#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

مساء الخير ع اجمل متابعين اتمنى لكم قراءه ممتعه

#البارت 14

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

حضنت ماما بدون كلام بس دموعي تجري انهار

مبادرت امي بحضني ولا ضعفت امامي ولاكانو اني بنتها

جرني بابا حيل وضربني

كال اني شكم مره كايلج متراويني وجهج ابد

بابا الله يخليك بس افتهمني

والله مظلومه والقران مظلومه

ضربني مره لخ

لج ساقطه انت بالنسبه النه ميته .... ميته ...... تفتهمين

التفت ع علي وكله

اني شكلتلك ياعلي مو كتلك مااريد اشوفها

معناها اطردوني من بيتكم

يله ام سرمد كومي خل خل نرجع

الظاهر متعمدين يغثونه

حجه عمو استهدي بالرحمن ابو سرمد گول ياالله

لا ابو علي اني كتلكم مااريد اشوفها ابد

انهضمت وانكسرت حيل

عفتهم وصعدت لفوك

اكثر كسرتي من ماما

من رفضت تحضني

حسيت بنفسي حيل مخنوكه وكلبي كام يوجعني حيل

بابا عادي هو اساسا قاسي وميتفاهم

بس امي لا حنونه بشكل

دخلت للغرفه وقفلتها عليه

اتمنى اختفي من الوجود

مرات اكول لو جايه الطلقه بكلبي وميته هواي احسن الي

لشويه اندكت الباب عليه محبيت افتح الباب

سمعت صوت نرمين كالت عفيه ملاك افتحي الباب

فتحته كلت عيب منها

جايبتلي الغده حطته ع الميز

كالت ملاك لا تضوجين والله يجي يوم وتفرج

لابد الله يظهر الحقيقه بيوم

والله تعبت مااتحمل بعد

هواي عليه هيج ظلم

مابدينه شي والله حتى بابا مقبل ع عمو وبقه يحجي ويا

بس عمو ميتفاهم ابد

كل لبابا بعد اذا شفتها متلوموني شراح اسوي بيها

زين شعجب جايين شعدهم

جايين يخطبوني لاخوج ماهر

شراح يكون رايكم

والله ماادري شاكولج ياملاك

اكيد بابا يستحي من عمو

وراح يوافق

مو مهم اهم شي رايج انتي

ديري بالج تسوين مثل مااني سويت

بقيت ساكته لمن صار الي صار

والله ياملاك الصراحه اني ماابالي شخص ابد

جانت عندي علاقه سطحيه بشاب ويايه بالكليه واتزوج

بس بنفس الوقت اخوج مااعرفه ولا يعرفني مااعرف طبع اهلج واني خايفه منهم حيل

شفت ردت فعلهم اتجاهج ومقبلو يسمعوج ولا يصدكوج

وانت بنتهم من دمهم ولحمهم

حيل خايفه منهم

بس تردين الصدك ماهر دره وحباب بشكل مو لان اخويه بس والله متحصلين احسن منه

اني راح افكر واشوف ولتنسين القرار الاول والاخير لبابا وماما

الله كريم البي صالح يصير ان شاء الله

اكلي هسه عفيه لتعاقبين نفسج

يمعوده ويني وين الاكل

كرهت الدنيا كولها والله

شيلها الصينيه ولو زحمه عليج

لا يمعوده تحجين صدك

والله اني مستحيه منج هواي لان مرات مااحجي وياج مجبوره واللههو اهلي واخواتي ميحجن وياي شتتوقعين اعتب عليج

اخذت الصينه وطلعت

قفلت الباب ونمت بعدها

كعدت ع صوت الباب يندك حيل

فتحت الباب وعيوني احسهن مورمات ويلزكن اكيد من البجي

جان علي بالباب

اي ماتفتحين الباب لخاطر ربج

اسفه جنت نايمه

لج هذا يانوم اكثر من نص ساعه صارلي ادك بالباب

والله ماسمعتك ابد

عوفينه من هاي السالفه

جهزي نفسج خل اخذج وياي للبيت

شنو يابيت

راح تروحين وياي تعيشين ابيتي بس اني مموافقه ابقى هنا يم عمو

مو بكيفج ترحين غصبا عنج

حتى تبطلين عناد

كتلج لطلعين من اهلج موجودين

بس انت الظاهر العناد عندج يمشي بدمج

بس مو بكيفك مااروح لبيتك ابد

لتعاندين روحي جهزي نفسج ع السريع

ولتنسين اهلج راح يتواجدون دائما هنا

ومااعتقد تحبين يوميه تترزلين وتنهانين

احفظي كرامتج وامشي وياي احسن

حيل ضجت من الحجي بس صدك حجيه

لازم اقوي كلبي وابتعد ملازم اضعف

لان راح هواي يجون اهلي

اجه عمو لغرفتي

وعلي بعده موجود كلي عمو لتفتهمينه غلط

الله شاهد احبج واعزج مثل بناتي

ولو تبقى عليه اخليج بوسط عيني

بس الظروف حكمت

لازم تروحين وي زوجج علي تعيشين ابيته

لمن يخلص الزواج ارجعج ووعد مني الج مااخليج تبتعدين عني ابد

كتله عمو انت تامر امر

الي تريده انفذه بدون نقاش

بس الحقيقه كلبي ينزف دم بداخله

مهما يكون اني هنا ابيت عمو احس بامان وهدى تخاف من عمو متاذيني

بس اذا رحت يم علي معرف شراح تسوي بيه لجين

حضرت الجنطه مالتي

نزلو وعافوني بدلت بعدها نزلت

طبعا خاله رافضه رفض نهائي هذا الزواج

بس عمو مثل بابا مصمم اله الزواج يتم

عفناهم وطلعنا

وصلنا للبيت

احس بنفسي غريبه ومتضايقه هواي

جنت ابيت عمو رغم انكساري وضعفي بس احس بالامان لان عمو موجود و واكف ويايه وميقبل عليه

لجين وجها ثكيل بس محجت شي

دخلنه لجوه طبعا البيت مو نظيف ولا مرتب ابد

عكس بيت عمو جانت خاله نظاميه ونظيفه بشكل وجان بيت عمو حلو بشكل وكوله ع الاتكيت الحديث

من اجيت ذاك اليوم ماجنت منتبها ع البيت ومجنت مركزه

هسه من دخلنه للصاله جانت جبيره واكو غرف اثنين

وحده غرفتهم اكيد والثانيه فتحها علي وكلي دبري نفسج بس اليوم بيها وباجر اجيب غرفه الج

كتله ماكو داعي تشتري عوفني هيج هو اني اصلا ممطوله

الغرفه جانت مفروشه بموكيت ع كبرها ومبيها شي ثاني

عافني وطلع وره دقايق اجت لجين وجايبه وياها فراش ومخده وبطانيا

شمرتهن بالكاع من وره خشمها

عافتني وطلعت

لحضات واجه علي جايب ويا بعد بطانيا كلي اي شي تحتاجي كولي

شغلي التدفئه وگلي اخذي راحتج

الغرفه مابيها حمام داخلي

بيت عمو كول الغرف بيها حمام داخلي

راح اعاني هنا

بس حسيت بجوع لان من الصبح لهسه مماكله شي بس استحي هنا

كلت خلي احاول انام بس وره الاذان الممغرب كعدت شينيمني بعد

اتذكرت لهسه ممصليه

كلت خل اكسر الحاجز مالت المستحه

لازم اطلع ادخل للحمام واتوضه

طلعت وجنت جاهله وين الحمام

لكيت علي بالصاله كاعد هو و لجين

هو بسرعه طفر

محتاجه شي

استحيت اكوله للحمام

كتله اريد اتوضه ناسيه نفسي بلا صلاه

كلي ذاك الحمام والمغسله

رحت للحمام وبعدها اتوضيت ورجعت

لكيت بالغرفه سجاده صليت ودعيت ربي كون ينصفني

دموعي يجرن واني ادعي

اندك الباب مسحت دموعي وكلت ادخل

دخل علي وجايب بيده علاكه

كلي قبل الله

شكرا

علي : من رجعت ملاك لبيت اهلي وحجيت وياها ع زيد وزواجه

حسيت بيها منكسره وضايجه حيل وحتى دموعها نزلن

طبعا صعب عليه اشوفها بهيج حاله

يعني عرضي هم زوجتي وهم بنت عمي

اشوفها تبجي ع حبيبها السابق

كوه صبرت نفسي عليها

بعدين كلت كلشي يصير بالقوه اله الحب مستحيل تحصل علي بالقوه بعدها رحنه اني وابويه للمكتب ورجعت بالليل واخذت الكيكه

زيد اتزوج وجنت فرحان بلكي اتايس منه وتنساه ولو هذا الشي مستحيل اني متاكد لان واضح عليها الحب

بعد مرحت لاهلي خلال اسبوع

بس يوم الخميس جنه كاعدين اني والوالد بالمكتب

وخابر عمي ع ابويه

وخبره باجر يمر علينه وخبره اهم شي ميشوف ملاك ابد

جنه متفاجأين بالجيه مالته شعنده وليش يجي لان مو من عوايده

كلي ابويه شلون نخبرها خطيه

كال اني صعبه عليه احجي وياها

كتله اترك الموضوع عليه

وفعلا حجيت وياها وشفت الحزن بعيونها واضح

طلبت منها متنزل ابد

ثاني يوم اجيت يم اهلي من الصبح اني ولجين

واجوي بيت عمي  واتفاجأنه بطلب عمي طلب ايد نرمين اختي لابنه ماهر

كملنه الغده وكاعدين نسولف فجأه نزلت ملاك

وحضنت امها وجانت امها جامده من ناحيتها

بعدها عمي ضربها وسمعها كلام مو حلو

الصراحه حيل ضجت عليها وانقهرت بس مابيدي حيله

بعدها صعدت وبقينه نسولف ع الخطوبه

صعدتلها نرمين واخذتلها الغده

بس رفضت ومااكلت ابد

وره فتره راح عمي مقبل يبات

ماما جانت رافضه الخطوبه نهائي

بس بابا مصمم وكال مااكدر ارفض والولد حباب وموضف

اني هم مثل بابا رايي الولد مابي لوله ماعندي مانع

بقينه نتناقش ونقنع ماما

اذن وصلينه وبعدها اتعشينا

نسيت ملاك حتى جانت بدون اكل

كلي ابويه لازم تاخذها وياك لبيتك افضل الها حتى متنهان دائما

واكيد راح يتواجدون دائما بيت عمك

ومااحب بعد تصير مواجها بينهم

صار يابه اني احجي وياها واخذها

صعدت يمها وكسرت الباب ابد مفتحت الباب

بالي راح لبعيد كلت اخاف انتحرت

عقلي وكف ردت اكسر الباب

بس باخر لحضه فتحته

وجانت عيونها مورمات من البجي

والظاهر جانت نايمه

حجيت وياها ورفضت بس ابويه كدر يقنعها

رحنه للبيت ودخلنه قررت باجر اشتري غرفه الها

دخلت للغرفه

ولجين بدت تاكل كلبي

شنو جبتها وليش

ونريد ناخذ راحتنه

بقيت احجي عليها وكتلها لتدخلين

ومااريد مشاكل ابيناتجن ابد

طلعت اتوضت وراحت تصلي تذكرت مماكله شي

رحت يمنه مطعم جبتلها لفتين كص وقوطيه ميرندا

وجبتلها حلويات من السوبر ماركت

كلت خطيه اكيد تستحي

لكيتها تصلي

اباوع عليها وهي بالاحرام مثل الملاك

حلوه بشكل كلشي بيها يعجبني

طلبت منها تاكل وتاخذ راحتها بالبيت

وكتلها .....

ملاك الي اطلبه منج اي شي يصير بينج وبين لجين تخبرني بي

لتضمين شي عليه

واذا حاولت اتاذيج بس كولي وشوفي شراح اسوي بيها

ابد ماحجت شي

عفتها وطلعت

رحت للغرفه لكيت لجين لابسه ملابس نوم وخابصه الدنيه

استغربت اشو يوميه من تطلع بكامل اناقتها بس يمي عبالك رجال

كلت اكيد الغيره اشتغلت

اتقربت عليها وبعدها سبحت ونمت

ثاني يوم كعدت متاخر لان سبت وماكو دوام

اخذت ملابس ودخلت للحمام سبحت

طلعت شفت ملاك كبالي تنظف بالبيت

لجين ل12 يله تكعد اذا ماكو دوام

صباح الخير

صباح النور

اسويلك ريوك

اي والله ياريت ولو اتعبج ويايه

لا عادي ماكو مشكله

راحت للمطبخ

اني متاكد متندل شي

رحت وراها

لكيت المطبخ مسويته يخبل

مرتبته ومنظفتها

ملاك اسمعيني

اني جبتج هنا معززه مكرمه بصفتج بنت عمي

ماجبتج خدامه

اتصرفي كانو ابيتج ولا تتقيدين

وهو كذلك مدام بيتي انظف عادي ماعندي مشكله بالتنظيف

شتحب تتريك

سويلي بيضه وحده عين

تعرفين لو لا

اي اعرف اكيد

سوتلي الريوك وصبتلي جاي

وحطته كدامي

وانت اتريكتي لو بعدج

لا اني مااتريك من الصبح

بديت اتريك

شاسوي للغده

اني اجيب جاهز وياي لتعبين نفسج

لا والله الهي نفسي بالطبخ والتنظيف

لعد ع راحتج شتسوين سوي

روحي شوفي الثلاجه والمجمده شبيهن

واي شي تحتاجين من المسواك كولي لان راح اطلع للسوك هسه

كلتلي جيب وياك ورق للدولمه اسوي باجر

وبعد

بكيفك شتجيب جيب والله ماادري شمحتاجين

كملت الريوك وبدلت وطلعت

رحت للسوك اول شي اشتريت غرفة اخشاب تركيه واتفقت وي الرجال ب2 يجون يشدوها وبعدها رحت اشتريت برده بلون الغرفه

وبعدها اسوكت للبيت كلشي جبت كلت خلي تطبخ ملاك حتى لو مو طيب اهم شي طبخ بيت

لان اني مليت من اكل المطاعم

لان لجين ولا تعرف تطبخ ولا تريد تتعلم

ومليت وياها حتى لخالي كلتله ولماما بس بدون فايده

جنت حيل فرحان بوجود ملاك يمي

مريت بالسوبر ماركت واشتريت اجبان وقشطه وحلويات

بعدها مريت ع محل صاحبي يبيع اجهزه كهربائيه اشتريت منه بلازما وستلايت وثلاجه اريدهن لغرفة ملاك

بعدها مريت ع الخباز وجبت خبز ورجعت

لكيت ريحه طيبه مالت الطبخ

ولجين بعدهي نايمه

كتلها ابقي بالمطبخ لااطلعين

دخل الولد البلازما والستلايت والثلاجه خلاهن بالصاله

وطلع الولد

كتلها اطلعي اذا تردين

نزلت المسواك

بدت تصفي بي لكيت منظفه الثلاجه ومطلعه كل الغراض البيها

رتبت كولشي

هم جبت وياك روبه لان مطبخت مرك

بس برياني ولازم روبه

لا ماجبت هسه اروح للمحل اليمنه

بردت الخبز وضمته رحت جبت روبه

كملت كلشي هي واباوع ع الساعه ب12 الى ربع

كتلها تعالي خلي نشيل الفراش مالت الغرفه لان ب2 يجون ينصبون الغرفه

والله ماكو داعي كتلك خليني هيج

اس ولا حرف

دخلنه للغرفه الفراش حيل ثكيل واني متاكد ماتكدرله بوحدها

نضفته وطلعت جنطتها وغراضها

لمينا وطلعنا

بعدها صعدته بوحدي للمخزن

نزلت لكيت لجين كاعده

وتحجي شنو هالهوسه وشنو هالازعاج من الصبح

لج ياصبح هذا شوفي بيش الساعه

اي ياحبيبي ياعلاوي اليوم غير عطله يعني شكعدك من الصبح

مو ورايه كومة شغل

روحي فضيها ب2 يجون يجيبون الغرفه

هاي ياغرفه

غرفه لملاك

والله عمي حظوظ

وين لاكيتها هيج عيشه

لجين انعلي الشيطان واسكتي احسن الج

غيرت الموضوع

متريك حبيبي لو بعدك

تريكت من زمان وهسه خل نصلي وراها نتغده عوفي الريوك

اوك حبي

صلينه وصبت الغده ملاك

جانت مسويه برياني مالت لحم وسوب ويا وزلاطه وخضره وروبه

يمكن جان بالنسبه الي اطيب غده

جان طيب بشكل

طبعا رفضت مااكلت ويانه

خلصنه وطلبت من لجين تغسل المواعين

وكتلها ساعديها بالتنظيف والعشا عليج

وهي الغده اطبخه

اني شفتها لجين فرحانه من شافت الغده مطبوخ والمطبخ نضيف

كتلها مااحب تصير مشاكل بيناتجن

كالت لا وعليش المشاكل احسبها خدامه

كتلها شنو اكلب الدنيا اذا عدتيها هاي الحجايه

بنت عمي وزوجتي حالها حالج بالبيت

اشك حلكج اذا حسبتيها خدامه

وشدعوه عليك هسه اني شحجيت

متعيديها هاي الحجايه ابد

صار حبيبي اهم شي لتغث نفسك

شربت جاي وره شويه اتصلو بيه ع مود الغرفه

طلبت من ملاك تطلع من الغرفه

روحي يم لجين بالغرفه وابد لطلعين

لا راح ابقى بالمطبخ

ع راحتج

بس اتغدي لتبقين صايمه

ان شاء الله

بس جهزينه ببسي للعمال

اوك

اكول صدك تكدرين تسوين كيكه ولو كاعد اتعبج وياي

لا عادي لاتعب ولاشي اصلا اتلها بيها  ياريت

بس اكو طحين صفر بيكنك باودر

لا ماكو لان محد يحتاج هاي الاشياء

هاج الموبايل وسجلي الاشياء التحتاجيهن خل اجيبهن الج قبل ليجون الولد

كتبتلي التحتاجهن ورحت جبتهن الها

اتصلت بابويه وكتله روح للمكتب وحدك مااكدر ع مود الغرفه

التهيت وي الولد

طبعا ريحة الكيكه ترست البيت

اني احب الكيكه العاديه مالت البيت مااحب مالت المحلات الجاهزه

ملاك : حيل افرحت من جابلي علي لفات وحلويات

جنت حيل جوعانه وافرحت اكثر لان منساني بدون اكل

اكلتهن اللفتين لان بلا ريوك ولا غده ولا عشه

وجايبلي حلويات وعلبة نوتيلا ونساتل

بعدها نمت وكعدت الصبح

طبعا البيت هوسه ومبهذل حيل ومو نضيف

بلشت بالمطبخ نظفته ورتبته واندليت الاشياء بي

بعدها كعد علي وسويتله ريوك

طبخت للغده برياني لحم وبي حشو

وبعدها رجع من السوك

الهانم لهسه نايمه

الله اعلم شتوكله يوميه

يمكن شالعه كلبه

كعدت ب12 وتتنغوص علينه

بعدها اجوي الولد ع مود الغرفه وطلب مني علي مااطلع

صبيت الي غده واتغديت

وبعدها سويت كيكه

كملتها ورتبت المطبخ

اذن الاذان وبعدهم ممكملين

وراها كملو وراحو وعلي راح وياهم

مااعرف وين

رحت اتوضيت وصليت

لجين عبالك مموجوده

وره فتره رجع علي وجايب ويا عشه وجايب فراش للجربايه

وجايب ويا مخاد اثنين وفرشه وبرده جديده ولحاف ديباج وفراش للكاع

صاح لجين وكلي تعالي ويانه نتعشه

مااريد هسه مااشتهي

لتعاندين تعاي اكلي كبل ليبرد الاكل

والنبي مااشتهي من اجوع اكول

رحت للغرفه بديت ارتب بيها

جانت الغرفه تخبل ومنسق اللوان الفرشه والبرده وفراش الكاع

بديت ارتب وحطيت البرده وفرشت الكاع

ورتبت الفرشه طلعت الغرفه تخبل احلى بهواي من غرفتي الي ابيت عمو

بديت ارتب ملابسي وهنه اصلا معدودات

وره شويه اندك الباب فتحته

دخل علي جوه

گلي عجبتج الغرفه

اي عجبتني كلوش حلوه

شكرا تعبتك ويايه

تعبج راحه تدللين بس اهم شي كون عجبتج صدك متجامليني

لا والله كلوش حلوه

باجر بالليل اخذج يم سجاد للمول اشتري الاشياء المحتاجتهن

بس ممحتاجه شي

لتناقشيني تجهزين نفسج بدون اعتراض

ومناك اخذي  ملابس الج

لا اعذرني مااروح

بس اني ماطلبت رايج

اني كاعد اامرج افتهمتي لو لا

بس مااعتقد تكدر تجبرني ع شي مااحب اسوي

بده يتقرب عليه

مثل شنو الي متحبين اسوي

اني رجعت وهو يتقدم عليه

اني الشي الي اريده اسوي لو شيصير

وهسه حاب اعرف شراح تسوين من اجبرج ع شي

صار قريب عليه لدرجه حسيت نفسه اختلط وي نفسي

حيل ارتبكت واخجلت منه

وحسيت لساني انعكد مااكدر انطق ولا حرف

ينتابني شعور صعب اوصفه من يتقرب عليه علي

احس العالم يتوقف

كام يمشي اصبعه ع وجهي

وكلي .... وهسه حاب اشوف شلون راح تكدرين تمنعيني

حاولت افلت نفسي منه بس حاصرني بثنين ادي

اني مدنكه رفع راسي ليش هالخجل مني

حيل اتخربطت من اتقرب عليه واحس بنفسي صخنت

قرب شفته ع شفتي

وبده يبوسني بكول هدوء

اني احاول ابعده عني بس مااكدرله

بده يتجرأ بلمساته

اني هنا كمت ادفر بي برجليه

بس هو ولا كانو مستمر بالبوسه

بهاي اللحضه حسينه الباب انفتحت علينا

صارت لجين كبالنه واكفه

وجان تتفاجئ بمنظرنه وصارت وجها مثل 👈😡😤

وجان .... 😜😜😜😜

ياترى شراح يكون ردة فعل لجين

وشتتوقعون شنو الاحداث الي تنتظر ملاك ابيت علي

هل ياترى تقوى العلاقه بين ملاك وعلي

ام تكون بداية المآسي الحقيقيه ع ملاك

انتضروني بالبارت القادم

لاتنسون التصويت حبايبي 😘😘