#اغتصاب_ام_زواج
       
        #التاسع_عشر
      
               #نواره
_مبروك حامل
رهف ؛شكد صار للحمل
_شهرين مابين عندي بالمظبوط بس سوي سونار تتأكدي
رهف؛ شكرًا
شنو الي اسوي وين اروح أخذتني رجليه لطبيبه ضليت انتظر اسمي دخلت
الدكتوره : فدوه شهالجمال اول طفل الج
رهف ؛ اَي
اريد اعرف شكد عمر الطفل
الدكتوره : اَي تدللين بس ليش خايفه ارتاحي ماكو شي يخوف وهسه نشوف عمره يدلل الطفل وأمه
رهف. تحجي واني كلبي نار حتى مو يمها اريد افكر بالخطوة الي بعدها
الدكتوره : عمره ١٠ أسابيع يعني بالشهر الثالث وصحته ونبضه كلش زين
رهف ؛ اني ماريده للطفل شنو اسوي
الدكتوره ؛ بنتي حرام عليج شكاعد تحجين هذا روح شنو متريدينه وبعدين هسه هو اجزاء مو قطعه دم حتى أذبيها
رهف ؛ ماجنت امفكره او حاسه بحمل انصدمت لمن عرفت
الدكتوره ؛ ليش شلون متعرفين ودورتج
رهف ؛ من تزوجت تخربطت فكلت عادي مجان ابالي
دكتوره ؛ ماراجعتي بعد الزواج
رهف ؛ لا
الدكتوره ؛ بعدج هسه متزوجه وأول طفل وتكولين مااريده يابنتي هذا رزق مثل مالشغل رزق والزواج رزق الطفل هم رزق ورزق جبير روحي لبو وكليله هذا ابنك راح ياخذج بحضنه انتي وابنج
الضنه يابنتي عزيز روحي فكري وحطي عينج بعين ربج لا تتقربين من الحرام
رهف ؛ يعني مااكدر انزله
الدكتوره ؛ لا بهالعمر  صعبه
رهف ؛ شكرًا دكتوره
عفتها وطلعت واني ماعرف وين اروح وشنو اسوي راسي مفتر
أخذتني رجليه لبيت اسد لازم اكو حل دكيت الباب ماكو احد ضليت انتظر نص ساعه واجتي ام سعد

ام سعد ؛ بنتي هلا بيج اليوم هنا اسد جوه
رهف ؛ تعرفين بي وين
ام سعد ؛ تعالي اكعدي شويه ارتاحي شبيج خيرج
رهف ؛ وصليني لأسد فدوه
ام سعد ؛ والله يابنتي صار شهر مشايفته حتلو يجي ميطلب مني شي
رهف ؛ فدوه اريد أوصله باي طريقه
ام سعد ؛ عندي رقم الولد محمد الي وَيَا اتصل بي بلكت نحصله
رهف ؛ عيوني خاله سوي الي بيدج
ام سعد ؛ الو ابني محمد اني ام سعد اسد يمك
محمد ؛ عيني خاله اَي يمي بس اذ شغله مو مهمه ماكدر انطي التلفون
ام سعد ؛ ابني لوجه الله سويها وانطي التلفون
محمد ؛ خاله والله اروح بيها انتي مو تعرفينه ميقبل واحد يقاطعه بشغله وهو صاير نار ماكو شي كاعد ينجح عنده وتاليها يطلعها بيه
رهف ؛ محمد اني رهف انطينيا
محمد ؛ دقايق
سيدي تلفون مهم
اسد ؛ منو
رهف ؛ اسمعه يكول منو واني كلبي وكف دموعي تجري
محمد ؛ رهف
اسد ؛ عفت الي بيدي وكفت ليش وشصاير حتى تتصل بمحمد وآمنين أخذت رقمه
انطيني
الووو
رهف ؛ اسد تكدر تجي للبيت شويه
اسد ؛ صوتها زرف كلبي ماجنت متوقعه اسمعه وفوكاهه تعبان
مشغول ليش حتى أجي
رهف ؛ الله يوفقك تعال لخاطر أعز شي عندك انتظر بيتك
اسد ؛ مسافه الطريق
عرفت امنين اتصلت
ضرغام ؛ وين
اسد ؛ للبيت
ضرغام ؛ رجلي ع رجلك
اسد ؛ امشي
ام سعد ؛ بنتي شكو شصاير ليش هيج مهدوه ليش كل مره اشوفج اتعس من الي قبلها

رهف ؛ حمل جبال ع اكتافي ماعرف شنو اسوي.
ام سعد : الله يفرج همج انشالله

اسد ؛ انته ضَل هنا
ضرغام ؛ ع كيفك خليها تكرهك بس مو بالجبر

اسد ؛ ها ياست رهف اجيت كولي الي عندج
وأم سعد تكدرين تروحين

ام سعد ؛ كلبي ماانطاني اعوفها فتت للمطبخ
رهف ؛ اسد أنقذني هالمره ماعندي غيرك
اسد ؛ من شنو انقذج شو مرتاحه ومتونسه وعايشه حياتج
رهف ؛ اسد اني حامل
اسد ؛ الله يلعن الوكت كلبي فرفح شتصرف امنين طلعت هالشغله
شتحجين انتي شنو حامل
رهف ؛ حامل والله واليوم يلا عرفت
اسد ؛ ضربتها راشدي وكعتها ومنو كلج اريد هالطفل اسمعي هالطفل يموت ومراح يعيش ويموت اليوم قبل باجر
رهف ؛ الله يعلنك ويلعن ابنك ويلعن الساعه الي شفتك بيها ميموت ميموت  تعرف شنو يعني ميموت عمره ٣ اشهر صعب أسقطه والك واني هم لا أريدك ولا اريد ابنك بس خلصني لتخليني لا اني للسما ولا اني للكاع وين اروح ماعندي غيرك
اسد ؛ راح اخلصج دفرتها ٣مرات ابطنها اسمعي راح يموت براضتنه غصب عنه راح يموت اكتله بيدي ولا اسمح لواحد يكتله ويشتمت بيه ويكلي كتلت ابنك وكسرتك فهمتي ويلا كومي اطلعي برا مااريد اشوفج ولا اسمع صوتج
رهف ؛ حرام عليك وين اروح اذ بينت بطني بعدكم يوم خلي بكلبك رحمه
اسد ؛ هذا الي  عندي
رهف ؛ كمت ع حيلي وبلكوه الالم اكلني مو طبيعي باوعت بعينه وطلعت ماحجيت ولا حرف كم وجه عنده لعد

ام سعد ؛ ابني حرام عليك هذا زرق من ربك ليش رفسته وين راح تروح البنيه اذ أهله عرفو وين تنطي وجهه منو الها
اسد ؛ ام سعد قربي يمي البيت بي كامرات حطوها بدون علمي مجبور هيج اسوي حتى يعرفون رهف مو نقطه ضعفي لا ن لو متصرف غير تصرف راح يأذوها
وتلكين بالحديقه السند مال البيت ومبلغ ضخم لرهف هي وا....آه آه هي وابني البيت باسمها وكلشي الها واحتمال اروح وماارجع وصليلها هالشي. راح تعيش بيهن عمر سواء عاش ابني او مات

ام سعد ؛ الله يرجعك بالسلامه لعائلتك روح محروس بالله ومحمد وأهل بيته

ضرغام ؛ شسويت
اسد ؛ شلون عرفو رهف يالله راح انفجر شنو السالفه وشلون وصولها حتى يهدووني بيها
ضرغام ؛وشصار
اسد ؛ قتلت ابني بيدي
ضرغام : شتحجي انته رهف
حامل
اسد ؛ ايييي اييي ايييي
ضرغام ؛ خلص اهدء بس حرام الي سويته
اسد ؛ مجبور والله مجبور بس قسما بالله مااسمي اسد اذ مااشربهم من الكاس الي شربت منه بسيطه
ضرغام ؛ هدي نفسك وين راحت هسه
اسد ؛ طردتها
شوف ضرغام اذ صار شي عليه رهف امانه بركبتك وابني هم اذ ضَل عايش لتعوفيها ماعدها احد وأول شي اَهلها راح يطردوها اني عايفلها كلشي بس متدري يم ام سعد حافظ عليها مثل متحافظ ع نسرين حتى من اهلي ومن اَهلها احميها

ضرغام ؛ كافي رحمه للعباس راح نطلع منها وميصير شي وتصلح الي هدمته
بس تفكيري يم رهف وين راح تروح

اسد ؛ كافي كافي سد الموظوع تعبان
ضرغام ؛ اذ بنص بيوتنه حطو كامرات لوين وصلو مرحله واحنا مندري لعد

فهد ؛ محمد راقب الاتصالات اني محد يعرفني دااطلع مكان اسد
محمد ؛ تامر
فهد ؛ كلشي تخبرني بي
محمد ؛ انشالله
واكف وانتظر هههه بس لتشوفون شكلي لابس مخلكن عبالك عامل لا اكو عمال نظيفين مو مثلي وع بايسكل

لمحت  نفس البنيه الي قبل فتره شفتها
يبنيه ياحلوه تعالي شدسوين هنا
تقى ؛ مدرستي هنا بعدين انته شعليك متستحي موكفني كدام العالم تحجي ويايه
فهد ؛ هوووب ع كيفج مراح اكلج عندي سؤال
تقى ؛ فضني
فهد ؛ اهنأ بيت...... تعرفيهم
تقى ؛ سامعه بيهم ليش
فهد ؛ لترجعين ألسوال بسؤال
تقى ؛ هسه شتريد
فهد ؛ سلامتج تكدرين تروحين بس ديري بالج ع نفسج امشي سريع
وصدك شنو اسمج
تقى ؛ معليك بسمي عفته وكملت طريقي شنو السالفه يوميه واحد ناس مدري شلونها
فهد ؛ فدوه جنها بطيخه ههههه تنكرط يلا بعدين نتفاهم وياج هسه مشغول
ها ياحلوين شوكت اجيتو

اسد ؛ ههههه بشرفك شطالع
فهد ؛ محد يحس
ضرغام ؛ أجي بطولي وأنعل سلفه سلفاهم
فهد ؛ متشوفين كل فتره كلشي منحصل وهمه الي ربحانين
اسد ؛ ماضل شي كل الدليل صار بيدي وعندي
فهد ؛ لعد اني راجع أنتم كملو
اسد ؛ اوك

رهف ؛ بعد الي سوه ضليت مصدومه معقوله هذا اسد نفسه معقوله هذا الي حبيته هذا الي نطيته كلش تخبلت ع الاخير ماعرف شنو اسوي
رجعت للبيت ويمكن هالبيت أيامي معدوده بي تقى ؛ رهف شبيج ليش هيج شكلج

رهف ؛ مابيه شي ماجاوبت
تقى ؛ يلا يمعوده تخلص
اسد مااتصل
رهف ؛ خليني انام حبابه
تقى ؛ يلا نامي منو لازمج
رهف ؛ هستوني داحط راسي ع المخده وحسيت بشي توقعت نزف فتت ع الحمام وفعلا نزف ضليت اتوسل ربي بلكت يوكع لوحده ونتيجه الضربه لبين مااعرف اسد ليش هيج تصرف بلكت يصحه ويحس بتأنيب الظمير

ياربي رحمتك 🙏

فهد ؛ اسد ضرغام بسرعه اطلعو من المكان الي أنتم بي راح تروحون بيها
اسد تسمعني
ضرغام
يمعودين اذ تسمعوني تعالي للمديريه بسرعه
اسد ؛ ايييي حسّيت وطلعت من وكت
جااي
ضرغام ؛ فتنه روحنه طالعه
شصار فهد
فهد ؛ ورا اسد يردونه باي طريقه ودايراقبون كل تحركاته وتصرفه وَيَا رهف جان زينت العقل جانو ناوين يأخذوها من طردتها كالو متفيدنه ونسرين ميوصلوها لان صارت لضرغام وأمك وأبوك وزيد دائما تكول الموت حق ومع هذا ميوصلون للبيت فرجعو عليك
اسد ؛ واني بانتظارهم
فهد ؛ ليش ضربت رهف مجانت تسوه كل هالقسوه
اسد ؛ العالم والنَّاس لمن تجيهم الي يحبها ويموت ع التراب الي تمشي عليه تكله اني حامل بس اريد تنقذني ياخذها بحضنه يصبرها يهديها
واني شنو سويت فوك مامتزوجها بالسر ومحديدري وجبرتها ع كلشي وضربت وهنت وذليت
وتاليها كتلت ابني بيدي وكدام عيونها وطردتها

فهد ؛ هي حامل
اسد ؛ ايييي
فهد : ماتحملت الي سمعته لزمته ضربته ياحقير يانذل ولَك روح هاي جوها روح تضربها ليش كوللها ماريده نزلي مو تضربها وهي شايله فوك همها هم
ولَك انته كتلك حلال والله

ضرغام ؛ فهد اهدء اشششش
اسد ؛تريدني انتظرهم يخطفوها ويكتلوها ويكتلون ابني بيدهم واني أضل اتفرج كل الي سويته في سبيل اثبتلهم هي لاتقدم ولا تاخر عندي
فهد ؛ راح تخسرهوايه يااسد

اسد ؛ خسرت كلشي اليوم ماضل عندي شي
هاك شوف

هايالتهديدات صار شهر حتى هنا وصلتني
ضرغام ؛ كلنه نعرف اكو تهديدات بس مو بالكميه

هسه بما انه دايراقبوني ويردوني لازم اطلع وبوحدي

ضرغام ؛ اطلع بسيارتي واني اطلع بسيارتك راح احمي نفسي لتخاف عليه
عبالهم انته الي طلعت يجون بورايه وانته وراهم
شوف اذ تضاربنه وصار شي اختفي فهد محمد يجون ورايه زين مو تجيت

اسد ؛ هذا هو مستعدين شباب
فهد ضرغام محمد؛ مستعدين وانشالله نخلص

ضرغام : طلعت بسياره اسد وانتبهت همه ورايه صرت بعيد ماشفت اسد طلع لا

اسد ؛ ضرغام اخذ حذرك شكد مابيك
ضرغام ؛ ماخذ حذري كلشي يصير انته اختفي وكتاب نقلك للبصره صارله شهر وانته مداوم هنا
متفقين
اسد ؛ هذا هو
وروح ابني لو اني لو همه وحق كل دمعه نزلت منج يارهف

صرت قريب سحبت اسلاحي وحضرته همه اربعه وجامات منزليها موجهين اسلحتهم ع ضرغام ربي لا تاخذه مني مثل مااخذت اخو
يارب

......
رهف ؛ عندي اخر امتحانين واني اريد بس اشيل أيد مااكدر بدلت وشفت ماكو نزيف معناها لسه عايش مامات 😭😞
طلعت لمتحاني كتبت اسمي ونطيت الورقه وطلعت
خفت اذ مااجي يعتبرو رسوب مو دور ثاني
اوووف باع منو الكدامي هسه اني ناقصني ياربي

كيان ؛ شلونج رهف
رهف ؛ زينه شتريد
كيان ؛ شنو شريد قريبا راح تصيرين زوجتي
رهف ؛ ههههه حتى بااحلامك مااصير
كيان ؛ غصبا ماعليج
رهف ؛ ههههه لا بشرفك وشنو عصبا عليه ماريد وخلص
كيان ؛ ياحلوه مو يمي هالحجي يم غيري ترى
رهف ؛ افهم ماريدك وأكرهك واصلا اني متزوجه وحامل وأموت ع زوجي وهسه يلا وخر من وجهي
كيان ؛😲😲😲
يتبع