كلت خطيه خل تغير جو وي البنات
غير وقت ان شاء الله
افور دم احس نار تطلع من عيوني
سقت سريع اريد بس اوصل للبيت
وصلت للبيت دخلن كدامي
كلت ال لجين عندي موضوع وي ملاك
مااريدج تزعجيني ابد ولا ادگين الباب لمن اجي
شنو عيني ناوي تنام وياها حتى اكلب الدنيا
لج لتصيرين ثوله لو اموت مااتقرب الها
بس اريد اللوي اذاناتها شويه
ليش شمسويه
مو كدامج تعاندني وتريد تبقى يم اهلي
ها اذا هيج روح
رحت لغرفة ملاك لكيتها مقفوله
اتخبلت بالزايد اني منبه عليها متقفلها ابد
كمت ادك سريع فتحتها
وجانت متفاجئه
ضربتها اني مو كايلج لتقفلين الباب ليش تحبين تعاندين
مو دا ابدل والله وكلت بس اكمل افتحها
بس اريد اعرفج شنو من طينه انت
لج اهلج متفكرين بيهم وهسه احنه هم متفكرين بينه
بديت اضربها
وهي مسويه نفسها متعرف ليش هيج اسوي
ملاك : حيل اتاذيت من علي بده يشك بيه هواي
وعباله اني وزيد ع تواصل
مايدري بيه لو اموت ماافكر بزيد ابد
بالليل كلي باجر اخذج يم اهلي حيل افرحت
كلت اغير جو وي البنات وبلكي اشوف اهلي بالصور ويسولفلي ع الحفله
ماكدرت انام من التفكير والفرحه معقوله باجر راح اكدر اشوف اخواني واخواتي حتلو بالصور
بعدين نمت واخذتني النومه
لمن كعدني علي
رحت لبيت عمو بس لجين هم اجتي ويايه
حسيت خاله ام علي هم فرحت من شافتني
سلمت ع الكل
هدى مجانت جوه
عمو راح للدوام
خاله مجان عدها دوام هي والبنات لان عطله
استغربت من شفت خاله والبنات يسولفن ويايه ويضحكن
كتلهن خلي نسوي حمله ع المطبخ
ادري بخاله ميعجبها شكل المطبخ
بس جان عدها دوام ومتلحك
كمنه اني والبنات نزعت ملابسي ولبست فستان بصلي
سالت خاله ع الغده
كالت ماعليج اني اسوي كبه سلك وي اللحم
كالت كملن واصعدن فوك
بعدها سوينه ريوك واتريكنه
خلصنه وصعدنه
كتلهن سولفلي بالبدايه خاله مو جانت مانعتجن مني
كالن هاي من زمان هسه لا كالت خطيه احجن وياها
لعد تعالن سولفلي ع الحفله بالتفصيل وراوني الصور
حجت نرمين كالت حلوه الحفله صارت رغم ماعائليه
اجن اخواتج اثنينهن وجانن حبابات واجه سرمد وزوجته بس ابد محبيتها
جانت شايله خشمها ومو مريحه ابد
لج هي هاي سبب همي وتعاستي كولها
لو ما متفقه وي اخوها مصار الي صار
بدن يراوني بالنيشان والذهب
كتلهن اهم شي اريد اشوف الصور
بدن يراوني بالصور احس گلبي انقبض حيل
شفت الكول فرحان ويركص
الظاهر ناسيني ع الاخير
اباوع ع تقى ولمى اخواتي فرحانات ع الاخير
دموعي كامن ينزلن انهار مسيطرت ع نفسي ابد
وخرن الموبايل من ايدي
كالن كافي
كتلهن لا عفيه خلي افرغ الي بكلبي حتى ارتاح
معقوله محد سال عليه
محد كال وين ماهي
محد كال شلونها زينه موزينه
محد كال مرتاحه عدكم لو لا
محد كال عليه خطيه بس خل نشوفها لحضه
كوه كدرت انام بالليل مشتاقه اشوفهم كولهم حتلو بس بالصور
وحتلو ميردوني
خطيه البنات يبجن ويايه
كتلهن وغلاتهم عندي مفكرت بيوم انزل روسهم ولا خنتهم ابد ومظلومه والله
والله نعرف بس شبدينه عليج
كالت حنين لج نرمين بس تتزوجين ماهر اخذي حق ملاك منه
يوميه شبعي كتل
كمنه نضحك شويه
طبعا نسيت الضحك ونسيت الفرح
صاحتنه خاله للغده
نزلنه لكينه عمو وعلي جايين
صبينه الغده ولجين اخذت الغده وصعدت فوك
كعدنه سويه اتغدينه
وبعدها راحو عمو وعلي
كالن البنات خل نسوي كيك
سوينه الكيكه وبعدها كتلهن خل انظف الصاله وغرفة عمو
بدينه انظف ورتبنه البيت
وجهزت الكيكه
نرمين اخذت لخاله وصبينه الها جاي
اذن الاذان صلينه وخلصنه
بقينه فوك بغرفة البنات
بعدها نزلت لخاله سالتها ع شكم اكله مااعرفلها
علمتني بيهن
بعدها اجوي عمو وعلي واتعشينا
عموطلب من علي ابقه وفرحت لان هناك احس بوحده مو طبيعيه
بس اتفاجات برفض علي
وكام يصيح عليه كدامهم
يكل لعمو مااكدر اعوف لجين بوحدها
واني من ابقى بوحدي عادي
رحنه للبيت بس حسيته مو طبيعي ومعصب ويسوق سريع
وصلنه للبيت ودخلت للغرفه قفلتها عليه لان اريد ابدل
اتفاجأت بالباب يندك قوي فتحته علي صار كبالي بس نارصاير ومااعرف شنو البي
ضربني وكلي لويش الباب قافلتها
كتله لان ابدل
اشو هذا فقد بس يضرب بيه
اريد اعرف ع شنو ولويش يضربني
بس منطاني مجال
حيل اذاني
بعدين كلي والله الج مهله خمس دقايق اذا مطلعتي الجهاز
ااذيج والله
هاي شدتحجي انت من كول عقلك عندي جهاز
شكم مره فتشتني شكم مره حلفتلك
والقران ماعندي اي جهاز
ضربني بوكس خشمي وحلگي كامن يجرن دم
حيل اذاني بهاي ضربته
لتحلفين بالقران
لج انت شنو من بشر
هستوني يله اعرفت ليش اهلج حتى محد يسال عليج
لان متاكدين من نذالتج وخيانتج
انت المفروض ميسمونج ملاك
المفروض يسموج شيطانه
هسه اريد الجهاز الي تراسلين بي حبيب الكلب
لج حقيره شلون تفكرين انت بذمتي وتحجين ويا وتفتحين كام ويا
وتنطي تفاصيلنه
انت منيلك هذا الحجي
هو دزلي رساله متوهم بيها ع اساس الج ووصلت بالغلط
بس والله العظيم ماالها صحه
بعدني ممكمله رجع ضربني
مااريد تحلفين ابد
لان مااصدكج ابد
سكتت بعد محجيت شي
كومي طلعي للجهاز
سكتت
مو دا احجي وياج
الصدكتني والمصدكتني ميهمني
ماعندي جهاز ابد
اذا تحب شد كاميرات بكول البيت وراقبني
بديت امسح بالدم انمليت ملي
جبت كلينكس وبديت امسح بي
روح جيب لجين هم خل تفتشني
واذا حاب انت هم فتشني متفرق عندي بعد
لتبقى يوميه جايبلي سالفه
لا والله ابقى وراج وراج لمن تنطيني الجهاز
لا والله نهايتج ع ايدي
حيل ضوجني بحجيه
وبديت اكرها لعلي
اني هواي اتساهلت وياج وانطيتج مجال اكثر من اللازم
بس منا ورايح اني اعرف شاتصرف وياج
لاهلي بعد مترحين ابد
ابقي هنا خدامه لا اقل ولا اكثر
سكتت وبقيت التهي امسح بالدم
عافني وطلع
رحت اباوع لوجهي مشوه
اخذت ملابس ورحت للحمام
بديت امسح بالدم
بعدها سبحت
بس دموعي تجري
جان علي وياي زين هسه مااعرف شبي
حيل اذاني بالضرب
كملت وطلعت
لكيت علي كبالي
يباوعلي من فوك لجوه
نظراته غريبه
دخلت للغرفه اشو هذا هم دخل ويايه
كلي ها خابرتي لحبيبج
فتحتي كاميرا
هاي انت تحجي من كول عقلك
بيك شي اليوم
بلا لغوه وتعاي افتشج
علي لهنا وكافي تره مصختها
وذليتني بما يكفي
تعال من الاخير شنو التريده مني
اريد افتشج
ماارتاح لمن اطلعين الجهاز
دموعي تجري اتقربت علي
علي متاكد انت محامي وانسان مثقف
هاك فتشني
بس وداعت عمو راح اخليكم كلكم تتندمون ع الي سويتو بيه
كمت ابجي بصوت ....... الله كريم تهون
بس ثق بالله والرسول راح اخليكم تبجون ابدال الدمع دم
بكول عين صلفه فتشني
وجسمي رجف من لمسني
من وره هاي سوالفج راح تجبريني مااطلكج
وراح اخليج معلكه هيج مجرد خدامه
بس تحلم بهذا الشي
الله عادل مستحيل يخليني هيج
لابد تظهر الحقيقه وذاك الوكت راح اطلكني برضاتك او بدون رضاتك
ها وهسه من فتشتني ارتاحيت
بس احب اكولك شغله وحده
اني شكد جنت احترمك
بس هسه احب اكولك وبوجهك مو من وراك احجي
احتقرك واكرهك فوك متتصور
مو مهم عندي لان اني هم احتقرج واكرهجً
اخر تحذير الج مو من صالحج تراسلين ابن خالتج
والله اعاند وياكم واخليكم تتندمون
عافني وطلع
لو اعرف شبي وشسامع جان ارتاحيت
بقيت ابجي لمن نمت
كعدت الصبح اباوع ع وجهي مورم حيل
بقيت بالغرفه وابد مطلعت
كلت بعد مااسوي شي شنو جايبني خدامه
اتوضيت وصليت
اجتني لجين
كامت تصيح كومي سوي غده
مجايبينج بس تاكلين وتنامين
محجيت شي عفتها تحجي لمن ملت
عافتني وطلعت
اليوم اله اعاند وياهم وكلولشي مااسوي واعلمهم منو الخدامه
رجع علي من الدوام
دخل عليه جنه مخبل
عود عبالج من تعاندين حلوه
غصبا عليج اطبخين وتنظفين وانت الممنوه
اتجاهلته ولا كانو اسمع شي
سويت نفسي مااسمع
سحب الغطى مني
اني اعرف شلون اخليج تكعدين وتحجين مثل البشر
اني خفت لا يتلمسني لو شو شيسويلي
طفرت كعدت
لج اسمعي والله ااذيج اذا مجريتي عدل
اني ساكته
راح اعاملج معامله تليق بيج وبمستواج الحقيقي
غصبا ماعليج تنظفين واطبخين وممنوع ادخلين للغرفه بس بالليل
بس اني مااعتقد خدامه عندك
خدامه وغصبا ماعليج
لان الاحترام ميجيب نتيجه
واني متوهم جنت بمعاملتي وياج
وديني لعمو ماابقى وياك ولا لحضه
حتى تاخذين راحتج هناك تخابرين وتتراسلين ماكو حساب
رجاءآ احجي عدل
ولتجفص بالحجي
اشو هذا ضربني راجدي
لتتجاوزين بالحجي
بس اني محجيت شي
اطلعي كدامي روحي سوي الغده
حيل ضوجني
رحت للمطبخ بس افور دم
رحت سويت الهم غده
سويت كباب وكبه وطماطا
كعدوا وهاي لجين تسولف وتضحك بس تريد تغثني
بقيت الهي نفسي بالتنظيف
طلعت نضفت الحديقه ورتبها
ورجعت لكيت المواعين ع مكانهن
حيل انغثيت شنو اني خدامه عدهم
عفتهن ورحت انظف الصاله
صاحني علي جان بالمطبخ
اتجاهلته ولا كانو اسمعه
اجاني للصاله
شنو طرمه ومتسمعين
محجيت شي
روحي اغسلي المواعين
رحت للمطبخ غسلتهن بدون كلام
بس احس بنفسي اريد انفجر من القهر
اجه ورايه للمطبخ
سويلي جاي
سويت وصبيتله
بقيت حايره شاسوي ادري بي يريد حجه
كلت خل الهي نفسي اسوي كبه
خاله علمتني
طلعت لحم وخليته ع الطباخ
وطبخت التمن والبرغل
هو راح للغرفه
بقيت الهي نفسي مااريد اعاند مو من صالحي
ابقى هيج لمن الله يفرجها عني
بس اشوف عمو اطلب منه ارجع يمهم وبيوم اليجون اهلي اختفي بالغرفه مااخلي بشر يشوفني
وره فتره طلع علي
واني بقيت اسوي الكبه
بس مشكلتي مااعرف الفها للكبه
بقيت اكثر من ساعه بوحده اجرب لمن شويه ظبطتها
بس هم تموت من الضحك
بقيت للمغرب كملتهن
لجين ماطلعت من باب الغرفه بس لحضه وحده دخلت شافتني اسوي الكبه ورجعت محجت شي ويايه ابد
اذن رحت صليت وقريت قران
بقيت فتره بالغرفه اقره قران
سمعت الباب انفتح وره لحضات دخل عليه علي مثل المخبل
اني بعدني لابسه الاحرام
كام يصيح عليه
شلون وياج ناويه اكتلج وادخل سجن من وراج
والله خبلتيني
شنو من بشر انت ماادري
شمسويه اني
ضربني بكل قوه راجدي
هو شنو الماسويتي بعد
شنو تنطين تفاصيلج لهذا السكط ابن السكط
والله اعاند وياج لو تموتين مااطلكج ولا اخليج تتهنين ويا
هاي انت شدتحجي
من كول عقلك
يابه وحق هذا القران البيدي ماعندي اي جهاز ولا مراسله احد ابد
مااريد جذب ابد ولتحلفين لان مااصدكج ابد
لتصدكني واني هم ممجبوره بعد احلف وابرر
اذا حاب شد كاميرات بالبيت كوله وراقبني
لتضل كل شويه وتاهمني
هو هم هيج راح اسوي افضل
من باجر اشد الكاميرات واعلمج شلون تتراسلين
وخل يكون بعلمج بعد ممنوع ادخلين الغرفه اله بالليل
وهسه يله روحي شوفي شغلج سوي عشه
حيل انخنكت كوه سيطرت ع دمعتي
رحت سويت العشه
سويت كبه وفنكر وسويت زلاطه
هو جايب ويا صمون
كملت صحتهم واجوي
كعدو اتعشو وسويت جاي
اليوم لهسه مماكله شي وجوعانه هسه بس خل يرحون واتعشه
كملو العشه ولجين غسلت وتركت المواعين
حتى الجاي طلبه مني
حيل انهضمت وضجت
غسلتهن ونزلت دموعي
يعني من صدوك خلوني خدامه
مااعرف لويش يشك بيه هيج
راحوا بعدها لغرفتهم سويتلي لفه
وكعدت حاولت اكل رغم مااني جوعانه حيل حيل
بس كوه كدرت اكول نص اللفه والنص الثاني حطيته بالماعون كبالي
وجنت صافنه اكول وين جنت وين هسه صرت
لو ما زيد هسه اني اداوم بالكليه وبنص اهلي
الله ليوفقك زيد
فجأه لكيت علي كبالي
گعد كبالي وكلي
اسمعيني زين ملاك
هاي اخر محاوله وياج لازم تنطيني الجهاز واتركين زيد
مو من صالحج تتراسلين ويا وانت بذمتي
اني مااحب ااذيج بس انت كاعد تجبريني ع هذا الشي
تعبت من التبرير وهواي احلفت مليت
بقيت ساكته عفته يحجي وكمت مجاوبته
لزم ايدي ورجعني
من احجي وياج جاوبيني
ماعندي حجي وياك ابد
وخرت ايدي من ايده
كمت ضميت اللفه البقت وغسلت ماعوني
سكت هو وبعدها عافني وطلع
رحت لغرفتي بس روحي طالعه من الدنيا كولها
ثاني يوم رجع من الدوام وجايب ويا كاميرات وشدوهن وحده بالصاله وحده بالمطبخ وحده بالحديقه
من صدوك حسيت بالذل
بقينه هادئين لنهاية الاسبوع
اني يوميه حالي حال الخدامه
انظف واطبخ وماادخل لغرفتي ابد لليل يله
علي : عقلي راح يوكف اتمنى اندل الجهاز وين مخليته بس مليت
وهذا الحقير كاعد يستفزني بهواي اشياء
من رجعت من اهلي هواي ااذيتها لملاك وضربتها
وراها اتندمت حيل كلت خل اجي للغرفه اعتذر منها
بس من شفتها بالحمام اتخبلت اتذكرت بالرساله من كللها ادخلي بالحمام وخابريني
انتظرتها لمن طلعت
كتلها خل افتشجج
رفضت وجنت متاكد عدها الجهاز
صممت افتشها بيدي
وفعلا فتشتها
كلبي رجف من لمستها
واموري اتخربطت من اتقربتلها
بس كلت ملازم اضعف كدامها ابد
بعديت تفاجات هم ماكو جهاز
معقوله اطلع متوهم
ثاني يوم داومت واتصلت بيه لجين وكلتلي متقبل تطلع ولا تطبخ
كتلها اني اجيب وياي جاهز
وره شويه اجتني رساله من زيد
لك حيوان منو سمحلك تضرب حبيبتي وتخليها زركه
والله اجيك لنص بيتك واخذها غصبا ماعليك
تخبلت شمدري بيه اني ضاربها
اكيد مراسلته
رجعت للبيت وهم ضربتها
وكتلها غصبا عليج تخدمينه واطبخين
اباوع ع وجها احمر ع ازرك ع بنفسجي
كلت حيل وياها تستاهل وحتى اهلها من هيج يعاملوها تستاهل
لان طلعت وحده بلا اخلاق من صدك
راحت للمطبخ وجهزت الغده
وبعدها بدت تنظف
ارتاحيت شويه بعد الغده ورحت للمكتب
خليتها تسوي كبه
بالمكتب وجان تجيني رساله من هذا الحقير
لويش اتعبون حبيبتي وتخلوها تسوي كبه
تاكلون سم ان شاء الله انت والعوبه مرتك
اتخبلت اله شويه
وحاير مااعرف شاتصرف بهاي الحاله
رجعت للبيت ودخلت كبل عليها ولكيتها بعدها بالاحرام
يمكن من سمعتني اجيت لبسته
ضربتها همين وكتلها سوي عشه
ماادري بيها تاكل لا
كملنه العشه واتعمد اخلي لجين متغسل المواعين
اتغيرت معاملتي وياها
كلت لازم استشير ابويه شاتصرف وياها
عفتها وطلعت
بعدين كلت خل احاول وياها اخر مره
دخلت لكيتها صافنه وماكله نص لفه وعايفه النص الثاني
بس حجيت وياها تركتني وكامت
نرفزتني بهذا تصرفها ورجعتها وحجيت وياها
طلبت اشد كاميرات
وفعلا افضل حل
ثاني يوم شديت الكاميرات
وبديت اراقبها طبعا لجين متدري شاد كاميرات
محبيت افضحها لملاك وافضح نفسي
اكدت ع ملاك محد يعرف بامر الكاميرات
شديته بالجهاز مالتي
ابد متدخل للغرفه وتبقى بس تنظف
مصحلي مجال احجي وي ابويه
اتفق وياي كلي باجر سبت نروح للنجف الصبح ونرجع بالليل
كتله الله كريم
من يوم الشدينه الكاميرات لليوم متجيني رسائل من ابن خالتها
يعني معناها لان مراقبه
رجعت بالليل سوت عشه واتعشينه
كتلهن باجر نروح للنجف جهزن نفسجن من وكت نروح
طفرت هي كالت
اني مااروح لتحسبون حسابي
سكتت مكدرت احجي وياها كدام لجين
راحت لجين للغرفه
حجيت وياها
راح اسوي نفسي مسمعت شي
باجر ب8 انت جاهزه
بس مااريد اروح
مو بكيفج
لعد بكيف منو
بكيفي اني غصبا ماعليج ترحين
مو تردين تاخذين راحتج بوحدج
الصراحه هواي مصختها ويايه
وهنتني بما فيه الكفايه
اني مو طفله وماافتهم وطلعتني مو شريفه وساقطه
لعد اذا مو طفله اسمعي الحجايه
ب8 انت جاهزه
عافتني وطلعت
طبعا هواي ضعفانه لان متاكل زين
اني مااضغط عليها عفتها ع راحتها
ثاني يوم كعدنه من الصبح
دكيت الباب ع ملاك
لكيتها جاهزه
خابرت سجاد كال راح نطلع كتله انتظرني يم السيطره
رحنه وصلت للسيطره اجني البنات ويانه
وصلنه للامام
بالبدايه استقرينه بمكان وبعدها دخلنه نزور اني وسجاد وابويه
وامي اخذت نرمين وحنين وملاك
بقت لجين وهدى كالت لمن تخلصون
خلصنه زياره وطلعنه
ماما والبنات بعدهن
دخلن لجين وهدى
وره فتره اجن البنات وامي
راح سجاد كال اجيب لفات وببسي
لان جعنه
والغده بعدين ندخل للمطعم
اجن هدى ولجين واجه سجاد
جايب ويا لفات
بدينه ناكل بهالاثناء
اجتي بنيه زغيره شاورت ملاك وانطتها ورقه بدون محد يحس عليها
اني مراقبها ومراقب كل تصرفاتها وحركاتها
شفتها ارتبكت حيل
محد حس عليها من اهلي
وجها كام ينطي اللوان
كامت اللكمه كوه تبلعها
اباوع عليها خلصت بطل المي والقوطيه واللفه نصها بعدهي
ذبتها اللفه كالت مااشتهي
لجين وهدى كالن كومو خل نروح للسوك
البنات كالن نروح وي ماما
وملاك كالت ابقى يم عمو مااروح
كومي روحي ويانه شعندج هنا باقيه
مااروح اريد ابقه يم عمو
كلي ابويه اتركها يمي
رحنه وبقت ملاك وابويه
بس بالي ضل مشغول عليها وافكر بالورقه
وره شويه كتلهم دخت مااكدر اكمل بعد راح ارجع
رجعت وخليتهم بالسوك
وصلت قريب عليهم
وجان اشوف صدمة عمري .......
توقعاتكم حبايب شنو شاف علي
والورقه شتتوقعون منين ولويش البنيه انطتها لملاك
انتظروني بالبارت القادم
مااعتقد بعد هالتعب الي تعبته وياكم واكتب الكم مااستاهل التصويت
بس اذا معجبتكم القصه ع راحتكم لتصوتون بقت يمكم
والله التصويت ابد ميشجع بحبحوها شويه مراح تخسرون شي
Bạn đang đọc truyện trên: Truyen247.Pro