#اضعت_ربيع_عمري

#بارت_السادس

#بقلمي_سارة_المجيد

مساءكم عسل صافي حبايب گلبي وهذا البارت الاضافي تدللون عليه 😘😘
⚘⚘⚘⚘⚘⚘⚘⚘⚘⚘⚘⚘

كعدت جوة جان اكو كرسي كعدت عليه كالوا شو كعدتي
كومي اختاري كتلهم انتوا اختاروا

امي ..انتي تلبسينها مو احنا

جنة ..عادي مومهم انتو اختاروا واني البس لان اني مااعرف اختار وماعندي ذوق ......

امي وخالتي ضلو يغمزون بعيونهم ويعضون بشفتهم يعني سكتي لاتسمعج مرت حماج خليت هما يختارون البدلة

اختارولي بدلة لونها وردي فاتح جانت البدلة صلوخ مابيها ردان ...ومن الصدر كله كرستال ومن جوة اشويه منفوش

بس جانت بدلة موحلوة .....وملبوسه كلت عادي ومااهتميت .....لان كلبي محروك بالي مو يم البدلة ابددد اجروها وخلصنا

خالتي دكت ع قاسم كالت يله تعال خلصنا .... ورة ربع ساعة ..اجه ورحنا صعدنا وياه

قاسم ..هسه خلصتوا لو بعد اكو شي

خالتي ..بس نروح نحجز صالون وخلص بعد

قاسم ..ماشي

جنة ..ف رحنه هم اجرنا صالون ام الصالون كالت تعالي من وكت فرجعنا للبيت وصلونا وهما راحوا دخلت للبيت تعبانه حتئ ماتعشيت كبل رحت لغرفه خليت راسي

ونمت ماحسيت غير الصبح امي تكعدني تكول يله كومي اتحظري هسه هما ع جيه لاتتاخرين ع صالون 😣 كلت زين هسه اكعد

كعدت غصبن عليه ورحت سبحت وتريكت وخلصت وبدلت ملابسي كعدت انتظرهم ورة نص ساعه اجوي

خالتي ..يله حاظرة

جنة ..اي .. رحنا لصالون جانوا ويايه خالتي ومرت حماي الجبير ..واخت خطيبي

ورحنا للصالون وصلنا قبل ماانزل كال من تكملون انطيني خبر هزيت راسي بمعنئ زين ......ونزلت رحت لصالون والله استلمتني ام الصالون من حف وتنظيفات

ومكياج وتسريحة وسوتلي مكياج وردي فاتح طلعت فد شي وشعري اسود طوخ وطويل سوته كله حلقات وشالته ليفوك

مثل تسريحة لبنانيات كملنا كلنا خالتي خابرته كالت هاج انتي احجي ويا كلت اني شحجي انتي احجي

خالتي ..اشبيج يعني ماتعرفين تكولين يله كملنا تعال وبعدين كالج انتي خابريني يعني يريد يحجي وياج

جنة ..هفففف ياربي جيبي ..عاد اخذت من ايد خالتي التلفون ودكيت عليه وجاوبني كال الو كبل كتله يله تعال خلصنه

قاسم ..ماشي هو اني بالطريق دقايق اوصللكم

جنة ..والله اجه ورة دقايق دك هورن خالتي راحت من باب الصالون شافته كالت يله كوموا وصل ف طلعنا من الصالون هو شافني ونزل من سيارة اجا يمي ظل بس يباوع ظل صافن بوجهي بس ماحجه ، شي

لزمني من ايدي واخذني للسيارة لان جنت كوة امشي من البدلة صعدني يمه بصفه

وخالتي ومرت حماي واخته صعدو ليورة بالطريق يسوق من نوكف بالاشارات مال مرور يصفن بوجهي

قاسم .. جنت اباوع عليها انصدمت بجمالها وحسنها شطالعه بنت اللذين كتلها طالعه اميرة اليوم ..

جنة ..ابتسمت وكلت شكرا فاهو ظل اشويه صافن عليه بعدين شفته اخذ حسرة ودار وجها ع الجامه البصفه والله بعد

وصلنا للبيت سوولنا حفلة جنه عازمين الاقارب وبعدين جابو لبسني ذهب وجابوا كيك وببسي قطعنا الكيك وكلني واني هم وكلته وشربنا ببسي واخذولنا صور
بلكاميرات

وخلصت الحفلة ودخلت نزعت بدلتي حتئ انطيها لخالتي ترجعها ..

وراها راحوا نضفت البيت اني وامي وخلصنا اني كبل رحت فتحت تسريحتي وسبحت وكبل خليت راسي ونمت لان جنت تعبانه بشكل ...

ورة يومين اجه رمضان كالوا العرس يصير وره اسبوع من العيد اجا رمضان التهينا برمضان ويافطور وسحور جان قاسم يزورني كل اسبوع مرة وحدة يكعد اشويه ويايا بالبيت ماطلعت وياه ابد ولاعشت فترة خطوبه مثل باقي البنات

ولا حسيت بفرحة الخطوبة الي كل بنية اتحسها خلال هل فترة ..طبعا جان يجي كل اسبوع مرة وحدة ربع ساعه ويروح

بس ابد لاحاجني كلمة حلوة ولاتغزل بيه جنت احس حيل بارد وبعيد عني يحجي كلمة ويسكت دقايق ولايوم كلي محتاجة شي فلوس او يجيبلي هدية مثل باقي المخطوبين ....

جان اشويه يكعد ويروح لايخابر لايسال بعدها خلص رمضان صار اول يوم العيد

امي كالت اني وابوج راح انروح لبيت عمامج وعماتج نعايدهم واخوانج يمج بالبيت انتي خلصي شغلج وروحي رتبي نفسج لبسي شي حلوو ورتبي شعرج وحطي شي بوجهج اكيد هسه خطيبج يجي يشوفج ....

طبعا اني بااواخر رمضان امي اخذتني لصالون كوة سوتلي شعري ميش بس مااكلكم اشلون تغيرت شكلي اني بنفسي ماعرفت نفسي هههه لان بيضة من سوتلي ام الصالون. ميش طلعت جني وحدة اجنبية .

فاامي وابويه راحوا واني خلصت شغلي ورحت بدلت ملابسي ورتبت شعري بس ماخليت شي بوجهي كعدت اباوع ع التلفزيون جان اكو برامج حلوة مال العيد صار الظهر رجعو امي وابويه امي باوعت منا منا كالت شنو مااجه احد .

جنة .. لا 🙄

امي ..حتى خطيبج !؟

جنة ..لا مااجه 😏 صحيح جنت مامهمته لجيته بس هم ماانكر انقهرت كلت يعني هلكد قيمتي يمه لاشيء الي بالعيد ميجي يعايدني ويشوفني ومامهتم بوجودي بحياته اصلا ...

يافرحتي بهل خطيب مالت ع حظي 😕 ..وصار ثاني اليوم العيد هم مااجه انتظرته للعصر مااجه وراها ابويه كال اتحظرو نروح اشويه نفتر بالسيارة

والله ماصدكت اطلع اشويه ويابابا جنت مخنوكه لبسنا وبدلنا كلنا رحنا زرنا بيت اهل امي

لان امي جانت دوم ثاني يوم العيد تروح تزور اهلها ...وتعايدهم رحنا لبيت خالاتي وخوالي ....وراها اشويه اخذنا فرة بالشوارع وصار المغرب ...رجعنا وراها اتعشينا وكملنا وخلصت شغلي كعدت اشويه يم اهلي ....

وبعدها الكل راحوا  ناموا ...... كعدنا الصبح ثالث يوم العيد اتريكنا امي كالت اليوم نسوي دولمة ابويه راح جاب مسواك للدولمة واني كمت رتبت البيت كله وطلعت للحوش اغسله وجنت لابسة تراك حصر وجسمي اشويه دبدوبه ههههه وشعري شلته فوك بلقراصه وصايرة كفشة هههههه

جنت اغسل الحوش سمعت اندك الباب رحت فتحت الباب شفت خالتي دخلت سلمت وتعايدنا ردت عبالي ويا زوجها جاي خالتي كالتلي شنو هل كفشة الحلوة انتي عروسه غير اترتبين نفسج ماتعرفين خطيبج يجي يشوفج

جنة ....ليش هو معترف عندة خطيبة مثل باقي الناس

خالتي ..غمزت وعضيت شفايفي يعني سكتي اشرلتها بعيني ع صفحة

جنة ...انداريت شفته واكف كدام الباب بس يباوع عليه وبعدين خالتي راحت جوة هو هم دخل وراها اجا وكف كبالي مدة ايدة يسلم عليه صافحني وعايدني شفته نزل راسه باسني من خدي

قاسم ..من طبيت شفت جنة لابسة تراك حصر استرقت النظر واتفحصت جسمها يبوو جسمها فدشي يبجي الصخر .. كتلها احم صايرة دبدوبة وحلوة بس شنو هالتسريحة

جنة .. ضحكت جان يعيب ع كفشتي هههههه وبعدين شاف شعري لونه صاير اصفر لان قبل جان شعري اسود كال حلوة كلت شنو

قاسم ..شعرج كلش حلووو

جنة .. ابتسمتله وكتله شكرا اتفضل جوة دخل سلم ع اهلي وكعدنا قدمت الهم جكليت وماي وسوينا دولمة وتمن مرك

ودجاج مشوي وراها اجا زوج خالتي هم طبعا اكولكم شغله احنا عادي لبسنا يعني مانتقيد بلبس كدام احد ولا نلبس حجاب عادي ماجنت احب حجاب ابددددد،،،،،،،

فابعدين رحت للمطبخ حتئ نحضر اكل للغدة اجت امي وخالتي يساعدوني خالتي كالت انتي ماتروحين تعدلين نفسج وتخلين مكياج كلت مااسوي شي مابيه حيل

فامي كامت من مكانها وكالت شتسوي يومين رتبت نفسها ومااجا خطيبها فاليوم تعبت وماسوت شي وانتو اجيتوا

خالتي ..والله عاد جان يريد يجي بس اخوه اصغر منه اسمه علي كله خلي نروح لل التون كوبري وراحوا .. والبارحة هم كال خلي اروح اشوفها اني كتله لاتروح باجر من الصبح نروح سوة عاد اليوم اجينا

جنة ..اي خووش 😕 ..كمنا بعد خلصنا الغدة وصبينا واكلنا وخلصنا رحت غسلت المواعين وحدي كلت لخالتي انتي روحي كعدي هسه اخلص واجي يمكم خلصت مواعين ونضفت المطبخ ولملت البيت

ورتبته وسويت جاي الهم اخذت جاي ورحت كعدت يمهم شربوا الجاي وراها رحت جبت الهم فواكه بس ابد ماكعدت يمه ولاحجيت ويا بكلمة ...

كله جان كاعد يحجي ويااخو وابويه وره ما اكلو الفواكه زوج خالتي كال يله نكوم نروح قبل مانروح الاسبوع الجاي راح نزفهم

ابويه وامي كالوا كيفكم هي صارت الكم بعد انتو كيفكم هما هم كالوا لعد بهاي اسبوع نحظر كلشي للعرس كالوا ماشي

ورة يومين. خابر ع الموبايل ...جان عدنا موبايل بس مال البيت بس يم امي اني ماعندي واحد يم امي واحد يم ابويه اكو فخابر ع موبايل امي

قاسم ..عمة كولي ل جنة خلي تحضر غراضها وملابسها باجر راح اجي اخذها حتئ ترتبهن بغرفتها

امي ..ليش انتو اخذتوا غرفة نوم

قاسم ..اي اخذنا رحنا اني واخوي اخذنا وحدة ونصبناها الغرفة ..

امي ..ماشي بس لازم جان تاخذ جنة وياك تختار لان غرفتها ..

جنة ...والله يالله انوب حتى الغرفة مو ع ذوقي 😕 .. شفته ضحك كال عمة نفس الشي هو كله نفس الموديل امي ماعجبها بس جانت تبلع وتسكت لان جان كله من جوة راسها صار

سدت الخط وامي كالت بالليل حظري غراضج الصبح راح يجي ياخذج ترتبين غرفتج

جنة ..😔 ماشي بس انعصر كلبي واتوترت وجنت خايفة ماعرف اشلون اعيش وياهم واني ماتعلمت عليه طبعا هاي الفترة كلها اتعودت ع فراك امجد بس مانسيته

ولانسيت حبه وجنت اعرف حرام بعد افكر بي واني ع ذمة رجال غيره بالليل من جنت انام مرات اذكر سوالفنا وابجي صار ثاني يوم كعدت من ساعه 8 رحت غسلت

وشفت امي كاعدة ...رحت حضرت الريوك وتريكنا وكملت شغل البيت كله رحت لغرفتي جان عدنا جنطة جبيرة مال سفر نزلتها من فوك الكنتور ...
خليت بي ملابسي واكسسوارتي ومكياجي وغراض الي هما اشتروها اليه بفترة الخطوبه ....

بس اي شي اخلي بجنطة اي قطعة من غراضي وملابسي جنت اموت بالثانيه الف موته ودموعي تنزل مثل الجمر لان جنت افارك ابويه واخواني وحب امجد 💔😭😭😭 لميتهم وخلصت

امي ..خابرت خالتج كتلهم ورة الغدة تعالو لان ابوج بالبيت خلي نطبخ الهم ويتغدون ونروح

جنة ..تمام طبخنا واتغدينا وراها سويت جاي لابوي وديت جاي اله شفت بعيونه حزن جان شكله يكسر الخاطر مادري ليش

خنكتني العبرة بس ماخليته يحس بيه ماجنت اريد يشوف دموعي

وراها اجو خالتي وقاسم كالو ها جاهزين امي كالت اي ورحت بدلت ملابسي ع سريع لبست بلوزة صوف لان جانت دنيا برد بلوزة صوف لونه ذهبي  .....
ويا بنطلون كابوي وسويت شعري كعكه وخليت بس كحل وطلعت انطيتهم الجنطه لقاسم اجا اخذها من ايدي وباوعت ع ابويه داير وجها ع تلفزيون حتئ مايشوف اطلع غراضي ااوووف صعبه هل احساس والله

😭 وطلعت بعيوني مليانه دموع بس صعدت لسيارة كعدت بصف قاسم ....خالتي وامي صعدو ليورة اول ماكعدت بالسيارة انفجرت بالبجي

خالتي هم ماتحملت بجت ويايا بس ماجنت اشوف امي تبجي لولا لان جانت ورايا كاعدة وصلنا لبيتهم نزلنا الغراض خالتي كالت تعالو شوفوا غرفتها صبغناها وراحوا جاابوا غرفة النوم دخلنا للغرفة طبعا انصدمنا اني وامي شفنا الغرفة اخشاب الي جايبنهم قديمة حيييل مال ثمانينات

ماخذينها من بيت جان يبيعون غراضهم مستعملة وهما مشترينها

امي ..شنو هسه الحاظر والغايب اتنازلنا نوب تجيبون الها غرفة قديمة ليش عود شنو بنتي جبيرة لو ماخذينها فصلية لو ارمله

قاسم ..والله هذا الموجود بعد اشتريتها ماارجعها ماباقي شي للعرس

جنة ..جنت احس بغصات ولوعات بداخلي تجوي بيه وماكدر افتح حلكي بكلمة وهم امي سكتت واني كتلها عادي مابيها شي مو مهم الغرفه

امي ..لااني ماموافقه ع هاي الغرفه حيل قديمة

جنة ..بس اني موافقه خليها

امي ..انتي انجبي ماعليج

جنة ..كتلج اني موافقه وانتي ماعليج مو هاي الي ردتي ع شنو تحجين هسه مو جنتي تعرفين حالهم مو زين ع شنو تضغطين ع الناس اني سكتت

قاسم .. يله اني اروح اكمل باقي شغلات العرس واعزم كرايبي وانتوا خلصوا المغرب اجي ارجعكم للبيت

جنة ... كمنا اني وخالتي رتبنا ملابسي وغراضي ومكياجي رتبنا الغرفة من شراشف مال جربايه وبردات والفرش كلشي كملنا

بس بقه ملابسه جنت اسفطهن وصار المغرب اجا قاسم واخذنا رجعنا للبيت كال باجر العصر هم اتحضرو حتئ نروح علمود نحجز الصالون والبدله حتئ نكمل كلشي

كلنا تمام وثاني يوم هم اجه رحنا حجزنا صالون ورحنا حجزنا بدله وراها رحنا عزمنا كل كرايبنا طبعا اتفقوا الحفلة تصير بالبيت

خلصنا كلشي وخلص اسبوع يوميه من مكان لمكان من سوك وع صالون وبدلة هلكنا ع ماخلصنا طبعا ماسويت حنة لاهمه قبلوا ولا امي اهتمت واني هم ماهتميت

بس اجن بنات خالاتي وبنات خوالي بقوا يمي ليله الحنة والصبح امي كعدتني
امي ..كومي حتئ تتحظرين هسه يجي قاسم ياخذج لصالون

جنة ..جانت ساعه ب8 كعدت رحت سبحت وبدلت ملابس مااتريكت لان مااشتهي من القهر الي بكلبي بس الله يدري اشكد حجم القهر والم بگلبي جنت امشي مثل الجثة بلا روح ..كل طعم سعادة ماكو بداخلي مثل الوحدة واليوم راح يسوقوها للاعدام ويكون اخر يوم بعمرها ..هاي جانت حالتي بذاك اليوم 😔 ..

وخلصت طلعت من الغرفة كلت اروح اشويه اكعد يم بابا حتئ اشبع منه ومن ريحته بس مع اسف شفته ماكو طالع من البيت بس خواني موجودين صارت ساعه 9 اجه قاسم وخالتي اخذوني لصالون

وصلت لصالون سرحت شعري جان طويل ومسويتله ميش اصفر ذهبي وسوت الي مكياج فوك العين جانت لون فضي خفيف

بس بي لمعه وايلاينر. وحمرة حمرة طوخ واني بيضه طلعت لعابه كالت كومي لبسي بدلة حتئ اسوي شعرج رحت لبست البدلة خالتي ساعدتني بالبس البدلة هل مرة جانت بدلتي حلوة صدرها كله كرستال ناعم من فوك والصدر جان مثل تفاحة

وجانت صلوخ مابي ردان بس كم حلقات من كرستال تنزل ع كتاف لبستها ورحت كعدت سويت شعري كيرلي من فوك بس سوت بف خلت تاج ع شعري تسريحة تركيه بسيطة وماخليت طرحة. وخلصنا وكملنا

خالتي خابرت كالت تعالو يله خلصنا ورة نص ساعه اجا اخوه وسطاني دك هورن خالتي كالت يله كومي رحت صعدت ليوورة

وخالتي صعدت يمي وصلنا لبيت اهلي نزلت من السيارة شفت عماتي وخالاتي ومرت خوالي حتئ خوالي كلهم جاين استقبلوني بهلاهل بنات عماتي وركصوا لحد مااجا العريس

سمعنا اصوات هورنات ومزايق عرفت وصلوا خنكني العبرة اشويه جان اختنك حسيت ماكو هوا اريد اجر النفس كوه يدخل لريتي
اجه  اخوي الوسطاني ربطلي شريط الاحمر ع خصري لان اخويه الجبير طلع من البيت راح لبيت صديقه جيراننا فاخوي الوسطاني ربطلي الشريط طبعا هاي عاداتنا من الاتراك بالعرس هيج ايسوون للعروسة

اااااه يادنيا شسويتي بيه يعني راح اكضي عمري كله بقهر وألم واجر حسرات اووووف غوركن عيوني وكمت ابجي ..

امجد ...جنت نايم فزيت من كابوس فضيع اختنكت شفت جنة دتغرك ابحر اظلم اتخبلت شصاير لجنة ....

اخر مرة  من امها طردت خواتي بعد مكدرت اتواصل وياها ومكدرت ادز عليها ناس خفت هم يطردوهم امها دمرتنه

وحطمتنه والله ماجنت اريد شي بس ردتها شمعه تضوي حياتي والله مجنت اريد غير الحلال وحرموني منها الله لاينطي الي جان السبب ...

كمت من فراشي بدلت ملابسي وطلعت رحت لبيتهم عبالك جنت مخنوك ومحتاج جرعة اوكسجين وجانت هيه هل جرعة  هاي .....

بس من وصلت جانت الطامة الكبرى والصدمة الي شفتها كدامي والي زلزلت الكاع الجوايه وهدت الدنيا ع راسي شفت حبيبتي ببدلة العرس ودتنزف لغيري

ولكم اااااااااه 😭😭 يادنيا هاي حبيبتي ولكم هاي بنية كلبي ولكم هاي تربات ايدي ...شلون تاخذوها مني  شلون تنزف لغيري شلون يلمسها غيري ولكم ها جنتي هاي رويحتي هاي النفس الي يصعد وينزل بين ضلوعي ولكم ردتها تصير مريتي وحلالي ليش سلبتوها مني

ليش غصبتوها تلبس البدلة البيضه لغيري ياريت متت ولاشفت هل يوم .....مكدرت اتحمل عيوني انفجرن بالبجي بس ماخليتها اتشوفني درت وجهي ورجعت لبيتنه

مكسور كلبي حسيت انسلبت روحي مني كلبي دينزف دم هسه ....انشلع واخذته وياها وراحت من ايدي ....

شكد صعب هل موقف من شفت رجلها كامشها وايده بيدها وطلعوا وصاروا كدامي اووووووف يادنيا شسوينه وهيج صبيتي علينه ضيمج وقهرج 😭😭

يا أهل العرس لازم أطب
لو حته اوكف ليوره
بالزفه كلتلها اجي
بالبدله اشوفنها ردت
هذا الحجي تتذكره
خلوني أطب لحد يكلي شعازمك
اسئلووها تعرفني تره
زفوها خلي أمشي تعبت
زفوها ماعندي وكت
بالليل ضلمه المكبره

جنة..... اجه العريس وخواته يركصن ويهلهون اجه كعد يمي اشويه بس حجه شي ورة اشويه كال يله خلي نكوم

لزم ايدي كومني اني خانكتني العبرة بعيوني جنت ادور بلكي اشوف ابويه قبل لااطلع بس ماشفته بس شفت اخوي الجبير من طلعنا من البيت شفت اخويه الجبير واكف يم بيت جيرانه ماتحملت اشرت اله كتله تعال اجه كبل حضني وبجينا وراها بقت عيني اتدور ع شخص ثاني شخص جان الملجأ الي جان الامان الي جان الراحة الي بس ماشفته حسيت كلبي انشلع وبقه بهل مكان الي يشهد ع حب عمري الي ضاع واندمر 😔😔 ....

وراها صعدوني بالسيارة انطلقنا .....بعدها رحنا للمصور ناخذ جلسات تصوير ....اخذنا كم صورة وراها طلعنا رحنا لبيتهم بدت حفلة بيتهم .....شغلوا اغاني طبعا احنا تركمان ماعدنا كولات وهوسات مثل اهل الجنوب ههههه جانت كله اغاني تركمانية وراها جابوا كيك قطعنا وكلني واني وكلته وهم شربني ببسي واني هم شربته

من العصر لحد الليل بس يدكون يركصون دخت من الاصوات والهوسه وجانت دنيا ليل وباردة حييييل لان جان عرسي بالشتا بتاريخ 2004/11/25

وبعدها خلصت الحفلة والناس بدت تبارك وتروح بس بقئ خوالي وخالاتي واهل زوجي لمحت امي من البعيد شفتها كاعدة منهارة من البجي

صفنت بيها كلت معقولة هسة حسيتي بقيمتي معقولة ضميرج كام يأنبج يايمه .....
بس رغم القساوة والظلم شفتها من امي بحياتي مكدرت ارفع صوتي عليها ولااكرهها جنت دائما اكول اشماسويتي بيه تظلين امي لان انتي الجنة جوة اقدامج ف شفتها من بعيد كاعدة تبجي مادري ليش من شفتها هجي كسرت خاطري

ماحسيت بنفسي تركت ايد زوجي وخليت ناس جانوا يروحون شلت بدلتي بيدي ورحت ركض شمرت نفسي بلكاع جوة رجليها غصيت وانهاريت بالبجي وحظنتها بوستها طبعا شكلي صار فلم رعب الكحل كله ساح انكلب وجهي الئ مصاص دماء

كومتني امي وباستني ونصحتني كم نصيحة  وراها راحت امي وخالاتي وخوالي

ورحت غسلت وجهي ودخلوني لغرفة راحوا هو اجه كعد يمي شافني كاعدة ابجي اجه كعد يم رجلي واني جنت كاعدة ع جربايه لزم بيده الاثنين وباس كصتي

وبعدين لزم ايديه وباوع عليه وعيوني كلها دموع كتله موجاهزة اني ....صفن بوجهي اشويه كام وكف ع حيله كال عادي مااجبرج ارتاحي ال
كمت رحت بدلت ملابس لبست تراك لان جنت بردانه حيييل وهو هم بدل ملابس واخذ جكارته وطلع من الغرفة هوطلع

واخته المتزوجة دخلت اجتي يمي شافتني ابجي كالت تعالي طلعي اشويه كعدي يمنا

طلعت وياها شفت الكل كاعد بالهول واني هم اشويه كعدت وياهم هو هم اجه اشويه كعدنا وبعدين كال يله كومي خلي نروح لغرفتنا لان اليوم تعبنا هوايا كمت رحت ويا للغرفة، ،،،،،،

طبعا هما 5 اخوان و3 بنات ....اخوهم الجبير طالع من البيت بس بيته كبال بيتنا اسمه جواد واخو وسطاني اسمه جهاد هذا مطلك مرته واخو حاتم هو نفسه زوج خالتي وعلي اصغرهم اصغر من قاسم بسنتين

والبنات اختهم الجبيرة اسمها سيوكل متزوجه بناحية ليلان واختهم الوسطانيه متزوجة بكركوك اكو منطقة اسمها بيريادي منطقة تركمانيه واختهم الصغيرة بعدها جانت مامتزوجه بوكتها جانت من مواليد 1982 اسمها نوال ،،،،،

دخلنا لغرفتنا كال اروح اكول الهم يجيبون النا عشا كلت ماريد ماشتهي تعبانه كال اني هم مااشتهي راح انام لان تعبان طفئ ضوة اجه بصفي نام
بس انطاني ضهرة ونام واني صح جنت تعبانه ونعسانه بس مكدرت انام لان فاركت بيتنا وغرفتي وفراشي وماشفت بابا وامجد اووووف كل ماذكر امجد جنت استغفر ربي اكول حرام كافي مايصيير بعد افكر بي

لازم انساه حتئ اكدر اعيش حياتي ويا هالانسان بقيت بمكاني بس اتكلب لحد الفجر وسمعت صوت اذان الفجر كلت مادام بعدني كاعدة وماجايني نوم خلي اكوم اصلي احسن ....

رحت اتوضيت وخليت سجادة ع الارض ولبست جادر مال صلاة صليت ودعيت ربي يطلع حب امجد من كلبي لان احس اخون زوجي بعد مااكدر ودعيت ربي يدخل حب زوجي بكلبي حتئ احبه واعيش وياه

وراها كملت وخلصت شلت السجادة رحت اتمددت بصفه وانطيته ضهري بقيت بكلبي استغفر واقرا معوذات لحد ماغفيت وماحسيت الا واني اسمع اصوات برة كعدت شفت ساعه 9 وانداريت شفت قاسم
ماكو رحت وكفت يم باب الغرفه سمعت صوتهم كاعدين بالهول يتريكون

لان خواتهم ماراحن بقوا يمنا مشطت شعري وسويته كعكه وطلعت رحت غسلت وجهي رتبت غرفتي طلعت شفت زوجي كاعد وياهم بس يشرب جاي ماياكل اي شي كالي تعالي كعدي اتريكي ويانا ضرب بيدة ع الكاع يعني تعالي بصفي كعدي
..

وللحكاية بقية ..

ومن هنا ستبدأ حياة جنة الجديدة ومعاناتها

يتبع ..

#سارة_المجيد🎀