‎#اغتصاب_ام_زواج
  
      #23
 
‎     #نواره

بنتي انتي شتسوين هنا
😲😲😲 انتي نفسج
....... رهف مو
هاي شصاير بيج بنتي من ذاك اليوم بعد ماشفتج اختفيتي

رهف ؛ اييي خاله بعد مااجيت بس هسه ماضل عندي غير هالمكان

الحجيه_بنتي من هذيج المره كلتلج هذا مكاني
واني كل يوم اطلع أتمشى ماالكاج

رهف ؛ تعبانه حيل ياخاله تعبانه روحي طالعه

الحجيه: كومي يابنتي من قبل كتلج هذا بيني وحدي وعايشه بي وتعالي يمي وبعدين شكد صارلج كاعده هنا وانتي تعبانه وحامل

رهف ؛ يمكن انتي اخر امل عندي ماضل عندي احد والله
الحجيه ؛ كومي بنتي غيري ملابسج اكليلج لكمه خبز كومي ياعيني

رهف ؛ صدك فتت لبيتها جان بيت صغير بس كلش حلو ومرتب ونظيف ونطتني دشداشه منها لبستها هي مو ذاك الكبر بعدها صغيره تفاجئت من دخلت البيت غيرت ملابسها وفتحت شعرها تخبل
لعد ليش ياخاله برا لابسه هيج

الحجيه ؛ يابنتي وكتنه مو خوش وكت واني مره وحيده ولد الحرام أهوايه اسوي هيج اطلع لبستاني  مااكدر اطلع بهالشكل ماكو احد ميخاف ع نفسه

رهف ؛ شكرًا الج والله حتى الشكر قليل
الحجيه ؛ اشش لتحجين هيج دكومي غسلي وبدلي وارتاحي لحد مااحضر شي نأكله

رهف ؛ صدك بدلت وارتاحيت حسّيت شويه هدء الحمل بس كلام نسرين دمرني هد حيلي هد كلام اسد ماجرحني بكد كلامها لنسرين الي يعرفك هيج يحجي الغريب شلون
كعدنه ناكل ونسولف هوايه ارتاحيت لها

الحجيه؛ احجيلي يابنتي وين زوجج
رهف ؛ قصتي طويله ياخاله شحجيلج بلشت من خطفي لحد ماطردوني
الحجيه؛ ياستار يابنتي احجي ارتاحي والي اكدر عليه اسوي
رهف ؛ كعدنه سولفتلها كل القصه ودموعها ودموعي تجري
الحجيه ؛ نار تحركهم مثل ماحركوج انشالله وتأكلهم
رهف ؛ كافي خاله الله موجود
الحجيه ؛ زين وامج
رهف ؛ امي فقيره وطيبه هوايه معليها وحتى من صارت السالفه ماسمعت صوتها ابد لا هي ضدي ولا هي ويايه
الحجيه ؛ زين وين غراضج مستمسكاتج اهدومج
رهف ؛ جنت كاعده بالفندق عندي ذهب بعته وكعدت  فتره بس شفت ماكدر اكعد اكثر ضليت حايره ورايه ولاده فرحت ع اخته وألي صار تعرفين بي

الحجيه ؛ يلا نامي وارتاحي وباجر نمر ع الفندق ناخذ غراضج ونروح نشوف طبيبه حالتج تعبانه

رهف ؛ بعد مااريد اشوفهم ولا يشوفوني ولا يوصلوني ابد
الحجيه ؛ محد يوصلج صدكي وحتى اهلج ماانطيج الهم من اليوم صرتي بنتي وبسيطه لأسد والله لمسح بي الكاع بس خلي ترتاحين كم يوم

ضرغام ؛ حبيبي ليش هيج حجيتي وَيَا رهف كلامج هوايه يجرح جان

نسرين ؛ ضرغام والله صدمتني شمدريني اعرف لا هي الي تسلم نفسها بسهوله ولا أسد الي اسوي هالشي

ضرغام ؛ المفروض تاخذيها بحضنج وتساعديها مو تقسين عليها فوك الضيم الشافته حتى اسد خطفها وشوفها الويل ورغم كل هذا ضلت ساكته وماحجت ونصدمت لمن عرفت هو اخوج ومن اجتي وكالتله اني حامل طردها وضربها وكله مارادت شي بس رادت تحتمي بيكم محد فتحلها بيته الله يعلم هسه هي وين

نسرين ؛ كافي ضرغام كافي والله ميته قهر عليها من البارحه لليوم شبيدي عليها وأسد ماكو داعي لهالتصرفات ع الأقل بس جان حجه كال راح لهلها هو يضغط ع الكل ماعرف يضغط عليهم َ

ضرغام: صار الي صار انشالله نلكها ونصلح الي صار
نسرين ؛ انشالله يارب

رهف ؛ صدك نمت وارتاحيت شويه نومه وحده من كعدت تفاجئت الساعه ١١
صباح الخير
الحجيه ؛ صباح النور يلا ياحلوه كومي حضرتج الاكل وجهزي نفسج ورانا روحه للطبيب ولسوك

رهف ؛ راح اتعبج
الحجيه ؛ ياتعب اني جنت اتمنى ونسه ويايه والله جابج يلا بدون حجي كومي ع السريع

اسد ؛ اووف يارهف وين راح الكاج
فهد ؛ ماحصلت شي
اسد ؛ لا بس تروح ويايه لبيتهم
فهد ؛ يلا ليش لا
وصلنه دكينه الباب ومتأكد ام السان راح تطلعلي
تقى ؛ اندك الباب وطلعت شفت الولد نفسه الي يدور ع رهف
فدوه سمعت شي خبر
فهد ؛ وعد راح اسمع واخبرج
تقى ؛ باوعت شفت اسد ضليت اصرخ عليه ياحقير يانذل وبكل عين صلفه جاي شتريد بعد شتريد

ام رهف ؛ طلعت ع صوت العياط بنتي تقى شكو شصاير
تقى ؛ ماما هو سوى هيج برهف والله هو دمرها الحقير
فهد ؛ حاولت شكد أهديها اسكتها ماكدرت كطعت كلبي شكد محترك كلبها
ام رهف ؛ شتريد جاي
اسد ؛ الوالد موجود
ام رهف ؛ ماكافي حطمت بنتي وموتتها وهسه تريد تموتلي ابوها ماعندك رحمه ماكو ضمير شتريد جاي
اسد ؛ مراح اسوي شي احجي وَيَا كلمتين واطلع
ام رهف ؛ ماموجود وروح وبعد لترجع كافي حركت كلبي مره لتسويها مره ثانيه دخلت وطبكت الباب بوجهم

اسد؛ امشي فهد انتظره بالسياره لحد ميرجع
فهد ؛ تعرف يااسد المفروض تامن عليها هي اجتي وطلبت منك تنقذها حتلو جنه مامسيطرين ع الوضع جان المفروض تطلع وراها ترجع تخطفها وتحافظ عليها وترجع لمهمتك مو تتركها

اسد ؛ اتوقعت الطفل حيموت ومحد يكتشفها لحد ماارجع وأوضح كلشي وبعدين مستحيل هي كالت ادري بيها تخاف شلون عرفو اَهلها

فهد ؛ والله ماعندي علم وبعدين مستحيل نعرف اذ مو واحد من اَهلها يحجيلنا

اسد ؛ تقى تساعدني
فهد ؛ تقى خط احمر دير بالك تقرب منها
اسد ؛ هاااا شصاير
فهد ؛ ماصاير شي اريد احافظ عليها مااريدها بهالقذاره كلها
اسد ؛ ههههه فهمت فهمت بس ترى السانها طويل مثل اختها
فهد ؛ شخلاني احبها غير السانها هههههه
اسد ؛ طلعت واكع 😂😂😂
فهد ؛ من زمان وشلون محبه بدت ورا كره
اسد ؛ هههههه كل كره ورا حب هذا شي عظيم
فهد ؛ يلا انزل هذا ابوها
ادخل احجي وَيَا واني انتظرك بالباب
أسد ؛عمي لو سمحت احجي وياك كلمتين
ابو رهف ؛ من شفت الولد الي وَيَا عرفت عليمن جاين
شتريد ماكافي
اسد ؛ عمي اني زوجها لرهف اني امنت بيها عدكم تاليها اروح بواجب تطردتها من البيت وماالها احد

ابو رهف ؛ وبكل عين صلفه كاعد تحجي لا وكاعد. تحاسبني ولَك انته عيب محسوب ع الزلم والله كتلك حلال يانذل
الزلم تجي تواجه مو تتخل بالسر

تقى ؛ فدوه ادخل اثنينهم يعيطون ليروح يصير شي ابابا
فهد ؛ تعالي بس كوليلي شلون عرفو اهلج
تقى ؛ كيان كيان ابن عمي اجى هنا وحجه وبابا سالها مانكرت حجت كلشي وطردها
فهد ؛ آش اهدئي هسه يهدون بس كوليلي كيان هذا وين الكا
تقى ؛ موجود هنا وحتى جان بنفس الجامعه
فهد ؛ هذا هو انتي فوتي جوه معليج وهاج هذا التلفون شيصير خابريني منه ولتفتحين خط ع احد بس من الرقم الي راح ادزلج منه رساله اوك
تقى ؛ هزيت راسي بمعنى اييي ودخلت وأسد وبابا ع نفس العياط

اسد ؛ بس خلي الكاها والله محد اخلي حتى يسمع صوتها
ابو رهف ؛ دروح منك الها اني رهف بنتي ماتت ماتت فهمت
اسد ؛ لتكول ماتت رحمه لربك لك هاي مرتي روحي ام طفلي

فهد ؛ ياجماعه كولو الله يمعودين صوتكم
ابو رهف ؛ مرتك مو جان حافظت عليها وع سمعتها مو تزوجتها بالسر سويت الي تريده وختفيت وكلت عندي مهمه وتاليها جاي متقبِّل واحد يحجي عليها وصارت سمعتها ع كل السان

اسد ؛ وحق ربك الي يجيب سمعتها واسمها ع السانه اخلي يتمنه الموت ومايلكا

فهد ؛ عمي هاي بنتك قطعه من روحك هي ماغلطت ولا سوت الحرام هي نجبرت والله

أسد ؛ لو بس كاعد وسامع منها صدك راح تحن عليها وتعرف مامسويه الغلط ابد اني الي سويت الغلط وارتكبته مو هي حتى هي تعيش بالذل واني ارتاح

ام رهف ؛ يعني ماعرفتو أبد وين هي
اسد ؛ ماخليت مكان مادورت بي صار يومين من رجعت عبالك نشكت الكاع وبلعتها

ام رهف ؛ وكعت من طولي جنت كل شويه اكول هسه ترجع ودك الباب ماعدها احد وين تروح لاااااا ياربي بنتي اريدها والله بعدها بعمر الورد اخذتو منها شبابها وحياتها الله لا يوفقكم

فهد ؛ كومي خاله وادعيلها والله راح أبقى ادور عليها مراح امل ابد وعد وعد زلم هم
يلا اسد امشي كوه سحلته وطلعته وهمه ع نفس العياط
الف مره راح أعيدها ابني ماوصلك لهنا غير اعياطك اسكت فوك ماغلطان وَيَا بتهم جاي تعيط
بعدين انطي السويج اني اسوق عنده شغله اهم

اسد ؛ انته روح اني مالي خلك
فهد ؛ دمشي كدامي المفروض نلكا كيان
اسد ؛ منو كيان
فهد ؛ ابن عمها هو الي مخبر اَهلها
اسد ؛ وشمدري
فهد؛ هذا الي لازم نعرفه
اسد ؛ تعرف مكانه
فهد ؛ لا بس لليل لازم نعرفه
اسد ؛ يلا بسرعه حرك
،...،،
رهف ؛ خاله تسلمين ع هالريوك عاشت ايدك
الحجيه ؛ انتي العايشه الف عافيه ويلا كومي لبين مانمر للفندق ونحجز يم الطبيبه الوكت يروح يايمه

رهف ؛ خاله خلي منروح عند الطبيبه
الحجيه ؛ بنتي باعي شكللج بليل كل شويه اكعد اشوفج اكول راح تموت ومشي مابيج تمشين وهسه تكليلي مااروح
رهف ؛ مو...

الحجيه ؛ اششش اذ ع الفلوس فعيب يايمه تحجيها كتلج ماعندي احد والله دزج الي ليش تجرحيني

رهف ؛ تسمحيلي احضنج

الحجيه ؛ تعالي ياروح خالتج تعالي

رهف ؛ ضليت بحضنها ابجي لحد ماارتاحيت وهي صدك كلش حنونه مااكدر اباوع لوجهه تخنكني العبره اتذكر امي

الحجيه : يلا كافي بجي خلي نطلع
رهف ؛ والله ظهريه وحاره
الحجيه ؛ هم صدك يلا خليها العصر لعد بس اليوم شسويلج تأكلين

رهف ؛ ههه موافقه اكل والله
الحجيه ؛ يلا تعالي باعي هذا بستاني ع كولتج حاره جان اخذتج

رهف ؛ خاله ابني حيعيش
الحجيه ؛ يمه شنو هالسوال ليش معيش حتى

رهف ؛ مادري خايفه حيل
الحجيه ؛ انتي تريدينه

رهف ؛ جنت مارايته بالبدايه بس بعد الي شفته لا اريده سند الي اريده يحميني ويدافع عني حتلو اترك كليته واشتغل ليل نهار  واعيشه وأربي ويأخذلي حقي من بين عيونهم

الحجيه ؛ هو ولد

رهف ؛ ماعرف بس احساس ودوم أحسه يحجي ويايه بصيغه ولد
الحجيه ؛ ياااا البنيه تخبلت
رهف ؛ ههههه لا والله خاله احساس بس
الحجيه ؛ انشالله الله ميفشلج يابنتي وتكومين بالف سلامه

فهد ؛ تقاوي جاوبي حتصل اني فهد
الووو
تقى ؛ الووو
فهد ؛ تقاوي كيان وين موجود بالضبط ماكو بكل المنطقه
تقى ؛ والله احنا ماعدنه علاقه قويه بيهم با با بس
فهد ؛ اوك يلا روحي انتي
تقى ؛ ماشي
يالله رهف ليش اختفيتي وين رحتي هسه شنو انتي عدله ميته

(واختفى واني اختفيت لكى غيري وصاحبه وغيره لكيت وانشغلنه كلمن اهتم بحياته وعنده بيت كلت لازم أنسى ومانسيت 💔💔💔

نسرين ؛ حبيبي ضرغام اكعد كافي نوم صار المغرب
ضرغام ؛ ولا حسّيت انطيني التلفون
نسرين ؛ ياستار بعدك مامفتح عيونك
ضرغام ؛ خلي اشوف اسد وفهد وين
نسرين ؛ ايي صحيح

رهف ؛ يلا اني جاهزه
الحجيه ؛ فدوه لجمال يلا خلي نروح

هذا الفندق انتظريني هنا
الحجيه ؛ يلا بنيتي استعجلي
رهف ؛ صعدت لميت غراضي واصلا ماعندي شي أشياء قليله ونزلت
شكرًا عمو وماقصرت ويايه وربي يجازيك ع كلشي سويته ويايه وانشالله كله يم ربك

-يابنتي وين رايحه مستحيل اخليج بوحدج
رهف ؛ لا ياعم لتخاف لكيت مره محتاجه وهم أساعدها وهم اساعدني اريح من الفندق وهذا الإيجار مال هذا الأسبوع

_لا والله ترجعيهن وشوكت متردين تجين هنا هذا مكانج ومثل بيتج وطمنيني عنج

رهف ؛ انشالله وسلملي ع العمال مع السلامه
_الله يسلمج بالتوفيق يابنتي

رهف ؛ وهسه خلصت اتاخرت شي
الحجيه ؛ لا يلا للدكتوره
رهف ؛ صدك فتنه وحجزنه
الحجيه ؛ خلي نطلع شويه نتسوك مادام اسمنه يتاخر
رهف ؛ يلا نكوم ماعندي شي

الحجيه ؛ بنتي بعد مااخليج هيج تطلعين العالم راح تاكلج بعيونهم
رهف ؛ ليش ياخاله  ع مود الشعر ع الأقل اني مامحجبه بس اعرف ربي كل الزين هياته لأسد مو ملتزمين ويصلون ويصمون ومحجبين وميقبلون بالحرام شنو الي سوو راد يكتل طفل وبعده مجاي للدنيا هذوله الي ملتزمين بالدين قساوه وجبر ويهانه وكلشي عدهم حلال بس الشعر والبس حرام
مو ياخاله لا اللبس ولا الشعر مقياس للبشر

الحجيه ؛ والله يايمه حقج بكل حجايه خلي اخذلج شي مال حمل مريح
رهف ؛ يلا
صدك ضلينه نفتر اخذتلي هدوم طفل يخبلون وجواريب وشغلات يجننون حتى ماعرف اذ احتاجها واني بحياتي مشايفه طفل او شايلته او لاعبه وَيَا أبد ماعرف شلون راح اصير ام
وكومه اخذتلي ملابس استحيت منها وماقبلت تأخذ فلس

الحجيه ؛ وج يلا هسه حتى الدكتوره راحت لبيتها
رهف ؛ ههههه يلا يلا اخذنه الواهس
رجعنه لكينه اسمنه فايت اول ماوصلنه دخلنه

رهف ؛ مرحبا دكتوره
دكتوره؛اهلًا بنتي تفضلي
ياشهر ياحلوه
الحجيه ؛ والله جانت مو هنا ومامراجعه فمتعرف
الدكتوره؛ هسه نشوف
رهف ؛ ضليت الدكتوره تأخذ السونار بس تباوع ابد محجت كلبي دكاته نار .....
واني انتظر

الحجيه: كولي دكتوره خير انشالله
الدكتوره ؛ بنتي بعدج صغيره والطريق كدامج فلتخافين من شي
وانتي بالسادس بس نبضات الطفل كلش ضعيفه ومامتحرك

رهف ؛ اَي هو صحيح ماكو حركه بس شكد بالسادس
الدكتوره ؛ الأسبوع الجاي تدخلين ب السابع اذ لله راد
رهف ؛ يعني يادكتوره ابني يموت مو

الدكتوره ؛ بنتي العمر بيد ربج راح اكتبلج علاجات وشكد مابيج ارتاحي ونامي وبتعدي عن القلق

الحجيه ؛ يلا بنتي كومي شكرًا عيني دكتوره
رهف ؛  اخذنه العلاج واخذنه عشه ورجعنه صدك لله نطانياها هديه بس ليش هيج ياربي وكت الي اريده أعيش استسلم للحياه ويريد يموت

الحجيه ؛ بنتي تعوذي من الشيطان شمدريج ياما أشخاص كالو باجر وعكبه يموتون وعمرهم صار اطول من عمرنه بنتي محد يعرف غير ربج صدكي

رهف ؛ انطيني تلفونج
الحجيه ؛ بطلي بجي وهدي شويه وانطيجا
رهف ؛ عيوني خاله انطينيا ومنو يكول ارد اصلا

الحجيه ؛ هاج اخذي
رهف دك مره اثنين واني ليش ادك وأدري ولا يوم رديت عليه
اسد ؛ الووو
رهف ؛ همزين رديت
اسد ؛ رهف 😔😔😔
٠٠٠٠
٠٠٠٠
يتبع