بارت13
#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّلَثّ عٌشٍر
،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
انت من اعلن الحرب
وسيأتي يوم وستبحث
عن السلام
وذاك الرفض الذي رأيته في
عينيك
سيتحول بمرور الايام الى
وصال
ونار حقدگ رغم عنك
ستذروه الرياح وتحوله
الى رماد
،،،،،،،،،
تعشينا وذيب ماكو، ،،،ورحت
تمددت،،،،،،واني افكر بكلامه
وشكله المطعون من القهر
والغيره،،،،
رغم كلامه ورغم ضوجتي منه
مااعرف ليش جنت ابتسم
وگلبي جان يدگ بفرح،،،،
غيرته ضوجته وجهه الاحمر
وعصبيته كلها حبيتها لان اثبتت
يوم وره يوم هو يحبني وميت
غيره من اسامه ومن البعد
بس شوكت ينطگ ابو الهول
ماادري،،،،،ظليت انتظره يرجع
خاف يريد عشه
وهو تأخر واني غفيت
ومن كعدت الصبح شفته ماكو
عرفته كعد وطلع للشغل،،،،
وماكعدني
والصبح اجه وجاب الشغل ويا
اني بالمطبخ عمه علية
كالت
« يمه نويره ماتروحين
اجيبلي
شبنت اريد اثرمه للسبيناغ
« اي عمه هسه،،،
« تندلي.،،وين مزروع مووو
« اي اندله، ،،
اخذت المصفي والسجين
وطلعت اتمشه للزرع،،،
وصلت حشت ضبه،،،،،،وكمت
« هاي شدسوين هنا
فزيت من سمعت صوت،،،
ميسر وماحسيت الا مزحلكه
وواكعه بالساجيه،،،،
« الله يابه خوما تاذيتي،،
« هههه لا بس انته منين طلعت
الي ،،،،
« دكومي هدومج كلهن تنكعن
وصارن طين ،،،،،
مديت ايدي اله
« بااان
رجعتها رأسن من
سمعت صوت
ذيب ،،،،،، اجه وهو عاگد
الحواجب وكومني بايد
وحده،،،،عيونه من تتبعت
هدومي الي لازكه بجسمي
خلتني،،،،،،،،، انفض بيهن
بخجل
ميسر حس بنظراته وترخص
وراح،،،،
« امشي چدامي،،،،
« انته امشي واني وراك
خوزره عيونه ووجهه الاحمر
خلاني ادنك بفشله
وامشي واني انفض بهدومي
الكلها طين ومي ،،
« خررب اهلج من اشتعلوا
عمامج لا بليل مرتاح منج
ولا بنهار،،،،
يالله شوف القهر، ،،،
شلون بيه يارب اظل بس ادحگ
وابلع بريگي،،،،واتحسر
حجيت وي روحي بحسره
واني صافن علي الجسم
الحلو
من ارتباكي منه وهو يمشي
وراي هم ردت ازحلك
وهو لزمني، ،من خصري
« الله انتبهي يمعوده
تره الگلب رجيج ومايتحمل
بعد
« هااا
« امشي يابه مو شعلتيهم
لاهلي،،،
افتهمت قصده، ،،ومشيت
واني،،،، مااعرف شصار بيه
لان افتهمت كلامه
وصلت للمطبخ،،،وعمه ومروه
بس شافني صاحن
« ولج هاي شصاير بيج
« ماكو شي،،،يابه
جانت مشتهيه حمام
طين وراحت ذبت روحها
بالساجيه
حجيت بضحك ومن شفتها
عكدت حواجبها
دحگت لجسمها،،،،وهي
انهزمت رأسن،،،،
طلعت واني اضحك
ووكفت من حسيت بروحي
اني صاير مو طبيعي،،،
،،،،،،
بالغده مروه حجت
لعذاب
الصار بيه وهو خرب ضحك
وكال
« اااخ لو شايفج جان متت
من الضحك
« تراك ماقصرت ضحكت الما
طلع اللبن من خشمك،،،
« هههه ولج شحصلتي
من وكعتي
«خخخ حمام طين ،،،،من هذا
البارد
« ههههه خرب حظج،،،،
جنت اسولف،،،واضحك وي
عذاب وذيب ساكت وهو
مبتسم ،،،
من كملنا غسلت
المواعين،،،وصبيت جاي
اله،،،،، اخذته وياي للغرفه
طبيت،،،،،،،،وسديت الباب
وراي ووكفت من شفته
ممدد على الجربايه ومغمض
عيونه
خليته على الميز ورحت
بهدؤ ودحگت علي
شفت نفسه ثگيل وعرفته
نايم وغافي،،،،
كعدت يمه وصفنت علي
هو نايم شكله
غير شي يصير،،،،
عيوني تتبعت،،،نفسه شلون
يصعد وينزل وبعدين
نزلت لايده الخالها على
صدره،،،،
ابتسمت من شفت الحلقه
والمحبس بأيده،،،،ودحگت لحلقتي
شي بسيط يجمعنا
بس بي كميه مشاعر تفوق
الوصف،،،،،
اندار،،،،وصارت ايده
على رجلي،،،،،
گلبي،،،،فز ،،وظليت جامده
بمكاني،،،،وعيوني علي
خاف كعد
من شوخر عرفته نايم،،،،
ضحگت وي نفسي
وحجيت
« بدت المعزوفه مالته
غطيته ووخرت بهدؤ
وعفته يرتاح
لان اعرفه يتعب،،،كلش
بكاعهم وهم يطلع من الفجر
للعلوه، ،،،،،،
رحت فرشت،،،بالكاع
وتمددت،،،،
جانت الدنيا مغيمه،،،والجو
بارد كلش،،،،،
غطيت،،،،،، روحي بطانيه
وغفيت وره دقائق،،،،،
،،،،،،،،،،
كعدت واني احرگ بجسمي،،،،
وعيت لروحي اني نايم
على الجربايه،،،،،وكمت
ادور بعيوني،،،على
بان
شفتها نايمه بصف الكنتور،،
ومغطيه روحها لراسها،،،،
عرفتها بردانه،،،من لمه
جسمها
« هاي شلون نامت بالكاع
وهي ماتگدر
كمت بسرعه ورحت ليمها
وكعدتها
« بان اكعدي شنيمج هنا
وخرت الباطنيه من وجهي
وجاوبته كوه من النعوسه،
« هااا ذيب شبيك
« كومي ليش نايمه بالكاع
مو زين على رجلج
انتبهت وعدلت روحي
ومن ردت اكوم رجلي
وجعتني وصحت
« اااخ
« هااا شبيج رجلج
توجعج،،،
صفنت علي شلون حجه بقلق
هزيت راسي
وجاوبته واني
اتهزم بعيوني منه
« شويه
« اووف يابه، ،،شنيمج
هنا جان كعدتني
«شفتك نايم وتعبان ومكدرت
اكعدك
صفنت عليها،، من سمعت كلامها
وجاوبتها
« انطيني ايدج خليني
اكومج،،،،
« ميحتاج اني اكدر اكوم
حجيت هيج وكمت ،،،شفته
توتر وظل يدحگ عليه
وبعدين حجه بصوت
مخنوك
« بدلي هدومج خلي اخذج
للدكتور
« لا مااروح هسه اخذ مسكن
واصير زينه
مسحت وجهي وظليت افتر
بالغرفه لدقائق،،،،وبعدين
حجيت
« رجليج ماتصيرلها عمليه
بغير دوله،،،،
صفنت علي من حجه هيج
وگلبي كام يدگ سريع،،،
وهو كمل
« يعني،،،،انتي جنتي
تشتغلين
بالمستشفى ولازم تعرفين
مچان زين يگدر يعالجج حتى
ترجعين مثل الاول،،،،
« ليش
حجيت واني خايفه لا ضاج
من وضعي،،،
«حتى اسويها الج،،،،وماتظل
توجعج ،،،،،
عيوني،،،غوركت ودنكت راسي
وهو كمل
« شبيج سكتي،،،،
حجيت كوه وجاوبته بصوت
مخنوك
« انته يمكن تدري اني سويت
اكثر من عمليه الها هنا
سكتت وظليت ادحگ عليها
شلون مدنكه وتحجي
بخجل
« عووفج من هنا اني داحجي
على الخارج اكو احد
يكدر يسويها الج
هزيت راسي،،،باي
«وين ،،،بيا دوله
« بتركيا ولازم 3دكاتره يله
يكدرون يرجعون رجلي بنسبه
نجاح جبيره
« متأكده بتركيا
« اي ذيب متأكده ،،،،،
« هينه ،،،نرتب امورنا ونحجز
على الصيف احسن،،،
« لااا مااروح
عگدت حواجبي،،،،وسالتها
« ليش يابه
تهزمت بعيوني منه،،،
وجاوبته
« تكلف مبلغ چثير ،،،،
ابتسمت ومشيت للميز اخذت
محفظتي وجهازي وجاوبتها
«واني عندي خير من الله،،،
وشگد ماتكلف اني حاظر
« بس اني مااريد،،،منك
اي شي،،،،
« ليييش بان
سكتت وهو تقدم وصار گدامي
وكمل
« جاوبني يولي ،،،،
رجعت خطوه وجاوبته،،،
« انته ليش هيج دسوي،،،
ليش تريد تسويلي
العمليه
جنت اتمنى يكول لان احبج
بس هو ارتبگ وبعدين
دار وجهه وحجه بصوت
مخنوك
« لان انتي زوجتي ومسؤله
مني ،،،،،
سكتت وهو هم سكت،،،،
وقبل لايطلع حجه
« انتي عندج جواز
هزيت راسي بلااا وهو حجه
« هينه اسويلج واحد حتى
على الصيف نحجز ونطلع
لتركيا ،،،،
حجه هيج وطلع وسد الباب
وراه ،،،،
دموعي نزلت رأسن
وحجيت واني ادحگ للباب
« ادري بيك تحبني واعرف
كلش زين انته تخاف عليه
تصرفاتگ فاضحتگ،،،
وعيونك وياهن،،،،
بس ااااخ ادري من وره
اسامه انته مبتعد،،،،ادري
انته عبالك اني بعدني،،،احبه
ومو ناسيته،،،،
سكتت وغصيت بالبجي،،،
وكملت واني اريد اسكت
ومااكدر
« والله نسيته ومن زمان، ،،
وشيجيبه الك انته وين
وهو وين
اشهر واني اتوجع وفلوس
الفصل
خلصت واني نفس وضعي
وهو شسوه
راح فتح مكتب واداين
من صديقه وما كلف نفسه
يجي ويحجي مثلك،،،
الصار بالماضي،،،والصار
هسه وتردده من يمي
رجع بوجع اكبر بگلبي
وخلاني مااكدر اسكت،،،،،
وظليت ابجي،،،بحرگه گلب
الباب اندك وانفتح
طبت مروه
وبس شافتني ابجي
اجتي بسرعه وصاحت
« نويره شبيج تبجين،،،
سكتت وظليت ابجي،،،وهي
كعدت يمي وحجت بقلق
« ولج كافي شوفي وجهج
شصاير بي،،،منوو وياج ذيب
من جابت سيرته شهكت
بالبجي وخليت ايدي
على وجهي
ومروه كامت وراحت
صاحت عمه
علية الي اجتي بسرعه،،،
وحجت
« شبيج يمه ليش تبجين
ذيب وياج،،،،شمسويلج
احجي نويره مو وكعتي گلبي
سكتت گوه وهزيت راسي بلاا
وهي سالتني بخوف
« اهلج بيهم شي،،،
« لااا عمه ،،،بس اااني جنت
شويه مخنوگه شويه
ومن وراها كمت ابجي
« يايمه هاي من
وره نومه المغرب
تصير ثگيله وتخنك الواحد
كوومي غسلي وجهج،،،وتعوذي
من الشيطان ،،،واطلعي
لاتظلين بحدج بغرفتج
هزيت راسي،،،وكمت وياها هي
ومروه الي مشت بصفي
وحجت بضحك
« ها يولي بدت سوالف الذيب
وياج. ،،،وكام يطلع
خبالاته عليج
سكتت وحجيت وي روحي
« علواه،،،ظال على خبالاته
وياي
ومو مشوفني هلحنيه
الي كلبت المواجع،،،،،عليه
غسلت،،،وجهي وارؤى
حجت
« عوفي كلشي وارتاحي
وجههج صاير احمر دم
« مابيه شي ارؤى،،،،
خليني اكمل العشه وياج
حجيت هيج وهي راحت تحضر
بالعشه واني وياها،،،،
كعدنا كلنا علي سفره وحده وميسر
ويانا،،،لان الولد لزموا على العشه
وماقبلوا يروح لبيتهم ومروة
من شافته كالت مااشتهي
اتعشه وراحت لغرفتها
« شبيج يولي من كعدتي لحد هساع
ساكته ومالج حس وحتى الاكل
ماضگتي
سكتت من حجه ميسر
وذيب حجه بقلق
«شبيج رجليج بعدها توجعج
هزيت راسي واني مدنگه
بلاا وعمه حجت
« عجل يمه ليش ماكلتي
من سالتج ،،،،
عمه حجت ووراها ارؤى
« ليش يولي ماحجيتي،،
اني حسيت،،،، بيج مريضه
وكتلج روحي ارتاحي بس
انتي كلتي مابيه شي،،،
نفسيتي جانت صفر،،،،وبس
سمعت الحجي دموعي نزلت
وكمت بسرعه،،،ورحت
لغرفتي كبل
طبيت وذيب وراي
اجه هو
وعمه وارؤى،،،،ومروه
كعدت وكمت ابجي،،،وهو
وكف گبالي وحجه بعصبيه
« من كتلج المغرب خلي
اوديج
للدكتور ليش ماقبلتي
هيج احسن شوفيها كامت
توجعج ومن وجعها كمتي
تبجين
غصيت بالبجي وعمه كعدت
يمي وحجت
« يايمه ليش ماخليتي
يوديج جان شافج الدكتور
وانطاج شي يهود الوجع
جنت اسمعهم وصرخه بداخلي
ذبحتني وخلتني احجي
بحرگه گلب وي نفسي
«والله مو رجلي التوجعني
گلبي الديوجعني ،،،،،
« كوومي بدلي بسرعه
« مااروح
بنص دموعي جاوبته وهو
صاح
« كووومي ولاتعاندين
لخاطر الله،،، الليل طويل
وخاف تظل توجعج وماتخليج
تنامين،،،
« كومي نويره ،،،تره
شگلج مبين عليج الوجع
« ارؤئ مايحتاج عندي دوه
بس اني نسيت اخذه الظهر
سكتت وصفنت عليها شلون
خجلانه من وجعها وسالتها
بقهر
« اكيد يولي
هزيت راسي ،،،وعمه كامت
وهي تحجي
« اشربي دواج وارتاحي
ومن توجعج يايمه احجي كولي
ولاتستحين،،،،تره
عافيتجن عندي اهم من
الشغل
سكتت،،،وهي وصت ذيب عليه
وطلعت هي وارؤى،،،
تمددت واني اتهزم بعيوني
من ذيب الي ظل واكف
ويدحگ عليه،،،،
« اشربي دواج ،،،
عدلت روحي،،،
ومديت ايدي،،،للجراره طلعت
مسكن وهو راح جاب
مي واجه
اخذته من ايده وشربت
الحبايه وتمددت،،،،
غطيت راسي،،،وظليت
اني دموعي جوه
البطانيه
دحگت عليها،،،،شلون لمت
روحها جوه الغطه مثل
الجاهل
وذبيت حسره من گلبي
وطلعت
رحت ليم ميسر،،،الجان كاعد
بالدوانيه وحده،،،
« هااا شلونها نويره هسه
« اخذت دواها ونامت،،،
كعدت،، يمه بالكاع وسندت راسي
على الحايط،،،وصفنت بهم
وهو كال،
« هينه ذيب،،،،، لايظل بالك
هاي يجوز من وره البرد
كامت توجعها
سكتت وذبيت حسره
وهو كمل
«شبيك يول صاير شي
جنت،،،،،، اريد احجي الصار
بيني وبينها هم على كلبي
وجنت ،،،،،،اريد اطلعه
لان بعد ،،،،،مااتحمل،،،،
عدلت روحي واني اذب حسرات
وحجيت كلشي اله وهو
انصدم وصفن عليه وحجه
وره لحظه
« ذيب انته صدگ تحجي
هزيت راسي باي،،،،وهو
كمل
« شبيك يول تخبلت شلون
هيج تسوي وبمنو بنويره الفقيره
الي الدنيا لعبت بيها طوبه
وفرتها فر ولك ليش
مو خطيه
« ااادري ميسر والله ادري،،،،
بس والله مو بايدي ولك
مكدرت انسه الشفته
والسمعته
« ولك انته مخبل هذا جان
رجلها وعاقد عليها،،يعني
مو حرام اذا حجت ويا او دزت
اله ،،،،،،،اااستغفر الله ياربي
شلون بيك وبهذا عقلك
المحجر
كمت بفزه وصحت بصوت
مكتوم
« لادكول رجلها يول،،،
اني رجلها لبان
« ايي واضح من ليلتك الغبره
وياها لك اكعد واسكت فشلتنا
وسودت وجهنا
« ميييسر
« ذيب لاتصيح تصرفك غلط
ولوما نويره،،،، تحبك
وشاريتك جان فضحتك يم اهلنا
واهلها
«لاااا ميسر هي
سكتت من وره وضعها،،،،
« غبي وتظل غبي ،
والايام راح تثبتلك هذا الشي
كعدت ولزمت راسي،،،،وحجيت
بقهر
« ولك اتمنى اصدگ
هي تحبني
اتمنى اسمعها ادكولها
بدون ماتدري بيه اني داسمعها
ولك ،،،،صدگ انسه كلشي
وابدي وياها من جديد
«ذيب هي كالتها من
ظلت يمك،،،،
«ذيب هي كالتها من
ظلت يمك،،،،
سكتت وعقلي رافض
كلام ابن عمي،،،،
« يول لاتظلمها فوگ ظلم الوكت
لو تعوفها تشوف غيرك لو اتمم
زواجك منها،،،،
رفعت راسي بسرعه
وجاوبته بعصبيه
« شنووو قصدك اطلگها
« عجل تظل يمك وهي
بعدها بنيه،،،مايصير
يول وحرام،،،ومايرضي الله
« مااطلگ وسد الموضوع،،،
« يول حرام،،،
كمت بسرعه وصحت بي
« كتلك مااطلك سد الموضوع
« اذا هيج تحبها ماتنسه
وتعيش حياتك وياها،،،
« ولك مااكدر كلما اريد
اخذها لحظني اتذكر ذاك
واتذكر شلون جانت
تحجي ويا،،،،،،
واخاف تذكر اسمه وذيج الساعه
اموتها واموت روحي وراها
« اووف يابه، ،،ولك والله
عاشگها عشگ مخبل لبنت عمتنا
واني ماادري،،،
سكتت ودنكت راسي
وهو حجه
« يول ،،،،هذا احنا من نعشگ
مره انتهى وقفل هذا الگلب
وللموت نظل نحبها،،،،
ومانكدر ننساها لو انترس الراس
شيب
« اااخ ميسر،،،،،تمنيت لو اكدر
ابدل گلبي
ابن عمي بتسم بالم وجاوبني
«ولگ لو تبدله الف مره
مايعوف حبها،،،،تدري ليش
دحگت علي وهو جاوبني
« لان مكتوب بلوح القدر هي
الك وانته الها
،،،،،،،،،،،،،،
مر چم يوم واني احس بروحي
تعبانه ومالي واهس
وذيب ظل يلح يوديني
للدكتور واني ارفض،،،،،،طلباته
اهتمامه الزايد بيه،،،
خله الكل يبسمر بينا
وعذاب يطب
يذب كلمه ويطلع
يذب الخ،،،
اني جنت بس ابتسم، ،،لان
هو جان مفضوح باهتمامه وخوفه
ليله نمت وتوني غفيت،،
حسيت بي كام
غمضت عيوني بقوه،،،من
سمعته تقرب عليه
فجأه حسيت بغطه صار فوكايه
ابتسمت،،،،،،من شفت خوفه
وحجيت وي روحي
« حظنگ لو انام بي كافي عليه
يدفني
ظليت كاعده واسمعه يفتر
بالغرفه،،، ،ووره دقائق
اجه ودنگ راسه عليه ،،،من
انفاسه الحاره ضربت وجهي
غمضت عيوني بقوه،،،
وكتمت نفسي،،،وبلحظه
حسيت بشفايفه على خدي،،،
جانت بوسه خطف،،،،،
ووخر بسرعه وهو يحجي
بصوت مكتوم
« اووف يابه،،،،
دمعتي نزلت،،،،،،،،وجاوبته
« اووف اني،،،،،واااخ منك ومن
الدسوي بروحك وبروحي
بذيج الليله مانام وظل يفتر
ويشرب جگاير،،،،
جنت اسمع،،،،،،،،حسرته وكلام
مو مفهوم وبس الاوف جنت
اميزها،،،،،،
تمدد وجه الفجر وصار هدؤ
واني وراه
ثاني يوم فزيت على صوت
الصاجعات تضرب بقوه،،،،
دحگت،،،، وشفت ذيب ماكو،،
والساعه بالعشره
كمت بسرعه ورغم ،،،،جانت
الصوبه مشتغله
حسيت بالبرد بعضمي يدك
كمت لبست دشاشه قديفه،،،
وفوكاها روب وطلعت
غسلت وجهي،،،،،ورحت
للمطبخ
« صباح الخير عمه
« هلا يمه،،
سمعت صوت الدنيا تمطر بقوه
والصاجعات تضرب،،،
وحجيت
« وين الولد،،،
« عذاب بغرفته،،،وذيب
طلع يشوف الماطور خاف
تنگع
« شلون طلع بهل الجو
« حجيت يمه ومافاد الحجي
كتلو ماعلي شي،،،لاتطلع
بس هو ماسمع چلمتي
وراح
وكفت بباب المطبخ واني لافه
الروب على جسمي وارجف
« يمه امشي اتريكي هسه يرد
« عمة الجو بارد ودتمطر بقوه
واخاف يصير بي شي
« لا يمه ماعلي شي ان
شاء الله
وخرت من الباب ورحت خليت
الحليب على نار هادئه
وحجيت وي عمه
« اروح اخليله هدوم يم الصوبه
حتى من يجي يلبسهن دافيات
« اي يمه روحي
رحت بسرعه طلعت هدومه وخليتهن
يم الصوبه ورجعت
للمطبخ
« هلا بالتنبل،،،،الكسلان
ابتسمت لمروه وجاوبتها،،،،
« جان اجيتي كعدتني،،،شكو
خليتني نايمه لهساعه
« غير لو يقبل ذيبو
عكدت حواجبي وسالتها
« شنوو
« ولج يمشي ويوصي عليج
لاتخلوها تتعب ولاتشيل ثكل
وشوكت متريد تكعد
خلي تگعد
عمي بخت وحظوظ
خوما مثل حظي الاسود
ابتسمت ورحت بغير عالم،،،،
وهي غمزت الي وكملت
«يولي اريد افتهم شمسويه
لاخويه وهيج يحبج،،،
دتطيني منه شويه بلكي يگعد
حظي
توني اريد احجي وذيب
طب وهو منكع مي ،،،،،،
« السما مفتوحه علينا،،اليوم
يارب مطر خير
« امين،،،،
مروه حجت واني وياها
وكملت
« روح بدل هدومك،،خليت
الك يم الصوبه غيرهن وهسه
دفن
« ايي
راح للغرفه واني صبيت حليب
الي واله وخليت جبن
حلو ويااهن وخبز ودبس ورحت
لغرفتنا،،،،،طبيت ولگيته
مبدل ودينشف راسه
« اليوم،،،،بارده كلش
هزيت راسي اله،، وخليت
الصينيه يمه الصوبه وكعدت
« تعال ااشرب حليب دافي
كعدت يم بان،،،واخذت
كوب الحليب
وسالتها من شفتهاا كامت تاكل
« بعدج ماتريكتي
هزيت راسي وهو كمل
« جان طكيتي بيض
« ماريد الجبن والدبس كافي
سكتت وظليت ادحگ الها بطرف
عيوني شلون تاكل بهدؤ
،،،،
تغدينا،،،،وشلنا السفره
وراها كلمن راح لغرفته،،،،،
العصر كعدنا،،،،والجو
زاد مانقص
شفت ذيب مو على بعضه
ووجهه محتقن وكل ساع يكح
« هاي يمه عبالك استبردت
« اي والله عبالك
« هسه وره العشه انطيك
دوه
وان شاء الله تصير زين
حجيت ويا،،،ورحت سويت
جاي واخذته للهول،،،،،
لليل ،،،،صخن صخونه
قويه وبلاعيمه طبگت،،،،
اني اكو جوه ايدي، ،،،،،دوه
انطيته،،،،،وراح تمدد على
الجربايه وهو مو على بعضه
فرشت بالكاع،،،وظليت كاعده
لان خفت لاترتفع درجه حرارته
كمت وره ربع ساعه،،،،من
سمعته كام يحجي وي روحه،،،
خليت ايدي على كصته
وشفتها صايره نار،،،،
وخرت الغطه رأسن،،،،ورحت
جبت مي بارد،،،،،،،وبديت
اسوي اله كمادات،،،،
وامسح برجلي،،،وايده
« بان،،،،
سمعته حجه بصوت ناصي
ورحت علي،،، وجاوبته
« هااا ذيب
جان نايم ويون،،، سكت
ورد حجه
« بان اااحبج،،،،
ابتسمت وعيوني غوركت
وجاوبته بهمس
« اني هم احبك ذيب،،،
سكت وظل يحجي كلام
مخربط وافتهمت منه
« لاتعوفيني،،،والله اااموت
جان مو بوعي،،،،بس الي بكلبه
طلع وسمعته
كلبي كام يكمز من الفرح ودنكت
على خده وبسته واني
ابجي واكول
« مااعوفك ذيب،،،اكو واحد
يعوف روحه،،،،
وخرت منه وكمت
امسح بوجهه
وادعي تفگه الصخونه
وره وين فكته،،، ونفسه انتظم
من شفته نايم ومرتاح تمددت
يمه ،،،،،،وظليت ادحگ علي،،،
واني لازمه ايده،،،،
بلحظه غفيت بدون شعور
،،،،،،،،
حركت ايدي،،،،بتعب
ومن حسيت
بثگل عليها،،،،،فتحت عيوني
وتفاجأت بان نايمه
عليها
ماطلعت صوت،،،،وظليت
صافن على،،،،،، وجهها القريب
من وجهي،،،،وگلبي يدگ بجنون
تقربت بهدؤ
وظليت اتنفس هواها،،،،
كتمت النفس من اندارت ولزكت
بصدري،،،،ولزمت ايدي
وخلتها على خصرها ،،،،
ضعت وانتهيت،،،،وجسمي
كام يرجف،،،،
توني اريد،،،،اسوي
الي اريده وميت علي،،،،الباب
اندگ،،،،
سويت نفسي نايم وهي
كعدت ومن شافت وضعنا فزت
وكامت بسرعه
هاي اني شجابني هنا،،،
حجيت وي روحي ،،،بارتباك
بعدين تذكرت شصار البارحه
الباب اندگ،،،،،ورحت بسرعه
لبست الشال وفتحته
« صباح الخير يمه نويره
« هلا عمه،،،،
« شلونه ذيب
« الحمد لله زين،،،
جاوبتها وهي طبت، ،،من شافته
كعد
« ها يمه شلونك اليوم،،،
جاوبتها ،،،،،،واني
متوتر من الصار قبل شويه
وعيوني على بان،،،
« الحمد لله احسن ،،،،
« دكوم يمه غسل،،،وتعال
اتريك واشربلك حليبه
دافيه
هزيت راسي باي،،،،وهي
طلعت
تهزمت بعيونه منه،،،لان كلت
خاف حس بي جنت نايمه
بحظنه
«امشي تريكي وياي،،،
من كام وحجه طبيعي،،،،،عرفته
ماحس وجاوبته
« اي هسه،، بس ارتب الغرفه
التهينا بشغل البيت والجو شوي
فگ بس ظلت تمطر وترعد من بعيد
سويت شوربه عدس
للكل اكلنا منها بالظهر والباقي
خلينا للعشه،،،،
ذيب ماطلع وظل،،،،بالبيت
واني ظليت انطي سوائل دافيه
ودوه،،،،
جنت مبتسمه وفرحانه لان
سمعته شحجه،،،يوم ويومين مرن
يله تحسنت صحته،،،
وطلع وي عذاب بشغله
ورجع وي الغده،،،،تغده واخذ
دوه وتمدد. ،،،،
اني مانمت لان جان عدنا شغل
بالمطبخ، ،
سويت كبه حلب وجريش
وي مروه وارؤى
وهم رادت اسوي كيكه
خبطتها واني احس بتعب ونحول
مو طبيعي،،،،
كملتها كوه،،،،،وكعدت
انتظرها تستوي، ،،،
« نويره بيج شي،،،اشو وجهج
صاير احمر دم
« ماادري ارؤى احس
بروحي صخنت
« ولج خاف انعديتي من ذيب
« يمكن،،،هسه اخذ دوه بس
اروح لغرفتي
« دعوفي الكيكه وروحي
اخذي وارتاحي
« لا حبيبه هسه اكملها واروح
حجيت هيج وكمت غسلت
وجهي وايدي
ورجعت شفت الكيكه،،،،
الفوك جان بعده،،،انتظرته
يستوي،،،،، واني احس ببروده
خلت جسمي يرجف لاراديا
استوت وخليتها بالفرن،،،،ورحت
لغرفتي،،،،واني ارجف
وجسمي كله متكسر اخذت دوه،،
وتمددت شويه،،،وراها كمت
واني احس بروحي
بعدني سوينا العشه وذيب
خابر وكال
عندي شغل وي ميسر اتعشوا
اني راح اتعشه بيت عمي
اني اكلت شويه
من وره زردومي المجرح
وكمت
« ها نويره بعدج مصخنه
«اي
«هاي اخذتي من ذيب اشربي
دوه يمه
هزيت براسي باي لعمه وعفت
الشغل على البنات لان
بعد مااكدر
كبل اخذت دوه وطبيت
بالفراش
،،،،،
تأخرت بالرجعه ل12 بليل،،
ومن طبيت للغرفه،،،
وسديت الباب
سمعت بان تون، ،،،
رحت بسرعه عليها،،،
وحجيت
« بان شبيج
فتحت عيوني بتعب، ،،
ومن شفت ذيب كعدت وعدلت
روحي
« شبيج تونين،،،
حجيت هيج ومن شفت وجهها
احمر دم ،،،،،لزمت خدها
وتفاجات هي مصخنه
من كام يتلمس بوجهي
بايده البارده
لزمتها واني احس براحه
«خلي اغسل وجهج
مجاوبته وخليت وجهي بصدره
نفسي ضاگ،،،من سوت هيج
وحجيت بصعوبه
«بان خلي ابرد جسمج،،،
لايصير بيج شي،،،
« ذيب،،،،
بلعت ريكي بصعوبه من
سمعتها كالت اسمي ببحه
حلوه وهي كملت،،،،
« تدري اني احبك
« اويلي يابه ،،،
ولج شدتحجين انتي، ،،،
وخرتها مني وشفتها مغمضه
والوجهه صاير احمر دم
فتحت عيوني كوه ودحكت
بعيونه التلمع وابتسمت اله
وحجيت بصعوبه
« احبك واموت عليك،،،
العگل تخربط والگلب كام يدگ
بجنون ومن حجيت طلع
صوتي يرجف
« بان اسكتي الله يخليج
تره بعد مااتحمل
« كول اني احبج
حجيت بدموع وهو صفن
بعيوني،،،،،، بعيون مغورگه
وحجه وره لحظه
« احبج يولي،،،،واموت
عليج
ابتسمت ودفنت وجهي
بصدره ورديت بصوت مخنوك
« واني هم احبك ذيب، وللموت
راح اظل احبك
سمعت كلامها،،،وحظنتها لصدري،،،
بقوه واني ابوس،،،،بيها بجنون
واصيح بتوسل
« كولي اسمي بعد
تنهدت ،،،وهمست باسمه
باكثر من مره
« انت حبيبي ذيب،،،
فقدت وجريت شفايفها بقوه
ونسيت نفسي وياها
وماوخرت الا وين،،،،،
مااعرف شلون صرت فوكاها
وجنت بس اردد بجنون
«اريدج اريد ترافه جسمج
احس بيها تطخ بجسمي
صوتها وهي تون وتهمس باسمي
خبلوني وخلوني اخذها
بسرعه،،،،وره وين ومن
حسيت بيها تعبت وخرت
وحصرتها بين ايدي ،،،
صفنت عليها والگلب يدگ
بفرح
العيون ذبلانه،،،،،والشفايف
تخبل من حلاتهن،،،
والجسم الي ردته وحلمت بي
ليالي صار الي،،،عدت سؤالي
واني ابوس بشفايفها وخدها
« بان كولي اسمي،،،
تنهدت بحظني وكالته وهي
مبتسمه
« ذيب،،
كالته واني جريت شفايفها
بقوه وفقدت عليهن،،
حظنته من حسيت باحاسيس
حلوه وخلت گلبي يرفرف
بفرح
لزمه ايده وصوته وهو يهمس
بكلام حلو خلاني احظن
صدره وابوس بركبته،،،
« احبج يولي،،،واموت عليج
حجيت بتنهيده وتمددت
واني،،،، حاظنها ومو مصدگ
هي صارت مرتي،،،
لاول مره انام مرتاح،،،،،
الفجر كعدت، ،،،وعيوني
راحت الها،، جانت بين
ايدي واثار خبلاتي،،،جانت
مبين بركبتها وصدرها،،
دنكت وبستها،،،، منه
وكمت اشم
بي بلهفه،،،،، واعض على كيفي
جان جسمها حار
وخلاني اريدها،،،،،
« ذيب
حجت وهي نايمه،،،واسمي
من كالته خلاني ارفع
روحي وابوسها بقوه،،،،،،
« ااوف شگد احبج،،،،،
ظليت مغمضه عيوني واني
احس ،،،،،،،بمشاعر كلش حلوه
لمسات ذيب وجنونه وياي
خلاني ارجف بين ايده،،،،
واهمس اسمه،،،،بصوت
مخنوگ
عفته يسوي الي يريده،،،،،،
لان اني هم جنت اريده ،،،،
وهو جان مو مصدك اني
صرت اله
وحسيته يريد يخليني
بضلوعه هلگد ماسمعت منه
كلمه احبج
وشفته شلون تخبل عليه
وخله اثر بكل جسمي،،،
،،،،،،،،
يِّتّبِعٌ
Bạn đang đọc truyện trên: Truyen247.Pro