#اغتصاب_ام_زواج

#الجزء_الثاني

#بارت 29

مهند ؛ ممكن ترجعون للبيت ضروري
اسد ؛ شصار
مهند ؛ رجاءا سيدي
اسد ؛ يلا للبيت
ضرغام؛ شصاير
فهد ؛ نوصل ونفهم
ضرغام ؛ وصلنه وأحس روحي حتطلع واشوف الكل مجتمعين يم الباب .....
رجليه وكفت احسها بعد متشيلني كوه وصلت الباب واشوف .......😱

واشوف كيس ابيض مثل مذبوب بنص البيت شاغت روحي ماعرف شسوي وكل تفكيري شلون اذ طلع بني شسوي شحجي افكر واتقدم خطوه خطوه وبكلبي اترجى ربي ميطلع ابني القهر كبر الكيس مثل طوله لجان  رفعت راسي صارت عيني بعين نسرين واني اشوفها تباوعلي بنظره كله امل متأمله مني خير

اوووف يانسرين
اسد ؛ ضرغام اني افتحه دير وجهك
ضرغام ؛ لا اسد لحظه اني اشوفه تجرءت وبخطوه وحده فتحته 😞😭 وهنا انصدمت كاتلينه  بحلات عمره بعده شلون كدرو يكتلو شلون كلبهم نطاهم حطيت إصبعي ع ركبته ماكو نبض ابد جااااااااان لا ع ابو صرخ هالصرخه ضرغام ولا ع اخو الي كتلو كدام عينه بس حتلو جان مو ابنه اَي طفل محد يحتمل هالموقف  موقف يبجي الصخر حضنته بين اديه وأحس كلبي وكف خلص ورافع راسي للسما ادور ع العداله وين بحياتي مسويت شي غلط تاليها ينخاذ ابني من بين اديه بكل سهوله

انصدمت واني اسمعهم  يحصيحون اكو شي بالكراج مال البيت كمت اريد اشوف شكو شصاير
رهف شكو ليش هالصوت

ماكو شي حبيبه انتي ارتاحي ونشوف شكو احجي وياها بس كلبي عاصرني عصر

خليني اشوف
نسرين حبيبه وين تروحين شتشوفين
بعدت ايدها وركضت للباب واني اشوف الولد ملتمين روحي فرفحت واني اشوف ضرغام كاعد بصف كيس ابيض دقايق ومااحس اله ضرغام صرخ وحضن الكيس اريد اصرخ اريد الصوت يطلع ماكو اختفى واني اتخيل شلون ادفنه لجان محسيت بعدها بشي

تقى ؛ كلبي تكطع ع نسرين وضرغام صحيح الكل تعبان وهدود حيله بس مو مثلهم ابد نسرين من يومها فاقده الوعي مدري بشي وضرغام مركز بمكان واحد لا اكل ولا شرب اعصابه تلفانه كلنه مجتمين بالبيت حتى امي وابويه يمنه وخاله ام اسد الولد حايرين شسوون

اسد ؛ ضرغام اعرف تعبان والي مريت بي مو هين ع واحد ابد ولا هين عليه الي كاعد اشوف اختي تموت جوه عيني بس خلي ندفنه للولد ميصير
خطيه خلي يرتاح

ضرغام ؛ مراح ادفن جان اذ مااشوف دم الي كتله حتلو حياتي الثمن

اسد ؛ ونسرين شنو ذنبها تروح انته حتلو انته ماقتلته اني راح اثرمه وصله وصله بس مو معناها تنطي روحك المقابل اقتلك بيدي ومااخلي احد يقرب منك

ضرغام ؛ ليش ماحميت ابني مثل ماحميتني ليش اسد ليش اني حقير وجبان واخذو من بين اديه انته شجااااااااك فهمني مو ابني ابنك ليش تركته

اسد ؛ بحياتي ماخنكتني الغصه مثل هسه اريد بس اصرخ حتى ارتاح
بحياتي ماشفت ناس تتعامل وَيَا أطفال جنت ناوي ارجع وياهم واصفيهم وكلكم اخليهم بعيدين بس مااتوقعت هو يخسر كلش ويكعد يصفي لوحده

ضرغام ؛ انطيني العنوان
اسد؛ جان ماشفتني كاعد يمك لو اعرفه
ضرغام ؛ حصليا انته تكدر تجيبه من بين سابع زرف
اسد ؛ وعد الكا واجيبه وأسلمه الك ثق بمحمد

رهف ؛ صافنين عليهم وحالتهم يرثى لها وحجيهم الي نرفز اكبر واحد بس حقهم كلبهم محترك وحتى اني والله كلبي محترك بس مابيدي شي اسوي
اخذت الجاي وديته الهم نطيتهم وأحس عيونه تريد تاكلني كلبي وجعني من نظرته تركته وصعدت مبقيه تقى تلعب ويه مسك مستحيل اعوفها بوحدها اخاف عليها وحتى تقى خطيه امتحاناتها راحت عليها ومتكدر ادوام بسبب الوضع  مااحس اله ايد سحبتني قوي ودخلتني للغرفه

اسد ؛ تخبلت واني اشوفها بهالبلس واني اصلا اعصابي تلفانه
الف مره كتلج هالالوان متلبس وخاصه هنا احنه مو ابيتنه
اسد لله يخليك عوف ايدي كاعد توجعني والله هسه أغيره اصلا جنت لابسه اسود بس لان ماعندي وغلست كل الهدوم لبسته لحد مينشفون حسيته رخه ايده حضنته بقوتي واني ابوس لصدره من اسبوع مشايفته بس المح ضله ع الخفيف لو ع وجبه اكل ويطلع لو ع كد تبديله
اشتاقيتلك وحق الي خلقك اشتاقيت لكلشي بيك نفسك عيونك ريحتك عصبيتك هدوءك
اسد؛ ا.....
حطيت ايدي ع شفته مخليته يحجي ادري واعرف كلشي ماريد منك شي والله بس دير بالك ع نفسك ولتعوفني اني ومسك نضيع بلياك اختنك اموت

❤️بلياك اني مختنك
كلبي واكف ماريدك......
مليت من هجرك ترى ..... 💔

اتمنى يرجع الوكت بس للشهر الي فات وبعد ماانهزم من هالحضن ماافوت ولا ثانيه ولا دقيقه

كلامها هد حيلي اعرفها تحبّني اكثر من امي الي جابتني وحملت بيه واعرف بيها تحبّني حتى اكثر من بنت بطنها كعدت بالكاع وكعدتها ع رجلي بعد كلامها ماكدرت احجي اخذت شفايفها موقصدي ارتوي بيهم بس لا كل قصدي اعبرلها عن حبي بهالطريقه حضنتها كل قوتي كسرت اعضامها معفتها اله حسيتها اختنكت دفنت وجهي بشعرها

حبيبي باباتي صير قوي ع مود الكل عوف العصبيه شويه فتحت دكم القميص واحط ايدي ع كلبه هذا خلي يهدء شويه نزلت راسي وبسته

لازم اطلع وكلامها موتني دمرني بنت ال...... اوووف يارهف طلعت جكاره داشرب وهي ع كعدتها وتباع لعيوني اول مره احسها اكلتني اكل

مراح احجي ع الجكاره هالمره اذ جانت تريحك شويه بس والله اني اريح اكثر من الجكاره 🙈 مادري شلون حجيتها وهو بهاي حالته وهو يباوعلي بنظره كلها رغبه غمضت عيوني استحيت منه محسيت اله شفايفه ع آذاني

مجرد اباوع لعيونج ارتاح اسمع صوتج ينذكر اسمج اما اذ قصدج ع الضوك فانتي مخدرات بالنسبه اليه وإذ اكو شي اقوه من المخدرات فاانتي اقوه من الاثنين وهسه خليني اروح وإذ رجعت بليل اريدج متحضره وبعد مااوصج ديري بالج ع نسرين
بعدتها من رجلي وطلعت بثانيه اذ أبقى أكلها وابد مو وكتها ولا وكت المشاعر والحب

يارب شوكت تعدي ع خير ويرجع الحال شويه احسن ياربي هون ع هالعائله شويه يارب فتت ع تقى كاعد تلعب هي ومسك بنتي مو عندج امتحانات صدك تحجين

والله يارهف هي تنكرط مو بس تنال هالطفله
يلا ماضل شي وتكبرين ويصير عندج بنوته بس مو احلى من مسك طبعا

هلوووو ترى اني احلى منج وفهد احلى من اسد اكيد راح تطلع احلى

اخاف متقبلين ياحلوه
تقى ؛ تعالي خلي احجيلج عوفينه من جمال بنتج ورجلج تعرفين اني صرت مرته لفهد
اييي ندري مرته
رهف افهمي مرته مرته شرعا وقانونا وكلشي وكلاشي

صدك تحجين ومن شوكت هالحجي
قبل الحادثه بيوم بس مو هذا الي دافكر الي مخبلني فهد ميريد طفل

بنتي وينج وين للطفل ترى انتي طفله
تقى ؛ ترى اني هم ماريد هسه ومستحيل افكر هم بس هو حتى بعد سنين ميريد يكول اله تتخرجين من جهه اشوف حالت نسرين كلبي يتكطع عليها ومن جهه اشوف مسك اريد بنوته مثلها العب وياها

رهف ؛ دمتحني هسه وخلي نشوف شنو يطلعلج كليه وإذ مرتاحه ومامتعبه بدوامج ساعاتها تدرين تسوين باي مرحله بس انطي مجال لنفسج شويه يلا

وهسه كافي حجي خطيه تعالي نشوف نسرين مصارت احسن
تعالي وين رايحه يمها ضرغام خطيه عوفيهم
الله يكون بعونهم ويصبرهم

ضرغام ؛ نسرين حبيبي فدوه فتحي عيونج كافي اكعدي شيلي الهم ويايه ليش ع فدنومه معقوله مرتاحه واني شابع قهر من جنت جهال معفتيني هسه ليش عايفتني امشي بهالطريق لوحدي كلبج ينطيج
دكتور شوكت راح تصحى مو كافي
ماكو شي بيدي هذا معتم ع قابليها وحبها للحياه

ماشي دكتور تسلم
عن اذنك
الله وياك

رهف ؛ تسمحلي ادخل
تفضلي
ضليت كاعده ماعرف شحجي وَيَا شكول شنو الي اكوله واريح كلبه وباله
ضرغام لشوكت راح تبقى هيج اذ ع جان صدك كلنه محترك كلبنه اعرف انته اكثر واحد والله ليخلي واحد بهالموقف بس ارجع اوكف ع رجلك تعرف يجوز هسه همه شكد مرتاحين من يشوفوك هيج تعبان ومتكدر تتحرك خطوه للامام كله ترجع لورا ارجع واوكف ع رجليك من اول وجديد واخذ حقك بيدك وأدفن ابنك وصحي مرتك غصب عنها لتضل واكف بنفس النقطه حتلو جنت مكسور لتسويها ابد
الكسر صعب بس مو حلو تعالج الكسر بكسر اكبر وتتخلى عن كلش
اسفه والله اذ جرحتك بكلمه بس كلبي مينطيني أشوفكم بهالحاله واسكت واني حاسه بيك واعرف شنو تخسر ابنك الي جنت منتظره يكبر كدام عينك شويه شويه

ضرغام ؛ صدك كلامها صحاني من وهم كلش جبير مو شلون مجان
الووو
ها اسد
اسد ؛ هاك هذا العنون وراح تلكه الي تريده وخبرني بالنتيجه بدايه سعيده ابن عمي

ضرغام ؛ كمزت واني اسمع صوته وكلامه الأسد
طلعت بسرعه رهف شكرًا ع كلشي الي اتمنى من ارجع نسرين تكون صحت
رهف ؛ روح الله يحميك راح احاول وياها
نسرين .....
ضرغااااااام 💔

#نواره