بارت17
#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّبِعٌ عٌشٍر
،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
طول الطريق ،،،،ذيب ساكت
وماحجه شي ،،،،عرفته زعلان
عبن سالته على صديق
عناد
ماحجيت ويا ولا تحارشت بي
لان امه ،،،،،،،جانت ويانا،،،،
هي ونصوره وجهالها،،،،،
« الحمد لله فضت على خير
جنت شايله هم وخايفه على اخوك
من اهل هناء
«اطمني حجيه تره ذوله بوخه
وبس ،،،،،حجي وعناد زين
سوه من سجنه لصويلح
« والله يايمه اني اخاف من العدواه
وابوك،،،، الله يرحمه
جان يكول الف صديق
ولا عدو واحد
« يمه شنسويلهم فهميني
هم البدوا لو احنا،،،،،
ماسمعتي العرمه شلون
عيرته لاخويه،،،، بنص الزلم
وچدام ابوها واخوتها وماسولها
شي
« اي والله هناء وحده
عرمه وفليته ومحد يكدرلها
وعناد من ضيم گلبه والشافه
منه طلگها
نصوره ايدت كلامي واني
كملت بعصبيه
« خلها تولي انعل ابوها لابو
كل وحده مثلها،،،،
فليته ووحده ماتستحي
بالقران لو اني موجود وياهم
جان گتلتها بگاعها
«همزين مارحت جان انلاصت
بعد اكثر
حجيت ويا وهو دحگ عليه
بالمرايه وخوزرني
صارت لحظه صمت وبعدين
عمه رفعت ايدها ودعت
«ربي مااريد منك غير تسعد ولدي
وبناتي واريد عناد يرتاح وي عبير
وترزقه منها الجهال حتى تنسد
حلوگ الحجوا علي
« امين
كلنا كلنا ،،،،وعيوني
اجتي بعيون ذيب الي دار وجهه
مني
وصلنا وطبينا ،،،،،وهو ساكت
ومن ضوجتي،،،، نزعت العبايه
وشمرتها على
الجربايه وحجيت بعصبيه
«تعال فهمني شبيك زعلان
دحگت للساعه،،،،وشفتها بالعشره
وحجيت
« اني طالع وراح اتعشه
بره لاتنتظريني،،،،
حجه هيج وطلع وخلاني
صافنه وفاكه عيوني،،،
« هينه ذيب اني اعلمك ،،
ترجع وين تروح واني اشوفك
شراح اسوي بيك
رافعلي خشمه ومسويلي روحه
زعلان الافندي،،،لاااا وفوكاها
يخوزر بعيونها الجنها عيون ذيب
مووو بشر
حجيت هيج ورحت
اخذت هدومي
من الكنتور وخربطت بضوجه
وخبث
هدومه المصفطات فوك مالاتي، ،،،
وسديت،،،،،،،،،،، الباب بقوه
رحت للحمام غسلت
من طلعت،،،مروه اجتي
وكالت
« نويره راح نتعشه جبن وجاي
اسويلج غير شي
« لا مروة هذا كافي،،،هسه
اجي اساعدج بس انشف
شعري
« مايحتاج هو وجبن وجاي
هسه اني اسوي واصيحج
هزيت راسي باي
وطبيت لغرفتي
نشفت شعري ومشطته
واني كاعده واطحن بروحي
من وره ذيب وتصرفاته
وحجيت من كمت
« هينه ذيبو اذا مااخليك
ماتندل دربك اني مو بانه
طلعت واني اخطط وي روحي
اله
تعشيت وي عمه وبيت عذاب
ومروة،،،،،،، ومن كفينا الشغل
طبيت لغرفتي لان الكل جان
تعبان ويريد يتمدد،،،،
كعدت ومكيجت روحي،،،،
وطلعت السيت الاحمر والاسود
ودهنت جسمي بكريم ريحته
تخبل،،،،
وكعدت امشط بشعري،،،،
ساعه بال11 سمعت
خطوات
عرفته هووو رأسن تمددت
بفراشي وغطيت راسي،،،
،،،،،
رجعت للبيت،،،،وكلت هسه
الكي بان كاعده وبس تشوفني
راح تبدي بعتبها وزعلها
قفلت السياره
وفتت للبيت ،،،،
من الهدؤ عرفتهم نايمين
قفلت باب،،،،الهول واتأكدت
من باب المطبخ ورحت للغرفتي
طبيت،،،، ولكيتها نايمه ومغطيه
راسها ،،،،،ابتسمت من تذكرت
جانت هيج تسوي باول ايام
زوجنا،،،،
« باان
صحت وماردت ورديت
صحت
« بااااانه ،،،
هم ماردت،،،،، نزعت الساعه
وخليتها على الميز
ووراها الدشاشه وعيوني عليها، ،،،
نزعت الفانيله وذبيتها عليها
وهم ماكو رد منها
جهازي دك وشفت ميسر
فتحته وسالني على شغله
وسده اني سويت روحي احجي
ويا
« اي يول،،،،، شفتها غير هاي
السمره ،،،تخبل وخلتنا كلنا
اندحك عليها
ههههه ولك اني مزوج
خليها الك يله روح اريد انام
نهيت المكالمه. بالجذب وهاي
بعدها مغطيه راسها
جتفت ايدي وحجيت بصوت
عالي
« ول ول يالابيض جنك
وغف صابون,،،،
فلفل يالاسمر ومطيب الماكول
« اني حنطاويه مو بيضه
ابتسمت من ردت من جوه البطانيه
وحجيت واني كاتم ضحكتي
«عجل من كاعده ليش،ماتريدين
مو صارلي ساعه اصيحج
دفعت البطانيه من راسي
وحجيت ضوجه
« نعم ذيب شتريد
سكتت من شفتها لابسه،،،
السيت الاحمر والاسود،،،
بلعت ريكي كوه وحجيت
« انعم الله عليج خاتون
كوومي سويلي جاي،،،،
« مااكدر تعبانه انته روح سويلك
واشرب
حجيت هيج وغطيت راسي
ورجعت تمددت
رحت وجريت الغطه منها
وحجيت واني اريد اضوجها
« كوومي سويلي عشه ووراه جاي
جوووعان
« اوووف منك
« هينه يولي جيبي،،،واني الا
اطلع هاي الاوف مالتج من
خشمج
كامت والراس افتر من شاف
الثوب الي يراري،،،،والشعر
نازل ويفتر وي الغضب
« تعالي ابويه انتي وين رايحه
« شبيك مو ردت عشه
جاوبته. بضوجه
واني رافعه حاجب
« مااريد راح احلي احسنلي
حجه هيج وحظني،وكام يبوس بيه
ابتسمت ووخرت منه وصفنت
علي
« شكوو تضحكين ولج
سالت من شفت ضحكه وكحه
وهي حجت وهي تتمايل
بحظني
« اجيبك للدرب كتلك اجيبك
عبالك صدگت من جنت تحجي
هيج
« هههههههه
ضحگت من گلبي،،،
وعجبتني وخلتني اصفن
عليها ،،،،،والگلب يريدها بجنون
« غلبتني يولي وعرفتي نقطه
ضعفي
«عجل يابه ومن زمان
جاوبته وحظنت صدره وكمت
ابوس بي
« حبيبي زعلان ولازم اراضي
سكتت وهي كامت تبوس بيه
من ركبتي وصدري،،،
ومن رفعت روحها اني دنكت بسرعه
وجريت شفايفها بقوه،،،،
وخرت وحجيت كوه
« تعالي ولج خلي اليوم اعلگها
« هههه ابو دوده انغاريت
من عناد،،،
صفنت على الشفايف وحجيت
بنفس هايم
« يولي اني مااغار عبن العندي
ماكو مثلها
نار وحاركتني اربعه وعشرين
ساعه
ابتسمت وهو كمل يم
شفايفي
« وهسه ماانطفي النار
سكتت وحظنته وبذيج الساعه
انتهيت بايده،،،
،،،
بسامره الصبح،،،،
كعدت ،،،وشفت ايد
حاظنه صدري ،،،،،ولازكه بجسمي
ابتسمت ،،،،وعيوني راحت لوجه
عبير وظليت صافن عليها
مديت ايدي ووخرت شعرها من
وجهها،،،،وهي حست وفتحت
عيونها
فتحت عيوني وشفت عناد
صافن عليه،،،
رأسن ضميت وجهي بصدره
وارتبكت من وره نظراته
احلى شي بعبير هو خجلها
الخدود تورد والعيون تنهزم مني
لو لمحت نظره اعجاب
نزلت لجوه وخليت وجهي قريب
على وجهها ورفعته من ظلت
مدنگه
العيون التقت والگلب دگ
دگه وحده،،،،،وخلاني احجي
واني فرحان بيها
« مبرروك يبعد العمر
هزيت راسي بخجل ورفعت الغطه
لركبتي من شفت نظراته
ابتسمت وتقربت عليها وجريتها
لحظني الما صار وجهها
بوجهي
« شكبر فرحتي بيج،،،وشكبر
حظي من صرتي الي
صفنت بعيونه وجاوبته بصوت
كوه طلع
« واني هم ،،،
« ههههه عجل اذا فرحانه بيه
ماتطيني بوسه
ابتسمت من سمعت ضحك
وحجه هيج
« تطيني لو اخذها اني
غمضت عيوني وبسته من خده
« لا يابه مو هاي، ،،اريدها
من الشفه اريد اتريگ عسل
قربه وجسمه الحار واللحظه كلها
جانت تدوخ وخلاتني ادوخ
بين ايده واتقرب بشفايفي
وابوسه،،،،
هي باستني حظنتها بعد اقوه
وجريت شفايفها بلهفه،،،،
وخرت وره وين واني اتنفس
بقوه وهي رجعت ضمت
وجهها بصدري،،،
« اووف يابه من اليخجل
شعلهم لاهلي وراح ختل
« عناد كاافي
« ههههه اموت على
اليخجل ويضم روحه مني
« خلي نكوم خاف اهلي
يجون
حجيت ووخرت من يمه ولفيت
روحي بالروب بسرعه وانداريت
علي ،،،،،وصفنت من شفته
كاعده وساند روحه علئ
الجربايه،،،،
جان صدره طالع من شفت
اثار بي خجلت ومتت، ،
وانهزمت
بعيوني منه وحجيت كوه
« كوووم
« كااايم عيوني انتي،،،،
،،،،،،،،،،،،
طلعت اني ارؤى حتى
نكف شغل البره،،،،هي حلبت
واني لميت البيض،،،،،،
« مدري شخبار العرسان
ارؤى حجت بضحك ،،،،،،،
واني سكتت،،،،
«تدرين عرس عناد صار يخبل
وچثير اودام اجتي
« اي والله
جاوبتها وشلت السله مال البيض
ومشيت وياها لبيتنا
طبينا وشفت نويره محظره
الريوك النا ،،،،وكاعده توكل بعثمان
وعمر
« تعالن تريگن،،،،
« هسه بس افور الحليب
ارؤى حجت وعمه جاوبتها
« عوفي يمه اني افوره، ،،،،
غسلن وتعالن تريگن
كعدنا كلنا نتريك،،،،وارؤى
حجت
« اكمل ريوك واروح اغسل
هدوم الجهال
« غسلتهن وشريتهن،،،وي
هدومنا من البارحه ،،،،
حجيت وياها وهي ابتسمت
وجاوبتني
«يولي ليش غسلتيهن جان عفتيهن
اني اغسلهن
« اني ولا انتي شنوو الفرق
تره ولدج ولدي،،،،
« من فدوه لعمرج ولحجيج
الحلو ،،،
« الله يديم المحبه بينجن
« امين عمه
جاوبتها وكمت غسلت لعثمان
ولعمر من اجه عليه،،،وانطيته
لعبير، ،،
« اخذيهم وخليهم يلعبون
بالهول
ارؤى حجت. وياها واني رحت
انظف البيت،،،كملت الهول والدوانيه
ورحت نظفت غرفه عمه ومروة
وبعدين غرفتي،،،،
القاط الفوك جانت ارؤى تنظفه
لان ماتقبل اصعد خوفا عليه
اني دانظف بغرفتي،،،،،
ذيب طب وحجه
« حبيبه تعالي شوفيلي اسم
حجي رزاق ياهو
اخذته جهازه ودورت على
الاسم ومن لكيته حجيت
« هذا ذيب،،،
اخذته ودگيت علي،،،،رأسن
لان جانت عندي شغله ويا
طلع واني صفنت واكو موال
براسي،،،،
من تغدينا وطبينا للغرفه
كعدت بصفه،،،،بالكاع
وحجيت
« ذيبي
« هااا بانه
« اريد احجي وياك بموضوع بس
مو تفهمه غلط وتزعل عليه
ذبيت الكوب بالكاع ودحگت الها
وجاوبتها
« خير يولي شنو الموضوع
سكتت ودحست روحي بصفحته
بعد اكثر وحجيت بهدؤ
« احنا مو عدنا وقت فراغ
بليل
« هههه لااا ماعدنا
جاوبتها بضحك وغمزت الها
وهي صاحت بنعوصه
« ذيييب،،،،
« هااا يبعد ذيب
جاوبني وحظن خصري واني
حجيت بضوجه
« اووف لا هوايه راح احجي
« دحجي عاد وطلعيها للدره
« دحگ عليه،،،
« والله عيوني وكل حواسي عليج
بس احجي عاد وفضينا
« اني اريد اعلمك تقره وتكتب
حجيت بسرعه وظليت ادحگ
علي واريد اشوف رده فعله
« ليش يولي،،،،ضجتي مني عبني
امي
« هووو هيج الحجي
« عجل شلون، ،،وشكو تريدين
تعلميني اقره واكتب
حجيت بضوجه وكمت من يمها
ورحت كعدت فوك الجربايه،،،
كمت وراه ومشيت بهدؤ اله
« وخرر ايدك
« اكعدي هنا
« لااا اريد اكعد بحظنك
« اوووف
حجيت بضوجه ووخرت ايدي
وهي كعدت بحظني ولزمت وجهي
وحجت
« دحك عليه
رفعت راسي وعيوني اجتي
بعيونها وهي حجت
« انته هنااا
حجيت واشرت على گلبه
وكملت
« تشك اني ضايجه منك عبنك
امي وماتعرف تقره،،،
سكتت وظليت صافن بعيونها
وهي كملت
« جاوبني واني والله وغلاتك
بعد مااحجي بهذا الموضوع
هزيت راسي بلا،،،،وهي ابتسمت
وطلعت الغمازات
« اني،،، من ردت اعلمك
تقره وتكتب
سويت هيج لان احبك واريدك
انته تكتب الاسم وتعرفه
من تريد ادك على احد
مااريد تظل
تجي عليه،،، لو تروح لغيري
سكتت وبعدين ذبيت حسره
من گلبي وجاوبتها
« راح اتعبج يولي اني دماغي
ثگيل ومااستوعب بسرعه
هزيت راسي بلاااا وجاوبته
« لااا انته ذكي ومحد يلحكك
بالسوگ بس انته تضوج
من الدراسه
« اهااا كلتيها بلسانج اضوج من
الدراسه
« ايي تضوج اذا جانت المعلمه
وحده غيري
حجيت بضحك وبسته من خده
« من هسه راح اخذ صفر عبن
انتي المعلمه مالتي
وخرت منه وحجيت بضحك
« ليش بله
صفنت علي الوجهه والجسم
الي لازك بيه وشعل اهلي
وجاوبتها
« لان مراح اركز على السبوره
راح اركز على هذني وهذا
لزمت الشفايف والجسم
وهي خربت ضحك بحظني
« اووف يابه بدل دار ودور
راح تصير بوسه وهجمه
« ههههه والله حلوه هاي،،،
والتلميذ يكوم يتحارش
بالمعلمه
« لاااا هي تتحارش بي
رفعت حواجبي وهو اشر
لوضعيتنا
« ههههه اي والله صدگ
اني المتحارشه
«اي وشعلتيهم كلهم ،،،،
دتعالي
حجيت هيج وذبيتها على الفراش
وصرت فوكاها،،،،
« هههه دكول دار دور
صفنت عليها واني اضحك
وجاوبتها بضياع
« ذيب وكع ،،،،،
ماكملت لان هاهي وكعت ومحد
سمه عليه
،،،،،،،،،،،،،
ذيب بعد ماحجيت
ويا اقتنع
ادرسه وظلينا يوميه وره العشه
نكعد وندرس،،،،
بالبدايه جان يضوج ويتنرفز
بس من يشوفني ازعل
علي،،،،يجبر
روحه ويبدي يتعلم
ويوم وره يوم كام يكدر يكتب
اسامي ،،،،،ويقره بس مكسر
واول اسم،،،، كتبه بجهازه
هو گليبي،،،، وجان هذا اسم
هو اختاره الي
،،،،،
ظليت متردد احجي
وي عناد بموضوع اخته
وترددي طول رغم اني عرفتها
هي مامزوجه،،، من سالت
عليها بنيه صغيره بيوم عرسه
وكالت اسمها مروه
فكري ظل يمها وخجلها جان
حلو وعمله نادره بهل
الوكت
وهي كلها حلوه وتجذب العين
اني جنت اريد ازوج،،،،ومن
شفتها قررت هي هاي
الي اريدها
وبيوم قررت احجي ويا. ،،،
كعدت يمه بالمكتب مالته
وفتحت الموضوع
بتردد وهو من سمع بي رايدها
كال
« اني مراح الكي احسن منك
لاختي بس. ،،،،،انته تعرف لازم
احجي،،،،،، وياها ووي الاهل
وان شاء،،،،،، الله هذا الخميس
من انزل الهم احجي وياهم
واردلك الخبر
هزيت راسي باي
وكمت من يمه وره ساعه
،،،،،،
الخميس اجه وجاب خبر حلو
لمروة من اجه عناد وعبير
وحجه وي عمه واخوته
بحدهم
« يمه ياولد انتو تعرفون صديقي
خالد مووو
« اي نعرفه خير ابو فيصل
شبي
عذاب سالني واني جاوبته
« خالد تقدم لمروة،،،،،
ورادها،،،،وكال شتريدون
اني حاظر
الكل سكت وامي كسرته
من حجت
« اي يمه شكو بيها اذا تعرفه
خوش ولد انطوها
« هو خوش ولد ومن
عائله معروفه
بسامره واهله ناس مستورين
وحالتهم الماديه زينه،،،
ومن حجه وياي كتله اشور
اهلي واختي يله انطيك
الموافقه
« والله انته الي ادكول علي
يمشي ابو فيصل
« يمه اسالي مروة وشوفيها
شدكول
« ابو فيصل ماتشور ميسر
خاف اله نفس بيها
عكدت حواجبي من سمعت كلام
ذيب وجاوبته
« مالها داعي ذيب
اختي صارلها
سنين چدامه لاحجه ولاكال
اريد،،،،، على شنوو نشوره
يمه اساليها ورديلي الجواب
ولاتضغطين عليها خليها براحتها
هي تقرر
« اي يمه هسه من اكوم
اسالها واكول الها تفكر زين
يله تنطي الجواب
« ايي يمه
،،،،،،،،،
سمعت من امي خالد صديق
عناد يريدني،،،،وميسر اجه
چدام عيوني،،،،
دموعي نزلت،،،وهي حجت
«يمه تره الي تريدي مايريدج
وعمرج راح يروح وانتي تتنظرين
واحد مو حاس بيج
شهكت من عرفت امي تدري بيه
وذبيت روحي بحظنها وهي
كامت تمسح على راسي
وتحجي بحنيه
« بنيتي اقبلي بهذا الولد
تره ابن اودام وشاريج،،،،
لاتضيعي من ايديج
مثل الي قبله،،،،واشتري
الي يريدج ولاتظلين تركضين
وره المايريدج
سكتت ورفعت راسي من حظنها
وكلام ميسر وبروده خلاني
اهز راسي باي
امي باستني وحجت بفرح
« عفيه بيج بردتي گلبي
وفرحتيني يبعد امج
امي كامت من يمي واني
ظليت بدموعي واردد
« هاهي مروة اشتري الي يريدج
وعوفي لميسر الي ماشفتي
من غير الصد والبروده
،،،،،،،،،،،،،،،
ثاني يوم عناد انطه
الموافقه
لخالد الي كله الخميس
الجاي اجي اني والاهل حتى
نخطب ونعقد رأسن،،،،،
وهو وعبير رجعوا لسامره
اليوم مشه عادي،،،،وعناد
بليل خابر عمامه ،،،،وحجالهم
على خالد وخطوبته لمروة
بيت ميسر طب ابوه وكعد
وحجه وي مرته
« ام ميسر عناد خابرني
قبل شويه
وكال حظر روحك الخميس
الجاي
اكو ولد ضابط يصير صديقه
راح يجي هو واهله حتى يخطبون
مروة
جنت كاعد،،، وادحگ للتلفزيون
من سمعت حجي ابويه درت
راسي بسرعه وسالته
« منووو
« بنت عمك اجاها
ضابط من سامره
وخطبها وعناد انطها اله
كمت لحيلي واني فاك عيوني
وسالت ابوي بغصه
« وهي قبلت
« اي قبلت وعقدها الخميس
الجاي
جسمي رجف والريموت وكع
من ايدي وطلعت بسرعه
«ولك اووكف وين رايح
سمعت صوت ابويه ومادرت بال
طلعت جهازي وخابرت ذيب
واني امشي بسرعه
لبيت عمي دك وجاوب
« هلا والله بابن العم
« صدك السمعته
حجيت بدون سلام
« شنوو يول السمعته
« انتو راح تنطون مروة لهذا الغريب
وهي
سكتت وكملت بغصه
«وهي موافقه
« اي ميسر
« مااااتصير بالقران ماتصير اله
جايكم يولوا
سديت الخط ومشيت بليل
الهم وصلت صحت واني افتر
بره
« ذيب ولك ذيب،،،،عذاب
وينكم
دقائق وطلعوا ووياهم
عمة عليه
« دحكوا عليه مروة الي
وماتصير لغيري
خابروا هذا المادري شسمه
وخبروا اني رايدها
« يول انته شكاعد تخربط
احنا انطينا الموافقه والولد
واهله جاين الخميس
« مااااتصير اله ،،،بالقران
اسوي شي مو صاير اذا
انطيتوها
اله
« عيب يمه ميسر بنتي صارلها
سنين چدامك وانته لاحجيت
ولا كلت،،،، اريدها
هسه من اجتها قسمه
زينه تريد تخربها
« عمه جنت زمال مطفي
اعمى شتريدون تحجون عليه
احجوا بس مال مروة تروح لهذا
لااا مستحيل ولو يوصل الدم
للرچاب
« تهددنا ولك،،،،
عذاب صاح بي وتقدم واني
لزمته وعمي اجه مناك
وهو يصيح
« ولك شببك انته تخبلت
شلون تهد على بيت عمك
« يااابه مروة ماتروح لغيري
افهموها
لخاطر الله وخابر عناد وكوله
اني رايدها
« وي وي،،،،، اخابر منوو
وليش يابه ماحجيت
قبل هسه
« ااااثول جنت وغبي وهسه
اريدها
ابوو ميسر ضرب ايد بايد
وصاح
« استغفر الله يارب،،،،
وكمل
« يابه عذاب خيروها لاختكم
وشوفوها،،المن تريد
سكتت من ابويه هيج حجه
عبن اني متأكد هي راح
تقبل بيه وتعوف ذاك الضابط،،
طبينا للديوانيه،،،وعمه راحت
تسالها جنت متوتر واهز برجلي
وجسمي ،،،،،،،،،،يرجف وكلبي
احسه راح يطلع من مچانه
ووره وين اجتي عمه وكالت
« والله يابو ميسر مالكم
نصيب يمنا
كمت بفزه وصحت بدون
وعي
« شنووو،،،،رفضتني
« اي يمه بلسانها كالت
مااريده
« مووووو ،،،، على كيفها
هي بنت عمي ولازم
تقبل بيه
رحت ولزمت صاحبي وابن
عمي من هد وصحت بي
« وين جنت هااا سنيين
وهي چدام عيونك وكبرت وهي
تتنظرك وانته ولا يمك
وهسه
من شفتها راح تروح من ايديك
اجيت،،،،،،، تريد تاخذها غصبا
لاااا ميسرر
لهنا اوكف والزم حدك
واعرف حدودك،،،،اختي
انطينها واي چلمه زايده
تحجيها
راح تشوف فعل چدامها
حجيت هيج ودفعته
وعمي لزمه
هو ومحمد وطلعوا وهو
يصيح
جنت واكفه واسمعه شلون
يصيح ،،،،،ويحجي بحرگه دم
نفس الوجع ،،،، الصار بيه
من عرفت،،،
يحب شروق صار هسه
بي ،،
« هذا ميسر اشو ماعرفته
شفتي شلون اجه هداد علينا عبن
سمع بيج انخطبتي لصديق
عناد
ارؤى حجت وهي كامت تبجي
« اووف منه ومن السواه بيج
وبروحه
حجيت هيج ورحت كعدت يم
مروة
« كافي گلبي لاتبجين،،،،
اني كتلها هيج انهارت
وكامت،،،،،،، تشهك بصوت
وذيب طب،،،،،، وهو ينافخ
وشكله احمر دم من العصبيه
« مروة دحگي علي ،،واسمعيني
زين ميسر يريدج ويكول ماتروح
لغيري انتي شدكولين
هو لو صديق عناد
سكتت وكمت امسح بدموعي
وگلبي احسه برد من يمه
« اااحجي يولي ،،،،ولاتستحين
الي تريدي،،،، يصير ومحد راح
يغصبج على شي،،،
تريدين ميسر
هزيت راسي بلاااا وهو كمل
« وخالد قابله بي
سكتت وبعدين جاوبت اخويه
« اييي ذيب قابله بي
صفنت على اختي،،،،وبگلبي
قهر عليها،،،،،، وعلى ابن عمي
وطلعت واني جنت اتمنى هي
توافق علي،،،بس
هوو واااخ منه تأخر چثير
وخله الگلب يبرد من يمه
،،،،،،،،
بيت اهل ميسر
جان هوو يفتر مثل الطير المذبوح
ويصيح
« يااابه،،،،،، اااحجي وي عناد
وخلي يبطل من هاي السالفه
مروة ماتصير الا الي
ولكم بالقران اذبحه اذا تقدم
عليها وابليكم
« ااانجب ولك ولاتظل تهدد،،،
انته مالك حگ يمهم بنت اخويه
صارلها سنين چدامك وانته
ساكت وماحجيت چلمه حتى
اربطها بيك
« يااابه جنت اعمى ولكم
هسه من شفتها راح تروح من ايدي
حسيت
« ولك يمه تأخرت چثير وياما
حجيت،،،،، وياك وانته ترفض
شجاك هسه،،،، من سمعت بيها
راح تروح،،،، بقسمتها تخبلت
علينا
« يمممه احبها بالقران هسه يله
عرفت بروحي احبها
ولكم شلون راح اتخبل،،،،
بالقران اهج من البيت اذا راحت
لهذا الضابط
حجيت بعيون مغورگه
وطلعت واخويه محمد وراي
« مااولي عليهم عووفني
بحالي
« ميسر لاتسوي بروحك هيج
واحجي بهداوه وي عناد
« ااااخ يابه شسويت بروحي
وليش هسه يله عرفت
اني احبها
اخويه سكت واني كعدت
ولزمت راسي،، وكمت
اضرب بي
،،،،،،،،،
اني كاعد وي الحجيه وعذاب
خابرنا عناد دك وفتح الخط
وحجيت اله الصار بينا
وبين ميسر
وهو صار عصبي وصاح
« شيريد هذا جاي هداد عليكم
مو صارلها سنين يمه ليش،ماحجه
ليش مكال اريد
« حجينا ويا بس هو جان
فاقد وبس يصيح ويهدد،،،
وعمي جاسم كالوا خيروها للمروة
وهي اختارت خالد وهو من سمع
تخبل وكام يخربط بالحجي
عناد سكت وبعدين كمل
« مادام اختنا وافقت على خالد
هاهي نمشي بقسمتها،،،،
وميسر اني من اجي اعرف
شحجي
ويا
« هاهي ابو فيصل الي ادكول
علي يمشي
سلمت وسديت الخط،،،،
وظليت اسمع امي واخوي
يحجون،،، بالصار،،،،
،،،،،،،،،،،،،،،،،،،،،
كمت وره ساعه ورحت
للغرفتي
طبيت واني ضايج
من وره ميسر ومهموم
« شبي حبيبي
« ااوف بان ميسر قهرني،،،
وحرگ دمي
اخذت اليشماغ منه وعلگته
وجاوبته
« اي والله اني هم قهرني،،،
بس هوو من ايده ،،،يعني
وين جان طول ذيج السنين
ليش مااجه وكال اريدها
« غبي وزمال،،،،،وجان عايش
على الاطلال
سكتت وهو كمل من شمر
الدشاشه بضوجه،،،،
« اااخ بان،،،اختي برد گلبها،،
من ميسر
والجان عزيز وادحگ اله بلهفه
من صار بين ايدها رفضته
وكله من ايده
فكيت عيوني،،،،،من عرفت بي
يعرف بمروة تحب ميسر
وكعدت يمه واني ساكته
« عبالج اني مااعرف اختي
تحبه لابني عمي، ،،،
سكتت وهو دار وجهه عليه
وكمل وهو مبتسم
« يولي عبالك احنا نمشي
وره شلعان
الگلب اني اخويه اختي
ومانحصل الحب الا نضوك المر
ابتسمت اله وجاوبته
« اي يمكن،،،،
لزمت خدها،،،،وجاوبتها واني اهز
براسي
« اااكيد يولي،،،،،،موو يمكن
سكتت وملت علي وسالته
« وهسه شلون ويا لميسر
« يكعد ويسكت اختي ماتريده
خيرنها چدامكم وهي رفضته
بعد شنسويله
سكتت وظليت،،،ساند روحي
علي وحجيت وره دقائق
« ذيبي
«هااا
« اريد اروح للدكتوره حتى
اخذ سونار واعرف شنوو بيه
« ايي حظري روحج باجر اخذج
من الصبح لسامره ومن نكمل
تره نرجع،،،
ابتسمت وهزيت راسي،،،
مديت ايدي،،،لبطنها وحجيت
« كبران الكرش
« هههه وبعد يكبر وراح اصير
قاطره ومقطوره
« اوووف يابه وشلون قاطره
تخبل وتخلي الراس يفتر من تمشي
ويدوخ
حجيت هيج وتمددت وهي
تمددت بصفي،،،،وكامت
تثاوب
« نعسانه
« اي والله،،،،تريد شي قبل
لاانام
« اريد دار ودور
« ههههه ماكو نام ،،،تعبانه
وباجر وراي روحه للدكتوره
« تدرين اني سمعت الخطيب
يحجي ويكول المرأه اذا،،،،
« نااام ذيب سامعتها منك
الف مره ،،،،،
« ههههه منا منا يمعوده
«هههه مااااكو امسح ايدك
بالحايط
« هههه مسحنا نامي، ،،،،
دحست وجهي بصدره وماكو
ثواني وغفيت رأسن،،،
،،،،،،،،،،،،،،،،،،،،،،،،،،،،،
من الصبح تمشيت للزرع
حتى احوش طماطه وبيتجان
للبيت،،،،
وصلت ورحت
اغسل،،،،،، وجهي من
حوظ بي مي
فتحت الشال وغسلت وجهي
وركبتي وايدي ،،،،وفجاه
سمعت
« مرووه
رأسن لفيت شالي على ركبتي
من شفت ميسر ومشيت
اريد ارجع
لزمت ايدها بسرعه واخذتها
للدامه البيها الماطور
« عوووفني
صحت بي،،،،وردته بس
يعوفني ماكو جان لازمني بقوه
ويجر بيه
« ميييسر عوفني
« فوووتي
دفعني للدامه ووكف بالباب
وحجه بصياح
«ولج ليييش رفضتني،،،
رجعت خطوه ليوره من شفت
شكله المطعون من القهر
والعصبيه
تقدمت عليها واني ارجف من
اعصابي وصحت بيها
«يولي انتي مو تحبيني،،
فهميني ليش من تقدمت عليج
رفضتي
«تريد تعرف ليش رفضتك
ميسر
« اييي اريد اعرف شنو الي
گلبج عليه
« گلبي برد من يمك والجنت
اشوفه غالي صار رخيص من
تعزز عليه
فكيت عيوني من سمعت
كلامها وصحت
« ولج مووو اجيت وردتج
« بعددديش
صحت بدموع وكملت بغصه
« بعد ماذليتني ابن عمي
،،،،بعد ماخليتني
اني اجي برجلي واكول الك
احبك بعد ماخليتني احترك
وتروح سنين من عمري
«جنت غبي يولي والله مجنت
اعرف اني احبج الا شفتج
راح تروحين من ايدي،،،
مروة سامحيني،،،،واقبلي بيه
ولج والله اموت اذا رحتي
من ايدي
گلبي شگد جان يريد يسمع
هذا الحجي وشگد جنت متلهفه
اسمع ،،،،،كلمه احبج منه
بس من سمعتها ماحسيت الا
بالوجع والقهر
الم خدر حواسي كلها وخلاني
اجاوبه ببروده
« جوابي سمعته من اهلي،،،،
وهذا الحجي مالتك بعد
مايفيد
« يعني شنوو
صفنت بعيونه وجاوبته
« يعني هاهي ابن عمي
اني اختاريت الي شافني مره
وعرفني اني شنوو واجه بسرعه
وخطبني
« ولج لاتحركيني اكثر مو اني
محروك
سكتت ودموعي نزلت،،،،ومن
مشيت من يمه لزمني ورجعني
على الحايط وحصرني
بين ايده
« ميييسر عوفيني
ردت انهزم وماكدرت
ومن حجه ونفسه يطخ بوجهي
درت وجهي وغمضت عيوني
« يولي لاتخليني اتهور ،،،
ارفضي بروح عمي لاتقبلين بي
تره عقل ماظل براسي
وراح اسوي شي جبير
من وراج
سكتت واني،،،ظليت صافن على
وجهها وحجيت بغصه
« من موت الكرفني
الله لو ماخذني
هوايه احسنلي ولا عايفج
طول هاي السنين،،،،
سكتت وظلت دموعي تنزل
ومن تحركت لزمني
وحجه بتوسل
« مروة كولي لااا ارفضي
ولاتحرگين گلبي،،،،
هزيت راسي بلاااا وهو ضرب
الحايط اليمي بايده
وصاح
« ولج بالقران اخذج واكسرج
ومااخلي احد ياخذج غيري
« ميييسر،،،
سمعت ارؤى من طبت،،،،ورأسن
دفعته من هي جرته مني
« شبيك انته تخبلت شنوو
تريد تسويها دموم بينك وبين
الولد
عفته يحجي وياها
ومن ردت اطلع صاح
« اووكفي ولج
مادرت بال ومشيت بسرعه
اني ودموعي واسمعه يصيح
وي ارؤئ
يِّتّبِعٌ
كانت لي
امنيه معك
بيتا زوايه نلتقي بها
عالم بسيط يحتوني انا وانت
لم ارد شي كبير او فخم
كنت اريدك انت
ولكنك كنت بعيد عني
بكل شي
عقلك قلبك،،،،انت كلك
كنت معها رغم بعدها
ورغم ،،،،هذا عشت بحلم
ان تكون لي يوما،،،،،،،
عشت وان احلم بغدا افضل
عشت ياحبيبي بحلم جميل
كنت لي فيه حبيبا
رغم انك لم تكون لهذه الكلمه
اقرب
وعندما،،،،، اخترت ان امضي
في طريقا لايشبه طريقك
عدت ترجوا اللقاء
عدت وانت واثقا اني
ساقبل
ولكن هناك في زوايا
القلب كان شي قد انكسر
واجبرك ان تسمع اني لم اعد
لك انفع
اوتار حزينه
Bạn đang đọc truyện trên: Truyen247.Pro