#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#بارت مفاجئ

اجمل بارت مفاجئ الى اجمل متابعين ولو التصويت ميشجع

بس شاسوي مينطيني كلبي تتوسلون بيه وماانزللكم

اتمنى لكم قراءه ممتعه

#البارت 15

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

اتفاجأنه بلجين كبالنه

علي طفر مثل المخبل

كامت تصيح هاي شتسون كاعد

كام يحجي علي ويصيح

انتي منو كلج ادخلين للغرفه بدون مدگين الباب

ها العفو نسيت المفروض ادك الباب لمن تغيرون الوضعيه

وبعدها يله ادخل

اليوم اكلب الدنيا عليكم

اتخونوني وانتو ابيتي

لج مخبله شاخون هاي زوجتي حالها حالج

لا عيني لازوجتك ولا شي

هاي حبيبة ابن خالتها لا تنسى مو ملكك انت هاي اول وتالي نهايتها لحبيبها

اني هنا حسيت بدوخه

علي :نصبنه الغرفه وكملناها وجبت عشا جاهز

لجين كلبت الخلقه

ملاك رفضت تتعشه ويانه ودخلت للغرفه

لجين بدت تحجي

شنو اثثت الغرفه كلشي جديد شبيها البرده القديمه والفراش
وهي ايام وترجع

كتلها لتدخلين وعود من ترجع لاهلي تبقى الغرفه النه

زين ليش جبتلها احلى من غرفتي ونسقتها بنفسك

يعني شلون قابل اخليها هي تطلع وتختار

والغرفه مالتنه احسن بهواي واني عاجبتني

واذا ع البرده والفرشه اني باجر اجيبلج جدد

بس اسكتي وشنو التردي اجيبه

اوك باجر العصر نطلع سويه

الله كريم

تموت ع الطلعه والسوك

انطيتها ع مايها اريدها تفك ياخه مني

الحقيقه غرفة ملاك اختاريتها احلى شي واغلى شي احلى من غرفتنه بهواي

والبرده نسقتها وي لون الغرفه من ارقى واحد عدنه والفرشه كذلك

مهتميت لا للسعر ولا لغير شي

مااعرف شنو السبب بس حبيت اختارلها ارقى شي

كملنه العشه وبعدها راحت لجين للغرفه كعدت ع الفيس

استغليتها ورحت صعدت للسطح سويت الستلايت كلت خطيه خلي تلهي نفسها بالمسلسلات

بعدها رحت يم ملاك

قررت اخذها باجر للمولات كلت خطيه اشتريلها ملابس

وعطور وشامبو واذا تحب تجيب اشياء للغرفه

بس عاندتني ومقبلت تروح

الصراحه اني امامها انسان ضعيف لاحول ولا قوه الي

احس شي يشدني الها واتمنى قربها

بديت اتقرب عليها وهي جانت خجوله بشكل وترجع للخلف واني اتقدم

اكثر شي يجذبني لملاك خجلها

منطقت ولا حرف حسيت بانفاسنا اختلطت

حسيت بكلبها يدك سريع ودكاته جانت مسموعه

بستها من شفتها وجان جسمها يرجف

احساسي جميل مينوصف بهاي اللحضه

اتمنى يتوقف العالم ومتخلص هاي اللحضه

احسها نصفي الثاني

اني بدونها انسان مو كامل

بس قطعت اللحضه علينه لجين من دخلت علينه دون استاذان

الصراحه حيل تعصبت منها لان ميجوز هيج تدخل بهاي الطريقه

وفوكاها هي الي تصيح وخنتوني

بس حيل ضوجتني من كالت حبيبة ابن خالتها

كتلها اسكتي ولتدخلين ابيناتنا

المفروض تصير عندك كرامه ومتتقرب الها

فضلت ابن خالتها عليك

وراحت نامت بحضنه وهي ع ذمتك وانت جاي تبوس بيها

تسكتين لا ومحمد ابتلي بيج

لج انت يالساقطه لو بيج خير جان صنتي نفسج ومشوهتي سمعتج

وسمعت اهلج

العتب مو عليك انت العتب عليها هي الي تغرك

بس والله اكلب الدنيا عليج بس تتقربين لو تحاولين تتقربيله

ملاك بس دموعها تجري منطقت ولا حرف

جريتها بالكوه ووديتها للغرفه شمرتها بالفراش

لسانج اكصه اذا حجيتي عليها

اي عيني دافع عنها  حقك خبلتك اكيد

يجوز تتنغوص فوك راسك

بس ياريت ماتنسى هاي وحده ساقطه بايعه شرفها

ضربتها راجدي

لهنا وكافي سكتتلج هواي

اكصه لسانج اذا جبتي طاريها بحجايه

كامت تبجي

اني تضربني ع مودها وياريت تستاهل

هسه توديني لاهلي بعد ماابقه يمك ولا دقيقه وخل تفيدك لهاي الساقطه

لجين العني الشيطان واسكتي لا وربج ادفنج عدله

رادت تتصل باهلها جريت الجهاز منها

انعلي الشيطان ولا تكبرين السالفه

ملاك مو غريبه بالنسبه الي هم بنت عمي وهم زوجتي حالها حالج

واني مااريدها ولا اريد قربها

لو اريدها جان من زمان اتقربت عليها

شتفسر البوسه

استفزتني بالحجي وردت اادبها

اصلا مااحبها واموت منها ولو تبقى بس هي بالدنيه مااتقرب عليها

بس شنو تادبها بالبوسه هاي وين لكيتها

مو ادري بيها تتخبل مني

لج مخبل اعوف الكمر اليمي واروح عليها

اي مضبوط متضحك عليه بهذا حجيك

طبعا ردت بس اسكتها شلون مجان وهيج حجيت

ولو ماالها حق تحاسبني بس مااريد مشاكل

قربتها الي لج لتصيرين مخبله

اني احبج الج وماابدلج بالدنيا

هدئت شويه

باجر نروح للسوك وشنو الي تردي اشتري الج

طبعا راح اغير رايي مااخذ ملاك باجر

بالي وعقلي وكلبي يمها

اخ لو ماجايه لجين

نمنه وثاني يوم جان دوام عندي اخذت لجين وياي همين

بالطريق وصيتها لجين كتلها ماعليج بملاك

تعتبر خطار عدنه اول وتالي راح ترجع لاهلي

تعرفين راح نرتاح بوجودها

نرجع نلكي الاكل جاهز والبيت نضيف

اني ماعليه بيها بس اهم شي تبتعد عنك

اذا شفتكم مثل امس والله اكلبها للدنيا عليكم

عمي ماعليه بيها بعد بس اهم شي ابتعدي عنها

هاي هي اتفقنه انت ابتعد واني ماعليه بيها

بقيت ع اتصال وي لجين

صارت الساعه ب1 بدت تتنعوص حبيبي وعمري وحياتي

عرفت ملاك يمها

رجعت للبيت ولكيت الاكل جاهز والريحه تخبل

لكيت بس لجين

سالتها ع ملاك

كالت جوه نايمه

لعد صبينه غده جوعان حيل

رحت بدلت ورجعت

لكيت لجين صابه غده

جان تمن وتبسي بيذنجان

وجان طيب بشكل

بعدها كلتلي خل نروح للسوك

كتلها يله جهزي نفسج

رحنه واشترت اشكال عبالك مشايفه يمكن الغيره صاعده عدها فول

هم اضطريت اتصل بابويه واعتذر منه مااجي للمكتب

رجعنه وره الاذان

وهم جبت وياي كنتاكي للعشه

دخلنه ولكيت ملاك تصلي

لجين حتى مواعين الغده عافتهن كالت من نرجع اغسلهن

لكينه ملاك غاسلتهن ومرتبه البيت كله

كملت الصلاه واحنه بدلنه

كتلها تعالي اتعشي ويانه

رفضت مثل كل مره

عزلنه الها واتعشينا

ملاك : حيل ضجت من تصرف علي ولجين

ضجت من علي لان رافضني وميريدني وبنفس الوقت باي وقت يعجبه يبوسني

وضجت من لجين لان دخلت بدون استاذان

وحجت عليه هواي حجي وجان ابالها اني الي اغر علي

طبعا حتى فرحتي بالغرفه راحت

نمت وكعدت الصبح لكيتهم بالدوام

كملت تنضيف البيت واحتاريت شاسوي غده

الصراحه مااعرف اطبخ واخاف ميعجبهم

سويت تمن وتبسي

بعدها اتريكت

صليت وكملت بعدها رجعت لجين وجانت شايله خشمها عليه

بدلت ورجعت جنت اجهز بالزلاطه

كالت اسمعيني ولج

والله اخليج تتندمين مدى العمر بس تحاولين تتقربين ع علي لو تغرينا

ادري بسوالفج التعبانه

اتزوج ابن خالتج وعافج كتي خل اجلب بعلي

لو تموتين مااخليج تصيرين لعلي زوجه حقيقيه

هو علي هم جابج خدامه لا اقل ولا اكثر

البارحه كلي لو اموت مااتقرب ع وحده ساقطه

وكال اني جبتها ع مود تخدمنا احسن منجيب خدامه غريبه

انصحج اعرفي قيمتج زين

انت وحده ساقطه اهلج تبروا منج وصاحبج هم عافج واتزوج

اني الصراحه وي كل كلمه تحجيها احسها ادجني بسجينه بكلبي

حيل انقهرت وضجت والمشكله مااكدر ادافع عن نفسي

والضوجني اكثر تفكير علي

معقوله يفكر بيه خدامه

اي اكيد وفرحان همين

الله كريم لابد تفرج بيوم

سكتت منطقت ولا حرف وياها

بعدها اتصل بيها علي

وهي تتنعوص وحبيبي ومدري شنو

مااعرف تريد تتكشخ او تغيضني مااعرف شنو

اني اصلا ولا يمي ولا يهموني ابد

كملت شغلي ودخلت لغرفتي

نمت بعدها كعدت جوعانه وجان البيت هدوء

الصراحه مااعرف موجودين لو نايمين

اتغديت بعدها اذن وصليت

سمعت صوت السياره والباب انفتح

دخلو للبيت يعني جانو طالعين

طلب مني علي اتعشا واني جنت مااشتهي

وره فتره اجوي عمو وخاله والبنات

طبعا حيل فرحت شعوري مينوصف

اتعجبن البنات من دخلن بغرفتي

وبقن يمي ويسولفن

الظاهر موافقه خاله ع اخويه

حيل فرحت لان نرمين حبابه

نرمين كالت الخميس راح يجون يتفقون ع الحاضر والغايب وراح يجي ماهرحتى يحجي وياها

بعدها طلعت نسيت مقدمت الهم شي

لكيت لجين ولا كانو

رحت قدمت الهم من الكيكه السويتها

وانطيتهم عصير

عمو كلي اريد جاي بنيتي ولو راح اتعبج

لا عمو تعبك راحه

سويت الجاي وصبيته وانطيته اله

اسمعيني بنيتي اذا حسيتي متضايقه هنا لو ماارتاحيتي

كوليلي وارجعج للبيت

محبيت احرجه لعمو كلت خل يخلص الزواج وارجع

كتله لا عمو مرتاحه ماعندي شي

راح ابقى لمن يخلص الزواج يله ارجع

كال لعلي

اسمعني علي يوم انتو تجون ويوم احنه نجي

كله علي صار يابه تدلل

بقوا فتره بعدها اجه سجاد وجان بدون عشا

حميتله الفنكر وجايبين وياها مقبلات

وسويت وياها بيض وطماطا

اكل البيض والطماطا وبقه الفنكر

كال نفسي تلعب من الجاهز بكد مناكل يوميه

عاشت ايدج ملوكه

سويت جاي وصبيت الهم مره ثانيه

عمو كلي تعالي يمي اكعدي

رحت كعدت بصفه

سالني مرتاحه

كتله اي عمو ماعندي شي

گلي والله عمو ع اعصابي خليتج هنا بس مجبور

وتعرفين ابوج وطبعا

كتله عمو الله كريم لابد تطلع برائتي بيوم ويعرفوني جنت مظلومه

الله كريم ابنيتي

اول مره اكعد ابيناتهم

يسولفون ويضحكون واني مو يمهم ابد

عيون علي تراقبني

بعدها راحو بيت عمو

رحت نمت بدون عشه مااشتهي

ثاني يوم كعدت ولكيت محد بالبيت بالدوام

نظفت الطارمه والحديقه ردت بس اقضي وقت

وطبخت الغده

بعدها رجعت لجين

بس تتامر هذا شنو وهذا ليش وهذا مااحبه

تتعيقل فوك راسي

اني الصراحه هاملتها ولا اجاوبها ابد

خابرت علي وكلتله جيب وياك غده

لان موطيب الي طابخته بنت عمك

صدك ضوجتني فوك مااطبخ تعيب

سويت الهم تمن وسوب لحم احمر

لان كولشي ماعدهم

اجه علي وجايب ويا اكل

اني منطقت ولاحرف

بس بقيت بالمطبخ حبيت اشوف علي هم مراح ياكول حتى بعد مااتعب نفسي

كلي الاكل حار لو بارد

لا حار وجاهز

لعد صبيلي وياج بدون امر عليج

حيل فرحت كتله تدلل

لجين حسيت بيها تريد تنفجر من الغضب

راح بدل ورجع

صبيت اله وجنت محضره سلطه والخضره ولبن

كلي تعاي اتغدي ويانه

كلت هالمره ع عناد لجين اكعد ولو مااشتهي

كتله خل اصب الي واجي

هواي هذا تعالي اكعدي وعود اذا عوزنه صبي

طبعا ورطت نفسي استحي اكل يم علي وادور نفس الماعون

كعدت بالكرسي الي بصفه

جايب ويا مندي

بدوا ياكلون واني كوه اكول استحي

ابد مااكل من الجاهز

عاشت ايدج طيب الاكل

الف عافيه

حيل افرحت شعوري مينوصف

لج لجين شلايكلج من اكل المطاعم اشو مو صحي ولا طيب

اني احبه احسن من طبخ البيت وتباوع عليه

لان هم مو طيب وهم من يكول نضيف

انت اكلتي وحكمتي علي مو طيب

لا ميعجبني اضوك

لعد لتحكمين وتكولين مو طيب

اصلا طيب حيل

اني كمت غسلت وحميت الجاي

بعدها غسل صبيتله جاي

شكرا ..... العفوووو .....

رحت للغرفه طلعت ملابس حتى اسبح

رحت للحمام لكيت علي بالصاله

كلي راح اروح للمكتب وارجع من وكت الكيج مجهزه نفسج نروح لسجاد للمول شوفي شتحتاجين جيبي

ع مود الاكل

كتله اسجلك بقائمه

لا مااعرف الاشياء روحي انت

الله كريم

دخلت للحمام سبحت وطلعت رحت نشفت شعري لان جان الجو بارد

بعدها نمت

علي : شفت ملاك فرحت من اجوي اهلي

وجنت مراقبها صحيح بغير عالم احسها بس احسها فرحانه بوجود اخواتي

اليوم جنت بالدوام وخابرتني لجين ع غده

كلتلي موطيب الاكل

اني متاكد جذابه اخذت وياي

كلت حتى لو مو طيب الاكل لازم اشجعها ملاك

ولازم امدح بيها

لان اني ممتعود ع اكل المطعم مااحبه

رجعت للبيت وطلبت منها تصب الي وشفت الفرحه بعيونها

اتفاجات من طلبت منها تكعد يمنه وافقت

جنت اسعد واحد من تاكل وياي بنفس الماعون

جان الاكل طيب حيل وقررت لازم اخذها تشتري الي تحتاجه

حتى تطبخ احسن

حجيت وياها بعدها رحت للمكتب لان صارلي يومين مرايح

رجعت من وكت بس لكيت البيت هدوء

لجين نايمه كعدتها حتى تحضر نفسها وتروح ويانه

ادري بيها تسويلي سالفه بس مااخذها

طلبت منها تروح تصيح ملاك

كالت ماعليه بيها

رحت اني دكيت الباب وره شويه فتحته وجانن عيونها حمر تفرك بيهن

كتلها يله جهزي نفسج

كالت خل اسويلك عشه

كتلها لمن نرجع

بقيت انتظرهن

ملاك كملت بسرعه

مرات اصفن عليها اكول سبحان الله اسم ع مسمى جنها ملاك

وجها صافي يخبل ومتخلي مكياج

عكس لجين كيلو طحين تخلي بوجها

كلشي بملاك عاجبني وامنيتي تتقبلني

بس مستحيل هذا الشي

بقينه ننتظر لجين بعدين طلعت

رحنه للمول متفق وي ابويه يجيب امي واخواتي

اتصلت بي كال احنه راح نوصل

وصلنه ولكيناهم كبلنه

شفت ملاك حيل فرحت من شافت البنات

سجاد اجه ويانه يفتر وشايل زنوبه بنته

كل لملاك اليوم المول منور بجيتج ملوكه

كلتله شكرا منوره باصحابها اكيد

كتلها شنو التحتاجي اخذي

تمشي وي نرمين وحنين

والاخوات راحن سوه

اخذت فاصوليا وعدس ومعجون ومعكرونيه وشعريه واسبكتي ولزانيا وكشمش

اخذت تمن عنبر كتلها اخذي طرشانه وخلي ماما تعلمج بيها لان احبها

اخذت الطرشانه واخذت تمر هند وخل ودبس الرمان

اخذت نومي بصره وبهارات هواي اخذت مخلت شي مااخذت منه

رحنه لقسم الخضروات

اخذنه من كولشي واخذت ورق دولمه

بعدها رحنه لقسم الاجبان هم اخذت اني هواي اشياء

وبعدها رحنه لقسم اللحوم

اكو مجمد واكو طازج

حتى الدجاج كذلك

اخذت لحم غنم طازج

طبعا درجه اولى اللحم

واخذنه قسم لحم بقر شرح وثرمنا وكالت ماما اثرمو ويا شحم

واخذت معلاك همين

واخذت دجاج قسم دجاج مقسم وقسم عدل

ويبيعون اجنحه وحد وافخاذ وحد وصدر دجاج همين بس طازج

همين اخذت منهم

ضحك سجاد وكال اليوم شكو وشصاير وهلگد تسوكون

كتله هاي ملاك تريدهم تريد تطبخ

اذا لملوكه تدلل اي شي تريده وتحتاجه بس خبرني واني راح اجيبهن بنفسي

طبعا المول درجه اولى

بعدها طلبت من البنات كتلهن اخذن ملاك وروحن لقسم الملابس والعطور

كلت لملاك

روحي وي البنات واي شي شي يعجبج جيبي

شكرا ممحتاجه شي

لتعاندين روحي وياهن

نرمين اذا اختارت زين

واذا لا انت اختاري ع ذوقج

رحنه كعدنه يم الاستعلامات

طبعا ماما كالت لسجاد متاخذ اي شي من اخوك

اني مقبلت

بس ماما اصرت

هو صحيح المول سجاد كاعد بي

بس هو لامي وحتى الوارد الها بس سجاد اله راتب شهري وعالي حيل

ماما دائما تطلب مني اجي اتسوك منا بس اني مااقبل لان لجين ابد متطبخ

بعدها طلبت ماما من سجاد

كالت ماما اخذ حلويات لبنت عمك خطيه خاف تستحي تاكل وياهم

انطيهيا بيدك

كاللها تدللين ماما

اني راحت من بالي هاي السالفه

والله صدك وره شويه جايب العلاكه شكبرها

بس تدري لجين تتخبل

طبعا هدى ولجين استغلاليات من يجن للمول يحملن اشكال واللوان

بقينه ننتظر وره شويه اجن ملاك والبنات

كالن مقبلت كلشي تاخذ

ماما كلتلها

اذا مرحتي واختاريتي انت راح اني اختارلج بس موحلوات واجباري تلبسيهن

سكتت كالت يله روحن

راحن هالمره طولن

ماما كالت جوعانين خل يجن نتعشا وبعدها يكملن

ماما خابرت نرمين

لحضات واجن البنات

بقن الزوج

خابرت ع لجين كتله تعالي نتعشه وارجعي كملي

اجن رحنه ع المطعم الي بالمول

طلبنه سجاد لفات كص وصاج

الكول ياكل طبيعي وماخذ راحته اله ملاك

حسيتها خجلانه ومرتبكه

كوه اكلت نص لفه ورجعت نص

ابويه كام يحجي عليها وكللها ازعل وياجاذا مكملتي

كالت والله مااشتهي

بس ضغط عليها

اكلتها

عيوني تراقبها غصبا عليه

راحت تغسل سالت حنين بصفي

كتلها اخذت ملابس عطور

كالت كاعد نختار وخابرتنه ماما

هسه نرجع نكمل

خلصن وراحن

لجين هم كالت راح نكمل اني وهدى

كتلها لتتاخرين باجر ورانه كعده من الصبح

رجعن البنات وجانن بيدهن العلاليك

شفت بيد ملاك علاكه حيل افرحت

اشرت لنرمين اجتي

اخذتها ع صفحه سالتها اخذت غراض كافيه لو لا

كالت كوه قنعناها اخذت بس دشداشه وحده

واخذت عطر ومعطر

كتلها تعالي وياي خل نختار الها

رحنه صدك واخذت الها ملابس طلعه ودشاديش 2 وشالات

لجين لكيتها يمكن نص المول جايبته وياها

اني ماقبلت كلت بس نوصل احجي وياها

بعدها رجعنه للبيت بقت هي تصفي بالغراض

لجين ولا يمها دخلت عليها

كتلها ميصير كلما نروح للمول تجين محمله عيب من سجاد وماما

والله مو مشكلتي اذا مااخذوا فلوس

انت وياهم اتفاهم ينطوك بلاش بفلوس مو مشكلتي

بقت ملاك لوقت متاخر ترتب الغراض

طلعت يمها كتلها اتركي الباقي للصبح خاف تعبتي لو نعستي

كالت لا ماعندي شي اكمل يله انام

بس هاي علاكه بيها ملابس يمكن مالت لجين

لا هاي الج اني جبتهن

شكرا ...... العفووو

شحاب باجر اسويلك غده

جان احلى سؤال اسمعه بحياتي

كتله بلي يعجبج اي شي من ايدج طيب

ممكن تسويلي جاي

تدلل

سوتلي وصبتلي

اجت لجين وكعدت يمي

يله حبيبي تعال مااكدر انام اله ع ايدك

خل اخلص الجاي

خلصت ورحت نمت

ثاني يوم داومت ورجعت لكيت مسويه تمن وفاصوليا

وللعشه مسويه اجنحه شوي بس الطعم خيالي

كلت لعد شلون يكولون متعرف تطبخ

بعدها جنت عايش مثل الحلم

يوميه اكل شكل والبيت نظيف

قرروا بيت عمو يجيبون النيشان ويجون يعقدون فرد مره اول  يوم عطلة نصف السنه يصادف جمعه

بدت لجين تحضر وانخبصت

اجتي العطله وجنت حيل ضايج ع ملاك

واشوف علامات الحزن مرسومه بوجها

مابيدي شي عليها

لو ما عمي جان اخذتها هم خطيه

رحت لبيت اهلي اني ولجين من الصبح

جانت خبصه وبعدها اجوي بيت عمي كلهم حتى اخوات ملاك اثنينهن

سوينه حفله بسيطه معزمنه ناس بس بيت خالو ابو لجين وخالاتي

كمل العقد وجنه كاعدين

وجان موبايلي يسبيني بالرسائل وحده وره اللخ

فتحت الرسائل وجان عقلي يطير من راسي اتخبلت

وجان ....... 😜😜😜😜 منرهم بدون الجان ..... 🤣🤣🤣

توقعاتكم حبايب شكو بالرسائل ؟؟؟؟؟ ومن منو الرسائل ؟؟؟؟؟