#اغتصاب_ام_زواج

#الجزء_الثاني37 الاخير

اسد حبيبي تلفونك يدك
منو
ماعرف رقم
ردي
الوووو
منو
اسد موجود
منو حظرتج وشتردين منه
كوليله اني زوجته ،،،،،
رهف ؛ شنو 😨
.
اسد ؛ منو
رهف ؛ زوجتك
اسد ؛ الله يلعن هالحظ نطيني التلفون
رهف ؛ منو هاي اسد شنو زوجتك
اسد ؛ اَي زوجتي وخلص بدون نقاش سدي الموظوع ونطيني التلفون اتاخرت
رهف ؛ احد يضربني يكرصني يصحيني من الحلم الي اني بي مستحيل هذا اسد لا لا ميسويها صرخت بكل صوتي احس بعد ماعندي صوت الكلام ميطلع
اسد طلكني وأنسى وحده اسمها رهف
اسد ؛ التلفون مفتوح وايدي ع كلبي منتبه عليه مامسدود وخايف لتروح تحجي حجايه زايده يخرب الاول والتالي عليه وصدمتني رهف من كل عقلها الف مره حجيت وياها بس عمي حقها قبل ساعه جنت وياها مثل العسل وهسه أكوللها هاي زوجتي مو زين من عدها ماقتلتني
شنو تردين
كعدت بالكاع نهد حيلي هد صدت تعبت ليش دائما هيج يصير ويايه باوعتله بنظره حقد وخوف وكره صدك كرهته
طلكني
اسد ؛ انتي
طالق
طالق
طالق

رهف ؛ كمت مااشوف شكله من الدموع معقوله هنت عليه بهالسرعه هيج اني كلشي مااسوه عنده بقيت ابجي وحاطه ايدي ع كلبي من الوجع

اسد ؛ ركضت اخذت التلفون وقفلته ساعه السوده اخذتها لحضني اششش كافي شجاج مسحت دموعها وهي حالتها بالويل ترجف وتبجي بحركه حضنتها وخليتها بحضني خليت شفتي ع أذنها صار للمره الألف اكلج من اني بهمه لتصدكين بشي راح تموتيني شي يوم من الايام والقهر جنتي فاتحه التلفون اخنج هسه لو مضيعه عليه الاول والتالي ليش  من الي صارتلي اول مهمه وحطو اجهزه صوت بالبيت كمت اخاف احجي اذ مو همس وعلمتها اكثر من مره بس حقها اذ كل مره مصيبه جديده
مسحت دموعها وبقيت حاضنها وأبوس بيها بهدوء بلكت تهدء بس اعرف بيها كاعد ترجف بيدي حطيت ايدي ع بطنها ضليت أتلمس بهدوء فزت
كبرانه شويه مو

رهف ؛ باوعت بعيونه شكد قهرني شنو ذنبي اني أتحمل كل هالشي بعدت ايده ماكو شي كبران غير كرهي الك وحقدي عليك والوجع الي كاعد تتركه هنا واني اشر ع كلبي

اسد ؛ اشششششش عصرت شفتها باايدي اموتج اذ تعيدين هالمره والله وانسي كل الي صار وخليني اوصلج وصيري عاقله وديرين بالج ع نفسج وقسما بالله يارهف اذ سمعت شي صاير الج ومتاذيه اشنقج باايدي

رهف ؛ عوووفني معليك بيه بعد روح لزوجتك اني بيش الكليو اصلا تجي تتونس ساعات وتروح ويمها نايم ليل ونهار
اموت اعيش معليك معليك سمعت
اسد ؛ رهف الزمي السانج
رهف ؛ ههههه شراح تسوي مثلا وهسه وخر عوفني ارجع لبنتي
كمت دارتب شعري مااحس اله سحبني من ايدي وشفتي ع شفته يالله شكد كارهته بس ماعرف شنو هالضعف كدامه يربي 😞😞😭
والله ميصير هيج وأيد ع راسي وأيد ع خصري من قوته احس اصابيعه دخلت باللحم
اسد عوفني خنكتني
خليني اشبع واعوفج لتخافين
اولها و تاليها عايفج لتستغليني بهالشي ماشي
روح أشبع من زوجتك ليش مني ها اكيد مامكتفي بيه لهذا السبب رحت تزوجت عوفني لتلمسني

اسد ؛ اسمعي روحي بخشمي ترى مامتحمل نفسي كافي ارحميني انتي الوحيده الي لامسج بحياتي كلها وخليها ابالج سواء تزوجت غيرج او طلكتج راح تبقين مالتي واليه حطيت ايدي ع شفتها اعصرها صدك اريد ائذيها مثل ماوجعتني بالكلمات ولا تفتهم دفنت راسي بركبتها وضليت ابوس وأشم بيها انتي مالتي وحدي حتى بنتج مالها حق بيج بكدي فهمتي
رادت تحجي مخليتها لزمت شفتها اكلتها اكل اعرف اذيتها بس ميخالف تستاهل وهي مستمره تضرب بصدري
يلا اني اروح اوصلج لو تبقين هنا ترتاحين شويه لان شكلج يموت
روح مااريد اشوف وجهك ولا اسمع صوتك روح وعوفني احجي ودموعي تاكل وجعي
راح اروح بس راجعلج واخير مره اكلج ديري بالج ع نفسج قسما بالله اذ جرحتي نفسج جرح بسيط تتحاسبين دمعه اذ نزلت مراح ارحمج افتهمتي

لك انته شنو من بشر بس فهمني تجرح وتعيط وتضرب وتجي بدم بارد تنطي اوامر وتروح

رهف انتي تعرفين هالجسد والروح اليه كلشي بيج اليه انتي متملكين شي فااني اخاف ع كلشي يخصني امامنه عندج ودااوصيج بيج فديري بالج
وهسه ابقي هنا ارتاحي اني اروح اتاخرت

روح عليها ليش لا اكيد اشتاقيتلها
باوعت عليها بطرف عين وطلعت اوف يارهف لو تعرفين الحقيقه هو غير لو اكدر المس وحده غيرج مكتفي بس بيج انتي وبس
ماجنت رايدها تعرف وتنقهر اوووف مني اوف رغم كل الكلام وراح تضل تاكل بنفسها ادري بيها

يالله ليش هيج ليش شنو ذنبي كل مااكول خلص راح نعيش بهدوء ينكلب الفوك جوه شنو الي ديصير شنو الي مسويته والله ديعاقبني عليه والله تعبت ياالله
بقيت كاعده وأفكر فكره تجيبني وفكره توديني كلمه طالق مكاعد تروح من بالي ولا كلمه زوجته 😭😭 الوكت كلش تاخر وخطيه مسكً لوحدها لازم ارجع لو خلص اجيب بنتي ونعيش هنا بعد ماله داعي وجوده وخلي يروح هو ومهماته بما انه صرنه احرار بعد ماكو خطر عليه
الووو
هلو رهف
تقى تكدرين تجيبين مسك وتجين لبيتي
ليش شصاير
جيبها وتعالي بعدين نحجي
* ماشي ماشي بس اسد موجود لان تعرفين فهد ميقبل أبقى هذا هو موجود
* اعرف اعرف كلهم نفس الطينه ماموجود لتخافين
* اوك مسافه الطريق واجي

فهد ؛ اسد وين صرت
وصلت دقايق واني يمك
اوووف يارهف موتيني ولا تكليلي اكرهك
الووو
تقى
هلو اسد شلونك
بخير تقى اريد منج شغله
اَي كول
ابقي يم رهف لتعوفيها واني راح احجي وَيَا فهد
ماشي تدلل هو اصلا خابرتني رايحتلها بالطريق
اوك لعد شكرًا الج
تدلل
اكدر هيج ائمن عليها شويه
شلونكم شباب
ضرغام ؛ عمي احنا بخير انته وين مختفي
وبعدين ليش هيج عيونك
اسد ؛ يامهمه مافتت بيها ماصارت هيج عيوني
فهد ؛ تعبان لو تفهمنه
ضياء؛ خلو يرتاح
اسد ؛ ماعدنه وكت ضياء لازم يعرفون كلشي
بس اول شي فهد تعال
تقى راح تبقى بالبيت يم رهف
ليش شصاير
بعدين نحجي
مابيهم شي
لا اطمئن
اوك
......
اسمعو اول شي سهى متشتغل لوحدها الي يشتغلون وياها كلهم تابعين النا
ضرغام ؛ شتحجي انته
ضياء: والي صار خسرو شي جبير وجانت شغله واحد ذكي وفرها عليهم اخذ الفلوس وكاللهم البضاعة اختفت
وهمه دخلونه حتى نعرف منو ورا هالشي
اسد ؛ كل الي ابالهم ماراح نكشفهم ولا عبالهم نوصل لكل هالمعلومات
ضياء : وسعى مجرد اسم الكل يستخدمه ويمها أتم كلشي كانو اله يستخدموها لا تحل ولا تربط
اسد ؛ مجرد كل يوم يأكل بلحمها شويه شويه
ضياء ؛ وع فكره هي عدها معلومه بدخلتنه  الها منطيها كل السيدي الي يخصنه وهي عبد مامور لا تكدر تخبر جهه ثانيه ولا ترفض

اسد ؛ لهذا السبب تأخذ مخدرات وتكون مدمنه ع الاخير يلا تدخل وَيَا شخص للغرفه
ضياء : من عدا هذا جميع انواع التعذيب بجسمها شغلات محد يتخيلها
اكووو تعذيب وجروح مبين عليها اكثر من سنه بس ممختفيه ع كد ماجانت جبيره
اسد ؛ كاتلين زوجها وماخذيها وهي حامل كاتلين طفلها وهو عمره اشهر كدام عينها ومخليها اله بس للاستخدام بحياتها كلها تحلم صير ام
فهد ؛ استغفر الله العظيم ربي وأتوب اليه
ضرغام ؛ لا حول ولا قوه الآه بالله كولي شنو راح تسوي وشلون عرفت هالشي

اسد ؛ اجهزه التسجيل جانت بكل الغرف السريه وكامرات دقيقه كدرت أتعرف عليهم ومن خلال التسجيل عرفت كل خططهم وكدرت اخذ كم شخص وأربي ع ايدي
فهد ؛ قتلتهم
ضياء : لا بس كرصت اذن
اسد ؛ وحاولت بطريقتي وَيَا سهى تحجيلي كلشي وكل ماتفقد تركيزها تحجي كل الي عدها وحرف ماكو غلط
ضرغام ؛ هاي المعلومات كلها مراح تفيدهم لان عدهم ويعرفون نفسهم واحنه نروح بيها
فهد ؛ محد يحجي ولا حرف من هالمعلومات تندفن هنا وإلا اربعتنه روسنه أطير

ضرغام ؛ زين عرفت منو الي العب عليهم
اسد ؛ عرفت بس راح احرك كلشي ولا شي اخليهم يستفادون منه بس قبل كلشي
كلنه راح انقدم استقاله سواء وافقو ام لا بعد هالمهمه تنمسح كل أسماءنه تمت المهمه اولا اَي ذكر مراح يكون النا
موافقين كلنا
وسهى راح تطلع ويانه
ضياء ؛ سهى اني اتكفل بحياتها
راح تطلع ويانه
موافق
فهد ؛ وين اسد
اسد ؛ راح تعرفون بالوكت المناسب بس خلي نقدم الاستقالة
ويومين ثلاثه مراح نسوي شي اله نكمل كلشي يلا
لان بليل اطلع للنجف وضياء راح يكون بمكاني بس هو اسد محد يعرفه ضياء غيركم
فهد ؛ متاكد ماكو خطر عليك

اسد ؛ الي يمشي وَيَا ثعابين وتماسيح حياته مو بس خطره حياته جحيم
ضرغام ؛ اسد مامجبور
اسد ؛ مجبورين ضرغام كافي خساره ابويه بسببهم راح ابني بسببهم رهف ادمرت حياتها بسببي وهم همه السبب وابنك وأخوك ترى كله همه السبب
كافي خلي نخلص بروحنه
ضرغام ؛ تريد اجي وياك
انتم غطو عليه
لان مراح اكدر اطلع وادخل من الباب ومتأكد هسه همه مراقبينه فراح اطفر من شقه شقه يلا اطلع وادخل كذالك
اوك روح موفق انشالله
.....
تقى ؛ شبيج رهف حتموتين نفسج ولا كانو تعرفينه
رهف ؛ والله موبيدي زين مهمه شنو زوجته شنو بس فهمني
تقى ؛ يعني لابد اكو فد انه بالموظوع انتظري وشوفي هو شنو يكلج
رهف ؛ منتظره ليش عندي غير حل
تقى ؛ شلون صدفه وحظ الله خلاهم بطريقنه رغم كلشي
رهف ؛ رغم كل العذاب بس صدكي احلى صدفه يمكن لو غيره مجنت احبه كل هالحب
تقى ؛ ولا حتى اني لو مو هو جان لسه ممتزوجه
رهف ؛ داكوم اشوف مسك كاعده لا
تقى ؛ ررررهف انتي حامل
رهف ؛ اششش وجع شبيج
تقى ؛ خرررب وج هسه يلا انتبهت ع بطنج
رهف ؛ لا سمنانه
تقى ؛ ههههه مو احنه مخابيل حتى تضحكين علينه
رهف ؛ جنت ناويه اسد يعرف اول واحد واشوف نظرته وعيونه من اكله
تقى ؛ هههههه البارحه كله بحضنه وتردينه ماعرف وهو حافظج اكثر من نفسج
رهف ؛ ميعرف والله ولا حاس اصلا عباله سمنانه
تقى ؛ اكصها لأيدي اذ ميعرف وبعدين شكدصارلج
رهف ؛ بثالث
تقى ؛ اوووو ماشاءالله تكومين بالسلامه انشالله
رهف ؛ الله يسلمج
تقى ؛ لعد هدي نفسج يجي وتعرفين كلشي بالتفصيل
رهف : ماعندي غير حل
تقى ؛ دكومي ع مسك خطيه
رهف ؛ يلا كايمه
.... الووو
حبيبي
ياروح حبيبج كوليلي شونج
زينه
صدك لو حجي
لا والله زينه ومابيه شي واصلا كاعد اتحسن كل يوم
فهد ؛ امممم زين ليش مكلتيلي حتبقين هم رهف
تقى ؛ والله ماصارت فرصه اكلك من جيت لسه يمها وأسد كلي هو حيخبرلك

ليش شبيها رهف
ضايجه من اسد
اووووف الحمد لله والله عبالي بيها شي لان اسد حالته زفت
الله يهدي الجميع شريد اكول
الله كريم ديري بالج ع نفسج مااوصيج بعد لازم اروح ماشي حبيبي
ماشي الله وياك

اسد ؛ يعني بس تخيلو الطريق من بغداد رايح لغير محافظه وراجع لبغداد ومن بغداد مره ثانيه رايح للنجف بس مع هذا تعب التفكير اكبر بهوايه من تعب الجسد
وصلت للمكان الي اريده وبالي كله يم رهف ماغابت عن بالي ابد كوّن ماتعب نفسها وتفهم الكلام الي حجيته
سلام عليكم شلونك سيد
بخير مادام انته بخير
تسلم سيدنه اني الي حجيت وياك من اسبوع تقريبا اسد
تذكرتك كل الهلا بيك
أمر
اريد عائلتي كلها تطلع للخارج بهاي اليومين
السيد ؛ بس هالشي مكلف
اسد ؛ كلشي دزيتلك والشغلات كلها رسميه
السيد ؛ راح امشي ع مستمسكاتي مو مستمسكاتكم
اسد ؛ ماشي ماعندي أشكال بس كوّن باقسى سرعه
السيد ؛ كم نفر
اسد : تقريبا عشرين
السيد ؛ راح تكونون وجبتين
اسد ؛ اعرف هالشي
السيد ؛ راح اطيرون لعمان ومناك لسويد متفقين
اسد ؛ بدون اَي خطر
السيد ؛ اني راح أكون وياهم أوصلهم بايدي يلا ارجع
اسد ؛ موافق هاي كلشي صار عندك اتمنى تخبرني بااقرب وكت انه يوصلولك
السيد ؛ ماعتقد اليوم باجر انشالله
اسد ؛ هذا هو سيدنه تسلم وع اتفاقنه والفلوس يكفون لا
السيد ؛ يوصلون باامان واخذ منك المبلغ رجعهم هسه
اسد ؛ نكون ع اتصال
السيد ؛ طبعا
اسد ؛ اودعناك سيد
السيد ؛ الله وياك
......
اسد ؛ الووو عمي شلونك
بخير ابني
انته شلونك
زين زين عمي تفقت وَيَا السيد انته وسيف راح تطلون وَيَا العائله وكلشي بيده اخذو الفلوس والأشياء ضروريه بس
وكلها راح تكون باامانتك انته مااوصيك بس اتصل بيك السياره راح تكون بالباب توصلكم للنجف مناك اطيرون
ابو رهف ؛ ماشي ابني انشالله تعدي ع خير
....
اسد ؛الووو سيف بعد مااوصيك امي نسرين مرت عمي ظفر كلها بركبتك ماشي
سيف ؛ لتخاف كلشي باامان
اسد ؛ انشالله تعدي ع خير
الووو فهد حصلت غضنفر مدّا احصله
فهد ؛ كلي كلشي تمام ماكو اَي غلط
اسد ؛ ادعي انه ميصير غلط
فهد ؛ انشالله وهسه احصله الك بس وين صرت
اسد ؛ جاي بالطريق
فهد ؛ بالسلامه
ضياء ؛ اسد وين كلشي تمام
فهد ؛ تمام لحد يخاف بقى لازم نسوي الي علينه كافي كلها وكعت برأس اسد
ضرغام؛ لازم ناخر العمليه شكد مابيه لبين مايوصلون باسلامه
فهد ؛ اعتقد يومين مثل ماكال اسد الثالث اذ الله راد الكل راح يكون بخير
ضياء ؛ انشالله
ضرغام ؛ ضامن سهى
ضياء ؛ لتخاف مضمونه
فهد ؛ الووو غضنفر شونك ليش مكاعد نحصلك
غضنفر ؛ الصوج يمكم مو يمي
فهد ؛ اسد ديحاول يتصل بيك ماكو
غضنفر ؛ وحتى اني شي ساعتين كاعد احاول
بس وصله اخاف مااحصله كله البيوت وحصلتهن وكلهن صارن جاهزات مثل ماراد اَي نقص ماكو
فهد ؛ اوووف الحمد لله
غضنفر ؛ خما اكو اشكالات
فهد ؛ لسه ماكو شي بس ادعيلنه
اسد ؛ شلونك شباب
ضرغام ؛ انته ألي شلونك مو احنه
اسد ؛ خلوني انام ساعه بس
فهد ؛ بس اسد غضنفر يكول كلشي جاهز مثل ماراد
اسد ؛ هذا هو لعد هاك هاي تلفوناتي اَي اتصال تكعدني ضروري
فهد ؛ ماشي ماشي فوت ارتاح هسه
ضياء ؛ كلش تعبان الله يساعده
ابو رهف ؛ يلا الكل يلم شغلاته المهمه ويتحضر وهدوم اخذو قطعتين ثلاثه لا اكثر
رهف ؛ بابا شكو
ابو رهف ؛ لحد يسال يلا بهدوء بعدين اكعد واحجيلكم السياره واكفه
تقى ؛ بس يابابا
بناتي كلمن زوجها يفهمها لتزيدون فوك قهرهم قهر
رهف ؛ بابا الله يوفقك بيهم شي
اذ منتحرك بسرعه يصير شي
ماعرف شصارلي واني اسمع كلام بابا اريد اشوف من الدموع مااشوف شي مثل الي واحد ضربني ع راسي والكلام يرن بااذني اذ مااستعجلنه حيصير شي
المشكله لازم اتصل بااسد البيت مليان اوراق وعقارات وماعرف شنو أخذهم لا
اتصلت الووو
هلو رهف اني فهد
شلونك فهد اخبارك
بخير انتي شلونج
زينه بس اريد اسد
رهف والله من نص ساعه اجى ومنايم منتهي ع الاخير شلون اكعده
ليش وين جان
رهف ترى كلها براسه
زين كلي اكو شغلات بالبيت سندات اوراق سيارات فلوس كلها اخذها لولا
الي ابسمه كلها اخذيها والي مو بااسمه حركيها ولتخلين اَي ورقه ادل ع انه هاي لأسد والفلوس اكيد لان راح نحتاج اضعاف اضعافها وحتى هسه من تروحون لبيتهم سوي كذالك الي بااسمه اخذيهن والي لا احركيهن يلا رهف صيري سباعيه وساعدينه
ماشي ماشي فهد فهمت يلا باي
اخذت كلشي مثل مافهمني فهد ولميت عراض بس مسك اني مراح احتاج هالكد ولو وضعنه مامعروف بس كوّن تسهل
بابا اني جاهزه
تقى ؛ واني هم
وانتي ام رهف ماعندي شي خلصت
يلا لعد قفلي الابواب وخلي نطلع السياره تنتظر
صعدنه ونمشي بالطريق تجهنه لبيت أهل اسد يعني عليمن ناوي اسد وشديفكر
وماكدر أتصل بي خطيه
ابو رهف ؛ شلونج ام اسد
بخير انته شلونك
الحمد لله ع كل حال
سيف كله تمام
ايييي جاهزين
رهف ؛ خلوني اصعد لغرفه اسد
سيف ؛ اصعدي
دورت مابيها شي شغلات قليله لكيت صندوكً صغير فتحته وكاله مالت سياره ورقه مالت ارقام تلفونات كلش جبيره اباوع اكو صور
ضليت صافنه وآكلب بيهم هالصور الي .....

فهد ؛ اسد اسد تلفونك السيد
انطيني
اللووو عيني سيد
حاولت بكل الطريق أكملها اليوم راح توصلني الفجر تكدر هسه ادزهم اباتون يمي واجهزهم حتى الفجر بسرعه انطير بدون اَي تاخير
اسد ؛ ماشي سيدنه تعيش لليل همه يمك
هذا هو متفقين
......
الووو عمي
هلا بأسد
يلا عمي تكدرون اطلعون هسه
انشالله
الو
مهند توصلهم للنجف شيصير اول اتصال ماشي مااوصيلك خلال ٥ دقايق انتم متحركين
اوك
ضرغام ؛ شصار
هذا هو كلشي دامشي مثل مااريد بس كوّن ميواجهون خطوره
فهد ؛ طلعو
دقايق ويطلعون
ضياء؛ الله يحفظهم
ابو رهف ؛ بنتي يلا وين صرتي لازم نطلع
رهف ؛ اجيت لحظه اخذت الصندوق ونزلت بسرعه لكيت الكل صاعدين ومسك عد تقى
مضل احد كلنا رايحين بس الولد بقو
ضَل بيدي الصندوق واني اكلب بالصور من جنت بالجامعه
اول يوم شفته
من خطفني
من صرخت عليه
من تزوجني
من صرت حامل
كلشي كلشي بالصندوق بس كلها الصور مؤلمه ماكو ولا صوره فرحانه وسعيده محاطها وياهم اخذته ضميته وكعدت دزيتله مسج بلكت يفتحه هو مو فهد
شنو رايح اصير بعد هالخطوه يريحني وجاوب هم اشوفك لو بعد هاي هي
اسد ؛ شصار وَيَا سهى
ضياء : موجوده لازم نروح صار الوكت
يلا نروح
ضرغام ؛ وياكم
اسد ؛ لا انته ضَل بالباب الخارجي حتى آذ صار شي كمدخل كلنا
ضرغام ؛ ماشي
فهد ؛ صدك اسد رهف اتصلت وجاوبتها
شنو رادت
ع المستمسكات والفلوس متعرف شنو جانت تريد تأخذ
فتحت التلفون شفت المسج
ههههه معناها ماضاجت مني اوف يارهفي
الووو
الووو
ليش ساكته مشتاقيتيلي
جاوبني ع كد سؤالي
وشنو سوالج
كتبته الك
امممممم تحبيني
اييييي بس كلي شنو رايح اصير
راح تطلعون للسويد واحنه نجي بوراكم لتخافين صيري سباعيه مراح اكدر اتصل بيج
وزوجتك راح تجي وياك
ههههههه الوحيده انتي زوجتي ومحد يأخذ هالشي غيرج افتهمتي
وديري بالج شكد مابيج ع ابني وبنتي
شنووووو
هههه اعرف اعرف من اول شهر اصلا يمكن دائما تنسين انه اعرفج اكثر من نفسج انتظرتج تكليلي بس ماكلتي
ماصارت فرصه والله
رهف ادري بيج انتي سباعيه ودبرين كلشي فديري بالج عليهم
انتي وضفر اكثر اثنين واحد يعتمد عليهن
انشالله حبيبي
دير بالك ع نفسك
.....
سهى ؛ اسمعو الكل عرفو انه انتم وصلتو لكل المعلومات وتكدرون تفضحوهم بكل سهوله فراح اول خطوه يتخلصون منكم
اسد ؛ لا المعلومات الي عندي راح تغير كل تفكيرهم دخلت جهه مجهوله وهي الي جاي تستغلهم راح يلتهون بهاي الجهه لحد مانكمل خطتنه
ضياء ؛ ماشي المعلومات شوكت ادزها
الفجر
سهى ؛ اسد العقد باطل ترى
مو اني اصلا ضياء
شنوووو
اييييي هذا الي صار ماكدرت حتلو بمهمه او لعبه اخون مرتي
وأسفه ع المكالمه بس جنت اريد ابين الهم انته ويايه وزين منك ماقفلت الخط

هم جان عندي علم بيها جنت ضابطها ع الاخير مار بهوايه من هالسوالف

رهف ؛ وصلنه لبيت السيد وكلش جان رجل محترم وهادء ويطمن بينه وحتى مرته كلش حبابه مدو السفره ماشالله أشكال وألوان بس كلها مثل الخايفه محد اكل شي قليل
السيد ؛ لتخافون مراح اصير اَي شي شغلكم كله رسمي نامو هاي  الكم ساعه حتى نطلع
سيف ؛ سيد هم آكو خطر لو لا
السيد ؛ انشالله ماكو اَي خطر
ماكو ساعات وطلعنه والخوف والبرد واحير بيمن افكر باامي ابويه بتقى الي صحتها مو كلش ولا ام اسد الي كلش تعبانه لو اسد الي ماعرف شوكت راح اشوفه الي مأمنه عليه فقط الي ابطني اكدر صدك احمي
ماعرف شوكت نمت اصلا حتى يكعدونه طلعنه وصلنه المطار قبل صلاه الفجر السيد متكفل بكلشي احنه بس كاعدين ماطولنه نص ساعه وصعدنه للطياره ابد متاخرنه
الووو
اسد
اَي سيدنه
كلشي تمام هسه راح انطير من نوصل عمان اتصل بيك وقبل منطير للسويد هم انطيك علم
اسد ؛ راح ادزلك رقم هالشخص راح ينتظرك بالسويد
السيد ؛ انشالله
سهى انتي ضلي هنا وانتم ارجعو للشقه
واني  اسلم الملفات وأرجع
ضياء ؛ رجلي ع رجلك
اسد ؛ سالمين نسيت انته مامعرف
ضرغام ؛ اني وَيَا روح ضياء
ضياء ؛ ديرو بالكم وخاصه بعد الي سمعتو
اسد ؛ احاول اصدمهم قبل ميحطون راسي بحبل المشنقه
..... اسد ليش كاعد تتأخر
لمن يكون خاين جديد مجبور اتاخر
شنو تقصد
الكل يعرفون منو بهاللعبه بس محد يعرف الي خان
والي تردون تعرفو من اشهر ومابيه شي وياكم
تعرفون ليش لان كلكم شاكين واحد بالثاني ومحد افكر بطرف جديد
هذا الي عندي انطوني مهله شي يومين ثلاثه وراح اوصل لكل الي تردونه بس مااكدر اروح للمكان يوميه انكشف خلوها بين يوم ويوم لحد مااجمع كل معلوماتي
ماشي موافقين بس اقل من اسبوع كلشي جاهز
تدللون
اقل الأسبوع كلشي جاهز وهاي الملفات كلها وأي معلومه مختفيه اتصلو بيه
ضرغام ؛ اسد مرتاح
اسد ؛ لا
ضرغام ؛ شراح اصير
اسد ؛ ياضرغام عندي علم الغيب بس اتمنى بس اغلط بشي واروح بيها
وين صارو
انتظر اتصال منهم من يوصلون لعمان
انشالله يوصلون بالسلامه
انشالله
فهد ؛ ها بشرو
انطيتهم المعلومات الي ردتها وماكو اَي غلط
هاي الساعات بس لو تمر بسهوله جان ارتاحيت
فهد ؛ اتمر اسد كول يالله
صدك كلبت كل تفكيرهم كوّن هادء لحد ميصفون يحتاج يومين
اتمنى
دفوت ارتاح شويه
بالي يم الاهل كاعد ع نار
الله كريم كلنا مثلك دننتظر
ضياء وصل
ايييي بالحمام
اوك
من الفجر صارت ساعه ١٢ بليل وماكو اَي اتصال اعصابي تلفت
اني طالع للنجف
ضرغام ؛ مراح تستفاد شي هاي دول مو محافظه ومحافظه وأسد انته بس راح تضيع وكت خلي ننتظر ماعدنه غير حل
فهد ؛ حجي ضرغام صح منريد نجيب شبه علينه  ولا حتى شعره خلي ننتظر لباجر هيج وكت والله كريم
وطلع الصبح وهم ماكو اَي خبر صارلهم اكثر من ٣٠ ساعه وماكو خبر
سهى ؛ ضياء وين اسد ضروري
شصاير
اريد اسد اذ مجي خلي يتصل بيه
فهد ؛ اسد خبر مو زين
ضياء ؛ اعتقد لان سهى تكول ضروري تزوجها لو تحجي وياها
اسد ؛ شصاير احد يفهمني
الوووو
سهى شكو
الليله راح ينهدم المكان راح يتفجر البيت لان شكو انه تعرف كلشي وميردون أسرارهم تنفضح اكثر من هيج
اسد ؛ ماشي سهى احنه جاين
حضرو نفسكم اغسل واطلع
اسد تلفونك
الووو
السيد واخيرا وين صرتو كلبي نار
العائله باامان وبالسويد حاليا وانتم الليله ب ٩ انتم يمي
اوك سيدنه
فهد اتصل بسرعه بغضنفر
مدّا احصله ابد
اوك فهد كلشي هنا تصفره اريد الشقه خاليه تماما اني طالع وانتم بورايه
منتظركم بالغرفه السريه بالبيت نص ساعه ضياء فهد تلحكونه
يلا ضرغام
الووو
غضنفر
هلو ضرغام شلونك
طمني شصار
وصلو وبأمان وأخذتهم هسه ع البيت
اسد ؛ اووووف الحمد لله والشكر ياربي هسه اكدر ارتاح
غضنفر ؛ احنه مراح نرتاح لحد ماتوصلون
اسد ؛ الصبح احنه يمكم
غضنفر ؛ انشالله
ضرغام ؛ يلا اسد خلي نستعجل صدك اريد اهج وارتاح
اسد ؛ ليش اني الي ماريد
بس ماكو غير هالطريقه الي نتسجل من الأموات وتنسد كل ملفاتنه سريه وعلنيه
ضرغام ؛ اتمنى
يلا انزل
شلونج سهى
تمام بس ليش هسه اجيت
اشششش صوتج
شوفيني
هاك اسمع قبل ال٨ المكان كله يحترك هو الي بي قصدهم تفجير مراح يطلع واحد عايش
اسد ؛ اوك
سهى ؛ الله يخليك فهمني شهالبرود
اسد ؛ ابقي ورايه والج الصافي
تعذبت هوايه اسد كافي اريد ارتاح اريد اكفر ع الشي الي سويته قبل مااموت
بس انتي ماسويتي شي برضاتج
حتلو لو
ضرغام ؛ وصلو فهد وضياء
ضياء ؛ لسياره بالشارع الثالث
سهى هالباب محد يعرفه
صدك اسد بس اني ورب العالمين ابو البيت علمني بي لان جان هم تابع للدوله بالنظام السابق وهاي طرقهم
يلا طلعو انتم ضياء وضرغام وسهى
وانته
جاي وراكم لتخافون
يلا
طلعت الولد وبقى فهد حسب ربع ساعه حتى لحد يشك الكل يعرفون احنه بالبيت ومطلعنه منه حركت كلشي يخصنه بالبيت
فهد الشقه تحترك
ساعتين بالأكثر تكون رماد
خوش حجي يلا
نطلع
فهد ؛ البيت كله ملغوم مو
اسد ؛ اييييي
فهد ؛ اللعب راح اصير حلو
اسد ؛ هذا الي يلعب وَيَا الأكبر منه
هههههههههه
فهد روح كدامي
شناوي تسوي
كتلك
روح للسياره
والله رجلي ع رجلك
روح من الجهه الثانيه
اسد
اَي اَي راح افجر المكان همه بلشو واني اكمل
هذا الي رادو همه
يلا رايح اني اضرب اول وحده من هالجهه وانته واضرب اول وحده من الطرف وهنه
يلا انتظر اشاره منك
واحد اثنين ثلاثه
......
ضرغام اني سمعت صوت الانفجار وهمه ماكو متت بدمي اريد انزل اروح اشوف رجليه ماتت نزلت واني اشوفهم يركضون بااتجاه السياره شويه ردتلي روحي
ولكم حقراء انذال قطره دم مضلت بيه
اسد ههههههههه مبروك النه
يلا ضياء شغل بسرعه ورانه طريق طويل
تامر
فهد ؛ ارتاحيت ولكم اريد اوصل اريد اشوف اهلي
اسد ؛ طياره وحده احنه اعتقد مراح نتأخر
ضرغام ؛ الصبح يعني هم
اسد ؛ عمي والله الصبح كلمن ينام بحضن مرته
فهد ؛ ههههه بس انته تفهمنه
ضرغام ؛ مرتاح
اسد ؛ مرتاح مرتاح
ضياء ؛ ههههه احلى شي المرحوم اسد وضرغام وفهد شهداء الدوله
هههههههه احسن ميفيد لا استقاله ولا هم يحزنون
سهى ؛ اسد اني اشكرك من كل كلبي ماعرف شلون اجازيك ع الي سويته ويايه
اسد : ماسويت شي هذا واجبي ترى
سهى ؛ الأخ من يشوف اخته بهالحاله ميساعدها مو أنوب الغريب
فهد ؛ صارت وصرتي منا وبينه
سهى ؛ مااكدر أبقى يمكم
اسد ؛ اعتقد انتي تحت امري ماشي لتنسين هالشي راح تبقين لبين مااانشوف كلمن شغله
سهى ؛ لازم اتعالج
اسد ؛ ماناسي هالشي
ضياء ؛ راح تكونين يمي
اسد ؛ اثنينكم تبقون يمنه وبعدين اطردكم لتخافون
السيد ؛ هلا بالشباب تاخرتو
اسد : اَي والله طريق وتعرف لهذا السبب اجينه لمطار
السيد ؛ لبين مااكمل الجوازات انطير
اسد ؛ هذا اسويج السياره وهاي الفلوس تمام
السيد ؛ هذا هو تمام
اسد ؛ اتمنى ماقصرت وياك
السيد ؛ اني اتمنى ماقصرت
طياره وحده مثل مااتفقنه وهناكه يتلكوك الولد يكملون الإجراءات اني اتصل بيهم
انشالله
يلا بالسلامه
ساعه ساعتين ثلاثه اوووف غير نوصل
عيني متاخد نوم اريد اشوفهم
رهف؛ كلش تعب يومين من مطار لمطار صحيح ماكو اَي تقصير بس التعب يقرا الف اريد بس انام وصلنه والحمد لله جانت ماكو اَي شكالات تلكانه غضنفر زوجها لضفر هو هناك من سنه اخذنه ودانه للبيت البيت جان فدشي
أكلنه وكعدنه شويه وهو خطيه فرحان بزوجته وأطفاله وأمه
بس كلبي يم اسد وينه شوكت يجي
غضنفر هالبيت مو الي بيتي بعد بيتين عنكم اسد اشتراهم واثثتهم مثل ماراد وجهز كلشي من شهر تقريبا وهسه انتم تعبانين خلوني آخذكم لغرفكم ترتاحون وراح اضل يمكم لبين ميوصلون الولد
رهف ؛ شوكت يجون
لليل همه هنا لو الصبح لان اعتقد هسه طارو
سيف ؛ من شوكت لعد مفكر بهالشي
اوووووو صار هوايه
ام اسد ؛ بنتي شبيج شكلج تعبان
رهف ؛ شويه دخت مابيه شي
تقى ؛ كومي ارتاحي
رهف : انطيني مسك
تقى ؛ روحي انتي نامي خليها يمي
رهف ؛ امانه اذ وصلو كعديني
تقى ؛ ماشي
..... وصلنه بعد عناء طويل تعب من تعب ونوم منايم بس اريد اطمئن ع الكل يلا
وكتها ارتاح
غضنفر حبييي ضفر اني اروح للولد هسه وصلو انتي كملي نومتج
ضفر ؛ صدك تحجي
غضنفر وداعت عيونج
ضفر ؛ روح لله وياك
اريد ارجع انام بعد ماطلع ماكو كمت كعدت عمتي وام اسد ينتظروهم خطيه يجون ومحد يستقبلهم بعد هالتعب
كعدت تقى تسوي ممه لمسك تفاجئت خطيه
صدك وصلووو
اَي والله
كعدنه الكل ينتظر بس رهف ماكو خطيه اتمنى اروح ماعدها بس عمتي متقبِّل لان تخربطت من وضع الطياره
غضنفر ؛ الحمد لله ع سلامتكم يمعودين والله اشتاقيتلكم
الله يسلمك ابو علاوي
يلا للبيت
قريب مو لان والله تعبان
قريب قريب
ابو علي الكل بخير
الكل لتخاف
وصلنه الاضويه كلها مشتعله دخلت واني اشوف الكل بخير ماعرف شلون احمد لله واشكره الي كلهم طلعو بسلامه
بعد الحضن والبؤس حتى مسك لكيتها بحضن امي وكلمن حاضن نصفه الثاني اله روحي ماكو مستحيل وينها كلبي صار نار اريد احجي مابيه مامتحمل خبر لا زين ولا شين
كعدت وحجيت الكل ساكت رهف وين
..... ام رهف باوعت بعيونه شلون يدورها
ماكدرت مااجاوب بسرعه
نايمه فوك ماحسيت علينه من نزلنه
متاكدين مابيها شي
ام اسد ؛ ابني تعبت من الطريق ونامت مابيها شي ياعيني
وين غرفتها
اخر وحده فوك
يوم بقي يمج مسك الدرج سويته خطوتين فتحت الباب بسرعه وفتحت الضوه اريد أتأكد مابيها شي نفس النومه يربي
اباوع عليها من فوك ليجوه اخاف بيها شي تلمست بطنها ع كبرها اوووف الحمد لله
اسد
عيون وكلب وروح اسد
شوكت اجيت
من دقايق
حطيتها بحضني وحطيت راسي بشعرها
ياربي الحمد لله والله جنت خايفه عليك موتتني اسد موتتني
هههههه تسكتين لو اكلج
لا اريد اشوفك اشبع من عيونك وبعدين اكلني
ههههه بعدها مامكمله اخذت شفتها صار ٣ سنوات وكأنو اليوم عرفتها اليوم صارت بحضني لو اضل العمر كله مااشبع منها
اسد ع كيفك وجعتني
هههههه واني اريد اوجعج
امممم هيج كلبك ينطيك
هههه تعالي ولج آش خليني انام بهالحضن تعبان
نام حبيبي انته
...... فهد ؛ سيف ضياء ويانه اخذه خلي يرتاح وضفر عيني سهى هم اخذيها للغرفه خلي ترتاح
ضفر تأمرون
فهد ؛ كدامي
تقى ؛ آش عيب
فهد ؛ هو اني محروم محروم خليني بس انام
تقى ؛ لتكول هيج
فهد ؛ يلا لعد بدون نقاش
....
اخبرك شي لو تعبان
اممممم كلبي كايلي خبريه حلوه خليني اسمع
ضرغام اني حامل
كمزت من السرير صرت اكبالها صدك والله
اَي والله
سحبتها وكعدتها ع السرير اسمعي نسرين اريد توم ومتفرق شنو جنسهم
امنممم ومتخاف عليه
هههه كافي خوف عليج منا وهيج الجهال
ماريد بطلت حتى واحد ماريد
دتعالي اكعدي اذ صارلج شي اموت تعرفين شنو يعني اموت انتي نصيبي الاول من هالحياه
اعشقك
واني هم
.....
فهد راح اداوم جامعه لا
اييي ياعيون اسد راح اداومين راح اسالج هاليومين واقدملج
احبك اني
هههههه بس تحبيني
اموت عليك
تعالي احجي وياج
بعد ماعندي اَي أشكال اذ صرتي حامل حتلو طالبه
تقى ؛ من الصدمه صرخت وحطيت ايدي ع وجهي صدك تحجي يعني عادي
هههههه آش فضحتينه اَي عادي ولو هذا الجسم راح يخرب شويه بس ميخالف
شكد خبيث بس اضل حلوه متاكده ههه
تخبلين
...
اسد احجيلي خلص يعني راح نرتاح
انشالله ليش لا خلصنه خلصنه من كلشي رهفي
ههههه الف الحمد لله
وهسه كوليلي ابني شلونه
يسال ع ابو
فدوه رحت اله ولمه
احبكم اثنينكم
....
عشنه بالسويد احلى حياه هادئه بشكل نسينه كل خوفنه كل وجعنه نتقدم للمستقبل بدون اَي خوف صحيح نشتاق بهوايه أشياء بالعراق بس راحه البال ابوهن كلهن
سهى طلعت وحده كلبها كلش طيب واستغلوها الي ميخافون من لله تعالجت من المخدرات وصحتها كلش زينه وضياء مقبل يتركها وتزوجو اثنيهم وطلع ضياء عقيم وميجيب اولاد وتبنو طفل وكلش عايشين مرتاحين الله يسعدهم اصدقاء بنكه اخوه

وتقاوي كاعد ادوام كليه مرحله أولى هي وبطنها بعدها بالأشهر الاولى وفهد يعشقها ودخلها حاسبات مثل اخصاصته وهو بدا يدرس بجامعه بالسويد

ونسرين وضرغام الله رزقهم بولد وبنيه وعوضهم عن جان الله يرحمه رغم كلشي ابد منسو وتتمنى ترجع تزور قبره

وامي وابويه وام اسد وام ضرغام يخبلون نعمه الله نطاهم النا

وغضنفر وضفر نفسهم كلب ع كلب وحنينه ميه بالميه بقو ع اطفالهم ميردون بعد وهمه اصغرون ميكبرون ابد

واني وأسد صار شهر من اجى لدنيا مروان حبيبي النسخه المصغره من اسد بس ادعي من ربي يحفظلي الكل وخاصه اسد من اشوفه اشوف السعاده كلها والراحه هو حياتي وروحي
اسد ؛ والله يحفظج الي ياروح اسد انتي

واخيرا شي مااحب اختم بشي حزين بس اكول كلمه هذا هو العراق مستنقع جبير محد يعرف الحقيقه وين
شكد خدمت وشكد ساعدت بس من كشفت معلومه تخصهم ركبتي جانت الهدف مامتندم ع كلشي سويته لان هذا وطني
بس للاسف مجان عندي مكان بي

وآسفين كلش ع الاطاله واشكر كل متابع وكل تعليق اذ ع الفيس او ع الواتبات
وشكرا خاص لنواره الي تحملتنه رغم ضروفها وقله وكتها وصارت وحده منه وبينه
وشي اخيرا احب اكوله لتندمون ع شي ههههه وخاصه اذ خطفت الي تحبها والله تعيش بسعاده

#نواره
لا اسد راح تحرف الكل هيج ولو اني اشجعه بس مو ع الخطف