#اغتصاب_ام_زواج

#نواره

#24

رهف ؛ انطيني تلفونج
الحجيه ؛ بطلي بجي وهدي شويه وانطيجا
رهف ؛ عيوني خاله انطينيا ومنو يكول ارد اصلا

الحجيه ؛ هاج اخذي
رهف دك مره اثنين واني ليش ادك وأدري ولا يوم رديت عليه
اسد ؛ الووو
رهف ؛ همزين رديت
اسد ؛ رهف 😔😔😔
رهف ؛ نفسها رهف الي حطمت حياتها وهدمت أحلامها
اسد ؛ رهف حبيبي بس كوليلي وينج وحق ربج اعوضج عن كل الي سويته وياج بس وين انتي

رهف ؛ تعرف اسد هسه شنو اتمنى
اسد ؛ شنو والله أحققه لو جان باخر الدنيا
رهف ؛ اتمنى يكون عندك طفل ويكلولك راح يموت ونسبه انه يعيش ضعيفه كلش
او اتمنى عندك بنيه ومتعلق بيها ويأخذوها منك بالقوه ويحركون كلبك
او يكلولك مراح يصير عندك طفل وتضل بحصرت هالشي طول العمر

اسد ؛ رهف رهف رهف تخبلتي شكاعد تحجين اني حبيبج ولج شبيج شصارلج تعرفين مجبور هيج سويت ليش مانتظرتيني

رهف ؛ هههه شصارلي كلشي ماصارلي ابد ولَك يااسد أريدك تشرب من الكاس الي شربت منه ماريد شي ثاني ابد
سديته وأحس كلبي احترك من الكلام مو كلبه ولَك ليش وصلتنه لهذا الطريق ليش يااسد والله حبيتك ولَك ليش واني متاكده انته اول واحد وآخر واحد بحياتي

الحجيه ؛ بنتي كافي الدكتوره شكالتج ياعيني

رهف ؛ خاله شصار لو هسه عايشين ومرتاحين ومنتظرين ابنه سوى مثل اَي اثنين ليش هيج صار ويانه والله لليوم مااذيت نمله حتى يئذني والله مابيه تعبت خاله تعبت

الحجيه ؛ بنتي أبوس ايدج كافي هذا امتحان من ربج الله اذ حب عبد ابتلاه ياعيني كومي صلي وذكري ربج لتسوين هيج ياعيني

رهف ؛ يلا كايمه ع كولتج ماعندي غير ربي

الحجيه ؛ ربي انطيها صبر خطيه بعز شبابها وداشوف هالشي خطيه

اسد ؛ لاااااا رهف لاااااا ضليت اعيط واكسر لا ياربي كلامها يزرف الكلب خلتي قطع بعد كلامها كل قطعه بمكان معقوله هيج كرهتني معقوله الطفل صارله شي
ام اسد ؛ ابني بِسْم الله الرحمن الرحيم شصاير
ابو اسد ؛ ابني خير احد مات
اسد ؛ اني الي متت اني الي تحطمت
ام اسد ؛ ابني برضاتي عليك كوم لتحرك كلبي عليك شصارلك وهيج تنزل دموعك
اسد ؛ يمه شنو احساسج من واحد يريد كتل ابنج وويرفض تجيبينه للدنيا

ام اسد ؛ يمه اسم الله شنو هالحجي هذا محد يرضى عليه لا لله ولا عباده
اسد ؛ واني هسه لا الله الي راضي عليه ولا عباده

ام اسد ؛ يمه اهدء الله يرضى عليك وخلي افتهم منك

اسد ؛ يمه عوفيني ارتاح شويه

ام اسد ؛ راح اعوفك بس تحجيلي كلشي بغير وكت

اسد ؛ هذا هو يمه بعيني والله بس عوفيني
الوو فهد كاعد

فهد ؛ اَي خيرك ليش هيج صوتك

اسد ؛ دزيتلك رقم اريدك تشوفلي موقعه وين

فهد ؛ اَي ماشي بس تعرف هالسالفه اطول
اسد ؛ لازم اعرفها وين ماكو اضبط منك بالاتصالات

فهد ؛لحظه لحظه لرهف
اسد ؛ ايي اتصلت بيه
فهد ؛ هذا هو باجر من الصبح طالع
اسد ؛ معتمد عليك
فهد ؛ تدلل

الوو تقاوي
تقى ؛ اهلاا
فهد ؛ هههه متعرفين اسمي
تقى ;.....
فهد ؛ اسمي فهد اني اخو لضرغام احتمال سامعه بي عن طريق رهف
تقى ؛ ماعرفت شي
فهد ؛ وعد انتظريني هاليومين
تقى ؛ اوك رايد شي
فهد ؛ لا بس بابا شلونه
تقى ؛ مثل ماهو عرفت مكان كيان
فهد ؛ لا هم لسه
تقى ؛ الله كريم
فهد ؛ يلا انتي نامي وارتاحي تاخر الوكت ماشي حبيبي
تقى ؛ حبتك حيه اَي والله بسرعه سديته من سمعت كلامه كلكم تحبون ليش لا وحبكم كله يومين ويخلص كلكم نفس الطينه لله يأخذكم
اووووف يالله رهف شكد مشتاقتلج

فهد؛ انهزمي هسه وبعدين افرغلج بس كوّن متعبيني مابيه حيل

ضرغام ؛ حبيبي حياتي يلا اكعدي كافي نوم
نسرين ؛ امممم بعد وكت
ضرغام ؛ نايمه ع الجرح ديوجعني
نسرين ؛ يومه حبيبي غير تحجي ياعيني جان وخرتني خرررب
ضرغام ؛ اشششش تعالي شكد حجيتي
نسرين ؛ لالا تتأذى نسيت نفسي
ضرغام ؛ داكول تعالي بس تريدين تنهزمين واني وانتظر ع نار في سبيل اصير احسن
نسرين ؛ هههه دصير زين والله ماانهزم
ضرغام ؛ شحدج والله
نسرين ؛ اموت عليك
ضرغام ؛ اني اعشقج القهر تزوجتج وماشبعان منج
نسرين ؛ هههه احسن ماريدك تمل
ضرغام ؛ اكو واحد يمل من روحه أخذت شفايفها شلعتهم كافي حجي اريد فعل
نسرين ؛ ههههه

اسد؛ شصار وياك
فهد ؛ لسه والله تعرف مو هينه
اسد ؛ نار تاكل بيه اكل اريدها اريد بس أهديها اكوللها خلص كلشي يهون احطها بحضني شلون بيه شسوي

اسد ؛ من شفتها شلون جانت

فهد ؛ حلوه حيل وبطنها محليتها كلش بس تعبانه والدموع تجري ماجنت اعرف هي هاي رهف كعدتها بس عافتني ومشت ماردت

أسد ؛ يعني الطفل لسه عايش
فهد ؛ اييي بس ماعرف يعني باي شهر لتسالني بس مو جبيره بطنها

أسد ؛ متمني اشوفها هي وبطنها وشعرها الي تتخبل ولا تسده

فهد ؛ انشالله تشوفها وترجعلك سالمه هي وابنك
اسد ؛ لله يسمع منك
اني طالع اني كم شغله اخلصهن وارجع وهم ادور سيصير وياك خبرني
فهد ؛ اوك روح موفق

الحجيه ؛ ياحلوه ماناويه اليوم تكعدين
رهف ؛ كاعده بس جسمي ثكلان مابيه أكوم
الحجيه ؛ بنتي شتحسين اوديج مستشفى
رهف ؛ لالا ميحتاج والله
الحجيه ؛ لعد دكومي امشيج شويه المغربيه الجو حلو بالبستان
رهف ؛ يلا بس مو هوايه نمشي
الحجيه ؛ بنتي لتخوفيني اذ تحسين بشي كولي

رهف ؛ لا والله مابيه شي خطر ويستوجب هيج اشياءات هههه ع كولت تقى

الحجيه ؛ انشالله تجتمعون وتشوفيها

رهف ؛ انشالله

اسد ؛ ضليت افتر وادو ماخليت مكان روحي نقبضت تصلت كومه ع الرقم مغلق وينج رهف فدوه ارجعيلي وج محتاجج والله رحت للبيت صار كدامي المكان الي ضربتها بي نكسرت ايدي كوّن بذلك الوكت ولا مادها عليج دخلت للمطبخ تذكرت من توسلت بيها تكلي احبك وتكول ماعرف وهي بحضني تعالي تعالي وكولي هياتني وعقابيني بس لاتختفين أبوس ايدج يارهف حتى ابني مااريده بكد مااريدج وج وينج شتاكلين شتشربين وبين نايمه الله يلعن ذيج لليله وهذاك اليوم وهذاك الاتصال يارب يارب لا تاخذها مني وتوجع كلبي

ام سعد ؛ ابني الحمد لله ع سلامتك اليوم هنا صدك أحسبه مثل ابني بوسته وحضنته اشتاقيتله

اسد ؛ ايي رجعت
ام سعد ؛ ليش هيج تعبان خير الولد بيهم شي صاير شي
شكلك متعوب

اسد ؛ رهف ماكو

ام سعد ؛ ليش شنو ماكو

اسد ؛ من هذاك اليوم هم رجعت هم شفتيها

ام سعد ؛ لا والله ابني حتى مالمحت شكلها ابد وين راحت لعد منو الها

اسد ؛ اَهلها عرفو بفتره وطردوها واني جنت مختفي مااكدر اظهر لان عبالهم انكتلت حوالي بالشهر يلا ظهرت كلشي صاير بهالفتره جنت موصي محمد وفهد بس ساعتها نكلبت علينه ماعرفنه راسنه من رجلينه وضيعتها كلت مراح احد احس لبين ماارجع احسن مااخليها بغير مكان اَهلها ائمن بس طلعت غلطان وغلطان هوايه ياريتني لو مخليها من ضمن المهمه وماغايبه عن بالي خفت أجازف بيها وأول تهديد إجاني عليها كلبي ماانطاني وياريت لو نطاني ومآخذه ويايه وعايشين سوى لو ميتين ولا هاي الذله الي شافتها

ام سعد ؛ والله لو جايه لعندي اخليها بنص عيوني وأسد عليها ومااخلي الهوى يشوفها اني من اول مره شفتها حبيتها ماتستاهل الي صار بيها انته يابني هوايه قسيت عليها من اول يوم جبتها لهالبيت لاخر يوم جانت الدمعه ع خدها الحب مو يالقوه وهي حبتك مع هذا بس القساوة دوم تأخذ ماتنطي

اسد ؛ فدوه لتزيديها عليه اعرف بالغلط الي سويته بس ماجان بيدي صارت بعد

ام سعد ؛ كوم ياابني اذكر ربك وصدك ماراح يفشلك

اسد ؛ انشالله ادعيلها تكون بخير

ام سعد ؛ انشالله

فهد ؛ اسد تعال بسرعه كيان صار عندي
اسد ؛ مسافه الطريق

كيان : شكو ليش جايبيني شعندي قابل
فهد ؛ ممكن مااسمع صوتك لدقائق بس
كيان ؛ غيرررر افتهم
فهد ؛ لحظه ضربته بوكس بكل قوتي ضليت اطك بأصابعي من ألقوه

هاي ع مود مترفع صوتك مره ثانيه
وضربته مره ثانيه
وهاي حتى من اكلك اسكت تسكت

كيان ؛ حاضر سيدي
فهد ؛ اسد اني بغرفه التحقيق
اسد؛ دخلت شفته كاعد وفهد واكف بس صاير نار فهد مو ع كلشي يصير عصبي اله ماندر ع شغله صدك تسوى حرك الأعصاب

اسد ؛ وهسه عنده كم سؤال وياك مجرد جواب بسيط حتى تطلع ويايه
كيان ؛ تامر

اسد ؛ شنو علاقتك برهف

كيان ؛ غير بنت عمي

اسد ؛ اَي اعرف احجيلي ليش طردها ابوها وحاليا مختفيه

كيان ؛ شمدريني
فهد؛ باوع بعيوني واحجي ليش طردها ابوها وإذ نزلت عينك اشلعها من مكانها

كيان ؛ حجيت ويا ابوها بموظوع الزواج وأبوها وافق ورا يومين رفض
رحت للكليه حجيت وياها عيطت بوجهي وكالت تحلم اصيرلك مره
صدك كرهتها بوكتها وكلت بسيطه رهف اله اخذج غصب عنج

اسد ؛ كممممممل لتوكف
كيان ؛ ورا يومين هم رحت للكليه وكتلها راح تصيرين زوجتي كالت متزوجه وحامل صدمتني ضليت بين الي كلت هيج حجت حتى تبعدني عنها وبين اذ طلع هالشي حقيقه مااتاكدت هي كلش كتومه وبحياتي مشفتها وَيَا شخص
رحت وحجيت لعمي وصحتلها سمعت الكلام

فهد ؛ شصار بعدها

كيان ؛ عمي طردني ماعرفت شنو سوى وهسه سمعت هو طاردها فمعناها صحيح لان همه من النوع ليطلعون ع احد ولا احد يروحلهم فشيصير محد يعرف

اسد ؛ ردت تنتقم متعرف هي متزوجه شلون تتزوجها مثلا
كيان ؛ سيدي لااااا ابوس ايدك عوفني
فهد ؛ اسد كافي لوتموته مراح تستفاد شي
روح انته
اسد ؛ اروح اروح اروح وين اروح فهمني وين
فهد ؛ اشش يمعود اهدء
اسد ؛ شهدء كم واحد تحرش بيها هسه وكم واحد كاللها تعالي ويايه من شافوها وحدها بالشارع وكم واحد كال وين اَهلها كم واحد
وانته واحد من الناس الي كتلها اكعدي ارتاحي
فهد ؛ ولا واحد يااسد اني مااكلك هيج حتى اريحك غلطان لان حالتها والي يشوفها محد يكوللها هالكلام غير بس ينقهر عليها وينعصر كلبه وخلص فهمت هسه

اسد ؛ اني اروح أراقب الاتصال بلكت شي اشاره

رهف ؛ يالله شكد راحه هنا شكرًا ياخاله
الحجيه ؛ اموت ع هاي الكاع بنتي كالتلي تعالي يمي هم ساعديني وأساعدج ماكدرت اعوفها كلبي ماانطاني عندي هالبنيه ومتزوجه بالكوت ومع ذالك مارحت وعفتها

رهف ؛ شكد صار مارايحتلها

الحجيه ؛ اكدر اروحلها كل أسبوع بس الطريق يتعبني حيل

رهف ؛ صدك تذكرت ترى قفلت التلفون البارحه
ع مود اسد ليعرف مكاني لان هو ماكو شغله مامشتغلها

الحجيه ؛ اَي وشكو عليه خلي ينقفل وهذا اسد اريد اروح اشوف طوله الحلو

رهف ؛ صدك طوله حلو هيبه وشخصيه وكول وفعل وع كولتهم زلمه ينشد بي الظهر وماكو شغله عنده صعبه او مستحيله يطب للموت وهو رافع راْسه
بس لمن وصلت الشغله يمي آه ياكلبي 💔 الغصه تخنكني
تعرفين خاله من واحد ميريدج شكد صعبه تعرفين من تنطردين اكثر من مره شنو معناها
من شخص متعرفي ويضربج ويهينج ويجبرج ع أشياء ولا ابالج

الحجيه ؛ كافي يابنتي صحتج مو زينه
رهف ؛ لا والقهر ليلتين بس ليلتين يالله شسوي وهالجروح تهدء شسوي

الحجيه ؛ والله لو جانت هالجروح تهدء بموتت اسد جان كتلته بهاي ايدي بدون تردد

رهف ؛ ياريت لو اني كاتلته من زمان جان عشت بشرف أضل بالسجن يكلون دافعت عن شرفها مو هاي حالتي هسه ياريت لو بس هو واكف ويايه لو مااتخلى عني لو بهذاك اليوم ضحك بوجهي وأخذني لحضنه جان كلشي ماردت والله أعيش وَيَا وارضى بكلشي والله حتى اني الي اكول لهلي هم كلها موده

الحجيه ؛ بنتي هالشي مكتوبلج من جنتي ابطن امج
محد يغير القدر المكتوب ع الجبين لازم تشوفه العين ياعيني طلعت ترتاحين تذكرتي مئاسيج

رهف ؛ يلا خلي نفوت راح يأذن

اسد ؛ عدا أسبوع وماكو خبر راح انفجر ياناس ياعالم ولكم احس الهوى انكطع
ضرغام ؛ بما انه ع باب ولاده خلي نحط اسمها بالمستشفيات وماعارفنه هوايه

نسرين ؛ بعد هوايه لولادتها ٣ اشهر هوايه وحتلو اقل هم اهوايه

اسد ؛ لعد فهموني شسوي
فهد ؛ وتقى هم حجيت وياها كانو قطره مي واختفت
اسد؛ احد يدليني ع درب
فهد ؛ صدك اسد اجتك مهمه جديده ولغيتها
اسد ؛ زين تسوي مااتحرك خطوه وحده اذ ماالكا رهف

ضفر ؛ انشالله تلكاها ويريح بالك والله خطيه متستاهل خوش بنيه

فهد ؛ لابد تظهر شي يوم صدك اذ مو اليوم باجر او بعدها.

ضرغام ؛ وبعدين لتنسى الكليه هم كلها شهرين ويبلشون هم اكو امل اذ ماطلعت بهالفتره

ضفر ؛ بس كوّن ع يقين انه راح تلكاها

اسد ؛ وإحساس هم يكول راح اشوفها بس ماعرف شوكت خايف لا يفوت الأوان

نسرين ؛ لله كريم

رهف ؛ كعدت الصبح مااكدر أكوم ولا أتحرك حاولت بس ماكدرت ياربي ساعدني
خالتي ساعديني فدوه

الحجيه ؛ بنتي بس الله الرحمن الرحيم خيرج

رهف ؛ ماكدر أكوم شي كاعد يموتني جوى بنطني فدوه ساعديني

الحجيه ؛ كومي بنتي ذبي حملج عليه كومي يالله خلي اخذلج للمستشفى هاج يمه البسي هاج وكومي

رهف ؛ خالتي خايفه والله
الحجيه ؛ يومه كافي بجي اذكري ربج شجاج
أخذت سياره وطلعنه للمستشفى

رهف ؛ دانمشي وصار انفجار هز المحافظة هز

فهد ؛ اسد وين هالانجاز
اسد ؛ ماعرف اطلع كدامي بسرعه
ام اسد ؛ يمه اسد خير شنو هالانفجار
اسد ؛ يمه لسه مااعرف بعدين اخبرج
ام اسد ؛ يمه ابوك طلع من شي ساعتين وكلبي نار
اسد ؛ يمه بعدين اخابرج
رحنه لمكان الانفجار وهوسه ودم وقهر هذا حال العراقين تعودنه قهر بقهر

مرحبا حضرتك اسد
اسد.؛ اَي تفضل
_هذا التلفون لكينه وَيَا رجال جبير وحاليا بالمستشفى وانته اخر واحد متصل بي

اسد ؛ شنو ...