#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#البارت 10

مساء الخير ع اجمل متابعين اتمنى لكم قراءه ممتعه

البارت 10

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

خاله اتخبلت كالت مستحيل اخلي ولدي يبتعدون عني

ومن وره منو من وره وحده سا.....

بعدهي ممكمله صاح عمو صوت بحيث اني من يمي طفرت خفت حيل

اخر مره اسمع هاي الكلمه بهذا البيت

لا قسما بالله ادير نفط بالبيت كله واحركه هو والبي

البيت صار هدوء
علي : من حجه ابويه اخر مره عفتها وتركتها لملاك

كلت حجيه صحيح هو اني مراح افكر بيها لملاك ك زوجه الي

لان رافضتني ومتحبني وكرامتي متسمحلي اتقربلها وهي اصلا تحب شخص ثاني وهذا الشخص متقربلها

ومتواعدين بعد الطلاك راح يتزوجون

اني صحيح عاجبتني ولحد الان عاجبتني

طبعها حلوه وهادئه

لليوم مراددت احد بالبيت ولا احد اشتكه منها

طبعا مااشوفها اله صدفه

من ارجع للبيت تختفي من الوجود مرات انسه وجودها ابيناتنا

هواي مرات نكعد نجمع كليتنه بس هي ولا يوم كعدت ويانه

جنت اتمنى تكعد ويانه وتتاقلم بس هي مرات احسها معقده
ومرات احسها مغروره ورافعه خشمها علينه

طبعا اني وسجاد ابد مندخل بشغل البيت

مانعرف منو الي تشتغل ومنو الي كاعده

اليوم جنت بالدوام اتصل بيه ابويه

طلب مني ارجع للبيت الصراحه حيل خفت اخاف صاير شي

محجه شي

طلبت اجازه زمنيه وطلعت ولكيت ماما هم جايه وسجاد همين

واحد صافن بوجه الثاني

بعدين حجه بابا بقينه صافنين

طبعا ماالهن حق يضربنها وجان موقف بابا صحيح

من اعترضت ماما كام يصيح

الكول سكت لان بابا نادرا يعصب

بس من يعصب ميشوف دربه بعد

لازم نسويلهن حل هدى ولجين
كال بابا الكم مهله اسبوع لازم واحد منكم ينتقل لبيته

واذا محد قبل ينتقل

راح اخذ ملاك واطلع اني

عافنه ودخل لغرفته

ملاك سحبت نفسها وصعدت

ماما بدت تحجي وتكول بس يطلع واحد منكم اترك البيت وماابقه بي ولا يوم

حجيت وي سجاد كتله شوف شغلك وي زوجتك

واني لجين راح اعرف شاصرف وياها

وانت ماما لازم تكونين وي الحق

بغض النظر هذي منو وذيج منو

ميصير هيج يصير وانت ماتدرين

ولازم توكفين وي الحق

لجين وهدى هواي زودنها وياها

صعدت لغرفتي
ولكيت لجين تبجي

ها خيرج

بس لا ملاك ضاربتج وجابرتج تغسلين ملابسها

تنظفين غرفتها ؟؟؟؟

والله جذب وهي الي غلطت عليه

ودومها بغرفتها وكلشي متسوي بس نايمه

والبيت كله عليه اني وهدى

يعني تجذبين بابا

لا مو قصدي

ضربتها راجدي احسبي حسابج جهزي غراضنه لان احنه الي راح ننتقل

واخذي راحتج اطبخي ونظفي والبيت كله عليج

لا ليش مو سجاد وهدى همه الي يطلعون

لا انت راس الفتنه ولازم تتعاقبين انت

وهسه ابدي من هاي اللحضه جهزي غراضنه
مااعرف من شنو غاثتج ملاك

لو خايفه اعوفج واروحلها

لاوالله حتى احركها حرك

بدلت ونزلت

لكيتها ملاك جوه تجهز بالغده

البنات بالكليه

رحت كملت دوامي ورجعت

نادت للكول ع الغده

احنه نظامنه الكول ياكل مهما كانت الظروف وماكو احد يزعل ومياكل ابد

ملاك الوحيده الي متاكول ويانه ابد

كملنه الغده

وطلبت من لجين تشيل المواعين وتغسلهن

بس اجتي ملاك وبدت تشيل بيهن

وبعدها غسلتهن
حجيت وي ابويه وماما كتلهم اني راح انتقل لبيتي

كلي بابا

ابني اني مو قصدي اطردك من البيت لو اطرد اخوك

بس نسوانكم مكعدن راحه

البنيه ماعدها احد صحيح واهلها تبرو منها بس مو معناها نخليها خدامه عدنه

حتى الله ميقبلها

وهاي شوفت عينك ابد مشتكت بيوم ولا حجت

والتفت ع امي وكللها

وانت يا ام علي معرفتي تحجين وي بنات اخوج وتخليهن يقسمن الشغل ابيناتهن ليش تكونين منحازه الهن لان بنات اخوج

وهاي لان بنت اخويه هيج تسوين وياها

المفروض انت مثقفه ودارسه وتخافين الله

ميجوز هيج تسوين

والخطأ تتحملينه انت لان تعرفين كلشي وساكته
طبعا ماما ساكته منطقت ولا حرف

كال تعرفوني اني وي الحق دائما وماانحاز لشخص لو شيصير

ملاك مو لان بنت اخويه وكفت وياها

لا بالعكس لو عايله اني اعاقبها اشد العقاب

تعرفون لو مااني موجود متاكد محد عرف بالموضوع

لان مستحيل تشتكي بيوم

كتله يابه اني اطلع وبارادتي واني احب اعلمها لجين

اخليها كولشي تسوي بايدها حتى تعرف النعمه الجانت بيها

بست راسه وكتله امسحها بوجهي واني اسف بالنيابه عنها

لا ابني لا تتاسف

الغلط مو غلطك انت شمدريك

ماتتواجد بالبيت صدفه

بعدها صعدت لغرفتي الصراحه حيل ضايج
لان راح اترك اهلي مو هين عليه

وماما خطيه حيل متاثره

والاهم من كولشي ملاك راح تبقى هنا

راح تنقطع عني اخبارها ومااعرف شتسوي ماتسوي

بس ماكو خيار ثاني امامي

نمت ولجين بدت تتوسل وتتاسف

عفتها ونمت لان حيل ضايج

كعدت وبعدها رحنه للمكتب اني وبابا

هم بقينه نحجي هناك وكلي البنيه خطيه ولازم نصير الها سند

مو نصير مثل اهلها همج ومعرفوا يعالجون القضيه بغير شي

وراها اجوي ناس ع مود قضيه والتهينه بيها

بالليل رجعنه وجان البيت هدوء

صعدت للغرفه
لكيت لجين تكلب بالجهاز

طلبت منها تحضر العشا

نزلت جوه واتعشيت

كتلها جهزي نفسج باجر امرلج للروضه ب9 حتى اوديج للبيت تنظفينه

وبعدها اشتري الاثاث والكاونتر

كالت مااكدر انظفه بوحدي

اخذ وياي ملاك

احترمي نفسج واسكتي

شكلولج خدامه تشتغل عندج

سكتت محجت شي بعد

نمنه وثاني يوم طلبت اجازه ومريت ع لجين

رحنه للبيت ونظفناه

وجبت واحد اخذ مقاس الكاونتر

جانت لجين قبل الزواج تلح تريد بيت وحدها
بس هسه ضايجه لان تعودت ع الخدمه

للعصر رجعنه اخذت ماما نشتري اثاث للبيت لان ذوقها حلو

طبعا لجين ضاجت بس مهتميت

ماما حيل ضايجه كتلها يوميه اني يمكم لو انتو تجونه

وانت من البدايه ردتيني اطلع ابيت وحدي واني رفضت

كالت بس مو تنطرد بهاي الطريقه ومن وره وحده ساقطه

حيل ضجت من كلام ماما بس مجاوبتها

اختارتلي الاثاث ع ذوقها

واخذت ثلاجه ومجمده وطباخ

ثاني يوم اجني الغراض وبدينه نرتب بالبيت

بقه بس الكاونتر

وره اسبوع جهز

ردت انقل الغرفه ماما مقبلت
كالت تبقى غرفتك باي وقت تجي بيها

واني راح اشتريلكم غرفه بمكانها

خلال 10 ايام كملنه كولشي

التهيت بالبيت هاي الفتره

ملاك مشفتها ابد

ودعت اهلي ورحت للبيت

قررت يوم الجمعه اسوي غده لاهلي ولاهل لجين بيت خالو

خبرتهم بالموعد

اجوي اهلي كلهم بس ملاك مبقينها بالبيت ماقابله تجي

ذبحت ذبيحه وزعتها للفقره

وثاني ذبيحه طبخناها

ثاني يوم عزمت جماعتي الي بالدوام

وامي اجتي وجهزت الاكل

بعدها بدت معاناتي وي لجين

كولشي متعرف تسوي

ومكضيتهن كله موبايل ومخابرات

اكثر المرات الكيها طالبه من بره اكل

والعشه يوميه اجيب جاهز

بدت مشاكلنه تزيد

طفل لحد الان مصار عدنه

وحاصرتني تريد تراجع اله ابغداد

يوميه عند اهلها واني باقي هيج

امي والبنات دائما يجن

شكيت لامي ع حالتها

كلتلي شاسويلها شكد حجيت وياها وي خالك ولا فاد

كمت يوم اني امر ع اهلي ويوم هم يجون

بس ملاك من اجي لبيت اهلي تختفي ومن يجون اهلي متجي وياهم

دائما اسال عليها نرمين وحنين

طمنني عليها وكالن كاعده وساكته

وهدى هم بعدهي تضوجها

لا بابا ميقبل

ملاك : من شال علي لليوم خاله وهدى شدن ويايه

خاله تكولي من وراج فاركت ابني

وهدى تكول من وراج هاني عمو وسجاد وفاركت اختي

اني سلاحي التجاهل وانفذ شنو اليردنه ابد مااجاوب احد

بس يجي علي اختفي واصعد فوك لان ادري بي يضوج من يشوفني

راحو اله لبيتهم كولهم وطلب مني عمو اروح وياهم

رفضت مااكدر اروح

حالتي النفسيه زفت

حيل ضايجه من نفسي مرات افكر واكول لو جايه الطلقه بكلبي افضل الي بهواي لو ميته

ولا هالذل العايشته

اني مااعتب على بيت عمو كلهم

عتبي بس ع اهلي الي كدروا بسهوله ينسوني

سجاد دائما يدزلي حلويات بيد البنات

استحي منه سجاد مو هاكد احجي ويا

وهو دائما ميتواجد ابد

عن قريب عيد ميلادها لزنوبه بنته والكول بده يجهز للعيد ميلاد

هواي تجهيزات حضروا

اجه الموعد وهواي ناس عزموا

اني محبيت ابقى يمهم لان ادري اني شخص ممرغوب بي

عمو حجه وياي ابقى يمهم

اعتذرت من عنده وصعدت لغرفتي

طبعا هواي اضوج من وضعي بس مابيدي شي

اشتاق لاهلي ولكليتي ولصديقاتي

هنا احس بكآبه واحس بنفسي شخص ممرغوب بيه ابد بنصهم

احير شاسوي بالوقت لان ماعندي اي شي يسليني ويلهيني

لا موبايل ولا تلفزيون ولا اي شي ثاني

مرات اضطر انام واعاني طبعا بالليل لان مااكدر انام

كلت خلي اصعد بالسطح هم اشتم هوى وهم الهي نفسي حتى ماانام

طبعا احنه هسه شته تقريبا بشهر الواحد

جان الجو بارد حيل

صعدت وجنت حيل ضايجه واحس نفسي مخنوكه

صارت السماء كبالي وجانت صافيه

بديت احجي بيني وبين نفسي

هسه شصار لو علي ممتقدملي يمكن مصار الي صار

ولا زيد سوه هيج بيه ولا اهلي تبروا مني

مشتاقه لاخواتي ولاخواني ولحنان ماما ولبابا

رغم قسوتهم ويايه بس اني احن عليهم ولا اكدر انساهم بيوم ابد

بعدين دعيت ربي كون تظهر الحقيقه لان حيل اعاني من وضعي

بقيت كاعده بالكاع طبعا مهتميت لا للوسخ والتراب الي بالكاع ولا للبرد

حسيت بنفسي اول مره اتنفس هواء نقي

شفت الطيور تطير

حسدتهن احجي وياهن بصوت

هنيالجن عندجن جناحات واطيرن

اتمنى اني هم مثلجن واكدر اطير

جان طرت كبل لاهلي اشوفهم واطمأن عليهم وارجع

لا لويش ارجع ابقى اطير واهاجر لابعد مكان

وابتعد عن الناس كولها

ماكو اجمل من الحريه

حسيت بحركه قريبه التفتت ولكيت علي كبالي

اتفاجأت بي

علي : هواي اتردد ع اهلي واتمنى اشوفها لملاك

بس ولا مره لمحتها

اكو شي بداخلي يتمناها واتمنى اشوفها كبالي دائما

اليوم جان عيد ميلاد زنوبه بنت سجاد طبعا اول سنه

مسويلها عيد ميلاد واجينه اني ولجين صادف خميس

وجانو بيت خالو كلهم حتى الولد اخوت لجين وهدى

وخالاتي اثنين هنه وبناتهن وولدهن

وهواي بعد ناس البيت مليان ناس

اتمنيت اشوفها لملاك وبنفس الوقت محبيت تطلع امام الولد

بس الحمد لله ملمحناها ابد

بدت الحفله وجانت حلوه

بس اني ولاكانو بنصهم بغير عالم

افكر بملاك رغم ما الكول فرحان بس هي الله اليعلم وين هسه

لحد الان معرفتها بالضبط

ليش عازله نفسها عن الكول

مااعرف تشعر بذنب او مغروره واحنه مو بمستواها مثلا

بدوا يقطعون الكيك وانطوني اكلت شويه وحبيت اسحب نفسي كلت خل اصعد يمها واشوفها شدسوي هسه

استاذنت منهم وطلعت

صعدت لغرفتها دكيت الباب ماكو

وجانت مفتوحه دخلت لكيتها ماكو

نزلت للمطبخ ماكو دورت البيت كوله ماكو

عقلي طار معقوله هربت !!!! لا مستحيل تسويها

رحت للحديقه الخلفيه هم ماكو

رجعت صعدت كلت يجوز بالحمام

بس ثار انتباهي يجيني هوى بارد من جهة الدرج

صعدت للسطح وجان الباب مفتوح

شفتها كاعده بالكاع وتحجي وي نفسها وعينها ع السماء والطيور

سمعتها تحجي وتتمنى تكون طير وتروح تشوف اهلها

حيل ضجت عليها هم خطيه حتى لو مذنبه وغلطت بس المفروض عمو ميعاملها هيج

يخلي امها واخواتها يحجن وياها

لان الانسان صعب علي هيج موقف وهيج قسوه

اتقدمت عليها وهي ابد محست

وره فتره انتبهت التفتت ع جهتي وشافتني

اتفاجأت بيه كامت من الكاع وبدت تنفض بملابسها

شلونج ملاك

هلو علي

شخبارج

عايشه والحمد لله

شعندج هنا بهذا البرد

هيج حسيت بنفسي مخنوكه وحبيت اشتم هوى

نزعت قمصلتي وانطيتهيا لان الجو حيل بارد

ومبين عليها بردانه

هاج البسيها بارده

لا ماكو داعي راح انزل

البسيها ولتنعاندين الجو حيل بارد

لبستها وطبعا مدنكه لحد الان مرفعت عينها بعيني

ليش مانزلتي للحفله

مااحب الحفلات والهوسه

بقينه شويه بس اثنينه ساكتين

بعدها نزعت القمصله وكالت

هاك شكرا راح انزل

ياريت متنزلين لان ولد خالاتي وولد خالي هواي جوه وراح يبقون ع العشه

هو اصلا ممفكره انزل اطمأن

نزلت قبلي واخذت القمصله ولبستها

احس كانو ملاك بحضني اشتم عطرها بالقمصله

انتابني شعور جميل اول مره احس بي

حسيت بسعاده مو طبيعيه

اتمنى احضنها اتمنى اعتبرها زوجتي

بس كرامتي متسمحلي

لان متحبني ولا تريدني ولا اطيق شوفتي وهذا اكبر دليل من صدفه اشوفها

ومن اجي تختفي من الوجود

بقيت فتره وبعدها نزلت

لكيتهم بعدهم بالحفله

اني كاعد واوزع ابتسامات وماادري بنفسي

اني بغير عالم اتخيل نفسي اني وملاك بغرفه لوحدنا ونايمه بحضني وتكولي احبك وذايبه بين اديه

محسيت اله ايد تضرب بظهري

صحيت من حلمي

لكيت الكول ناصب عليه

ولد خالو وولد خاله وسجاد ويضحكون عليه

منو الي ماخذه عقلك

احتاريت شاجاوبهم

بعدين اتذكرت موقف صار بيه قبل شكم يوم

كتلهم صار موقف ويايه بالدوام

اكو مريه جبيره بالعمر عامله عدنه وفقيره

نشرب جاي يمها

وملتمين هواي موضفين وموضفات

وجان تكول شفتو الخبر الامس نشرو ع الفسفس باك

هذا الغص بالمي وهذا الذب الجاي من حلكه وهذا الكام يبجي من الضحك

هم كامو يضحكون

بس ابن خالتي كلي وانت هسه شذكرك بي

هيج اجه ابالي الموقف

مااعرف صدكوني لا

بس الموقف حقيقي صار وياي

طبعا الكول بقه ع العشا

جبنه جاهز اني وسجاد

وجانت اللمه حلوه وي الاقارب

بس اني احس بنفسي ممرتاح لان ملاك مو يمنه

هواي افكر بيها اني ع الاكثر احبها واعشقها رغم الي صار

كلبي يهواها ويريدها

بس عقلي لا رافضها وبشده

بابا طلب من حنين تصعد عشا لملاك

طبعا اكيد الكول يعرف قصتها لملاك من بيت خالو

بس محد يجيب طاريها ابد

صعدتلها العشا ونزلت

سالت حنين كتلها اخذته الاكل لو رفضت

كالت لا ليش ترفض اخذتها

واحد من ولد خاله مقرب الي هوايه اسمه سيف وبعده متتزوج

بس البقيه كولهم متزوجين

صار بصفي وكلي فلمك معبر عليه ويضحك

لك يافلم والله صدك

ادري صدك بس صفنتك وضحكتك مالت واحد واكع بنص الحب 😜

وشعندك روحك راحت وي حنين من صعدت لفوك

لا يمعود شعندي قابل فوك وروحي تروح

اتلخبطت اموري كلها وحرت شاجاوبه

بعدين لفتها علي

عوفك مني تعال سولفلي انت شخبارك

ليارقم وصلت بعلاقاتك

الله وكيلك بس 25 وحده وهنه الي لازكات بعيني

اكلهن متزوج يكولن عادي

ومرات اتوهم بيهن سناء اكولها مها

وسراب اكولها زهراء

ويتعاركن وياي

كمت اضحك لك متجوز من اسوالفك

الك يوم وتوكع بيها

يمعود خلينه نتونس ونشبع قبل لندخل القفص وتكوم تتحاسب ع كولشي

معقوله محبيتلك وحده من ال25

لا يمعود بس اقضي وقت وياهن

هي الي تخابر وتذب نفسها عليك كوه شتترجه منها

اي والله هم صدك حجيك

ويمته ناوي تتزوج

خليني حر احسنلي شلي بهالورطه

اجوي الولد وكعدنه نسولف سويه

بعدها كام سيف كال اريد للمطبخ

طبعا متعودين علينه وماخذين راحتهم الولد ابيتنه

لان ماكو غربه والكول كاعد سويه

يعني ماعدنه تقيد ابد

حتى من نروح احنه الهم كذلك

بس وره لحضات رجع كعد بصفي بس وجها ينطي اللوان

ها ولك شكو شفتلك جني بالمطبخ

لا ولك اسكت

دخلت مسيطر للمطبخ اخابر بوحده من البنات وماخذ راحتي عالاخير

والحلوه اطير فياله ع البنيه وكتلها بمول المنصور

بس من دخلت انصدمت ابنت عمك بالمطبخ

من فشلتي كتلها صباح الخير

نسيت احنه بالليل

واجيت اركض حتى نسيت شردت اجيب من المطبخ

اني الصراحه ضجت شنزلها وهي تدري ناس عدنه هواي

عيب منه محجيت شي بس بداخلي افور دم

اني كتلها لتنزلين ليش هيج سوت

عناد ويايه مثلا

ردت بس تصيرلي فرصه حتى اروح احجي وياها

وره شويه سحبت نفسي للمطبخ

دخلت وجان اشوفها كبالي ترتب المطبخ عجيب امرها ولا جني طلبت منها متنزل

وجان .......