#الجزء الثاني 35

#اغتصاب_ام_زواج

#الجزءالثاني35

ضرغام ؛ عوفو هالسوالف وأسد اكو شغله لازم تعرف بيها
اسد ؛ ياستار شكو
ضرغام ؛اليوم سمعت بالصدفه بعد هالمهمه مراح تضل شخص سري للدوله
راح تكون علني وحسب علمي راح تكون بمكافحه الإرهاب بس اَي رتبه ماعرف
اسد ؛ 😱😱😱 شهالحجي ....
هذا الشي مستحيل

والله هذا الشي الي سمعته
مستحيل والف مستحيل يكول يردون يكتلوني وخلص
ليش حتى يكتلوك شنو غايتهم

ياأخي تفهمها رجل عصابات بيوم وليله اصير ضابط بمكافحه الإرهاب وين صايره وشلون كلي عدهم غير غايه
فهد ؛ اسد مو بهالسهوله يفرطون بيك ومستحيل ترى همه الي مستفادين

اسد ؛ بعد هالمهمه حتى شكر مااريد بااول طياره شبقه بالعمر خليني أربي أطفالي وأشبع من مرتي

ههههههه أطفالك
آش بعدين

يلا الولد جايين عدهم استفسار ع معلومات وتسجيل البارحه
اوك انتظرهم

رهف : صحي النوم ياحلوه
تقى ؛ صباح النور
رهف ؛ اكعدي يمعوده هاي هيج تاثير فهد عليج
تقى ؛ ليش راح
رهف ؛ تعرفين شغلهم
شلون صرتي
تقى ؛ شويه احسن
رهف ؛ يلا كومي خاله ام ضرغام هنا ونسرين وضفر
تقى : يلا بس خلي اغسل وأبدل وانزل
رهف ؛ تكدرين لو اساعدج
لا انزلي يمهم عيب

ام ضرغام ؛ بنتي رهوفه انتي شلونج
الحمد لله خاله عايشين
نسرين ؛ وج رهف يمكن سمنانه
ام رهف ؛ غير صايره تاكل حصه مسك وأسد وحصتها هههههه
ضفر ؛ دعوفوها شتردون منها
غير صايره تخبل
رهف ؛ اوووف همزين امي نقذتني ماريد احد يعرف قبل اسد
تقى ؛ السلام عليكم

ام ضرغام ؛ حبيبتي بنتي الحمدلله ع سلامتج لا صلاوات احسن شويه من يومين
ضفر ؛ غير فهد جان هنا طبعا تصير زينه
تقى ؛ ضفر اشششش
ضفر ؛ قابل جذب شوفي حتى خدودج وردن من ذكرت اسمه
ام ضرغام ؛ عوفيها ضفر خليها شويه مرتاحه
بنتي هم شي يوجعج
لا عمه زينه الحمد لله
بنتي فهد طلع نار يمي بعد ماسمع شكلج هم قسى عليج
لا عمه زين والله بس بعد مرجع للبيت
لا والله طلع بوجهه لدوام
زين هم كالج ارجعي لو تبقين هنا
.....
لا مكال شي بس كال اذ باجر صارت فرصه امرلج وهذا هو
مسامحته ....؟
ليش اكدر مااسامحه ياعمه انتي تعرفين شنو هو بالنسبه الي
وحتى هو بنيتي رغم قساوته بس صدكي يموت عليج يمكن يأذي الدنيا كلها ولا يأذي شعره منج ...
الحمد لله الله يحفظكم ويخليكم كلب ع كلب
تسلمين عمه

ام رهف ؛ عيني تفضلو ع الغده
ام ضرغام ؛ تعبناج اليوم ويانه
صدك جذب احنه أهل وبعدين ترى البنات حظرو اني شكو
كعدنه ناكل ومندمجين بس الولد مكانهم خالي اخذت صوره جماعيه ودزيتها لضرغام
ومندمجة وَيَا التلفون انتظر رد من عنده
نسرين شلونج هسه مرتاحه
الحمد لله رهوفه هذا امر الله مااعترض عليه
وضرغام شلونه
اشوفه زين يمي بس من روح مادري وحتلو تعبان مستحيل يبين كدامي وانتي تعرفين هالشي
.... كلهم هيج وداعتج
يمعوده اهم شي سالمين كلشي منريد
اييي والله كوّن الله يحفظهم
.....
ياااااااي شوفو شنو وصلني شوفو الخيانه بس احنه ماكو
فهد ؛ خلي اشوف بداعتك
راح ادزها الكم وباعو بكيفكم واستمتعوا
اسد .... لك باع الاكل والله مال هسه اسوي هجوم عليهم بس لحد منوصل حتى المواعين غاسليها
امممممم اسد ترى عندك شي ثاني ينوكل غير هالاكل تكدر تلحك عليه
اسد : فهد لتصير ناقص
ضرغام ؛ هههههه اني هم دااكول هذا السمن والخدود امنين اجني مادري
اسد ؛ كمز والعيون صارت دم صاح بكل صوته قسما بالله حرف واحد اخلي دمكم بطولكم

فهد ؛ داشوفها هي مو تخبل وبيدها الممه
ضرغام ؛ هنا مااتحملت ضحكت من كل كلبي اعرف قصد فهد شنو وقصد اسد هم
اسد ؛ والله العظيم ناقصين وذره غيره ماعدكم اني طالع
فهد ؛ يمعود كول الله الولد ع جيه استر علينه واكعد واسكت
اسد ؛ صوت منكم مااسمع لعد
فهد ؛ تمر استاذ اسد بس استريح
..... خرررب يومج رهف فورت دمي غير يوم عن يوم تحلى شصايرلها اخذت التلفون واتصلت بيها مره اثنين ماردت ضلت صورتها ابالي من يومين مشايفها .....
البعد وانته تضل بحسره الشخص الي تحبه بس تريد تشوفه حتى كلبك يرتاح شويه اووويلي مي بارد وينحط ع الصدر بس مجرد النظر
....أما شلون اذ بسته وحضنته وضلت ريحته بملابسك هذا شي ثاني مينوصف ابد

اني من رخصتكم انوم مسك واجي تعبت
ام ضرغام ؛ مرخوصه بنيتي
اخذتها بدلتها وغسلتها خليتها بسريرها بسرعه تغفى ماعرف عليمن طالعه هيج هادئه ههههه لا اني عندي ذره هدوء ولا ابوها ههههه اوف وينك اسد والله اشتاقيتلك
اخذت التلفون فتحته مكالمتين من اسد 😱 ابن الحلال بذكره اتصلت واني ادعي انه يرد .....💔
الوووو
حبيبي
روحي
كلبي
حياتي
ابو جهااالي
فاتح الفون واسمع صوتها وهي تتغزل هههههه ضحكت ع طفوليتها واعرفها من تشتاقلي صرت اعرفها اكثر من نفسها
ليش تضحك
ليش متردين
جنت جوه يمنه أهل ضرغام ومادري بالتلفون صعدت انوم مسك وشفت الفون
تحجي ومستمره بالتبرير ولا تدري اني اعرف هالشي كله
انتي ليش هالكد صايره حلوه كل يوم تزيدين جمال شنو السالفه
اممممم حتى تضل تحبّني وأضل اني أحلى وحده تشوفها
يعني تتوقعين مااحبج
لااااااا بس اخاف هالحب يختفي فلازم اضل حلوه وبنوتك الجبيره ههههه
زين وانتي لسه تحبيني برغم من كل سلبياتي وسوالفي
..... شكد غبي يربي ولا يعرف اموت ع الله الي خلقه وأمه الي جابته
سمعت احجايتها ولا توب ابد لو شكد ماانبه حجيت بعصبيه شنو كلتي عيدي
اهااا لا محجيت شي بس اخر واحد يحقلك تسال احبك لو لا
امممممم مو سمعت
محجيت هي طلعت
صايره وكيحه
مشتاقتلك
اني ميت عطشان
تعال والله ارويك
قسما بالله اذ ماعندي موعد والله اله هسه اجي
اوك متفهمتك والله بس دير بالك ع نفسك
لتخافين عليه انتي الي ديري بالج ع نفسج وتضلين صاعده فوك ونازله وماكو طلعه من البيت ابد لاي سبب

اممممم اكو أوامر ثانيه حضرت استاذ اسد
هههههه هاي الأوامر أصفار الكبار من اجي أنفذه
هههههههه اموت عليك اني تعال وسوي الي تريده
رهف روحي والله اذ تضلين بهالحجي صدكي راح اجي اكللج
ههههه رايحه رايحه بس اتصل بيه من اصيرلك مجال
بعيوني اثنيهم وبوسيلي مسك
هههههههه راح اشبعها بوس
هههه رهف سدي الخط يلا
ههههههههههه يلا باي
فهد ؛ واخيرا خلصت الجماعه ينتظرون
اسد ؛ هههههه واكفلي ع الشعره احتركوووووو
السلام عليكم
... واخيرا شفت حضرتك استاذ اسد
تشرفت
اليه الشرف
الليه حيكون الزواج
اوك
ونتمنى تحصلونه المعلومات المطلوبه بااقسى سرعه حتلو المعلومات السطحيه واحنه ندقق بيها

هالشي حصلته شي ثاني عندك
بس هاي الأوامر
اني مامجبور استعجل حتى لانكشف
هم ع راحتك
بس منريدها اطول
مثل متريدون بس تكدر تبلغ الكل راح تكون اخر مهمه اليه وليحاولون يضغطون عليه مثل المره الي قبلها

يااستاذ احنه مجرد وسيله بينك وبينهم ماكو باليد شي اوصللهم كلامك ع عيني وراسي وانته تعرف اكثر مني يمشون ع الشي ألي يردونه وع مصالحهم

اوك هذا هو وصل المعلومة وهاي هي
من رخصتكم
غاااالي
فهد ؛ ها اسد بشنو تفكر
الخطه كلها راح تتغير .....
ضرغام .... شنو
فهد ... ترى حياتنه مامستغنين عليها
اسد ؛ اني راح اضحي بحياتي بس مو انتم واني الي راح أجازف لتخافون ....
شنووو.....