#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

مساء الخير ع اجمل متابعين

اجمل بارت لحد الان

واجمل احداث راح يعيشونها ابطالنا

لاجمل وارق متابعين اتمنى لكم قراءه ممتعه

#البارت 12

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

حيل خفت واحتاريت شاسوي دموعي زادت

بس فجأه سمعت صوت علي يصيح ملاك .... ملاك ....

فرحت من سمعت صوته وحسيت بامان

علي : بيوم الاجيت بي لاهلي ولجين بدت تحجي ع بيت عمي

حسيت بملاك حيل ضايجه والدمعه بطرف عينها

متغدت ويانه بعدها صعدت

اني ضليت بقلق اتجاها

كلت لازم اصعد يمها واحاول اخليها تنسه

لازم تروح ويانه للمول

وانطيها فلوس اخاف تريد تشتري شي خطيه

تبقى بنت عمي وزوجتي حتى لو بس ع ورق

صعدت يمها وحيل اتاثرت من شفتها ومن بجت كدامي

اتمنيت بذيج اللحضه اخذها لحضني واخفف عنها

سالتني ع اهلها

حاولت اكذب عليها بس عرفتني

طبعا رفضت تروح للمول وحتى فلوس مقبلت تاخذ مني

بعدها راحت لفراشها ونامت

عفتها وطلعت

وجنت حيل ضايج عليها

بعدها رحنه اني وابويه للمكتب

لازم اشوفلي عذر ومااروح وياهم ابقه يمها

اجوي ناس وجانت عدهم قضيه معقده شويه طلبت من ابويه يرجع ع مود ياخذهم واني بعدين اروح وراهم

اتاخرت شويه وبعدها اتصل بيه ابويه

وطلب مني ابقى بالبيت يم ملاك لان يخاف عليها تبقى بوحدها

اني فرحت الصراحه

جبت وياي لفات كص الي والها وجبت ببسي وياهن

رجعت للبيت وجان هدوء محبيت اسمعها صوتي

لان كتلني الفضول حبيت اشوفها شدسوي

مشيت بهدوء

شفتها بالمطبخ ماكو صعدت لغرفتها

دكيت الباب ماكو صوت فتحت الباب ماكو دخلت للحمام ماكو

صعدت للسطح هم ماكو

حيل خفت والشيطان لعب براسي

اتوقعتها هربت

رجعت نزلت دكيت المصلى ماكو فتحته جان مقفول

رحت للحديقه الخلفيه هم ماكو

اتخبلت اله شويه

كمت اصيح فقدت

ملاك ..... ملاك .....

انفتحت باب المصلى

وجان تصير كبالي ولابسه الاحرام مالت الصلاة

وجانت تبجي

كمت اصيح عليها

شعندج قافله الباب

اكيد جنت تخابرين

هاي شدتحجي انت

اي اكيد تخابرين حبيب الروح

واستغليتي عدم وجودنا بالبيت

دفعتها ودخلت ادور دليل

بس ماكو شي بس القران

الظاهر جانت تقره قران

حبيت اخبث وياها شويه وحبيت استفزها

بس ماعندي شك بيها ابد من شفت القران مفتوح

اكيد الشيطان لعب بعقلي

كتلها يجوز ضامته للجهاز بجسمج

تحجي من كول عقلك

اكيد من كل عقلي شكلولج مخبل قابل

وخل نفرض ضامته بجسمي المطلوب هسه شنو

افتشج واتاكد من الجهاز

معقوله انت خريج قانون وعود مثقف وهيج تفكيرك جاهل

يعني لو عندي نيه اتصل لويش اكعد هنا واقفل الباب

اكعد بالمطبخ والباب مقابيلي واراقب الي يجي

اكولك شي الصراحه انت حرامات محامي

لان المحامي لازم يكون ذكي وتفكيره نظيف

اكيد محامي فاشل وهواي قضايه راح تخسر بيهن وراح تودي ناس مظلومه لحبل المشنقه لو مؤبد

مو مهم هذا الحجي اهم شي افتشج هسه

والله لو اموت مااخليك تتقرب عليه

وليش يابه ليكون عيب لو حرام

هو انت اصلا زوجتي

اباوع لوجها صار مثل 👈😳

خليني هيج كبالك ابد مااتحرك لمن تجي لجين وهي تفتشني

لا هالمره حاب اني افتشج

يعني تحجي صدوك لو دتتشاقه

اكيد احجي صدك

لا الله يخليك لا تهيني اكثر

دموعها نزلن

بديت اتقرب عليها وهي ترجع

طبعا لابسه الاحرام مالتها

حجابها ع السجاده مخليته

والنبي كاعد تهيني اكثر من اللازم

والقران الكريم جنت اقره قران وماعندي اي جهاز

سكتت مجاوبتها واني بعدني اتقرب عليها

طبعا تصرفي ابد ممخطط اله

وماعرفت نفسي شاريد منها بالظبط

بس حبيت اكون قريب عليها

صرت قريب عليها وحسيت بنفسها يصعد وينزل

بس دموعها تجري

نقطة ضعفي دموع المرأه

بديت امسح بدموعها

ليش هالدموع

لان كاعد تظلمني وتهيني والله ماعندي اي جهاز

ولا حابه احجي وي بشر

حاوطتها بثنين اديه وقربتها لصدري

بس باللحضه ابتعدت عني

اتمنى تشيل الحاجز البيني وبينها

هم الخجل وهم الخوف مني

نزعت الاحرام بس ملمحت شعرها

شلون لبسته للحجاب معرفته

اتقربت عليه

يله فتشني وامن

اريد اصعد لغرفتي

بطلت روحي حضري العشا واتعشي واصعدي

كالت اطلع ويايه خاف اضمه للجهاز

حتى من تجي لجين تفتشني

بس اعتقد اني كتلج اني حاب افتشج مااريد لجين

سكتت

اتقربت عليها وبدت ترجع

لمن صارت وره الباب

صرت قريب عليها

الظاهر انت حابه افتشج اني

ليش تتحارشين بيه

موكتلج روحي جهزي العشه

راح اروح

بس غيرت رايي

اريد افتشج

بديت امشي اصبعي ع وجها وع شفتها نزلت ع صدرها

هي طفرت من مكانها

مخليتها تتحرك ابد

قربت شفتي ع شفتها

حاولت تهرب بس سحبتها الي

بستها بس باللحضه سحبت نفسها

جريتها مره ثانيه

وين تردين تهربين

اريد اسوي العشا

بس خلي اكمل تفتيشي

رفعت وجها بحيث التقت عيونها بعيوني

اول مره تلتقي عيونه سويه

بسرعه نزلت عينها

ليش تتهربين مني

شنو نسيتي انت هسه زوجتي

والي حق كلشي اسوي بيج

منطقت ولا حرف

اشو سكتي

اروح اجهزلك العشا

لا مااشتهي

لعد راح اصعد لغرفتي

سحبتها وخليتها وره الباب

لزمت اديها اثنيهن

وبستها من حلكها لان بعد مااتحمل قربها الي

قاومتني بس مكدرت الي طبعا

بس ابد مستسلمت هواي قاومتني

جانت امنيتي اضوك شفتها

متركتها لمن نفسي انقطع

حسيت طعم البوسه غير منها

ذبت بين اديها

اتمنيت يتوقف العالم بهاي اللحضه

تركتها

اباوع عليها وجها احمر طماطا

كتلها وهسه روحي جهزي العشا لان جوعان حيل

طلعت وراحت للمطبخ

رحت وراها

راحت غسلت وجها

وبعدها رادت تفتح المجمده

كتلها ذني لفات جايب وببسي

طلعتهن وراحت تحميهن بالكابسه مالت الصاج

عيوني تراقبها

وبالي يم البوسه ماانساها ابد

اتمناها بقوه واشتهيها

بس عقلي رافضها رفض نهائي

لان هي اساسا مبتعده عني ورافضتني

كتلها كلهن احميهن وتعالي وياي اكلي

مااشتهي اريد اصعد انام

والله اذا مكعدتي واكلتي وياي

اخليج تتندمين

اصعد انام وياج وخل يكون بعلمج للصبح ابقى

اني ادري ومتاكد لهسه بعدهي بلا غده لازم اجبرها

بس والله مااشتهي

اكو وحده بدون غده وعشه وماتشتهي

اي اكو اني

وليش يابه ماتشتهين

يعني شتتصور من وحده اهلها نبذوها واعتبروها ميته

دموعها تجري

بس اني الي ادري بي من جنتي تضوجين لو تعصبين تاكلين هواي

هاي كبل من جنت ابيت اهلي ورافعه راسي

وهسه شنو الصار

هسه اني انسانه محطمه وبلا روح

اتمنى اختفي من الوجود

حسيت بيها من صدك مخنوكه

تعرف شنو اصعب شعور

اصعب شعور من تنطعن من اقرب ناسك

من ينكر وجودك وانت جنت اغلى شي عدهم

من تحتاج سند الك وانت بامس الحاجه اله يتخله عنك بسهوله

والاصعب من هذا كوله من تحس بنفسك مقيد مابيدك شي تسوي

حتلو تنهان تنظرب تنسب تحس بنفسك عاجز عن الدفاع عن نفسك

وانت جنت قوي

اني جنت امشي ورافعه راسي لفوك

هسه امشي وعيني بالكاع شتتوقع هذا سهل عليه

بس تدرين هذا الحجيتي كله بسببج

انت لو ماغالطه محد عاملج هيج

بس ع فكره اني مو نبي ومعصومه عن الغلط

والحب عمره مجان غلطه

اي صحيح الحب الشريف والنزيه مو عيب ولاغلط

بس السويتوا انتم ممقبول عدنه لا تقاليدنه ولا عادتنه تسمح بهذا الشي

حجيك صحيح لو جان برضاة وعلم الطرفين

بس اني ماادري بنفسي بذيج اللحضه

وثق بالله ورسوله لو ادري مستحيل اخلي يلمس شعره مني

بس هذا الحجي ميفيد بعد

انت بالنسبه للجميع مذنبه ولازم تتعاقبين

واهلج ردة فعلهم عاديه

وحتى لو كاتلينج بذيج اللحضه جان محد لامهم

تدري مرات اكول لو جايه الطلقه بكلبي وميته اهون عليه بميت مره

من هذا وضعي

اني باليوم الواحد انطعن بالف طعنه بنص كلبي

وياريت من غربه ماانقهر

تدري شكد اسمع حجي من هدى ولجين وخاله

ابد مااهتم ولا اضوج تعرف لويش

لان غربه مو من لحمي ودمي

بس اقل كلمه او فعل منكم انت وعمو واهلي احس خنجر بنص كلبي

بس انت همين لازم تقدرين الوضع والظروف

مااعتقد بعد هاي السالفه اكو احد يكدر يتقبلج

وهو هم هيج اني هم بعد مااحب احد يتقبلني

خلوني بوحدي بس احب اوضحلك شي واحد

راح يجي يوم واذكرك بحجيي هذا

يجي يوم والكول راح يتندم ع السواه بيه

بس بعد فوات الاوان

بعد ما يقسه كلبي

وبعد ماتموت المشاعر البيه كولها

بس من يجي ذاك اليوم

راح اريحكم مني نهائي

واخليكم كولكم تاكلون بروحكم ع السويتو بيه

ملاك : اصعب شعور من راد علي يفتشني

شعوري صعب اوصفه

بين الغضب لان شك بيه وفوكاها هاني ويريد يفتشني

وبين الخوف والخجل الي امتلكني

مستحيل اخلي يلمسني

اني يمكن لو علي متقبلني بوضعي هذا

ماعندي مشكله ابد

وجان عادي مارفضته

مو حبا بي ولا لهفه مني

بس اريد سند الي محتاجه احد يصدكني ويشيل الحزن مني

بس من مااتقبلني ولا يحب يشوفني

ابتعدت عنه ولا اخلي يشوفني

اتخربطت احوالي كولها من تقرب عليه علي

حيل اتفاجأت بي من اتقرب عليه جان جريئ ويايه

وباسني

احس بنفسي تخربطت

اول شخص يلمسني واول شخص يبوسني

طبعا رفضته لعلي

ابد محبيت يجبرني ع شي

وخاصه قبل لحضات جان يشك بيه ويريد يفتشني

اني زيد من تقرب عليه واخذ عذريتي ماجنت بوعي ابد

مااعرف باسني لمسني يعني كولشي مااعرف

بالنسبه الي علي اول شخص يلمسني

قطع نفسي يله تركني

وجنت حيل خجلانه منه

ردت بس اهرب

بعدها طلب مني العشه

رحت اجهز هو جايب ويا لفات بس احميهن

حسيت بي يراقبني وجنت حيل مرتبكه

اريد بس اشرد واروح لغرفتي

بس حجه ويايه وهيج المواجع

كملنه الحجي وحطيت اللفات كدامه وردت اطلع

سحبني اله وكعدني كباله

كتلج اكلي لا اسويلج شي اخليج تتندمين لان تعانديني

كعدت اني مااشتهي صحيح

بس مجبوره لازم اكول حتى يعوفني بحال سبيلي

جايب ويا 4 لفات

حميت اللفه مالتي بالكابسه وخليتها يابسه

احبها هيج

ردت اصعد فوك هناك اكل

مقبل كال اكعدي كبالي

كعدت اول مره راح ناكول سويه

عيونه ابد منزلهن مني

حيل ارتبكت وااخجلت

كوه ابلع اللكمه كملت الببسي واللفه ع حطتها

بعدها دك جهازه

رفع خط ويحجي بس عيونه عليه

الووو ..... هلو حبي

بالبيت لويش

لا ابيت اهلي

اي بوحدي قابل منو وياي

هاي شبيج اتخبلتي

يله يابه نايم بحضنها وهسه ارتاحيتي

وبستها همين شتردين بعد

اني ذبيت اللفه من ايدي

عاف الكرسي واجه عليه

حيل خفت كلت اليوم علي بي شي وهيج يتصرف اكيد شارب شي

كعد بالكرسي الي بصفي وصار قريب عليه

لج مخبله هو اني اكدر انام بحضن غيرج

بده يمشي اصبعه بوجهي

لج والله من شفتج لهسه اني بغير عالم

طيرتي عقلي من اول يوم الشفتج بي

كاعد اتعشى وانت

اني حيل ارتبكت وخجلت عفت الطبله وكمت

سحبني من ايدي ورجعني لمكاني

اي حبي وين تنهزمين مني اليوم

تدرين حيل مشتاقلج والله

عبالك سنين صار مفاركج

شال اللفه مالتي وبده يقربها عليه

يعني يوكلني يريد

عجيب امره يتغزل بزوجته كدامي ويتحارش بيه بنفس الوقت

رفضت اكول

بده يقرب شفته عليه

خفت اني بسرعه اكلت

كام يضحك بدون صوت

اي حبي شتعشيتو

بالعافيه

جبت لفات كص وياي

كاعد اكل هسه

اليوم احسه اطيب لفه ماكلها بحياتي كلها

لا ولج شبيج شنو لان بوحدي

لان هذا مطعم مفتوح جديد ولفاته تخبل

باجر ان شاء الله اجيبلج منه

احس هسه انت كبالي وتاكلين وياي

لو مااتصورج كبالي مستحيل اكدر اكل

اكلج صدك كولي لسجاد اريد عسل اصلي نفس هذا الي بالثلاجه

قبل شويه ضكته وعجبني حيل ابد ممغشوش

اني الي يذبحني بهاي اللحضه ميلكي بيه قطرة دم

يله حبي باي خل اكمل العشه وبعدها اخابرج

تتاخرون بعدكم

اوك حبي

وهاي احلى بوسه الج

باسني من شفتي ع السريع ووخر

كلي انتي شنو سالفتج متفتهمين بالحجي

بس بهاي الطريقه راح اخليج تفتهمين

مو كتلج اكلي عشاج يله تصعدين

بس مااشتهي والله

مو مشكلتي متصعدين اله تكملين

اني من صدك مااشتهي مو مثل قبل

يعني اللفه كوه اكملها ومن جنت يم اهلي لفتين كص لو اشبع لو لا

وادور حيل خايفه من علي واحس تصرفه مو طبيعي ويايه اليوم

مااعرف لويش يجوز لان اول مره نبقى بوحدنا

لو موبوعيه احتمال سكران

كتله راح اجبر نفسي اكول بس ابتعد عني وبعد لتتقرب عليه رجاءآ

لهالدرجه ازعجتج بقربي الج

مو مسالت ازعاج

بس اني وياك طريقنه مختلف مستحيل بيوم راح يلتقن

انت الك حياتك الخاصه

واني الي حياتي الخاصه

يعني افهم من كلامج حياتج الخاصه تقصدين بيها انت وزيد

ليروح بالك لبعيد

خل يكون ابالك اني كرهت كل شاب 

حياتي الخاصه اقصد بيها بس اني وبس

مااريد اي شخص بحياتي يدخول

واصلا گلبي قفلته وذبيته لمفتاحه

لا زيد ولا غيره

لو يبقى بس هو بالدنيا هم ماافكر بي بعد

اكلت اللفه اريد بس اصعد لغرفتي

وفعلا كملت وبعد ابد محجه ويايه شي

وصعدت لفوك

وبعدها نمت

كعدت ثاني يوم ونفس الروتين

مااحس اي تغير بحياتي

نفس القهر ونفس الضيم ونفس الروتين يوميه

من يجي علي باللحضه اختفي مرات يلمحني ومرات لا

بس يوم الجمعه مجبوره ابقى ع مود الغده

ومرات يجون بيت خالهم اهل هدى ولجين

ومرات خالاتهم ولدهم

بس اني بيوم اليجي احد

ابقى فوك ابد ماانزل

خطيه عمو دائما يصعد يمي ويجيبلي ويا حلويات

وسجاد همين يوميه يدزلي بيد البنات

طبعا علاقتي وي نرمين وحنان سطحيه

اتمنى كون هسه عندي شخص احجي ويا وافضفض الي بكلبي

من صدوك اني وحيده واشعر بوحده مو طبيعيه

طبعا هدى حيل موضجتني بس اني ساكته مو خوف منها

لا بس مااحب المشاكل

اخاف يتعارك وياها سجاد لو عمو واني مااقبل لان اني باعتباري خطار هنا

هاي اني لو احس الي سند جان لعبت بيهن جوله اثنينهن

اهلي جانو ماخذين كول تفكيري واشتياقي الهم مينوصف

بس هسه اتعودت وبعد مااهتم

يوميه ادعي ربي كون ينطيني الصبر ع فراكهم

ويوميه ادعي ع السبب الي هاي المشكله

طبعا الكول عنده دوام الصبح

نبقى بس اني وهدى بالبيت

تكعد فوك ال10 وبنتها ابد متخليها تتقربلي ابد

اني ميهمني شوكت تكعد ماعليه

البيت دائما نظيف ومن يجن نرمين وحنان ينظفن البيت كوله

اني اكثر شي المطبخ عليه

اني اكعد يوميه ب8 مرات الكي الكول طالع ومرات لا حسب محاضراتهم

اليوم كعدت وجانت خاله بعدهي

كالت هدى اليوم يم اهلها لتحسبين حساب الغده

كلنه راح نروح البيت اخويه عازمينه

اني مناك اخذ البنات واروح وسجاد مناك يجينه

بس عمج يمر عليج وتعالو سويه

بس خاله مااحب اطلع ياريت تقبلين ابقه هنا

بكيفج بلي يعجبج

اني راح اخبر عمج

صارت ب9 طلعت

بقيت بوحدي

خاله ساعه زينه وساعه لا

اباوع ع البيت جان نظيف

اكثر وقتي اقضي بالصلاه والقران

نظام اكلي كوله متخربط

مااحب اتريك من وكت

اغلب الاوقات ب10 لو اكثر اتريك

سويت الي ريوك سلگت بيضه وحميت صمونه

وكعدت هستوني اكلت طبعا نزعت الحجاب

لان مأمنه ماكو احد وسجاد اذا اله نيه يرجع اقل شي ب 1 الظهر

خليته الشال بالصاله

بيت عمو مساحته جبيره وبي حديقه جبيره

اذا انفتح الباب الخارجي منسمعه اله يندك الجرس

شعري ابد ممعتنيه بي لان دائما لابسه الشال

جان بوكته رافعته ليفوك

ونازل خصل ع وجهي

طبعا اول مره انزعه الشال ابيت عمو واني جوه

اني ابد مااحب الجاي ولا اشربه نهائي

كعدت اكل فجأه نفتح الباب الخارجيه مالت المطبخ

التفتت عبالي خاله رجعت لو عمو

اباوع كبالي علي حيل اتفاجأت بي حتى نسيت نفسي ملابسه الحجاب

هو هم بقه صافن عليه

دخل للمطبخ واني بقيت ع كعدتي

كال صباح الخير

صباح النور

كعد مقابيلي

استغربت منه صافن عليه

انتبهت ع نفسي ملابسه الحجاب

واني طفرت من مكاني مثل المخبله

ردت اطلع اجيب حجابي

وجان يسحب ايدي ويرجعني اله

جان يكول ......

توقعاتكم حبايب شراح يصير وشراح يكللها 😜😜

وهل ياترى راح تتحسن العلاقه ابيناتهم لو لا 🤔🤔

لتنسون التصويت حبايبي 😘😘😘 فضلا وليس امرا

البارحه جان التصويت مشجع جدا شكر خاص لكل شخص قام بالتصويت