العشق المفقوع 💕
رنا شومان
__________________

( التفتو جميعا ببطىء ليرو ما الذي خلفهم ليتسمرو جميعا من هول المنظر و هتفو جميعا
بهلع شديد )

الفتيات : ك ك ك لا ا ا ا ا ا ب ب

( ظلو على وضعهم هذا لم ينطقو ببنت شفة من الصدمة ، حتى تحدثت هي بخوف هامسة لهم )

بسمة : محدش - يتحرك - كلو - يثبت - مكانه

ديانا بسخرية : إيه البوليس ؟!

( قاطعتها و مازالت تهمس )

بسمة : ششششش خاالص .. الكلاب لو حست إن إحنا خايفين هتاكلنا ولو جرينا هتجري ورانا فمحدش يتحرك

( لم يستمعو لبقية الحديث ، حيث بدأو فعلا بالركض صارخين ، بينما انتفضت هي أيضا
راكضة عندما وجدت الكلاب تركض خلفهم )

بسمة : عااااااااااااا ياااااا مامااااااااااا

( ظلت ديانا تضحك على مناظرهم و خاصة إيمان و إيناس الذين سبقوهم بأمتار عدة ، و أيسل التي تركض و نظراتها مشتته على كل جانب بالطريق
و بجانبها تسنيم التي تضربها و تحثها على العثور على منزلهم ، و بسمة التي تبكي و تتصبب عرقا من الخوف ، ظلت تضحك عليهم حتى أردفت و هي تلهث )

ديانا : يختاااااي مش قادرااا هموووت

( هتفت هي بصراخ إليها )

أيسل : الله يخربيتك هوا وقته ؟!

( سمعو صرخات إيمان الخائفة التي تبتعد عنهم بماسافات كبيرة ، فأردفت بضحك )

ديانا : عاااا مش قادرااا .. طب الأخت بعيدة عنهم بأمتار .. و بتصوت ! .. أومال أنا أعمل إيه ؟! .. بجد حرام مش قادرة أجري من الضحك

( عضت هي على شفتاها بغيظ من تلك الغبية التي تضحك في موقف لا يستدعي الضحك بتاتا ، و صدمت عندما وجدتها تقف ولم تعد تستطيع الركض ، فرجعت إليها حتى تسحبها معها ، و هتفت بغضب )

أيسل : إجري يا متخلفة أنا مش قادرة أسند نفسي أصلا

( قطع نقاشهم صراخ بسمة )

أيسل بصدمة : بسمة

( ركضت ديانا و أيسل إليها فوجدوها تبكي من عضة الكلب الذي قفز و عض يدها ، قالت ببكاء )

بسمة : عااا الكلب عضني هاااخد 20 حقنة في بطني يا أيسل اهئ اهئ

( أردفت هي مصححة إياها )

ديانا : لا ده في سرتك مش في بطنك يا بنتي

( لكزتها أيسل لتصمت حتى لا تخيفها ، ثم قالت )

أيسل : لا يا حبيبتي هيا تقصد ان الطب اتطور ومعدش في الكلام ده .. تعالي بس اسندي عليا

( اسندوها و أكملو الركض بينما ديانا مستمرة على ضحكها ، سمعو صوت صراخ إيمان و إيناس ، ركضو نحوهم مستفسرين سبب صراخهم ، فهتفت بقلق )

أيسل : إيه مالكو في إيه؟

نظرو إليهم ثم قالو بألم بين على وجوههم )

إيمان : رجلي اتجزعت و أنا بجري

إيناس : و أنا كماان

( ظلت تضحك عليهم ، أوقفت ضحكها عندما لمحت أن الكلاب آتية نحوهم ، فقالت )

ديانا : يختااااي إجرو إجرو

( أتو أن يركضو لكن أوقفهم مشهد الشاب الذي أتى من اللامكان ليروض تلك الكلاب لتتوقف بالفعل ، التفت إليهم ليرو ، شاب طويل عريض المنكبين ذو شعر أسود كثيف و عينان باللون الازرق ، أتى إليهم بينما ديانا مازالت محدقة به )

....... : آسف بجد آسف

أيسل : مين حضرتك و بتعتذر على إيه ؟!

( نظف حلقه بلسانه مردفا ببعض التوتر )

...... : أصل الكلاب تبعي و هما جريو مني والله معرفش ليه .. أول مرة تحصل .. أنا آسف مرة تانية

( حدقو به بذهول بينما قالت هي )

تسنيم : نععععم الكلاب دي كلها بتاعتك .. ازاااي ؟!

( تجاهلت حديثها ، و قالت )

أيسل : ولا يهمك .. حصل خير

( ابتسم ثم مد يده ليسلم عليها قائلا )

...... : حمزة .. اسمي حمزة اتشرفت بيكو و لو احتجتو أي حاجة أنا في الخدمة

( مدت يدها هي الأخرى ثم قالت )

أيسل : تمام .. بس ممكن بس لو تعرف بيت صلاح الجداوي هوا كان عايش هنا من زمان و .....

( بتر حديثها قائلا )

حمزة : إيه ده بجد .. ده أنا ساكن في البيت الي تحتكم

أيسل بدهشة : إيه ده هيا طنط أم حسين نقلت ؟!

ديانا بهمس ساخر : بقا المز بيقلك إنو ساكن تحتكم تقوليلي أم حسين .. صبرني يا رب

( تجاهلت حديثها ، و قالت موجهة له )

أيسل : طب معلش ممكن توصلنا .. أصل أنا بقالي سنين مجتش فناسية

حمزة بابتسامة : آه آه طبعا .. إتفضلو معايا

( صار في الأمام و هم خلفه ، حتى فجأة سمعو صوت صراخ تفزع له الأبدان ، فالتفتو جميعا ليرو تلك القابعة بالحفرة أو بالأصح ماصورة المجاري تلك ، لم يستوعبو الأمر بعد حتى صرخت بهم قائلة )

ديانا : حد يطلعنااااي .. إيه الي أنا وقعت في ده ؟!

( كتمو ضحكاتهم بصعوبة حتى تقدمو لمساعدتها لكن أوقفهم حديثه عندما قال )

حمزة : إرجعو إنتو ورا .. و أنا هطلعها

( انصاعو له متراجعين للخلف ، بينما تقدم هو منها ، توترت بشدة من قربه ، ثم قالت بتوتر )

ديانا : هو .. هو .. إنت هتعمل .. إيه ؟!

( شعر هو بها ، فأجابها محاولا إطمئنانها )

حمزة : متخافيش أنا هطلعك من هنا بس

ديانا بنبرة شبه بكاء : طب .. طب .. هوا أنا وقعت في إيه .. يعني إيه ده ؟!

( اندفعت تسنيم لتجيبها )

تسنيم : دي مجا...

( بتر حديثها تكميم أيسل فمها حتى لا ترتعب الأخرى بسبب غبائها ، ثم قالت ببعض التوتر )

أيسل : هيا .. هيا .. تقصد حفرة .. آه حفرة

( تحدثت مرة أخرى و كادت أن تبكي )

ديانا : حفرة ؟؟ .. طب حفرة إيه دي ؟

( نظفت حلقها و قالت بتوتر )

أيسل : يا بنتي عادي .. حفرة عادية .. آه آه شفتي في السعودية لما كانو بيحفرو عشان يعملو مطبات .. هما بقا بيعملو زي كدة يعني

ديانا بحيرة : بس .. بس هما هناك بيحطو حواليها حاجة و أسلاك عشان الناس تاخد بالها وماتجيش عندها

أيسل بسخرية : آه هناك بقا .. مش هنا في مصر

( ظل هو يستمع لحديثهم و كأنه مزهرية .. لا وجود له ، فتقدم نحوها حتى يساعدها فوضع
يده على خصرها ساحبا إياها إلى الأعلى لكن
أبى جسدها أن يستجيب له ، فضغط بيديه أكثر
عليها حتى يخرجها لكن لا فائدة ، تأوهت هي بسبب ضغطه )

ديانا : آآآآه

حمزة بتوتر : مممعلش .. أنا بس بحاول أطلعك

ديانا بألم : طب براحة أنا حاسة إن ضلوعي اتكسرت

( أشفق عليها فظل يدعك بيديه على خصرها محاولا تخفيف الألم الذي سببه لها ، فنظرت
هي إليه بذهول قائلة )

ديانا : إنت بتعمل إيه ؟!

حمزة ببلاهة : إيه بخففلك الوجع

ديانا : و حيات أمك ؟!

( امتعضت ملامح وجهه ، و قال )

حمزة : الحق عليا .. خلاص سلام خليكي كدة

( أسرعت هي قائلة )

ديانا : لالالالا .. خلاص والله معلش تعالى بس بالله عليك تطلعني بسرعة

( تأفأف ، ثم عاد إليها محاولا سحبها بأقوى
ما لدية حتى خرجت أخيرا بعد عناء شاق و
ألم شديد ، حملها إلى فوق حتى انتصبت على
قدميها واقفة بميل من شدة الألم )

ديانا : آآه وسطي

حمزة : أنا آسف والله بس دي الطريقة الوحيدة الي تطلعك من هنا

أيسل : ولا يهمك .. تعالي يا ديانا أسندك لحد البيت

( ظلو يمشون خلفه حتى وصلو إلى المنزل )

أيسل : بجد شكرا مش عارفة اقلك إيه

حمزة : ولا يهمك أنا معملتش حاجو .. لو احتجتي أي حاجة أنا تحت أهو

أيسل : أكيد

( ثم أغلقت الباب و دلفو جميعا و كانت المفاجأة المنزل نظيف وخال من الأتربة ، تجاهلت أيسل تلك النقطة و خمنت أنه لربما أن المدعو حمزة ذلك قد أتى بأحد لينظفها ، جلسو جميعا بإرهاق ظاهر على وجوههم )

ديانا بحسرة : ماشاء الله مكملناش يوم و حصلنا كل ده .. شكرا يا ماااااسر

تسنيم بتعب : كلنا اتبهدلنا معادا أيسل

أيسل : اقعدي قري بقا .. كانت ناقصة هيا

( سمعو صوت قرع الباب فذهبت لترى من الذي أتى إليهم ، فتحته فوجدت حمزة واقفا أمامها و
بحوزته أكياس من المتضح أن بها طعام بناءا
على الرائحة الفائحة منها ، تنحنح هو قائلا )

حمزة : أنا قلت أكيد جايين من السفر تعبانين فجبتلكم أكل كدة تسدو بيه جوعكم

أيسل : شكرا جدا بجد و شكرا على انك جبت حد ينظف البيت

حمزة : عفوا على إيه بس ده النبي وصى على الجار مش كدة ولا إيه

أيسل : أكيد بس سؤال بس .. هوا إنت جبت نسخة من مفتاح الشقة ازاي ؟ و مافيش غير واحد بس معايا !

( بهت هو من سؤالها لم يتوقع أن تسأله فأجابها بتوتر ملحوظ )

حمزة : أصل .. أصل هوا أنا خدته من صاحب البيت واداني نسخة

أيسل بحذر : بس إحنا بيتنا تمليك مش إيجار !!!

*****

في فيلة الشباب

( انتهو جميعا من تجهيز أغراضهم للسفر ، جالسين على الأريكة منتظرين فقط إتصال منه يخبرهم بالإنطلاق حتى وجدو أحمد يدلف إليهم و بحوزته خمسة حقائب )

آسر بسخرية : و ده من إيه ده إن شاء الله

أحمد بثقة : دي كل حاجاتي و ممتلكاتي و جميع ما أملك

أمجد بسخرية : طب يا حبيبي متبقاش تزعل لما البوص يرجعك بيهم و إنت عامل زي الخدامة الفلبينية كدة

( تجاهل سخريتهم مردفا ببرود )

أحمد : ميقدرش أصلا .. مش كفاية هيعيشنا في شقة من بعد مكنا عايشين في فيلة أصلا

( أعلن هاتف كرم عن إتصال جديد ، فصمتو جميعا )

كرم : ده هوا

يوسف : طب مترد

آسر : افتح الاسبيكر

كرم : طيب

( فتح مكبر الصوت ليأتيه صوته )

البوص : أنا حجزتلكم على أسرع طيارة متجهه لمصر و أنا مستنيكم في مطار القاهرة حاليا

كرم بصدمة : بالسرعة دي كدة

البوص ببرود : أها و يا ريت يلا مش هستنى كتير أنا

( ثم أغلق الخط غير معطي لهم الفرصة للحديث )

أمجد بغيظ : يا برود أمك يا شيخ إيه ده

أحمد بسخرية : واحد زي ده أكيد عنده أكتر من ستين سنة و بوص بقا وحركات

( أكمل هو بسخرية مماثلة )

يوسف : ده هتلاقي في صنية زبادي على شعره و برده مافيش فايدة

آسر بملل : أنا زهقت خلاص من الي إحنا فيه ده أنا مش عايز أكمل

كرم : أصله كان بمزاجك هوا دخول الحمام زي خروجه يا بابا و خصوصا في شغلانة زي دي !!

*****

في منزل أيسل الجداوي

( أردفت بحذر )

أيسل : بس إحنا بيتنا تمليك مش إيجار !!

حمزة بتوتر : مش مش عارف والله بس هوا في راجل اداني المفتاح ده و قلي إن أجيب حد ينضف الشقة و قال إنه يعرفكم

أيسل : اممممممم حد يعرفنا ؟ .. اوك شكرا مرة تانية

حمزة بابتسامة : على إيه العفو

( ثم خرج و أغلقت الباب ملتفته إليهم قائلة )

أيسل : حمزة جبلنا أكل يلا عشان ناكل تلاقيكم جعانين من السفر

إيمان بامتنان : كتر خيره راجل محترم

( اختلست النظر إليها و ضيقت عيناها قائلة )

ديانا : اممممم محترم .. قلتيلي

( رفعت حاجبها الأيسر قائلة )

إيمان : ديانااا .. حاسبي على كلامك تقصدي إيه

ديانا : مقصدش يختي .. المهم أنا جعانة أوي يلا ناكل

( جلسو جميعا على الأرضية على شكل دائرة و الطعام في الوسط ، بينما انتصبت هي واقفة قائلة )

إيناس : أنا مش جعانة أنا داخلة أنام .. فين الأوضة يا أيسل ؟

أيسل بدهشة خفيفة : هناك أهي جمب الحمام

إيناس : طيب شكرا

( وجهت حديثها لهم بتعجب )

أيسل : هيا مالها ؟!

( رفعت منكبيها قائلة )

بسمة : مش عارفة والله

( أما في الداخل لم تصدق ما قاله لها بعد أهذا هو آسر حبيبها كيف أتت له الجرأة لقول هذا ؟ أخذ عقلها يقودها لتذكر ما حدث )

FLASH BACK

في السعودية

( في الغرفة و هي تتحدث على الهاتف بحدة )

إيناس : يعني إيه .. إيه الي إنت بتقولو ده يا آسر

آسر بنبرة عادية : إيه الي أنا بقوله ؟

( جن جنونها من بروده ، فهتفت بصراخ )

إيناس : يعني إيه نسيب بعض بعد تلت سنين ارتباط جاي تقلي دلوقتي .. إحنا مننفعش لبعض .. بقلك إيه لعب عيال والهزار ده مبحبوش

( أجابها مستفزا إياها )

آسر : هوا كدة .. هوا ده الي عندي .. إحنا مننفعش لبعض يا بنت الناس فكل واحد من طريق أحسن

( صرخت به قائلة )

إيناس : وحيات أمك .. و جاي تقول دلوقتي بعد تلت سنين إننا مننفعش .. جاي تكتشف ده حالا

آسر بحدة : إينااااس .. صوتك ميعلاش عليا أنا ساكتلك من أول المكالمة بس عشان عذرك .. بس هتطولي لسانك .. هقطعهولك

( وصل الغضب أشده لديها لتردف )

إيناس : هوا إنت ليك عين تتكلم أساسا . . آآه قول إنك زي شباب اليومين دول تخلع على طول قبل متلبس و تتسلى بس شوية

آسر : إينااااس لمي لسانك ده و بعدين أنا إيش عرفني إنك مبتكلميش غيري و بتضحكي عليا يعني وحدة قبلت إنها تكلمني أكيد هتكلم غيري

( افتغر ثغرها بصدمة من حديثه و تجمعت الدموع في مقلتيها قائلة )

إيناس : أنا ؟؟ .. أنا يا آسر ؟؟ .. إنت تعرف عني كدة إخس عليك إخس .. يا أخي ده إنت متعرفش شكلي أصلا .. ده أنا كنت ببعتلك صوري بالنقاب و بالعافية كمان و كنت دايما حاطة حدود بينا و إنت عارف
كدة يا آسر و في الآخر تقلي كدة

آسر ببرود : و أنا إيش عرفني إنك مش بتمثلي .. مش يمكن بتعملي كدة قدامي و من ورايا شماال

إيناس بصدمة : شماال ؟ أنا ؟ .. تصدق بالله أنا الي أستاهل مليون جزمة فعلا الغلط عليا مش عليك إنت سلام .. سلام يا آسر !!

BACK

( مسحت دموعها بحسرة ، صمتت حتى قطع صمتها صوت ضجيج بالخارج فترجلت للخارج لترى ما يحدث ، أما في الخارج جالسين يأكلون حتى سمعو صوت قرع الباب و بشدة )

تسنيم بازعاج : ده مين البهيم الي بيخبط بالشكل ده ؟!

( انتصبت هي واقفة لتذهب و توقف ذلك الطرق العنيف فتحت الباب لتتفاجأ بضباط كثر لتقول بدهشة )

أيسل : أيوة مين حضرتك

الضابط بوجوم : إنتي أيسل صلاح الجداوي

( أجابت و مازالت على صدمتها )

أيسل : أيوة أنا أيسل .. خير في حاجة ؟؟

الضابط بصرامة : إنتي مطلوب القبض عليكي هتنورينا شوية في القسم

أيسل بصدمة : أنا ؟!!

*****

في مطار القاهرة

أمجد بتعب : أخيرا وصلنا

أحمد بحنق : آه يا خويا وصلنا للأسف .. ده إحنا هنشوف الويل هنا

( ظلو يلتفتون بحثا عن رئيسهم ليردف هو )

أحمد : طب و إحنا هنعرفه إزاي دلوقتي و إحنا لا نعرف شكله و لا اسمه

( مرر أصابع يده في شعره بنفاذ صبر و قال )

كرم : مش عارف .. مش عارف

....... : بدورو على حد ؟!

( التفتو جميعا للخلف ليرو ذاك الذي تحدث منذ قليل ، بينما أردف هو بابتسامة )

البوص : أنا .. أنا الي بتدورو عليه .. البوص

( نظرو له الجميع بصدمة خالعين نظراتهم متحدثين بذهول )

الشباب : مش ممكن !!!

يتبع ..

******

رأيكم ؟؟ ❤