#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#البارت 13

مساء الخير ع اجمل متابعين

اسفه ع البارحه مجاوبت احد والله مو قصدي تتوسلون بيه ولا قصدي اجمع تعليقات

بس البارحه جانت ليلة القدر وبديت بالاعمال وره منشرت البارت لمن اذن اذان الصبح

اكيد لو عندي بارت جاهز مخليتكم تتوسلون بيه

واكو شغله ثانيه الكل يطالب بظهور الحقيقه وبراءت ملاك

دائما الحق ميظهر بسهوله وهذا الشي مو غريب ع الكل

بالبدايه الباطل دائما منتصر لكن بالاخير لابد تظهر الحقيقه بيوم مهما طال الزمن

دائما نعاني من الظلم بحياتنه اليوميه

بس اكو رب عادل دائما يمهل ولا يهمل
اكدر اختصر القصه واظهر البراءه بس اكيد هذا الشي راح يفقد متعة القراءه

واكيد الكل كاعد يستمتع ويايه بالقصه ونعيش الاحداث وي الابطال نحزن لحزنهم ونفرح لفرحهم

اتمنى تخلون القصه تمشي مثل مااني اريد حتى تكون القصه واضحه للكل

اتمنى لكم قراءه ممتعه

البارت 13

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

سحبني اله وكلي

وين تردين

بس اجيب الشال مالتي

شتسوين بي

اريد البسه

وليش تلبسينه شنو اكو غريب هنا قابل
حيل اتوترت منه وبنفس الوقت خجلانه حيل

سحبت ايدي منه

عفيه خل اجيبه حجابي وارجع

لا لتلبسينه ابقي هيج لان طالعه حلوه حيل بدونه

اني وجهي كام ينطي اللوان واحس بنفسي صخنت

عفته وطلعت سبقني وسد الطريق عليه بالباب

عفيه بس خل البس الحجاب

وليش يابه تلبسين الحجاب حرام لو عيب

مو مسالت حرام ولا عيب

بس ممتعوده انزعه

لعد منا ورايح اتعودي

ممنوع تلبسينه للحجاب كدامي

لا عفيه الله يخليك خل اطلع اجيبه

يله روحي لازمج قابل

ابتعد شويه عن الباب
واذا مبتعدت شراح تسوين مثلا

علي : هاي الفتره الراحت بالي وتفكيري وعقلي وكلبي كله يم ملاك

من ضكت شفايفها لليوم طار النوم مني

دائما اجي لاهلي بس اريد اشوفها

اني مقرر بس احس بيها تتقبلني ك زوج الها

اني راح انسى كلشي واقبل بيها

بس هي دائما تخلي حواجز بيني وبينها

وكلتلي اني وياها طريقنه مسدود

يعني رفضتني

رغم كلشي مراح استسلم بسهوله

اني من اول يوم شفتها حبيتها

امنيتي اشوفها ولوحدنا بس دائما الكل متواجد

اليوم جان خالي مسوي ثواب لجدي ولبيبي وعازمنه احنه وخالاتي

والمقربين الهم
دزيت لجين من الصبح الهم اليوم مداومت اخذت اجازه

اتصلت بماما وسالتها شوكت راح يجون

حبيت اشوف ملاك هم راح تروح لو لا

وهدى هم عند اهلها لو لا

خبرتني ماما كالت هي والبنات من الجامعه ويرحن وع اساس بابا يجيب ملاك

بس رافضه متجي لبيت خالي

الصراحه حيل فرحت لان ادري بهدى ولجين ميكعدن راحه

سديت الخط من ماما

واتصلت بابويه وسالته شوكت يجي

كال ماالحك ارجع للبيت مناك واروح الهم

ولان ملاك مراح تروح لهذا السبب كال مناك واروح

الصراحه استغليت عدم وجود اهلي بالبيت

كلت اروح اشوفها واحجي وياها

رجعت وجان عندي مفتاح للباب الرئيسي
كلت اروح اشوفها واحجي وياها

رجعت وجان عندي مفتاح للباب الرئيسي

دخلت للمطبخ وجانت ملاك تتريك

بقيت صافن عليها طالعه من صدك جنها ملاك

اول مره اشوفها بدون حجاب

وجان شعرها مسويته بعفويه

يعني ممرتبته بس بنفس الوقت منطيها جماليه خاصه

سلمت وكعدت كبالها

استغربت معقوله عادي كدامي هيج كاعده بدون حجاب

فجأه طفرت مثل المخبله

عبالي شو شبيها

بس طلعت ناسيه نفسه متدري بدون حجاب

رادت تطلع سحبتها مخليتها تطلع

احلى شي بيها خجلها

ذوبتني وهي بعيده عني
مااعرف شيصير بيه اذا اتقربت عليه

كتلها لتلبسي الحجاب

بس ولا كانو وياها

سحبت ايدها مني ورادت تطلع بس سبقتها وقطعت الطريق

طبعا تصرفي وياها عفوي يعني ابد ممفكر بي ولا اعرف شنو الاريده منها بالظبط

انسى ماضيها كلها

دائما تتخربط اموري من نصير بهيج موقف

وخاصه اذا بوحدنه واهلي ماكو

رغم ماادري بيها متريدني بس مااعرف شيصير بيه من تصير كبالي

طلبت منها بعد متلبس الحجاب كدامي

لان مو حرام لان تعتبر زوجتي

بس هي مصره

روحي كملي ريوكج
بعد مااشتهي

شنو سالفتج لخاطر ربج

من شفتج وشفتيني متتشتهين

خل اجيب حجابي وبعدها اكمل ريوكي

روحي جيبي بسرعه وارجعي

عندي حجي وياج

كلت مااجبرها ع شي خليها ع راحتها

لبست الحجاب ورجعت

اسويلك ريوك

لا شكر متريك

بس جاي صبيلي

حمت الجاي وصبتلي

كعدت مقابيلي

ابد مرفعت عينها عن الكاع

يله كملي الريوك
يله كملي الريوك

اكلت بس شنومثل العصفور تنقش بالاكل

هو اني اصلا بقيت صافن عليها بيضه وحده ونص صمونه

حتى جاي ماكو

ليش متشربين جاي

مااحبه

اكو احد ميحبه الجاي

سكتت

كملت وكامت تغسل الماعون

طبعا ملاك رشيقه وجسمها كلش حلو

شكد صارلها يمنه مالمحتها بلبس مو لائق ولا بدون حجاب

محتاج شي ثاني لو اصعد لغرفتي

شنو متملين من الغرفه
سكتت

تعالي اكعدي خل احجي وياج

كعدت مقابيلي وعيونها ع الطبله

حاب اسئلج سؤال بس ياريت الاجابه صريحه

اسال

ليش تتهربين مني ومن اتواجد بالبيت تختفين

معقوله مطيقين تشوفيني لهاي الدرجه

مو انت الي طلبت مني مااراويك وجهي

وكتلي مااحب اشوفج كبالي حاولي متتواجدين من اني بالبيت

هاي شوكت بالظبط

راجع حساباتك وانت تعرف شوكت

وانت هيج مطيعه الي وتنفذين شاطلب منج

سكتت

لعد اسمعي ونفذي
اول شي من اجي لهنا اشوفج كبالي ممنوع تصعدين للغرفه لمن اروح لبيتي

وثاني شي ممنوع تبقين بوحدج بالبيت

وين ميطلعون اهلي تطلعين وياهم

وثالث شي بعد ممنوع تلبسين حجاب كدامي

تعذرني اول طلب عادي انفذه الك

بس الثاني والثالث مستحيل انفذهن

والسبب ؟؟؟؟؟؟؟؟؟؟؟

مااحب اطلع ابد خليني ابقى بوحدي هنا افضل

وبالنسبه للحجاب مرتاحه بي واتعودت

مو مشكلتي لازم تنفذيهن كلهن

وهسه كومي جهزي نفسج

اتمنى تتفهمني ومتظغط عليه

مااكدر اروح وخاصه لاقاربكم

واذا متامن بيه تكدر تشد كاميرا بغرفتي ومن ابقى بوحدي اكعد مقابيل الكاميرا وراقبني
بعد مكدرت احجي وياها شي

اني حاب اطلعها من الكآبه الي هي بيها

لعد باجر تجين وي اهلي لبيتي

عفيه خليني ع راحتي والله العظيم ماالي واهس اطلع من الباب

لو ترحين هسه وياي لو باجر تجين لبيتي غيرهن مااقبل بشي

لا مااروح لبيت خالك استحي

لعد تعالي لبيتي

الله كريم

بس اذا مااجيتي راح اتصرف وياج غير تصرف

باجر مو جمعه انت لازم تجي

لا مو لازم ...... باجر غداكم يمي

بده جهازي يدك وطلعت لجين

حجيت وياها وطلبت مني استعجل بالجيه
كتله راح اجي وطبكته

شراح تسوين بوحدج

اصلي واقره قران

وبعدين

اصعد انام بغرفتي

شنو متملين من النوم

احب اهرب من الواقع

اكو سؤال اخير ابالي واتمنى تجاوبين بصراحه علي

اسال

ليش مرفضتيني من البدايه

ليش مصارحتيني بكلشي

الصراحه خفت من بابا واخوتي

واني نويت احجي وياك كولشي بيوم الاجيتو كلت لازم احجي كولشي

بس انفضحت قبل لا اصارحك
يعني شتصارحيني بالضبط

حبيت اصارحك برفضي واني مموافقه عليك وانجبرت بيك

زين انت وزيد اذا واحد يحب الثاني ليش مخطبج واتزوجتوا

مو انتظرني لمن اتخرج

لان بابا مستحيل يقبل ينطيني اله لمن اكمل

لعد شلون انطاج الي وقبل

مااعرف يجوز لان انت ابن اخوه

الصراحه حيل ضجت وبعد مااتحمل اكثر

عفتها وطلعت ورحت لبيت خالو

ولكيت الاقارب ملتمه وولد خالاتي واهم شي سيف ابن خاله

كعدت بصفه وبقينه نسولف

وسالني ع ملاك احس نارواشتعلت بيه

حيل اغار من يجيب طاريها
كلي ليش مجبتوها وياكم خطيه تبقى وحدها

هي مقبلت تجي تضوج من الهوسه

بعدها صبولنه الغده وقرينه الفاتحه وبعدها حجيت وي ماما كتلها باجر غداكم يمي مراح اجيكم وتعالو كلكم حتى ملاك

مراح تقبل تجي لا اكولها ولا اتعب نفسي

اني حجيت وياها ممنوع تبقى بالبيت بوحدها بعد

الله كريم ماما

بعدها رجعوا اهلي واني هم طلبت من لجين تجهز نفسها

كالت راح ابقى لليل

كتلها باجر اهلي غداهم يمنه

شاجيبلج للغده

كالت نجيب جاهز لان مااعرف اطبخ

خليتها ورحت للمكتب وبعدها اجه يمي الوالد

لليل رحت لبيت خالو جبت لجين ورجعنه للبيت
ثاني يوم كعدت من وكت ورحت اتفقت وي مطعم ع الغده

وصيتهم ورجعت ع محل حلويات جبت منهم كيك وبقلاوه

وجبت فواكه وكرزات

الموعد ب12 الظهر يجهز الاكل

رجعت ولكيتهم بعدهم مجايين ولجين بعدهي نايمه

كعدتها وطلبت منها تسويلي ريوك

متلهف اريد بس يجون اهلي حتى اشوف ملاك تجي لو تعاند

اندك الجرس واخيرا اجوي وجنت حيل فرحان

رحت فتحت الباب وعيوني ادور عليها

جانت وياهم جايه الحمد لله معاندت

دخلتهم كعدت لجين وجانت متفاجئه بملاك

كامت هدى وي اختها

رحت للمطبخ وطلبت من لجين تحضرلي كيك وعصائر
وقدمت الهم وكعدت يمهم

بين فتره وفتره اباوع ع ملاك

جانت هادئه ومرفعت راسها ابد

ابد مااكلت ولا شربت شي

كتلها اكلي واشربي العصير

مااشتهى هستوني تريكت

من شفتها وشافتني ماتشتهي خبلتني والله

حتى صايره حيل ضعيفه

مكدرت احجي وياها شي

سجاد جاي وياهم مراح للمول

صارت ب11 ونص رحت للمطعم وجبت الغده

اتغدوا وكملو

اني عيوني بس تراقبها

اباوع عليها مثل العصفور تنقش

الكل ماخذ راحته بالبيت بس هي مبين عليها ع اعصابها جايه
قررت بس يصيرنه سنه لازم اطلكها واحررها مني

طبعا زيد موعد زواجه يوم الاحد

لازم اطلكها لان ابد مو يمي بالها وعقلها وكلبها يمه

عادي خلي تبقى يمنه مو مشكله اهم شي احررها مني

اتمنى يتزوج زيد حتى اشوف ردة فعلها

بعد الغده جبنه الحلويات والكرزات

هي الوحيده الي مااكلت شي

ابويه طلب من البنات وماما يجهزن نفسهن

كتله ابقو لليل شعدكم

كتله لمن نرجع من المكتب نرجعهم

كال بكيفهن شوفهن

الكول كالن اي اله هي حسيت بيها ضاجت

طلبت من ابويه ترجع لان ماالها خلك

كالها ابويه امشي نوصلج ويانا

وكال هم ابدل وبعدها نروح للمكتب
اني مااقبلت بس كلت خليها يجوز مترتاح ابيناتهن

وادري بالاخوات حيايه ويسممنها بالحجي

طلعنه بالطريق دك جهاز ابويه

كال عدنه فاتحه راح نروح اني واصدقائي وبعدها يله اجيك

كلي لدزني للبيت ماالحك

دزيته يم صديقه واخذت ملاك وياي

الطريق كله هي ساكته

وصلنه وفتحت الباب الها

بعدني بالباب خابرني ابويه گلي انتظرني بالبيت بس اقره الفاتحه واجيك حتى ابدل ونروح سويه

اني فرحت الصراحه كلت ابقى يمها

دخلت وياها

كتلها سويلي جاي اذا تكدرين

كالت اوك

صدك خلت الجاي ع النار وبعدها صعدت بدلت ونزلت
صبتلي جاي وانطتني كيكه

جانت حيل طيبه وعجبتني

منو مسويها هاي الكيكه

اني

عاشت ايدج حيل طيبه

شكرا

تحب اسويلك وحده تاخذها وياك للبيت

لا شكرا مااريد اتعبج

لا عادي الهي نفسي ماعندي شي

لعد سويها وبالليل امر عليج اخذها

ملاك : بقيت بوحدي بالبيت وجانت ضوجه

كلت خل اسوي كيكه ام البرتقال الهي نفسي

كملتها وشويتها وطلعت طيبه حيل

من رجعوا من العزيمه العصر قدمت الهم وي الببسي

بعدين كالت خاله باجر نروح كليتنه لبيت علي وانت جهزي نفسج همين

كتلها ان شاء الله

الكل تفاجئ بيه

فعلا ثاني يوم وره الريوك رحنه لبيت علي وجان ع اعصابي اطلع

الصراحه روحي طالعه من الدنيا كولها

لو يطيح بيدي ابقى بس بغرفتي لا اشوفلي احد ولا احد يشوفني

احس الناس كلها تعرف بقصتي

جان البيت من بره كولش حلو وتصميمه حديث

دخلنه لجوه طبعا ابد مركزت بالبيت

قدمولنه كيك وعصير وجنت مااشتهي

وحتى الغده كوه اكلت لان اني من اتريك متاخره الغده هم اتاخر بي

والعشا اكثر المرات الغي

كملنه وبعدها قررو يبقون لليل

اني مااكدر حيل متضايقه هنا واحس بنفسي غريبه

وماالي خلك اسمع بسامير هدى ولجين

طلبت من عمو ارجع للبيت

رجعنه ونزل علي وياي

اني هواي ارتبك من نبقى وحدنه

واخاف من اخر موقف صارويايه من باسني

اخاف هم يكررها

طلب مني جاي

صعدت بدلت طبعا لبسي ردن وحجاب يعني مستور

صبيتله جاي وحطيتله كيكه من السويتها البارحه

والظاهر عجبته وجانت من صدك حيل طيبه

سالته اسويلك وحده تاخذها بالبدايه مقبل بعدين كلي سويلي

اني فرحت لان الهي نفسي وافرح من احد يمدح بشي اسوي

بديت اشتغل بيها بس احس عيونه مراقبتني وجنت حيل متوتره ومرتبكه

كملتها وحطيتها بالاوفن

هم سمعتي بابن خالتج خاطب ويريد يتزوج

منين اسمع مثلا

مو كاعده هنا وساكته

اشو مسالتي منو

ميهمني منو يكون

عادي ميفرق عندي

لا يفرق وهواي

لان حبيبج زيد هو الي راح يتزوج يوم الاحد

جانت صدمه الي بمعنى الكلمه

حيل اتفاجأت وحسيت بالخذلان

لان من صدوك محد طلع خسران بهاي السالفه كولها بس اني

خسرت اهلي وسمعتي وجامعتي ومستقبلي وخسرت وحده من كلياتي

والاهم من كولشي خسرت احترامي وخسرت ذاتي

دمعت عيني غصبن عليه بس حاولت مااخليها تنزل

اني الصراحه مو حبا بزيد ولا ابجي ع موده

لا بالعكس اني اصلا اكتشفت مااحبه وحاليا اكرها واحتقره واضوج منه

بس دموعي ع حظي وانكساري

يعني بعد محطمني مكمل حياته ولا كانو

اتقرب عليه علي

اني الصراحه جنت بغير عالم صافنه

بس من اتقرب عليه ومسح الدمعه بطرف اصبعا

حسيت ع نفسي بسرعه اتمالكت نفسي

ها تكولين ميفرق عندي

اشو بعده ممتزوج هيج صار بيج

لعد اذا اتزوج شلون

معقوله هيج تحبينه هواي

ليروح بالك لبعيد اصلا زيد ميهمني بعد

اي مبين عليج واضح

لعد هاي الدموع شنو تفسيرها

يمكن دموع الفرح

لاوالله مو الي ابالك دموعي نزلن

لعد فهميني

دموعي نزلن ع حظي اكول لويش اني الوحيده الي طلعت خسرانه رغم ماانظلمت هواي واني بريئه

شوفي ملاك انت بنظرج بريئه ومظلومه

بس انت بالحقيقه لا سلمتي نفسج وشرفج للشخص الغلط

المفروض تحسبين حساب لكولشي

لاهلج والي وللمجتمع

شنو الشي الي يثبت اني سلمته نفسي بارادتي

لويش متحسبون حساب اني اكون مظلومه وماالي علاقه بلي صار
عندج دليل لو اثبات

ماعندي دليل صحيح بس المفروض تصدكوني

ع اي اساس نصدكج

ع اساس الثقه

بس اني مااعرفج زين ولا انطيتيني فرصه اتعرف عليج اكثر

حتى اكدر احكم عليج لو اثق بيج

اني من النوع الخجوله مو بسهوله اندمج وي شخص واخوذ راحتي بالحجي ويا

بس اني مو اي شخص جنت ابن عمج وخطيبج

لو محاوله ولو مره وحده تشرحيلي لو توضحيلي جان كدرت اساعدج

بس لو ..... لو........ لو ...... متفيد بعد

جنت خايفه منك ومن ردت فعلك

واتوقعت تخبر بابا بس احجيلك

جنت حيل متوتره واحس بنفسي بامتحان

جهازه بهاي اللحضه دك

رفع خط

الووو ..... اي منتظرك

اوك راح افتحه

الحمد لله نقذني عمو

فتح الباب ورجعو

كال عموابدل واجيك ع السريع

بعد محجه شي بس عيونه مراقبتني

رحت شفت الكيكه لكيتها مستويه شغلت الفوك

وره دقايق طفيتها وطلعتها

كتله تاخوذها هسه وياك

لا بالليل امر اخذها

بعدها طلعوا وبقيت بوحدي

رحت قريت قران وصليت

لليل اجوي من بيت علي

وهو وياهم اخذ الكيكه وراح

سالتني خاله شنو هاي الكيكه

كتلها اني سويتها اله لان عجبته الكيكه مالت البارحه

كالت خطيه شوكت متكدرين سويله وحده ونخابره يجي ياخذها

لان يحب كيك البيت ميحب الجاهز

ان شاء الله خاله

بعدها نمت وكعدت

وخلص اليوم عادي مابي اي شي جديد

بعدها خلص الاسبوع عادي

بس يوم الخميس اجه بالليل علي هو و لجين

سويتلهم عشه وبعدها رحت للمطبخ

كملو وغسلت المواعين

كعدت بالمطبخ

بعدها اجه علي وكلي اريد اطلب منج طلب

اطلب !!!!!!!

ياريت اطلعين بالحديقه اريد احجي وياج

عيب من اهلك

شنو العيب انت صاحبتي مثلا

لا مو قصدي خاف ياخذوها بغير شي

اطلعي واسكتي لتجفصين بالحجي

يدرون اريد احجي وياج

الصراحه استغربت

طلعت ولكيته كبلي طالع

اسمعيني ملاك

باجر اهلج يجون النه اتمنى ماتنزلين وتشوفيهم ابد

لمن يرحون يله تنزلين

واتمنى متساليني ليش وشكو

لان انتي تعرفين اهلج اكثر مني

بابا كلك مااريد اشوفها احجي ودموعي تجري

لا محد كلي بوحدي اني

لاتجذب احجي الحقيقه ولتسوي نفسك تخاف ع مشاعري

اي ابوج الخبرني ومحد يريد يشوفج ابد

شعوري صعب اوصفه

دموعي ترجمت حزني وانكساري

عفته ورجعت البيت

صعدت لفوك بعد محجيت ولا شي

بجيت لمن مليت

بس بقه امل عندي بلكي بابا باجر يغير رايي

لازم انزل واحاول احجي وي بابا وماما حيل مشتاقتلها لازم احضنها حتلو رفضتني

الليل كله مانمت حسبه تاخذني وحسبه تجيبني

مااصدك يصير الصبح عله وانه من يشوفوني ينكسر كلبهم عليه

ثاني يوم صدك اجوي وانتظرتهم وره الغده وانزل

كملو اني اراقبهم من فوك

نزلت بس شنو احس بكلبي راح يوكف من الخوف

مااعرف ردة فعلهم شنو

وهدى ولجين هنا وهنه يردن حجه عليه بس مهتميت لكولشي

اشتياقي لاهلي يفوق كولشي

وصلت كبالهم وجان الكول متفاجئ

وجان .......

توقعاتكم حبايبي شراح يكون ردة فعل اهلها لملاك

وياترى شنو سبب زيارت اهلها لبيت عمها لملاك

هل ياترى يحنون عليها ويسامحوها ام تبقى القسوه هي ردة فعلهم

انتظروني بالبارت القادم

لتسون التصويت حبايب 😘😘